(Tun lai chu enge maw avangin misual lamah pawh ka lang tam thei lova, India team te lah chu Vaivawmah an che chhe em mai bawk si a, han thairan leh ka chak teh lul nen, chu lam pawh ka hawi hleithei lova. Tun lai hian Thenzawl lamah KTP Conference an hmang a, kan kal ve thei silova hman kuma ka zinna chanchin ka ziah chum bung deuh kan rawn post vel mai mai ang e)
Kum 2008 khan kan zir pui pakhat ngaihsam zet mai hian vanneihthlak deuh hian nupui neih a tum a ve a. Chu mi hmang tur chuan Mizoram khawpui atan pawh an lo sawi vul ve ziah, Thenzawlah ka va zin ve hlauh mai a. Vanneihthlak kan tih kher na chhan chu, vai ram awm bo chu a inneih lawm tur te hi avang lutuk a, u leh nau ho lah hian ka awm loh an chang emaw tih tur hian ka awm loh hlanin an lo nei zel a, mo lawm tur awm chu a a nuam ve em a vanneih ka in ti ve khawp mai a.
Tin, ngaihsama ka ti ngawt a, entirna ka pe ang a inhrethiam mai ang chu maw. Vawikhat chu (an inneih tawh hnu chu a ni a) a Ph.D renew tur form fill up na-ah a hna a nei thu a lo ziak pek a, University administration lam in an lo reject a, a beih ngial a, a pu (supervisor) in a pui ngial pawh in tih ngaihna a awm ta ngang silova, lungngai a in dawm kun ta lo chuan ..“a thihna em a nih loh hi chuan a pawi lo ve” a ti mai thei a. Ka nu zin phal ngai mang lo khan a phal teh mial a. Inneih hmang tur chuan kan kal ve ta poh a.
In neih hma zan mikhual thlen kim zan chuan khual khua a thiante pawh an lo thleng tak tak a, kan han riak khawm chu nawi ve tak kan ni. Thian thenkhat biakhlatna hmanga an han inbia te chu fiamthu mah nise kohhran Upa leh Pastor ho zingah chuan an tawngkam hman ang kha hman ngam chi a nilo hrim hrim.
Mi khual zinga mawng zang ta ber chu Grep Wine lei tur in min tir a, ka zuk kal ve ta poh a. A vawihnihna ah phei chuan mi ka hruai vei ham ham tawh a. Inneih lawm a IB lama college naupang nen jam session kan hmang zo te chu insaseng thei lo kan awm nawk reng a. Kan thian te lah khan a han mak lai leng khawp a, Mipa (pa tawh) in sa seng thei lo zawn sawn thei lo, kawng na chhuan lam tlat te khan, nula in sa sen thei lo mahni buaipui tum tlat te kan awm a.
Kan mo lawm haw lah kha chhim lam a NREGS hotupa (NREGS hotupa ka tih na chhan chu Lunglei a NREGS lam hi kan chan a nia a ti khang ang a) Gypsy ah a pa rual thah pali kan chuang a. Kan pu ber a lah khan monu thiante kha phur a lo chak ang reng a, mahse a thiante keini kha min lo hnar ngam lo a lo nia. Mizoram in khawvel hausakna thau kan sawk ve theih chhun, World Bank kawng thar khu em em karah kan tlan a phei khu vut vut a.
Sialsuk kan thleng tur kha kawng lo peng ta thuau mai a kan buai zo ta. A khaw mite kan zawhin a kawng chung hi miin an zawh duh an ti ngawt a. Engmah ka hre ve silova, kan han zawh ve a thlarawk a. Sialsuk lamah a peng chho zuai ang a, a khua hmuhna remchang a ni mai a, khaw pawn lamah chuan a in zawm leh mai ang chu tih nak a laiin beisei ang a lo ni awzawng lo mai a. A chho zawk kha Changte lui lamah a kal a, a pakhat zawk kha Midum kham lam a ni awm e….
Changte lui kan pel fel awrh tih in kan motor ber a OD ta tlat mai. A lo over heat a ni awm a, mihring OD buai pui ang in kan han in bawih sawm a, tui kan han tulh ang bawrh bawrh a (tui kan leih a ni zawk mah a). A rawn harh chhuak a, kan kal ve leh mai a. Kan tlan thui tulh tulh a, a OD zing tulh tulh a, tui kan tulh tluk reng mai a ni. Aibawk kan thlen chuan tlangval rual tih takah Ui sa kan ei puar peng pawnga, darkar khat thaleng lawng chauh tlan tawh tur a in ngaiin khaw en lai ngei a Aizawl lut tur a in ngai kha Aizawl khaw chhung chin chiah chiah Mel thum dai kan thlen sawn a OD leh a mauh mai. Kan tui neih in a daih lova, a bula tuikhur a tui kan va chawi chawp a, tui van lai a ni na a, inthlahrun theih a ni tawh lo.
Tun tum a OD chu tui tulh in awm zia a nei ta lo, a ngawi tlat ta mai. Driver senior deuh ten min han en pui a, a tui (petrol) a lo kang ret tawh a lo ni a. A hma lama a lo OD chhen na chhan pawh kha a tui tlem tawh vang lek a lo ni awm e. Aizawl lah chu kan lut teuh ther ther hle mai a. Welcome to Aizawl tih a in tar kiau a, a va laklawh thin tak em.
Chiat tawh leh harsatna in min bawm tak tak chuan inthlarun tih leh zah lama a sawi theih loh. In hnai berah bottle kan han dil a, Centre fresh bur, litre hnih dawng awm vel bak an lo nei lova. Chu bur te chu keng chuan Petrol pum hnai ber Ngaizelah kan chhiatna in bula Taxi lo kal up and down a hmang in kan va la ta a. Aizawlah lah khan petrol van lai, litre nga chiah lak theih lai a ni.
Litre nga lakna tur pawh kan nei hlei lova, bur dang kan nei tawh silo..aw chu mi hunah chuan beer um emaw zu um paih mai mai kha kan mit in a melh ru zek zek a, hmu fuh ila lunghlu char ang hial in kan lawm thei ang mawle. Kan petrol lak kha a tlem lulai bawk a, a neitupa NREG hotu pa ber khan a hranin a va la leh a. Aizawl chu kan thim lut ti tih a thei hram a.
Similar Posts:
- Petrol pawlhdal chungchang
- Petrol leh black market
- Ka rilru a awm tlat hi…
- Sumo Fare
- Ka Mittui A Tla Hial..
March 3rd, 2012 at 7:33 pm
Chhiar ila..
Report this comment
March 3rd, 2012 at 7:35 pm
Thenzawlah chuan i han zin ang hmiang…….. TSA lo thawt thawt chu le …………
Report this comment
March 3rd, 2012 at 7:55 pm
Motor nungtha duhlo leh drugs overdose i tehkhin deuh… ani em?!!
Report this comment
March 3rd, 2012 at 8:02 pm
An tawp thut chu le….
Report this comment
March 3rd, 2012 at 8:10 pm
Thenzawl hi ka kal ve chak thin ngawt mai.
Report this comment
March 3rd, 2012 at 8:26 pm
Ka pianna ram ania, ka hriat ve chhun lah ka mumang hriat riai riai tawh aa… Ka kal chak khawp asin le.. Ring herh khanglang alawm le..
Report this comment
March 3rd, 2012 at 8:37 pm
He thu hian enge a zir tir duh ber aw…..
Beng sikin ka ngaihtuah a..ka hre chhuak ngang lo.
Report this comment
March 3rd, 2012 at 8:40 pm
Thenzawl pawh hi ka la kal nawh. A nuam an ti. I ziak thiam e, a tawp thut mai pawh a.
Report this comment
March 3rd, 2012 at 8:45 pm
A va tawp hma ve.
Report this comment
March 3rd, 2012 at 8:48 pm
Inlak City boy ve teh reng nen Thenzawl khaw chhungah sawn ka’n bo chu le….
Report this comment
March 3rd, 2012 at 8:50 pm
@Robert, i status update ka lo hmu a..
Report this comment
March 3rd, 2012 at 9:03 pm
@Ts a va rei tawh awm ve o.
Report this comment
March 3rd, 2012 at 9:06 pm
Thlenin i hmu lo ami?
Report this comment
March 3rd, 2012 at 9:12 pm
Min hai chiang mai, ka conf lo reng reng
Report this comment
March 3rd, 2012 at 9:19 pm
Kawngkam chin zawng hi kan tlanpel fua fua a, a khua tak ka la hmu lo
Report this comment
March 3rd, 2012 at 9:19 pm
#14 I ni ang chu ka lo ti mai ‘sin! Ka friend pakhatin ‘Thenzawl khawlaiah ka’n bo chu le..’ a tia.
Report this comment
March 3rd, 2012 at 9:40 pm
@16, Ha..ha..2007 daih tawh khan a nia. An bazar a ka lut thla kha, main road ka pawh leh thei ta reng reng lo a, ka tei kual fe hnu ah Post tupa te petrol zo(OT dal)ang deuh in zah a sawi theih tawh loh, dawrkai zing a ka hmel zah loh deuh ber ka zawt ta tawp a lawm.
OT tak tak lawk, Thenzawl hi bo a awl tak tak a, kawng in ang a awm ve nual a. Nu ho khawmpui pawh zan hmasa ber inkhawm an bang chu an thlen in an zawng sup sup an tih kha. ‘Kawnge in thlen an tih lah in’, ‘A kawt ah ui a bawk’, ‘kawtzawl an nei’ te an ti vel mai mai bawk a..
Report this comment
March 3rd, 2012 at 9:45 pm
I thu ziak chu tu’n nge maw lo ‘chum bung’ le? A ngaihnawm phian hi!
Report this comment
March 3rd, 2012 at 10:54 pm
Vaivawm hian game dang a ti thuanawp-in ka hre thin, chak lo reng rih se ka ti khawp mai
post chhiar a nuam hle mai
Report this comment
March 4th, 2012 at 12:31 am
Ka ziah sei leh i ziak sei in tia…a tawi leh a tawi in ti thul hui ha. Hei hi chu kan KUTKUT zin nuihzatthlak deuh a mi a ‘warm up’ na lai ka ziah m lai ka rawn CUT and Paste vel a nih hi.Kan KULKUT zin chanchin ka rawn post ang a, sei in ti hle hlawm mai tur a nia aw..He thu ah hian zir tur ber pawh in hrelo ang zir tur nei a ka dah miau lova… hahhaha Nia a tawp dan chu a bung teh vet vut hle mai tak a… pawi lo mai teh se…
Report this comment
March 4th, 2012 at 12:50 am
top teh thut a han chhunzawm vat teh chhiar anuam khop mai
Report this comment
March 4th, 2012 at 3:33 am
Pu Chhingdailova, i thu ziak reng reng hi ka hmuh chuan ka chhiar ve ziah a, a ngaihnawm thei phian bawk a. Mahse thu han chhep kual leh han tih engemaw (sawi thiam chiah lo, inti tawngkam thiam ka tih chuan dik chiahin ka hre bawk si lo) i tum nasa thei lutuk hian chhiar a ti hahthlak lam thin ka ti…Huat awih loh kan ti niang chu…
Report this comment
March 4th, 2012 at 11:22 am
@Fellington, A lawmawm e, ka haw miah lo mai. Ka thu chheh kual duah na chhan hi chu ka ziak dan style ve, ih… trademark an ti a mi kha, nge signature an ti zawk kha. Khatiang ve deuh kha a nia. Ka in ti tawngkam thiam na lam pawha nilo. Hmasawnna tur erawh ka la ngah khawp mai. Tun lai thuziak dan tam ber “thupuarpawleng” (Pop literature) an tih a, a dik leh dik mang lo a ngaihnawm nan an sep rawtui vak a ziak ngaihnawm tumna ang hian ziah ve ka duh chiah lova, mahse tun lai mil deuh a ziah a ngaih tlat a, a chhan chu thu tluang pet pet a kan ziah hian a market a chhe tlat, chuvangin hralh kal (mi chhiar duh tur) chuan style hran neih ve deuh hi a ngai, chu miah chuan tun a ka ziak dan hi ka thiam leh theih tawk a ni ve miau si a…. min hrethiam dawn nia.
Report this comment
March 4th, 2012 at 11:30 am
A va ngaihnawm adventurous chiang ve le!
Aizawl atangin Lunglei hi World Bank Road kan la dream hma khan ka inkhalh phei ve chhen tawh a. Kawng a chhe hle.
Tum khat zet chu, Thenzawl atang sawn ka peng sual a. Buarpui lamah ka tlan ngian ngian mai a. Thui fe ka tlan hnuin, Cowboy awmna thin 1985 vela ka lo hmelhriat tawh kha kan thleng thei ta si lo va. Ka tlan kir leh a. Thenzawl-pa ho an lo nui trhaw hlawm a. “Kan ko lawm lawm che u a, in hre thei tawh si lo,” an lo ti —kan kalna tur kan hrilh tawh avanga lo nuih thei an ni!
Buangpui leh Buarpui tih hre hrang hek loviiii!
Steering wheel ka tuai virna ringawtah pawh ka kutphah a durh nual asin le.
Motor kawngin a pawh theih chin chin khua Mizoram-a mi hi chu tlawh loh tlem te ka la nei. A zawh theih chin bak kea kal chhunzawm fo mi ka ni bawk.
Fuel indaih loh hi a tihngaihna tak a awm lo thin. Petrol line check fo pawhin a fuel ber a awm tawh si loh chuan a part dang han herh tight ringawt pawhin kori a tu thei tawh chuang si lo. Battery down pawhin kori a la tu zawk daih!
Report this comment