Pu Chawngkhupa hi kum 1909-a Sailam khuaa piang a ni a. Pathian thlarauva a lo pianthar khan mi â ang deuhvah ngaiin kawl an buntîr hial a, Sailam Lal Lalthawvenga’n a buntîr a ni.
Kum 1936 Good Friday lai khan ‘Aw khawngaihtu Pathian-in’ tih kha a phuah a. A phuah laiin Vantirhkohte chuan ‘Haleluia Amen’ an lo ti dual dual niin a sawi. ‘Ka awmna in chungte hi nghawr der derin ka hria,’ a ti hial a. Vân mite rawn sak hriaa sa chhâwng ve leh chauh niin a insawi nghe nghe.
Rannungte hi a khawngaih em em a, rul te pawh a man a, a iptê-ah a ak a ak mai a ni. Aiawt-a chakai awmte pawh a khawngaih a, a chhuah vek thîn.
Vawikhat pawh sakei kar an siam a, sakei khan a pal per chuan a kâp ngei dâwn si a, mipui kal phal lohna sakei awmna lamah a chho va, sakei nen chuan an inhmu a, chibai an inbûk a ni. Chawngkhupa haw lo chu ruah a sûr nasa bawk nen, sakei seh a nih ringin an zawng a, an han hmuh nâk chuan ruah pawhin a nan huh miah lo a ni.
A ruih (hlimrui) zual laia kawl an buntîr tlat bâkah tlangval hovin an vêng tlat a. Aizawl Jail-a lungin tângte hnênah a hla phuah hrilh turin a thinlungah Pathian-in tîrin a hre tlat a, zan thim hnuaiah a kawl bun chung chuan Aizawl a pan ta a; zan thim pawh a êng uarin a hria a. Sam 119:105-na thu, ‘I thu hi ka kawng atan êng a ni,’ tih lai hi a duh em em thîn.
Kum 1936 khan Pu Kevi sap hnênah jail tân vea a hla chu jail tângte hrilh a dîl a, Lalsailova pawhin a dîlpui a, a tâng ve ta a ni.
Vawi khat pawh motor-ah an chesual a, a malpui ruh a tliak a, damdawiinah an dah a. ‘Ka dam tawh e,’ a ti a, doctor-te’n an awih loh chungin a chhuak a, khuang nen zai chungin a kal a, a dam hlen ta hmiah mai a ni.
Thulâkna: Mizote Chanchin by Rev. Lalrintluanga.
Pu Chawngkhupa chanchin ziahna hi ka hmu tam lo khawp mai a. Tûna misual.com chhiar thîn zîngah amah hrechiang leh kâwm thîn kan awm nual ka ring a, a chanchin kan hriat ang ang chu i thawhkhâwm ang u hmiang.
@Nguntang, a ropuiin a...
July 10th, 2011 at 8:04 pm
KA chhiar chak 1st em? hman veleh ka chhiar don chiang
Report this comment
July 10th, 2011 at 8:07 pm
han soi xel th u. Kei cu tiang hi ngaihnawm ka th xong a nia.
Report this comment
July 10th, 2011 at 8:08 pm
Chaw ei khamah chhiar ang…
Report this comment
July 10th, 2011 at 8:18 pm
Khawvel han ti ila, a teuh lo ropui si, mahse hmun dang dang ah kalin, mi chi hrang hrang te leh ngaihdan hrang hrang te kan han tawn chhoh zel hian, a chang chuan Pathian hi a awm tak tak lo emaw ni chu le ti hian ngaihtuahna sen chang ka nei ta zeuh zeuh mai. Amaherawhchu, heng kan mi hranghlui ho te bakah a pawimawh ber zawk chu ka NU ngei mai hi a nun leh a engkim ka thlir hian ka ngaidan zawng zawng te hi paihthlakin a awm leh thin. Ka nun atang hian ka chhut thiam loh vang te pawh ani ange.
Report this comment
July 10th, 2011 at 8:21 pm
Chawngkhupa kha mi mak leh danglam tak a ni a, tihbaiawm lam lek lek niin ka hre thin. Ka pu nen an inhmelhriat hnai ve deuh a. Kan inah pawh a lo chuangkai ve zauh thin. Amah chauh pawhin tui takin Pathian fakin a zai thin. Ka pu thihin (1985) pawhin a rawn ral ve a, kan in bul huanah thingphun a duh tlat a, a zan a zanin a zuk phun…tuma’n ka hnial ngam lo!
Report this comment
July 10th, 2011 at 8:28 pm
Heng mi hranghlui te hian Pathian an rin dan hi ka nun akhawih ve khawp mai, Pu Cawngkhupa lo pawh midang chanchin hriat kala nei nual mahsela chiang tak erawh chuan ka sawi thei talo ani.
Report this comment
July 10th, 2011 at 8:33 pm
Pu Chawngkhupa hi kan tet laiin kan khua ah a lo kal thin a.Pa mak danglam tak chu a ni phawt mai. Rannung, a bikin Rul,a te deuh leh a lian deuhte,maimawm lianpui te hi a iptepui ah a rawn ak thin a.Thlen in bik deuh a nei thin a,a rulte chu bawnghnute te a pe thin a ni.Hlau deuh chung chungin hla deuh hlek atangin kan kil tuau tuau thin.
A tawng tamlo thin khawp mai. Mi a te pawh a ang lek lek thinin kan hre na a,kan hmuh thin dan tak chu Pathian mi,thil mak tak ti thei,Rulte pawh control thei ah kan ngai thin. Khatih hun lai khan Camera click III bak chu hmuh tur a la vang khawp mai a,click III pawh kha mi 2/1 bak chuan an neilo leh nghal.Chuti nilo se a thlate kha lo la thin tur hi ka ni a,ka ui ta ngawt mai.
Khatiang Pathian mi kha neih leh a va chak awm em ! Tunah zawng kan chang kang ta lutuk a,kan puithuna leh kan urhsunnate kan pet dar zo tawh a,Pathian ngailo ang maiin kan leng ta hlawm ni maw ka ti deuh !!
Report this comment
July 10th, 2011 at 8:36 pm
Khawi khua nge anih kha? Selesih ani em kha
Report this comment
July 10th, 2011 at 8:37 pm
Pu Chawngkhupa ka hmuh hnuhnun ber chu Kulikawn ah ani a, Pu Mâta thih khan a ni nghe nghe. Thalai zingah khawhar in alo riak ve a, a mutbu a rawn inpu lut bawr ve hle.
A titi kan ngaithla thap… inchulh mawlh mawlh pah chuan, “Hmai hnawih (lotion) hi zanlam hnawih chi leh chhun lam hnawih chi a awm a,” a tia, ati a. Chutah amit chhungah a tilut palh emni teh reng… a mit thip ti lutuk chu a phih a phih mai a, “Chhun lama hnawih chi ka hnawih aniang,” a ti a ti ta mai a, a khawngaihthlak khawp mai.
Ramhnuaiah Savawm nohruai kianga a riah thu a sawi pah chuan, ” Apui chuan min liak lep lep a,” a tia, “Hetiang hian,” atia, ka cousin Frankie Lawmkima Sailo (fam) biangah an liak hluai mai chu..a uak tiar tuar mai mawle hairehai.
Mut ahun a, tawngtaina a nei a, thosi lakah inriak te (amah tiamin) veng turin a dilzo te te a, amah chuan thosilen a zar thaks. A hlimawm ve thin khawp mai.
A tuk maiah Ngaizel khamah Saikhamakawn lam pana a kal chu kawngkawi a kal ngil a (an ti) khamah a tlahlum ta anih kha. Ka ui khawp mai.
Mi pakhat chu ani ve hrim2.
Report this comment
July 10th, 2011 at 8:39 pm
Amah ka hmu ve lo tlat a, sawi tur vak ka hre lo. Sava Thangthlenga awk a chhuah thu te, Sakei nena inngheng lum tawna an riah thute, Rul pawh a kuta a lak mai thin thu leh an tih nat ngai loh thu te, ruahsur hnuaia hul phiang a a kal thute, khuangte ak chunga, kal pah a, a zai thin thu an sawi chu ka hre thin. Ka ngaisang tak meuh meuh. A dam lai ngei pawh a, thawnthu sawia an sawi thin (Living Legend) dik tak aniin ka hria.
Report this comment
July 10th, 2011 at 9:14 pm
‘an ti’ tih chauh hi ka hria a. Carfew lai pawn vai sipai khan an dang ngam miah lo.’pathian’ anti mai thin AN TI.
Report this comment
July 10th, 2011 at 9:14 pm
PKfanai #10 ih e, #9 khi han chhiar chhin teh a tawp lam khi. A thi tawh alawm. NOI
Report this comment
July 10th, 2011 at 9:21 pm
Pu chawngkhupa ka hmu ve miah lo na chu, ahlaphuah Aw khawngaih tu Pathianin. tih hla hi chu chu ka ngaithla ning thei lo a ni. Siampuii Sailo in a an sa hlerh hlerh mai hi chu tun thleng hian ka ngaithla kham thei lo ani.
Report this comment
July 10th, 2011 at 9:26 pm
Hlim-rui, hlim-sang kan tih ang hovah chuan ka mi ngaihsan ani! Mi ‘a’ nia kan ngaihte hi, vanah chuan an ropui viau lo’ng ma w?
Tv. TSA, Selesih ( Sihphir bul )-ah khian, a tu leh fate pawh an la dam e. Han kawm chiang teh khai!
Report this comment
July 10th, 2011 at 9:27 pm
A thih hun?
Report this comment
July 10th, 2011 at 9:28 pm
Hepa hi chu a ropui ve ngawt mai!
Report this comment
July 10th, 2011 at 9:29 pm
In sawi bak hi hriat belh ka nei bik chuang law… A mah Pu. Chawngkhupa kha a mah chauh pawh khan mipui a ni ve hrim hrim e
Report this comment
July 10th, 2011 at 9:31 pm
A ngaihnawm thin hle mai. A hriate ka zawh hian mi a angin an chhuah ti tih deuh tlat thin a, ka lungawi lo thin khawp mai. Aizawla kan kohhran upa nen khan an in hnim hnai ve thin bawk a, a tan thin viau. A sawi ve nasa thin. A hla phuah lo tarlang chak tlat-
AW, khawngaihtu Pathianin
Kan thinlung chhungah hian
Thlarau min pek lawmna hi
Khawvel finin a zo love.
Mifing mihrinna hianin
A ngaihtuah chhuak zo lova che,
Ka chhandamtu, i thuruk hi.
A thukin a va sang em!
Khawvel fin zawng aiin
Pathian hmangaihna thu hi,
Van leh khawvelan a khat e.
Aw kei misual bo hnu hi,
A khawngaihna zarah
Thlarau min pek nunna hi
Aw, ka nunna Lalpa fak rawh.
A tha a ni. Amah anga Pathian hriatchian ka chak thin. A hla thu leh ama nundan a in mil. Tawngpawng phuah tawp a ni lem lo a ni!
Report this comment
July 10th, 2011 at 9:31 pm
In sawi bak hi hriat belh ka nei bik chuang law.. A mah Pu. Chawngkhupa kha a mah chauh pawh khan mipui a ni ve hrim hrim e
Report this comment
July 10th, 2011 at 9:44 pm
Pa ngaihsanawm tak leh Pathian mi hriat thatak ani..khatiang kha Zoram hian sawm tal nei ila tha tur.
Report this comment
July 10th, 2011 at 9:47 pm
Ka lo share ve ange, mi sawi ka hriat ve tho chu ania. Mizoram a buai lai tak, Sipai hoin khawthlen dawna check gate an siam vek lai, pass/permit/identity card nei lo phawt chu an man hmiah hmiah lai khan, Bungtlangah Presbytery inkhawmpui a awm dawn a. Pu Chawngkhupa hian engmah a nei si lova, mahse Pathian rinchhanin a kal ve ta mai ani. Khua a thlen dawn hnaih ah chuan Chawngkawr lian em em mai hi kawngchhak atangin alo tla thla a, a thinlungah, ‘la la, awrh rawh’ tih alo awm a. Ani chuan a la nghal a, a awrh ta hmiah mai a. Vai sipai gate duty ho chuan an lo hlau lutuk a, an va hnaih deuh dawn khan Chawngkawr kha alo suu hum hum zel bawk si a, permit/pass check sak chu an tum lo nasa mai, buaina engmah tawk lovin a inkhawmpui ve ta ani an ti…..
Report this comment
July 10th, 2011 at 9:48 pm
Tunhma kha chuan a phuah dan dik ni a an sawi kha chu ‘Mihring mi fin na hianin’ an ti thin!
Report this comment
July 10th, 2011 at 10:01 pm
Pu Hv, 9 a a thih thu i sawi khi ka hmu a lawm. Ka ziah khi enchiang ta la, “a dam lai ngei pawha thawnthu sawia an sawi hat hat (Living Legend) ka tih khian, a la dam lai ngei, kan naupanlai (1970s) vela thawnthu sawia an sawi hat hat thu ka sawina ani e. (hnial hrat. NPP=nui put put).
Report this comment
July 10th, 2011 at 10:04 pm
A ngaihnawm hle mai a.
Report this comment
July 10th, 2011 at 10:04 pm
A hun hnuhnung lamah khan kan khua ah a lo kal a, naupang te mai kan la nia…mak ti tak chungin kan en duh thin khop mai, a thi dan mumal tak ka hre chak ngot mai
Report this comment
July 10th, 2011 at 10:17 pm
@22, Ka hriat dan chuan,” Mihring mihrinna hian”, tih hi a phuahtu Chawngkhupa phuah dan ni zawkin ka hria.
Report this comment
July 10th, 2011 at 10:24 pm
@Pu HV thosi lak a in veng tih sawi tak ah chuan TNT camp a addict center Mipa ho mutna room ah sawn Thosi a awm ngai miah lo , mak ve lutuk. tuman thosilen an zar ngai lo.
ngaihnawm bawk.
@TuaiSialA post tha hle mai.
Report this comment
July 10th, 2011 at 10:56 pm
Pathian a rinna leh a innghahna hi a ropui khwp mai. Tum khat chu ka nun (Nurse) a sawi a. A kut a rawn ti pem a. Damdawiinah a rawn kal a. Damdawite kan hnawih hnu chuan a tawngtai ta a. ‘Ka u, ka hliamte hi nurse ho hi han tuam tir nghal law law ta che,’ a ti ta mai a, tuamsak lo har tak a ni a ti. Hei hian mihringah nilo Pathiana a innghahzia a tarlang chiang hle in ka hria.
Report this comment
July 10th, 2011 at 10:57 pm
Hmanah mi sermon (2000 kum vel emaw ni ta kha le, chiang lo) ka ngaihthlakah chuan Aw khawngaihtu Pathianin tih hla-a ‘Mihring mihrinna’ tih hi a phuahdan zawk a ni awm e. Jaila a awm laiin Rawngbawltu pakhat nen an sawi duna ‘Mihring mifinna’ tiin an thlak ta niawmin a sawia. Mahse chu chu tunah a original angin an hmang leh ta ni turah ka ngai.
A chanchin an sawi pakhat ka hriat chu Aizawl kawngah lung a tla a, kawng chhak atangin lung a lo thla thla reng maia,tumah pawh an kal ngam loa.Pu Chawngkhupa a lo kala,a kal lui ta maia lung pawh chu a tla renga mahse amah chu a fuh duh miah lo a sir velah a tla kual vel mai mai an ti. Chutiang chu thilmak tak phei chu a ni lo mai thei mahse kal tlang ngam khawpa rinna a nei bik chu a ropui thlawt a ni
Report this comment
July 10th, 2011 at 11:05 pm
PKfanai A damlaia living legend, a thih hnua legend nita, i ti deuh tihna aniang maw
hairehai
hiho #27 an thlan (sweat) a damdawi rim lo chhuak kha an ter thei vaklo alo ni ange hairehai
Report this comment
July 10th, 2011 at 11:10 pm
A lawmawm hle mai. In hriat ang ang kha ui lovin lo share zel rawh u. A tu leh fate pawh han kawm ngei a ngai a nih chu. In zavaia chungah ka lawm takzet a ni.
Report this comment
July 10th, 2011 at 11:15 pm
Pu Chawngkhupa chanchin an sawi hi a ngaihnawm ka ti thei hle ani.
Aw Khawngaihtu Pathianin… tih hla hi ava ropui tak em.
A thukin a va sang em!
Khawvel fin zawng aiin
Pathian hmangaihna thu hi,
Van leh khawvelan a khat e… Halleluiah!
Report this comment
July 10th, 2011 at 11:17 pm
pu chawngkhupa hi ka ngaisang
tun ah hian vanlalsailova hla “an vui liam e” tih ka ngaithla mek, pu chawngkhupa chanchin chhiar nen a inhmeh e…
Report this comment
July 10th, 2011 at 11:21 pm
Ka pi in min hrilh thin a chanchin hi..tin a dang ka hrait ve hlawm chu Mizo history leh mi thenkhat thuziak atang mai hian ani.
Vawi khat chu Chaltlang kawng chho a a kal lai hian Truck hi a rawn back a, a brake a fail a, Pu Chawngkhuma lah chu kawnglai a kal lai ni ani a. A bul hnaia lo awm te chuan kha Motor an tih chuan Hlam vel lek ah a awm tawh ni awm tak ani. Lalpa Hei a ti a Truck pawh chu a ding hmaks e an ti a.
PATHIAN rinna kawngah cguan miropui tak ani e tih bak chu kei chuan hriat ka nei love
Report this comment
July 10th, 2011 at 11:59 pm
a chanchin ka hre lo khawp mai.. Chuan #15 & 22
a mah hi a ni em aw, khawmpui kal lam ? Haw lam ? tuilian alo lian pût mai a, midang zawng chu a dang a, ani chu khuang vaw chung a a kal a, a lo kai der tawh an ti.. Hrechiang lo mai mai a sin..:D
Report this comment
July 11th, 2011 at 12:09 am
A chanchin an ziahna lehkhabuah khan sailo lal fanu sairengpuii nena an khurbin thu a awm, a hnuah an inneih nghe nghe kha,,kha lehkhabu kha a kimchang tha angreng a, ka duh khawp mai, tun hnu hian ka hmu zo ta miahlo.
Report this comment
July 11th, 2011 at 12:32 am
TS excuse mai aw:
Very touching: Unau in ngaihna hi….
https://www.allproudamericans.c.....ister.html
Report this comment
July 11th, 2011 at 1:32 am
Pu Chawngkhupa chanchin sawinah pakhat chuan Pu Chawngkhuma chanchin a lo sawi mauh mai a…hehe
Pathian pawh “Ka U” ti tu chu Pathian nen chuan an in hnaih in Pathian pawn a awmpuiin a veng ngawt ang mawle
Report this comment
July 11th, 2011 at 5:44 am
Naupan laiin ka hmu ve tawh..saiip vel a sin hnawk nuai thin in ka hria
Report this comment
July 11th, 2011 at 7:29 am
In comment a va bengvarthlak thin em ve aw..
Report this comment
July 11th, 2011 at 10:28 am
Uithak a vei pawh, baptisma chirh-dum deuhvah chantir a ni nain, tui atanga a chhuahin —a dam fai nghal vek.
Report this comment
July 11th, 2011 at 10:58 am
vawikhat pawh uithak a vei a, UPC a baptisma chan in a dam tur thu hrilhlawkna a dawng a ni awm e. An hnim pil a an tawngtai lai chuan a vaukam lehlam ah alo chhuak ta daih ni awm e. Mahse a uithak chu a dam ve hmakss…
A hmutu te sawi dan chuan Silcharah a kal a, vaiho auto pu ho in fare vel an dil ngasilo anti. Sadhu tiin a duhna thleng thleng an hruai mai thin ani awm e.
Report this comment
July 11th, 2011 at 12:06 pm
Revd Dr.HS.Luaia huan, Serkawn ah rulngan a khawi a, a duat thin hle tih Dr.HS.Luaian a sawi thin. Tin, M/S Headmaster pakhat sawi chu: “Tlawng luiah fur laiin ka kal a, a lo lian hle a, Nakinah chuan khuang ri ka hri a, ka va en chuan ral lehlamah chuan Pu Chawngkhupa a lo awm a, tui a len em avangin kai ngaihna a awm lova, a let leh mai ka ring a, ka ngaihsak zui vak lova; Nakina khuang ri ka han hriat leh chuan ka awmna lam vaukamah a lo kai reng tawh mai,” tiin min hrilh.
Report this comment
July 11th, 2011 at 2:13 pm
Pu Chawngkhupa hi a hun lai chuan mi rilru kim lo a sawi fo a ni naa, a at loh zia chu tun thleng hian a hla phuah atang hian kan her chiang tlang a ni lawm ni.. A ni hian min chhangtu chiah hi a pian hlim deuhin a liak chhuak vek a sin
Report this comment
July 11th, 2011 at 2:22 pm
Pu Chawngkhupa thil tih mak deuh2 ho hi FOLKLORE mai2 ani lo maw …. Mualpui a vantirhkoh , Dawrpui sikul banga vantirhkoh , Vaivakawn camping a Isua inlar etc etc … ang ho kha ani mai lo maw …
Report this comment
July 11th, 2011 at 5:09 pm
@troxx: Folklore mai2 chu ni chiah love. A chanchin ziahna pawh a awm kha maw le! Early 80′s publication a nih ka ring. Rambuai lai khan Check-Gate kha pass tel lo chuan a kal tlang mai mai theih loh va, pass nei lo kha chu an man nghal hmiah thin. Pu. Chawngkhupa erawh kha chu Rulngan chal khi hrup hi a awrh a, Vai sipaiho pawh khan pass chu an dil lo chiang awm e, an til ar ar mai an ti
@TS : Champhai Local News Editorin Pu Chawngkhupa an interview-na kha a clip kan la dah tha ang, remchangah kan la hai chhuak dawn nia…….Chepa thangawk a chhuah leh Savawm hliam a chhan thu vel kha.
Report this comment