Mizo Tawng Thenkhat Tobul – II

September 20th, 2011 6:15 pm by lalrinasailo

1. Thingsulthliah : Tunhma chuan khua leh khua inkalpawhna kawng hi ram reh tak a ni thin a. Chumi kawng, ramhnuai rai nuam lai taka nula leh tlangval lo mudun lai tak phawkna hmun chu, khualzin ten an serh a, an thinhrik a, a kal apiangin kawngsira hnahchhawl (sul) chu an thliak a, an dah ta zel thin a. Chutia an dahna hmun chu, ‘Thingsulthliah’ tih hming an lo puttir ta a ni. Hnahchhawl (Sul) thliaka dahtu apiang chuan an dah pahin ‘Kawng na dam nan’ an ti pah zel thin.
     Thingsul thliahna hmun hi Mizoramah hmun li (4)-ah a awm.
                 i) Tlungvel khaw bul, khaw hminga an chawi tak ‘Thingsulthliah’ khuaah hian a awm
                ii) Aizawl to silchar kawng, sakawrhmuituai khaw bulah a awm
               iii) Champhai Venglai thlang, Zemadar rawhna mualah a awm bawk a, tunah chuan Kudam sak nan an hmang tawh
              iv) Mizoram hmar chhak, Paihte ram depah sawn a awm bawk.
     Thil mak ve tak mai chu, Burma ramah khian, an ram khawchhak lam Shan State leh Thailand ram inrina, ramhnuaiah khian, Thingsulthliahna chu a lo awm ve tlat mai zu nia. Mizote thlang tlak lai vel hian, a then chuan khawchhak lam an pan tih chu he Thingsulthliah lo awm ve hian a nemnghet hle awm e.

2. Uire : ‘Re’ tih chu a pa dang dangin uipui an thlahpawlh sawina a ni a. Ui hi a pa dang dangin an pawl rawn thin avangin, ‘Ui hi chu a re mai mai a ni,’ an tih atangin ‘Uire’ tih hi a lo piang chhuak a ni.

3. Mena thlak : ‘Ani tawng mai mai chu menah thlak rawh’
‘Men’ tih chu khuarkhurum thuk tak emaw, kawr thuk tak emaw sawina a ni. Chuta thil thlak reng reng chu engamaha ngaih tawh loh, hriatreng tlak tawh loh leh pawi hawl tawh lo a ni a. Chu nena tehkhin, ‘Mena thlak’ tih hi a lo piang chhuak ta a ni. Thilzau, huapzau sawina a ni thei bawk.

4. Hraichawi nau : ‘Hrai’ hi kho chikhat hming a ni a, hraikhoah hian nausen an mut a, an chawisawn thin a. Tin, hruiin an khai a, an then nelh nelh bawk thin a. Heta tang hian ‘Hraichawi nau’ hi a lo piang chhuak a ni.

5. Hnam : ‘Hnam ka len nuam mang e, theihchang se doral angin’
‘Chempui’ Chem hrim hrim sawina a ni a. kan chhak unau Paihte tawng a ni a, Paihte sawi dan tak phei chuan ‘nam’ a ni.

(Source: ZO HNAM DAN DEH by V.L.Ruala)

17 Responses to “Mizo Tawng Thenkhat Tobul – II”

1
rowland vanlalawia Says:
September 20th, 2011 at 6:19 pm
Burma rama an thingsulthliah na chu engtin nge hming aput zui le? A bengvarthlak lutuk.
2
mr. rowlenn Says:
September 20th, 2011 at 6:26 pm
Uire chu(h)..van mak ve aw..beihrual nuam u le.
3
Chhuaklinga Says:
September 20th, 2011 at 6:34 pm
Bengvarthlak hle mai, mahse champhai a thingsulthliah awmna a sawi hi chu a dik hlel deuh, venglai thlang lam chu a nia, vengthar a ni a, kawn nuam tak a ni a, kudam erawh an la sa miah lo.

kudam chu aizawl roadah leh new champhaiah a awm, tunhma deuh chuan vengthlangah a awm thin a, an thiahna a rei tawh mai.
4
century child Says:
September 20th, 2011 at 6:38 pm
5
H.Vangchhia Says:
September 20th, 2011 at 6:50 pm
Thingsulthliah tobul ka hre ta ka lawm e. A dang te erawh ka hriat sa hairehai :insawithei:
6
Kawnga Says:
September 20th, 2011 at 7:07 pm
Thingsulthliah chu a lo va sexy ve..
7
buh-duha Says:
September 20th, 2011 at 7:52 pm
Hetiang hi post tha leh tangkai a ni
8
Ozima Says:
September 20th, 2011 at 8:08 pm
Bengvar thlak e…….
9
khelawk Says:
September 20th, 2011 at 8:10 pm
ka la hriatloh hlir, ka fing leh ta sawt mai, post tha tak a ni.
10
ReMpY_ScisSoR Says:
September 20th, 2011 at 8:44 pm
uire hrat chu menah kan thlak ri dup ang.
11
fatherphoenix18 Says:
September 20th, 2011 at 9:01 pm
“ii) Aizawl to silchar kawng, sakawrhmuituai khaw bulah a awm”
tih hi sakawrhmuituai tlang tih tur nizawk awm tak..sakawrhmuituai khua a awm lo hrim2!!
12
Pangpuielhtliaka Says:
September 20th, 2011 at 11:05 pm
Sakawrhmuituai tlang hmingput chhan hi a sexy deuh aniang. Han zawh chian lah hian tumah min hrilhfiah chiangkuang duh an awm lo. Sakawr in pawl tir tih lampang te khan an sawi deuh thin emawni… ka chiang ta lo. Thingsulthliahna hmun a lo ni zawk ani maw?
13
vakul Says:
September 20th, 2011 at 11:11 pm
Hmanah Sakawrhmuituai khua hi a awm tawh em kha aw…?

Tunah chuan a awm lo phawt a
14
chawnghilh Says:
September 21st, 2011 at 6:15 am
Thingsulthliah chuan SI LOH hi a va tam dawn rua!
15
Nghatunval Says:
September 21st, 2011 at 6:54 am
“Thingsulthliah ” hming put tir tur hi a tam awm ! Einch ! Kan hre kimlo mai mai te hi a ni ang e ?
16
R.Lalropuia Says:
September 21st, 2011 at 7:25 am
Va’n tha e..
17
lushai_er Says:
September 21st, 2011 at 12:57 pm
@post-tupa: Part1-ah khan min chhang lo, “Zo Hnam Dan Deh” awmzia hi min hrilhfiah thei em aw..?