Tunlai chu fate chungchang a tla na deuh a niang, post a awm leh thin. Heti zawng hian kan thawh ve ang e. Fa-te hian nu leh pa te hi hlimna leh lawmna min lo siam sak nasa thin khawp mai a. Hei hi Pathian malsawmna, kan fate zar a kan dawn pawh niin ka hre thin. Chung hlimna tam tak ka dawnte zinga tlemte chu ka han tarlang ang a. Misual nu leh pa ni tawh zawng zawngte pawhin sawi tur tlem tal chu kan nei theuhin a rinawm a, I sawi ho teh ang u. Chumi hma-in, ka fa-te hi, hmeichhia kum 6 mi, fing kar mai leh mipa kum 4 mi, a tawngfiah loh leh a at ang ang a kan hmangaih em em te an ni e.
- Kan fapa hi kumin hian nursery kan kal tan tir ve a. A school ban a piang hian “Enge in zir?” kan lo thin a. Muang tawk, min en hau chung hian ‘An zil chu maw..’ an ti a. A’n ngaihtuah vang vang a, a tawpa a tawpah ‘..a se lo’ a rawn ti leh nge nge thin. Vawiin chu tlemin a chang kang deuh a, “thi pakhat an zil a” a ti ve tlat mai. Phur deuhin a nu in “Enge in zir chu le, mate” a’n ti a. An ngaihtuah leh vang vang a, a tawpah “…a se lo” tih bawkin a chhang leh tho.
- Kan fapa bawk hian an Home Work a lo ziak ve a. Entawn hian a lo ziak nuap nuap a. A nu’n “En lova ziah tur a sin, en lovin ziak rawh” a va ti a. A ni pek chuan thu an awih mai mai khawp a, a van-va-dak a, a mit chip tawka chhing chungin ziah a’n tum a nih kha! ‘Supandi’ ve tak chu a ni.
- Chaw ei dawn a piangin, “Aw Lalpa chaw leh thil tin reng” tih hi a sawi ziah thin a. Vawi khat mai a sawi ngai lo, chaw khawrh belh a piangin “Aw Lalpa chaw leh thil tin reng” tiin a hlan leh thlap zel. Khawrh ngun leh a sawi ngun a ni mai.
- Zan mut dawn apiangin “Zaninah min veng la” tih hi a sawi ziah bawk a. A U hi kan mut hun hma a lo chahthlak chang hi a nei thin a. Chutiang tum chuan, “Zaninah min veng la” tih hi vawi hnih a sawi thin. A vawi khatna – a ma tan, a vawi hnihna – a U tan. Fel ve deuh chu a ni.
- Thil hi a’n hre dik teuh thei mai mai khawp a. “Ladies and Gentlemen” tih-te hi “Babis and chhe-chhu-men” a lo ti ve nasa mai. A nuten ‘a ni lo’ an tih pawhin a tang ve tlat.
- A lehkha zir peih lo min chhan dan “(H)ei chu, a len (h)unah (k)a t(h)iam mai ang” a ti thin. A len huna a thiam tur hi a tam tawh teh mai a nia.
- Thil kan hrilh a min chhanna tam ber chu “E” tih hi a ni.
“Ka ngai tawh lutuk che a”– “E”
“A pu kha a thi a nih chu!” – “E”
“Hei hi I ei vaih chuan I thi mai ang” – “E”
“Pathian chu Engkim chung Lal ber a ni a”– “E”
“Naktuk School in chawl a nih chu” – “E”
Thil hrilh a piang a hrethiam zel mai hi a hrilhtute hi kan hrilhhai zawk fo. Sawi zui tur avng thei lutuk a.
- Vawikhat chu pawisa kan lo dah fimkhur loh deuh a, kan fanu hian thil lei nan a lo hmang mai a. A nu nen chuan thil awm zia kan hrilh a, “Pathian duh loh zawng tak I ti a, Pathianin a hrem ngei ngei ang che. A hremlohna tur che in tawngtaiin ngaihdam I dil tur a ni” kan ti a. Kan tawngtai pui ta a, kan sawi ang zelin kan sawi tir a. Vawikhat chu ngawi rengin a nu purse bulah hian a lo tawngtai a. Kan han inzawt chiang a, thil lei tur tha deuh (supari) a hria a, pawisa min dil a hreh bawk si hian a nu purse atang a a lak (ruk) hma-in Pathian hnenah ngaihdam a lo dil hmasa hi a lo ni a. Thil sual pawh ti sela ngaihdam dila tawngtaia min ngaidam leh thei dawn tho a nih chuan khatia tih mai kha a lo tha em bawk a ni.
- Setana’n thilsual ti turin min thlem thin a, mahse Isua thu awih tlat tur tihte hi kan hrilh ve thin a. Kan fanu hian advantage-ah a’n la thiam leh mai mai khawp a! Biak in a inkhawm laia thiante nen an in biak ser serte, an lo in kawih zeuh zeuhte hian inkhawm banah han zilh dawn ila, a duhlo chung chung Setana hian a lo tih tir lui tlat zel hi a lo ni ta thin a. A leng chak lo chung chungte hi Setana hian a lo len luih tir tlat zel a. Bawnghnute powder-te hi a ei chak miah lo, mahse Setana hian ei tur hian a lo ti tlat zel thin a, a lo ei leh mai thin zawk a ni. Amah hau lo hian Setana hi kan hau leh nge nge thin.
- Vawikhat chu mikhual nula hi kan thleng a. Arsa kan hmeh pui a, kan ei hnem tlang khawp mai a. Kan mikhualnu pawh chuan a hlap tha ve phian a. Hetih lai vel hian kan fanu hian thil a ei tha duh vak lo a. Chutia a ni kan fanu pawhin a ei tha viau mai chu lawmawm kan tih thu-te kan sawi luam a. Chaw ei kham chuan, kan mikhualnu chuan, kan fanu fak tum ran hian “Tunge chaw ei hnem deuh kha?” an ti vel a. Kan fanu chuan “Nangmah” an ti mai chu(h)! kan mikhualnu lah a zak, keini nu leh pa lah zak bawk, sawi tur a vang duh ngei mai.
Aw le, sawi ve tawh rawh u le’m.
Similar Posts:
- Battle Ground (Mihring)
- Engtin nge ka hnem ang?
- Ka thianpa ve thung…. :-)
- “Ânu, i thi dawn ami?”
- Hnung Lama ZU Barh
@Nguntang, a ropuiin a...
August 26th, 2011 at 11:04 am
Chh1ar 1 la
Report this comment
August 26th, 2011 at 11:21 am
that hmel hle mai
Report this comment
August 26th, 2011 at 11:23 am
Ka fapa upa ber tet lai hian a nu hian nepnawi dawr a siam ve a. A thil ei chak a dil hian a nu hian ‘pum natna’ a ti thin a, thu awih tak hian ‘e’ a ti mai zel a. Chutiang thil naupang dangin a rawn lei a hmuh chang hian ‘an pum a na ngei ang’ a lo ti thin a, a lainat awm duh thin khawp mai.
a pute in a a len chang hian an ui hian a lo bauh thin a, an sawi chhawng ve leh ngei a, ‘a pute ui khu ka hming a hre lo a niang min bauh ziah mai’ a ti ve hmiah mai.
mi tana engmah ni lo pawh nise, fate hi chuan min ti hlim thin mang e. He post hi ka
e.
Report this comment
August 26th, 2011 at 11:23 am
La neive lo te tan soitur ava vang ve
Report this comment
August 26th, 2011 at 11:40 am
ngaihnawm e…!! Misual nupui la nei lo zingah hian “Nupui neih hlau” deuh deuh kan awm em le???
Report this comment
August 26th, 2011 at 11:47 am
Ni e, la nei velo te tan chuan sawi tur vang khawp mai,
ka fa hmasa a pian khan in ….naa sawi lehlo mai ang :))
@chhuaklinga i fapa chu thu a awih hmel reuh hle mai
Report this comment
August 26th, 2011 at 12:01 pm
Fapa harh tawk lek hi ka nei a, Bati chhitlai khawih a tum reng thin a, han khap thin mah ila a rawn pan leh thin. Ka ning ta deuha ka khawih tir ta nge nge….a sim chiang khawp mai. Bati hunna a rawn hnaih ngam tawh lo re re.
A pawi vak dawn loh hi chuan, “Ti suh” tih reng ai chuan han tih tir ila, an rawn hrethiam ve mai thin bok.
Report this comment
August 26th, 2011 at 12:03 pm
hahaha.. @7 : Tu emaw tih dan deuh an ih kha…. A fapa kha mezial a lo zu ru ve thin a, an man ta sia. tel nga a lei a a zuk zawh tir vek an tih kha…!! A sim ta em chu ke hre hran lo… !!
Report this comment
August 26th, 2011 at 12:09 pm
A va ngaihnawm eee…
Han sawi zel teh u, fanu/fapa nei tawh khan.. keini’n an nu tur pawh kan la hmu zo si lo..
Report this comment
August 26th, 2011 at 12:14 pm
Ka la nei ve lova, sawi tur ka hre tlat lo…
Report this comment
August 26th, 2011 at 12:20 pm
naupang meizial leh sahdah vel an ti man avanga hrem nana zuk tir nghek te hi a that hmel viau lai hian zuk tha miah lo a!
Report this comment
August 26th, 2011 at 12:34 pm
An va bawn ve aw. I fapa chuan a pa a chhun a ni lo maw…
Report this comment
August 26th, 2011 at 12:40 pm
No Comment.
Report this comment
August 26th, 2011 at 12:43 pm
Ka fa pa Chhana pawh hian tlai chhung inkhawm neih dawn apiang hian Ephesi 6:1-3 hi a sawi ve ziah a,theihnghilh zeuh te hi a nei thin a,han sawipui ve te hian “Lo sawi ve suh” hi a ti ziah a..mahse min ti hlimtu chu a ni. Eng ang pawhin tawngtai laiin awm hlei mahse, Lal Biakna sawi dawn hi chuan a phur ber ber leh a sawi ring ber ber ah a tang veziah tho. Mahni fate, rilarah ngei te chanchin hi chu sawi a lo nuam a ni..
Report this comment
August 26th, 2011 at 12:50 pm
post tha tak ani
Report this comment
August 26th, 2011 at 12:54 pm
“Babis and chhe-chhu-men” fa la nei lo ho chu in hawihai hlawm dawn mang e. A rang lamin an nu tur emaw an pa tur emaw Shopping Mall ah va zawng rawh u. Discount in an lo zuar maithei asin.
Report this comment
August 26th, 2011 at 12:55 pm
ngaihnawm hle mai, an rawn nui thei a, kan han lawm a, min rawn kiai let suk ringawt pawh hi a nuam veng veng mai
Report this comment
August 26th, 2011 at 1:01 pm
Chhiar a nuam khawp mai. ‘John Lennon – Beautiful Boy’ min ti hrechhuak zawk.
Report this comment
August 26th, 2011 at 1:18 pm
Fanu kum 3 leh anau kum 1 kan nei ve a. Room ruak pakhat kan nei a, kan nuin tawngtaina room atan a duh a: keiin toys room atan ka duh si..misual ho hian min han chalrem teh u.
Report this comment
August 26th, 2011 at 1:22 pm
saint samoo innu ka support e. TAWNGTAINA room-ah hmang rawh u, keini pawh kan in sak tirh atangin kan nei a, kum 20 chuang a ni ta, room dang zawng aiin chhungkuain kan hmangtangkai asin! i inchhir lo ang tih ka sawi ngam e
Report this comment
August 26th, 2011 at 1:22 pm
Ngaih nawm hle mai a, chhiar man a awm e.
Report this comment
August 26th, 2011 at 1:24 pm
A lo di baw?
Report this comment
August 26th, 2011 at 1:36 pm
Chhiar a va nuam tak em. Ka nau hian fa min neih khalh roh a, hei kum 2 leh a chanve a ni tawh a, kan chhungkua min tihlimtu ber a ni der tawh mai.
Tlaikhat chu chaw ei hmain chhung inkhawm kan nei a, nungchang tha deuh hian a lo thu ve a. A tawpa kan tawngtai rual a, “I duhzawng vana an tih angin” tih thleng kha chu a sawi ve a, a reh ta daih a. Kan sawi zo, kan han men nak chuan dawhkan chunga dawnfawh a lo dit mawlh mawlh tawh chu niin. In duh ve em a lo ti ha zui.
Report this comment
August 26th, 2011 at 1:45 pm
Comment.
Report this comment
August 26th, 2011 at 1:46 pm
bbney..hahha in naute chu ka mithla a ka nnui nasa lutuk
Report this comment
August 26th, 2011 at 2:25 pm
Naupang ten an thil thiam (holam ve tak tak) an nu leh pa te hmuh a han in show vel an tum thin hi kalo ning thei khawp mai. Thian inkawm lai phei chuan, ” Apa min lo en teh..” an han ti sek mai hi a ninawm kalo ti thin hle.
Fa ka nei ve ta ngei alawm le! Ka fate chuan ka thi nin tak mai hi an ti ve ta fo mai. Kan hau khur khur thin takna a, kan ngaihtuah chiang ta. “Malsawmna ka dawn hi ka thlirlo anga maw,” tih lamin a thawk ta thung daih mai.
Kan fate, kan hmangaih em em mai ten, an thil thiam an pa te hmuhah inchhuang/inti thiam nei tak mai a han pholan an tum kha ka lawmlo anih chuan pa ni tlak ka ni ang em ?
Thiante kan kawm ani thei, thiante chu an lo kal a, an liam leh mai thin ani lawm ni? Kan fate erawh thlak thei tu reng khawvel awm chhung hian an awm dawn lo. An mi ngaihsan ber mai an nu leh pa te hmuha an thiamna an han pholang chak ringawt pawh kha malsawmna kan dawn ti zualkai tu alo ni ngei e. Kan fate tluka chuang taka kan hmuh a hetiang tih duhna rilru nei hi khawvelah hian an awm lovang.
Ka hnuk a ulh teuh chu le
Report this comment
August 26th, 2011 at 2:37 pm
Chhiar a nuam hle mai. Fa kan lo nei lo ang tih hi a hlauhawm ṭhin ngawt a ni.
Ka fanu ṭawngṭai chuan “Aw Lalpa, zaninah mumang nawm hmel deuh deuh min hmuhtir ang che” a ti. “Kan chhungte khawvel hmun chi hrang hranga mite min lo biak ang che” a ti bawk.
Ka fapa ve thung chuan “Aw Lalpa, thil ṭha deuh deuh min pekin lawmthu kan sawi theihnghilh ṭhin avangin tihpalh” a ti. Nuih a za duh rura, insum a ngai thin bawk si!
Report this comment
August 26th, 2011 at 6:31 pm
chhiar a van nuam em..
kan chhungte fanu pakhat kum 4 mi lek poh.. a leng ho kha a tum bur mai a, a nu in ngati nge an ti chu.. ” Lal a nu, i thu hi ka oih don toh lo ” a tia, a nu chuan bawihte ngati nge ? a tia.. a ni naupang lah pek chuan.. ” A pa nen hian unau ami in nih ka tia..aw i tia.. mahse in lo in ngaizawng reng sia 
” lolzzzzzzzz…
Report this comment
August 26th, 2011 at 7:43 pm
Kan fate chanchin atang hian hlimna chhete tal lo nei ve, he post chhiartute zingah mi pakhat tal pawh in lo awm tak tak nih chuan thil lawmawm tak niin ka hria. Rawn share ve tute leh comment rawn pe tute avang pawhin ka lawm tak zet bawk.
Nu leh pa te hian kan nulat tlangval lai ‘single life’ kha thlakhlelh chang kan kan nei fo in a rinawm a. Mahse, kan kawppui-te leh kan fa-te avang a hlimna kan chan zawng zawngte hi han ngaihtuah chiang ila, ‘single life’ kan thlakhlelhna hi chu lawm takin kan thlah leh thei thin awm e.
Report this comment
August 27th, 2011 at 1:27 am
Vawiin misual chu a ngaihnawm hlawm hle mai! I fate chuan nangni a nu leh pa chang lo, kei pawh min tihlim e. Zan laia nui kur kur thei tur chuan mood fuh deuh a ngai a nia! I ziak thiam bawk si, a ngaihnawm ka ti khawp mai. Post tha tak a ni.
Report this comment
August 27th, 2011 at 1:56 am
Ka fanu naupang te pawh, Fakte-a vung lai khan, ka hnenah a rawn kal tarh tarh a, “A pa, Daniela Hapta hi a zo tawh em?” a rawn ti ve phawng a. “Zo tawh,” ka lo ti a. “E ..” a ti a. A kir ve leh mai bawk a. A hrethiam chiah ang emaw?
Ka fanu vek hi,nuih a tiza asin. Kawngpui ana awm kan ni a, veivak tui halte hian tui an rawn in zauh zauh thin bawk a. Ni khat chu Zira Hnamte zaithiam hian tui a rawn in a. Ka fanu hnenah chuan, “Zai thiam Zira Hnamte a nih kha,” kan ti a. Ka fanu chu a hawi he haw a, a ngaihtuah ta vang vang a, “Thi kha maw?” a rawn ti chhuak phawng a. Kum AD 2002 tawp lam Zirsangzela Hnamte thih hnu lawk kha a ni lahtak a.
Report this comment
August 27th, 2011 at 9:33 am
19# tawngtaina room ah le….
Report this comment
August 27th, 2011 at 9:55 am
Nimin chhun lam ka buai lutuk a, hetiang post ngaihnawm leh mi tihlim thei tak pawh ka lo hmu lo a nih hi. Nu leh pa te rilru kha zet te pawh hi, an fate kum 8 vel hnuai lam ho hi chu, rilru thianghlim tak anni thin. Isua pawhin a lawm em kha. A tawngsual chang ran reng mai leh tawngsual tir tum a zawhna khirh khan tak tak zawt thin pharisee hote pawh kha, an fa kum 8 ai a naupang ho kha chu an rilru a thianghlim ngawt ang.
Report this comment