Tun hnaiah leh tun hnai lovah pawh hna lâk chungchangah thil felhlel a tam khawp mai. He’ng thil felhlel awmte hi thil dang vang ni pawhin a lang lo, kan Mizo society vang a ni ber mai. Kan la tlem em a, kan inkawmngeih si a, chhungkhat laina leh ṭhian kan nei fer fur a, an hmaizah kan tina bawk si a. An hnena duhsakna kan lantir theih dan chu, hna pek leh sawipui angah kan ngai tlat mai a ni.
Kan tikhawm tel tel a, kan ti ṭhêm ṭhêm a, thilsual pawh kan ngaihtuah tawh ṭhin lo. Kan rilru ṭhatna hian kan thil ṭha tih tur a hliahkhuh ta a nih ber hi. Hna lak leh dil chungchangah sawi duh pathum ka nei ve a, ka’n tar lang ang e.
1. Petu
Ṭum khat chu sawrkar hna lian ve deuhva thawk, an hotu lu berte inah ka leng a. Kan titi kan titi a, nakinah chuan an nu (a nupui) hian, “Ani pawh hi in office lamah OA anga lak dan ngaihtuah a ngai a nih hi..” tiin an pa hnenah mi ti ta hlawl mai a! An pa lah chu a lo bu nghat nghat roh va! Ka dil ni hauh si lovin hna ka hmu chu a ni deuh der mai. Ka facebook profile-a work saw in hmuh chuan thil kal zel dan chu in hrethiam maiin ka ring.
Hna petu hi a pawimawh ber mai. An hna pek theih ang chi-ah reng reng chung qualification pawh ngaihtuah map lovin an hmelhriat leh ṭhian ṭha, laina hnai leh chi leh kuangte an duhsak hmak hmak zel mai a; a pawi. Thil ṭha tih duhna thinlung an put loh chuan tuna kan buaina hi a reh ngai lovang. Ka han tarlan tâk ang khian, tunah chuan khitiang khi kan la ni rih e.
A pe theitu hi a diltu leh tihpuitute aiin an tlem fé a, chuvangin he’ng mi tlemte-te hi zirtir an ngai a; awareness hian kawngro a sut tak tak loh avangin dân anga an chunga action lak hmak hmak hi a reh dan tur ṭha ber a ni ta e. Action la hmak hmak ngam sawrkar kan neih hunah kan nghah ram a thleng chauh vang.
2. Diltu
Ṭum khat chu kan hnathawhna hmunah hian home guard (tlang taka sawi chuan) dil tum mi pahnih hi an lo lut a. Pen-a an thil ziah chu computer-a type chhuaka print-tir an lo tum niin. Kan han enchian nâk chuan Home Minister lehkha tur leh, an block hruaitu hriatpuina lehkha — lehkha pahnih hi a lo ni a. Anni lah chuan zah tâk aruangin Minister hmuh hmasak an tum dan an la sawi ang suam suam a! Ka type-sak lo chiang khawp mai.
A diltute hian rilru thianghlim tak kan neih a ngai a, tling ngei chunga tlin kan tum tur a ni. Tunah chuan, hna dil dawna thiltithei deuhte hmuh kher hi thil tih mâkmawhah kan ngai tawh a ni. Kan rilru hi nasa takin a piangsual tawh a, mipui mimir rilru sukthlek hi kan her danglam a ngai. A tu-a pawh mai hian sawipuitu hi kan melh ruai a, a theih dan kawng kawngin kan dap a, ṭhianzahova awmkhawmnaah lah sawipuitu neih chu insawitheih nan tak kan hmang ta dah a!
Kan rilru ngaihtuahna danglam thei tur chuan sawi leh fuihna a tam tur a ni. Hetia kan ziaka kan sawite hi insawisel mai lovin, a tam hneh ve hrim hrim hian awmzia thui tak a nei tih hriat a pawimawh khawp mai. Tin, hna dil tumte hian awlsam taka tlin kan tum tur a ni lo va, thawhrim zet hnua hlawhtlin kan tum tur a ni; chu chu a hlu ber. Awlsam taka tlingte bawk hi a ni, eiru ṭhin te chu.
3. Sawipuitu
Kan tawnhriat ka sawi leh ang. Ṭum khat chu kan lênna inah bawk hian hetiang lampang hi ka tawng leh a. Mi pakhat hi a lo lêng ve a; sipai leh hna dang danga thawk tura a mi sawi luhpuite leh a sawi luh dan te chu nuam ti deuhvin a sawi vei suam suam a. Amah lah chuan uan nan taka hmang ang hrimin, a lênnate nau pawh a duh phawt chuan a sawipui theih tur thu a la sawi ta deuh deuh va. Sual leh sual lo lampang a ngaihtuah tawh lo reng reng.
Hetiang hi kan ni. Mi thiltithei deuh nih kan châk a, hnaa mi kan sawipuia an tlin hian kan intithei em em a, thil zahthlakah ngai lovin mi zingah sawi nuam kan ti em em a ni. Chu lo lehah chuan, kan sawi tlin avanga hlawkna têl kan tum a, kan duham em a ni. Sum hi nunna emaw kan tih chhung chuan kan duhamna hi a reh lovang.
Nia, kan duham em a ni! Kan khawsa sang tawh si a, kan nupui pasal leh fanaute an inchei sang bawk si; a ṭhen phei chuan ram pawnah kan dah a, a enkawlna leh zirna senso a lo sang si. Anni lahin nu leh pate sum hmuhna an ngaihtuah mang bawk si lo. Nu leh pate tan chuan sum hi a hlu a ni. Chuvangin, a theihna kawng kawngah a theih dan ang anga sum hmuh kan tum a, thil ṭha ti turin kan mit del phui ta tlat a ni.
Ka ziak thui ta mah mah, duhtawk dawn teh ang. He’ng mi pathumte hi Mizoram-a hna lak dan dik lova a mawhphurtute an ni e. An inkamki ṭhap. Anni hi an dam chuan he buaina hi a reh ngei ngei ang. A tawpna atan Bible chang pahnih ka’n tarlang hram ang e, a thlarau mi ber ang ziazangin.
Thuhriltu 5:10 — Tangka sum ngainatu chuan tangka sumah duhtawk a hmu lovang a, hausak ngainatu chuan duhtawk a hlêp hek lovang.
I Timothea 6:10 — Tangka sum ngainat hi sual tinreng bul a ni si a.
Similar Posts:
- Ram tan a nunna thap, zahthiam dangdai!
- Kumtling lo Pawngsualtute hremna dan hi na taka siam theih nise.
- TawiNawi-III
- Chhanlet loh hmangaihna
- Ka lo tawngtaipui che asin..
January 24th, 2012 at 8:06 pm
Mawhphurtu te hi chu an dik lo a ni.
January 24th, 2012 at 8:06 pm
BANG RAWH SE…
January 24th, 2012 at 8:21 pm
Mithiltithei deuh hmelhriat emaw chhungte nei tan chuan hna hi, an qualified anih phawt chuan harsa lo tura ngaih a ni. Puitu nei ve lem lo tan chuan “thiam filawr lak” nih a ngaih hmel.
January 24th, 2012 at 8:35 pm
Tsa hian ro rel rawh se…..a fel mai ang. (Y)
January 24th, 2012 at 8:38 pm
engtikah tak zoram khua hi var ang maw… Ka hah.
January 24th, 2012 at 8:40 pm
Ka’n tuhnih ve teh ang:
Kan ramah hian hna hmu turin thamna a ngai tawh lo. Tunhma kha chuan ar, kel ui adt. an lenpui thin.
Tunah chuan duhsaktu leh thuntheitu nih a tul hmasa ber tawh.
Thiamnain pawimawhna a nei chau tawh hle. Dilthei chin nih ve che che tawh phawt chuan, a thuntheitu duhsak nih a tawk tawh. Kan venga drug addict, kut leh ke vung ul tawh, zawi em em mai pawh a thun theituin a thun a, 2006 vel khan Police a ni daih tawh. MPSC kaltlang ho hi chu an la pawmzam theih viau, a hnuailam ho hi chu fair lo thei tak an ni.
January 24th, 2012 at 8:41 pm
A lo nih khi.
…khrum
January 24th, 2012 at 8:41 pm
TS chu va sawi tha ve… Kei pawh ka hah 😛
January 24th, 2012 at 8:42 pm
Mizoram chauh a thil thleng nilo in India ramin a kalpui dan tlangpui a ni zawk lo maw Sawrkar hna lak ah chuan?
Private company ah chu chuan a thiam tan chance a tha.
January 24th, 2012 at 8:45 pm
Nakinah chuan Manipur te angin hna chhete ah poh lakhs pek loh chuan luh a la har tralh ang.
Ziak tha khop mai (Y)
January 24th, 2012 at 8:51 pm
Ka lo luangliam lutuk mah mah a, duh aiin a lo sei a nih khi mawle.. Khi pawh khi ka insum zawk mah mah a. 😛
January 24th, 2012 at 9:08 pm
K’u TS i va post tha riap2 ve 🙂
January 24th, 2012 at 9:14 pm
Keichu ka ni ve lo ania..
January 24th, 2012 at 9:26 pm
A tha hle mai, ka pawm thlap e. Sawi belh tur reng ka hre lo… (Y)
January 24th, 2012 at 9:34 pm
Lungngai suh u na kum ah an tla vek tawh dawn,kan mangtha tlang vek ang chu.
😛
January 24th, 2012 at 9:45 pm
A thuchah khan chhiartute tih tur min tuk tel tlat mai! Misualkawm-ho tan thil harsa a ni em lovang chu maw?? 😉 kalphung hlui hi kalphung tharin thlak hun a la nei chek ang. (Y) (Y)
January 24th, 2012 at 9:48 pm
Tha lutuk!
Hmun thum atangin i thlir a, a awmzia hle mai.
Pu Tirhkoh Paula’n a nau duhtak Tv Timothea hnena a lehkhathawnnaa a ziah tel- ‘Tangka sum NGAINAT hi sual tinreng bul a ni si a’ tih i lo tarlang hian a ti famkim leh zual e. Helaiah hian Pu Paula hian pawisa neih hi sual a ni e a ti hauh lo va; mahse sum NGAINAT erawg hi chu sual a ni, a ti a ni. He Bible chang hi mizotawnga lehlinah chuan a fuh ber pawl a nih ka ring thin. NGAINA han tih hian buaipui em em emaw duh ngawih ngawih emaw lam a kawk a ni. Amah aia sum duh ngawih ngawih hi a tha lo bawk a ni.
January 24th, 2012 at 9:57 pm
@rempy Sum tak tak ai chuan pawisa hi a hlu jokes 😀 . .ziak tha khawp mai (C)
January 24th, 2012 at 10:04 pm
Post ngaihnawm tak ani, a sawi lai dinhmun enin boruak a hahtlak tih mai lo chu. Sorkar hnathawk hlawh hi tun aia 75% in tlem sela, sorkar hna chu tlawmngai fe thawh chi ani tawh ang a, mi tha an thawk nual tawh zawk ang.
January 24th, 2012 at 10:07 pm
Contract atana hna kan in la hi a tha. Mahse thawh rei deuh a a nghet tur a kan in ngai hi a tha leh lo zual. Ka lo hmelhriat ve zawk, khawvel pum pawhin a mithiam a an ngaih khan, ‘ka term a zo dawn a, hna thar ka zawn leh a ngai ta’ tiin min hrilh. A ‘term’ hun chhung a a hnathawh khan, hna dang a zawn lehna atana puitu atan a hmang dawn chauh a ni. Hetiang a hna kan thawh chuan, hnathawk tha lo hi a awm theih dawn em ni???
January 24th, 2012 at 10:10 pm
20 (Y) (Y) (Y) (Y) (Y) (Y) (Y) (Y) (Y) (Y)
TUAIPUIA NGE2 POST THA THIN TEH E. :-S . .
January 24th, 2012 at 10:10 pm
Thu tha tak tak, dik tak tak, beidawng lova huai taka auchhuahpui thintute hi in ngaihsanawm e. A sawi hi han tam ve phawt se la, tlem tal zawngin kan zia awm phah deuh ngei ang. (Y)
January 24th, 2012 at 10:16 pm
I ziak tha leh pek hle mai. A thiam thiam tlina ram Mizoram hi ni thei se aw! Kan thalai lehkhathiam ho rilru an hliam nat lutuk hun a thleng mai dawn…
January 24th, 2012 at 10:17 pm
job security ani tawh lo..employment security nei turin in update reng hi a tha zawk e…
ka lawm e
– communistically socialistically in
-bonez
January 24th, 2012 at 10:33 pm
Comment zawng zawng ka (Y) vek e. 🙂
January 24th, 2012 at 10:38 pm
a zia-in a daih lo a ni maw…:D
January 24th, 2012 at 10:43 pm
Thil thalo titute avangin inti lungngai duh suh la, fello taka ti te chu awt hek suh.. tih thu pawh hian inhnem a har thin reng a ni.
January 24th, 2012 at 10:52 pm
Post tupa i lenna hmasaber hi min han hrilh ve keuh teh, len ve ka duh a nia…
Kan awmna a MBBS zirzo pakhat khan Sorkar-ah luh dilin a interview a, board chairman khan “Rs.5Lakh min pe la i tling a ni mai…” a ti a ni awm e. Chupa chuan a hnua a sawi leh dan chuan,’Nuai 5 te chu nei ila sorkar-ah ka lut nguar ang, mahniin clinic ka run anga ka hlawk fe zawk ang…’ ati a ni awm e. Hna chhete hmu tur pawh hian SUM HMAHRUAI pek a ngai nasa tawh khawp mai.
Gud post…(Y)
January 24th, 2012 at 11:38 pm
Point 2-na khi a diltute chu an diklo tho nain a bulpui chu Home Minister tho khi a ni ang em ? Midangin Home Minister recomment an neih miau chuan engmah nei lova va kal ngawt kha chu huphurhawm deuh tur a nia. Home Guard hna dilnaah tumahin Minister lehkha an nei ngai lova, minister in a pe ngai heklo, tih hi an thinlungah inziak nise chuan an beisei bik kherlo thei tlat a ni. Mahse an thinlunga inziak hi a danglam ta tlat a, beisei chi niin an hre bawk a, minister in hnadiltute lehkha a pe thin, tih an hre chiang ngei bawk niin a lang. Tichuan, kan inthlahchhawng chho ta zel chu a nih hi. :-0 🙁
Post huaisen tak a ni. (Y)
January 25th, 2012 at 2:00 am
Dan leh thil dik hrim hrim kan ngaisang vak lo! Mizo te hi hnam rinawm tak kan ni lo a, thelret hralh lai pawn lungte emaw bal emaw hlum hnan duh mai kan ni! Kan zia hi ala naupang a ‘thang lai kan ni’. Hetah chiah hian hruaitu tha kan mamawh em em ani. Kan politician te hian ram an hmangaih tawk lo a. Ram leh hnam ai chuan ‘party leh tlin dan’ bak an ngaihtuah lo.
Hetiang ringawt a kan kal chuan kan chhe zel ang. In sawi manipur ai khian kan la nep ang. Hei hi zawlnei nilo mah ila ka sawi lawk ani. Enge kan tih tak ang? Mahni theih, a dik thei ang ber a nun tum ani mai. A dik thei ang ber zelin aw..
January 25th, 2012 at 2:21 am
Comment chhiar a nuam a, tu pawhin thahnem kan ngai vek a, a lawmawm khawp mai.
January 25th, 2012 at 2:26 am
Human Resources ang te hian applicants/applications hi lo screen ve se.. (Mahse Mizo an nih chuan duhsakbik an awm leh anga!!) Chuan hmelhriat leh sawipuitu neih vang ni lovin qualified ten hna an hmu thei ang. Tuna a kal dan hi chu a diklo a ni..
January 25th, 2012 at 2:30 am
Mamboih..enge i an a? dam tha maw?
January 25th, 2012 at 2:34 am
In pahnihin lo inchhai teh u! Ka lo tînsan mai teh ang che u. Tun lai chu hrisel loh a chhuak tlat! 😉
January 25th, 2012 at 2:36 am
TuaiSialA.. 🙂 kei pawh ka mu dawn..mangtha u..
January 25th, 2012 at 2:36 am
Larpa dam e.. TS kal bik lo e a!
January 25th, 2012 at 2:38 am
Zanin chu mut hma zan anih hi, mu ve daih teh ang!! mangtha vek ule..
January 25th, 2012 at 3:09 am
Tuaisial-a hi…..patling upa deuh tawh turah ka lo ngai che a, i blog ka en a, tunge i nih ka hre ve chiah! 😀 Comedian Search a tawngthei deuh kha nangmah lek hi ilo ni maw? Ava mak em!
January 25th, 2012 at 8:16 am
tuaisiala chu ziak thra khop mai
January 25th, 2012 at 8:36 am
tukin zing vanglaini ah khan MSU in thu chhuah a siam a RMSA LEH SSA hna lak chungchangah ti hian “hei vang hian tun hnaia hna thar lak leh turah pawh dik leh felfai takin a tling leh tlakte ngei lak an nih theih nan uluk taka hna lakna kalpui kan duh a,kan thlir zui reng dawn ani”an thu chhuah hi thra chu ka ti lutuk mahse ka nuih a ti za ang reng khawp mai.Double standard hi mizoram ah hian kan practice nasat in ring em?
January 25th, 2012 at 8:44 am
Good post, TuaiSial!
Snoop33 @ 40,
Kan khawvel hi double standard khawvel a ni tawh – geopolitics ah te, human right and justice ah te, democracy and freedom ah te, etc, etc. Necessary Double Standards?
January 25th, 2012 at 9:06 am
kha double standard a kha mi dang life ,career, ti chhe zawng a mo thil negative ti thleng tu nih chuan keichu neccessary ka ti lo,chuan double standard ka rawn sawi na chhan pakhat chu tuna telegraph in an ron chhuah a dik lo taka an lak an ron tih kha enge mo ni pawl a in hmang deuh u ni awm e an sawi dan chuan,double standard???enge misualcommers in kan ngaih dan
January 25th, 2012 at 9:09 am
TSa, hi misual zingah chuan Mizo tawng ziak thiam tak( a uluk thin) niin ka hria. Mizo tawng leh ziak hi ka’n thlah zel te tan an inzirna kan ni si a…..
January 25th, 2012 at 9:12 am
vlhauhnar #43 “ka’n” a? 😛
January 25th, 2012 at 3:58 am
Snoop33 @ 42,
Key chu double standard nei hi tha ka ti miah lo.
January 25th, 2012 at 4:08 am
HV, haha…tihpalh… i sawi dik chiah. kan tawng hman leh ziak te hi a dik loh chuan faksel bawrh bawrh hi i hreh lo ang u….
January 25th, 2012 at 4:21 am
Ku tsa a nge nge a va ṭha leh pek em
inthlan leh hun chu a paws tupa hi khawi bial emaw ah ding ve teh se, misual ho hian i vawrh teh ang u.. chuan hna te kan dil ve anga
January 25th, 2012 at 4:46 am
kan chhungkhat laina hnai deuhten hnasang tak thawk se, hnate minpe ve se, tih hi kan duhthusam a ni tlangpui awm tak a sin maw le.
January 25th, 2012 at 5:02 am
@48 ni thei khawp ang… tianglam ah hi chuan ka la fihlim kei chu… ka duh lo bawk a,
sorkar hna aṭang hi chuan hausak a har tlat (eiruk ve theih loh chuan 
)
January 25th, 2012 at 5:07 am
Nakum inthlan hi misual ho hian kan chuh ve mai dawn min le..
January 25th, 2012 at 10:52 am
@M_Pautu: An inpuan phawng phawng ngai lo!
@Snoop33 & MaraHisbicus & Pakak: Ka lawm e.
@vlhauhnar: Ka thiam bik hauh lo. Mahse, kan thiam loh ang angin kan uluk thung a, hma kan sawn phah ve zel a nia.
January 25th, 2012 at 12:01 pm
BBC a Obama thusawi te saw va ngaithla teh un! OT
January 25th, 2012 at 12:46 pm
Post ka like e. Sawipui lo a tling tur chuan thiam fal bik nih a ngai.
January 25th, 2012 at 1:01 pm
Minister nih hi a nuam ngawt in ka ring. An lal si, an hlawh a tha si, a langa ei tur (ei ruk ni lo in
)a tam bawk si. Hmun tin deuh thaw ah an tlawn rawn sup sup mai a nih hi maw.. 