“Rampui-lian United States ang chu Mizoram nen khaikhin chi a nilo,” kan tih ka hre fo mai. Ni e, a ram len zawng te, a ram in ropui hleihna kawngah te, pakhat state anih laiin pakhat rampui (country) anih naah te kan khaikhin loh tur thil a awm nual ang. Chutia tih karah chuan khaikhin theih, entawntlakna leh ramdangin an tih, Mizoram a kan tihve theih reng si kan tihloh vanga ram leh mipuiin kan tawrh hi a langin a tam a ni.
Mi thenkhat chuan, “Mizoram pawn atangin ram in rawn vei a, Mizoram vei tak tak ni ula a ram chhungah in awm ang chu,” tite pawh an awm bawk. A nihna takah chuan Mizoram chhung a mite hian tih kan tum siloh chuan, ram pawn atangin a lang lurh mai bawk si a, Mizo tan chuan mahni ram chu vei loh a har ve bawk em a ni.
Mizoram kan hmangaih a nih chuan kan tih theih reng kan tih siloh te kha ti ila, chuti chuan ramdang atang pawhin chhuang takin, vei ngai lovin kan hmangaih zual sauh sauh ngeiin ka ring a ni. Engpawh chu nise, angaite bawkin rualawhna ka’n sawi leh poh ania’ng chu.
United States hi khawvel chhung a awm, mihring chenna tho anih angin eirukna, hlemhletna nasa takin a awm ve tho mai. Ram hruaitu thenkhat chuan thamna (bribery) an la ve tho mai mahse, dan kengkawhtute (police/court) lamin thlei bik an neih loh thin avangin, chutiang eiru leh thamna dawngtute chu hrem anni fo thin.
Nikum mai pawh khan Maryland state chhunga county pakhat (County ah hian mi 100,000 emaw a aia tam emaw an awm a, local government a ni) Prince George’s County a an Executive pakhat, Jack B. Johnson chuan thamna a lak avangin rorelna (court) chuan kum 7 lungin tang turin a chungthu an rel a. A nupui Leslie Johnson, council member pawh thamna pawisa thukru leh thil thupbo tumna avangin kum 1 leh nikhat tang turin a chungthu an rel thlu a ni.
Chutiang deuh tho chuan, Washington DC council member, Harry Thomas Jr. pawh tax a ziah dikloh vang leh sawrkar pawisa mimal ta anga a hman vangin a hna atangin a bang a, May ni 3 ah an hrem dan tur court in a puang ang.
He mite pahnih hi entirnan ka rawn dah mai a ni a, thildang tam takah pawh dan (law) a lal zia chu keini hmuh leh hriat theihah pawh hian a awm thin. An dan kengkawhtu, police te hi zah tlakin an khawsa a, zah an kai bawk a. An roreltute pawhin thleibik an neilo hle thin. Mizoram angin puten thingtlang lamah an transfer daih ang tih an hlauh vangin an hnathawh tur an thulh phah ngai heklo. Ka sawi awmzia chu, an aia lal (higher rank) chhungte emaw hmelhriatte emaw thiltisual/dan bawhchhia an awmin dan angin an man hmiah hmiah mai thin.
American te hi eng hnathawk pawh nise, a tlangpui thuin mahni hnaah an rinawm tlangpui awm e. Mihring rinawmlo nih chu mahni zelin an tawrh thin vang pawh a ni ngei ang. Sawrkar hna nghet thawk pawh nise, hna nghet tak tak pakhatmah a awmlo ti ila ka sawisual kher lovang. Hnathawk tha peihlo chu an ban pawp zel mai a, hei hian mahni hnaa thahnem ngaihna chang hrelo nih a tihar em em thei bawk ang.
Tin, hnathawhna reng rengah hian tumah, pianhmang emaw, rual ban chiahlo an nih pawhin tumah an rilru nat theihna turin emaw fiam khap tlat a ni a. Mipat hmeichhiatna lam hawizawnga thawhpuite fiam ngat phei chu in ban (fire) nghal tawp theihna a ni.
Ram hmangaihna thu hi an sawi sek lova, an nunah leh an cheziaah a langin a hmuh theih fo. Mi tupawh an thawhchhuah awm an inhriat avangin, a chuangliam nei awm a lang chu sawrkar lamin a chhui vat zel. Eng hna pawh thawk sela sawrkarah tax an pe theuh a, tax pelo chu revenue service lamin an dimlo hle bawk. Tax pek tur zat pelo pawh theih ang angin dan hmang a an chungah rorel a ni thin.
Mizoramah chuan thlakhat a Rs.10,000 vel emaw hlawh pawhin concrete in, motor leh khawvel thil a duh ang chu a man petla vekin a nei thei fo mai. Hetiangte hi sawrkar lam hian chhui ve sela, diklo chu hrem ngam se, an hlawh chhuah chin bak pawisa chu laksakin, an bungruate lilam (auction) mai sela, tun ai hian nasa takin Mizoram tih changkanna tur mipui tan pawisa a awm zawk ngei ang. Mizoram siam changkanna tur pawisa an pumbilh hmak hmak zel a, mipui ten rel rel mah ila, a langa kan auchhuah ngam siloh chuan kan hriat loh hian min nuihzat thin ngawtin ka ring.
Ram hmangaihlotu, ram eichhetu, tawngkam chauh a ram hmangaih ho hi i tlawnlo ngam ang u. Ti ngam hmasa kan awm a ngai. Tunah chuan hlemhletna a thuk tawh lutuk a, tumah inti chhe ngam an awmlo a nih hi. Mi huaisen, hetiang mi bawlhhlawh, ram hmelma te tudai thei tur tunge awm le? Kan dan neihsa ang tehi zawm tha ila system tha kan neih theihna tur chu a ni mai. Chutiang tur chuan mimal tin kan pawimawh.
Chunglam a ka ziah eirute chungchang an rel dan chhiar duh tan:
http://tpmmuckraker.talkingpointsmemo.com/jack_b_johnson/
Hnathawk tute tan a hamthatna leh invenna sawrkar thuchhuak, dan (law) chu (MD state): Hrechiang duh tan, ‘Title’ hnuai ami te hi click hawn theih zel anni e.
http://www.dllr.state.md.us/oeope/poster.shtml
January 12th, 2012 at 8:04 pm
A tha thin viau mai a,HV nge nge taima thin e.
January 12th, 2012 at 8:10 pm
Hetiang hi sawi tam ila, ziak thiam ten ziak tam sela, mi taima leh dikte hi sawi huai huai zel ang u. Post tha a tling e. (Y)
January 12th, 2012 at 8:22 pm
Hnampui nge nge, post tha thin e 😀
January 12th, 2012 at 8:26 pm
kan ramah hian ro rawn rel ve chiah sela, ban tur leh hrem tur an va tam dawn em !
January 12th, 2012 at 8:30 pm
A tha ka ti kher mai. Hmun danga awm bawk hian a ni, kan ram thanmawhbawk hmu chiang ni.
January 12th, 2012 at 8:32 pm
(Y)
January 12th, 2012 at 8:35 pm
Han mitthla chhin te hian hnuk a ulh teuh thei tak tak asin. Thangthar, Mizoram rawn enkawl tutur te hi hawizau leh ram hmangaihna thinlung pu tak tak ni sela. Tun a kan officer tam zawkte, contractor tamzawk te leh piliticians te chetdan hi entawn lullo sela ka ti thin ngawih ngawih.
January 12th, 2012 at 8:36 pm
bei tha hle mai ka veizawng tak ani. Rawn ziak zel rawh, abuaithlak lai a chu kan ram roreltu te leh officer ho te hi an inhrethiam thui lutuka, inhremngam an awmlo hi kan buaina ani. Chief Minister pawh an pawr hluaia, azung nen phoro an tum chiah mai kha chuh, a sawihma angai rum rum ang, ngamtlak tak tak tu ten an han tim tak tak mai ale, angawih leh duk tawh hi!! a tram atawp dawn ruai chu anita a, enge a phoro tak engmah hriattur a awm tawh loh hi!!. Dan aiin an lal zawk a Dan an hman duhtlat loh chuan Dan chu kawngsirah rinawmtakin alet mai mai anih hi!!!! mahse beidawng loin rawn ziak zel rawh i titha e.
January 12th, 2012 at 8:40 pm
chhiar tam! a ni awm tak e a! Good post! (Y)
January 12th, 2012 at 8:41 pm
#7 politicians*
Hausak phah nana hman tum lova ram enkawl peih, hmangaihtu kan mamawh.
January 12th, 2012 at 8:46 pm
(Y) (Y) (Y) (Y) (Y)
Zan lamah comment ang.
January 12th, 2012 at 8:48 pm
Ka rin aiin alo sei hrep mai a 😛
January 12th, 2012 at 8:58 pm
Mizoram hi kan khaikhin dawn anih chuan khawvel ram changkang ni lovin India ram chhunga state hrang hrang nena khaikhin chi niin ka hria. India ram ropui, min chawmtu mah Developing country anih chuan keini Industry pawh neilo hi eng kan ang thei lovang. Rev. Dr.K.Thanzauva sawi ka hriatreng fo thin chu,” Mihring tungchhova piang tupawh mai hi mahni thawhchhuah ni lo thiam taka hmangthiam tumah an awm lo” a ti a. A sawi awmziaah chuan, a thlawna kan dawn leh kan thawhrim rah ni lo hi tumah hian kan hmangthiam lo.
Chuvangin, Ram hausakna leh khawsak nuam, khawpui changkang hi kan tehna ni lovin, social values hi changkang kan tehna ni se Mizoram hi kan duai lo. USA-a an standard of living leh GDP kan thlir lai mek hian Crime rate pawh kan en tel a tul fo a ni.
January 12th, 2012 at 9:02 pm
Chemtatrawt #13 standard of living emaw lam reng reng ka sawilo. Khawvel hmun danga an tih theih, Mizoram ah pawh kan tih theih kan tih siloh ka sawi mai a ni e. Chhiar chiang hram rawh khai.
Chuan min chhanglo hram rawh aw, ka hnial peihlo che. takzet.
January 12th, 2012 at 9:03 pm
Kan ramah chuan intham (bribe) hian hmun a chang thuk vak lo. Thuneitute hian an chanai tur hi chu an ruahman thiam khawp mai. Development atana sum dah pawh hnathawhna’n an hmang ngei a, mahse a eitu an tam thin avangin a quality-in a tuar thung a. Thil beiseia kan miliante tham tum chu a sawt lo khawp ang. Tham an ngai lo, an chanpual turah an chiangsa tlats. Hlemhletna leh eirukna practice danah chuan khawvela pawi ber a ni hial ang chu. Tham theihin awm se, sum bo thlau a tlem zawkin hna pawh a tha zawk hialin a rin theih rum rum.
Post hi ka like e. (Y)
January 12th, 2012 at 9:04 pm
(Y)
January 12th, 2012 at 9:09 pm
Hetiang lam chhiar or ngaihtuah hi chuan rilru hi chu a hah duh thin zawng a ni e. A hrem thei dinhmun a han din ve mai hi a chak awm rum rum thin.
January 12th, 2012 at 9:11 pm
thachianga #15 i sawi hian “A ni awm tak e a,” tih theihna min nei rum rum mai. Thamna ang chiah a kal lovin “Lawmman” angin pek te hi kan ching riau bawk tak asin.
Entirnan mai mai: Hman kum khan ka mi hriatchian deuh mai chu tu emaw pakhat hian thil tih tir a tum a, inah len lehchilh pah khan ui (dog) a rawn kai a. Ani kha uisa duh ve thin tak a ni nghe nghe. Ani chuan, “E khai lawmman emaw duhsakna hetiangin ka dawng ngai love, kan kawmchhakah khian… a awm a, i duh leh han pe rawh,” a ti daih
January 12th, 2012 at 9:14 pm
Ka hnial reng reng lo che. Eirukna leh thamna i rawn sawi avangin ka rawn comment ve mai a ni e. Ka comment hi i chhiar chiang lo zawk a ni lo maw aw? Kan ramah hian tham ngai hi kan sawrkar hnathawk hi ka hmu khat khawp mai. Vairamah erawh chuan thamna pek loh chuan license leh lehkha pawimawh a chhuak mawh viau.
I duh ang ngeiin hei bak chu ka rawn chhang lo ang che.
January 12th, 2012 at 9:23 pm
Kan ramah pawh Dan hian rorel se chu kan heti tehnuaih biklo tur ania. Dan hi a hmingin a awm a, a thei fa in duh duhin an pal thle mai mai a, sawi sawi pawh hi a chang chuan ka ning thin, mi ram chanchin han hriat phei hi chuan rilru a na thin.
Eirukna chungchang te pawh hi ka ti thin, tumah hi an eiru lai va man tak tak thu a awm silo a, tihian kan hotute pawh hian an enliam mai mai ni berin ka hria. Phak tawk tawkah theuh hian eirukna chuan hmun a khuar. Sorkar hnathawk, a monthly income leh a assets inmil lo, chhui tham ngawih ngawih hi chu an awm mawle 😉
January 12th, 2012 at 9:27 pm
Separation of Judiciary hi Mizoram in kan hlip anih loh chuan, engtik ah mah hma kan sawn lovang. Pu Duhawma cheuh hian a duh. Party leader dang hian hlih ah hlau.
January 12th, 2012 at 9:30 pm
Tualvungi #17 ni e tiraw… Mizo te lah hi tangrual thiamlo kan la nileh zel mai bawk si. Kan tanrual thiamna ber chu mob rule. Mizoram thatna turin kan tangrual thiam hlawl lo hi a pawi a ni. Internet chungchangah pawh kan tangrual thiamlo anih hmel hlein ka hmu. Heti khawp a internet muang mai hi a pawttu te hi tangrualin nawr ta sela, a tul chuan thlakhat pawh pawt lovin awm vek ngam sela chuan an tichak sawtin rinna ka nei. Internet te hi awmlo tih dawn a awm ve tingtang si, han hman dawn a hman tlak tak2 leh hman peihawm loh tak a ni leh lawi si.
Hetiang thleng hian kan ram enkawltu mi chi hrang hrangte hian mipuite hi min hnehsawh a nih hi mawle. Thangthar fel tak tak an tam ta, an ni hian tha takin han enkawl teh se. Beiseina kan nei ngam turah ka ngai…
Chemtatrawt #19, ka hnial peihloh vang che in ka rawn sawi lawk mai mai anih kha. I thei hli hlei em a ka hnial peihlo che mawle 😛
Thu sawiho dan (debate) hi a awm ve a, nang chu ka chhungte sawi tel ten min chhang ta thin a, khatiang khan ka lai a kheuh (ka tawngkam hman ve hrim hrim)tlat pek thin alawm. Tin, khatiang khan ka hmai chhanah min biak ngam ka ringlo bawk. Internet a hetiang social network a kan thu dah te hi khawvel pumpui atangin a hmuh theih a, a danwgsawngtu te hi keimahni ang mihring tho annih hi i hre thinlo deuhin ka hriat vang mai a ni e. I huat turin ka sawilo ania aw. Ka hmuh leh ka thlri dan, ka thinlung a ka feel dan ka hrilh che a nih chu. Ka sawi te reng reng hi kei chuan ka biak ate hmai chhan a ka sawi ngam tur zel ka sawi tih min hriatsak bawk dawn nia.
January 12th, 2012 at 9:31 pm
@21, Separation of Judiciary chungchang hi hmanah khan a ri hluai a, an ti tak tak ngamlo chu anih hi. Engkima inrawlh a thuneihna pumphlum neih an duh alawm, chuvanga an thlah phal loh.
January 12th, 2012 at 9:37 pm
Pu HV, ka thiamloh a ni e. Tahan khua i tih bawng bawng leh Bangladesh lamchhuak i tih pawh kha mi hmaichhanah i sawi duh te chuan khatianga kah let pawh kha engahvak i ngaih ka lo ring a. Ka haw miah lo che ania, i fiamthu ang chenin ka lo fiam let che a, ka thiamlo lailet der a ni e.
January 12th, 2012 at 9:45 pm
sheldon #23 avan pawi vele aw :-S
Chemtatrawt #24 Bangladesh emaw Tahan chhuak i nilo tih ka hai hleinem. Lunglei mi i ni a, tuna i chenna in awmna thlengin ka hre maithei asin. Arakan chhuak pawh nila chawrchhuahna lam emaw avangin tumah ka endan a dang ngailo tih hriat theih khawpin ka thu post leh comment te atangin a hriat theih tawh ka ring. Mimalin mihring ka en ber fo. Fiamthu leh thulo thliar hrang thiam la a tha a ni mai. Kan titi naah ka nupui emaw, ka chhungte reng reng sawi tel tawh lo la a tha ani mai. Chutiang tello chuan fiam ka dawl teh mai ania. Anyways, No harm done… so far 🙂
January 12th, 2012 at 9:56 pm
“Ram hmangaihlotu, ram eichhetu, tawngkam chauh a ram hmangaih ho hi i tlawnlo ngam ang u. Ti ngam hmasa kan awm a ngai.”- A dik chiah. Mahse eng vangin nge ‘NGAI’ ah chauh hian kan tawp thin? Dik tak chuan tawngkam chauhva ram hmangaih,eirukna vulh lian tu te hi a tawngkam chuan kan do vek, Mahse Mizo mipui tam berte thinlungah erawh chuan heng ho hian hmun sang tak an la chang chiang a ni. Sawi tur a tam, insawi thinrim hmain duhtawk daih ang! HMUI chauh ni lo, a taka hlemhletna do tura luhchilh ngam hi kan ram hian a mamawh a, chutiang mi chu MAWL tiin mipuite ngei hian kan nuihzat leh zel bawk si! MORAL REFORM lo chuan engmah hi kan siamtha lo vang. Siamtha tur chuan a taka thawk ngam an awm a ngai bawk!
January 12th, 2012 at 9:58 pm
Tarmita #26 a dik ang (Y)
January 12th, 2012 at 10:03 pm
Mi thenkhat chuan, “Mizoram pawn atangin ram in rawn vei a, Mizoram vei tak tak ni ula a ram chhungah in awm ang chu,” tite pawh an awm bawk. A nihna takah chuan Mizoram chhung a mite hian tih kan tum siloh chuan, ram pawn atangin a lang lurh mai bawk si a, Mizo tan chuan mahni ram chu vei loh a har ve bawk em a ni.
Inside looking out ai chuan Outside Looking in hian thil an hmu fiah duh khawp mai… Great Post! (Y)
January 12th, 2012 at 10:04 pm
Chhei le. Misual.com a kan sechal 2 an in si ta e..Dullai sial leh vankal sial aiin an nep bik chuang lawng e..He post hian century a vaw chhuak ngei dawn e..Nuam dawn ee..
January 12th, 2012 at 11:14 pm
Hairehai…Pu Duhawma pawh a ram a hmangaih avangin IPS hna a bansan tawp a, a ram ah hna nei lovin a rawn kir a, a retheih phah hle 😀
A ban chhan hi a ti mai mai nge tak tak niang le?
January 12th, 2012 at 11:29 pm
Kan misual.com dullai sial leh vankal sial insi chu an va zuai hma ve..han ti tak tak teh u..boruak a hot lo tlat.. 😛
January 13th, 2012 at 12:38 am
Tha hle mai (Y)
India (Mizoram) dan lekkawh dan leh US lam i rawn compare a, example i pe nual bawk a..a tha ngawt mai.
Kei meuh pawn Misual-ah hian ram hmangaihna lam vawihnih vel chu ka ziak ve tawh zan 🙂
Vanglaini lamah te vawmbei chi anih hi. Hetiang thu ziak hi kan mamawh a, kan la mamawh zel ang.
Dan hi kan nei tha em em a, mahse ram retheiah hian a lekkawh tak tak theih loh anih ber hi a. Retheite hian kan chanvo diktak hmutur a Dan angaih laiin mi hlemhle te tan chuan dan kha an mamawh lo ani.
Khawvel kal phung hi a kual a, kan mizoram dinhmun hi Zamindari system nen khan ka tehkhin tawh a..
Vawiin a lunch kan ei laiin, thianpa in car tlawm chi ho hralh a tla lo a, 20 % velin a tla hniam a, mahse luxurious car ho chu 80% in hralh a kal ati daih mai! Hei hi khawvel trend niin a lang. A hausa ho hian mipui 80 % hi an thuhnuaiah min dah dawn ani.
Mizoram ah pawh hei hi a thleng reng mek niin a lang..In siam that a tul tawpkhawk ani.
January 13th, 2012 at 12:52 am
(Y) (Y) (Y)
January 13th, 2012 at 1:29 am
Ka thian thenkhat, engineer leh ‘neer lo te pawh hi ka hlawh, sorkarin ka chan tura a ruat chauh ringa chhungkaw chawm ka nih thu ring fe fein, midang awm lai tein ka sawi khum chiam thin a. Za lo deuhin an nui tawi tak zel. An eiruk erawh an sim phah chuang pawhin ka hre lem hlei lo a.
Sawi sawi mai pawh hi sawtna zawng a la awm mah na. Sawi mai lo deuha ataka che duh te hi awm tel nawk ila tha lehzual te hian ka ring thin.
January 13th, 2012 at 1:37 am
Pu HV-a an na hi dik ka ti khawp mai. mr.Duhlova post nen pawh sawn in zul na deuh a awm. Kan ram hruaitu leh thil ti thei te hi ka rin ai daihin an rilru hi a chhia….an inchhung khur leh sum leh pai an chelek dan hi kan hriatpui kilh kelh lo nangin mi diklo hi chu a tam zawk an nih ka ring. Zak miahlo in Kohhran ah hotu dinhmun an chang a, sum leh Pathian rawng huai taka an bawl kawp hi chu mak ka ti á¹hin. An fa te lah hi pate eiruk zarah an inla chhelo in an la thaw lian em em lehnghala. Mahse khawvel hi zawng Setana lal ram ni miau hek le…hui ha ;-(
January 13th, 2012 at 1:46 am
Tha hle mai.
Nia ram changkang leh hausa te pawh hi hausa sa in ram a awm sa bil miah lo.
Thawh rah in ram hausa ah an siam mai zawk a ni.Chu chu ram HMANGAIHNA a vang a lo awm a ni bawk.
Ram pawn atang hian a lang chiang khawp mai a chhung a tang pawhin a lang chiang leh zual.
Ram changkang a awm ang tih ve mai thei ram tan tih har lem loh hi a tam em em in kei ve ngei poh hian ka hre em em a chung te chu tih ve niseng chuan rualh awh ngawih leh zoram rawn vei ngul te poh a zia mah na sawi sen a ni lo
January 13th, 2012 at 1:55 am
Ziak á¹ha tak tak, amaherawh chu hmusitna tel lovin hmangaihna tak tak thinlung ni sela a á¹ha lehzual ang. Thu hi chu a tam thawkhat tawh, thinlung taka sawia Jeremia te Israel vei anga á¹awngá¹aina nena á¹ahpui khawpa vei duh hi chu kan vang hle á¹hin in ka hria.
Englekhawle, dan naran in zangthal meuhva mu in, lehkhabu chhiarin ka han in awi muhil ve tawh teh ang 😀 Ka mengrei á¹hang tawh lutuka mu chunga lehkhabu chhiar loh hi chuan ka muhil thei lawk tawh lo…haha
Mawngphai leu leu u
January 13th, 2012 at 2:35 am
Kan ram, Mizoram tana thil tha duhte hi (Y) (Y)
January 13th, 2012 at 3:01 am
Ka mut a chhuak ve…
Mangtha u le….
January 13th, 2012 at 3:07 am
#39@lrp…la mu love kan in kawm dawn chauh lawm 😉
January 13th, 2012 at 9:00 am
Pu HV, i post á¹ha hle mai. I point rawn tarlante khi ka thlawp vek.
Tin, mi ram (ram pawn) aá¹ang hian Mizoram hi a lo lang chiang zawk emaw tih tur a ni fo. Mi ramin an tih mek thil á¹ha, kan rama tih ve mai theihte hian rual awh an tinâ a, a sawi loh theih loh á¹hin a ni. Ram pawn aá¹anga Mizoram á¹hatna tur kan sawi lo ngaimawhtute an awm chuan chutiang mi chu Mizoram hmangaitu an ni ngai lo vang.
January 13th, 2012 at 9:18 am
keimah #41 ka lawm e. I sawi, “Ram pawn aá¹anga Mizoram á¹hatna tur kan sawi lo ngaimawhtute an awm chuan chutiang mi chu Mizoram hmangaitu an ni ngai lo vang.” i tih hi ka rilru-in a ngaihtuah ani fo asin.
January 13th, 2012 at 9:37 am
paws á¹ha tak a ni (Y)
@5 (Y)
January 13th, 2012 at 10:11 am
Pu Hawla sawrkar hi a tha khawp mai, Agency ah VC a dah a. Devolopment lam pawh company in tendar chhangin an khawih daih tawh. Inti contructor ve, hna chhe deuh deuha thawha hlep teuh tum ho chuan company hnuaiah an thawk peih lo. Kan rep, phoro chiang khawp mai. Hetiang hian, Party dang ho hi chuan an ti theilo chiang sa. An hawlhbuai vek ang a, company hnathawk theiloin an siam leh thuai ang.
January 13th, 2012 at 10:55 am
post tupa thlirdan hi a tha…
thenkhat mimala in beih chak taktak hi an awm ve hranpa a…la la (U)
January 13th, 2012 at 11:31 am
Relative taka thil thlir hi a that rualin awm lo deuh deuh compare emaw analogue fo emaw hi chu a fuh lo deuh.
Miin ram an vei tak tak chuan a pawng atakin an sawisel chiam chiam ngai lovin ka hria. Chu ai chuan khawlaia bawlhlawh paih lohte leh polythene hman tlem duh avanga dawr vela polythene lam duh miah lote hi an ngaihsan awm letling zawk!
January 13th, 2012 at 12:30 pm
46# Ignatia (33-115 AD)a sawi ang khi ka ni tlat in ka hria 😉
January 13th, 2012 at 12:44 pm
Post tha tak a ni. chhiar leh mahni a ngaihtuahna lo siam ve vak2 bak chu tih theih a va tlem ve.
January 13th, 2012 at 2:08 pm
thra khop mai….. (Y)
January 13th, 2012 at 5:42 pm
Tha lutuk tlat. (Y)
Mahse HV, post tha kan ti luai luai ang che ang a, a tha tihah hian kan tawp tlang leh ringawt ang tih chu a hlauhawmin ka hria. Sawi zui pawh kan peih vak kher lo ang. Zahmawh rawngkai sawi hote, fiamthu nuihzatthlak lamte hi kan tuipui tawk vel chu a nih rih hi a! Hei hi Mizo zia ve reng nge, kan tlin tawk a ni rih zawk ang em? Huiham
January 13th, 2012 at 11:17 pm
Hemi zawh chiaha en leh turte tana ninawm turin.. phek thar
January 14th, 2012 at 10:34 am
Nia mawle. Kristian duhlo a kan ngaih ramah Missionary kan tirchhuak ur ur thova (Mizoram atang ngat phei chuan an vei em em lehnghala). “Kan ram hi pawn, entirnan Mizoram atang ten, atang khan in rawn vei em em a” ti a an chiar hiar thawm pawh ka la hre lem hleilo a, duh leh Mizo vekin Mizoram an vei te chuan enge lo sawisel vak na tur
January 14th, 2012 at 10:40 am
chhangte_ll #52 i ziak buai nuai nangin, ania sin, Mizo vêk ten kan ram kan vei lovin tunge vei chuang ang tiraw?!
January 14th, 2012 at 10:46 am
Govt. of Synod saw, “Arunachal daih daih in vei” han ti chiah la
Chuvangin mahni duhzawng theuh vei ila, insawisel loh tur…
January 14th, 2012 at 10:49 am
Zoram tan a ka ngaimawh em em pakhat chu sawrkar hnathawk, ram danga awm nghet tawh si ie:nupui/pasal nei a ramdang a kum tam tak awm tawh te.. Mizoram sawrkarah hna chelhlai an la nei tlat fo mai hi a ni.
A khat mawitawkin ‘explanation call’ an nei ve thin niawm tak a ni a. Chutih hunah chuan an rawn haw zeuh a, an awmna lamah an kir leh nal nal mai thin. Lang taka mipui chanai eiru anni ka tilo theilo.
Mizoramah sawrkar hna a vang kan ti fo si a, hetiang ho, thawk hleilo, hlawh nei/neilo te hian midang hna nei thei tur an dal tlat a, hlawh la la rengte phei chuan pawisa nasa takin an eiru a ni. Hetia hna nei anga an la awm hian pension te thlengin an la nei thei ngei dawn a, anni aia ram thanmawh bawk an awm chuang dawn em ni le.
Hetiang mite hi chhui chhuak zelin an chungah action lak ni sela ka ti hle mai… Ka pianna Mizoram tan!
January 14th, 2012 at 10:52 am
H.V: Mizoram lo chauh ah pawh chutiang chu a tam alawm. Kum 5 tlin hma a va ‘Join’ leh keuh ani mai
January 14th, 2012 at 11:15 am
#56 a tenawm, ram thanmawh bawk, ram hmelma
January 14th, 2012 at 11:20 am
Pu Hv, he i thuziak hi tukin Vanglaini-ah ka hmu e. ‘Zoram Tan’
January 14th, 2012 at 11:29 am
TS, hlawh zat awmna lai khi tuaihnum a chakawm khawp mai, chutiang a chhuak tur chuan. A chanchinbu phek copy ka hmu e. Ka hming kha address nen a chiang angreng
January 14th, 2012 at 11:42 am
Nia, address kha a chiang khawp mai!
January 15th, 2012 at 1:27 pm
(Y) (Y)
vanglani ka rn chiah 🙂
January 15th, 2012 at 1:28 pm
Misual to Mizoram hi a hle ber mai (Y)