Post hmasa lamah khan wiring ti tur te hriat tur kan sawi tawh a. Part-2 ah hian post hmasa lama kan sawi hmaih tlem sawi leh lawk ang.
Part I lamah Phase leh Neutral line indek in eng a siam tih kan sawi tawh kha. Chumi anih chuan current ti eng thei tur chuan ngei ngei in wire pahnih, phase leh neutral line i zam ngei ngei a ngai ta tihna ani a. Earth/Ground hi zam tel a that avangin hrui pathum zam a ngai thin a, mahse hrui pahnih zam in tha takin hna a thawk thei tih kan hriat kha tawk phawt sela.
Chuan wire chu i duh dan ang takin i zam ta a, series leh parallel in line hi a siam theih a. Chumi awmzia chu hrui pahnih chauh ring khan line tam tak i pawtpeng thei tihna anih chu. Parallel ah chuan line pakhat atan hrui pahnih zel i zam a ngaih avangin hrui tam deuh tak i zam kual duah a ngai dawn tihna ani.
Wiring tih dawn hian line hrang hrang te hi a color inanglo hman a tha, chhinchhiah a awl bak ah chhui a awlsam bik ani. Entirnan, phase line ah hian India ramah chuan hrui sen(red) hman ani tlangpui a. Neutral ah a dum, ground ah a var. Mahse hei chu mahni duh dan leh hriat awlsam theih dan tur color hman mai pawh a pawi lo, a color pawh chi tam tak a awm tawh avangin. Hetah hi chuan phase ah wire sen(red) kan hmang anga, neutral ah a dum(black) leh earth ah a var(white) kan hmang ang.
Wire hi chi hrang hrang a awm ve a. A tha chi leh thalo deuh chi a awm a. Chuvang chuan lei dawn ah thlan uluk a tha. A chhe chi a man atlawm avanga lei ngawt kha a fuh lemlo. A tlo loh bakah a him tawklo fo thin.
Awle, hemi chinah hian duhtawk leh phawt ang. Part 3 ah kan chhunzawm leh dawn nia.
Similar Posts:
- Electric wiring-I
- Electric Wiring – III
- Earth Line ka siam ve, engnge a an ang aw!
- PA (Public Address) Amplifier System Etc…A tui mite tan chauh..!!!
- Kih hnawk aiin hrui hnawk
January 24th, 2012 at 1:04 pm
Comment in hawng har thei sii
Report this comment
January 24th, 2012 at 1:10 pm
Good Post.
Report this comment
January 24th, 2012 at 1:13 pm
-do-
Report this comment
January 24th, 2012 at 1:14 pm
Tha hle mai a. .
Mahse mahni a tih tum ai chuan a thiam koh a that zawk ka ring 
Report this comment
January 24th, 2012 at 1:31 pm
Tha leh hle mai a!
I sawi telloh fimkhur ngai si, ka vei em em thin ka’n lo zep leh lawk: Electric wiringah hian safety fuse hi a awm ngei ngei tur a ni. In tinah siam a ni bawk thin. Mahse a chat zing thin a, chumi kan siamna lamah fuse atan wire chhah tak hman mai kan ching thin. Hei hi thil hlauhawn tak a ni.
Safety fuse hian inchhunga current short emaw mistmatch emaw overload emaw avanga kang mei chhuak thei kha a veng a ni. Chumi awmzia chu current sang takin pawi a khawih hmain safety fuse kha chat awl tak a nih avangin a lo chat ta thin a. Fuse chu series-a zawm a nih avangin a inchhunga current kal kha a chah veleh a ti tawp a, chuan kang thei lakah kan him ta a ni.
A chat zing em mai tia wire pumpui hmang ta ringawtte an awm. Tih hauh loh tur a ni. Safety fuse a nih ang takin alloy hman tur chi emaw wiring kan tihna wire zai sin hnih thum vel hman mai tur a ni. A nih loh chuan harsatna lian tham tak kan tuar thei. Sawi chhuahna hun rem chang tak a nih hi a; ka veina a rei tawh.
Report this comment
January 24th, 2012 at 1:50 pm
post tha tak ani! chuan #5 IGNATIA sawi nen ka KZP e
Report this comment
January 24th, 2012 at 2:18 pm
MCB hman dawn pawh hian kan in chhung connected load a zir a thlan a tha khawp mai. A tre a training chhuak te koh mai hi a that viau rual in, remchan loh hunte pawh a lo awm ve thei a. Mipa nih chuan eng e maw chin tal thiam hi a tha. Thil engkim ah.
Report this comment
January 24th, 2012 at 2:53 pm
i post chin ang zel hian wiring i la a, kan zo har fu ang a..haha..
Report this comment
January 24th, 2012 at 3:29 pm
Nia, a fuse hi ngaih pawimawh em em tur ania. @saint sammoo, thla khat vel beih a ngai ang, hehe. Note book ah lo ziak zel rih phawt mai rawh.
Report this comment
January 24th, 2012 at 5:40 pm
Certified chauh wiring tih tir ula, chupawh mihring zelthel lo tak… a save ber
Report this comment
January 24th, 2012 at 6:10 pm
uai! Ava bengvarthlak ve le
Report this comment
January 24th, 2012 at 8:33 pm
Naupan deuh laia ka huai thin teh lul nen electric lamah ka dawih ta lutuk. Ka thiam tulh tulh a, ka hlau tulh tulh. Tul fetah lo chuan ka khawih duh lo.
Report this comment
January 24th, 2012 at 9:17 pm
nia wire hi lei uluk angai …ISI chuang te wm phei chuan thra leh zual ang…
Report this comment
January 24th, 2012 at 10:55 pm
Tunlai in kang tam tak hi electric kalsual vang an tih chhen lehnghal (I). Electric lam atang hi chuan ka ralbang ta e.
Report this comment
January 25th, 2012 at 12:15 am
Ku Hva khi ka thlawp e. Tunlai electrict departmen atanga wiring ti thin tam tak hian phase leh neutral a inzawm in a eng thei tih hre ve tawk an tam mai. A tlo tur leh him tur lam ngaihtuah thleng lem lovin an ti ve tawp thin.
Report this comment