Mizote hi kan lo changkang chho ta deuh deuh va. India ram hmun hrang hrang bakah India ram pawn thlengin lehkhazir leh hnathawk leh awmhmun inbengbela awm pawh tam tak kan awm tawh a ni. Hei hi hmasawnna a ni pakhat ve a, a lawmawm hle a. Chutih rualin ram dang leh hnam dang hrichhia rawn puluttute hi he’ng Mizoram pawna awmte hi an ni tlat. An ni vek tihna a ni lo a nia.
A bikin zirlai leh hnathawkte tan fimkhur a ngai khawp mai. Spa-a thawhte hi a him lo, a bikin cross (hmeichhiain mipa leh hmeichhia khawih kawp) ang chi te hi a him lo tih thu ka hre zeuh zeuh. Kan Mizo nula tam takte awmkhawloh ṭanna a ni tlat.
Hmeichhiain mipa tî an han nâwk phei chuan mipa tisa châkna a chhuak a ni deuh nghal mai si a, a bikin vaiho phei chu hmeichhe râwp an tina bik emaw tih mai tur a ni a. Tum loh deuhva chetsual a sam em em a ni. He’ngah ngat phei chuan an hlawh a ṭha em em mai si a, nu leh pate mai bakah ṭhalai hnathawk tura Mizoram pawn chhuahsan tumte fimkhur a ngai khawp mai.
Spa-a hnathawk tura kan fate kan tir a nih pawhin cross lo (hmeichhiain hmeichhia chauh an khawihna hmun)-ah kan kaltir tur a ni; hetiangah chuan chetsual theihna chance a tlem bik hle. An discipline pawh a khauh ṭha a, anmahni mifel pangngai an nih phei chuan an hnathawhna lamah na na na chuan an ngaihtuahawm loh a ni. Tin, zanah chhuah tam loh a him hle bawk.
Vairamah phei chuan zanah a bazar vek theih si a, bazar nuam ti tan phei chuan an hlawhte a ṭhat avangin bazar-a kal hi a awl em em a. Zan hi an hunawl neih ve lai a ni lehnghal a. Hmeichhe lâwnga zana chhuah a him lo hulhual a ni. Zu an khuahkhirh mang si lo va, tlangval zuruiin hmeichhe pawhbuai an chîng a, an hmeichhia pangngai deuhte chu zanah pawn an chhuak ngai mang lo a ni.
Hotel bik hi han thlur deuh ta ila. Five Star-a thawk chinte chu security a ṭha a, rules & regulations pawh a ṭha a; an inkhuahkhirh ṭhain an strict em em a, an ngaihtuahawm em em loh a ni. Chutih rualin an hotute hi nula tlangval ve bawkte an ni a, vaiho phei chu an nupui pasalte’n ngaihzawng dang an neih pawhin inṭhen tih a awm ve mang si lo. Chumi a nih avang chuan ngaihzawng dang neih hi an pawisa em em lo va, an hnuaia thawkte leh an thawhpuite nen ngei pawh an inngaizawng fer fur mai a ni.
Chutah tak chuan kan Mizo hnathawk awmte an fimkhur a ngai ta! An hotute an ni si a, an hmaizah ve si, an awmna a kilkhawr si, an hotute’n ti tura an tih apiang an ti lo ngam si lo. Nula tan ngat phei chuan rilru nei leh huaisen deuh nih a ngai awm e. A thawktute hian intihhlimna hun hi an nei mang lo va, an hna hi a taft em em a ni. Chutih lai chuan a hotel pum ang zawnga intihhlimna buatsaih chang an nei ve ṭhin a, chutah tak chuan rim taka hna lo thawk tan chuan tluk a awl em em a ni.
Nu leh pate’na lo hria sela ka duh chu — Fate party-naa an kal kan duh lo emaw, zu leh ruihtheihthil an tih kan duh lo emaw, hnam dang ngaihzawng an neih leh mipat hmeichhiatna lama an tlân kan duh lo emaw a nih chuan kan fate phaia lehkhazira awmtir leh hnathawhtir loh a him ber.
Facebook lamah kan lo tãl tam a, hotel-a thawk ṭhiante pawh kan nei ve nual a; chuta ṭang chuan mi ṭhenkhatte khawsak dan khawlo takte pawh kan hre ve thei zel a, ram leh hnam hmangaihna thinlung putu tan chuan rilru hi a lo na vawng vawng ṭhin a ni.
Similar Posts:
- Games khêl ang!
- Mipa leh Hmeichhia-II
- Nunkhua an chèn
- Nupui atan chuan virgin ngei
- Enge i ngaih ve dan??
January 24th, 2012 at 9:41 am
I sawi awmzia chu mitthlain ka hmu thiam ma1. Kei pawh HYATT hotel thawk ni ve miau a….
January 24th, 2012 at 9:45 am
A tha hle mai. Zir/thawhna hmun tur nihphung leh chanchin hriat hmasak hi a tha.
Zrina in bik ah
COLLEGE /INSTITUTE, MAHNI IN-ADVERTISE VAK VAK HI CHU PAN LOH A HIM BER AWM E. ZIRNA IN THA LEH HMINGTHANG AN IN-ADVERTISE CHAWP A NGAILO.
Hetih rualin, eng hna/zirna pawh nise, a thawktu/zirtu ah a innghat thung.
January 24th, 2012 at 10:02 am
Hetah chuan hmeichhiate hi pawng ” Nuthuri zuam ngawt chi ” erawh a ni hauh lo.
January 24th, 2012 at 10:02 am
nia..Dr Mahminga sawi ang khian..
January 24th, 2012 at 10:03 am
Spa a thawh hi hna zahawm lo anga sawi ani fo mai a. A fair vak lo. Mizo tam tak thawhna ani a. An tan hna thawh tur dang an hmu lo anih phei chuan mi ei hmuhna lo sawi buai hi a tha lem lo vang a.
January 24th, 2012 at 10:08 am
I ziak tha e, mimal tin te kan pawi mawh khawp mai..
January 24th, 2012 at 10:09 am
@vlhauhnar: I experience, i lo tawnhriat leh daihriat han sawi teh khai. Kei aiin i hre fé-in ka ring. Spa chungchang te khi a khel tham khawp a nia. Vai hmeichhiate chu khawiah pawh kan zuam ngawt hleinem. An invawng zahawm thiam em alawm. Mizote chu kan intizahawm thiam lo em a, a tlangpui thuin. Mi tam tak, awmtha duh lo an lo awm ve bawk si a, hnam dang zuam an hlawh phah alawm, kan nulate hian.
@Dr. Mahminga: I comment a tha ka ti khawp mai. Ka (Y) e. 😉
January 24th, 2012 at 10:17 am
@Sony: I ngaihdan hi a tha viau. Mahse, thianghlim lo taka sum lakluhna hna hi hna zahawm ka ti thei lo. An ni vek e tihna phei chu a ni miah lo va. An chet khawloh hian amah maiin a tuar lo va, a hnam pumin kan hmingchhiat phah. Chu chu a pawi ber zawk chu a ni. Mizoram-a vaiin thil a tihsuala vai zawng zawng kan vaihma vek ang hi a ni ber mai.
January 24th, 2012 at 10:19 am
Engpawh nise a mihringah a innghat thui viau ang. Mi ei hmuhna lo sawisel sak ngawt erawh ka inthlahrung khawp mai.
January 24th, 2012 at 10:21 am
# 3 na chhunzawm…..Mahse, i biak thiam dan a zir a ni ( kum puitling tawh an nih chuan)…
January 24th, 2012 at 10:25 am
@Angelus, Thil engkimah hian a mihring azir chu a ni vek alawm. Kan environment azirin mihring kan danglam thei hle tih hriat a tha ang. ‘Mi ei hmuhna’ tih ngawt a ni lo. Thianghlim lo taka hna an thawk duh a nih chuan Mizo-ah inchhal lo law law rawh se. Thailand mi angah te inchhal sela, Mizo hnamin kan hmingchhiat phah lovang.
January 24th, 2012 at 10:27 am
Vairam, sapram, khawiah pawh awm ila an culture mila kan awm thiam chuan him deuhin a awm theih. Lehkha zir leh hnathawk tur hian thlawhchhuah chur chur tur. Vai te chu Mizo mipa anga mi tihluih tung tung ching an ni lova, “no means no” tih chuan e an ti mai. Kawm dan chintawk thiam hi a ni mai.
January 24th, 2012 at 10:33 am
Kan society ah hian ‘sin’ leh crime’ hi kan thliar thiam a ngai. Massage parlour a thawh (lo che bawraw pawl pawh) hi Mizo conservative hmuh dan chuan sual an ti maithei. Mahse ‘crime’ ani si lo. Leh lamah politician, officer leh engineer te an hlawh bak sorkar sum dan kalh thaka la lut kan hmu tleu leh si lo. An thil tih hi ‘crime’ ani a, ‘sin’ ah kan ngai phal si lo.
‘Sin’ kan do chiam a, ‘crime’ kan tolerate’ leh si a. Hei hian kan society a ti chhe riau ani.
January 24th, 2012 at 10:40 am
@13 Sony, nakin an hlawk vak loh hun ah khan, chhan chhuah te kha an ngai leh si ange aw akeeeekkeee 😀
January 24th, 2012 at 10:41 am
Mizo te hi chu kan materialistic lutuk a, ram danga Mizo hmeichia lo che khawlo ho pawh hi pawisa, lifestyle nuam an duh vang ania. Inti sakhaw mi deuh si hian khawvel thilah hian kan tlanchak lutuk a, awhna khawvelah kan cheng a. Nula te hi dem ngawt tur an ni lo e, kan thanlenna society vang zawk a ni e.
January 24th, 2012 at 10:43 am
@Miss Aduh, an tilui tung tung lova, an ti phut zel alawm! Entirna pakhat, Mizo tlangvalte chuan bike-a chuang chungin nula zana khawilo kal hi kan pawt buai ngai lova, kan tibuai ngai hek lo; an duh lo chung kan hruai ngai hek lo. Vairamah chuan a ni tlat. Chuvang chuan asin fimkhur a ngai ka tih reng ni.
@Sony: Eirûkna chungchang chu kan sawi loh bik loh hi! Kan sawi nasat em hi le.. Tuna kan sawi ang hi sawi hun kan nei ang a, eiruho sawi hun kan nei leh tur alawm. A subject a hrang a, tumkhatah kan sawi kawp lo mai mai chauh zawk alawm. ‘Crime a ni lo’ i tih khi i chiang chiah maw?! Che bawraw te intanna chu crime atangin a ni ve thei bawk a nia. 😉
January 24th, 2012 at 10:46 am
Post tupa chu Spa thawk zawng zawng te i vaihma vek a va ang ve, spa leh massage a thawh hi sual a ni i tihna mi
January 24th, 2012 at 10:48 am
@littleboihsuk, ka post khi han chhiar nawn leh teh. 🙂
January 24th, 2012 at 10:48 am
@aduhi chu hnamdang lakah ‘no means no’ a lo ti tawh ni maw? 😛 😛 jk
post aia comments kan chhiar hmsak ringot chu, post chhiar ang
January 24th, 2012 at 10:52 am
Ts, I thahnemngaihna ka hriathiam lutuk, Vai hmeichhia inti zahawm thiam nazawng hi a ruka cousin nen mu tlang hi an tam teh mai a sin. An ni ho chu mi hmuha lang si lo hian sex hman awlsam deuh mai an nia.
January 24th, 2012 at 10:53 am
Okies
January 24th, 2012 at 10:55 am
Chuan, spa leh hotel vela thawk lo che khir deuh ho hi chu Mizoramah pawh lerh deuh khawlo deuh an ni tlangpui. Fel deuh deuh pawh an awm teuh.
January 24th, 2012 at 10:57 am
@vla, nia, hnam dang lakah chuan an intizahawm thiam tho alawm tiraw.. A lang a paua mualphona tur ang chi-ah hian an inhnamhnawih lo riau va..
January 24th, 2012 at 10:58 am
I ziak tha khawp mai Thianpa. (Y)
January 24th, 2012 at 10:58 am
tunah hian kalkawngah ka awm mek a, Thai massage dawr kan tlanpel chiah 😛
January 24th, 2012 at 11:00 am
@Miss aduh, ni e. Kan vaihma hauh lo a nia. Mahse, kohhran mi leh mi pangngai deuhva kan hriat te pawh an zuk awm chuan an dang zak tho. Eng nge a chhan? Mipa tî leh hmeichhe tî a innâwk a innâwk tawh chuan a tu-a ve ve tan pawh dai ngai loh leh fan ngai loh ram fan a awl dawn khawp a. Chuvangin chuan a ni, cross lovah thawh tum hram hram se ka’n tih ni.
January 24th, 2012 at 11:04 am
Tuaisial spa leh Hotel a thawk che khawlo ho chu Spa lo ah pawh thawk se, an khawlo tho ang, hna te an la thawh a, full time a CG te an la nih em loh chuan.
I thupui khi a fuh e, vai ram leh hmun danga awm hi mahni self control neilo tan chuan bora, na 1 a niin ka hre ve mai mai, khuahkhirh loh a awm hi kan thiam lo tlang a ni e
January 24th, 2012 at 11:05 am
Vairama Mizo nula leh tlangval te chet khawloh nachhan: YMA, VDP, KTP, JAC, MHIP, MUP awm heklo, an free em a ni. TV leh internet a kan thil hmuh kan tihchak mahse Mizoramah tih theih si loh leh tihtur awm silo eg zu in, clubbing te hi a duh duh tan tihtur a lo awm sia, nuamsingkhawwwww an ti mawle.
January 24th, 2012 at 11:09 am
@Miss Aduh, chuvang chuan a ni, nu leh pate fimkhur a ngai, ka tih reng ni! 😛
@littleboihsuk, nu leh pate hian kan fate hi ka lo van hrechiang lo awm em! Fate lerh deuh nei chuan an hre tho ang a, hmun danga an awm a fuh lo tihte chu ngaihtuah thlen a tha khawp ang.
January 24th, 2012 at 11:12 am
Tuaite nia mawle, mahse tih leh talh teh ang’ KTP a inhmang vai rama awmdan danglam deuh nghal ang khi chu e, a vai ram lam nilo in an mahni zawk ah khan an rawngbawl na khan awmzia a nei vaklo a niang an nunah, zu, club, casino, bar awmloh vang mai mai a, lo KTP leh lo fel ringawt an nih chuan an Fel tak tak lo tawp tihna a ni mai
January 24th, 2012 at 11:19 am
@littleboihsuk, hetiang chi, a der law law ang chi hi chu tihvakngaihna a vang ngawt mai. Chung lamin rem ruatsak zel mai teh se. A rawngbawltu der chu, a sual law law te aiin a haw zawk ngeiin ka ring.
January 24th, 2012 at 11:23 am
Ni e, mahni hi kan pawimawh, a bilh an kan tho lo zo tawh a, a buaithlak a nih ber hi, miin hna nas taka an thawh, an thawh chhuahsa thikin, hard work lam ngaihthah siin thil tha kan duh vebawk si hi a ni ber in ka hria, teh duuah chuan a lolz
January 24th, 2012 at 11:34 am
Josefa anga rintlak, Ruthi anga rinawm nih a har a ni ang e… 😉
Mahni inthunun leh principle nei mi nih a ngai, a har viau lawi si. Awmna hmun leh thiante tih ang apiang a sual leh suallo thlu lo a thle kawi mai mai hi an awm leh zauh thin, a pawi ngawt mai.
Nu leh pa te hi an pawimawh khawp tak mai. Ka pa hi thingtlang atanga seilian tih takah, Pathianni tuka nghawngawrh (neck tie) ka awrh changin, “Nghawngawrh te hi in awrh peih a” min ti zauh zel a, min sawisel zui ngai lo. Mahse, inkhawmna a inthuamna erawh, kan neih phak tawk a tha ber a inthuam turin min fuih zawk thin. A rilru mil vaklo a ka inchei deuh chuan min sawisel mai, ka tilui ngai bik lo (Ka khabe hmul zuah erawh a sawisel lo.. 😛 )
Ka OT lutuk em aw. Ka sawi duh tak chu: nu leh pa thenkhatte hi chuan an fate incheina hi sawisel chu sawi loh, hriat pawh an hriatpui lo em ni aw? tih chang chu ka nei ve (an duh thu leh zalenna chu a ni teh meuh mai, mahse uchuak lutuk hi chu….) Chutiang in zirna leh hnathawhna chungchangah pawh, chhungkhat inrawn dial dial a, inhriatpui tawn hi a tha ka ti
January 24th, 2012 at 11:34 am
Post tha tak a ni. A post-tuin a sawi tum hi chu a chiang reng. Fimkhur tura infuihna lam a ni e. Spa emaw spa lo emawa thawkte demna lam a nih ka hre lo, kei chuan.
Mihring hi pawisa nei á¹en á¹awna duh duh tih theihna remchang kan han neih chiah hian eng ang mi nge kan nih tak tak tih hi a lo lang chhuak á¹hin.
January 24th, 2012 at 11:40 am
# 34… (Y)
January 24th, 2012 at 11:47 am
TS, karawh..inkawibah ang hmiang, a bang bang khaimit chhut ti i la… 😀 (Y)
January 24th, 2012 at 11:47 am
VAi mipa malis te chu a..a sawi mawi nan spa.. 🙂 Beauty parlor pangngai chu ka hrethiam! spa..huhu..open spa te nise..room hran spa haha..Mizo nula te thawh atan chuan ka duh lo hul hual!
January 24th, 2012 at 11:52 am
#33 & 34 (Y) (Y)
@vla, i experience han sawi teh khai. Hriat a châkawm khawp mai. Kei aiin i hre daih awm sia.. 😉
@lrpa, a hmuna awm te, a thawkte ngei pawhin a him lohzia an sawi an sawi tawh chuan lo á¹an deuh á¹ung tur pawh a ni lo. Ka á¹hiannu pakhat ka zawt a, ‘a him lo rapthlak’ a ti mai, khawih pawlh bik chu.
January 24th, 2012 at 12:01 pm
Phai rama awm te an in ti zalen tih lai tak chu a dik viau., Mizoramah khan mini-skirt nen biakina inkhawm in lo ngaithei lo tehreng nge ni, helamah chuan tute mahin khap (khak) heklo, nipui a lo thleng ang a, an leng leh suau suau mai ang.
January 24th, 2012 at 12:04 pm
K’u TS, a topic hi Phaia Hotel leh Spa a thawk turin fimkhur angai ti ta la a topic khel bik hi a fun tha zawk angem. :inthlahrung tak chungin.
Good post. (Y) Hetiang hi lo ziak zeuh zeuh rawh u. Post ka rawn submit zuai pahin i post chauh hi ka chhiar a, a tha hle mai. Sum tamna lam ringawt um hi a tha lo. Sumin a lei theihloh thilhlu tam tak a awm tih hriat a tha. Bible ngei pawhin “Sum tam tak aiin hmingthat hi thlan zawk tur a ni” a tih kha maw.
January 24th, 2012 at 12:05 pm
@Sony, an incheina chu an thu thu. Mizoram-ah pawh an duh dan danin an inchei tho alawm. Incheina chu pawn lam landan a ni mai a, an chhungril lampang, an moral kha a pawimawh ber mai.
January 24th, 2012 at 12:10 pm
A post-tu thahnemngaihna zawnah thlir pui thiam ila a tha ngawt ang. Phaia awm hi changkanna emaw ti ta deuh tlatte pawh an lo awm ve mek zel bawk a nia hehe.. ! Mahni state-a an thawh duh loh tur state danga thawk duh ta tlatte pawh awm a ni ve zel a! Engpawh nise rinawm leh taima taka miin hna a thawh phawt chuan malsawmna a dawng nge nge thin tih hi hria ila. Khawi hmunah pawh awm mahila a ram leh a felna zawng hmasa zel ila, tichuan hnam zahawm leh belhchiandawl ni turin tan i la tlang sauh sauh teh ang u khai, tiin he post kal tlang hian ka’n lo pau ve zuah zuah teh ang.
January 24th, 2012 at 12:11 pm
Hmeichhia in mipa/Mipa in hmeichhia a malis na ang chi chu open ani tur ani..damdawiin general ward ang deuh hian..duh leh darthlalang in hung se..chutiang anih loh chuan sex spa/parlor ani mai!! Kristian nula thawhna chi ani lo :-[
January 24th, 2012 at 12:19 pm
Post tha hle mai!
Spa leh a kaihhnawih lam chu ka hre vak lo a; mahse kan sawi hmang hian fimkhur ngai tak erawh a nih hmel.
Phaia lehkhazir hi changkanna emaw ti ta ringawt kan tam khawp mai a. Thenkhatte luhna hi chu institution tha lo tak tak, zirchhuah hnuah pawh Mizoram lama hna hmu lo pawh an tam hi mawle.
South emaw Central emaw North lama zir kher lo hian Shillong vel pawh khi zirna atan a tha thawkhat khawp mai. PG zir nan pawh NEHU tluk a tam chuang vak lem lo. Kohhrana inhmang duh tan emaw Student Evangelical Union lama inhmang duh tan pawh Shillong bawk khi a tha.
January 24th, 2012 at 12:23 pm
Amah Zikpuii pa tawngkam takin Mizo-te hi MAKTADUAI( 1 million) kan tlin hma hi chuan khawvelah kan hmel hi a la lang thei lo ang, a tih ang deuh in…Kan la tlem a, kan thikthu pawh hi a la zim tep em aw..ka ti thin….( thikthu che hlei hlei chu ka ni lawi si)….
January 24th, 2012 at 12:23 pm
Miss Aduh, Electric Wiring khi comments closed a inti tlat mai. Pu Sangpuiipa hian a ziak tha si a, comment ve dawn emaw ni ka ti deuh a…ka hawng thei miah lo. I kut ropui taka lo nghat leh tawp mai. Hmanni zan pawh kha ka lawm lutuk e! :Sorry for being OT:
January 24th, 2012 at 12:35 pm
@vla, kan la tlem lai hian kan thikthu tichhia ila, awmzia a awm zawk asin. Kan tam hnuah chuan, MAKTADUAI kan tlin hnuah chuan kan insiamtha thei tawh ngai lovang. Tunah pawh a la harsa a nia. Hetianga inzirtirna hi a tam thei ang ber neih tur, hma sawn chho mek kan nih avangin sawisel ngai sawisel hun lai tak a ni zawk.
January 24th, 2012 at 1:32 pm
Tsa, i post tha lutuk tlat, ka rilrua awm, ka sawi chhuah ngamloh i rawn sawi chhuak a, atha e (Y)
January 24th, 2012 at 1:40 pm
TS, Insawisel kan ching lutuk hi chu kan thanmawhbawk a nih ber hi maw…Kan thlan tlin ngei ngei-te kha kum khat tlin hmain ka’n han sawisel thin hi chu….buaithlak ve tak zawn chu a nih hi.( ot mah mah, inthlahrung nachungin) inthlan dawna thu tiam huai deuh deuh kha, an thu tiam angin ding zel se Mizoram tan hi chuan a tha ngei ang. Sorkar a pawimawh nachungin mipui hi kan thupui ber fo a nia.
January 24th, 2012 at 1:45 pm
#2 Dr Mahminga sawi khi ka KZP e (Y)
January 24th, 2012 at 2:00 pm
Kei ka lo ngaihdan ve thung chuan,Hna awm lo ti a Mizoram a awm ho hi phaiah rawn chhuk se hna rawn thawk chur2 se ka lo tia.Awm tha duh lo hi chu mi tlemte an nia. Harsa ve tak2 Beauty Parlor a thawk ten Mizorama Rs4000 hlawh aiin in vai rama sing an hlawh theih chuan tunge thawk duh lo bik ang…Rethei leh mi hausa kar a hla tawh a,hnathawh chu a tha, mahse mahni zahawmna ti chhe thei tur khawpa hnathawh chu a tha chuang lo..chuvangin Phaia awm tur chuan fin ve deuh a ngai ani mai..
January 24th, 2012 at 2:07 pm
@vla, mipui thuhmun lo tihah hian thu tihtawp mai tur a ni lo. Tunah hian insawiselna leh infuihna te hi awm miah lo ta sela tun aiin kan nasa ang. Corruption kan tihah pawh hian sawiselna hi awm miah lo se tun aiin kan nasa ngawt ang. Chuvangin hetia kan sawi leh kan ziah te hi a thlawn mai mai lo tih kan hriat a ṭha. A thu hi a ri tam tur a ni, inzirtirna tam rawh se.
@libra: A dik khawp mai. Amaherawhchu, sum kan ngainat lutukna hian min tichhe ve bawk ṭhin atin ni. Keimahni hi kan sawi ‘thil him lo’ laka fit tawka kan inngaih chuan kan kal mai tur a ni. Mizo hnam leh Mizoram tihmingchhe thei tur kan nih dawn ai chuan kal loh ngam a ṭha. Kan ramah tlemte hlawh pawhin kan awm mai tur a ni; kan nghei lovang. Hausak leh hlawhtlin hi kan tum nghal tur a ni lo, tlemte aṭangin bul kan ṭan ang a, a pung mai ang.
January 24th, 2012 at 2:16 pm
Ka ngawi mai mai zawk teng
January 24th, 2012 at 2:19 pm
Spa chungchang bik hi facebook-a group pakhat ‘Zoram tan’ tihah, Mahruaii Fanai intiin ngaihnawm leh bengvarthlak zeta a post chhiar tur a awm. Ti’an ka ngaihtuah ve fo thin. Miin tih takzeta hna a thawh peih phawt chuan khawi hmunah pawh a hlawhtling thei ang. Amaherawhchu hlawk deuh taka sum leh pai hmuh miin a tum tlat tawh chinah chuan puanhnuai thil hi chu a awm zel dawn a nih hi! Rinawmna leh taimaknain a phu ve reng a nih si loh chuan eng ang pawhin rosum ngahin hausa mahila hremhmun kan tem lawk mai chauh a ni fo si ang. Sum leh paiin zahawmna min pek ve theih chhun hi tah leh hathialnain a chhunzawm fo mai si a. Chuvangin A ram leh a felna chu zawng hmasa phawt mai ang u hmiang.
January 24th, 2012 at 2:28 pm
# 54 boihapa. A va dik teh lul em! …A ram leh a felna chu zawng hmasa phawt mai ang u hmiang….
January 24th, 2012 at 2:28 pm
Post leh comment a tha hlawm hle mai. A bengvar thlak tak meuh mai.
January 24th, 2012 at 2:32 pm
Facebook-a ka friend, ka thiannu, Spa-a thawk chuan he post hi a chhiar a, mi rawn inbox a. Tarlan pawi a ti lem lovang chu.
‘Ku Ts,misuala i post k ciara,kum2 dwn cu k lo slent readr vea,k inregstr c loa,komen pek ka chak khopz my..hehe..phaia spa thwk hmeicia te hi hmuh nikhua loh gwt tr h nilo cin,.cross therapist pw nise,.achan cu ahmuna thwhcilh tanlo cuan pwn lam atraga gaidan lo siam vak hi an wm leh trina,apwi thin khop mai,.spa ah thwk an nih avag hian mi wmherh bik leh nikhua lo bika gai anlo wm leh trin.Eng hna pwh hi thwk ìla rinwm taka kan thwh baka jahwm hi a wmlo hi k ti thin.Therapist ah hian dik taka hnathok,mizo timualpho zwga khawsalo mipa laka fihlim mizo nula tam tak an la awm asin..cutih rualin spa a thwk,thwk kherlo jirlai te jingah pwh phaiah cuan a kholh twk hi cu an wm tho,heg hian ani kan hmel t bal thin..trawgkam k tiamlo ema k duh ag in swifiah thym lo..k cuahchalna lam ce nilo in k lo swi ve niah2 e.hehe’
Spa-a thawk zawng zawng ka vaihma lo va, Spa-a thawk zingah pawh tuna mi rawn inbox-tu anga mi puitling hi tam tak an awm ve tho a ni. Tuna post-a ka ziah te hi Spa-a thawkte thovin min hrilh a ni tih ka’n tarlang ve mai mai bawk ang e!
January 24th, 2012 at 2:32 pm
Ka thawk ve lo na a…ka hmuh leh hriat chinah chuan phai lama awm tha duh lo hi chu Mizoramah pawh awm se an awm tha chuang lo…Tum nei taka phaia kal kan nih chuan hmasawnna a tam rualin..hlawhtlinna a awm ngei2…awm tha duh lo mahse chhungkaw khawsak harsa ve si ho te tan hian hnathawhna an siamsak dawn te anih loh chuan,an hnathawh insawisel sak aiin inzilhna,thurawn emaw awareness pek a tha ka ti ve mai2…Tin nu leh pa an pawimawh bawk..mak ka tih chu Mizoram lama kohhran leh khawtlanga inhmang tam tak te hian an fate hnamdang ngaihzawn hi zuk phal hlawm tlat a!! ka hmu fo mai.
January 24th, 2012 at 2:40 pm
@libra: Mizoram-a awm tha duh lo nih aiin phaia awm tha duh lo nih a pawi zawk. Mizoram-ah chuan a awm that duh loh chhimtu chu Mizote tho kan ni a, hnamdang zingah a ram leh hnam a mualphopui em em lo. Phai-a thawk awm tha duh lo erawh chu a awm that duh loh chhimtu chu hnam dangte hi an ni a, a ram leh hnam a timualpho em em a ni. Hetiangah phei chuan a ram leh hnam ang zawngin thil a kal tawh thin si a, fimkhur a ngai khawp mai.
Tin, khi post khi infuihna leh awareness angah ngaih a tha khawp ang. Insawiselna ngawr ngawr a ni lo tih kan hrethiam vek thovin ka ring. Infak a tulnaah chuan post meuh siamin kan infak ve tho a nia. He post hi en rawh u — Ka fak a che.
January 24th, 2012 at 2:41 pm
mahni kan pawimawh ber..tih fo hi a him ber lo. A environment ngaihtuah tel a ngai. eg. Hling zinga kal fo chuan hling rah palh a awl nge nge.. Thiante vang a ni lo, mahni kan pawimawh ber tiin thian sual tak tak kawp fo teh, mifel tak kawp ai chuan sual i hnaih zawk fe ang. mahni bakah a chhehvel ngaihtuah tel a tha.
January 24th, 2012 at 2:46 pm
#60
January 24th, 2012 at 2:53 pm
Comment a ngaihnawm hle mai. Nia, a thupui en khian Post-tupa sawi tum hi a hriatthiam theih. Insawiselna lam ni lo in, infuihna a niin ka hria.
# 60…
January 24th, 2012 at 3:22 pm
Post ṭha leh pawimawh tak a ni. Ka support chiang bang!
‘Spa-a thawka awm khaw lo chu thawk lo mah se an khaw lo tho’ tih hi a dik vek lo tawp. Remchang a tam miau chuan thil ṭha lo-ah an tlu lut nge nge ṭhin a ni zawk (rilru khaw lo leh chutiang pawisa lo sa chu awm phei zawng an zawm nualin a rinawm a).
‘Mi eizawnna sawisel’ tih te chu eizawnna ṭha lo, anmahni, an chhungte leh Mizo hnam tana ṭha lo chu engah tehlul nge kan sawisel ngam loh ang le?
January 25th, 2012 at 4:02 am
Post tha ka ti (Y)Kan sawi ve lawk te ang……!
Ka thian te leh thenawm tam tak Spa industry a thawk hi an awm ve a.Zing thawh veleh hna an kala, zanah an lo haw pahin chawhme te rawn lei hawngin a tuka an tiffin tur nen ei rawng an bawl leh mawlh2 thin. Lunch an provide na a mi te pawn kan mizo chawhme ngei an duh vang leh tharum thaw an ni a vanga ei that ei a ngaih a vangin an bawl ve thin. An thawk hah in an taihma ka lo tih theih em2 a sin. Kar khata nikhat off an neiha chu pawh chu insuk ngai, In tihfai ngai, bazar an duh, an thawkrim theih phian a sin. An mahni pawh hian an hah thu leh an nin thu hi an sawih fo. “Mahse, hawng dawn ila, kan ramah tih tur awm bawk si lo, nu leh pa te thawh chhuah sa ring ringawt chu puitling kan ni chuan nuam bawk si loh” an ti thin. Chuti chung chuan, mithi leh tanpui ngai te awm se kal ve ngei an duh thin a vangin hna tang ten an lo kal tlang tawp chang a tam mai.
Keichu, zir tha peih lo, thawk tha peih lo, ruih ve reng, leng reng theih mahni in luah man pawh pe mumal theih loh. Room ngai pawh luah tha hleih theih lova la chapo em2 ho hi ka ngaih theihlo zawk feeeee…..!Hnam hmelma ah ka ruat zawk. Kawtlaia Mizo tawng fiah tawka an lo hman phei hi chuan e….Ka mawng a mir tep.
Nia, thenkhat Spa tenau tak2 training pawh neih mumal mang lova thawk, zahna chang pawh hre lo ho hian Spa therapist hming hi an ti chhe fo mai. Mahse, a tam zawk hi chu training tha tak neih professinal therapist an ni hlawma, an professional line a ni a vangin an zahpui lo hrim2. Mahse, kawng engkimah hian fimkhur tluk a awm loh.
January 25th, 2012 at 4:21 am
Ka comment lehlo mai a nge. Mah se a hmun a kan awm chilh a thil awmdan kan hria a nih lemloh chuan mahni rinthu zeldin vak vak hi i sim tlang teh ang u.
Spa a thawk hian thenkhat chuan an chhungte leh unaute an chawm a sin.
Kan tlangval te zingah hian Mizoram pawn a hnathawk chhungte ngaihven tak hi chu kan tlemin ka ring.
Spa a thawk mihring nunphung pangai a nung, kei ai pawh a ringtu tha. Inkhawm thulh ngailo ka hre teuh mai. Spa a thawk ve tho awmherh deuh hlek pawh ka hria, thawk lemlo awmherh deuh pawh ka hria.
Mmahni kan pawimawh ber tih fo hi a him ber
Mihring a zir a ni mai. A khawlo/awmherh deuh ho chu Spa an thawk emaw thawklo emaw an awmherh/khawlo tho tho. Ka mitin ka hmu, ka hria.
January 25th, 2012 at 7:56 am
65
keipawh ka hmuh a ka hriat hnu a ni e
January 25th, 2012 at 8:47 am
TS, Tak tak chuan i ziak tih hot nan ka’n ti hluam a nih kha..
Helam thil ( spa & hotel ) lam hi chu ka hre lo mai pawh ni lovin ” ka mual bo tawp” a nia. misual-ho ngaih dan hriat duh vang mai zawk a ni e. ( sorry, misual zahawm tak te chungah mahni nih lohna dawta ka sawi erawh ka inthiam chiah lo )…..
January 25th, 2012 at 9:59 am
He post hi 2nd hand info atanga ziah anih ka ring.
January 25th, 2012 at 10:00 am
January 25th, 2012 at 10:08 am
67@ hairehai.
January 25th, 2012 at 12:11 pm
@hiho: Ni chiang e. Kan thiante Spa-a thawk an awm nual a, anmahni-a hi ka source an ni e.
Thenkhat chuan post kan chhiar miah lo va, comment kan chhiar atangin post hi kan comment ringawt zel a, a fuh chiah lo. @Alejendro, post khi chhiar rawh. Chuan, post-a kan sawi bak sawi tur tul awm chu comment lamah kan sawi vek tawh. Kawng engkimah mahni te chu kan pawimawh theuh alawm. ‘Mahni kan pawimawh theuh’ ti ringawta duhtawka lungawi mai mai chi ka ni lo. Anmahni an pawimawhzia kan hrilhhriat khanglan te pawh a tul ve fo.
January 25th, 2012 at 1:14 pm
Tuaisial i post ah hian ka lo OT lawks, aizawla Voters id siamdan min lo hrilh teh, i hriat hmel ber haha
January 25th, 2012 at 1:36 pm
@littleboihsuk, DC Office, Teasury Square-ah an siamtir thinin ka hria. Thingtlangah chuan a buaipuitu bik an awm thin a, khawpuiah chuan ka hre lo.
January 25th, 2012 at 1:37 pm
Ok thnks
January 25th, 2012 at 7:28 pm
Tuaitea te rilru ang,’SPA’lam rik rual a,thinglung phek chhung ril takah,’va dam tha dawn emm…
..’ ti chi ang hian lawm Spa chu ti mualpho. 