Nichin lawk a breaking news, North India a lirnghing delhi vel pawh ti nghing pha kha in lo chhiar ve tho in ka ring a. Hetiang lirghing hi hmanni deuh ah pawh khan North East ah a awm tawh kha.
Mizoram ah pawh hian nakin lawk ah chhiat rupna thlen thei khawp a nghin mai duh hmel in ti ve lo maw. Hmanni deuh khan Pu Lalliana khan a sawi bawksia a danger ru riau ania.
Hei chanchinthar chhiar duh tan a link
Similar Posts:
- Evening Post website tlawh thin la
- AIR Aizawl News Internet lamah ngaihthlak theih
- I hre thar ang u
- LIVE Al-Jazeera English channel
- Breaking news: Aizawl Bazarpui a kang mek
March 5th, 2012 at 8:02 pm
A nghin thut chuan a hlauhawm ngawt ang!
Report this comment
March 5th, 2012 at 8:07 pm
Kumina Mizorama chhiatna thlen nasat dan en hian ngaih a ngam zan a lo tlat mai. Pathian lam hawia Tawngtai nasat a ngai a ni.
Report this comment
March 5th, 2012 at 8:10 pm
Ka ngainat loh zawng tak a ni.
Report this comment
March 5th, 2012 at 8:10 pm
First tih ka in thlahrun vang anih kha, chhiar ang lem…
Report this comment
March 5th, 2012 at 8:12 pm
Oi! Delhi leh a chhehvelah nghing an ti zawk emaw ka ti
Report this comment
March 5th, 2012 at 8:13 pm
Delhi ka awm ve lai khan tum khat chu Mizoram House Chanakyapuri chung zawla khua ka chuan laiin lir a rawn nghing a, an tlan chhuak deuh ur ur a, mahse kei chu ka chhuk peih lo
Chhiatna rapthlak laka himna atan mai bakah kan ram a dam leh theih nan tawngtai nasat chu a ngai a ni.
Report this comment
March 5th, 2012 at 8:28 pm
Pu Pk@2, a dik ngawt mai. Pathian lam kan hawi a tul tawh zia warning pek mek kan nih hmel ani. Daily News chhiar ila headlines ah sual rawngbawlna thu leh thu chhe lam hmuh tur a tam lutuk.
Report this comment
March 5th, 2012 at 8:31 pm
Amak ngawt mai…nikum khan voin ang chiah khan anghing leh a..avoi thumna chu nasa viau mai thei ni
Report this comment
March 5th, 2012 at 8:32 pm
Engkim mai hi Pathian remruatah pawm thiam ila a hahdam ber.
Report this comment
March 5th, 2012 at 8:33 pm
Hmani Aizawl to Vaitin mst bus chesual ah khan facebook lamah comment ka pe ve a, Pathian kan ti lung awi ta lo em maw nile ngaihdam i dil ang u ti in comment ka pe ve a, ka hnu a rawn comment tu pakhat chuan eng nge maw kan tih sual ni, lammual ah pawh saiip puan sin in thu pha kan chawi toh a ni lawn a rawn ti a nih chu mawle.
Report this comment
March 5th, 2012 at 8:35 pm
Khawkhengah kangmei, in leh lo, ram kang chenin kan nei a. Ruahtui kan han dawng nual a, kan lei char lutuk a lo hnip mawih leh thung a.
Driver-te pawhin shoulder thlengin an han dai palh takah chuan, lei hnipin rit a lo la thei vak si lo nen … kan vanduai awn awn hle mai!
Thenzawl Inkhawmpui lah, accident a han awm nghal der a. Inkhawmpui a tiak a, accident-in a han zui leh a. Hun dangah lah, insuam, tualthah, pawngsualna nunrawng ber ber chi —kan kumin HISTORY la ni tur hi suangtuah phak bak a ni ang tih a hlauhthawnawm khawp mai.
Israel leh Juda lalte kha Pathian tih mi an nih kha chuan, mipui mimir pawh an hmuingil thin asin le! An chanchin ziaka awm tawhte kha kan tan ADMONISHING tak tur chu a ni.
A eng MINISTRY-ah hian nge suahsualna a hluar, a khawi berah hian nge a uchuak tih pawh kan Historian-te hian an lo chhinchhiah thlip thlep chu ka ring tho. Thla 9 aia tam mah kan la hmabak si a le … KOHHRAN hian tih tur hmachhawp chu a hai hauh tawh lo vang.
Lirnghinna area-ah chuan leirawhchanin inte an sa duh lo a ni ngai a … keini zawng Silchar lam Bagha balu etc., leh Ngaizel etc., rawra-in Aizawl khawpui chherchhuan tin hi kan chhek vum belhchhah leh nasa tawh lutuk si.
Lushai Hills District khawpui AIJAL ai khan, Mizoram UT/State khawpui AIZAWL hi chu Officer ei tha hmu ang hmuih a ni liang luang tawh si … a buk a rit hen hun mai si a … nemkat thut dawl lo dinhmun chu kan ni ta! Kan petek loh vek pawhin dul sawh sila kan tluk a hlauhawm thei ta khawp mai!
Report this comment
March 5th, 2012 at 8:41 pm
Kan thil lo tihdik tawh loh (kan insak dan) mawlh mai hian ngaih a ti ngam hlawl lo. Lirnghing thleng lo turin Pathian hnenah tawngtai phawt ang.
Report this comment
March 5th, 2012 at 8:56 pm
Kutzungpui : I tawngtai laia i kutphah pahnih (namaste)—a i dah dùn chuan—hei hi hre reng thìn ang che. I kutzungpui khàn a rawn hnaih ber bawk che a —chuvàngin, i rilru leh thinlunga i hnaih ber berte hming leh an harsatna, an làwmnate Pathian hnènah thlensak thìn ang che. Mite tâna Pathian tâna i dilsakna chu puithiam hna leh chanvo a ni tih hriain —Lal Puithiam (royal priest), mi thianghlim i ni tih inhrechhuak bawk thìn ang che. Dìlpui Tawngtaina hi intercession a ni a, khenbeha khai kàn a nih lai mêk pawh khân Nazareth Isua Krista chuan amah khêngbettute tân khân ngaihdamna a la dìlsak cheu a ni, “Ka Pa, Anni hi ngaidam ang che, an thil tih hi an hre lo a ni,” tiin. Pa Pathian hmâa min Sawipuitu, Ngensaktu, Ukil Isua Krista (Yahshua ha Messiah) kan nei.
Kutzungchal : Zungchal hi thil kawh nâna kan hman làr èm èm a ni. Zungchal nèna thil hrilfiah chiangtu kan neihte chu Zirtîrtute an ni. University, College, Senior High or Junior High —thil kan zirna hmun rèng rènga mi pawimawhte chu kan zirtîrtute an ni. Kan tân an theihtàwp an chhuah a, kan nunkhua a nawm theih nân thil kalhmang (Three R’s & many more) min zirtîr a; chuvàngin, kan kutzungchal/zungpìr atangin an pawimawhna leh kan tawngtaipui tùrte an nihzia i hrechhuak thiam leh ang u.
Zunglai : Kut-zungtang zîngah chuan a sei ber—a sâng ber ti pawhin sawi ta ila—kan sawi sual lutuk lo vang. Zunglai hian kan Ram Hruaitute min hriatchhuahtîr fo se. Pathian làwmtlàk leh malsàwmtlàka kan ram an hruai theihna turin kan Ram Hruaitute puala tawngtaina hun kan neih ve nân kan zunglai hi hriatchhuahna hmanrua atân i hmang thiam ang u. Kan tawngtaisakate’n rethei rualawt rèng rèngin min dah kumkhua bìk reng nà’ng!
Zung-û : Zung û kan tih mai, ring-finger hi ngaihtuah chian cheuh cheuh chuan zungtang dangte aia thawkrim lo ber a ni hial àwm e. Mahse, inhualna leh inneih zungbuna cheimawi a hlawh ber thung a. Chu chu a hna ropui tak a ni ta ber mai àwm e. Hnapkhir kheuh nâna hmang thiam in lo awm elo maw? Beng kaw thak lah zungtè kan hmang daih si … kan zung û hian innei tuak thar te, inhual lai mêk te min hriatchhuahtîr sela —chutiang puala tawngtaipui tùr kan hriat CHHUNGKUA-te min hriatchhuahtìr thìn se.
Zungtè : A tè na vàng vàngin —a tangkai hle reuh a ni. A chak lo ber bawk a. Kan tawngtaina kutphah rau rauvah pawh kutzungtè a awmna hi keimahni atangin a hla berah a awm —hla bera awma kan hriat, chaklo zàwkte pual leh huang min hriatchhuahtîr fo rawh se. Tawngtaisak hlawh vak lo kan ranvulhte leh buh-leh-bàl, thlai leh sumdàwnna te pawh zungtè hian min hriatchhuahtîr sela; tin, bawngtawlailìr leh sakawrtawlailìr hman hun kan pèl fel tawh a —lìrtheia chhuakvàk mi kan lo ni ve ta hial. Kan lìrtheite pual liau liau pawh hian tawngtai a ngai hle, chhiatrùpna leh tawhsual kan tawh hnemna ber chu kan lìrtheite an ni ta hial.
Kan Kohhranah hian khup-châr (calloused knee Christian) pahnih-khat tal nei ila chu, heti teh hrep hi chu kan ram dinhmun a ni tawh hauh lo vang le! Rorêl khâwla mi 40 zîngah Pathian Nung hmâa la thingthi ngai hauh lo kan la awm ta dah!
Hna kan thawhna kut hi malsàwmin awm chhunzawm zèl sela, Pathian Lalram a zau zèlna tùrin kan kut leh kutkawih thil min tihchaksaktu Pathian chu fak leh chawimawiin kan zîngah chatuanin lo awm zui zèl rawh se, Amen.
Report this comment
March 5th, 2012 at 8:57 pm
huphurhawm thin mange o . engtik ah emaw chuan min la sawi ngei dawn sia aw
Report this comment
March 5th, 2012 at 8:58 pm
On a serious Note: Tunhma zawng kha chuan, Pathianin a duh ber He Leia a Lal Ram tih zauh zel hna hi heti taka kan ngaihpawimawh chhung hi chuan, Pathian hian kan chungah zah a ngai em em ang” tih leh Ringlomi amak amaka tam kara amah Ringtute chenna State hi min tihmualpho thu a awm o” tiin ngaihdan nghet tak ka lo nei bur thin a. Mahse, Kan thinlung tak taka Pathia Mission kan lo ngaihthah ruk tak zia te(Kohhran chhungah pawh hian RAHBEH tumna a nasat zia ka hria). Pathian Fapa thisen RINGLO mai nilova, Deuhsawh sak sak ngam kan lo tam tak zia te,ka han hmuh hian, ka ngaih a ngam ta tlat lo a ni. Pathian thinurna hi kan tawng baw palh mai ang tih hi ka hlauthwng ta em em mai a ni. Tunhnaia chhiatna mak tak tak lo thleng te hi, “Nauvei hmahruai ani mai palh ang tih hi ka hlau ru ta em em a ni.
Tunah han Scientist Lalliana Muachin kha Hnahthiala kan inah Khawtlang hruaitu ten an kawm mek a, an kawm zawhah Phone a biak ve hlek ka tum ang.(intithei em aw??)
Report this comment
March 5th, 2012 at 9:12 pm
I tawngtai pui ang u. Keichu ka chhungte hi boral thei anla ni lo. An tan zantin ka tawngtai a, i tawngtai vek ang u.
Report this comment
March 5th, 2012 at 9:23 pm
A tectonic plate awmdan vel chu ka hre ve lemlo a, mahse hetia mawl deuha lo thlir mai chuan North India lam mizoram hnaih lam tepawh ani thei ang chu plate ah hian tension a nasat tawh hmel ka tia hetia a nghin zauh zauh danah hian. Tension a tam viau chuan dawl loh chin a nei anga vawi leh khata a chet rup a hlauhawm alawm le. A hlauhawm zawnga sawi tum vang pawh nilo in. hehe
Aizawl in bit lai vel ti chhe khawpa nasa a a che anih vaih chuan a rapthlak ngawt ang.
Report this comment
March 5th, 2012 at 9:28 pm
Lirnghing hi chu ka nel ve vak lo. A theih chin chinah min hel zel teh se. Keini phei chu kan harsa sia, sawi nghin dual dual tlak pawh kan awm ve lo, a zahthlak…..
Report this comment
March 5th, 2012 at 9:37 pm
Tawngtaia kan innghah lutuk chhung chu atam zawk hian invenna dik kan ngaithah zel ang…
Report this comment
March 5th, 2012 at 9:43 pm
lirnghing hi in sawi teh fo a! A lo thleng ang,thleng lo ang(a hun) tih mithiam te pawn an sawi thei lo niin ka hre ve mai2!Lir a nghin nasat hi chuan Aizawl a ni emaw,mexico a ni emaw,Gujarat a ni emaw a rapthlak tho mai!Tlangram lo ah pawh!Thil hrim2 hi kan sawi vung ve bawk thin em aw? tih hi ka ngaihtuahnaah a awm ve thin!Japan ram te pawh Lirnghin tamna an tia,hetiang hian an Ralkhel ve viau em? a in ven dan awm mang si lo a lo chiai viau ai chuan,a lo thleng dawn a nih pawh a lungmuang tak a lo hmachhawn a lo inbuatsaih mai hi a tha lo em ni!Lirnghing,nghing lo pawh nise kan thi vek dawn tho a!Delhi a kan awm lai pawh in Lir a rawn nghing a,kan thianpa inti Pathian thu awih ber mai chu a hlau teh a sin,chak em2 mai in a tlan chhuak a,pathian zarah eng em kan ti lo a!
Report this comment
March 5th, 2012 at 10:03 pm
#17funny, sawi ang deuh khian thil in up bet,rawn in vawrh chhuak emaw rawn thawk thut tr chu a awm ang. A ti zing emai…
Report this comment
March 5th, 2012 at 10:44 pm
Vawiin ni thlenga Aizawl khawpuia lirnghing nasa kan la tawng lo hi Lapa zah ngaihna a lo ni. A lainatna te chu a kang ngai loh avangin. A thar zel thin tuk tinin, i rinawmna a ropui e (Great is thy faithulness) Jeremia Tah Hla 3:22-23)
Report this comment
March 5th, 2012 at 11:02 pm
hlau chung chungin tlai tawkah ka chhuak office building atang..colleagues hoin huai min tih hmel khawp mai
Report this comment
March 5th, 2012 at 11:37 pm
@funny,,’breaking’ i tia,zinga mi kha nge khaw thim hnu ah a nghing le em ni?
Zing hna kal tur ka inthiar lai ania,reiek kawnga gypsy a chuan ang hlauh.!
Report this comment
March 6th, 2012 at 12:00 am
Chawhnu dar 1.11 khan ani. First floor ka awm lai ani a, ka lo hre der lova. Mahse kan thiante 4th floor ami chuan an hre nasa mai.
Report this comment
March 6th, 2012 at 12:45 am
danger khawp mai!
Report this comment
March 6th, 2012 at 12:57 am
Manmohan a te sawrkar politics a ni thei ang em Lirnging hi..??
Report this comment
March 6th, 2012 at 1:23 am
Qutubminar pawh a la chim loh hi………….!
Red ford, Humayun-a thlan, adt, concrete technology chhuah hma a siam pawh a la chim em loh hi
Btw, YMCA Office GF-a kan awm lai a nia, ka feel ve mang lo; mahse ka chhungte chuan a ri thrawt mai an ti thung.
Pak & India nuclear test rah chhuahte pawh a ni mahna
Inchiu & tawngtai a dam/reh thei nise
Report this comment
March 6th, 2012 at 1:25 am
Maithawks vek u le!
Report this comment
March 6th, 2012 at 2:30 am
Lirnghing hi keini kan nih avanga kan pumpelh reng na chhan tur hi a awm bik lo tihte hi hriatreng a tha awm e.
Report this comment
March 6th, 2012 at 3:38 am
funny, Pu Lalliana sawi vanga hlauhawm anilo. Hman atanga hlauhawm reng, hetah, misual.com-ah pawh kan sawiho fo tawh zawk anih kha mawle
Ni e, “Mizoram-ah hian a nghing ve ang em,” tih lam nilovin, “Engtikah tak nghing ve hluai ang maw,” tih awm tak a ni
Report this comment
March 6th, 2012 at 7:06 am
A atthlak hmel viau na a, Lir hi tih tham deuh a a nghin vaih chuan Aizawl te angah chuan a rapthlak dan tur a hriat reng mai. Pathian thu thu ani chiang khawp mai. A duh phawt chuan min hum him zel thei e.
Report this comment