Archive for May, 2012

A buaithlak viau thei

Thursday, May 31st, 2012

Kum 2010, August thlaa Lok Sabha-a an introduce tawh The Marriage Law (Amendment) Bill kha tunah hian Rajya Sabha-ah pending mek a ni a. Khatih lai khan Union Law Minister chu Veerappa Moily kha a ni a, tunah Minister inthlak tawh mahse he Amendment Bill hi chhuak thuai tura tura beisei leh rin a ni.

He Bill-in a tum danin nupa an inthen phawt chuan an chennaa an neih thil zawng zawng a inzata insem tur a ni dawn a, chumi baka an thil neih khawih sawn theih leh khawih sawn theih loh chu Court kaltlanga insem tur a ni bawk. He Bill hian dotu a nei nasa tan hle a, Ukilho zingah a bik takin duh lohna a ri ring tan hle. Mumbai Lawyer pakhat Mrunalini Deshmukh-a, nupui then tawhin a comment danah phei chuan ‘mi pakhat hian 50 Crore nei ta se la, nupui neiin thla hnih khat hnuah inthen leh ta se la 25 Crore ve vea an insem ngawt na tur a awm lo’ a ti hial a. Lehlamah chuan thil awm tak pawh a ni.

He Bill hi pass a nih chuan India ram hmun hrang hranga hman tur a ni dawn a, Mizoram pawh thlir ta ila, monu fel tehchiam lo, pasal chhungte leng darh vek hnua zaa sawmnga a pasal chhungte thil neih a’n chhawm chhuak tur chu ngaihtuah tham tak a ni. He thil hi pass a nih vaih chuan India ran inneih danah hian hei aia uar zawk hian inneih hmain chhungkaw hnihten thu an thlung lawk ngeia rin a ni a, chu chuan buaina zakhua a hrin belh thei bawkin an ngai.

(more…)

Lâwm rual

Thursday, May 31st, 2012

Ti leh pawp mai teh ang aw… Ṭhahnem ngaihna avângin he sait vûl zêl nân hian theih tâwp kan chhuah tlâng a, kan ngaihtuahna pawh kan sêng hnem mawlh mawlh bawk e. Pâr a chhuan zêl theihnâ’n mi á¹­hahnem ngaiten paws leh kawmen an pe char char a. Kei hi a á¹­hahnem lo ber chu ka ni âwm e. Tûnah chuan a vul leh á¹­an ta a, fûr ruahtui tla-in thlai leh hnim hring a tinung sarh ang leh a kai tho á¹­hin ang hian kan vul leh ta chûk mai! “Misual-dawt-kawm hi” ka ti ang a “Vul reng rawh se” in lo ti dâwn nia aw… Khai le “Misual-dawt-kawm hi”… ti r’u le… (H)

Khua a thiang ngei e lânu,
Lung a lêng mang e vâla;
Tûk chhuakin va fang teh u,
A bâwm e, kan sâwmfâng mual zauah.

Lamtluang a tawi lua e nang nên a,
Biahthu di zâi sa-in;
Tu dang kan ngâi lo’ng e nang nên a;
Lâm thaia nui hiauvin.

Chhâwl a hâl e, siktui chawi la,
Lêngi leh vâla’n lung lâwmte’n khiat nâng e;
Chawchhûn kan á¹­het nui hiau a,
Tu dang kan ngai lo, kan hlim tâwk e.

(more…)

Mizoram site ho an hack… tih in hre ve em? :)

Thursday, May 31st, 2012

Khawvel a Hacker (Hacktivist) group lar Anonymous chuan Indian Govt site hran hran an do mek tih chu hria kan awm nual anga tiraw? Tunlai torrent site, vimeo leh site dang Indian Govt in Internet Service Provider (ISP) ho a block tir vek avangin Indian govt website ho an rawn do let a… Hman ni lawk pawh khan Supreme Court site leh Congress site te pawh an hack tawh kha.

Ka nuih ti za em em chu, nimin khan Anonymous #OpIndia (Operation India) chuan Mizoram Govt site hran hran attack turin thu an pe a, Mizo site tamtak pawh an lo la thla ngei a ni awm e. Mahse hria kan awm em aw??? Hehehe…

:D

(more…)

USA ah tlangmi motor accident ah mi 2 thi, 4 damdawiinah

Thursday, May 31st, 2012

Pu Lian Awi, Hakha (chhin) chu May 27 zan khan sangha man tur in a thiante nen an kal chhuaka, May 28 zingah an awmna Owensboro, Kentucky state lam pan tur a an haw lam kawng ah vanduaina rapthlak tak an tawk ta nia thu dawn a ni. An accident-na hmun hi, Natcher Parway le Western Kentucky Parkway ah a ni.

An motor hi Honda Pilot a ni a, Tlangmi 6 leh hnam dang pahnih (Mon pakhat leh Rakhine pakhat) an vaiin mi 8 an chuang a ni. An accident-na hmunah kan tlangmi 2 chu an thi nghal a, a thi zinga pakhat chu a hming la hriat a ni rih lova, a pakhat zawk chu Thang Lian Mang a ni. Thang Lian Manga hi USA a thlenna chawlhkar hnih vel chauh a ni bawk, a chhungte awmna Georgia State a insawn tura inpuahchah mek lai in he tiang vanduaina hi a tawk ta a ni.

(more…)

TUIKHUR

Thursday, May 31st, 2012

Khuanu remruat anih vang nge, tu pa tuh leh enkawl nimiahlo mahse hunin a herchhuahpuiin April par mawi tak mai te chuan a mawina a chhuah a. Boruak ain thlak a, sikni eng boruak vawt leh dairdiak mai te chuan kian zai relin, nipui lo hertur chu hmuakin vanpui te chuan an ziarang leh sakhmel thlakin chunglam rorel zawmin hmalam hun panin an zia an chhuah chho a. Nipui boruak a thaw tanin vawkhniakzawn khawpin ruahtui ala tam lova, tuikhur lama tuikang nghak thawm te erawh thal zualpui a reh tawh avangin tam em em lo mahse, Pu.Khuma bawng no neih thu te leh Zatawni muala sava hmawngkung tlan an tam zia leh awh a nawm zia te tui ti taka sawi ho tham erawh an awm reng si. Kan khaw lama ka haw lai anih avangin tlachham em em lo mah ila, thawhlehni a PHE ho tui rawn sem, kan veng lam pipe a chian loh avanga nidang aia kan dawn tlem avang leh tihtur em em ka neihloh avang chuan tuikhur lam pan chuan ka inkawt chhuak ve ta a.

Kan veng tuikhur hi khawhmawr lama awm nimahse kan veng dawrkawn, Pu.Romana te in bul step a chhuk a, chuta tanga Mohana Chhang ur in bula ding pen niin, a hla em em lova. Step chhuk a ulh deuh e tih lovah chuan a kai pawh a nuamin a ruam a cham a, tui tin 2 kawt chhung pawhin hah hman lovin kan thleng zung zung mai thin. Chu zawng ai cuan tuikhur thlen hma a kawng sir tawn tawn a April kung in tlar thla, kan khaw Lal thin Vankhuma Sailo in a lal laia a phun te chuan a hmun a ti mawiin nula leh tlangval tan pawh tuikang nghah ati nuam a, naupang tan lah tual chaina hmun tha aniin chu aimah chuan hmangaihna in a bual mek nula leh tlangval tan zawng kan khua ah ro ro chuan he tuikhur hmun baka hmangaihna parmawi chhuah tirna tur leh duhber te nena lendunna atana hmun thlanawm a awm chuang silo, mi khua te tan zawng thlanmual leh helipad tlang te hi hmangaih te lenna ni mahse kan khaw tan zawng he tuikhur leh a vel baka hmangaih te lenna tlang nuam leh thlakhlehawm a awm silo. (more…)

Filler Part-III (Moral policing leh thalaite)

Thursday, May 31st, 2012

Mizoramah hian thalaite hi nekchepin kan awm reng em? Kohhran leh NGO thenkhat moral policing hian kan nunphung a tikhaihlak em? tih chungchang hi Hmaibu group pakhat ah ka hmu hlawl mai a. Chep ta riau a inngai thalai kan lo tam hle mai hi a lo ni a. Enge misual te hian kan ngaihve dan ni ang aw? ka lo ti rauh rauh a.

Ti zawng hian ka ngaihtuah a. Kan chep han tih tur em chuan Mizoramah chuan a dik thei in ka hre lo a. Intihhlimna erawh duhthalin kan nei thei hauh lo. Heti hian ka han chhawp chhuak chhin ang a, sawi zau ah kan ti a niang chu…

1. Concert/ intihhlimna a awm lo : Hei hi chu a dik na chen pawh a awm ang. Zu ber khap a nih miu avangin kan revenue zu atang mai ni lo a behbawm atang lakluh theih ang chi pub/ discotheque/ night club kan nei lo ngei mai. Amaherawhchu, kan u leh nu leh pa te thiam loh niin ka hre lo. Mahni sitting room tih en na tur pawh current state danga mi kan lei chawp a, thei leh thei lo in swrkhar in min la subsidised sak ve lehnghal a. Current a uihawm lutuk :P

2. Infiamna/ khelmual tha kan nei lo: Hei pawh hi a dikna chen awm mahse hma kan sawn nasa hle a. Thalai te hian a game a luchilh hma in dress code leh sports gear branded nu leh pa te kan ngen thin avangin khap ni lo in min encourage ngam lo a ni. A khelh lam thiam hmain NBA/ EPL/ French open a an hak ang te kan han awt hmasa tlat thin hian nu leh pa te tan han chhuah zalen hi a hra ve duh ngawt hian ka ring thin. :P

3. Park/ Garden len kualna tur a awm lo: Hei pawh hi a dik leh pek ang. Mahse, khawtinah “Ngei ngei tlang” a awm deuh vek bakah he tlang hmang tangkai ho hian nu lehj pa te phalna an lak ka hre ngai lo. A lun ve reng tho a nia. Park aia fianrial kan ngah lutuk tlat.

4. Night riding/ racing khap a ni: Hei phei hi chu khap ngei ngei chi niin ka hria :P Zan a bike leh scooty a chak tak a tlan vak vak emaw bialnu te phurchhuak ut ut hian hma kan lo sawn ve viau a nih pawhin tu kan neih ve meuh chuan kawlbahra min laih tir leh theiin ka ring. Mahni thawh chhuah a vak vel ai chuan chhungte rit phurh tir tu a ni ka ti lo thei lo. :P

5. Zu hi sualah an ngai tlat : Hei chu zu in mi hlei hlei hian sualah an ngai. Sawrkhar leh Kohhran in khap an la duh vei bawk nen. Kan hriat nawn leh tur chu Mizoram a zir lai zuin an chhuah san em em thin loh laiin vai rama kan zirlai te erawh in an zirlai tha takin an zo thei thin. A chhan a chu thalai te zalenna ah chuan zirna hian hun a chang thin lo. Vai rama thian nei te khan (hostel life ka sawi tello) in zalen ang khan in thiante an zalen em? tih kha chhut nawn leh teh u khai… :P

Duh tawk phawt ang… i han sawiho teh ang u :-O

MIPA HIAN E (hmeichhe lakah)…

Thursday, May 31st, 2012

(Post siam hi ka tihmi lo tak mai ani nge maw,buai/hman loh nen. A inthlahrunawm thei em mai,ka lawm reuh em a internet kawng sir a ka chhar hi post ve leh tawp ang!)

1. Engtiklai pawhin kan ngaihtuah reng thei bik lo che u tih hi hre rawh u.

2. Ni pawimawh in tih hi kan hre reng thei bik lova, hre tura min duh chuan calendar-ah chhinchhiah rawh u.

3. Duh in neih hi chu tlang takin sawi mai thin ula kan ti. Engtin tin emaw mei nei deuha in sawi kual hi kan hrethiam thei tak tak lo.

4. Zawhna kan neih tam zawk ah hi chuan ‘AW’ emaw ‘AIH’ emaw a min chhan tawp hi kan duh.

5. In zawhnate’n chhanna 2 a neih a, kan chhanna zawkin a tihlungawi loh che u chuan pakhat zawk kha kan tihna.

6. Lungawilohna in neih a “Engatinge?” kan tih a, ” ‘Ngatimah” tia min chhan chuan kan awih zel a, chhan awm loa in lungawi lo ringawt thin hi kan hrethiam lo.

7. In tah hian in blackmail-na chi khatah kan ngai a, kan lawm bik lo tlangpui.

8. Ngawi reng a ti tau bur bur lo hian a chhan sawi thin ula, in thinrim chhan hriat loh a thlem che u hi a harsa fu!

9. I thau nia i inhriat tlat chuan i lo thau reng pawh a ni thei, kan chhanna in a tihlungawi chuan dawn loh che u avangin min zawt ziah lo ula kan ti.

10. I thawmhnaw neih sa hi a tawk kan ti.

11. Pheikhawk i ngah mah mah kan ti.

12. Kan bula mipa dang hmeltha in sawi in sawi thin hi kan ning ve det…
Belh ve tawh ru.. :)

Facebook GroupNupa Nun

ZIAKTU

Pathian hi fair lo ka ti thin

Thursday, May 31st, 2012

Pathian khawngaihna a zarah tluang takin ka tuina ber ni lo mahse sorkar hna hi kum 23 lai ka lo thawk ve ta a, ka hun kal tawhte ka thlir let vang vang hian Pathian lakah hian vuina ka nei fo thin tlat nia. Thil tam takah lawm viau mah ila, ka bet bik reng mai hi nin thut chang ka nei thin. Ka nu leh pate khan eng pawh thawk ila, eiru lo tur leh mi chanai lek phei chu ti chingpen reng reng lo tur hian nasa takin kan naupan tet atangin min lecture thin a, chu chu thanlen puiin theihtawp ka chhuah ve thin a, ka hlawhtling ve thawkhatin ka hria.

Mahse a tha zawngin rah reng reng hi ka la seng lo ami aw ka ti thin. Ka thawhpuite leh Dept danga ka level puite leh a hnuai zawkte thleng pawha an len thur thur hian rual ka awt ngawih ngawih thin a, ka nupui leh fanaute ka zah ru tlat thin bawk. Min hmu nep bik ang tih ka hlau thin a, tin, thiante bulah insitna an nei lian bik ang tihte ka hlau thin. Kan kohhran upa pakhatin “Eiruk loh na na na chuan mi insenna damdawi leh thil dangah pawh kan inseng tlem nge nge” tih a sawi te chu ‘kaha’ hi a ni ringawt mai. Sawma pakhat tha takin ka pe a, ai kal tirhna ang deuha ngaiin missionary pakhat kan chawm a, thil dang reng reng pawh theihpatawp bakah tlem ka pe ve thin. Mahse keini ve hi zawng kan bawrhsawm tawlh tawlh mai niin ka hre thin a, pawisa hmanna tur hi a pung thur thur mai niin ka hre thin.

Bible chang ka innghahna ber thin chu Sam 37na “ Thil thalo titute avangin intilungngai duh suh la, fel lo taka tite chu awt hek suh. Hlobet angin ah thlukin an awm thuai ang a, hnim hring angin an la vuai dawn si a. Lalpa chu ring la, thil tha ti rawh; He ramah hian awm la, rinawmna um zel rawh; Lalpa chungah chuan lawm bawk rawh; Tichuan I thinlung duhzawngte chu a pe ang che….” tih thla vel hi a ni a. Fel lo taka tite chu awh chang ka nei fo va, hlobet angin ah thlukin an awm thei si lo va, hnimhring angin an vuai thei hek lo. An lian tulh tulh a, thu an nei lian tulh tulh a, an hawisang telh telh hlawm niin ka hria. Heng Bible changte pawh hi Lal Davida khan a rindan leh duhdan in a phuah vel mai mai a ni zawk lo maw tih chang ka nei fo thin.
(more…)

Tuitla!

Wednesday, May 30th, 2012

Pastor Johnson-a tehkhin thu
Vawikhat chu, ka rawngbawlpui pastor pakhat nen Hotel-ah kan thleng dun a. Ka thianpa hian tui hleuh a thiam em em a; kei erawh, tui chhungah chuan lungtum ang chauh ka ni thung.

Tuk khat chu, kan thlenna Hotel swimming pool ko tlangah ka ding vung vung a. Vawilehkhatah ka inrin hman hma hauhvin, ka thianpa chuan swimming pool-ah min nem thla a. Ka mangana manganzia chu(h), sawi hian a siak lo. Hun reilote chhungin ka va’n inhai buai nasa tak em! Chutah, min namthlatu, ka thianpa vek chu tuichhungah rawn zuang lutin min hleuh chhuahpui leh ta a. Khata tang khan, pastor reng reng ka ring tawh ngailo ang ka ti, a ti fiamthu a. Inkhawm mipui zawng zawng kan nui ham ham.

Tehkhinthu a sawi chhan
Nia, tui hleuhthiam lo tan chuan, tui chhunga chet hi har tak a ni. Tui chhunga an awm rei poh leh, an che buai ting a ni mai. Chuvangin, tuitla chhanchhuak tur chuan, tui hleuhthiam, mahni baka midang hleuhpui thei an tangkai fo. I thiannu/thianpa tuihleuhthiam lo, tuia tla kha, mau-tlawn pe ringawtin kalsan ta daih la; tui a hleuh thiam miau loh chuan, a inhaichhuak kher lovang a; a buaina ti tamtu a ni zawk mai thei.

Sualna tuipuiah I tla thin em?
Damlai tuipui fawn bulh bulh karah, sualna lipui thuk takah chuan pilin, harsa takin inhaibuai thin em? Chhanchhuak tur che in tunge I koh thin? I buaina sukiang turin I thiannu/thianpa I pan mai thin nge? I rilru na thawi dam nan I tlak deuh pap pap zawk thin? (more…)

Game of Love

Wednesday, May 30th, 2012

Inkhel en hi ka peih ve khawp mai a, chhun lama chau hnepa hna ka thawh pawhin zana inkhel a awm chuan ka meng ve tang tang peih zel a. Ka thiante pawhin mak min ti fo. Tun tumah pawh hian mipa leh hmeichhia inkara inzawmna, relationship chungchang hi inkhel nena tehkhinin ka rawn ti ve leh a. Lo ning tawk an awm a nih pawhin ‘relationship buaipui tawk ve a ni alawm’ tiin min lo enliam mai dawn nia. :)

Mipa leh hmeichhia hi football khel angin ka tehkhin a, love is game an lo tih thin kha. Chu game-ah chuan hmeichhe lam hi a chak lo team angah ka ngai bawk. Hmeichhiate tan chuan love is a losing game a ni miau alawm le. Engvanga love is a losing game ti nge kan tih chuan post hmasa lamah zawhna kan siam dul ang khan hmangaihna phenah mipat hmeichhiatna hi ball-ah kan hmang tlat a ni.

Mipate hian attacking game in khel a, hmeichhiate hian defensive game kan khel thung a. Kan lamah ball in pet hian goal kan ven thiam loh avangin kan chhuah fo a, kan chak lo a, kan hmingchhiat phah thin. Chu kan chak lohna chuan kan team carreer a tichhe vek a, history tha lo tak tak kan neih phah a, ngaiawh leh turin theihtawp chhuah a ngai thin. Chutih laiin mipate erawh chu nomawi chawiin hlim takin in lam thung a, in hneh tawh hnu chu in hnuchhawn thin.

Hmeichhiate hian goal kan venhim thiam a pawimawh khawp mai. Theihtawpin he game hi khel ila chuan a chak lo zawk kan ni bik hauh lo ang. A chak zawk kan nih chuan kan khelhpui mipate pawhin min dah sang ang a, min ngaisang mai dawn a ni. Chuvangin hmeichhiate hian theihtawp chhuahin he game hi khel ila, mipate hi i inhnehtir mai mai bik tawh lo ang u.