Khawvel hum hrang hrangah tlangkang thinin, a velahte chuan leichhunga lungpuite chuan sa tuar lova tuiralin, an rawn luan chhuah thu kan hre fovin a lem pawh chi hrang hrangin kan hmu theuh tawh ngeiin ka ring!
Chutiang tlangkang tuisa (Lava), lei chhung aṭanga rawn inirh-chhuak, thlir ngamna chin atanga thlir nuam ti an tam thin hle. A thuhrimah mihringte hian thilmak hi kan lawm khawp a. Engemaw danglam deuh kan hriat chu kan pan sup sup tawh mai ṭhin anih hi maw?!
Yosemite National Park, CA ah chuan tuikhawhthla sang leh mawi dangdai tak mai a awm a. Chu tuikhawhthla hming chu “Horsetail Falls” tih a ni. A park chhung a mawiin tlawhtu angah ṭhin kumtin hle mai. February thla tak phei chuan tlawhtu a neih chhan a dang ṭhin thung hle!
February thla apiang hian kumtinin, “Horsetail Falls” tuiluang chu tlai nitla turin engemaw ti taka a chhun hian tlangkang tuisa luang thla nguai nguai ang tak maiin a awm ṭhin a. Hetiang hian kumtin kar hnih chhung, nitin minute 2 lek hun-awh zel a thlir theihin a awm ṭhin. “The Photographer’s Guide to Yosemite” ziaktu, Michael Frye chuan, “Horsetail awmna hi hetiang thleng thei tur hian a fuh lutuk a, a ang tur reng reng khawvel hmundangah a awm ka hrelo,” a ti hial a ni.
Thlalamite chuan hemi hun chang hian buk sualin an riahchilh nasa viau thin awm e.
A video-in aw:
Hetiang hian tunah nizung hian a chhun fuhlai tak anih vangin radio leh TV lamah pawh sawi a tam lehta hle mai.
[Chhiar belh duh tan link chhete]
Similar Posts:
- City Park thlir mai mai ang u
- Uite Rim In Nam
- Tunlai khawvel
- Black Hill Regional Park
- Mizo 2 million kum 100 hnu-ah
OT...
February 21st, 2012 at 3:33 pm
Chhiar ang.
Report this comment
February 21st, 2012 at 3:48 pm
A Video khi ka en thei miahlo mai
Zana enah khek phawt ang.
Report this comment
February 21st, 2012 at 3:55 pm
Mi ram te hi chu an changkang bik thin teh e…
A hmun a en ve a chakawm hle mai.
Report this comment
February 21st, 2012 at 4:07 pm
USA chu an hausa a..
Report this comment
February 21st, 2012 at 4:08 pm
A va mawi tak ve le! A mit tlai thlak thin e. I zarah hmuh phak loh tur tha tha kan hmuh phah ve thin a. By the way, HV, engtikah nge Aizawl rawn zin i tum? Fb lamah khan i tum hnai riauin i sawiin ka hri a? Chah tur che ka’n hre hlek lo pek alawm maw le. Hria ila chuan Lengpuiah ka lo hmuak tur che a nia. Nangma post a ni bawk a, inthlahrung lutuk loin ka’n OT zuai a ni e.
Report this comment
February 21st, 2012 at 4:29 pm
Ku Shai, Hun leh Tangka nei ila ka thlir ve chak teh asin
#5 fb lamah mawle
Report this comment
February 21st, 2012 at 4:32 pm
Tlangkang ni si lo, tui kang khawhthla ni bawk si lo… American ho han hausak zia hi chu aw!
2003 khan Mt Etna (Sicily) ka fang ve a. Last Day of Pompei te pawh min ti hre chhuak e. (2002 eruption an thenfai lai vel ni ta in ka hria) Hemi kum vek hian Italian Island pakhat Strombol Island kang hi live in zanah ka hmu ve tawh bawk a. A hmuhnawm dangdai khawp mai. 2005 khan Barren Island (Indian Ocean) eruption live in ka hmu leh a, hei erawh chhun engah a nih vangin a mawina aiin a sa. Khang hunlai khan camera tha deuh leina lo nei i la ka van ti tak
OT duah… Pu HV a post a ni bawk a 
Report this comment
February 21st, 2012 at 4:41 pm
Mizoram chhung a ka hmuh ve chak pakhat chu, Sangau khaw bul a luipui 2, fur laia an tui insu ding ur ur an sawi thin saw a ni a. Mahse kumtin chuan a thleng kher lo a ni awm a…
Report this comment
February 21st, 2012 at 4:51 pm
A mawi tak ngei mai a! Pathian thilsiam mawi a van ni teh reng em! Kan naupan laia sundog ka hmuhte pawh min te hrechhuak uai uai mai a.
Report this comment
February 21st, 2012 at 4:55 pm
Pu shaia sawihi keipawh ka hmu chak.. Pangkhua bul lawkah a ni an ti, mahse kawng a awm tha lemlo. Sangau ka kal tumin en ngei ka tum a, mahse hun ka nei ta lo a, kawng a awm mumal lo an ti bawk nen ka thulh ta der a, ka lo va kal hram lo kha ka inchhir leh hnuhnawh..
Report this comment
February 21st, 2012 at 4:59 pm
A mawi dangdai hle mai. Engvanga awm nge ni ang le?
Report this comment
February 21st, 2012 at 5:15 pm
A va’n mawi em! En ve a chakawm hle mai…
Report this comment
February 21st, 2012 at 5:19 pm
Mawi mawi.. Nuam awm bik bik
Report this comment
February 21st, 2012 at 5:31 pm
a mawi hle mai a, atakah hmuh chakawm ngei mai.
Report this comment
February 21st, 2012 at 5:37 pm
Ts #11 ka ziah ve niah nuah khi mawle
Report this comment
February 21st, 2012 at 5:47 pm
A posttu ber kan OT teh ang
Mizoram khaw hrang hrangah hian (khawpui lian deuh apiangah tal) Firefighters/fire brigade innghah ngamna din theih a chakawm mange. :daih mai a:
Report this comment
February 21st, 2012 at 5:50 pm
A mawi dangdai hle mai.
Report this comment
February 21st, 2012 at 5:51 pm
Hmmm… OT i phal bawka… kan mi(sual) banner a thil an sawi khi enge a awmzia le… ka va hrethiam chiahlo ve…
Report this comment
February 21st, 2012 at 5:58 pm
OT chhunzawm ang..
Banner a lo danglam leh tawh elo? A hma ami ka hriatthiam ve hmain aw… BS khi engtihna nge niang le? Biamsum ti dawn ila, biangsum vanga hna atanga ban a nih ka ring si lo…
Report this comment
February 21st, 2012 at 6:02 pm
#15 Ok. A ni dawn tak…he2. Mahse, nitla tur chhun ringawt chu, a mak ka ti deuh a..
Report this comment
February 21st, 2012 at 6:42 pm
A chhuk zawng a tlangkang emaw ka ti dawn a
Horse tail fall..nalh reuh a, a hming teuh ber chu sakawrhmuituai ani ve mai ang a.
Report this comment
February 21st, 2012 at 6:50 pm
TS #20 amak vang alawm khawvel hmun hrang hrang atangin thlalami leh nature lovers an punkhawm thin reng ni hairehai
Report this comment
February 21st, 2012 at 11:40 pm
Ka phone atangin ka en zo ve thak thei mai a. A ropui vang a ni teh chek ang chu….
Report this comment