( Post pakhat comment-ah khan he hla hi rawn ziak chhuak tur a ngen kha kan awm a, khawi post ber nge ka hre tawh si lo a, a hranin ka rawn post ta mai. A that mai piah lamah lung a ti leng ve hrim hrim, p/s kal lai a kan sawi rual dial lai te kha aw..)
1. Ka nausenin tu nge mi kawl?
Ka nu, ka nu duh tak chu!
Tawng thei lovin tu nge mi pawl?
Ka nu, ka nu duh tak chu!
Ka dam lo va, a tlaivar a,
Ka tap a, min lo chawi mu thin.
Hah takin, chak lo chung pawhin,
Ka nu, ka nu duh tak chu!
2. Ka lian deuh deuh tu nge mi zilh?
Ka nu, ka nu duh tak chu!
Thenrual awm dan tu nge mi hrilh?
Ka nu, ka nu duh tak chu!
Ka thu pawi tham lo a ngai zo,
Ka ei tur tumin a awm fo,
Ka sin tur a hmaihthelh ngai lo,
Ka nu, ka nu duh tak chu!
3. A tihzia dawnin mi tinem,
Ka nu, ka nu duh tak chu!
Tihsak ve thung ka va duh em!
Ka nu, ka nu duh tak chu!
Chet danin ka tilawm zel dawn,
Ama thawh phal lovin ka fawm.
Ka nu hi zah ber tur alawm!
Ka nu, ka nu duh tak chu!
Similar Posts:
- Enge in Ngaih ve dan ?
- Combined Post – NY lamah & Lukhum Lian
- ZOROCK hla thar ‘MOBILE’ leak out
- Nupui neih hmain engmah ka post lo
- Ravi Arora chungchang MZP in sawifiah
September 20th, 2011 at 11:52 am
Hei chu Zosapthara phuah a ni lo’m ni??
[Report abuse]
September 20th, 2011 at 11:54 am
En lovin ka han sawi chhuak mai dawn a, ka buai ta deuh tlat mai a. Ka lo save hmak ang e. Nu te hmangaih leh zahthiam te hi Pasal atan kan tha a nia.
[Report abuse]
September 20th, 2011 at 11:56 am
1. Keipawh Edwin Roland-a phuah amaw ka lo ti deuh a.
[Report abuse]
September 20th, 2011 at 12:09 pm
Terema Chhakchhuak@1, kan p/s kal lai ’80 vel a kan sawi rual dial dial kha chuan, phuahtu Nuchhungi, kan ti thin ngei mai chu a nia(h). Tunah pawlthum zirlaiah hi chuan phuahtu an ziak miah lo.
A hre zawkte thukhawchang ilo nghak phawt mai teh ang.
Hand set atanga post ka nia, buai nuaihin ka submit a, ka edit thei tawh si lova, admin ten min lo rem fel sak a, an chungah ka lawm takzet e.
[Report abuse]
September 20th, 2011 at 12:11 pm
Lower P/S-ah kan sawi rual thup thup thin kha…..lung avan tileng em
Changkhatna khi chu ka la bel khawp mai, a dangte hi ka lo bah tawh anih hi!
[Report abuse]
September 20th, 2011 at 12:13 pm
Ka f1rst ve t1at mai a!
Rhyme scheme mumal tak a hman dan leh hla thu thenkhat titoh deuh taka a hman avang pawh khian Pi Nuchhungi phuah chu a nih ka ring lo. Ka hriat dan chuan Zosapthara phuah ngei a ni e…
[Report abuse]
September 20th, 2011 at 12:14 pm
Pi Nuchhungi phuah ngei chu ania lawm! Kan veng Primary School (Mizo Medium), Pi Thani Sikul an tih thin a kan kal laiin kan sawi rual dal dal thin. Phuahtu Pi Nuchhungi tih khi kan sawi tel thin. Lung a ti leng hle mai!!!
“Ka dam lo va, a tlaivar a,
Ka tap a, min lo chawi mu thin.
Hah takin, chak lo chung pawhin,
Ka nu, ka nu duh tak chu!”
tih leh,
Ka thu pawi tham lo a ngai zo,
Ka ei tur tumin a awm fo,
Ka sin tur a hmaihthelh ngai lo,
Ka nu, ka nu duh tak chu!
tih lai khi ka duh thin a nia aw!!!
[Report abuse]
September 20th, 2011 at 12:18 pm
@ #2 mama’s boy te hi pasal atana neih chi loh ber an ti thin zawk a
[Report abuse]
September 20th, 2011 at 12:30 pm
@ #8 Facebook leh internet vela an thil vawrh lar mai mai ni in ka hria… Nu te zah thiam lo leh duat thiam lo hi an nupui te tan pasal tha tak an nih ka ring lem lo.. Chutiang pasal nei chu an inchhir leh chawk thin zawk in ka hmu asin..
[Report abuse]
September 20th, 2011 at 12:40 pm
A phuahtu lam chu ka hre ver hauh lo mai, mahse Gud Post.
[Report abuse]
September 20th, 2011 at 12:43 pm
A phuah kal zat mai, tet laiin a then then khi chu ka recite ve thin.
Pi Nuchhungi nau Pi Lianchani thung khan Mizo tawngin mi be duh ngai lo. Tar chak lo tak a nih thlengin saptawng hlirin min be ngat thin. Uang!
[Report abuse]
September 20th, 2011 at 12:44 pm
Hmanah ka nu lehkhabu ka present in han bel tel deuh hnap ka tuma ka zawng a ka hmu thei der lova, request tu i tih pawh hi keimah ka niang a, mahse a rei tawh. Tih leh huna ziah tel deuh hnap atan ka’n save keuh ange.
[Report abuse]
September 20th, 2011 at 12:47 pm
kanu ka nu duhtak mai chu. tih amaw kalo ti hman tawh a.
[Report abuse]
September 20th, 2011 at 12:50 pm
`Ka Nu, Ka Nu duh tak chu~ Pi Nuchhungi, Serkawn Pu R.Biaksanga Nu Phuah ngei a ni e. A thu-ulhdeuhte avanga
Zosapthara phuah a nih rin ngawt tur a ni lo. Zosaphote Mizotawng kaldan kha tunthleng pawh hian kan Upalamte hi chuan an la la deuh. Bible lehlinte pawh hi kan tunlai tawng pangngai nen chuan a dang tawh hle. %Tunah chuan hman deuh a NIZAN kha a NIMINZAN daih tawh a,ZANIN pawh a VAWIINZAN zo tawh.TUIHAL te pawh an TUIINAHAL tawh.Mi chapo takte thusawiin naupanghote phei chuan an thusawi sentence tinah ~I HRIA EM? an tithla zen tawh mai a nih hi.Lentlang leh Tiau vela awm lai tawng phei chu tunlai Mizote hi chuan Hnamdang tawng emaw an ti tawh mai ang.Record hlui han awm se tha tur. RING MAI RAWH.
[Report abuse]
September 20th, 2011 at 12:57 pm
funny@12, Good luck.
Nu tha tak, hmangaihtu neih hi a va hlu em.. Mi vanduai tak tak, nu ten an hmangaihna kut a an kuah ve loh te ngaihtuah chang phei chuan, vannei ka inti hliah hliah thin.
[Report abuse]
September 20th, 2011 at 1:06 pm
Nu hmangaihna hi chu a thuk a ni.
Hla pakhatah pawh ‘tapin zawng zawng thin mah ila,chunnu hmangaihna chhing zo awm thei hian ka ring mawlh lo’ tih a awm kha.
Gud post (Y).
[Report abuse]
September 20th, 2011 at 1:07 pm
Hla phuahtu hriat dan inang lo hi a awm nual a nia. “Luah loh Lung di” pawh hi Fam Lalzova phuah a nih ring kan tam zawk ang a, thenkhat chuan Pu Vankhama phuah an ti ve tho nia. Hla bu no. 212 “Zan lungngaihthlak, Zion pindan chhungah” tih pawh hi Patea phuah angin kan hre vek ang a, mahse Pastor Chhawna khan a diary-ah khan ama phuah ang khan a ziak ve tho a nia. Pastor Chhawna inlarna thuhma kha chhiar ula in hmu thei ang.
[Report abuse]
September 20th, 2011 at 1:14 pm
rem lo leh ulh chung2 a, end rhyme/eye rhyme tum ngawr ngawr thin chu kan zosap ho kutchhuak a ni chawk.. Tonal langu. ah hawrawp in ang a in rhyme vek lo tih te hre pha hek lo.. Zosap-te hmu pathian tlatho lah hian sawi mawi leh sawi ril luih talh hi an tum sateh lehnghal a. KHB-ah pawh hian rem lo, ulh leh nuihzatthlak lam rawngkai lek lek a tam hi.
[Report abuse]
September 20th, 2011 at 1:26 pm
#18
[Report abuse]
September 20th, 2011 at 1:33 pm
Pi Nuchhungi phuah a nih ka ring lo deuh. Teremate tanna khi a dik ang. Serkawn Primer (Zovi Bu kan tih mai thin) leh Graded Book I, II & III te kha ama siam a ni. Kum 40 chhung zet Primaryah an zir. Hetah hian a lo tel palh anih paw’n ama irawm chhuak chu a ni lovin ka hria.
Hla chu 72 vel zet a phuah a. Kan hriat lar deuh deuhte chu- Arpa hla, Thlanrawkpa Khuangchawi, nau lawmah, Pangpar i thliak ang u, Zamualpui saw tihte hi a ni mai awm e.
Hre lo kan awm takin- Pi Nuchhungi hi kum 1986 khan thu leh hlaa a thawh hlawk avangin Padma Shri pek a ni a. Mizo hmeichhe zinga dawng hmasa ber a ni.
Kum 90 chuang a dam a. A hun tawp lamah hrisel lo deuh mah se TAR AT an tih ang hi a nei ve lo.
[Report abuse]
September 20th, 2011 at 1:33 pm
@ alchemist #9 would you like your sisters,friends,relatives to get married to a guy who just has to comply with all his mother’s every little whim? Nupui te aia nu te dah hmasa zawk tur hi chuan nupui neih an la inpeih loah ka ngai…nu te zahloh tur,duat loh tur ka tihna lam a ni lo…Bible ah pawh mipain a chhungte a kalsan ang a,a nupui a vuan tawh ang a tih kha,nupui a neih chiah khan a priority a thlak loh chuan a nupui chuan mo sual nih a hlawh ang a,a nu lahin in-law sual nih a hlawh bawk ang
[Report abuse]
September 20th, 2011 at 1:36 pm
Pi Nuchhungi hi ka ngaisang khawp mai! He hla hi kan sawi rual nasa thei a sin aw!
[Report abuse]
September 20th, 2011 at 1:50 pm
Tu phuah pawh nise ka duh tho tho. Suihlunglenin sulhnu nunhlui leh panlainite ngaih ana….
[Report abuse]
September 20th, 2011 at 1:50 pm
Maa – Taare Zameen Par
https://youtu.be/tBhSoQczTvs
Main Kabhi Batlata Nahin
Par Andhere Se Darta Hoon Main Maa
Yun To Main,Dikhlata Nahin
Teri Parwaah Karta Hoon Main Maa
Tujhe Sab Hain Pata, Hain Na Maa
Tujhe Sab Hain Pata,,Meri Maa
Bheed Mein Yun Na Chodo Mujhe
Ghar Laut Ke Bhi Aa Naa Paoon Maa
Bhej Na Itna Door Mujkko Tu
Yaad Bhi Tujhko Aa Naa Paoon Maa
Kya Itna Bura Hoon Main Maa
Kya Itna Bura Meri Maa
Jab Bhi Kabhi Papa Mujhe
Jo Zor Se Jhoola Jhulate Hain Maa
Meri Nazar Dhoondhe Tujhe
Sochu Yahi Tu Aa Ke Thaamegi Maa
Unse Main Yeh Kehta Nahin
Par Main Seham Jaata Hoon Maa
Chehre Pe Aana Deta Nahin
Dil Hi Dil Mein Ghabraata Hoon Maa
Tujhe Sab Hai Pata Hai Naa Maa
Tujhe Sab Hai Pata Meri Maa
Main Kabhi Batlata Nahin
Par Andhere Se Darta Hoon Main Maa
Yun To Main,Dikhlata Nahin
Teri Parwaah Karta Hoon Main Maa
Tujhe Sab Hain Pata, Hain Na Maa
Tujhe Sab Hain Pata,,Meri Maa
[Report abuse]
September 20th, 2011 at 1:53 pm
ka nu, ka nu duh tak mai chu…tiin kan zir thin…:/
[Report abuse]
September 20th, 2011 at 2:35 pm
Jacka pi, mo sual leh mo sual tur ho (a enga mah hma a pasal te pawh then tum nghal ringawt, pasal nu leh pa te tlawh khat pharh ho ti ti ilo hre fuh palh anih chu) kei chu, Missiology kum 3 ka zir lai pawhin ka nupui fanaute chu ka nu leh pa hnenah ka dah mai a, an inrem tha khawp mai. Tin, kum 15 kan innei tawh a, vawikhat pawh kut ka la thlak lova, ka rinawm loh san hek lo. Kan nu hi chuan pasal a nei fuh fu a sin. (fth). Engpawhnise, ka fanu tan tlangval a nu hmangaih leh zah reng reng lo ka duh loh tluk bawkin, ka fapa tan pawh, pasalte pawh hran tum chi ka neìh sak loh nan Lalpan min veng rawh se.
[Report abuse]
September 20th, 2011 at 2:38 pm
Ka dam lo va, a tlaivar a,
Ka tap a, min lo chawi mu thin.
Hah takin, chak lo chung pawhin,
Ka nu, ka nu duh tak chu!
Ka hnuk a la tiulh reng.
Naupan lai kha chuan, kan sawi zawhah – “Phuahtu, Pi Nuchhungi,” kan tih tel zel thin kha maw le!
[Report abuse]
September 20th, 2011 at 2:54 pm
kei ka tan zawng, ka pa ka pa duhtak chu tih a ni daih mai a, englekhawle thu ngaihnawm tak chu a ni chiang a lawm.
Nu sawitur chu ka neive meuh mai, mahse… Nu hmangaihna ansawi thin hi ka temve mawlh silo,
[Report abuse]
September 20th, 2011 at 2:56 pm
@ PKfanai,nupui i nei fuh awm hle mai….
nia,hmeichhia pawh hi kan sual thin,pasala chhungte mahni chhungte anga en duh tlat lo,an sawi apiang kalh zat zat mai chi te pawh hi an awm ve a,engpawh nise,nu te pawimawhna erawh a ngai reng…nu la nei ho te phei kha chuan duat viau rawh u,an thih hnuah engmah tihsak theih kan nei tawh lo…theihtawp chhuah ve emaw pawh in ti ila,chu chu,kha kha ka lo tih sak lo a aw han tih vawng vawng tur hi awm reng tho ania
[Report abuse]
September 20th, 2011 at 3:01 pm
18. Sammoo, hnam dang tawnga hla lehlin leh phuah hautak zia ka hriat chian em avang hian, kan Zosap ho kutchhuak mizo hla ho hi ka han ngaisang khawp a, sakah ni kher lovin, tihdanglam miah loh a, vawn that hleuh hleuh ka duh. Ka ngaisang ani ringawt mai.
[Report abuse]
September 20th, 2011 at 3:15 pm
Ka Nu pianchamphaphak a hnai ta bawk a, ka’n lo thawh ve mai mai teh ang.
You carry me inside your womb
Nine months like a burden you cannot escape
But you manage to bear it through
It was a Mother’s Love I cannot describe
You hold me in your loving arms
You protect me from the earthly harm
I contemplate what my life would be
Without the love and care you gave me
When my world become cold and lonely
Under your wings is where I long to be
You’d keep me warm and make sure I’m comfy
Forever, that is where I wanted to be
I remember the day I fell sick as a little kid
I remember all the sweet little thing you did
To keep me happy and put a smile on my face
For you I will wear this smile forever on my face
Sorry, I’ve been acting very strange lately
Every sweet little thing you did to me I’ve never treasured
There’s a chance that I can make it up, maybe
Every drop of milk I drank from your breast you never measured
Even though we may be far apart
You’re always there with me in my heart
We might not even get to meet each other again
But I will wait for you in Heaven to re-unite again
[Report abuse]
September 20th, 2011 at 4:05 pm
[Report abuse]
September 20th, 2011 at 4:08 pm
“Chunnu Hla” hi Pu Zosapthara phuah niin “Arpa Hla” leh “Ui note mawi leh tha” hi Pi Nuchhungi phuah ni zawka ka’n lo hriat ve tlat chu. A la reilo hle na a ka hre kim tawh lo. A lunglen thlak mange.
[Report abuse]
September 20th, 2011 at 6:19 pm
Comment a ngaihnawm hlawm hle mai.
Amaherawh chu a phuahtu chungchangah khi chuan, Zosapthara phuah a lo nih chuan kan p/s kal laia kan zirlaibu kha a dik lo tihna a niang maw.
[Report abuse]
September 20th, 2011 at 7:29 pm
A chang hmasa ber hi chu pu zosapthara phuah a ni chiang a ni tih upa deuh ziak leh document ah hian a lang reng a, chutih rual chuan pi nuchhungi pawh hi thawhhlawk tak a ni tih ka han sawi tel duh a ni e. He hla hi chu sap ngaihsan vang pawh nilovin Zosapthara phuah niin ka hria. Pawlkhat kan kal lai in he hla hi kan zir thin a, a phuahtu a inziak lo a ni kan sawirual dal dal thin a. Arpa hla pha chu a phuahtu nen a awm avangin Pi Nuchhungi hming hi kan sawi tel thin a, theihnghilh a har khawp mai.
[Report abuse]
September 20th, 2011 at 7:49 pm
Chhuakte: I postte hi engtin emaw takin a awmzia thin riau mai. Lo post zel rawh.
Mahse in naupa’n laia in zirlaibuah chuan Pi Nuchhungi phuahtu tiin a inziah ka ring chiah lo. ‘Phuahtu Chhuana’ han tihte leh ‘Phuahtu Nuchhungi’ han tih rual dal dal kha tih than taka neih a ni a chuvangin he hla pawh hi Pi Nuchhungi phuah angin inlo ngai palah aniang a.
Hre tura ka ngaihte ka zawt ve leh chhawng a anni paw’n ama phuah niin an hre lo.
Pi Nuchhungi tan ulh deuh hlek kan awmin ka hria….
He hla hi ama phuah a nih loh avang hian a NEP phah miah lo a nia. Mizo thu leh hlaa a hnuhma hi a ropui tak a ni. Mite ang lo takin naupang intihhlimna leh an zirlaibu angte kha tha tak takin a siam a. Mizo thawnthu ama phuahchawp te, Pawl ‘A’ atanga inlalawn fel taka a siam fel thlapte hi a NAMEN lo hle. Kum 1965a Mizo Naupang Infiamna Bu a ziakte kha tha chungchuang- mizo khawtlang nun vawngtute zing ami a ni. Zai a thiam mai bakah Tonic Solfate hi a hnehsawh rura ania.
Pu Chawnghilha a insawithei bawka- keipawh nikum khan upat lama a fanu(naupang ber)nen kan inzui kual vel hrep(mahse inngaihzawn lam a ni lo)
…. Tin, amah pawh hi a damlaiin, ” Ka pi iva la nula ve” ka tih vel chiam khaaaa…. Ala dam rei deuh ka beisei pui avangin thla erawh kan la dun ta lo, ka ui aniaaaaaaaaaaaaa……
[Report abuse]
September 20th, 2011 at 7:52 pm
#36
[Report abuse]
September 20th, 2011 at 8:07 pm
Ignatia (33-115 AD)@36, ka lawm e, hriat neih tlem lutuk hi chuan thil post pawh hi a inthlahrun awm duk mai a sin. Amaherawhchu, misualho hi inlo tha hlawm a, min thuam mawi zel zawk a.
Nia, kan zirlai khan kan la nawi ve em a, ka lo hre fuh vak lo pawh a ni ang nge. Ka theih tawkin ka lo chhui let ve leh dawn nia.
[Report abuse]
September 20th, 2011 at 8:18 pm
Helai chu Pa hovin Primary sikul zirtirh bu in lo zir á¹ha leh a ni maw
(fth)
[Report abuse]
September 20th, 2011 at 8:28 pm
Aste@39, hahaha.. ni pek e mawle, a lo har phian mai lehnghal. Google rawn paw’n awmzia a nei loo.. a ril raih maiii
[Report abuse]
September 20th, 2011 at 8:40 pm
Ignatia tanna hi a dik e. Pi Nuchhungi kha kum 1914 ah a lo piang a, chumi hma kum 10 (1904) ah Zosapthara hian a phuah a ni. Khatih laia mizo hmeichhiate dinhmun hniam lutuk leh rawlthar ten an nu te an zahlo lutuk siamthat nana a phuah a ni. Mizo hmeichhiate hi an mak khawp a, mo an nih tirh a an dinhmun hrehawm lutuk kha hrereng a siamthat tum ai chuan, an mote kha an tuar ang tawrh tir ve ngei an tum thin a, an fapa rawlthar ten an zah loh zawh poh leh, “mama’s boy chu pasalah an tha lo zuk ti pawng pawng ngam a maw le. “Pathian siam theih loh” dik tak zawk anni awm e?!
[Report abuse]
September 20th, 2011 at 9:30 pm
Ha ha haaa…. #24 Chhangteval chu(h)…. Kha kha vai tawnga a lehlin nge hla dang ve hrim2??
Chuan he hla hi changkhatna hi chu ka la hre khawp mai..chuan tlar khatna thumal tawp ber khi …..tunge mi pawm tiin ka lo hre thin a, ka hre dik lo nge post hi a dik lo zawk??? A hrechiang khan chiang takin han sawi teh u..
Lunglen thlak hle mai…..
[Report abuse]
September 20th, 2011 at 9:50 pm
@Pk: Dik lo thei lo zawk alawm. Naute hi ka hrilhfiah mai a ni, ka hnial lem lo kei patling hian…..
Pi Nuchhungi bawk chu sawi leh ta hlek ila. Thu leh hla lama a thawhhlawk dan hi a dangdai riau. Midang tamtak chuan lunglen avang leh Pathian pawlna chan avang khan hlate an phuah tlangpui a; mahse ani erawh hi chu TULNA leh MAMAWHNA avang khan hla leh thu kha a phuaha a ziak ta thin zawk kha a ni. Pu Lalmamate ang chi hi tihna a nih deuh mai chu.
Pi Zirtiri (EM Chapman) bula seiliana pui reng rengtu Pi Nuchhungi hi Zosapte(abikin hmeichhia)kaiza vengtu berte zing ami a ni. Mizo hmeichhiate chawikan leh hnuchham enkawl lam thlengin hnuhma lian tak a nei. Tuna MBKHP kan tih mai- Girls’ Auxiliary dintute zing ami a ni a, Treasurer hmasa ber a ni bawkin ka hria(ka hresual mai thei, enge maw ber chu a ni).
Chhuakte, ti khan han google la a lo lang tawh ang. I thawh hlawk ber zawk alawm. Ti hian i zarah mi chanchin ngaihnawm lutuk kan sawi phah a…… Mi chhuanawm chanchin chu a ngaihnawm em asin tiraw…
Maithawks vek u ka misualpuite(misualpui han tih tawl hi chu ka hreh deuh thin, mahse tihdan a ni miau si a
) u!
[Report abuse]
September 20th, 2011 at 9:57 pm
42.bucko, mi kawl tih hi a dik zawk. A zosap zotawng tah mai asin!
[Report abuse]
September 20th, 2011 at 10:09 pm
Pka & Ignatia, in han thawh tak tak chuan kan var kuar mai a lawm le. Ti kha chuan ka sikul kal pui thinte chuan min tluk loh phah dawn ta a nih hi. Thanks a lot.
bucko, pka sawi khi a dik, ‘mi enkawl’ tih na.
[Report abuse]
September 20th, 2011 at 10:27 pm
Hm…. diklo deuh in ka lo sa ve thin anih chu…… nia… kum 30 chuang fe ral hnu in ka tih dik loh lai ka’n hre ve chauh chu a nia le(h)….
[Report abuse]
September 20th, 2011 at 10:29 pm
@Ignatia & Pk, in mak ka ti. Eng subject pawh nise in lo hre em em zel mai. Tu te nge maw in nih le..hehe3
[Report abuse]
September 20th, 2011 at 11:20 pm
Zir ve hman lo an thahnem ve tawh ngawt ang chu-he hla tha tak hi.
Sava hming te kha -Bawng, Bemkawng, chhimbuk….tia in-rhyme fel thlapa kan han zirte kha a nuam dangdai ve hle thin…
[Report abuse]
September 21st, 2011 at 12:28 am
Ka zir ve thin hle hla hi lunglen thlak ve le
[Report abuse]
September 21st, 2011 at 8:16 am
In comment-te hi ka chhiar hman lem lova. He poetry, nute chawimawina (hla) tha tak hi ka lo hriat ve dan chuan Zosapthara phuah nia hriat thin a nih.
Chang 2-na tlar 5-na Ka thu pawi tham lo a ngai zo, tih hi ka lo hriat ve dan chuan, KA PAWIMAWH THAM LO A NGAI ZO’ tih a ni
Tin, chang thum tlar hmasaber “A tihzia dawnin mi tinem” tih hi a awmzia ka fiah mang der lo ni a. Ka hriat dan phei chuan “A TIHZIA DAWNIN MIN HNEM FO” tih a ni. A khawi zawk zawk pawh hi Zosapthara kutchhuak chu ni ngeiin a lang
[Report abuse]
September 21st, 2011 at 8:30 am
ccpur_man@50, Tuna mi hi school zirlaibu a an ziah ka rawn paste tawp a nih hi.
“A tihzia dawnin mi tinem” tih hi a awmzia chu, a thiltih zawng zawng te ka ngaihtuahin ka rilru a tlawm/hneh, tihna ni maiin ka hria.
[Report abuse]
January 28th, 2013 at 8:44 pm
He poem hi damloh laiin rilru-ah a rawn lang ziah.