[Thuhma awm lovin kan tan ve chawt ange aw.]
Zankhat (Sept. 2008) chu ruah a tla cherh cherh a, mahse kan lo tum lawk angin hawlhrawk hawlh tur chuan kan chhuak lui ta tho va! Ruah asur hian tui anu a, kaikuang hi man a awl bik an ti lehzel a (tak tak ni maw)!
Aizawl New Market atangin len-sin chi metre khat leh a chanve kan lei a, len lung erawh kan hawlhrawk hlui ami a rin theih avangin kan lei tel lo. Uluk taka chhun lama lenlung an lo vuah tawh chu kan hman hmasak berna tur a nia, vanneihna min thlen kan ring ve thlarawk a. Kan inghahna hmunah chuan hawlhrawk ngul tur thingtuai mar deuh a van avangin mau kan hmang ta zawk a. A ngul pahnih kan vuah hnu chuan lui pan chuan kan chhuak phei ta a.
Kan lui beih hi a khawkrawk deuhva, lung sum atam nen fimkhur angai hle mai. Meichher chu diesel kan hnianghnar bawk a, kan indaihin kan siam a, pahnih chu kan chhi rual nghal a. Sairilzo lui hi LAD Picnic spot bul atanga luh chhoh mai khu ani a, a laili ang reng a, midang pawh an lo kal ve thin aniawm a. Darkar chanve vel kan hawlh hnu pawh chuan Kg 0.50 vel awm chauh kan la man a. Kan hlawhchham ngei dawn e ka ti hman tawh a.
Hawlhrawk hi la hawlh ngai lo tan han sawifiah dawn ila tha ang. Naupan laia thosilen chhia a luitea sangha kan dawl ang deuh kha a ni ber mai. Li lian deuh hrut nan len kha a sir leh lam leh lamah thingtuai/mau hmangin a vawn fung an siam a, li-a len dan azirin a vawn fungah khan a len kha an tel tawma. Tin, lenlung hi li mawng hrut chhuahnan len hmawrah an vuah a, han hawlh paha li mawng a hrut theihnan ani ber ang chu.
Sawi tawh angin kan lui kalna hi a lung sum a tam si a, vawikhat phei chu ka pil zakin ka tla a. Bawng te pawh an ke atang fo an ti. Lui hnar kan zawh zel a, mi kal belna bak ka thlen chuan kaikuang pawh an lo tam deuh ta a, kan hlim ta phian a, thosi leh vangvat te chu kan ngai pawimawh tawh lo khawp mai!
Ka inthazawh tawh vak loh avangin patek tamna lung hmun han dai/zawh lai hian mawng a za duh deuhva, kan kalpuite kha tlangval in-fit tak tak te an nia, len kha patek awmna lungah khan an han phah a, tawlhthluk hlauhawm miah lohvin a kal theih mai thin a! Tin, kan kal pui pakhat khan mawza hlui alo kenga, ka bun hnuah chuan ka balance a dik ta zaih mai bawk.
Darkar 2 vel kan hrut/hawlh leh hnu chuan haw kan rel ta a. Vangvat hian taksa ril lam hi a lo luhchilh thin a, in dap uluk angai khawp mai. Ti chuan kan kaikuang leh nghate, ulawng tlem tlem chu camp pakhatah kan kang a, a seh-hmeh atan kan hmanga, a tha khawp mai! Kan kal lama ruah sur pawh kha a lo bang fel tawh a, chhum zing leh khawdur a kiang a, thla an eng kuk chu a lunglen thlak hle mai! Aizawl panin zanlai pelh dawnah kan haw ta a.
Kaikuang hi insem vel lai hian a lian tha tha hi a lawmawm a, mahse han ei a ralah chuan ate te hi alo tui ber zawk. Tel nen han kangro sen thap mai ila, a seh-hmeh atan lo pawh alo tui ve tho mai !
Tumkhat chu Lunghmul kan hawlh tum phei chuan kan ti sual a, rei kan la hawlh hmain ruahpuivanawnin min han chhu tak tak mai ale! Kan meichher zawng zawng anan huh zel si a, kan let leh ta ringawt a, ram palailengah meichher tellovin ruah sur hnuaiah kein Lengpui khua kan pan a, sil a na duh khawp mai. Kan motor kha Hmunpui pengah Dialdawk hnarah kan tir chho daih tawh si a. Hemi tum hian kg 1 vel chu kan hrut hman a, kan kal pui pakhat hi Aizawl lam atanga lo chhuk a ni ve si a, hawn vek rawh kan ti a, tlawmngai chung chungin a hawn ta a. A zawngchhang vak lo aniang, kan hawlhna-ah a lo tel nawn leh ta lo.
P.S : Lui kal dawn hian hriat tur tul hi puithuna atthlak-ah in lo ngai ringawt ange, ataka kan tawn tawh thil te a nia, fimkhur nan lo hmang in awm takin.
1. Zu in hmasa emaw thian rual zingah nam an awm chuan vanneih a har bik em em.
2. Thiante zingah inngeih lo leh hnial hrat mi an awm chuan hlawhtlin a har.
3. Lui kal hian puan pheikhawk emaw, mawza chhah lam deuh bun theih a tha. Patek tamna-ah phei chuan mawza hi atangkai mah zawk emaw tih mai tur.
4. Tunlai chhanah mobile phone kan uar tak chinah hian ‘water proof pouch’ emaw ken tel a tha. Thau deuh tan chuan Skin tight hak hian kap nawt pilh tur a veng!
5. Lui dung kan bel lohna hi zan lamah chuan beih loh a tha ber, chetsual a awl bik.
6. Tam chhawl atan kurtai (chocolate) lam chi hi fun tel ngei a tha.
Han chhunzawm ve tawh ru le………
Similar Posts:
- Kan nau awm hla hi!
- Mawng chhuichianna
- Chakai meichher chhit
- Chakai Meichher Chhit leh Khuai Lak
- Mei-talh (Pi Pu te lighter)
Rating leh...
September 22nd, 2011 at 8:35 am
Ka va chh1arsual teuh e. Hawl-hrawk ti a chhiar phet ka’n tum chu a.
Report this comment
September 22nd, 2011 at 8:45 am
Nia, chhunzawm teh un….
Report this comment
September 22nd, 2011 at 8:50 am
Hawlhrawk hi Durtlang lam khian an hre miah lo mai. Chhim lam thil deuh em niang ?
Report this comment
September 22nd, 2011 at 9:19 am
‘hawlhrawk’ tih hi tun hma in ka lo hre ngai miahlo keipawh
Report this comment
September 22nd, 2011 at 9:20 am
chhim lam thil a nih pawh ka hre lo. Aizawl velah hian kan uar ve vak loin ka hria. ka hawlh hmasak ber pawh ka patea fa, thingtlang lam mi min tih pui/zirtir a ni.
Report this comment
September 22nd, 2011 at 9:48 am
Torch Light hi, zan lam ram chhuah naah chuan keng tel ngei ngei hi a tha.
Report this comment
September 22nd, 2011 at 9:52 am
Ka la hrethiam chiahlo. A hming ang deuh hian engemaw in an hawlh a Sangha/kaikuang an man dawn emaw ka ti a, mahse len in an hrut bawk si a. Len a hrut hi engtinnge hawlhrawk a nih dan le????
Report this comment
September 22nd, 2011 at 10:01 am
Lung ava ti leng em… Ka pa te hian kan tet deuh lai khan an lam ri zing bawk a. Kei erawh chuan ka la hmang ve lo. Ka hriat ve zawk chu Hnawhtawt
Report this comment
September 22nd, 2011 at 10:09 am
Hawlhrawk hian a hming a pu zo khawp mai. A siam dan lo inang lo deuh pawh ni se,luitea nghate leh kaikuang ila man vel nan chuan duhthusam a ni.Chutiangah chuan len han den mai a remchang lova, hawlhrawk khan a vaunawk chin han hawlh rawk rawk nan a tha kher asin. Lui lian vak awm lohnaa awmten kan hmang nasa zualin ka hria.
Report this comment
September 22nd, 2011 at 10:10 am
Hawlhrawk hian a hming a pu zo khawp mai. A siam dan lo inang lo deuh pawh ni se,luitea nghate leh kaikuang ilo man vel nan chuan duhthusam a ni.Chutiangah chuan len han den mai a remchang lova, hawlhrawk hi a vaunawk chin han hawlh rawk rawk nan a tha, hawlh pahin kan chawi deuh nghal zel a, chu chuan a man tawh sa chhuak mai tur a veng bawk a ni. Lui lian vak awm lohnaa awmten kan hmang nasa zualin ka hria.
Report this comment
September 22nd, 2011 at 10:10 am
A ngaihnawm hle mai. Keipawh awmawmpuia ang chiah khian ka bo deuh a, changpat hmang a chakai thlemchhuah ang chi kha ka lo mitthla deuh a. I sawi ang hi chu kan naupan laiin kan ching ve khawp mai. “Sangha rùt ang” tiin kan insäwm thin. I thubelh ho khi a tha khawp mai.
Report this comment
September 22nd, 2011 at 10:20 am
Ngaihnawm hle mai. Lui kala zahawm sawi hi an serh bawkin ka hria. Len lungah suan kan hmang thin tak e.
Report this comment
September 22nd, 2011 at 10:36 am
Hlawhtlin lem loh pawh hian luikal hi chu anuam ve hrim hrim..
Report this comment
September 22nd, 2011 at 10:55 am
Hmanni deuh lawk ruah rawn sur tak2 hma khan tuirial ah khuan kan thian 5 in kan zuk hawlh a kan man hnem khawp mai kg.1 ang vel theuh chuan sanghate leh kaikuang kha kan insem tuirial ah chuan kanla man hnem ber trum ani.. hawlhrawk hawlh chuan meichher kengtu nih a nuam ber
Report this comment
September 22nd, 2011 at 11:26 am
Chhimlamah kan neihwm ka va hrelo ve. .hawlhrwk. .Ngaihnawm e.
Report this comment
September 22nd, 2011 at 11:29 am
Kan tet lai chuan sangha hrut kan ti a, thosi len in luite kan hrut thin. Dialdawk sawi takah chuan a fintu Char lui an tia, tah hian thian thum in lendengin kan kal a, lui chhengchhe fe hi ani reuh a, tui pawh tlemte tak tak a awm, zan a thim si a, vawikhat kan deng, len ka khawm tur kan dai ringawt a le..ka pil ta daih mai, lenin min uai bawk si, lung bang kha feet khat vel chauhin ka man pha lo a, mahse ka ban pha chuang lo. Ka in vai kang hram hram a.
Thian pa in a thuk tih hre hek suh, ka buai tih hria in a rawn lut ve ngawt a, a buai ve nasa mai, a che vek khan min nek phei a, lung bang kha ka va man pha ta a, thianpa pawh a sangha dahna langah ka va man a, kan in pawt chhuak hram ani..tlem a tlemah ka che chhe lek lek ani. Ka la hlau tun thleng hian, Kum 2008 vel kha ani ta awm e..
Hman ni deuh a dialdawk kan kal in kan tlaknaah khan lendeng pakhat a tlakhlum thu an sawi.
Report this comment
September 22nd, 2011 at 11:30 am
a nuam e…chhiar hman lo..chhuak lehnghal..
Report this comment
September 22nd, 2011 at 12:04 pm
Kan khaw lamah chuan i sawi ang chi khi CHIAHDUAI kan ti a, phai tuipuiah hian november thla chho atang velin kan hrut thin.
Kaikuang, nghachik, saitea-ngha, nghameidum, nghabeksen te kan man tlangpui. Vanneih chuan makur, common cap te pawh man chang kan nei. Uchang chu lak peih leh peih loh a ni mai.
Lui kal naah hand set pack nan chuan cd (condom) a tha khups mai.
Report this comment
September 22nd, 2011 at 12:31 pm
Condom hi touch screen tan hian a tha vak lo ani ang,hman deuh khan kan thianpa in hnatlan na ah a tuamna’n a hmang a,a display a chhe daih!!Surgical cloves pawh hi a tha ve lutuk.
Report this comment
September 22nd, 2011 at 12:43 pm
A thupui atang chuan in hawlh nawk nawk lam emaw kan ti dawn hluai a, mahse Sangha man dan lam daih lo ni zawkin. A hming hrim hrim hi ka vawikhat hriatna ani bawk. Engpawhnise, a nawm hmel hrep hi le. Zanin-ah chakai chhit kan tum ve ran ran a ruah an sur teuh mai ah… zialo khawp mai.
Report this comment
September 22nd, 2011 at 12:44 pm
Kaikuang kanro i sawi khian ka chil a ti puits!
-Thiante zingah inngeih lo leh hnial hrat mi an awm chuan hlawhtlin a har.
Chuti chu Ph HV-a leh Aryan an van hruichi awm loh ve!!
Report this comment
September 22nd, 2011 at 2:32 pm
‘Kawlhawk’ tih chhiarin ka lo chhiar dawn a!
Report this comment
September 22nd, 2011 at 4:51 pm
Sorry sorry, post ka vil hman lo leh ta……..Chhim lam khan in expi rawn share ve teh u.
Kei chu khawthlang lam lui khu ka bel hlawm a, ka kal tlut tlut mai. Dialdawk phei chu tui kan theh kanga, hawlhrawk hawlh ai mah hian a nuam.
Kan Nghalpui lak dan ka la rawn share leh ang che u.
Report this comment
September 22nd, 2011 at 4:58 pm
Kawlhawk tiha ka’n chhiar tep chu,lol
Report this comment
September 22nd, 2011 at 5:37 pm
A ngaihnawm hle mai, mitthlaah pawh mahni phaktawka lo chetlat vena a lang iai iai thei alawm le. I thurawn pawh tha tak a ni. Luidungah hian lunghriam tamna lovah chuan mawza chhah emaw ka bun fo. Mawza hi chu a tet hma deuh avangin kawr-bantlawn tanbun pawh tha tak a ni.
seki#3 Khawthlang lamah chuan an uar viau asin. Hawlhrawk mai bakah Thleng-chiah te pawh. Thleng an chiah dan chu, naupan lai aluminum thleng ang chi emawah kha thosilen ang chi themin an tuam a, tereuhte an ti awng a. Chumi chhungah chuan buh emaw tlem an dah thin. Thleng chu lungte in emaw an delh rit a, thildang an tihsan ta thin a. A hnuah an han en chuan nghate an lo awm ve nak thin.
Kan naupan lai chuan thosilen chhia kengin Charlie-a s/0 Pu Thangzuala (fam) Bungkawn highschool head, Rahsi Veng (Thakthingtlang tih tak) ami, L.Ch.K.a (fam), Upa Denghmingthanga KLK, te ho nen Ramri luiah nghate kan hrut thin a, bucket kan kenah a nung chungin kan hawn thin. Charlie-a te tuizem lianah kan khung teuh mai a. A hnu fe,kan tlangval hnuah kan en leh chu an lo inthlahpungve chu niin, an lo tam hrep mai a, nghakuaiin kan man ta thin a, anuam thin hle mai.
He post hian ka lung a tileng…’thoseilen chhia’ atang khian naupan lai min ti hrechhuak nasa kher mai.
Report this comment
September 22nd, 2011 at 5:44 pm
China gas lighter torch light awm nghal Rs.10 man chi hi lui dungah chuan a tangkai khups mai.
Report this comment
September 22nd, 2011 at 5:51 pm
@H.V : Thleng chiah chu ’85 vel khan Tlawngah kan uar ve thin khawp mai.
Tai fe ( Zu fe) hi chiah ila an duh bikin ka hria. Tlawng dungah lawnglengin kan inkar chhova, lui mawng tiau kha kan hai khuara kan zuk phum a, thleng tlang rual khan tiauin kan chhilh leh a. Vau kamah chhawl kan thliak a (chhinchhiah nan)….lui hnarah chaw kan fak hnuin haw pahin muang changin kan en thla leh thin. Thleng chiah han tih hian no emaw bel emaw pawh kan hmang thin tho. Lung hlui a leng mange
Report this comment
September 22nd, 2011 at 6:02 pm
lushai_er, Tlawng ila ti ta deuh2 hairehai, a lunglen thlak mange a. Bairabi Tlawng velah khuan Hawlhrawk leh Thleng chiah chu an hrat avang khan kal chang chuan ka tel ve fo tawh thin. Nuam ka ti a, hun khan min daihlo mah zawk thin niin ka hria.
Nula hawlhrawk hawlhpui chu thlangkawr vaingalsin ho mau mahal laiin a tihchi phian bawk! Mau pumah khan bûk an sa thin si a…
Sawi belh ta mai mai ila:
Bairabi Tlawngah khuan zanrei lamah lawngleng hmangin kaikuang lianchi kan man zeuh2 bawk. Petromax kha lawngleng hmawrah kan dah a, lên kan keng bawk a. Petromax eng lawmin kaikuang lian an rawn chhuak ta thin a, lên chuan kan lo khuh ta thin a. Man tam an har viau nangin an lian thama, tlemte man pawhin eikhawp an tling hma phian.
Report this comment
September 22nd, 2011 at 6:04 pm
Hawlhrawk chu ka la hmu lo a..an sawi ka hria, ka van ti ve chak tak.
Report this comment
September 22nd, 2011 at 6:08 pm
@mate ainawn, chak duh suh! Luikal lam reng reng hi chu an sawi hian a nawm hmel ringawt a, a hahthlak ka ring. Vangvat, hnim, thosi, etc. karah, mi pa nuam tih chi
Report this comment
September 22nd, 2011 at 6:09 pm
#29, mate : meichher kengtuah i duh chuan kan hruai ve ang che…
Hortokyo lamah pawh khuan kaikuang Petromax chhit chu an uar khawp mai, zanlaiah a eng kung thin.
Tut lamah pawh khuan kaikuang lian a awm ve thin.
Report this comment
September 22nd, 2011 at 6:10 pm
sheldon170 #30 lushai_er te hi fur laiin an kal mai pawh a an tifuh lutukin ka ring chiahlo
Report this comment
September 22nd, 2011 at 6:14 pm
@HV 32 dik chiah. A ziak chhiar khian a nawm hmel ringawt alawm. State atang phei chuan i mitthla thiam tawh lo hial ang chu. Kan ram lui a chhengchhe si. Mahse, mi pa ho hi in mak khawp, adventure lam hi in ngaina a.
Report this comment
September 22nd, 2011 at 6:14 pm
Luite chu fur lai pawn a hlauhawm lem loh.
H.V: Mahni hna lam thawh pah a nia, a hranpa a kal a ngai chuang lo…Zan kan riahna camp bul lawk lawkah hian lui kalna a tam a sin.
Tumkhat pawh Lengpui atangin Hortokyo thleng kein kan kal a, chauh theih tak a ni.
Report this comment
September 22nd, 2011 at 6:17 pm
@lushai_er, ‘…chauh theih tak ani’ i tih chat khi. Lui kal hi a hahthlak lutuk an ti reng a, i ziak chhiar khian a nawm hmel hle sia..hehe
Report this comment
September 22nd, 2011 at 6:17 pm
Hortokyo lamah ka sas hlui pa te nen kan kal ve tum kha a ropuilo khawp mai.
Zan lamah ka … pa chuan nula rim puiah min sawm a. Kan rim ta chu naupang zawk kha chu min lo be tha deuh nge, a rui lungpuam a titau ta pek alawm le. Min haw san (thlen inah) ta daih mai a. Ka va haw chu chhunglam atangin kawngkhar alo kalh bur mai si. Kan kik thin a, tuman min rawn chhang silo. Thleninte ka titho vek ang tih ka hlau bawk si…
Ka … pa mutna pindan awmna, inchhawng 2naah chuan ka lawn chho a, tukverh ka han chum thin, min hawn duh der silo. Ka inngaihtuah…. “Mai mai a, motor chabi ka kawl alawm le..” tiin ngaihtuahna ka nei thut a. Ka chhuk a, ka … pa Gypsy chu ka tinung a Aizawl lamah ka haw san daih.
A tukah bus a rawn haw an tum, Hortokyo piah lei (bridge) alo chhe si. Chuta tang chuan ke ngatin Kawnpui an kal a. Kawnpui atangin truck phar dingin chumi chuan an rawn haw.
Ka … chuan apa chu thil awmzia a zawt a. Ani chuan, ” Lungawi lohna a nei anih hmel..” a ti tawi fel et hahahaha sawi ngam bik thak nang hairehai
Lui kal hi chu chauin hahthlak thin viau mahse, a nawmna khan ahliahkhuh hneh rem rem thin ngawt mai! Na nuam an sawi ang vel ani thei mahna hairehai
Report this comment
September 22nd, 2011 at 6:21 pm
Tlawng dung vai mausat ho hi tumkhat kan buk bulah an rawn inkulh ve a, an chem tah dan kha amak ngawt asin. Mauah khan balu an phul a, an tat mai a. Keini khan lung kan zawng kher thin a, a hriam ve tho nia.
Report this comment
September 22nd, 2011 at 6:29 pm
lushai_er, #34 hnathawh pah i tih takah chuan (ti ve zel ang hahaha) hman kum khan J.E Mawitea (fam) te hnathawhna, Vervek piah Luakchhuah khua velah thla chuang ka va awm ve ngawt tawh asin. Lui kal duh vang leh hirha duh vang mai2 a ni ber awm e.
Mawitea kha Darlawnah an post lai ani a, CID hotu, MPRO hotu te nen, centrl intelligence lam mi ho nen kan ni nuaih thin. Hmar tawng, Paite tawng, Ralte leh Duhlian a ri nawk nawk mai thin. Luakchhuah kianga lui awm hnai, Luakzal lui leh Luakchhuah lui kha chu kan man fai hneh teh e!
PWD a thawk ve tho Muana (chiang lutuk lo) hi a awm ve a, zing tin a tlangau thin hahahaha. Luakchhuah khaw ho a kaitho vek thin.. a au ring ropui.
Pitar pakhatin vawk a talh dawn tih kan hria a, sa kg 20 kan hauh lawk ve a. “Kan awm rei dawn si a,” tiin Saum bur tur pawh sawlam raw lian chi khan ka siam a. A sa an rawn dah chiah mai chu a cher lutuk a, Mawitea te nen chuan kan va kir leh a. Mawitea chuan a neitu hnenah, “Ka pi, i vawk hi a ding tawk tawk em ni,” an ti chiah mai chu a awm zawng2 nuilo pawh ka hmu love. A cher reng taka, thau pakhatmah zuk nei lova mawle!
Vervek piah lam Mau lianchi saw a dangdai khawp mai. Phulrua aia lian pui pui an nia. Uipum tiat tiat. Lian viau e tilo chuan Mautak ang maia pan har mai ani si. Thil bur ilo velah a tha tak tak a ni.
Mawitea PWD J.E> hi Sialsuk a awmlaiin a thi nita in ka hria. Kan neice, Darlawn lal tunu nupuiah a nei nghe nghe.
#37 ka vawikhat hriatna.
Report this comment
September 22nd, 2011 at 7:05 pm
Hawlhrawk tih khian Snooker/pool sawina niawm ani …
Report this comment
September 22nd, 2011 at 7:38 pm
Mate ainawn hian lui kal chu a chak bawk a, ka haw veleh ka va han kal pui dawn chiang e aw..kan hlawhchham pawn hlawhtlin dan kan ngaihtuah tho ang
Report this comment
September 22nd, 2011 at 8:02 pm
Kan naupan ve deuh lai te kha chuan ruah a sura, tui a han nut hian len deng turin an chuak sup sup thin, tui pawn te te ah sangha tuinu hak kha man mai tur a awm thin. Tunah erawh mi an fing tawh nge, naupan laia thosilen a sangha kan hrut ang chi khan patling 3/4 vel hian luipui tuinu an han hrut chu a lian, a te in a hrut chhuak teuh teuh thin, len den aiin a hlawk zawk an ti.
Chhimtuipuiah sawn kaikuang lian chi a awm thin bawk a, thal tuifimah, suar tukhum tui pan laiah hian zanah lawnglengin an inlen thlak tir a, lawng hmawr lerah chuan torch-light leh feikibar nen tiaua kaikuang tlalai kha an zuk chhun ta thin a, a lian bawk a banrek tia tia hi a ni thei, zanah phei chuan an meng de ve rual a ni awm e.
Report this comment
September 22nd, 2011 at 8:55 pm
A va han ngaihnawm mai mai ve, kaikuang te tak tak te hi a tui.Nia ruihkhalh an awm palh chuan man tam a har khawp mai. haha..tawng tam ltk an awm hian ninawm fuuu bok.. good post..(Y)
Report this comment
September 23rd, 2011 at 1:44 am
Ka lung te pawh i ti leng ang reng e.. Sairang tlawng lui khu hawlhrawk in kan hrut ve tawh. Tin, naupan deuh laiin hawlhrawk te chiin leitan lui, saihri lui, bunglui etc.. vel ho khu kan paldarh nasa thin. Chuan zu in sawi takah chuan Sairang tlawng kan hawl tumin, sairang zu tha litre nga nen kan thawk chhuak a, GPO an tia mi, khumi thlang deuh atang khuan kan hawlh tan a, zu chu kan in chho zeuh zeuh reng, october thla ania, mahse tumah rui thei kan awm miah lo nia. A tan tirh kha chuan fiamthua an sawi “a man nuam tawk” an tih ang deuh vek kha kan nih ka ring. Mahse, kan han hawl kha chu tumah rui pawh kan awm thei lo. Tin, khawnvartui meichher kan hmang bawk. Sangha te leh kaikuang kan man hnem khawp mai. A tukah chawei khawm nan kan la hmang zui. Engtik niah emaw chuan tih leh kan la tum e.
Report this comment