mi(sual).com

Ziak lawksa loin a hmunah hian tichawp ve chhin teh ang. Tunlai thalai leh lai lo paw’n kan buaipui an fb chungchang vel leh a kaihhnawih tren trennnn——->  Fb a ka luh ve apiang hian kan thianpa pakhat hi a lo awm ngei ngei a, ‘Ka status kha lo like lawk teh’ a lo ti ve ziah bawk a. Ok tiin emaw, kk tiin emaw ka’n chhang liam ve puat a, a thil update ka’n en chuan. ‘ka lo ruih em vang a lo ni….. han ti mai i la(h)!’ tih vel mai mai hi a lo ni leh thin sia, tlawmngaih like in ka like sak ve leh mai mai thin a ni ber.

Kawng lehlama thlir chuan a nuam ve riau bawk  si. Kan status kan han update a, chunglam a rawn sen nghal tuar tuar a. Zotlangvala Balma like ur status tih ngawt ai chuan Mimmy joalene and 109 others like this, tih vel han hmuh chu nuam ve deuh a nia. Comments hmun lia thena hmun thum chu keimahni in comment chawp a ni tih kha midangin rawn chhut sise tawh hek lo, 999 comments tih vel a’n awm tawh chuan mahni chauh pawh hian nuih ruk vur vur a awl riau.

Khitiang vel khi kan ni deuh fur a, a ngaihtuah lo tur awm awm pawh hian kan lo buaipui viau zel- tun lai kan fb hi zawng.  Ka friendlist ami pakhat hian ka thil update leh post thar apiang hi ‘a chhiar zo hman dawn emawni le’ tih awm velah hian a rawn like zat zat reng a, ‘hei chuan min va duh awm veng veng em’ ka lo ti hman a; Mahse midang pawh khati khan a lo like kual thi tih te ka hrechhuak ve leh hnuhnawh a.  An sawidan chuan kha mihring khan like tu a ngah thei lutuk, te an ti lehzel a. That leh that kan inlawm tlang te pawh a ang viau- a hmanthlak viau mai pawh a.

‘Hman’ sawi takah chuan, hmanni ah mipakhat, ‘i hman lutuk’ ka ti ngawt mai a, a working hours min hrilh a, ka offline san daih. Chutiang chu kan nia, hnathawhna hmun atang te, kawnga kal lai te, bus-a chuan lai te hian kan online suau suau a. Mitthi ruang kil pah te hian khawvel ral lehlam ami te tan fiamthu tharlam tak tak hi kan post liam piat piat a.  Kan khawvel hi a fb tawh reuh em a ni. Fb-ah lah hian kuch kuch hi a lo hota  ve bawk sia(<—– ka hrethiam ziktluak bik lo).

Amaherawhchu (ka naupan lai khan kristian naupang ka chhiar hian para tawp lam, a thutak chin kha ka chhiar peih lo thin a, tuna chhiartu te hi in ni ve lo ang chu maw.) kan internet hman dan leh kan fb hman danah hian tun aia kan fimkhur deuh chu a ngai em aw.. ka ti ve mai mai. Like tu neih tam duh vang, comment tu neih tam duh vanga thil chiang chiah lo keimahni ngei pawhin kan hriatchian loh, thil controversial deuh deuh post vak vak te hi a tha ber em? tih te ka ngaihtuah a. Tin, kan thiante, kan thil post min lo like sak tawh tute post a nih vang maia engmah a thu zirchiang lo a like ve leh pawp te hi a fuh ber lo maithei. Mithhi an rawn post  leh Mi’n neih thinglungkhawnga an sak  In, a kangral lai thla tuin emaw a rawn post a, an lo like vak vak te hi  a mak ka lo ti deuh thin.

Chuan, a hnuhnung berah chuan helaia kan mamawh miah loh(biakinah pawh hian a kalkhawmte mamawh miah loh hi an sermon ve thin bawk a nia) mi comment chhiar chungchang——> miin thil a post a, an comment luih luih a, an inhnial a, a hnuah kha thil post kha mi pakhatin a rawn hmu thar ve a, comment tawh sa, an sawi fel tawh sa engmah hre loin bul a rawn tan tha leh a, hahthlak thin. Misual.com-ah hi chuan post leh comment hi kan chhiar uluk thin in ka hria;  Mahse ka zeptel hram- Fb hoin an lo chhiara an tangkaipui takin, hmmmm!

Similar Posts:

• Misual.com a thil mak ka tih chu
• A va’n zahthlak em (chhunzawmna)
• A Facebook status a “LIKE” loh avangin a nupui a sawisa!
• Re-re-re-reply to Changes
• SPY

Recent Posts:

• Mobile hmanga hmeichhia zahmawh a lehkha thawn ching!!
• 2 nei
• PC Lalṭanpuia aka MALTA ‘Rotuiburi’
• Ka SMS dawn-II
• An chhuanawm mange!

This entry was posted on Wednesday, January 11th, 2012 at 11:15 am and is filed under Advice, Internet, Lifestyle, Mizo Society & Culture. You can follow any responses to this entry through the RSS 2.0 feed. You can leave a response, or trackback from your own site.