Tun tum chu thil ho mai mai i han chhiar ho teh ang u.
1. Tum khat chu, Guwahati atangin Itanagar lam panin Gypsy ka khalh a. Kan Pastor nen chauh kan ni a. Fur lai anih avangin kawng chhe deuh laiah chuan tuihawk hi a tling thin a. Kan hmaah hian Assamese tlangval 2 hi Bike ah an inphur a, min side tha duh lo hle mai a. Kawngchhia kan han thleng a, an tlan chak theih loh lai takin kan lehpel dawn ta a ni. An zawn kan tlan lai tak chuan, Ka rilruah ngaihtuahna sual a rawn lut thut mai a. Tuihawk tam lai ber chu ka thlang a, chak tawkin ka han herh kawi thut mai a, A result chu bawn tak a ni. Ka rin leh beisei ai daihin an huh hneh leh si a, ka inchhir leh deuh si a. Mahse, an ram anih avangin, kan tlansan ta vang vang mai a ni. (Highway ah Two wheeler tan Gypsy te chu umphak theih ani vak si lo a).
Mahse le, kan piah lawkah chuan, Thingpui huana thawk ho an lo nuar a.(ULFA hovin pawisa an khawn thin leh an kidnap zeuh zeuh duh loh entirna bandh an lo huai hawt a ni). Kan ding leh ta si a. Min rawn umphak chu an sa ta khawp mai a. “Engatinge, min hmu lo ami? Khatia i khalh a, hei kan huh vek a lawm” an ti kha kha mai a. Kei lah pek chuan, en pawh en lovin, “Highway a Motor chak lutuk a khalh laiin tunge sir lam en zuk zuk ngai?” ka ti ve hmiah mai si a. Tihngaihna tak pawh chu an hre lova, a piah lawk inah chuan an inthlak tain ka hria. Kan Pastor lah chuan, “I chhang thiam hle mai” a ti duh lek a.
Darkar khat vel kan tan hnuah chuan, Sipai hi Motor 2 khat tanin an rawn in trip a, an zuangthla a, kawnglaia thu ho chu silaiin an tin a, an han chhu ang nawk nawk a, an hlauh awm khawp mai kan tlang ve ta mai.
2. Pasighat Arshang School a kan awm laiin Hostel Warden ka ni a. Kan Hostel Mipa Naupang lian deuh ho an lo in vel a. An velh zawk khan a u a lo va pun a, a ni a rawn kal a, a veltu kha velh ve a tum a. Zirtirtu pakhat, Hruaitea Hlychho khan a lo dang a ni. Chu tlangval chu a thinrim hle mai a. Ka va kal a, kut a thlak tak tak dawn a ka hriat khan, an inkarah ka ding ta tlat a, eng chu a ti thei ta bik lem lova. Hruaitea lah Mizo tlangval dik tak ani bawk a, “U Pk, Tlangval leh tlangval khatianga han intih chu, tuar a va har deuh ve le. Lo dang lo la chuan, Ka khawih ngei ngei ang” a ti ve bai bai a.
3. Nirjuli(Itanagar) a kan awm hnu hian, tumkhat chu, Adi pakhatin a fapa kum 6 mi chauh hi a rawn dah ve a. Nyishi vek anni si a, a tlei thei ngang lo a niang, a lo tlanchhuak daih mai a. A Pa te haw turin an lo hmu leh si a, thinrim tawkin an rawn kal a, An Car-a Nyishi chem sei a phawrh a, “Naupang enkawltu (Aya) ho ban ka tan dawn” a ti tun tun mai a. A sat duh tak tak mai dawnin ka hria a, a han tin uaih veleh khan an inkarah ka zuang lut ta rap a, “A a mualpho thlak e, Kan in lamah sawi fel ang” ka ti a, kan inzui lut ta a. Ka thiannu lah chuan, rum lutuk a melhin a lo vei ther ther mai a. A hlauthawng ta deuh a. “I thiannu hi Nyishi a mi?” a ti sin ta rut mai chu, ka nuih a za ang reng khawp mai. Hlau hle tura min ngaih laia hlau miah lova han hmachhawn hian an chi-ai thei tih ka hmuh chhuah phahin ka inhria.
Pu Hrangnawna D.I.G. in a rawn awm zawk a, an nupain an rawn leng a. Nyishi ho chanchin a hriatin min hlauhthawn pui hle mai a. Kei chuan, “Ka Pu, Nyishi ho hi hlauh chi anni lo, hlauh chuan an pawng tual tual, hlau miah lova hmachhawn chi zawk an ni” ka han tih chuan, a dik a ti ve khawp mai. “Kan Training laiin, Kan Trainer chuan, “I hote Patrolling i neihpui a, Hel hovin an lo lambun thut ta mai che u a, Engtinnge i tih ang?” tiin min zawt a. Kei chuan, “Bawk vek rawh u” ka ti ang, tiin kan chhang a. Instructor chuan, “Bawk rawh u” i tih chuan in thi vek ang! “Charge” ti a thu pek a, theih ang tawk a, kah let ve nghal tur” a tih ka hre chhuak zawk mai” a ti a ni.
4. Tum khat leh chu, Nirjuli a kan awm tirh hian, Daifemah kan awm a, Kan choka hi a hrangin a awm si a, zanah Rukruin kan Gas min ruk sak a. Ka chang chhuak thei si lo. Zankhat chu kan in bula awm chowkidar chuan, “Rukru ka hmu” a ti a, a te chul mai a. An in nangching a,an insat buai ta emaw ka ti a, kekawrbul leh tawnzau leh Slipper nen, kan chemsei ka hum chhuak a, ka um ve ta a. Compound a zau si, Lei an let phut tawh si, Slipper nen chuan tlan chak a har hle mai a. Thlawh theih ka chak tum tak a ni. Kan chowkidar lah chu a te chul mai si a. An lo khawih nat hman ka hlau chu, ka aw rawl tawpin ka han rak phei ve ta a ni (War Cry ani ber mai). Ka va nang hman ta chuang lem hlei lova,. Hemi tum zet erawh hi chuan ka rak ri kha a rapthlak lutuk a niang, Ka thiannu huaisen ve tawk tak ni a ka hriat pawh a lo khur der der mai a. “Ka thauvah min man tlat, in thawm kha a rapthlak lutuk a” a lo ti a nih chu.
Tawk phawt aw.
Similar Posts:
- Thehkhawm mai mai..
- Bandh Culture (Fimkhur a ngai e)
- Thlahrang
- Thlalak hlui tlem..
- Thu nep nawi mai mai
:D Gud morning u..
August 26th, 2011 at 1:16 am
misual-a ka comment 1st vawikhatna kek3….ho ve, i thuziah erawh ngaihnawm phian…
Report this comment
August 26th, 2011 at 1:17 am
Hehe thawnthu tawi naihnawm tak ani e, a hmasa bera i overlap dan khi a tha riau
Report this comment
August 26th, 2011 at 1:39 am
Report this comment
August 26th, 2011 at 1:58 am
No Comment.
Report this comment
August 26th, 2011 at 2:40 am
I che ‘MAN’ thin hmel hle niin a lang a, i huai ve hrim hrim nge? A lohtheihlohna-in a nang ve thin che aw.. ?
Report this comment
August 26th, 2011 at 2:47 am
a huai niang, a phak ve ang tawk tawk ah leh a theih ve chin chin ah chuan!
Report this comment
August 26th, 2011 at 4:43 am
Report this comment
August 26th, 2011 at 5:00 am
A ngaihnawm kher mai. A dang lo post leh rawh, ka la chhiar kham lo.
Report this comment
August 26th, 2011 at 7:01 am
Kan pahnihin ti ti dun ila a tha ang. Nuam dawn riau mai…ngaihnawm e
Report this comment
August 26th, 2011 at 7:06 am
A ngaihnawm e
Report this comment
August 26th, 2011 at 7:14 am
Eu, a chhuah hun chuh. Va mak ve! Post a tam deuh a ni maw? “A problem of plenty” hi chu a lawm awm lam a ni e.
Report this comment
August 26th, 2011 at 7:16 am
A ngaihnawmin a bengvar thlak tel, rawn ti zel rawh khai, i nupui huaisen tak thlalak nen; Mizo nih a tinuam tlat
Report this comment
August 26th, 2011 at 7:22 am
7. bridconn, ka huai lo khawp mai. Ka naupan laia ka dawih lutuk avangin, ka pa pawh a mang ang aniang, karate ka zir a phal phah. Ka zia phah deuhin ka hria. 6. Kawnga sawi ang khian, “a tul dan a zir” zel a ni mai. 9.lr.hlawnchhing, i post a ngaihnawm thei khawp mai.
Report this comment
August 26th, 2011 at 7:45 am
Pkfanai, missionary ho pawh hetia chet rap rap a tul chang a awm thin a nih dawn hi. I ‘man’ khawp mai, in nu pawh a ‘woman’ khawp mai
Report this comment
August 26th, 2011 at 8:09 am
a dang ka nghak e. tha hle mai.
Report this comment
August 26th, 2011 at 8:21 am
A tha i chet dan khi, missionary, ktp, tkp, pastor, etc nih vanga dam dai tur tihna a ni lo, zurui mai mai pawh an in lak man ngam chuan chatuan nunna neitu phei chu man tak zelin le.
a post tu in azir bawk a, zirtir a nei tha e.
Report this comment
August 26th, 2011 at 8:25 am
edit- dam dai ni loin dam diai tih zawk tur.
Report this comment
August 26th, 2011 at 8:48 am
ngaihnawm hle mai , i chet dan vel chu ka duh chi he he .
Kan kawmthlang pa vaupung na ve zet pawh naupang hrawk leh ben a tap rual lek lek kha sah ah a lo vau a , thlabar em em in an rawn tlan haw a . ka chempui nen ka thawk thla a , thinrim awka hmang miah lo in ‘ naupang hrawk tah rual lek te sah ah vau ngai ami , insah i chak chuan i chem zu la rawh ka lo nghak ang ce , kan in sat dawn nia . ka ti a ngawi reng in a chhuk a . ka lo nghak dawn che a nia kan ti zui a . ka nghak chhuak zo lo 
Report this comment
August 26th, 2011 at 9:27 am
Post hi ka
e, a ngaihnawm khawp mai
Report this comment
August 26th, 2011 at 9:43 am
A ngaihnawm hle mai.
La lawma leh kawlhawk in tawn hunah tel ve ngei la a that dawn hi.
Report this comment
August 26th, 2011 at 9:46 am
Ka van chhiar tui reuh hrep vele… Just like Mithun hairehai
Report this comment
August 26th, 2011 at 10:45 am
Buaina … a thelhtu nih pawh hi a vanduai ve theih a nia! I nihlawh thei hle mai! A ngaihnawm tlat!
Report this comment
August 26th, 2011 at 10:53 am
A va ngaihnawm ve aw… Lo chhunzawm zel rawh
Report this comment
August 26th, 2011 at 11:05 am
ka thianpa laptop pawh kan misonary-te lo chuan an ON thei tawh lo…lol
Report this comment
August 26th, 2011 at 1:44 pm
A ngaihnawm hlimawm phian reuh, a chanchin hi ziak teuh mahse la samsei lam erawhin hmun an chang sang vak lo ang. A sawi aia ziak thiam han ti ngawt dawn ila, a thiam kawp. Kan missionary-ah chuan kan chhuan pawl ani e. Chhunzawm leh mawlh teh…
Report this comment
August 26th, 2011 at 1:55 pm
In va rorum hlom ve maw le..Internship aizawl a ka tih laiin kan pi pakhat nen sunday ah casualty ah kan duty a. Zurui pakhat hi a rawn lut a, ka BP hi min lo check sak teh u rawn ti ngawt pek. Kan pi kha nu dam diai chi hi ania, lo nghak rawh, emergency thil pawh anih loh kha hei damlo an tam si,lo va thu harh la,a thawl deuhah i rawn lut leh dawn nia a tia. Chu zurui pa chuan zahna nei lek loin ka emergency leh in emergency a in ang lo em ni, min va ngai pawimawh lo ve tih pahin dawhkan a rawn chum bur a, dawhkan chunga casualty card leh lehkha pawimawh a darh ta chum chum mai.Keini buai nak laiin, thin a thawk lawk a,ka damlo enlai chuan ka bula thir thutthleng herh san theih chi rit bel bawl chu ka la lawk a, emergency i duh chuan ka han vaw thlu tawp teh ang, chuan emergency dik takin kan admit dawn che nia tih leh vuak ka tum a, a ni hlau a tlan chhuak leh si, casualty pawn ah kan um chhuak mai chu, a lo rui lo nasa mai, casualty pawn ka thlen chuan main gate kha a lo zuk tlan tleng thla hman maw le. Emergency a admit chu a lo hlau ve khawp mai.
Kan pi ber a zah lo lutuk kha thin a ti rim ve hrim hrim a.
Report this comment
August 26th, 2011 at 3:05 pm
Changtupa i ni ngawt alawm,ngaihnawm e.
Report this comment
August 26th, 2011 at 10:14 pm
26 doc_lib@
Report this comment
August 26th, 2011 at 10:32 pm
26. Doc_lib chu che bawn ve hle mai a. Mizote hi hnam huaisen han tih tur chu kan ni lem lo na a, phutzawk nei lo, huaisen tak tak hi chu an awm. Ziro lamah khian, chutiang mi pakhat chu a awm a. A sikul kal hlanin an in an lo rawk thin a, tumkhat chu break laiin a haw zawk a, Apatani rawlthar pakhat hi an in atanga a tlanchhuak a hmu a(ventilator atangin a lut thin a lo nia). Bike-in a um ta a, RCC fencing a lawn liam tur kha, a bike tlan lai atangin a zuan a lawm; a belkang nuan mai. An rawk zui ngai tawh lo.
Report this comment
August 26th, 2011 at 10:37 pm
Pu Pkfanai, thin a thawk thut chuan, a ti damtu lam nih in hriat a har khawp mai,a ngeiawm ve bawk em alom..in emergency leh ka emergency a in ang lo a ti vei kher bawk sia, kan emergency a pawh luh kan tum ve thut a lawm maw bawk le..ka thin hi a chhe ve hrim hrim a, mahse damlo tak tak chu min hua ka la hre miah lo
Report this comment
August 26th, 2011 at 10:50 pm
“Coward of the country” hla te pawh min hriat chhuah tir rum rum mai.
Report this comment
August 27th, 2011 at 5:01 pm
comment loh atan chuan ka ui tlat
chhiar a nuam…i misual um lai chu ka va en chak ve aw….
Report this comment
August 27th, 2011 at 5:54 pm
Darkhuanga, kan awmna ram neitupa chuan, kan chowkider Gogoi-a kha a ringhlel ru tlat a. Tin, misualte hi ka hmu ve miah lo. Pathianin thil pawi lian tham ka khawih hi a phal lo, niin ka hria. In pawmchilh ta ila chu, tullo deuhvin mi ka that ang a, ka rawngbawlna atan a pawi dawn si a.
Report this comment
August 30th, 2011 at 6:10 pm
A ngaihnawm hle mai. Ka duh aiin a tawp hma riau a, ka han scroll chho a, a thui phian bawk si. Ka kham lo a ni e.
Report this comment