(Sunday Pual) Lalpa lo kal a hnai ta

September 25th, 2011 3:30 pm by matea_tmj

Lalpa lo kal a hnai ta,
I nun kha inbihchiang la;
I tan nunna kawng a inhawng a ni,
Tho la i puan veng tha rawh.

Thim ata chu lo chhuak la,
Chatuan khua a var hma hian;
Nunna kawng chu rawn zawh la,
Lal Isuan a chhandam duh a che.

Mithianghlimte hruai turin,
Lal sipai an lo kal mek;
I hringnunin mual a liam hma ngei hian,
Harh rawh khua a tlai ang e.

Lal Isuan a chhandamna,
A thlawnin a hmangaihna;
Khawvela hringmi zawng zawng tan,
A nunna a hlan tawh si
Chatuan Nunna kawng chu rawn zawh la,
I duhthlanna hlan ve-in;
Lallukhum ropui i chang ang.

Lalpa lo kal a hnai ta,
I nun Kha inbihchiang la;
I tan nunna kawng a inhawng a ni,
Tho la i puan veng tha rawh.

He hla hi kan u Ronald Sangtea (H.Vangchhia Nau) phuah ani a, nalh ka tih em vangin Sunday Pual atan ka rawn thawh ve ani e. Venghlui Pastor Bial in an sakna hi ka rawn dah hram e.. Sunday hman nuam vek ule.

Ka lawm e

10 Responses to “(Sunday Pual) Lalpa lo kal a hnai ta”

1
chhangteval Says:
September 25th, 2011 at 4:07 pm
Sunday hman nuam vek ule
2
Silver Oak Says:
September 25th, 2011 at 4:29 pm
Vawin ni nen chuan a inhmeh kher mai mahse ka inkhawm lo a.
3
matea_tmj Says:
September 25th, 2011 at 4:47 pm
a lawm awm e. vawiin in hman nawm zel ka beisei e
4
Thangpasaisira Says:
September 25th, 2011 at 5:19 pm
Kapa van ami i hming zahawm rawh se
5
Pawngvina Thangthlawl Says:
September 25th, 2011 at 5:22 pm
Amen..!
6
PKfanai Says:
September 25th, 2011 at 5:56 pm
A tha hle mai a. Good post.
7
matea_tmj Says:
September 25th, 2011 at 5:58 pm
men leh
8
muantea Says:
September 25th, 2011 at 6:17 pm
Ka la hre hauh lo nain hle tha tak a nih hi. Ringtute hi engtik lai pawhin Pathian tawk tura kab inpeih a tul a ni
9
marova Says:
September 25th, 2011 at 7:57 pm
inring reng a kn om a gai reng a ni.a tha hle mai.
10
matea_tmj Says:
September 25th, 2011 at 8:08 pm
a lawm awm thin e