Ka paws hnuhnung ber!(?) (︶︿︶)

May 8th, 2012 9:30 pm by kawlhawk

Barakhaih! -

Mi huat deuh ka nei – ka vel hmiah!
Duhthusam nula ka hmu – ka ru hmiah!
Bldg. tha tawk neih ka duh – ka sa hmiah!
Motor changkang deuh ka awt – ka lei hmiah!
Bike chhuak thar duh deuh ka nei – ka chah hmiah!
Misual . com chawlhsan ka duh – ka chawlhsan hmiah!…
…thei lo thung! Hmiah hmiah… hmiah hmiah lo hmiah hmiah!

Kamthruahna -

Nia, a hminga paws tui-ek chhe te te 215 zet han vawm luh ve tawh takah chuan paws thar siam dawn ila rilru a mang tawh a; thlarau lam phurna te lo tlahniamin, tuina alo kiam (ve ta deuh emaw ni?) vei bawk nen… Mi(sual) ruhkawl mangkhen (inti) hi ka hul ta fuuuu mai! Hei… tunlai hi paws lut a tlem riau a – kan mi thiam, thu thiam, mi ril, mi khirh, fiamthu thiam leh thil chik mite in reh thiap si a… tan ava ngai em!

Paws tur hriat loh manah, kar 3 chhunga ka facebook status leh group vela ka thil paws ka’n chhawp chhuak mai mai ang e. (in nun a tihhlim loh vek chuan a tilunghnur viau che’u mai thei.) Tin, thenkhat chuan in lo chhiar fur tawh mai thei a, ho pawh in ti viau mai thei – kha, chhiar teh u…!!!

Kan society hi -

YMA hruaitu ni tur chuan hun-awl neih a ngai!

Kohhran Upa ni tur chuan hausak a ngai!

KTP/ TKP/ SAY-a inhmang tur chuan mi tlawng-awl deuh nih a ngai!

Bial zaipawl-a inhmang tur chuan chhungkaw pawimawh aia hla zir ngaih pawimawh a ngai!

Politician ni tur chuan dawt sawi thiam a ngai!

Thlan lai reng thei tur chuan hman a ngai!

Mitthi lumen tur chuan chhun lama mut hman a ngai!

Hei hi mizo society – kan chhuan em em chu a ni.

︶︿︶︶︿︶︶︿︶︶︿︶︶︿︶︶︿︶︶︿︶︶︿︶︶︿︶

Chawngkhum dan tlang huat loh ti ang aw -

Hmânlai Peter chuan a eizawnna kalsanin Isua hnung a zui a; tunlai Peter chuan nawmsakna umin Satana hnung a zui thung.

Hmânlai Joseph chu a unauten an hralh a; tunlai Joseph chuan chhungkaw bungrua a hralh thung.

Hmânlai Moses chu hruaitu ropui a ni a; tunlai Moses chu ruitu chimawm a ni thung.

Hmâanlai Davida chu beram vengtu a ni a; tunlai Davida chu nu leh pate’n an veng thung.

Hmânlai Kennedy chu thluak fima thu sawi thin a ni a; tunlai Kennedy chu rui lungpuamin a au thung.

(((thawh belh ve r’u…))) :pil bo nghal:

︶︿︶︶︿︶︶︿︶︶︿︶︶︿︶︶︿︶︶︿︶︶︿︶︶︿︶

Thufingte -

Hlawhchham i ni lo, thlawtlinna rahbi i rap tan a ni zawk.

Thatchhia i ni lo, i tuinaah i kal fuh lo mai a ni zawk.

Hmelchhia i ni lo, miin hmeltha an ti lo mai che a ni zawk. lawlssss

︶︿︶︶︿︶︶︿︶︶︿︶︶︿︶︶︿︶︶︿︶︶︿︶︶︿︶

Hmangaihna tenawm! -

Nang ka kiangah awmin ka ta ni la,
Ka thai han chang mai teh la -
Thimhlim khawhar leh vartian lunglen pawh nei lovin,
Hlimna vawrtawp neitu ka lo ni ang a…
Zun leh ek thiar nachang reng hre lovin -
I kiangah ka cheh vel mai2 tur…
Uaaaaak! lolz

︶︿︶︶︿︶︶︿︶︶︿︶︶︿︶︶︿︶︶︿︶︶︿︶︶︿︶

Hringnun -

Hlim tum – lungngai reng si te,
Hausak tum – rethei kumhlun te,
Hrisel tum – bawrhsawm tlat si te,
Nupui neih chak – hmu zo si lo te,
Zu in tum – a man nei si lo te an tam vei nen…
Kei hi ka va vannei lel-lul tak em!

︶︿︶︶︿︶︶︿︶︶︿︶︶︿︶︶︿︶︶︿︶︶︿︶︶︿︶

Mi sual nun -

Khaw bumro tak kara hmel bumro tak put te,
Khaw chhe tak hnuaia nikhualo taka khawsak te,
Thli leh ruah thimpui kara nun thimpui lama luh te…
…nuam ka tih zawng zu ni teh tlat a!!

︶︿︶︶︿︶︶︿︶︶︿︶︶︿︶︶︿︶︶︿︶︶︿︶︶︿︶

Zilhhauna -

I bahsam ~~
Ram mau thami iang ngil mah se, I rilru a kawih tlat si chuan…

I ti-tuai ~~
Hmar tawp vur iang thianghlim mah se, I thinlung a bawlhhlawh tlat si chuan…

I sakhmel ~~
Buannel lasi iang tha mah se, I nun a chhiat tlat si chuan…

I thuam ~~
Van angle thuam iang thianghlim mah se, I khawsak dan a bawlhhlawh tlat si chuan…

Khua velah hian ~~
Dar ben thek pawh i tluk lo ang!
I ri thê thé ang a – Vut laka vawih ang lekin i tham ral ang.
I lang ve zuai ang a – arsi thlawk ang maiin i liam leh ang.
Tiau chhum ang maiin, zawi zawiin i tham ral dawn si a!

︶︿︶︶︿︶︶︿︶︶︿︶︶︿︶︶︿︶︶︿︶︶︿︶︶︿︶

Mi hur thukhawchang -

Nun a hlim loh chuan facebook pawh eng tihna mah a ni lo!

Sum a awm loh chuan nula nalh deuh pawh eng tihna mah a ni lo!

Pang a dam loh chuan porn site pawh eng tihna mah a ni lo!

:Aduhi hlauin tlanchhe nghal: lawlsss!!!

︶︿︶︶︿︶︶︿︶︶︿︶︶︿︶︶︿︶︶︿︶︶︿︶︶︿︶

A tawp nan aw…

I va mawi tehlul em!…
Zarkawt kawn i liam tur -
Ka hmu zuai che…
Ka hmangaih zuai che (?) … em ni le!!?

I rimtui hre phak lo mah i’…
I bahsam leng siau leh i len mawizia,
I phei-khai zanzia leh i thuam inchawihzia;
Mitthla a’n cham reng e.

Hmaltha lenmawi,
Fam chang mai lovin -
Khawvel timawitu leh,
Khua vel tinuamtu a’n;
Lo dam zel phawt mai la,
Lo leng zel phawt mai teh -
Fam ka chan mai loh chuan e…
Tawn leh ni a her chhuak mahna…

{{{Ka lawm e. Ka paws tawh azawngah chuan a HO-in ala SEI ber hial awm e.}}}

⊙﹏⊙⊙﹏⊙⊙﹏⊙⊙﹏⊙⊙﹏⊙⊙﹏⊙⊙﹏⊙⊙﹏⊙⊙﹏⊙⊙﹏⊙

((( zahpuiawmlo khawpin ka type uluk fuuuuu… rem in tih chuan, scheduled nghal theih – edit nan hun ka nei lo… bakah, ka peih lo… @ pi leh pute u… true story)))