«
»

Kamera thar hmangin!

March 2nd, 2012 9:00 am by H.Vangchhia

Chhungkua a mahni pianna ramlam pan tumna awm nen, kan fanu Janis pawh a pi leh puten an vawikhat hmuhna tur ani dawn bawk. Thlalak ka duhthawh viau dawnin ka inhria, ka kamera neih chhun erawh Sony Cyber-Shot a ni. Mi angin manto ber ber chi nei zolo mah ila, mamawh vanga inhriain, kan neihzawh tawk tur internet-a zawn bakah dawr chi hrang hrang ka kal nasa hle mai. A tawpah chuan Sony kawmpani kamera siam NEX-7 chu kan chah ve rup mai a. An sawi anglo takin alo thlen tlai leh dawn si avangin anmahni neih sa, A65 chuan ka chah mek chu ka thlak ta a.

Chu erawh alo thleng rang kher mai. Ka chah-ni atangin a nihnih naah ka DSLR kamera neih hmasak ber chu alo thleng der mai. Tukin, March ni 1, 2012 hian hunawl reilote ka neih avangin kawmchhak tlang-chhip ka han chuân a. Thlasik ala nih vangin tumah hmuhtur an awmlo. Kamera thar chuan kan hmet kual ta ngei mai a… a ri ve kharh kharh mai, a ri ringawt atang chuan a ngaihthat-thlakve viau a ni.

Rei rial lovin, in lamah ka haw leh vat a. USB cord phawrhin computerah kan dahlut a. Thlalak lam thiam ka ni lo bawk a, ka Cyber-Shot nen danglamna ka hmu tlem ngei mai, hairehai. Kan thlir uluk deuh hnu chuan A65 thlalak chu tlemin alo nêl (soft) hmel bik thip thep deuhin ka hre ta a. Thlalak thiam vakloh chu thuhran, ka chhuahpui vawikhatna a ni bawk a, ka la hmang thiamlovin ka la hrethiamlo hle a nih pawh ka inhria..Exposure a pawimawh 3, ISO, shutter speed leh aperture zir ka ngai nasa dawn hle mai. Thiambik nihna ngai vaklote hi han thlir ve chhin reng reng teh un!

Farm in râm:

Park chhung a in (log cabin) luah hawh theih:

He in pawh hi hawh theih ani a, kan kohhran pawhin kan hmang zeuh zeuh..park chhung a awm tho a ni:

Park chhung a picnic na hmun. A hmun bik lova thilte an khawih chereu loh bakah, mahni bawlhhlawh ṭheuh an lakhawm leh vek ṭhin. Entawn tlak tak niin ka hria:

Park chhung chanchin (information) ziak tarna leh vantlang zunin:

Kan awmna khua tak a lang remchang theilo tlat mai a, mahse kan khaw thenawm Middle Town erawh thlir a nuam hle thung:

Bonus: Kamera thar hmang a ka thlalak hmasak ber. Tunkum Spring lo thleng tur hmuaktu pangpar kuhmum hmasa pawl anih ngei ka ring bawk:

Similar Posts:

Recent Posts:

This entry was posted on Friday, March 2nd, 2012 at 9:00 am and is filed under Nature, Pictures. You can follow any responses to this entry through the RSS 2.0 feed.

46 Responses to “Kamera thar hmangin!”

  1. 1
    Tete-i Says:
    March 2nd, 2012 at 9:12 am

    I camera ang hi ka duh ve… chuan i shot nalh hlawm khawp mai,a fiah tha si

  2. 2
    Tete-i Says:
    March 2nd, 2012 at 9:18 am

    Digital leh dslr in an lohna chu a tam e.. picture quality a in that hleih a,Digital ah chuan thlalak a tle hlurh a, chubakah a zoom ngam vak loh..Keipawh cyber shot chu pahnih ka nei a.mahse Dslr ka hman hnu hian cyber shot ka hmang peih tawh lo reng reng… tuna ka duh chu Micro lense hi ka duh khawp mai,intuak tang tang teng..pasal neih hma chu, tren tren,..

  3. 3
    roseparvul Says:
    March 2nd, 2012 at 9:45 am

    Thlalak ka hmu ve thei lo ;( ;(

  4. 4
    chhana Says:
    March 2nd, 2012 at 9:56 am

    I thil thar nei ka lawmpui a che, I hman thiam vat ka beisei, tluang takin I tum ram chu thleng nang che

  5. 5
    Dr John Says:
    March 2nd, 2012 at 9:57 am

    (Y) E..khai, Pu HV i la tha hle mai! I Cam Thar chu ka Lawmpui Che. (G) (Y)

  6. 6
    chhana Says:
    March 2nd, 2012 at 9:57 am

    I thil thar nei ka lawmpui a che, I hman thiam vat ka beisei, tluang takin I tum ram chu thleng nang che.

  7. 7
    TuaiSialA Says:
    March 2nd, 2012 at 10:03 am

    I thalak a hmuhnawm hle mai. A hnuai ber dawta mi phei chu a lungrun lutuk. (Y)

  8. 8
    Dr John Says:
    March 2nd, 2012 at 10:04 am

    :-O #2 “Pi Tete..I Face Book Update Rawh” an ti che, :-D “…intuak tang tang teng..pasal neih hma chu, tren tren,..” :-P

  9. 9
    As_Khiangte Says:
    March 2nd, 2012 at 10:14 am

    I la tha khawp mai HV, masterpiece a tling alawm le. (Y)
    ‘chuan Pi Tete-i comment khi ka duh lutuk :D

  10. 10
    sheldon170 Says:
    March 2nd, 2012 at 10:37 am

    Thlalak hmuh theih chin chu a nalh hlawm hle mai. Mahse ka hmu kim theilo. A in load zo thei miahlo nia mawle. Thil thar neih hi chu a nuam a nia, puitling pawh hi thil thar neih chuan naupang ang chauh kan nia. Ka lawmpui a che (P)

  11. 11
    Chhuaklinga Says:
    March 2nd, 2012 at 10:56 am

    A mawiin a fiahfai tha khawp mai, thlalak rotling leh hlu tam tak hnutchhiah pui mawlh nang che. (Y) ti ve khanglang teng, tunhma milian leh awmthei deuhho sitting room bang min mitthla tir. :)
    ka ngaihdan ve mai mai- thlalak hi a fiahfai that leh mawi aiin a thlalak kha eng nge a nih tihah hian a hlutna a innghat nasa hle zawk a ni.

    tren tren

  12. 12
    Dr Mahminga Sailo Says:
    March 2nd, 2012 at 11:10 am

    Keini, changkanna in a tlansan tan chuan DSLR, SLR, LRP.., in ti em maw ni..!! Silai nge, thlalakna nge, tlangval hming in sawina nge pawh kan hre hrang ta meuh loh a ni e.. :-P :-D

    Thlalak a fiahfai, i lo haw hunah zui thlak ve chi i nih hi… (Y)

  13. 13
    tribepower Says:
    March 2nd, 2012 at 11:58 am

    cachar bosti vel a shot nan i ot lo mo lu hv??

  14. 14
    chawnghilh Says:
    March 2nd, 2012 at 12:46 pm

    Pu HV : US Jana Gana Mana phuahtu Key-a thlan kha a mawi thei ang berin rawn la teh. Ka lak thenkhat ka computer hard disc a chhiat tak aleiah ka hloh nasa tlat! A mawi thei ang ber khan rawn la tawp mai teh … a thlan lung hma lama pangpar kunga KEY tih lang tel ngei khan! Please!

  15. 15
    chawnghilh Says:
    March 2nd, 2012 at 12:51 pm

    Sugarloaf tlang chhip atanga lak ni awm tak tak te … SILO leh barn khi a mawi, ka lung a tileng hle mai!

    Hnahthel ro rap ri rep rep chunga tlanchhe ve thei lo-ho chu i rawn CAPTURE thiam hle mai! Mawi lunglenthlak hlawm e.

    I camera-a color rendition dik lehzual tur khan adjust belh zeuh tur ka rilru-in thil a awm. I lo thlen hunah aw!

  16. 16
    century child Says:
    March 2nd, 2012 at 2:00 pm

    Mawi hlawm ve. (Y)

  17. 17
    vakul Says:
    March 2nd, 2012 at 2:17 pm

    tete, dslr ai thenkhat ai chuan Power shot thenkhat hi chu ka thlang ve tlat. Digital thenkhat entirnan Canon sx40hs angah hi chuan lens pawh a vuah belh theih a, a pic. pawh dslr naran ve deuh ai chuan a tha mahin ka hria, a man pawh a inang deuh reng a, ka duh zawng a nih vanga fak ka ni em ka hre lo, ka neih zawh tawk hi a thlavang ka lo hauh ta vak em ni?

  18. 18
    ZerO Says:
    March 2nd, 2012 at 3:07 pm

    Mawi hle mai.

  19. 19
    VaiVa Says:
    March 2nd, 2012 at 3:30 pm

    Mawi hlawm hle mai. Kei pawh hetiang hi ka duh ve, man tlawm deuh a awm chuan Pu HV min lo hawn ve :P

    Help: Fiamthu loin cheng singthum aia tlawm DSLR tha deuh min lo suggest teh u. Canon EOS 1100D hi thiam a awl an tia. Suggestion camera nei tha ho khan min lo pe, a leina ka neih tak leh min zirtir bawk ang a :)

  20. 20
    Pc-a Says:
    March 2nd, 2012 at 3:57 pm

    I lo haw hunah kha kha chu ka ta tur anih kha. I hauh tung tung ang e.

  21. 21
    lrpa Says:
    March 2nd, 2012 at 3:59 pm

    a lens te hi a to thei si..a camera ai ai ten a to mai mai! ho lutuk..!thlalak mawi deuh pawh hi enga tan vak mah ka ti lo e.
    ka mobile phone camera leh ka canon camera thlalak danglam na pawh ka hre lo..a in ang vek!
    Thlalak ho khi a mawi, mahse a photo latu ai chuan a hmun vel khi ka fak zawk HAHA, a nawm hmel e..mahni nen chauh a awm melh melh nan a nawm dawn khi!

  22. 22
    ChhanaPa Says:
    March 2nd, 2012 at 5:34 pm

    Camera tha deuh neih a Automatic settings a dah tlat ho hian an pawisa an seng thlawn ka ti, La thiam khawp mai. Thlalak hi kei pawh nuam chu ka tia,mahse ka thiam thlawt lo!

  23. 23
    loneeagle26016 Says:
    March 2nd, 2012 at 6:20 pm

    PIc ho chu a fiahin hmuh anuam hle mai, kei chuan pic 1 leh 5 khi mawi ka ti zual… Camera pawh a ha hmel khop mai, lei ka tum ve reng a, ka la nei thei rih lo. Han hmang thiam chho phei la chuan atih tlak dawn hle mai… (Y)

  24. 24
    loneeagle26016 Says:
    March 2nd, 2012 at 6:20 pm

    PIc ho chu a fiahin hmuh anuam hle mai, kei chuan pic 1 leh 5 khi mawi ka ti zual… Camera pawh a tha hmel khop mai, lei ka tum ve reng a, ka la nei thei rih lo. Han hmang thiam chho phei la chuan atih tlak dawn hle mai… (Y)

  25. 25
    mr.Duhlova Says:
    March 2nd, 2012 at 6:43 pm

    I hmanthiam tak tak hunah phei chuan aw…..tunah pawh ti khi i nia…blessing.

    Good shot (Y)

  26. 26
    H.Vangchhia Says:
    March 2nd, 2012 at 6:47 pm

    Hna ka thawhsan daih a, in ka thleng chiah a ni.

    In commente ho reng reng fuihna hlir mai, ka lawm e. :)

    chawnghilh ka rawn tum ang… ni e lo thlen hunah :)

  27. 27
    H.Vangchhia Says:
    March 2nd, 2012 at 6:57 pm

    chawnghilh #14 tun atanga darkar 1 velah lo beisei ta che :-)

  28. 28
    chawnghilh Says:
    March 2nd, 2012 at 7:17 pm

    H. Vangchhia : OK, billion thanks!

  29. 29
    chhangteval Says:
    March 2nd, 2012 at 7:27 pm

    Sap nula thla lo la teuh la :-O

  30. 30
    PKfanai Says:
    March 2nd, 2012 at 7:30 pm

    Ka mobile handset 5 megapixel hi ka digicamera leh Video camera neihchhun an ni rih mai a, ka hmang rim ve ngang mai(internet access nan ka hmang bawk si). Misual leh Fb a ka pro pic. te pawh hi hemi a ka lak tho hi an nia. Lan that erawh a har deuh. Kan neih phak loh tur amaw kan tih hi kan nei ve leh mai thin a, Pu Hv a camera ang te pawh hi kan la nei ve leh nawlh lovang tih pawh a sawi theih bik lo ve. Mahse ‘awt duh bik lo phawt ang’.hehe.

  31. 31
    hnarliana Says:
    March 2nd, 2012 at 8:02 pm

    Keini ang hnarlian lutuk ho hi chu Pu HV-a camera thar pawh hian min la tha zo tak2 lovang…a mawiin a nawm hmel khawp mai Indian ho ram chu.. :-P

  32. 32
    H.Vangchhia Says:
    March 2nd, 2012 at 8:31 pm

    chawnghilh, kava kal nal nal alawm :)

    The United States of America, National Anthem, “The Star Spangled Banner” phuahtu, Francis Scott Key-a thlan:

    https://i42.tinypic.com/9vjiwi.jpg

    https://i43.tinypic.com/8w04s1.jpg

  33. 33
    H.Vangchhia Says:
    March 2nd, 2012 at 8:32 pm

    #32 heipawh:

    https://i40.tinypic.com/eq8sjn.jpg

    https://i40.tinypic.com/ivz66t.jpg

  34. 34
    H.Vangchhia Says:
    March 2nd, 2012 at 8:34 pm

    Heipawh:

    https://i42.tinypic.com/2r56ibq.jpg

    Bonus: Nizan Jay Leno show a an rawn tih chhuah TV ami hairehai :P

    https://i40.tinypic.com/358wdqs.jpg

  35. 35
    chawnghilh Says:
    March 2nd, 2012 at 9:05 pm

    HV : Kudos, you made them excellent! So very beautiful! Ti hi chuan Frederick-a rawn tlan chiam chiam ngai lovin min siam ta e. Ka lak aiin a mawi zawk fe.

  36. 36
    H.Vangchhia Says:
    March 2nd, 2012 at 9:06 pm

    #35 aaaa mai mai thin a, ka kal a remchang a kava la mai alawm. ty em em :-)

  37. 37
    sheldon170 Says:
    March 2nd, 2012 at 9:15 pm

    Indigestion vanga pum nuamlo ulh immediate relief min lo hrilh teh u please. Post thupui nen chuan a inhlat mai mai :-D

  38. 38
    H.Vangchhia Says:
    March 2nd, 2012 at 9:28 pm

    sheldon170 #37, Damdawi ie: Digene lampang i neih loh chuan Chawhmeh…Bai siamna a telh thin soda kha tui nen mix la lem pawp rawh.

  39. 39
    sheldon170 Says:
    March 2nd, 2012 at 9:35 pm

    Pu Hv, thanks. Digene tab ka ei tawh a, a sawt vak lova, soda chu tichhin teh ang.

  40. 40
    H.Vangchhia Says:
    March 2nd, 2012 at 9:40 pm

    #39 atha viau ania… kapi damlai a min chawh ber thin alawm hairehai :)

  41. 41
    thachianga Says:
    March 2nd, 2012 at 10:36 pm

    Thlalak a mawi hlawm e. (Y)

    Inthlahrung tak chungin i thuziak portion-ah ka duhkhawplohna kalo sawi teh ang.’Kawmpani, kamera’ ti a Mizo sipel (hawrawp) i hmang ve hi a nia.

    Cyber shot ; Computer leh sap tawng dangah Mizo sipel (hawrawp) i hmang chuang si lo. Sap tawng, Mizo tawnga a anpui kan neih loh hi a tam a, mi tam takin Mizo sipel (hawrawp)in ziah an ching a, mahse a daih zo tak tak lo va, a fiah phah chuang lem lo bawk a. I thuziak dan ang khi chuan Saibar shawt; kawmpiutar adt. tih zel tur anih hmel a nia.

    Hetianga Mizo hawrawpa Sap thumal ziahchhuah hmuh hi chuan Indonesia TV channel en changa ‘informasi’ an rawn tih thin hi min tihrechhuak ve ziah a, nuih a za ru tlat thin, ka hre khingbai hu zel.

  42. 42
    H.Vangchhia Says:
    March 2nd, 2012 at 10:46 pm

    #41 Chemtatrawta 2nd hairehai :-P ;-) :-D

  43. 43
    kanidar Says:
    March 3rd, 2012 at 7:59 am

    A mawi hlawm hle mai. I camera that vang hrim hrim pawh a ni lem lo in ka hria, i tin – zawn fuh ve hrim hrim thin. Composition a tha hlawm kher mai. Congrats.

  44. 44
    chhangte_ll Says:
    March 3rd, 2012 at 10:29 am

    “…ka Cyber-Shot nen danglamna ka hmu tlem ngei mai, hairehai…”

    Henrietta, nangmah ah tal khan danglam sulhna chu a awm ka va ring em :-S :-D

  45. 45
    H.Vangchhia Says:
    March 3rd, 2012 at 6:30 pm

    kanidar#43 han hmet ve khauh khauh ila, a lem chu alo langve zel alawm tiraw hairehai :-D I ti lawmawm e. (Y)

    chhangte_ll #44 tih danglam hian ka awm khat khawp mai tunlai chu ;-)

  46. 46
    Jordan Says:
    March 16th, 2012 at 1:11 am

    A dik lo re re…..A tak aiin a ang zok dai lom…nalh khp mai…ka kal chak ltk (Y)

Comments are closed

This is an archived copy of mi(sual).com — new comments can no longer be posted.