Kan naupan lai khan boyband leh girlband ho kha an rawn lar huk a, Boyzone, Backstreet Boys, Boyz 2 Men, N Sync, Blackstreet Boys, O’Town, Mytown, Code Red, Westlife, 98 Degrees, 5ive, Hanson, Human nature te mipa lamah, tlema upa deuh ho tan New Kids on The Block, All4One leh Take That te an lar hle. Hmeichhe lamah Spice Girls, TLC, All Saints, Solid Harmonie, Destinys Child, Atomic Kitten te kha an lar hle bawk a. heng bakah hian mixed group s Club 7, VengaBoys, Steps te pawh kha an lar thin em kha.
MTV ah an zai kan en tluk tluk thin a, khatihlai khan MTV leh Channel V tluka Tv channel lar a awm ka ring lo! Aizawl leh thintlang lamah pawh atchilh an tam hle e, an thlalak te kha 1 Rs 10 in Bazar leh a chhehvelah zuar an tam thin hle. Khatih laia Aizawla khawlaiah leh mi banga ziahran hrat ber pawh “I love Nick” tih te anih kha. Hetih lai vek hian Leonardo Di Caprio a Titanic hairstyle kha a lar hle bawk! Youtube video ah pawh mi in an parody ngun ber chu Backstreet Boys ho hi an ni awm e!
Mahse kum 5 hnu velah chuan an reh ta duak a, boyband hrang hrang an tam ta lutuk a mipuiin an hne ani deuh ber e. Hei vang hian band hrang hrang an kehdarh chuai chuai a, a then in solo in bul an tan tha leh nangin a tam zawk an hlawh chham laiin hlawhtling fe fe (Justin Timberlake of N Sync, Beyonce, Ronan Keating etc) an awm nuk bawk. Tichuan Kum 2000 hnulamah chuan Boyband an awm ta meuh lo a, hmeichhe lamah Britney Spears te an chuai lam an pan ve deuh tawh bawk nen tleirawl ho in han atchilh tur an van hle. He hmun awl rawn luahkhat tur hian Justin Bieber a hian Boyband ho zawng zawng kha rawn luahlan in lar namen lovin a lar ta anih ber hi! A hla hit “Baby” ringawt pawh Youtube ah pawh Vawi maktaduai 700 chuang thlir ani tawh a, midang post zawng zawng nena chhiar phei chuan Vawi tluklehdingawt khat chuang thlir ani tawh hial ang.
Chuan le nikum atang khan UK X-Factor tling zo lo One Direction chu hei lar namen lovin an rawn lar leh ta a, British Group/Band zawng zawng, Beatles pawh telin, an la tih theih loh an Album hmasa ber chu US Billboard 200 chart ah an release rualin no 1 a rawn ni ta phawng mai. Hei hian mi zawng zawng a barakhaih hle ani. An fans te chuan Beatles ai pawn talent an ngah zawk, an ropui zawk te an ti el vel a. Inti music expert kulmuk ho thin a kehi em em mai anih chu!
Tute hinge Original Zawk?
One Direction
Beatles
hei le an zai hi lo ngaithle ve chhin teh!
Beatles ho ai chuan an aw a powerful zawk bawka, an zaithiam zawk bawkin ka hria kei chuan!
Similar Posts:
- Beatles Night in Aizawl
- Dedicated to U Lianliana of Kulikawn
- Hla mai mai
- House of The Rising Sun
- Mizote thil ngaihthah hma zia!
March 27th, 2012 at 9:14 am
.
Report this comment
March 27th, 2012 at 9:24 am
X-factor ka en ngai lova..hemite hi ka la hre lo a niang. Thalai huangah Mali Hlondo in a n hming alam chu ka hre tawh ngei mai ah… The Beatles nen an compare a nih chuan belchian tur a nih chu.
Report this comment
March 27th, 2012 at 9:45 am
Nizan a post hit deuh kha a bo tak daih a.. Admin.lam hian an la thla ni maw..
Report this comment
March 27th, 2012 at 9:50 am
A sawrz a awmlo a niang a…
Report this comment
March 27th, 2012 at 10:07 am
Talent chu an nei tha khawp ang. Mahse ka beng ah chuan Beatles ho an la mawi zawk.
Kilung @ 3, hmeichhe pakhat( a post ziak tu nu)
in a remove turin a request a, an remove anih kha.
Report this comment
March 27th, 2012 at 10:16 am
An hming leh anmahni ka vawi 1 hriatna
Report this comment
March 27th, 2012 at 10:35 am
Ngaihthlak a nuam khawp mai…
Report this comment
March 27th, 2012 at 10:37 am
Ka luh ruk them them loh zanah ber kher post hit deuh a lo awm leh pek e lo maw??? Khimi te zai khi chu ka ngaithla ve tawh ngei mai a, ka bengah an cham lo tlat
Report this comment
March 27th, 2012 at 10:45 am
@3, kilung. Nia, a ziaktunu kha a huaisenin a honest ka tih bakah mizo tlangvalte tan zirlai tha tak ani na-in, a nilo zawngin thil a kal thei a, a request nain an remove ta anih kha. Hetiang group te pawh hi mizo tlangval chuan kan ngaina hauh lo mai thei. Mahse, nula lamin an ngainat tlat chuan, an bulah sawt(sawisel) vak vak loh tur a nia.
Report this comment
March 27th, 2012 at 10:48 am
Beatles feeeeeeeeeeeeee
Report this comment
March 27th, 2012 at 10:50 am
OT,aw eng post nge o.. Ka van hre chak.
.post tupa chu i thl post nen i inhmehlo.fth
Report this comment
March 27th, 2012 at 10:57 am
Engah nge khatiang kha a ziah reng? Mizo tlangval pangngai tan chuan rilru nat lohna chi a ni hleinem.
Tichuan, Venga Boys Sha la la la kha a nalh ka ti tawp!
Report this comment
March 27th, 2012 at 11:01 am
Ka chhiar miahlo a, a post pawh ka hrelo. Mipa sawiselna lam ani hmel a.
Tinge, Mipa sawiselna post lamah hian kan sensitive em2 le. Mizo Hmeichhe sawiselna tam tak post a awm thin tho sia.. Miin a ngaihdan a ziak ani mai a
Report this comment
March 27th, 2012 at 11:23 am
eh! Pakistani tlangval a tel ve tlat!
Report this comment
March 27th, 2012 at 11:32 am
A thupui ‘Khawvela zaithiam ber One Direction’ tih khi ‘khawvela zaithiam ka tih ber One Direction’ ni ta seeee… An zaithiama mahse Beatle ho ang erawh chuan thinlung an khawih nep deuh ‘keimahah’ chuan…
Report this comment
March 27th, 2012 at 11:36 am
video pakhat chu ka en a, chuti em em in thiam pawh ka ti lo. Hla dang te han ngaithla zel ila, anmahni hla hi an phuah em le. Kei chu hlaphuah thiam hi ka ngaisang over.
Report this comment
March 27th, 2012 at 11:43 am
Pi Aduhi’n hlaphuah thiam a ngaisang. Yes, hla phuah nghal char char teh ang..
Report this comment
March 27th, 2012 at 11:45 am
Kan Zaithiam tih zawng a inang tlat lo!
BREAKING NEWS : hi a awm tawh em ? Nimin lam khan Sawrkar pawi kan sawiang tih a hlauhawm deuh si a, tuman in rawn comment mang si lo ! TUIKUK hel (NLFT ?) hovin kan ram development hnathawktute(6) an rukbo leh tak hi maw le? Hrechiang deuh in awm thei em aw?
Report this comment
March 27th, 2012 at 12:02 pm
Beatles ho chu anla tluklo deuh…nizan post kha ka comment ve talo a,ka u tuaite-a thinrim inhrosa kha chu nupui a neihloh mai pawh a hlauhawm alawm le ;-D B-) pil daih..
Report this comment
March 27th, 2012 at 12:48 pm
Ti daih ila Aryan chu ka rin ang aiin ila rei bik lo nih hi,
kum sawi lo pawhin khawvel eng kan hmuh hun a in ang deuh reng mai a…hehe…mahse khing ho chanchin ka sawi khi chuan Naupan lai huang chhung ah ka dah tawh lo, kan lerh hle tawh tlat 
ka Nickname hi a naupang a niang tleirawl chhuak hlim Chemtatrawta, lamea25 tih te ho in min nau chei ve tawp ….hihi. lung hlui pawh i ti leng dawn dawn e.
Report this comment
March 27th, 2012 at 1:10 pm
Sap ah chuan Aryan hian Mizo Tawng a la thiam ber.
Report this comment
March 27th, 2012 at 3:54 pm
Tinge maw Beatles leh One Direction te chuan hemi te tih dan kher kher hi an lo copy kher kher le..!!!!
https://i39.tinypic.com/25qwt3l.jpg
Report this comment
March 27th, 2012 at 6:04 pm
Nalh pawh ka ti uih uih lo e! Hmeichhe tleirawl ho duh chi..Aduhi ten mittui tla tla ker ker chungin ngaithla se a tawk chiah..
Report this comment
March 27th, 2012 at 6:18 pm
Thiam i tih viau kum 30 hnu velah an hming hi kan la hrereng ang e maw chu.. Kan la hriat viau chuan an ropui kan ti ve thei ang chu
Report this comment
March 27th, 2012 at 6:46 pm
Het het het! Beatles tluk an awm nang,an hla phuahna thluak turu zia hi chhut ve teh. Mahse niah,an hla ho hi version dang leh style dang deuh a tih hi a nalh thei fu mai. Aryan hi The Moffatts no. fan thin.
Report this comment
March 27th, 2012 at 11:16 pm
A ziaktu hian a uar ve hlein ka hria. Beatles te nena han khaikhin atan chuan an nep the2 em mai. Mahni duh zawng te hi chu an awm teh meuh mai mahse an zai thiam ka lo ani e. Beatles ho nen chuan khaikhin chi pawh an ni lo, talent an in neih that hleih em mai.
Report this comment