Tunlai hi kan site nuam tak ah hian ka comment tam vak lova, ka post khat hle bawk a, chuvangin vawiin lam a ka thu hriat ka ngaihdan nilo em em mai ka’n post ange.
Vawiin (Dt. 19.1.2012) a Baptist Church of Mizoram, Assembly Executive Committee Meeting chuan Hmeichhia Pastor atan Ordain an remti a nih chu maw le!!! He thu hi a hre hmasa pawl chu ka ni hauh lo anga, mahse ka hriat tirh hian mak ka ti a, BCM em hi chuan hmeichhe pastor hi kan neih ka lo beisei ngai lova, tunah chuan kan nei dawn ta a lo ni. A va rapthlak em!!
Tuna an ordain tur hi nu ngaihsan awm tak leh mi thiam a ni a, mimawl te te pawh nuam takin in a kawm in a bula awm nuam an ti thin em em a ni. Amah hi pastor atan ka duh lohna lam nilovin, HMEICHHIA pastor tur hrim hrim hi ka duh lo a ni. Pastor ni kher lo hian Lalpa rawng hi hmeichhia te hian an bawl thei chiang em mai. Hetiang zela kan kal chuan kum tam a liam leh chuan Mawngkawhur Pastor te pawh kan la nei ang tih hlauhawm tak a ni.
Hmeichhia te hiam mipa te hi kawng tam tak ah an tluk reng a lom kan ti a ni thei a, kawng thenkhat ah phei chuan mipa in hmeichhia an tluk lo zawk a lom pawh a tih theih ngei ang. Tin, mipa tih theih ang chu hmeichhia ten an ti thei vek emaw, mipa tih theih loh pawh hmeichhia ten an ti thei a ni mai thei.
Mahse H M E I C H H I A an ni tlat. I Kor 11 ah chuan Mipa hi hmeichhe laka chhuak a nilova, hmeichhia hi mipa laka chhuak a ni zawk tih leh mipa hi hmeichhe tana siam a ni lova, hmeichhia erawh chu mipa tana siam a ni zawk tih ziak a ni. Chuvangin hmeichhe tan mipa nih ang nih ve zel hi a rem lo ani.
He thu hi inhnial theih tak mai a ni a, chuvangin kei chuan ka pawm lova, mahse a ti thei ten an tih chuan a tha a ni mai a, keia lo pawm loh ve ngawt vang khan engmah sawngsawhlawtna a awm chuang lovanga, an ti a an ti zo tawh a, a poi lo turah ngaih mai a tul ta a ni.
Comment lam ah ka lang hman ta lo a nih pawhin min lo hrethiam hram dawn nia. Ka ngaihdan tlang hraih in ka sawi ta a, in sawi ve hun a ni ta e……
Similar Posts:
- Hmeichhe Pastor neih a hun tawh
- Pastor atan Hmeichhia ?
- Presbyterian Kohhran Hmeichhia ten Hmeichhe Ordain Minister neih an duh
- Prof. RL Hnuni Ordain A Ni Dawn Ta
- Mipa leh Hmeichhia-II
January 20th, 2012 at 3:28 pm
1st khat hle mai a
January 20th, 2012 at 3:30 pm
1 Korinth 14:34-35
January 20th, 2012 at 3:35 pm
Ka lo inhmakhua lawk a nia.
January 20th, 2012 at 3:36 pm
Hmeichhe pastor nupui ah nei ta ila, kan thiam zawng zawng kan apply ngam angem le 🙂
January 20th, 2012 at 3:37 pm
Hmeichhe tan pawh BD zir sup sup chi, hna tau a tet dawn e… AICS a rak dawn teh e
January 20th, 2012 at 3:52 pm
Pawi vak ami thianpa. Sakhaw serh leh sang a khawih dawn chuang hleinem.
January 20th, 2012 at 3:53 pm
E Khai a, keini chu kan la nemnghet lem lo bawk a, sawisel lem lo mai teh ang….
January 20th, 2012 at 3:59 pm
@pc, tunah te chuan a step #1 an zo chauh a lwm le.. Step #2 ah chuan serh leh sang… Lo thlir phawt ang
January 20th, 2012 at 4:00 pm
Ka nau hmeichhia hi BA a pass hun ah BD zir ve teh se
January 20th, 2012 at 4:00 pm
Mipa ho kha…intluk loh hmeichhia an tam lutuk… Hmeichhia an nih vanga va dah hnuai viau pawh a tha lo..Hmeichhe lu chu Mipa an nia..hmeichhia te hian kan zah che u asin..
Tunlai khawvel ah chuan mipa/hmeichhia compare vak vak in awmzia a nei tawh lo e,Survival of the fittest a nih hi. huizz
January 20th, 2012 at 4:03 pm
Hmeichhe lu chu mipa… Hmmm.. 🙂
January 20th, 2012 at 4:07 pm
Tete-i sawi khi a dik ang 😀
January 20th, 2012 at 4:11 pm
“Hmeichhia Pastor atan Ordain an remti” nge “Prof. R.L. Hnuni minister atan ordain an remti”? A eng zawk pawh hi ni se ṭha ka ti ve ve.
Baptist Church of Mizoram hian hmeichhia pastor atana nemngheh hi policy-ah an neih dawn ta tihna a ni em? Pi Lianhnuni hi a bik takin minister atana nemngheh an remti chauh zawk a ni mai em? Hriat chian a chakawm e.
Bible thu kan sawi tel dawn a nih chuan hmeichhia pastor/minister an ni ve tur a ni lo tih chu a inziak bik miah lo. Mipa nih ang nihtir ve zel lam pawh a ni meuh lo – nihtir ve zel chu tum sa teh mah ila kan nihtir zel thei chuang lo ang.
January 20th, 2012 at 4:12 pm
A very loud Amen! It’s long ovedue. I am very happy. I think God will be happy too, for females, whom He created equally with males in His own image, had suffered descrimination so much for so long. The church, where women should enjoy greatest freedom, had in the past unfortunately become a place where women are denied their rights and exercise their highest potentials for the Lord and His ministry.
Well done, BCM! The church is on the right direction.
January 20th, 2012 at 4:15 pm
hman zan khan kan sawi zo vek tawh emaw ka tia..i han thar thawh leh takah chuan ‘a hun ve tawh a niang e…’ ti mai ang u hmiang.. Pathian kutah dah ila, a nin a tul ta a nih leh a hnuk thla leh mai turah ngai phawt mai ila, a hahdamthlak ngai..
January 20th, 2012 at 4:28 pm
Ordain han tih lemah Pastor Bial neia dah an tumna pawh ka hrelo a, amah in a tlin a Pastor nihna an pe ani mai a. Tihah chuan keini aia ram changkangah te Sakhaw hruaitu nihna hmeichhia in an chelh. Mizoramah erawh chuan Pastor anga bial neia hmeichhia dah chu ka support lem lo.
A thuhrim ah Sorkar Departmentah pawh hmeichhia hna sang tak tak chelh an awm a, an thiamna in a tlin a an chelh ani mai a. Chutiang bawkin Kohhran ah pawh he hmeichhe nihna hian a tlin a, an nemnghet ah ka ngai. Pi Hnuni ordain anih tak avanga Kohhran hruaitu atan hmeichhia pung chho zel turah kan ngai anih chuan kan ngai sual ang. Mi special deuh nih a ngai ang.
January 20th, 2012 at 4:35 pm
Mipa hi hmeichhe lu a ni a, inchhungah pawh roreltu leh thuneitu ani. Ka pawm thlap. Mahse hmeichhia a nih vang ringawt a Kohhrana nihna a chelh tur lo hmuhmawh hi a fuh dawn em ni aw ka ti.
Tin, hmeichhe pastor kan neih tak vanga Mawngkawhur Pastor kan neih han hlauh daih hi a inzawm lo ka ti. Mawngkawhur chuan Kohhran a belh ka ring lova, Pathian thu pawh a zir lovang, Ordain tur chuan Theologian Degree a neih ngei a ngai awm sia :-S
January 20th, 2012 at 4:36 pm
Bial fan a ngai a, mahse pastor kha a lo rai bawk si a, Bial a fang thei ta lo! Ngaihtuah zui peih te tan.
January 20th, 2012 at 4:38 pm
“A rapthlak..,” A post-tu hian a tawngkam hi a duham deuh hlek lo maw ka ti, a thusawi hmangah hian hmeichhia a dah hnuai deuh mah mahin ka hria. Kei chuan hmeichhia, ordained minister neih hi ka support reng; mahse, ordain tur chu pasal/fanau buaipui tur nei lo tiin duhkhirh ve deuh hlek thung tho se ka ti. Mipain kohhrana dinhmun sáng tam zawk an chelh chu a la that zawk em em rualin hmeichhia an awm hi a tulna tam tak a awm tlatin ka hria. Gender issue lam hi chu vuak ‘hot’ loh hräm hrâm a tha mang e.
January 20th, 2012 at 4:40 pm
Thiamna in a tlin avanga pastor/minister hna in chelhtir tehngawt hi tha ka ti lo hulhual. Nakinah ani lo midang thiam tak tak an la rawn chhuak dawn chauh.. Chung ho chu engtin nge ni ve zel ang? Rawngbawl hna ah hian khawvel thiamna chu a pawimawh tehmeuh mai, mahse chu aia pawimawh hmasa chu a awm a ni.
January 20th, 2012 at 4:47 pm
Ka sawi duh ve leh mai mai chu, mizotawngah hian ‘Beisei’ leh ‘Ring’ hi a hmanna a inang vek chiah lo va, ‘beisei’ hi chuan ‘ni tura kan duh’ tihna lam a hawi deuh a, ‘ring’ erawh hi chuan ‘kan duh/châk’ ni kher lo, ni thei tur àwma kan ngaihruat lam hi a hawi deuh tlangpui.
January 20th, 2012 at 4:52 pm
Keichu a tha ka ti hmana Zonet a an kawmna ka en phei kha chuan a awm hliah2 ka ti keichuan Pastor turin ka pawm e
January 20th, 2012 at 4:53 pm
Bucko, kan ngaihdan a in persan kher mai! Kei chuan BCM in hmeichhia pastor nihna an pe hi ka ngaisang a, Presbyterian atanga pem phah ka lo tum zawk asin. Hmeichhe missionary, hmeichhe evangelist, hmeichhe tawngtai dam thei in pawm chuan eng vang chiahin nge hmeichhe pastor in hnawl bik ang?
Tirhkoh Paula khan Asia rama kohhan tan kum 2012 AD ah leh khathawn ziak sela, khati khawp khan hmeichhe diunhmun Islam ang maiin a dah hniam bik lovang.
January 20th, 2012 at 4:55 pm
Kan Sakhaw Hruaitute hian keini aiin an ngaihtuah thui ka ring. Hmeichhia anihna avanga harsatna a tawh theihna tur kawng – Bial fan, naupai, etc. te pawh an ngaihtuah sa vek ang. Pastor nihna pek anih vanga bial nei kher tur ani lo a, tuna a thawhna a thawk chung hian a pastor thei tho sia. Post tu rilru chu ka hriatthiampui viau na a gender issue a la na deuh em aw ka ti.
Pathianin rem a ti a ordain ani ta ah ngai thei ila a lawmawm ngawt ang.
January 20th, 2012 at 4:55 pm
Thiamna (edn. qfn.)-in a tlin avanga pathian rawngbawl tura indah hi chu a hmei apa-in, tu pawh ni se la engtik lai mahin a fuh ngai lo vang a, ka support ngai lo vang. ” Chakna ni lovin, thil tihtheihna ni hek lovin, Ka Thlarau zawkin le,” tih hi kan Pathian lehkhabuin min zirtir dan a ni. BD/m.div, etc pass avanga innemngheh ngawt hi a tha lo.
January 20th, 2012 at 4:58 pm
@cyber: i sawi dik. Pathian rawngbawl tur hian gender aia pawimawh hmasa a awm ve tho ka ring. gender nei lo kan Pathian hi chu keini ang hian gender-ah a buai ve lo a sin maw le..
January 20th, 2012 at 5:00 pm
26 saint samoo (Y) Pathian hi mipa leh hmeichhia ah a buailo ang mawle :-S
January 20th, 2012 at 5:04 pm
MaraHisbicus #14, “He created equally with males in His own image”
Genesis 2:22 ah chuan, “Then the LORD God made a woman from the rib he had taken out of the man, and he brought her to the man.” a inti 😉 hmeichhia Evi kha Adama tlukpui nilo vin Adama nakrh atanga siam anih hmel.
Genesis 1:27 ami, “So God created man in his own image, in the image of God he created him; male and female he created them.” tih kha chu Juda sakhaw zirmi te chuan Genesis bung 2 ami nen a inmil lohna chhan kha tihian an sawi. “Genesis bung 1 na ami kha chu Adama nupui hmasa Lilith niin, Pathian khan a siam rual a. Mahse, Adam a a kalsan hnu khan Pathian chuan Adama khawhar hnem tur chuan (Genesis 2 ah) a muhilh hlan in a nakruh la chhuakin Evi a siam ta a ni,” an ti. The Alphabet of Ben Sira tih buah khan a chuang.
January 20th, 2012 at 5:04 pm
#24 Dr Sheldon (Y)
January 20th, 2012 at 5:08 pm
Hmeichhia, pastor leh upa atana nemngheh thuah chuan Kohhran thu a ni a, sakhaw thil, lo sawi chiam sawt vak lovah ka ngai. A tlukpui dangte tih ang, bial vawn leh Kohhran enkawl tih tir leh si loh erawh chu _ induhsak vangah a ngaih theih ang chu.
January 20th, 2012 at 5:15 pm
Hmeichhia Pastor-a an nemngheh avanga Mawngkawhur Pastor kan neihna chhan tur ringot a omlo. Pathian in a rawngbawl tur hian thlei bik anei lo, keini mihring hian kan lo thlei bik mai mai thrin alawm, a thra vek e, ka lawmpui takzet ani he nu hi… (Y)
January 20th, 2012 at 5:19 pm
redandgreen #31 Pi Hnuni an ordain dan awmzia chu, special ordination ang hi a ni mai a. Mi thenkhat Doctorate degree eng Univ. in emaw a hlan tih ang hi ani mai. Pastor a ni chuang lova, Minister(Baptist hovin Pastor ni kher lo mahse ordained ho kan sawi dan, eg. Hqrs a thu ho ang hi) a ni ve mai awm e.
Pu Hawla Tae-Kwon-Do black belt an hlan ang em kha chu a nilo 😛
January 20th, 2012 at 5:42 pm
In chhungkua ah khan in nupui in nge rorel se i duh nangmah(pa ber) in? Kohhran hi LALPA chhungkua a ni. PA ber chu a mawl emaw mawl lo emaw, nu aiin a thiam sang emaw sang lo emaw, family leader a nih hi a nupui tan pawh a mawi a, mi hmuh ah pawh a thangmawi zawk a ni.
Nupui chu a fin chuan a pasal tan ro hlu a ni a, a pasal chu chhawmdawlin tawiawm mai rawh se, PA dinhmun luah hi atan a mawi lova ni.
January 20th, 2012 at 5:43 pm
kohhran ho chu an va timak tak ve maw le, engtin nge nita ang le , Mipui pawh minrawn lova kan la tiam chiahlo ani a ka hriat vei nen. kei leh ka chhungte chuan Pastor atan hmeichhe pawmho chu kan thawh pui theih hmel loh hle mai, pawl dangah pemdaih mai teh ang, sawi in awmzia aneih loh chuan awmzia kan neihna hmun ah kal mai hi buaina pumpelhdan awlsam ber chu alo nih hi.
Mi thiltithei deuh hmeichhia BD chu pastorah an ordain anga, kei ni mirethei ho te fanu chu khawi lam ah min ordain sak ve hlei lo ange, chhan thatak hmangin missionary ah min tirh sak leh daih anga, chu zawng chu kan chan tawk. manganthlkak tak ala ni dawn, Buaina kan hotu te hian an chawkchhuak tan chiah chu anih hi….Huisss
January 20th, 2012 at 5:55 pm
Pathian rawngbawlna hi thiam thila lei chi a ni ngai lo sin. Lal Isua pawh mifing leh mi ropui anga lokal lovin a duhdan takin a nih kha alo kal. Adama leh Evi a siam hun lai ang taka nung leh turin min duh zawk a ni.
Khawvel finna leh thiamna a kan rorelna te leh kan in Sir na te hi chu Adama te bawhchhiatna avanga kan tuar a ni a. Kan ei a kan in duh a nih chuan thiamna leh finna zir chhuah a ngai reng a ni. Hei hi LALPA min siam dan a ni lova, mithiam a nih avangin LALPA ngaih ah a ropui hek lo, khawvela fing ber Solomona aiin LALPA mit hmuh ah Davida a ropui zawk ang khan LALPA thlirna chu mihring ngaih ah a dang a ni.
Pathian duhdan ah leh siam dan ah chuan Evi’n Adama rawng a bawl leh Adaman Pathian rawng a bawl hi thil kal dan tur dik tak zawk a ni. 🙂
January 20th, 2012 at 6:10 pm
Post tupa i va tisual chiang tak em! Hmeichhia hi i lo hmu hniam hrim hrim deuh a ni lo maw? Hmeichhe enhniam chin ngawt hi a level a sang lo teh a nia.
Baptist hian Prof. RL Hnuni hi engtik lai mahin Pastor atan nemngheh a nih tur thu an la pass lo. Minister atan chuan nemngheh an rem ti a ni zawk. Pastor ho hlawh a la dawn lova, tin a pension hun pawh a danglam phah dawn lo bawk. Chu chu amah ngeiin keima hnena a sawi dan a ni. Pastor chu a ni teuh lo.
Tin, khawvela Baptist awm zingah hian Mizoram Baptist Church hi hmeichhe ordain lo tlemte zing ami an ni. Ram dangah chuan an ordain deuh vek e.
Tin, Baptist constitutionah pawh hian hmeichhia ordain theih loh tih a awm lo hrim hrim, maw Pu Cyberthug. Tu pawhin minister nihna hi an dil vek thei, a qualified chin chuan. Hmeichhia a ni emaw mipa a ni emaw, a qualified chuan an dil thei. An dil thin reng bawk a ni.
Assembly hnuhnung berah(ka hresual mai thei) pawh khan ‘BCM(Baptist) hian hmeichhia ordain ni ve tawh rawh se’ tih agenda a lo lut a. Mahse constitutionah hmeichhia ordain theih loh tih lam reng reng a lan loh avangin sawi thui ngai lovah an dah ta mai a nih kha.
Biblical argument lam chu nakinah ka peih chuan ka lo ti ang. Forum dangah ka sawi zing tawh lutuk a, ka kham deuh tlat rih.
January 20th, 2012 at 6:29 pm
Pu Ignatia he tihian in ti teh ang, minister nih atulna chhan enge? pastor te tih theih ang sacrament sem te tih aduh vang mai anilo maw? rawngbawlnaah duhchin chauh intihtir tura in ordain tir hi thil hlauhawm tak anih ka ring, Bial vawngthei tur leh bial vawng ngam law law in lut sela angaihsan awm ngawt ang. Chuti nilova ahim chin leh nuam china Pastor te chanvo ang chan ve a an tih thei ang tih chak a, an kal na leh an tawrhna hmuna kal leh ngam silotura ordination chan hi thil hlauhawm tak, kohhran hmelma inphumru lo langchhuak ta ani zawk lo maw? hetiang anih chuan bialvawng lotur pastor kan nei teuh anga a rethei leh pawl hniam ho chauh hi ramri, thingtlang leh hmunpilrilah kan la tir anga, khawpuiah hmeichhe pastor an la thufur ang ti nia. chumi hunah chuan khawpui upa hi ala thinrim leh lungawi lotur thawmna hlei hlei, phun hmuar hmuar tur hmeichhe pastor hnuaia lakun hmasa tur chu an la ni ang. Posting an han siam chiah anga thingtlangah hmeichhia chu an han dah hreh phawt anga, dah dawn se awmlo, hmeichhe dinhmun hrethian li, rorel thiamlo nih an hlawh leh si anga, an hriatthiam hmeichhe pastor hnuaiah an la ku anla kun ngei dawn e. An kih hnawkah an la tang khawp ang.
January 20th, 2012 at 6:34 pm
Excellent post.
January 20th, 2012 at 6:45 pm
Pu darngawn: Baptistah hian priesthood for all believers tih hi kalphung pang ngai a ni. Rev ah ro ro hian bial nei chi(mipuia rawngbawl chi) leh Institution leh hmun danga awm tur chi an awm hrang bawk.
BCM-ah pawh hian thih dawn tep(upa tawh tak) pastor pek takte pawh an awm. Tun hnaia kan hriat mai theih chu Rev KL Vanngaia ang chi kha. Tunhma pawhin Rev Zathanga pawh kha an ordain bawkin ka hria. Headquartera awm leh awmlo hi an minister ve ve thei e tihna a nih chu. Serh leh sang an khawih thei bawk.
Mizoram angah hi chuan Bial neih ringawt hi minister nihna emaw kan ti deuh hrim hrim bawk a ni. Mahse a ni lo deuh tih hriat a tha. Hmun danga Baptist kal phung pawh a ni bawk.
Tin, i thu zel din(hypothetical) ang chi khi chu a thleng hauh lo vang, hlau thawng duh suh. Tiangin minister hi awlsam tak lak mai mai a ni bik hauh lo a nia.
Tin, Pi Hnuni hi bial vawng tur ang chi a ni lo hrim hrim bawk. Kohhran hmelma inphumru ang zawngte phei chuan ngaih chu sawi loh ngaihtuah pawh ngaihtuah chi a ni lo. Dik tak chuan amah hi Presbyterian atanga lo lut kha a ni. AICS an enkawl dawn tum pawh kha khu laia a thawhnate khan an ui der ve khawp mai. Mahse BCM a hmangaih avangin Zoram lamah a lo chhuak chho ta a ni.
I awih loh chuan tunhma zawnga AICS bus leh a bul vel thlenga phiat fai heuh heuh thintu tunge tiin zawt la, Madam Hnuni tiin an lo chhang ang che. Pathian thu zirna lama a thahnem ngaih piah lamah hian a inpekna hi sang tak a ni. Chu chuan hmelma a nih lohzia a ti lang khawp mai.
Tin, sawmtu pawh a ngah hle bawk. Minister hi a duh ngawr ngawr a nih phei chuan BCM hi min chhuah san daih tawh bawk ang.
January 20th, 2012 at 6:52 pm
Dear Pu HV @ 28,
You said, “Genesis bung 1 (1:27) na ami kha chu Adama nupui hmasa Lilith niin, Pathian khan a siam rual a. Mahse, Adam a a kalsan hnu khan Pathian chuan Adama khawhar hnem tur chuan (Genesis 2 ah) a muhilh hlan in a nakruh la chhuakin Evi a siam ta a ni,” an ti.”
Heihi kan pawm dawn chuan, 1 Timothy bung hnihna leh 1 Corinthian bung 11, etc ah hmeichhia lu mipa, etc te hi Paula sawi a ni a, Lal Isua rilru a ni lo, a tih thei vei tho dawn a sin.
Hmeichhia ordination emaw, pastor nih tir emaw te hi sual a ni lo. Hmeichhiate, hmeichhia anni vang hrimhrim a pastor nih tir loh erawh chu a dik thei lo. Tunlai khawel ah phei chuan an human right violation a ni tlat a ni.
January 20th, 2012 at 6:57 pm
Zanin chu Pu Hva leh Ignatia thu a inhmu ta e. “Pi Hnuni hi Pastor a ni dawn miah lo” tih ka sawi tawh kha. Pu hva leh Ignatia sawi ang khi thil nih phung chu a ni e. Pu muantea meetinga tel ngei pawhin post hmasaah a rawn sawi tawh kha, awih mai rawh u.
January 20th, 2012 at 7:02 pm
MaraHisbicus #40 Theologian ka ni lova ka hre biklo. Mahse, Genesis bung 1 leh bung 2 a thu hi a inhmulo em mai a, chumi sawifiah nan chuan ka sawi khi sakhaw lam zirmi tamtak hrilhfiahna a niin ka hria. 🙂
Mizo tawng chuan (Gen 1:27): Tichuan Pathianin ama anpuiin mihring a siam a, Pathian anpui ngeiin a ni a siam ni; mipaah leh hmeichhiaah a siam a ni.
Gen 2:22 ah chuan, “tin, LALPA Pathian chuan Adama laka a lâk nâkruh chu hmeichhiaah a siam a, Adama hnênah a hruai ta a.” tih ani leh thung.
Khimi bung leh chang 2 te khi a inkalh riau avangin Bible atel ta chiahlo, Adama kawppui hmasa Lilith kha Adama nen a Pathian siam rual anni tih a awm reng a ni. The Alphabet of Ben Sira
Ka hre velo 😉
MaraHisbicus nen kan OT ber hairehai 😛
January 20th, 2012 at 7:03 pm
Dear PKfanai @ 41,
Pastor pawh a ni ang chu. Pastor a ni thei lona tur a awm lo.
January 20th, 2012 at 7:05 pm
Helai titi chu a va khrum ve aw.
…Khrum
January 20th, 2012 at 7:19 pm
Pu HV @ 42,
“Adama kawppui hmasa Lilith kha Adama nen a Pathian siam rual anni tih a awm reng a ni. The Alphabet of Ben Sira”
Juda scholar te hrilfiah dan hi a interesting hle mai ti rawh! Nang leh kei chu OT (Old Testament) law law tawh mai ang aw!
January 20th, 2012 at 7:20 pm
Lalpan hun a ti tawh ani maiah ka ngai… Pathian rorel dan hi mihringin kan hre phak lo…. (Y)
January 20th, 2012 at 7:23 pm
mah reng reng se 😀
January 20th, 2012 at 7:47 pm
Tsa te ang a a hming bul a Rev. Prof. Dr. R.L. Hnuni a in tih ve theih nan minister ah an ordained dawn tih na a ni maw?
January 20th, 2012 at 7:50 pm
Ordain a nih chuan puithiam ni tura nemngheh a ni mai a. Chutiang mite chu serh leh sang khawih thei tura serh hran an ni mai bawk a. Nge, an ordain hunah,’he ordination hian serh leh sang khawih a huam lovang,’ an ti dawn ? Hmeichhia pastor/minister atana ordain hi tha pawh ka ti lo e a.
January 20th, 2012 at 7:50 pm
@43,Pastor zawng ani hauh lovang. Keichuan AICS a principal tur tha tawk tak an la awm rih loh avangin a Pension hun pawhsei nan an ti ni turah ka lo ngai rawk a, Mahse, Ignatia sawi ang khian Pastor ho Pension hun ang pawh chu a tawmpui dawn lo alo nih nghe nghe zawk khi a!!!A uihawm dawn hle mai.