Extracted from Zozam Weekly
Tunhnaia Lunglei khawpui chhunga Biakin pathum suasamtute chu Lunglei Police ten an man ta.
Biakin suasamtu an man te hi Lalrinmawia (20) Venglai leh Lalbiaknunga @ Tetea (24) Electric veng te an ni a, an ni pahnih bakah hian midang inhnamhnawih an awm em tih Police te chuan an chhui zui mek.
Lalrinmawia leh Lalbiaknunga te hian UPC (NEI) Biakin, Electric veng a mi chu an suasam ngei tih an sawi a, an suasam hma hian Chanmari thlanmualah an inthawi tih Police te hmaah an sawi a. Ramthar venga Zion Baptist Kohhran Biakin leh UPC (NEI) biakin chu Lalrinmawia hian amahin a suasam niin a sawi bawk.
Lalrinmawia hian Ramthar venga Biakin pahnih a suasam hma hian Electric veng thlanmualah an inthawi tih sawiin, hemi hnu hian Ramthar veng panin an kal a, an thlen hma deuhin Lalbiaknunga hian a kirsan nia sawiin, amahah hriattirna a dawn tlat avangin Ramthar venga Biakin pahnihte hi amahin a suasam ta tih a sawi a, a duma inthuam pakhatin a hruai niin a sawi bawk.
Ramthar venga Biakin pahnih a suasam hun tak hi Lalrinmawia hian hre lo nia sawiin, Biakin pahnihte hi a kar tawn niin a sawi. Zion Baptist Biakin atanga Stabilizer a ruk chhuah chu a hralh hman a, Police te chuan an lakir leh a ni.
Lalbiaknunga leh Lalrinmawia te hian Setana hnenah an inthawi thin ngei thu an sawi a, Setana hnena an inthawi avang hian hlimna emaw, lawmna emaw, an hmu lo tih sawiin, ruihtheihthil erawh an hmuh phah thin niin an sawi.
Lalrinmawia hi Pathian thu te pawh lo zir tawh, rawngbawla chhuak thin a ni a, Lalbiaknunga pawh hi rawngbawla vak thin, team te pawh siama lo vak kual hrep tawh a ni. Biakin suasamtute an man chungchangah hian SDPO PC.Lalchunglura leh OC Inspector Vanlalzawni te chuan thuthar lakhawmtute leh Kohhran hruaitu thenkhatte kawmin, Setana betu nia hriat te chu an khawm mek tih an sawi a. Thuthar lakhawmtute an kawm lai hian mi 11 an la tawh a, an zingah hian hmeichhia pahnih an tel a ni.
He huna tel UPC (NEI) hruaitute leh Zion Baptist Kohhran hruaitute chuan an biakin suasamtute, Police ten awlsam taka an man chu fakawm an tih thu an sawi a, Biakin suasamtute chungthu chu thuneitute rel turah an dah tih an sawi bawk.
Lunglei atanga chawlhni tin chhuak chanchinbu lar tak ‘The Sunday Tribune’ in a tarlan danin Lunglei khawpuiah Setana be thin mi 50 vel an awm a, pawl hniha inthenin, thlanmualah an inthawi thin a ni.
Similar Posts:
- Setana bia in tiin Biak in suasam!
- MLA vengtuten police driver kut an thlak
- Laltanpuia Awmna Veng Nih Duh Lo
- Mizo Aw :: 15 Jan
- Lunglei YMA-te’n Ruihhlo zuar dim dawn lo
January 15th, 2007 at 4:20 pm
Setena be Pawl te lo awm mai mai
A hmanlai tawh eeeeeeeeee
Mahse an suasam tak Biak in te khi ka lo ui tawp
Report this comment
January 15th, 2007 at 5:55 pm
Biak in pawh zah zo tawh lo mizo zing a han awm thei chu amak hle mai……
khawnge “Rahsi veng tlangval” ka ni tlat mai le , kei chu hemi thu ah hi chuan……….
Report this comment
January 15th, 2007 at 10:28 pm
a va zia lo ve awwwwwww… eng Biak in pawh ni se a ui awm alawm mawle, Pathian betu inti theuh theuh. Kan hman lutuk hian thil tha lo rahchhuah angah anih ber hi maw???
Report this comment
January 16th, 2007 at 3:41 pm
ka ning top Setana inti be ho hi. inlak eng emaw nan hian an hmang nge poh ka hrelo. Bleh.
Report this comment
January 16th, 2007 at 3:50 pm
Setana ai chuan pickles hi ka be chak zawk.
Report this comment
February 11th, 2007 at 11:18 am
Kei chu hei Delhi ah ka thian te nen lehkha kan zir ho a!
heng thu kan hriat te hian a hrehawm kan tih rual rualin vannneih kan in ti hle ani!!!!!!
SETANa pawl te mai mai chu kei ni PATHIAN FA te hian kan hneh thei alom!!!
kan zam bik lo
Report this comment
February 11th, 2007 at 11:23 am
uiha tunlai chu natine SETANA a va lar ve a Mizoram ah hian hmun a chang lo a engvang kherin nge a lo inrawlh ve khanglang a mizoram haw pawh a ti chak tawh lo lutuk mi hmingtei sawi kha a dik lutuk tops
Report this comment
July 27th, 2011 at 1:28 pm
ÄÅÌÎÍÒÀÆ ÄÅÐÅÂßÍÍÎÃÎ ÄÎÌÀ ÖÅÍÛ…
minny…
Report this comment