Phih det det in chung van a pan zel a;
Ding leh vei hawl kual vel e.
Min hlan la van thu leh hla ngei chu;
Chaih hrui kal tlang ngei hian.
Min ngai lo ten tuan zai rel i tum em ni;
Lam ang lo let leh rawh .
To thli leh nunrawng ruah lo sur e;
Ka chelh lai chaih hrui lo chat e.
Aw, ka duat lai chaih Lehkha kha;
Mu Ar lak iangin a tham ral ta.
Nunrawng thli hrual in a leng e;
Ka kut hnu mamte thang van ah.
Muang ten zal nang che piallei ngei ah;
Tiin thenna biah thu ka hlan nang che.
Similar Posts:
- LEHKHACHAIH LUKHAWNG NEI
- Lehkhachaih lukhawng nei
- RB Khawlhring – Nunrawng Hmeltha
- Lehkhachaih (Kite)
- Composer Girl
September 25th, 2011 at 5:48 pm
Phuah thiam hle mai
Report this comment
September 25th, 2011 at 6:15 pm
Kum sul tam a liam ta,
Rualpui zaleng zawng nen;
Tlai nem chhemdam thli tawna’n,
Kan chaih vai lehkha ngei kha.
A leng lep lep e thangvanah tlang khumin,
A iang ngei e Kawlngo di zawng leng lai;
Biahthu kan hlan chaih tluang hruiah
Angel lengi’n lo chhiar tak maw?
Report this comment
September 25th, 2011 at 7:11 pm
Lehkhachaih kan tih tam zawk te hi chu sarang leh polythene chaih te an ni thin.
Report this comment
September 25th, 2011 at 8:00 pm
A sial khawp mai…. Environmental poem phuah i thiamviau ka ring… I THIAM E!
Report this comment
September 25th, 2011 at 8:15 pm
Report this comment
September 25th, 2011 at 8:17 pm
#3, tun hma deuh kha chuan lehkha mawi pan tak chi hi kan hmang thina, polythene/sarang kan hmang ngai lo. Zo buhmal ngei kan char thin
Report this comment
September 25th, 2011 at 9:18 pm
To thli leh nunrawng ruah lo sur e..
‘To’ hi eng tihna nge?
Report this comment
September 25th, 2011 at 10:24 pm
KITE @
Tingtang tih a; ti hi a ni e. A hawrawp ka neih loh bak ah capital letter a ni tho ka ti deuh.
Pu. Muante chu va bei dak nalh ve le. In ti lawm awm e.
Report this comment
September 25th, 2011 at 10:46 pm
@critic
To(tro), ‘to’ a tak hi a awmzia a nia ka hriat duh chu…
Report this comment
September 25th, 2011 at 10:48 pm
Lehkha chaih hi ka thiam der lo, mi chaih sa chu pawt ve luap luap thiam.
Report this comment
September 25th, 2011 at 10:49 pm
#9 Kite, To chu i hriat loh chuan… ih han sawifiah dan ka van thiam lo e. A thluk i hria angem awww… Tho (fly) ang hian lam tur ania.
Report this comment
September 25th, 2011 at 11:28 pm
To chu thli hming a ni. Thli(pui) chi hrang2 kan nei ve a – To (To te pawh an sawi tel fo), ruahthimpui, ai ruah, nikir ruah, thli chhia, ldt.
Report this comment
September 26th, 2011 at 9:04 am
To chu thlai leh hnim lo tiak thar sawi na a kan hman kha ania..thlai ti tiak tu thli tih na ani mai awm e.
Report this comment
September 26th, 2011 at 4:04 pm
To chu thlipui sawina a ni lo maw? May hi To-mir thla kan ti em kha..? Ruahthimpui leh to hi a dang viau em?
Report this comment
September 26th, 2011 at 4:08 pm
Tomir= ‘fur’ ani mai lawm ni.
Report this comment
September 26th, 2011 at 4:50 pm
‘A sakhmel to-thli iang lo dur e…’ tih te pawh a awm kha maw le.
Report this comment
November 5th, 2011 at 1:07 am
@critic
Hmel en ai daih in i bawn ka ti..
Naupan lai khan nu te khawl la kan va la ru nasa thei tak em aw..!! Lung a va leng em!!
A dang pawh lo beisei zel teh ang, inthawp bo mai tan chuan ka phal lo che
Report this comment