Post hmasa lamah kan sawiho hrep tawh tih chu hre reng mah ila chiang zawk a ziah nawn leh ka duh avangin post thar pawh siam hman loin ka bur char char a. A hmasa zawk ami tihfiah nan Bible reference tam zawk nen ka rawn dah leh e. Dan pawnah min hnawtchhuak ta rau rau a nihna tawl tawl sawi mai hi a tha zawk tlat, chianglo ruai a thlarau leh taksa/tisa ngaihpawlh avangin piangthar da leh an tam zia ka hre ve kur mai si a. Thlarau bo lah an tam narawh e! Meidila lo kan tir tawk lah bo lo. Rilru hah tak chung leh duhthawh tak siin ka rawn hungchhuak e.
PATHIANIN MIHRING A SIAM DAN LEH A TIHNUN DAN
Theologian leh pastor hrang hrang tena mihring hi thlarau nena sawifin nghal tawp mai an hrat zia hi ka ti thin. Gen 2:7 “Tin, LALPA Pathianin leia vaivutin mihring a siam a, a hnârah chuan nunna thaw chu a thaw lût a: tichuan mihring chu mi nung a lo ni ta a” tih a ni a. Mihring hi minung nih tir nghal tawp mai hi a dik lo, mihring a siam zawh hnuah minung (living soul/nephesh) a lo ni chauh zawk a ni. Minung nih nan nunna thaw(neshamah) a thaw lut a, chu thaw chu 1 Korinth 15:45 ah “Chutiang bawkin, ‘Mihring hmasa ber Adama chu mi nung a lo ni,’tih ziak a ni; Adama hnuhnung zawk chu nunna petu thlarau a lo ni a” a ti a. Thaw chu thlarau a ni ta tih Joba 33:4 ah kan hmu ta a ni (Zakaria 12:1, Joba 27:3, Sam 104:30). Mihring chu vaivut mai atanga siam a ni tih chu hai rual a ni ta lo. Mahsela chumi piah lamah chuan tinungtu erawh Pathian thaw/thlarau a ni tlat (Joba 38:2).
THIHNA AH HIAN THLARAU HI A THI VE LO
Gen 3:19 tin, leia i kîr leh hma loh chuan i hmaia thlantui luang zawih zawihin chaw i ei tawh ang; lei atanga lâk chhuah i ni si a: vaivut i ni a, vaivutah i kîr leh tûr a ni,” a ti a.
Mihring chu vaivut mai a nih thu kan hre ta a. Engmah thatna reng reng neilo, a tha lai ber pawh puanchhe hnangkhai tluk lo. A mawi lai ber pawh tuktin par tluk zolo a ni a. Pathianin nunna thaw a pek avangin alo nung a, minung alo ni ta chauh a ni.
Khatia EDEN huana Pathian duhloh zawng an tiha Pathianin an chunga thil lo thleng tur a sawi “in thi tur a ni” tih ah khan minunga chu thi thei a ni tih a chiang em em a. Chu minung chu sualna avanga a thihni chuan alo chhuahna vaivutah a kir leh dawn a, amaha tinungtu thlarau erawh chu Pathian hnenah a kir leh dawn a ni. Mihring chu mitthi alo ni ta tihna a ni, mitthi chu taksa/tisa chauh hi a ni a, thlarau hi a thi ve lo.
Thuhriltu 12:7 Vaivut chu a awm a awm angin leiah a kir leh a, thlarau chu a petu Pathian hnenah a kir leh a.
Joba 34:15 Mi nung zawng zawng an boral rual ang a, Mihring chu vaivutah a chang leh mai ang.
Thuhriltu 3:20 An zain vaivut a mi an ni vek a.
Sam 22:19 Vaivuta chhuk tur zawng zawng te chu a hmaah an la kun ang.
Joba 17:16 Seol kawngkaah a chhuk ang a, Vaivutah kan chhuk dun ang.
Sam 146:4, Thawin a chhuahsan a, ani chu leiah a kir leh a; chumi ni la la chuan a ngaihtuahna te chu a bo ve nghal a.
Sam 104:29 I hmai i thup a, an mangang thin a; An thaw chu i laksak a, an thi a.
Isaia 26:19 I mitthite chu an nung leh ang a; ka mi ruangte chu an tho leh ang. Vaivuta awmte u, harh ula, hlim takin zai rawh u:L i daifim chu thlaite daifim ang a ni a, lei hian mitthite chu a paih chhuak dawn si a,” tih hi.
Daniela 12:2 Tin, an zînga tam tak lei vaivuta mihîl tawhte chu an lo thangharh anga , thenkhat chu chatuan nunaah,thenkhat zahna leh chatuan hmuhsitawmnaah.
Joba 7:21 Engah nge ka bawhchiat i ngaihdam lohva, Ka khawlohna i lak bo loh le? Tunah vaivutah ka mu dawn ta si a, Mi zawng chiam ang, mahse, ka awm lo vang.
THIH HNUAH THLARAU KHAWNGE A KAL
Thihnaah mihringa thlarau a thih ve tak siloh ah chuan chu thlarau chu a petu Pathian hnenah a kir leh dawn a ni.
Mihring hian thaw hi Pathian hnen atanga dawng a ni a. Mihring thihni chu Pathian a thaw a laksak ni chu a ni.
Sam 104:29 I hmai i thup a, an mangang thin a; An thaw chu i laksak a, an thi a
Joba 34:14 _15 Ama thlarau chu ahnea a lak kir a, Ama thaw chu a hnêna a lak khâwm leh chuan, Mi nung zawng zawng an boral rual ang a, Mihring chu vaivutah a chang leh mai ang.
Thuhriltu 12:7 Vaivut chu a awm a awm angin leiah a kir leh a, thlarau chu a petu Pathian hnenah a kir leh a.
TLIPNA
Strong Exhausive Concordance kan en chuan; Sam 104:29 leh 146:4 a ” BREATH/THAW(7307 ruwach/ruach) hi Thuhriltu 12:7 leh Joba 34:14 a ” SPIRIT/THLARAU(7307 ruwach/ruach)” nen hian tawng thuhmun leh kawh inang an ni a.
Gen 2:7 a “BREATH OF LIFE/NUNNA THAW( 5397 neshamah)” tih leh Joba 34:4 a “BREATH/THAW( 5397 neshamah) hi tawng thuhmun leh kawh inang alo ni leh ta a.
Heta tanga chiang ta em em leh zirchhuah theih ta chu MIHRING chu a thih ve leh vaivutah a chang ang a. Amaha thlarau chu Pathian hnenah a kir leh dawn a, Pathian ta a ni amah (mihring) a thlarau chu. Chuvangin thlarau chu hrem thei emaw sual thei a ni hauhlo a. Mihring tinungtu zawk mai a ni. Chu thlarau chu a thi thei hek lo.
Similar Posts:
- Mihringin thlarau a neilo !!
- Resurrection
- Gehennah vrs Nephesh
- Battle Ground (Mihring)
- Pathian kan nihna
January 26th, 2012 at 12:01 pm
Thihna thupekah thlarau a tel ve em
Ka hre bik lo
January 26th, 2012 at 12:06 pm
thaw ah ila buai ani maw? 🙂
Sai leh mihring danglamna enge?
January 26th, 2012 at 12:14 pm
Mihring kan nih laia kan nun dan angin judge kanni dawnlo i tihna em ni?
Tin, Bible thu hrang hrang laka, mahni idea support nana hman hi theory thenkhat ah chuan a fuh chiah em te ka tia..
January 26th, 2012 at 12:40 pm
Anih leh I rawn Quote chhuah, Daniala 12:2 a “Chatuan Zahnaah” tih khi han hrilhfiah teh le. Thlarau thi thei tawhlo sawina ava ni si ve. Thihna thupekah hian Thlarau a tel ava ang si ve.
Anih leh Matthaia 10:28 thu te hi:- “Tin, taksa tihluma thlarau tihlum theilo tute chu hlau suh ula; Gehena-a thlarau leh taksa tiboral theitu erawh hu hlau zawk ang che u” (Do not be afraid of those who kill the body but, cannot kill the Soul. Rather, be afraid of the One who can destroy both soul and body in hell).
Isua hian ava then hrang thlip thlep si ve. Taksa tihhlum hian Thlarau a thi ve kher lo tihah hi chuan in sawi dan a in ang a, Mahse Isua hi chuan taksa leh Thlarau tihlum kawp thei tu Pathian hlau turin min ti anih si hi. Chuti nilo se, tunge Martar duh ang le?. Kan taksa tihlum thei tute hian kan thlarau an tihlum theilo tih hi kan chian em vang ania, chuti taka Martar te hi kan hlauh lem loh ni.
January 26th, 2012 at 12:41 pm
Kan thih hnuah chuan kan taksa chu – vaivutah,
kan thlarau chu – Pathian hnenah.
Va awlsam ve.
Heti mai anih chuan kan bible hi a chhah mah mah a ni lo maw?
Isua kha engvanga rawn thi nge ni ta ang? Ka buai ta map mai.
Leh lawks…Isua khan, ‘thih hnua thlarau hremhmun/gehena-a paih theitu hlau rawh u,’ti lam deuh khan a sawi em kha aw…???
January 26th, 2012 at 12:47 pm
Pk… Thihhnuah chatuan zahnaah kal tur chu taksa hi mawle, chu chu mitthi te taksa ngei kha a nia nga, anlo nuna na an hriat theih nan thaw alo awm leh daw(bible chuan a sawi kelh lo ); chu thaw avang chuan mitthi te chu anlo nung leh ang a. Zahna leh chatuan nunnah a hruai dawn a ni.
Meidil kal tur te chu mei a kang turin ka ring hauh lo. Mei chu OT lamah thlarau/thlarauthianghlim tih a ni thin a. An taksa thar tinungtu chuan zahna leh hrehawmnain a nghaisa zawk dawn a ni.
Chatuan nunnaa kal tur te taksa chu an damlaia an piantharna thlarau khan a lo tinung leh ang a,chatuanin Lalpa hnenah an chawl tawh ang.
January 26th, 2012 at 12:58 pm
@thachianga, Comment 4 khi en teh.
@lta, Helai takhi Pu Zohoa nena indanglamna a nia. Nangmahni 2 karah chuan, i pawm dan hi a dik thei zawkin Ka hria. Mahse, kha Pathian thaw Tihboral tel tur taka kha Pu Zohoa chuan a dik a ti leh si lo a. hehe.
Luk 16:19-31 kha han chhiarta ila, Isua Krista chandamna chang lova thi thlaraute hi Mitthi khuaah na tak tuar reng rengin meiin a kang ang a, an tui a hal huam huam dawn ava ang si ve? He mei hi Thlarau Thianghlim i tih tlat chuan le, i ngaih dan dan ni se.
January 26th, 2012 at 1:07 pm
ekhai 😀 khawnge chemtatrawta a awm 😀 ZOHO lo kal teh hei hi lo sawi leh teh 🙂
January 26th, 2012 at 1:09 pm
Thlarau Chawlh lai lawkna hmun te kha…. Kaddish em ni kha Juda hoin an sawi kha :-S
January 26th, 2012 at 1:09 pm
#7
PKfanai
He taksa na zet leh tuhala sa huam huam hriatna petu hi thlarauthiamhlim hi a nihloh chuan ka hre bik hauhlo a dang chu. Thlarau taawp chu a kan tur thu hi eng theory leh theology ah mah a awmlo a. Mahse taksa erawh a kang thei tih chu hriatsa a ni. Chu pawh chu na tinungtu thaw/thlarau a mamawh leh ang tih chu a pawimawh leh a. Thaw/thlarau nena kang leh tur chuan mei chu “THIL THAR” zingah a tel ve ta hauh bawk silo a. Thlarauthianghlim hi an taksa a lo lut tur leh mei ang maia na tak leh tuhal a siamtu zawk chu a ni.
January 26th, 2012 at 1:13 pm
#9
Soberboy
Pathian thlarau chawlhlai lawk hi ka awilo, taksa a chawl lailawk a nihloh chuan
January 26th, 2012 at 1:15 pm
#11 lta, Saturday hian Mizo Juda ho website ah zawhna ka siam leh dawn a lotel ve ta hial che hemi chungchang ah hian an RABBI te an awm thin a nuam thei khawp mai KADDISH chungchang hi zahw hrep ka tum a! kar hmasa pawh khan zawhna ka siam hnem khawp asin ka zawt a! chuan a nin a rawn sawi pap2 a 🙂 ka hlawk phian 😀
January 26th, 2012 at 1:20 pm
#12
Soberboy
Min rawn hrilh dawn nia. kan Juda pa kha keipawn a ngaihdan ka lo zawh belh ang.
January 26th, 2012 at 1:21 pm
tehreng mai tun saturday chuan Mizo Rabbi ngei kha lo awm se ka ti khawp mai ! kan inthurual dawn nia **OUT dawn ka OT dawn tlat**
January 26th, 2012 at 1:33 pm
#7 Pu PK, thanks.
Hetiang zirtirna hi ka la hre tlem bawk a, Kraws nen phei chuan duhthusamin kala hmehbel thiam lo. A zalen dan hian ken tel loh a ngah riauvin ka hria, eg. tlanna, ringtu nun, kohhran, thianghlimna, adt., adt.
January 26th, 2012 at 2:14 pm
# Thachianga…eden natna, mihringin amahin thlarau a neilo tih kha i chhiar tawh em. Tlan leh silfai kan ngaihzia a lang a sin. Kan thlarau kumhlunlo turah hian “thlaraua piantharna” pawimawh zia te, Pathian thisen/taksa(nephesh) alo chan chhan te hi a fiahin a chianga. Mihring engmah nilo tlaktlailo hian thlarauthianghlim a mamawh ziate hi a tilang deuh deuh. Sawi tur a tam lutuk tlat.
January 26th, 2012 at 3:17 pm
lta hi a mah leh mah in convince tum hian a ngai hlir hi a post tlut tlut em ? tumah lah chu a hneh thei bawk si lo a 😀
Tak tak a, hetiang mai mai ah hian buai duh suh u. A ho lutuk, eng thil tha mah i hmuh chhuah phah chuang lo ang!
Intihsiakna tha lamah hian lawmman a tha zawk awm asin.
January 26th, 2012 at 3:18 pm
Eden huana Evi leh Adama thei ei kha tisa thihna amaw kan thin a, Pathian,Pa thinlunga ata thihna (Setana leh Pathian inkar chatuana inthenna, thihna) zawk a ni.
Tin, LALPA Pathian chuan mihring hnênah chuan, “Huana thing tinrêng rahte hi i duh duhin i ei thei e; a chhia leh a tha hriatna thing rah erawh hi chu i ei tûr a ni lo: i ei chuan i ei nî la lain i thi ngei tûr a ni,” tiin thu a pe a. (Gen 2:16-17)
“I ei ni la lain i thi ang” a ti, tisa thihna chu nise Evi pawh khan Adama pe hman lovin a let tawp tur a nia.
Tin, hmeichhia chuan rûl hnênah chuan, “Ti lo ve, huana thing rahte hi kan ei thei asin: Huan lai taka thing awm rah erawh chu Pathianin, ‘In ei tûr a ni lo, tawh pawh in tawk tûr a ni lo, chutilochuan in thi ang,’ a ti a ni”, a ti a. (Gen 3:2-3)
Hetah pawh hian ‘a tawh pawh in tawk tur, chutilochuan in thi ang’ tih ania, an tawka an thi chuang lo a ni.
Heta Pathianin “In thi ang” a tih hi Lucifer-a chatuana tana a hrem tur leh ngaihdamna awm tawhlo tura Pa thinlunga a simna leh ngaihdam dilna pawh awm thei tawh lo tura THI a sawi na zawk a ni. Lucifer-a hi Pathian hnena kir leh turin Pa thinlung ah a thi tawh a ni.
Lucifer-a chuan “Thi teh suh e….amah anga in awm a hlauh vang a nih chu” a ti. Lucifer-a hi amah anga awm tum a ni a, Pathian ah a thi fel tawha amah hi chuan thi a inti lo, Pathian tellova nun theih hi a thupui a ni.(Isua a thlemna ah pawh khan kan hmu)
‘Thi teh suh e’ a tih hi “Pathianin ‘in thi ang’ a tih hi a ti vel mai mai a ni, keipawh ka thih loh hi” a tihna ang a ni.
Sawi leh sawi hnu mihring chu Pathian ah mitthi a ni der mai, kan pa pawh Diabola. Amaherawh chu Leilung pianhma renga ruatlawk Beramno, tlan tu tur kan nei a. Chumi chuan Pa lungawina a thlen zawh leh zawh loh chu minung kan nih lehna awm chhun chu alo ni ta a ni.
He lai chang hi uluk deuhin chhiar ila,
“kan bawhchhiatnate avanga thi kan nih lai meuh pawhin Krista rualin min tinung ve a, (khawngaihnaa chhandam in ni ta e,)
Krista Isuaah chuan ama rual veka min kai thovin, van hmunahte ama hnenah min thuttir ta a: (Eph 2:5,6)
Kan bawhchhiatna avangin thi kan ni, Chu chu van hmuna chanvo nei tawhlo tihna a ni. Isua avangin van hmuna ama hnena thut tir leh kan nih thu a rawn puanna a ni.
“Thihna hnehin a tho leh ta” kan ti a mahse he tisa thihna hi chu a bang chuang lo. Thlarau, Pa hnena chengtawhlo kumkhua tur Thihna chu a ni a hneha a Van hmuna min thut tir zawk chu ni. Mitthi khuaah a zuk kala, Seol ah a zuk chhuk a ni, Pa nghaisak ho chenna ah…chuta tanga rawn kir leh chu a ni
Thlarausual(mitthi khua an tih Seol a awm te) hi engtinnge Pathian ala nghaisak ang tih erawh chu keini lo suangtuah phak a ni love. 🙂
January 26th, 2012 at 3:27 pm
Ka thih hnua ka thlarau chan tur chu ka tisa damlaia ka nundan in a hril dawn lo vem ni?
January 26th, 2012 at 3:31 pm
Sheldon…. Isua hian a sawi simple lutuk, Isua awmdan zawm kha a tawk…”hriatna tura beng nei chuan hre rawhse” a tih kalh kalh thin hi, chhui chiam tura har engmah a sawi ngai lo 😉
Post tu pawh hian Eden huan a thei ei kha Tisa thihna maw rawn ti leh tawh, Law in kalh tak tak hi in rawn chhawp chhuaka hnial loh tum pawhin ngawih a har thin 😀
January 26th, 2012 at 3:44 pm
Aste, i sawi dik alawm. Anih helai thu hi “Thihnaah mihringa thlarau a thih ve tak siloh ah chuan chu thlarau chu a petu Pathian hnenah a kir leh dawn a ni” a tih khi? Ringlo tu thlarau pawh Pathian hnenah tho maw?
January 26th, 2012 at 3:50 pm
khamoinz keichu ka ngawi hrih dawn haha! ZOHO a rawn lang duh lo a :'( ani khan a hre ril asin le Pu Chawnghilh nen hian!
January 26th, 2012 at 4:02 pm
Mishing ho Khawmpuiah Speaker-ah chawpchilh deuvin min rawn ruat thut mai a. Naktuk Tukthuan eikham hian kan thawkchhuak ang.Ka hman vaklo a, mahse, lta hi Naute zilhin kan zilh ang e.
“Ka ngaihdan ani lo”, “a nih ka ring” tih ang velah hian i innghat tam deuh hi i buaina niin ka hria. Pathian thuin a sawidan ani em? Helai thu hi a sawi chiah em? tih hi inzawt fo la ka duh khawp mai.
Sheldy zawhna pawh khi, kan chianloh tlan deuh a nia. Mahse, Bible a kan hmuh theih chinah chuan, Mi an han thih hian an Thlarau kalna a inang dawn hauh lo mai. Ringtu(mifel) thi te chu Abrahama angchhungah Paradise-ah an chawl a,(Lazara leh Lal Isua ruala khenbeh pakhat zawk hnena Lal Isua thusawi te, Stephena thusawi te ngaihtuah ta i la). Ringlotute erawhchu Mitthi khuaah awmin na pawh an tuar dawn niin min zirtir tlat(Mi hausa Pa kha ngaihtuah ta ila). Shakespeare-a pawh hian Hamlet a phuah hian he thurin hi a base a ang viau.
He taksa thi ta erawh kha chu Nikin ni a a tho leh tur tho anih avangin, “Muhil” tiin a sawi.
January 26th, 2012 at 4:03 pm
@Sheldon…Ka hmuh leh thlir dan chuan post tute ho hian Conservation Law hman an tum a, Pathianin thlarau a pek chhuah hian a thlarau chu a kiam sawt a ngaihna an neih avangin a let leh loh chuan anlo ui pui deuh a ni 😉
Thlarau hi matter angin an ngai bawk a, ral thei tawh lo leh Pathiana let leh vek tura ngaihna an nei lian hle a ni. “A pe tu hnen ah a kir leh ang” tih hi Pathiana let leh vek turin an ngai a ni. Pathianin thlarau a pek te hi duhthlan theihna a pe zel a, an duh2 thlangin hel mahse a tawpah Pathian rorelna hnuaia kir leh vek tur tihna a kawk zawk mah a ni. Setana thlarau hi Pathian ah a in transform tawh lovanga, tunah chuan a duh thlanna in a leng a, mahse a petu hnen ah rorelsakin a awm kumkhua tho tho dawn a ni. Chu chu “Thlarau zawng zawng a petu hnen ah an kir leh dawn tih in a sawi chu a ni”
January 26th, 2012 at 4:07 pm
@Pu Pk, min chhang a, ka lawm e. Mifel leh misual thlarau pawh hmunkhata kal tur anga a ziak khi ka hriat ve dan ani lo reng a. Thi thei taksa chu a ral mai dawn a, kan thlarau nun kha a pawimawhber ah ka ngai. Kan thlarau kalna tur hriltu chu kan damlaia kan nundan ani.
@Aste, i tidik.
January 26th, 2012 at 4:33 pm
@ltachhakchhuak, i Pathian thu lak dan he haw chu a va pangkhing deuh ve! Mihring finna hmangin Bible thu thenkhat tlawhchhan siin ‘mathematical deduction’ang deuh i siam a ni berin a lang. Zirtirna kal sual reng reng hi Bible tlawhchhan nei vek an ni. Mahse Bible pumpui zirtirna thlir lovin duh lai lai an lawr khawm mai thin avangin an kal sual thin reng a ni. Fimkhur la, chhut zau leh deuh teh khai!
January 26th, 2012 at 4:48 pm
Tunge thlarau a thi lo ti a? Mai mai….
January 26th, 2012 at 4:52 pm
Pu keimah, heihi enge i ngaih ve dan? han en teh…
http://www.youtube.com/watch?feature=player_embedded&v=0S_A9ERJWN0
January 26th, 2012 at 5:12 pm
funny a rawn dah chuh… Dr. Zakir Naik hian thlarau lam aiin Theoretical Law ah hian a buai niin ka hria 🙂
A pian dan ah Pathian Fapa a nih leh nihloh an chai rei mah mah. “Isua kha pa nei lova piang a nih avanga God a nih chuan, Adama chuan nu leh pa a nei lova Isua aiin God a ni chiang zawk lo maw” te an ti. “Isua hi Adama tho a ni” (Adama hnuhnung) ka ti chat ang. Son of God vek chu kan ni, Isua mission pawh a nia. Mahse Incarnation leh Adama anga alo awmleh kha a tulna lam an sawi lo tlat…
Islam ringtuten zu kan in loh avangin “Kristian aiin Isua thu kan zawm zawk daih a nih chu” a ti, Juda Rabi te angin Isua leh pharisai thu ah hian ala chiang lutuk bik lo a ang khawp mai 🙂 :sawi ve mai mai:
January 26th, 2012 at 5:29 pm
A mak thin mang teh e aw! Mihring thlir dan atang chuan thlarau a thi thei lo tih hi a dik. Mahse kan Pathian lakah chuan a thi tlat si! Pathianin ama anpuia a siam mihring hmasa berte khan, anmahni Siamtu aia thihna lalpa an an tak zawk avang khan, Pathian lakah mihrang an lo ni ta a. Chu chu Pathian laka thihna chu a ni a, tlai nitina a pawl theih kha pawl tlak an lo ni ta lo a ni. Chu chu chatuan thihna a ni a, vanneihthlak takin Krista Isua zarah tih nun kan lo ni leh ta a. Chu nunna chu miin a duh lo a nih chuan thih hnihna a hmachhawn leh dawn a ni. Tin, hei hi hriat ve mai mai a tha- Thuthlung Hlui huna Israel fate Pathian thu hriat dan hi a la chauru viau a ni. Chuvangin Kristian kan nih chuan Thuthlung Thar, chutah pawh Chanchin Tha bu 4 te hi luhchilh peih ila a hlawk khawp mai. Amah ngei mihringah a lo chang a, a duh zawng min rawn hriattir a ni si a.
January 26th, 2012 at 5:29 pm
Aste..Trinity ang zawng chuan muslim chuan an hnial dang vek mai ang che u..ka enthuak a funny a thil dah khi..ka ennawn leh ang!
January 26th, 2012 at 5:37 pm
Thlarau chungchang hi kan soi ngun ta hle mai….thih hnu khovel hi kan buaipui tur chu a ni a, mahse kan ti fuhlo palh ang tih chu a hlauhom khop mai…
kan thlarau hi chu a thi dawnlo chiang chu a ni a, han buaina em2 tur a omlo in ka hria…Pathian Fapa rin a,a thupek khirhlo tak te zawm hi kan tih mai tur a ni a,kan thih hnu a kan thlarau kalna tur chu Pa nen min rel fel sak vek mai zawk dawn a lo ni.
January 26th, 2012 at 6:42 pm
#31@lrp…Teh nang awwww…oneness hi chu hnial tlak ah an ngai lo heng ho hian(Oneness Theory hi a bawng lutuk, engmah a hrilhfiah theilo, Pathian chu pakhat a ni tawp mai, chu pawh sawifiahna awm chuang lo). Muslim ho hian Oneness chu an paihthla hneh lutuk 🙂 Tuna Zakir Naik question pawh khi Oneness rinna chuan chhan ngaihna awm miah lo. Pathian mizia leh rorelna hi Pa, Fapa leh Thlarauthianghlima i thliar thiam loh chuan pakhata bur vawm vek kha chu an pawm lo hulhual. Jews ho hlei hlei hian Oneness chu an awih lo lehzual 🙂
January 26th, 2012 at 7:00 pm
Buaithlak mange aw! Nakinah a la fiah kuar mai ang chu maw. Inhnialna pawh a tawp tawh ang chu.
January 26th, 2012 at 7:08 pm
33 aste..inhnial chu ka peih lo a, mahse khipa khi han hnial teh! 🙂
January 26th, 2012 at 7:13 pm
@lrp…kei pawhin ka peih lo, ka chhungte zawng zawng hi UPC annia, ka naupan lai pawha ka inkhawm tamna ber a ni. 🙂 Tuikawhna pakhat kawt chungin pianpui te rinna ka sahuai thingvawn ve ngawt lova. Keimaha Bible uluk taka ka chhiar chhuahna leh Sermon hrang hrang, pawl hrang2 te ka ngaihthlak atanga Pathian min kohna leh chhanna ka hmuhdan rinna chu Pres. ani emaw Baptist a ni emaw, Salvation a ni emaw, Catholic emaw, Adventist ani emaw, Hindu a ni emaw, Muslim a ni emaw, Jews a ni emaw, Buddissm ani emaw adanglam chuang lo 😉
January 26th, 2012 at 7:17 pm
Buaipui tlak loh lam buaipui chiam hi a finthlak lutuk loin ka hre ve mai mai thin hehe.. Hebrai, Grik leh English hian kan Pathian thu hi a sawi fiah phak tak tak lo, rinna hmanga luh chilha, innghah tawpa a chana chan fiah chi a ni tlat. Dik tak chuan neshamah, nephesh, sabaoth, selem, demuth han ti eltiang thin mahila, Mizotawnga kan sawi loh chuan Mizo pa hian ka hrethiam tak tak chuang lo. Hnam dang pawhin an tawnga an lehlin loh chuan a chiang bik chuang lo. Chuvangin Pathian chatuan thil tum hi ngaihven zawk ila kan tifuh zawk daih ang. Tawng bul lam chhui fiah thiam hi a tha a, amaherawhchu bo phah nan chuan hman loh tur. Tin, Bible-a lehkhabu enga pawh mai hi mahni mimal ngaihdan leh duh dan neisa tlata zir ai chuan Pathian mi hman tak takten ngunthluk taka Thlarau Thianghlim kaihhruaina nena an lo chhui tawh hi ngai pawimawh ila a hlawk fo. Hindu zirtirna leh Kristian zirtirna hi ngaihfin loh a tha ang. I ngaihdan rawn vawrh chhuah hian Hindu zirtirna a hnaih viauin ka hria.
January 26th, 2012 at 7:38 pm
36..Aste..chu blacksheep i ni maw.. 😀 Tak tak a, Pathian ropui zia leh thiltih theih zia hi ka ngaihtuah ve nasa thin a. Universe leh arsi te..a ropui rapthlak lutuk a, a chang chuan pathian dangte hi an awm ve ang a..ka ti rum rum thin reng ani. Mahse an awm lo tih chu ka chiang viau lawi bawk si a. Hemi ka ngaihtuah thin avang hian ‘fapa’ tak tak nei a, khawvela A rawn tirh hi ka ring lo telh telh tawp mai ani. Mari kha ‘i rai anga’ a ti mai ani. Thuthlung hlui lamah pawh Pathian kha mihring chhandam nana khenbeh anih tur thu ziah ani. Fapa a tirh tur thu a sawi lo.
Engpawhnise, Pathian chu pakhat chauh a awm a, A in landan leh A nihphung ah ngaihdan a in ang lo deuh ani mai. A pawimawh ber chu vanram kawng chu pentecost-ni a Peter a sawi, Tirhkohte Thiltih 2: 36-40 kha ani. He mi bak thil Bible-a in ziakte hi chu a sawi zauna ang chauh ani.
January 26th, 2012 at 7:56 pm
@lrp…he2, Kohhran lama ka background chu Presbyterian ah ka awm a, puitling zirlaiah ka exam ve deuh ziaha, kartin chhuak chanchinbu Zanlai au aw (Dr.LB Sailoa te pawl ziah) ka chhiar zing hle bawk a(Azl a ka room ah pawh ka chhiar hnu ala tam ang) he2, TMEF sermon ngaithla regu ber pawl ka nih ka ring a (an pawl a mi tamtak ai pawhin), Adventist sermon Internet ah zantin deuhthaw ka lo ngaithla tawh thin a, Catholic ah vawi duai lo inkhawmin Sacrament ka ei zing malh malh hle a(an uar avangin), an chanchinbu pawh kan subscribe reng bawk a, Baptist leh a dang neuh neuh ah pawh ka inkhawm zing hle. Mahni Pawl ngaihdan hmachhuana rinna nei chawp ho, mahni a Pathian zawnna nilo, engmah hmaa side neisa ho thu chhuak hi chu ka man chak ve khawpin ka hria 😀
Ka han OT tak vak chu…hehe..
I pawl puite ang bawkin Trinity rinna hi i man bik vak lo in ka hria 😉
January 26th, 2012 at 8:10 pm
Thu hlawm khatna:
Helai thu hlawm sawifiah tur hian mizo tawngin a phak lo, mihring sawina dang kan neih loh avangin. Mihring leh thlarau hi sawi zawm nghal tur a ni. Minung lo chu mihring an ni lo, mitthi an ni. Mi a lo thih chuan ‘mihring a chang zo ta lo’ etc kan tih thin hi. Gen 1:26 ah hian a siam a hma hauhin mihring tih tawngkam a hmang nghal a ni. Pathianin nunna a pek atang chiah khan mihring a ni a, a ruangam ringawt a awm lai khan mihring a la ni lo.
Thu hlawm hnihna:
Taksa thihna-ah hian taksa a thi ang hian thlarau erawh a thi ve lo a; amaherawhchu, A duhloh zawng titute thlarau erawh thih hnihna-ah chuan an thi mawlh ang. Tin, mihring hi a taksa damlai reng pawh in, a thlarau chu, Pathian lakah a thi thei a ni. Adama, Pathian thlarau ngei a tihnun khan, a dam lai ngei khan, Pathian duhloh zawng a tih ni atangin Pathian lakah a thi a ni. A duhloh zawng titute hi A lakah thi an ni a, sim a, A lam an hawi leh hunah an nung leh ang.
Thu hlawm thumna:
Pathianin a pek kan nih avangin mi zawng zawng thlarau hi A hnenah a kir leh kher lo ang. A duhzawng titute thlarau chu a hnenah a la ang a, a duhloh zawng titute thlarau erawh chu a hawisan ang.
January 26th, 2012 at 9:11 pm
38 @lrpa, a Postol-te zinga mi Johana chuan, “Isua chu Krista a ni tih awih lotu aliama dawthei tunge awm? Krista dodàltu chu Pa leh Fapa awih lotu hi a ni. Tupawh Fapa awih lo chuan Pa pawh a pawm chuang lo; Fapa awihtu erawh chuan Pa pawh a pawm a ni.” tiin a lehkhathawn pakhatna bung hnih chang 22 leh 23-ah khan a lo ziak kiau mai. Enge i ngaihdan ve le?
January 26th, 2012 at 9:27 pm
41 boihapa..Isua chu Krista a ni! 🙂
Pathian tum chu ´kan sual kan sim a, khi lai Bible chang in ti tur a tih anga awm a, A lo kal thleng rinawm kha ani mai’, oneness, trinity ah hian chhandamna a in nghat lo mai thei!
January 26th, 2012 at 10:38 pm
42 @lrpa, 38-a Fapa i rin tak tak loh thu i sawi khi a nia ka rawn khei tak chu. Chu pawh keima irawm chhuak ni loin, a Postol-te zinga mi Johana thukhawchang la chhuak ngatin. Trinity emaw oneness lam emaw ka sawi lo. Ka sawi tum i hre fuh lo a nih chuan ka sawi nawn leh ang- Fapa awih lotu chuan Pa pawh a pawm chuang lo. Hei hi ka irawm chhuak a ni lo. I duh leh Johana lehkhathawn chu bei let mai ta che. Tin, Krista tih ringawt hi chu kan Bibleah hian an tam mai. Mahse Pathian Fapa mal neih chhun nena sawi zawma ‘Krista’ tih erawh chu Isua Krista chauh hi a ni. Thurin hi ka dah hmasak ber loh laiin Trinity Thurin erawh Kristian chhinchhiahna Thurin bulpui leh pawimawh berah ka ngai bur tih chu ka’n sawi tlang law law teh ang.
January 26th, 2012 at 10:47 pm
43 boihapa, Fapa awih lotu chuan Pa pawh a pawm chuang lo! dik chiah reng a lawm..oneness thlirna atang phei chuan a dik full thak.
Isua tel lo chuan ‘Pa’ tih ringawt hian awmzia a nei lo. Juda mite kan nih ngawt loh chuan. Kan ngaihdan a in ang!
January 26th, 2012 at 11:12 pm
In lo sawi thui tawh ve aw, ka chhiar puat puat:
1. Lta hi khati khawp a agnostic, skeptic lh atheist lam rim nam tawh, he topic hi chu i man fiah ta hle mai a, chinpawr tur ka hre tawhlo a ni e. Ka lawmpui a che. Ti hian soul & spirit bumna leh hellfire bumna lak atang chuan i tang tawhlo tih a chiang e.Bible chang pawh i dah hnem peih e, i taima, ka tluklo hle mai che.
2. commeter thenkhat khi soul thlarau tia lehlin diklo avanga soul leh spirit buaina bawk an mu tan a nih khi le.
3. Ngamtlak ah Asteric khi kher teh ang – i 1st comment ah eden thihna simple em em mai chu harsa em em maiin i rawn chingchivet a, physical death tih chiang em em chu spiritual death, absence from God(tumah la daihloh ram leh la finfiah loh ram) ah i rawn keuhthlu a, i next comment ah simplicity i rawn champion pui leh bawk, i inkalh telh telh…i principle chu khawi zawk nge? simple deuh a rin nge,complex deuh a twist? ….hairehai…. 😛
4. ‘Mite chuan an thil hriatthiamloh chu an sawisel thin’ tih thufing tawi bawk a tamzawk khi chuan an rawn tidik leh ta…
5. A pumpui a lak in resurrection (misual leh mifel thawhlehna)in la manlo deuh ka ti. Chatuan a na tak tuar tur hrim hrim a kaihthawh leh lam a ni lo, Justice a ni zawk. Misual thi tawh chu a Pathian thaw in a kaitho leh ang a(a thlarau chu pekkir leh lailawk zawk a ni ang tihna), a sualna leh a lo diklohzia leh thi leh tlak reng a nih zia van court ah van mipui hma ah puanchhuah a ngaih vang zawk a ni. Chuan pathian thaw(thlarau) chu a vawi 2 na atan chhuhsak a ni leh ang, chatuan a helna leh zawhna pakhat te pawh(chhun han pakhat te pawh) nuaibo a nih theih nan…. tunlai tawngkam in..a zung chawp a karphawng a phoro a nih theih nan… 😀
January 26th, 2012 at 5:49 pm
44 @lrpa, kan ngaihdan a inang lo nasa tih ka hria, nang paw’n i hria hehe..Fapa i rin loh thu 38-a i comment-ah khian a lan chian em khi akekek.. Tin, oneness leh Trinity Thurin vuantu ngaihdan a inang thei tak tak lo tih 38-a i comment khian a tichiang riauin ka hre ta. Isuaah chuan eng Kohhran denomination pawh kan lungrual theih a, kan inpumkhat theih ka lo beisei ve thlangawt thin a, mahse ka beisei phak loh tawp thil 38-ah khian i comment tlat ta mai a! akekek.. Tak taka Isuaah chuan mi tupawh kan lungrual theiin kan inpumkhat thei ang tih hi i hre reng teh ang u. Kan buante hi tisa leh thisen an ni si lo.
January 26th, 2012 at 8:00 pm
46, hehe..a lo nih tak chu
hei hi hmang mai ang..part 11 thleng a awm a..
https://www.youtube.com/watch?v=jq3KgEPFMpQ
January 26th, 2012 at 8:25 pm
@zoho….Physical death tih chiang em em a! Ka Bible chang dah khian a physical loh zia chu ka sawi ang khian a chian em khi
Physical death hi thei ei hnu atanga in tan kha a ni kan tih dawn chuan fanghmir, Bacteria leh species dang reng reng pawh an thi dawn lo tihna a nia. Khi pawh khi a simple lutuk tlat 
Adama hnen ah an ei hnu a vaivuta kir leh hi chu a anchhia chauh kha a ni.
January 26th, 2012 at 8:56 pm
#48 cont.:- according to comment #45 sub no.5 Chuan pathian thaw(thlarau) chu a vawi 2 na atan chhuhsak a ni leh ang
A vawikhatna chu engtik laiin nge chhuhsak anih tawh?
Mang khrum
January 26th, 2012 at 9:08 pm
Lo ti zel teh u, kan lo hlawkpui nasa thin a nia.
January 27th, 2012 at 7:01 am
Phek thars
January 27th, 2012 at 10:59 am
#zoho……i kut ah dah teh ang, an rawn hnial leh viau ang che, mahse han ti tlauh2 teh u, tunlai chu ka tel ve hman meuh lo chu a nih hi, min lo ngaidam mai teh un
January 27th, 2012 at 11:46 am
Post tu pa, nephesh emaw ruah emaw..ka hre thiam ve teh nuaih lo a, mawl deuhin ka zawt ang chia, mawl deuh, ka hriatthiam phak tawkin min chhnag thei ang em?
Ka zawhna chu – mihring chu ka thihin vaivutah kan chang a, kan thlarau erawh chu Pathian hnenah a kir leh ta a, chutichuan a nih leh hremhmuna chatuan mei mit theiloa hrem tur chu enge ni ta? Isua meuh pawhin hrem tur an awm tih chu a sawi chiang viau si a?
January 27th, 2012 at 2:15 pm
A vawihnihna atan mitthi/vaivut te chu anlo tholeh/nungleh dawn, chumi hnuah minung/nephesh chu meidil emaw vanram an kal dawn a. Thlarau chauh hi vanram emaw meidil kal tur nise mitthite thawhlehna hi a awm a tul lo. A fiah ang chu maw !?
January 27th, 2012 at 6:09 pm
Thuthlung Hlui atangin chang la chhuak tha hle mai! Thih hnu piah lam thuah chuan Thuthlung Thar lam hi a pawimawh ka lo ti ve mai mai a …