Pi. Buzaii chu nu fel pangai tak ani a. Kum 1997 a Tuikuk nawlpui Tripura rama an tlan tum khan telve in, Tripura mi tuikuk tho, Hindu sakhaw bia pasal ah nei in hun engemaw ti chhung chu he hringnun in a chhawp a hlui chu an ring ve nawk nawk a.
A hma atang renga in sawiselna neuh neuh nei chamchi anih avangin ahan in sawisel deuh pawhin men ah an thlak sak mai thin a. Mahse a in sawisel zin tak em avang leh a na te chu alo zual tak zel avangin a pasal chuan ‘Aukchai’(Bawlpu?) thawi tir a rel ta a. Amah pi Buzai’n duhlo teh mahse a pasal thu chu hnialngam chi anilo tih hria in hreh tak chungin Aukchai chu an pan ta a.
Chutia hunbi neia an inthawi chinah chuan a dam chho chak hle a. A tawi zawngin, kumin Mizoram an rawn let leh thleng khan anla inthawi ta tlauh tlauh a. Pathianni tukkhat tukthuan an eilai chuan inthawina tur ar an thlun chu a chhuak thut a, nu ber chaw eilai chal takah chuan a lim ta chiam maia. Pi Buzaii hlau maimitchhing chu a meng leh ngam ta lo ani, ”Pathian mi zawng vat rawhu, hei ka men vaih chuan ka hnuk a chat nghal ani mai” a ti ta mai a.
Tual Upa Hruaia (tuikuk tho) hnenah Pathian thlarau a rawn thleng a, Pi Buzaii te in chu koh ngailo in a pan nghal a. Tawngtaina te neiin nasa takin bei mahse Pi. Buzaii kawchhung a Ramhuai chu a hnawtchhuak theilo. Kohran ho te’n nasa takin an tawngtai pui a. A tawp ah chuan a rawn meng ve leh thei hram a, mahse chu mitmeng chu mihring mitmeng ani tawhlo, a rapawm tlat. Ramhuai mitmeng ani.
”Ka pasal ka seh hmasa ber anga, ka seh zawhah khawchhung mi zawng zawng ka seh vek ang!” a ti ta mai a. Chuta tang chuan riahpui hial anlo ngai ta. A mitmeng chu a bial kul mai a, a mit a khap ta miahlo bawk. A hawikual vel pawhin a mitmu ti che lovin a lu pumpui chu a herkual muai muai mai thin. Kohran upa leh mi tlawmngai te’n an riahpui zantin a. Zan a rei telh telh a, meng an tlem tawlh tawlh a, ani erawh a harh tial tial thung. Zankhat chu amah in a phun bul bul a, ”ka piah ah sawn putar pakhat, muhil der a awm a, sawpa saw a mut veleh ka pasal ka va seh dawn ani”!
Mihring mize pangai piahlam a a chetdan rapawm zual te chu : – A mit a khap ngailo. A lei in a beng kua liah a ching. Inchhung a awm te rilru puthmang leh inhrilhruk a hre thei em em. Zuri in en tuma an rawn kalin thunun a har in a chak zual em em. Tal buai leh tuallai a let tual tual ni mang silo in a sam a pheng em em (Ramhuai samphiar?)
A hma atang rengin Kohran a mihli nuho leh amah Pu. Hruaia ngei in alo sawi tawh a, ”a nunna chu a sam ah hian a bet va va chauh tawh ani” tiin. 25th sept khan a Pasal in ”hetiang sam khuih pawh khuih theihloh put reng ai chuan” tiin a tansak a. A sam chu a chep zel a. A zai tawp ber a cheh chah rual chiah chuan a zangthal zawngin a tlu a. A hnuk a chat zui ta nghal ani. Ramhuai hnathawh hi alo mak thei ngei mai. He thil thleng hi 15th – 25th sept inkar kha ani e.
Similar Posts:
- Thlahrang/ramhuai
- Ramvak ten Tuikuk hel an um!
- Pawngsual a tawk: a la rai zui
- Tuikuk Pathian siam theihloh.
- Christmas Present
October 9th, 2011 at 4:35 pm
Hlauhawm deng deng ve, khawnge phek tharah pakai daih teng
Report this comment
October 9th, 2011 at 4:45 pm
1. A ngaihnawm thawkhat viau
2. Ramhuai hi khawpui lun laiah a inlar vak tawh ngai lo.
3. Torchlight lo chhuah hnuaah ramhuai a tlem sawt a,
electric bulb eng thatna hmunah ramhuai an inlar tlem.
4. Ramhuai hlau apiangin sawi tur an ngah.
5. Hun kal tawha midang nunna hial tana pawi lo khawih tawh leh mite ngaihdam theih loh thil sual lo ti tawhte RAMHUAI ten an tibuai duh bik (an ti).
Report this comment
October 9th, 2011 at 4:48 pm
Tak tak a mi, a van rap awm takk
Report this comment
October 9th, 2011 at 5:17 pm
Dangpuithu avan ei sual nasa em…..
Report this comment
October 10th, 2011 at 12:28 am
Ka khawl a chhe pek a,post ka vil tha hmanlo a.Mi(sual) unau te ngaihdam ka han dil e.Tripura lama an nun khi chu a pasal min hrilhchawn ania.Tin a thi lai tak hi ka hmulo bawk,a hmun a awm mi thahnem tak te thusawi inang ka lakchhawn ani e.A dang ho khi chu mit ngei in ka hmu e.A lei a a beng a hawl khi…..hmuh a nuamlo…..mihring pangai nihphung a nilo……mahse Setana kaltlang in a thei tlat si!
Report this comment
October 10th, 2011 at 7:34 am
uiiii leh
Report this comment
October 10th, 2011 at 10:50 am
Tlai khaw hnuah comment ve: Kristiante hi ramhuai hnawhchhuah leh Setana/ramhuai bawiha tangte chhanchhuah kawngah hian kan harh chhuah a tul ta khawp mai. Hetiang lama experience nei leh Pathian mi hman bik chu an awm tehmeuh mai. Amaherawhchu, Lal Isua neitu, Thalarau Thianghlim chenchilh Kristian tawh phawt chuan ramhuai hnawhchhuah theihna Lal Isua hmingin kan nei vek tih hi hriat a tha khawp mai.
Report this comment
October 10th, 2011 at 4:02 pm
Kei chu ka dawih zep bawk a, tuman min tih thaih duh tawh lo. Vawikhat min min tih thaih vei rawk a, zan thim thamah. Kawngthim lai taka ka kal laiin, a thlang hnim buk a tang khan engemaw thawm an rawn chhuah vel a, kei a hlau ka hawi tang hru hru a, ka bula brick awm rem changin kan deng mai chu..awiah ri a ring kher a sin.Mi huaisen chuan engahmah an ngaih loh leh fiah tumin an pan thin a. An lo in sa seng daih zel a. Dawihzep deuh chu kan hawi tang hru hru a, lungin kan tawng thin tih an hria a, min tihthaih tha duh tawh lo
Report this comment
October 10th, 2011 at 11:51 pm
Ka chhiar hun ava timing lo e,kan pa awm bawk si lo,mahse pindan chhunga mite ngaihtuahna hre thei(?)Khi chu ka awihlo deuh,Pathian bakin kan ngaihtuahte hrethei an awm dawn em ni?Ramhuai pawh ni raw sek sek,Lal Isuan a hneh vek tawh e
Report this comment
October 16th, 2011 at 11:33 pm
Khai aw..
Report this comment