Tunlai hi kan site nuam tak ah hian ka comment tam vak lova, ka post khat hle bawk a, chuvangin vawiin lam a ka thu hriat ka ngaihdan nilo em em mai ka’n post ange.
Vawiin (Dt. 19.1.2012) a Baptist Church of Mizoram, Assembly Executive Committee Meeting chuan Hmeichhia Pastor atan Ordain an remti a nih chu maw le!!! He thu hi a hre hmasa pawl chu ka ni hauh lo anga, mahse ka hriat tirh hian mak ka ti a, BCM em hi chuan hmeichhe pastor hi kan neih ka lo beisei ngai lova, tunah chuan kan nei dawn ta a lo ni. A va rapthlak em!!
Tuna an ordain tur hi nu ngaihsan awm tak leh mi thiam a ni a, mimawl te te pawh nuam takin in a kawm in a bula awm nuam an ti thin em em a ni. Amah hi pastor atan ka duh lohna lam nilovin, HMEICHHIA pastor tur hrim hrim hi ka duh lo a ni. Pastor ni kher lo hian Lalpa rawng hi hmeichhia te hian an bawl thei chiang em mai. Hetiang zela kan kal chuan kum tam a liam leh chuan Mawngkawhur Pastor te pawh kan la nei ang tih hlauhawm tak a ni.
Hmeichhia te hiam mipa te hi kawng tam tak ah an tluk reng a lom kan ti a ni thei a, kawng thenkhat ah phei chuan mipa in hmeichhia an tluk lo zawk a lom pawh a tih theih ngei ang. Tin, mipa tih theih ang chu hmeichhia ten an ti thei vek emaw, mipa tih theih loh pawh hmeichhia ten an ti thei a ni mai thei.
Mahse H M E I C H H I A an ni tlat. I Kor 11 ah chuan Mipa hi hmeichhe laka chhuak a nilova, hmeichhia hi mipa laka chhuak a ni zawk tih leh mipa hi hmeichhe tana siam a ni lova, hmeichhia erawh chu mipa tana siam a ni zawk tih ziak a ni. Chuvangin hmeichhe tan mipa nih ang nih ve zel hi a rem lo ani.
He thu hi inhnial theih tak mai a ni a, chuvangin kei chuan ka pawm lova, mahse a ti thei ten an tih chuan a tha a ni mai a, keia lo pawm loh ve ngawt vang khan engmah sawngsawhlawtna a awm chuang lovanga, an ti a an ti zo tawh a, a poi lo turah ngaih mai a tul ta a ni.
Comment lam ah ka lang hman ta lo a nih pawhin min lo hrethiam hram dawn nia. Ka ngaihdan tlang hraih in ka sawi ta a, in sawi ve hun a ni ta e……
Similar Posts:
- Hmeichhe Pastor neih a hun tawh
- Pastor atan Hmeichhia ?
- Presbyterian Kohhran Hmeichhia ten Hmeichhe Ordain Minister neih an duh
- Prof. RL Hnuni Ordain A Ni Dawn Ta
- Mipa leh Hmeichhia-II
January 21st, 2012 at 9:50 pm
95
Chem-trawt # Nang pawh ReMpY i thlurbing ve tho…ka phawk ve tho che..
Report this comment
January 23rd, 2012 at 11:44 am
Post tupa, kan kohhran hian e thutlukna hi entawn ngam ve se ka lo ti ru mai mai asin. Baptist kohhran i nih chuan lawm hle rawh. Kumte an liamzel ang a, kan la rawn zui dawn tho tho che u.
Report this comment
January 23rd, 2012 at 12:13 pm
Thuthlung Tharah hian Pu Tirhkoh Paula hian hmeichhia chungchang hi a sawi lang deuh ber a. Han thlir thuak thuak dawn chhin teh ang: Priskili kha Pathian thu zirtirtu ngaihsan awm tak- Pu Appolova zirtirtu a ni(Tirh. 18: 26). Pu Paula pawh kha a tlang nel khawpa an inah a thleng ngat thin a ni. Korinth khuaa kohhran Pu Paula dinpuitu a ni hial a ni(I Kor. 16:19)
Tin, Philipi khuaa Pi Eudii leh Pi Suntuki pawh kha lam hmaih chi an ni hauh lovang. Hmeichhe dinhmun hniam laia Bible hi ziak a nih avangin an rawngbawlna hi lang chiang lutuk lo mah se rawngbawltu pawimawh tak an niin a hriat theih( Philipi 2:4)
Tv Timothea Pi Loisi leh a nu Pi Eunuki kha kohhran lo ding hmasaahte khan dinhmun zahawm leh pawimawh tak an chelh ni ngeiin a lang bawk(Tit. 2:3). Pu Tirhkoh Paula phei chuan a ngaisang hle a nih kha.
Rom 16na lama Pu Paula mimal chibai bukna duhawm tak a ziakah pawh khan hmeichhia rawngbawlna chawimawi tlak nia a sawi a awm teuh a ni.
Tirhkoh Paula thuchhuak zawng zawng hi Pathian thu a ni vek lem lo a. Thenkhat hi chu mimal thahnem ngaihna avanga ziak a ni. Tin, a thu leh hla tamtak hi sermon pawh ni lo lehkhathawn a ni, maw Pu Posttupa. “Hmeichhia zirtir ka phal lo”(I Tim. 2:12) tia a sawite hi kohhran zawng zawng tan ni lovin a tulna bik leh tulna hun awm avanga sawi chauh a ni zawk.
Thuthlung thar hunlaia Judate leh Grik hmeichhiate dinhmun hniamzia kan hre vek awm e. Chutiang chunga rawngbawl thei an ni hi dangdai a ni mai lo a, tun atan pawh hian a relevant a ni.
Kaisari khuaa Pathian thuhrilhtu Pu Philipa phei chuan fanu pali a nei a, Pathian thu hril thin a nei a ni tih a lang leh keuh bawk.(Tirh. 21:9).
Hetiang zawng hian lo chhut ve thin la i ti sual vak lo mai thei a ni.
Report this comment