(click pics for larger size)
Sikkim hi tourist ten an tlawh na sa hle a,hotel changkang international standard din tulin an hria a,he hotel hi an buatsaih ta a ni.A hmun hi an Chief Minister hlui in a pe tawp an ti nghe nghe.
An in chungah rangva an hmang a,a tha chi a nih hmel.
An insak dan hi Assam Type kan tih ang hi a ni a,compound zau takah an sa teuh mai a ni.
A la thar a,an chei nalh felfai hle.Thlen man pawh zan khat ah INR 12000-35000 a ni awm e,ka thleng ve pha lo tlat mai le.
Hei chu ka han belh mai mai che u a ni e.
Note: Mayfair Hotel Gangtok Office Website
Similar Posts:
- Aizawlah In Kang
- Gangtok Stadium
- Assam type In
- Gangtok ropeway, Mizoram/Aizawl ah kan nei ve thei angem?
- Hlakungpui Website hawn a ni ta
Mihring nih chhung hi chuan...
illuminati...
September 4th, 2009 at 9:30 pm
Belh hian min tiphùr! “Baker’s Dozen,” pawh “13-na” a ni mai a, chhang tlang 12 lei mêk laia tlang khat inbelh chu —ka keih hmasak berah a tang ziah! BONUS hlimpui èm èm ram kan ni bawk a, ka hlimpui deuh ber mai àwm e.
MAIN EVENT hi a hnuhnùng bera lantîr a ni thìn tih chu XaiA hian a hai lo maw le!
Pa zuanzàng, dul kiar vak lo a ni ngei ang le. I perspective rèng rèng ka thlìr chian hian, i la inthazo fû chuan a lang e. Hun i hmang chhangkhât lo èm mai! Kârah zan khat chu a tla ngei mai a … hmeichhe nui mawii te thlâ i làksak hun hi ka duh aiin (i riah dâwn loh rau rau chuan, i thlenna a nih bawk si loh chuan) … tlai ka ti lam hret! mzvision lam atanga rawn investigate a ngai ve ang. Pu F. Lalhuliana te chu pun buai lo mai ila.
Anmahni Sikkim website pix ai pawhin i kutchhuak hi chu a dàk-nalh zar bìk a nia! An chhehvèlah thingkùng a tam ve vei nèn, an tuidàwn ka hmu chàk khawp mai, in chung rangvàah hnahthel pakhat eih pawh a lang si lo!
Cross-checked shirt, kawr-bân-bùl hà khi i ni ang em âw? Ni ta la, flat-shod pheikhawk, i sâng thlerh thlawrh viau ang, Zopa-ah chuan. Bethlehem-pa leh Kâwla/Khâwla chu i ni lo, Sikkim Hotel man tova va teilùt mai pawh ni lo, a hma-phel thlâ i rawn làkho atang khi chuan, Evi chèng man ve tak zawng i ni phawt mai le —zin dùn ta ila, kan zin nawn dùn lo vang tih a hlauhawm tlat! Pa meng thìp tak leh insehruh rèn rùn i ni lo a nih khi, Sikkim nula mitmu atang khian ka man vek. Kanchhi ‘second-hand smile’ kan lo dawng ve chauh a ni ber e. Dialect pawh i thiam hnem zèk ang, i pix-te atangin a chiang vek. A nuam teh mang e.
Report this comment
September 4th, 2009 at 10:12 pm
Ni e, atawp ber a Bonus khi Peace Bonus chu an nilo na a, a lawmawm dan a dang hle mai. Sahdah leh Khaini tih vel chu an hmuam ve hmel loh ka ti, Ni lawmni Ruga?
Report this comment
September 4th, 2009 at 10:52 pm
chawnghilh,Thlalakah hian ka lang lo tlat mai le,a chhan chu keima snap’ vek an nih vang mai a ni a,mi i ring dik teuh khawp mai,ka mi hriat a hi i nih chuan min hre ve viau in ka ring.Tawng hi saptawng leh mizo tawng hi ka ti thei sawih sawih a,a bak chu “Doo cup chaai boithega”tih bak ka thiam lo :lol:
Khalam hotel ‘cial deuh te kha han thawh ve rawh le :!:
Report this comment
September 4th, 2009 at 11:27 pm
Pix ka en thla zel a, no.5, buddha mu zuar bula cellphone bia hi amah Xaia chu a ni ngei ang, ka lo ti rilru a. Ka ring sual ta tlat mai. Hetiang cottage type hi concrete inchhawng sang pui pui ai chuan a nuam mah zawk.
Kan chenna in hi Assam type, 1951-a father-a sak kha a nia. A sak thatna sum kan neih loh bakah thiah mai chu kan la ui ve tlat a nih chu.
https://img7.imageshack.us/img7.....le3jj1.jpg
Report this comment
September 4th, 2009 at 11:28 pm
Emerald Green khi MGM GRAND a ni a, online booking-in kan hauh làwk a. Las Vegas-ah a ni. Interstate 15 hmàr-chhak panin Los Angeles atangin kan dùk chho char char mai a, thlalèr lunglènthlàk kan paltlang thui hem hem viau.
Hei aia lian Hotel/Motel-ah ka la thleng bawk lo. Car Parking pawh chhinchhiah ngun a ngai khawp mai. Casino hmunpui a ni bawk a, an carpet man to tham tùrzia ka hisap mai mai! Ultimate Fight Cage-te pawh, vànglai a ngaihawm riau. Ka lùt ve tràlh! Tumah beih tùr an awm lo bawk a, ka kuttum ka hùm ruh ve raaaaps!
Ka mutna room pan tùrin elevator awmna lam ka bangbo deuh ziah … ka kalpui lah mingo, chuti thova buai ve ziah tho chu a ni. A chhûngah sana inkhai a awm lo, nî a hmuh theih loh va, hunin mi a control lo hrim hrim … gambling a ni hem hem mai, minute 10 vèl lek chhûnga ka chètchhiatna ber a la ni, sawifiah a trùl kher lo — “a big village under one canopy,” ka ti tawp, a zau bawkin ka hria, ka sawi uar thiam lo, a zau a ni mai! Thlèr lehlam pan chhûng a rei. Thil a awm chikim mai mai asin!
A khaw thlâ ka la hnem khawp! Tlai thìm chhelh leh zàn dâr 12 inkâra thlalàk a mawi duh ber … Mawngtam lem an nei mawi mai mai…mahse, camera che lova ken a harsa duh tawh deuh va …tripod ka lo nei si lo!
https://img200.imageshack.us/im.....2238kn.jpg
Samuelapa coverage dàn vel chu, art-ah i sâng hle mai! In bang 1951-a mi tawh thawmphuina i nei mawi hle e. Ro a tling tawh a nih kha …
Report this comment
September 4th, 2009 at 11:39 pm
samuelapa chu in in i ti lang chiang duh lo vel a ni maw :?: Saron par a nalh hle mai. In hmunhma a nawm hmel e,Aizawlah rau rau chuan.Buddha bul a mi hi chu kan thian pa a nih hi :!:
chawnghilh,Thla hi i la chi kim awm thin hle mai,keini chu i kalnaah hian kal ve ni ila chuan gambling khel pha chiah si lo vin chilput in mi khel kan thlir zan khaw tairek mai awm e, a side show girls te phei chuan mit an la phian in ka ring :lol:
Report this comment
September 4th, 2009 at 11:46 pm
@XaiA : Vaiho sweet-meat Dàwr-ah chuan, “Ei-trhu,” tia ka kawh apiang hi tui ka tih ber a ni zèl, vaitawngte chu —annin an thiam a, keiin Zotawng ve thung! No problem! John Hauhnâr ka tih dâwn che chuan —photoshop-ah hian i ni si lo! Photoshop khawihho kutchhuak ka hai vak lo va … he he, thiam ve àwm ang takin!
Report this comment
September 4th, 2009 at 11:57 pm
@chawngchilh & xaia, ka chhang kawp mai ang che u. Art-a san vang em em pawh a ni lo va, kan in ka tihlan chian duh loh vang pawh a ni chuang lo, ka object hi saron par zawk hi a ni tlat a, pic description-ah pawh bougenville tih a nih hi. Kan in bang hi dap, a pawn lam thumbawh kaihsawih, a chhung lam bawhtaha thuah a ni thin a, 70s vel khan tile-in kan thlak. Min faknaah erawh ka lawm takzet
Report this comment
September 5th, 2009 at 12:04 am
@Samuelapa : I lantîr duhte chu a chiang alàwm, i uar duh zàwk tak erawh chu —vul zàwkin chul zàwk i hliahtîr. Ka thin a rim, nizànah sakhiin ka behlawi chawrno zawng zawng a pet kawlh fai vek. Bai hmui chèk tum tawh nàk alaiin!
Report this comment
September 5th, 2009 at 12:05 am
chawnghilh,Tak tak a,i kut chhuak a tang leh i chanchin a trang hian ka hre mai che,Sony Mavica nei hmasa kha i ni tlat a :!:
Thlalak lam hi ka tui thin a,mahse exposure ka nei lem lo a,chuan tun hnu tak tak ah ka rawn misual a,neihsa leh a thar ka han thawh ta a nih hi.
Camera hi u te ho ta,Yashica -D te kha ka lo hmang ve tawh a,Chuan Olympus -Om10te mi ta ka hmang hawh tawh bawk.Mahni pual chuan Olympus chhuak thar chi ka nei leh a,a chhiat hnuah Nikon D-65(ka la nei),chuan digital ah ka pa kai a, Panasonic FZ 20;nikum hmasa(?) khan K10 hi gray market ah ka sual thlu ta hram a ni,Hei hi lei lo i la chuan Nikon D60 ka lei ka ring. :lol:
Report this comment
September 5th, 2009 at 12:15 am
Ekhai awwwwwwww… Tuikuk Vanram hisap ai chuan a ropui chiang ngawt ang le.
“Fai hi Pathian an teuhna ber a ni”, kan naupan lai atanga kan thinlunga bet tlat thin nimahse Mizote hian kan va tlin lo thin em tih….. heng thlalak nalh tak tak ka en atang hian ka hre chhuak uaih uaih mai.
Kei chu ka Zopa riau mai a, 5* Hotel a chaw ei hi nuam ka ti teh chiam mang miah lo a nia. Ka khawr deuh tut thin. Zoram kawngdunga Hotel a chaw ei bawrh bawrh hi ka tlin deuh tawk a ni awm e a.
Report this comment
September 5th, 2009 at 12:20 am
D-60 hi a man a tlâwm a; a aia manto ka sual phàk lo bawk a. Lens hi 18-300 neih chuan, ka duhtàwk viau. Tùn hmaa kan chelek thinte aiin a changkàng tawh hrim hrim i ti mai ang. Nikon F3 kha ka neih that pawl, 1980-a ka neih a ni a, a rual khan Pentax chi hnih leh Minolta ka nei a. ka la kawl that zingah Click IV a tel, a case savun uk nen ngei!
SLR ka handle hmasak ber tum kha 1975 a ni a. Ka nau ta ka rùk chhuah, PATRICA tih emaw ni ta kha le! Pu Haudalla Dàwrah ORWO 35mm ka lei ve a, re-filled a ni a. A film leader insahthlau kha a ngaihna ka hre lo va, tul ka tih loh avàngin bakchehin ka chep chhum hmawk a. Film chu ka thun ve sa-sawi a, a lo inhlùm tha thei lo va, a sprocket holes a lo chhe nual bawk a … a film ka’n develop chiah mai chu (Pu Chhînga mitkalh photographer Studio-ah) … over-exposed leh under … nuih a za duh chiang … mahse ka thawnthu ngaihnawm a tling pha tlat! A ngaihna ka hriat phahna a ni ta!
A hma lam zàwngah te kha chuan 120 kan hmang mai a, hmeh 6 awm chi leh hmeh 12 chi kha! Isoly phei chuan frame 16 a nei ve ngat. Tlai ni nèmah kan nalh duh ber thìn bawk, hlimthlâ a sei duh, hmai a novin a ngo duh bawk, ha ha ha!
Color film chelek hmasa turho chu Pu Denghnuna, Pu Ruatliana Sailo te an ni ang, Information lam kha an che hma hret a. Pu Zawntea te.
Report this comment
September 5th, 2009 at 12:27 am
Click IV i la nei a ni maw?Isoly pawh kha a awm thin kha! Aizawlah colour a thla la hma sa tu (ber) i ni hial in ka ring,1984 Miss Mizoram thla reng i la nalh mai,lukhum parh leh Jeans nen i thuam vel niin ka hre ta !
Report this comment
September 5th, 2009 at 12:42 am
@XaiA : 1976 khân America atanga chah chhuah Kodak color film ka hmang ve hman tlat! Print tîrna pawh USA tho. Thla thum vèlah a copy kan hmu ve thei! Frame 35 a that kim chuan a lawmawm zualkai! Chumi hnuah Bombay-a print tîr a ni thìn. 1981 khân Amateur Color Lab ka nei ve.
Isoly II-ah khân color film kan thun a, a detail a tha èm èm lo nachungin, a hun laia mawi tak chu a ni ve tho mai.
Compensation Dial hi chu i thunun hneh hlein ka hria, i color rendition hi a tawk chiah chiah hlawm thin èm mai! A aia dal lo, a aia chhah lo —a tàwk mawi chiah, faithful color-in i la thiam hle a ni. Framing i uluk thiam bawk. Portrait tur leh landscape tur i hre chiang e.
Report this comment
September 5th, 2009 at 12:49 am
Miss Mizoram kha “1985 Miss” ni tlat zàwkin ka hria, 2002 January khân Kolkata-ah ka hmu leh a, ka lukhum tho ka khumtîr leh a, a thlâ ka làksak leh. Thau kiar tawh lutuk maw le.
1985 hun lai khân ka shirt, ka hat ka khumtîr a, ka spects nen —a chângin chhuatah ka muttîr a; a sam kan sam darh vèl —bird’s eye view-in ka la nual a … a mawi fu … kawngchung buang no tak a koki-a a bang uai hnèp pawh … Miss ber mai khàn nalh a inti hlein ka hria! A negative pawh ka zinbo hlànin a bo tlat a, a rawn kâwlhrâwng ve ngamah ka ngai!
Report this comment
September 5th, 2009 at 1:52 am
A van nawm hmel dep dawp vele.
Report this comment
September 5th, 2009 at 4:49 am
Gangtok kal tawh threuh threuh kan va in kal changkan hleih ve, kei ve chu ka kal tih proof-na lah nei ve hek lo i le. Mahse Mizo nu fel tak Pi Vani ka tlawh thung an inah chaw te ka ei
Report this comment
September 5th, 2009 at 7:56 am
mzvision,I va tho hma awm fia fia ve,zan lam i reh daih a,a kim lo deuh huih mai a lawm :!:
Sorkar laipui zar zo ve chhun a nih hi :lol:
Workshop neih na hmun a ni a,milian ho an thleng,keini ho chu khaw chhung,ordinary ai a thra deuh chauh chauh ah hemi tum hian min thlen tir a :!:
Report this comment
September 5th, 2009 at 9:28 am
Pu XaiA chu i lerh ru fu a niang a,i la nalh thei em mai .NOI.
Mizoram hian kan la mamawh lutuk lo maithei,khitiang khi chu,tourist an la tam tawk si lo a..te ka ti mai mai.
Report this comment
September 5th, 2009 at 9:53 am
@lalpuikhuma
XaiA hi a mit lerh deuh lo se thil mawi tak tak misual hi min chhawp nang. Mawi hre deuh chuan mawi an pho chhuak thiam ang bawk hian nula hmelthra pawh hi melh lovin an kal pel mai mai lo reng asin.
@XaiA Delhi ah hei ka awma MI pui tur an awm lo nge ni an reh thrap mai. Ka rindan chuan weekend hi an hmang nasa anga, vartrian lamah an hawng anga an misual mahna tiin kan chang pek mawle mahse tumah ka chang chhuak lova. OT ngaidam
Report this comment
September 5th, 2009 at 10:24 am
mzvision,chuvang chu a nih chu i reh daih,family in in kal emaw misual ho in an ti a niang chu maw le,chu tia an reh daih.Kal hmasak a tluk mang na nge :lol:
Bahai,Qutub minar emaw,Mz house sak mek(?) Chanakyapuri te kha han snap la,’Befo’ leh Afta’ a tan pawh a thra ang chu maw :!:
Report this comment
September 6th, 2009 at 9:13 am
Mizoram chu ni se chinai an tat var liai luai anga, kuhva an chhak sen ngiai nguai bawk anga, an lobby a cushion hnuaiah te khian sahdah hmuamhnu an zep tren trun bawk anga, a trawp leh ngawt ang chu.
Report this comment
September 6th, 2009 at 6:52 pm
@XaiA
thlalak inthawh nalh bon turu tare thei lutuk a, camera poh kan lek chhuak ve ngam tawh hlei nem.
Aryana hi a sawi dik fuk fuk thrin tlat, tuibur te hi mikhual ho awmlai hian kan pik puat puat hlom ang-ah kan ram nise
Report this comment
September 6th, 2009 at 7:02 pm
Aryan-a comment dàn dêngkhâwng deuh deuh hi Zoram mipui harhchhuah nân chuan a chèk-thùk ber, Zoram hi a hre chiang a —a duapkaina a hre hneh kilkhàwr vek bawk a, a mawng dawmsak dànah a buai lo viauvin ka hria. Ani aia uar zàwka piai thiam leh thei la awm cheu ila maw le.
Tuibur hmuam, pik zuaite hi … a mawi lo, varak e puat ang mai!
Report this comment
September 6th, 2009 at 7:23 pm
Aryan hi nia, a tawngkam hi mi tamtak tan chuan a na thei fawk fawk ngawt ang mahse, a sawi te hi (Mizo cc) a dik thei fuk fuk riau hian ka hre thin. Ka chhiar hian keimahin ka nui vur vur fo mai.
Report this comment
September 6th, 2009 at 7:27 pm
Ka nuihna tam ber chu Aryan, Funny-a te comments … HV-a’n western lam news a chawm hneh ber
Report this comment
September 6th, 2009 at 9:08 pm
Thlalak sawi takah chuan mizo zing a thl la thiam a sawi hmasak kha Pu KT Zama a ni a,tun hnu a thiam leh thla lak a tui ni a ka hriat te:
1.Pu Chawnghilha, a thu leh hla a ril,philosopher a ni tel :!:
2Kima of Hauhnar
3.Dr Hminga of Durtlang Hospital
4.Rosanglura Ralte,Horti.
5.Dina of Grafix. leh Pu chawnghilha sawi,Complex lam senior deuh tawh bak ah Pu Ringa of Zotlang(Vaivakawn a studio nei),Episa hi a thiam em em bawk :!:
A bak pawh tam tak thalai thiam deuh deuh an awm,mahse an hming ka hre hlawm lo,Chawnghilh an chhun zawm teh se :!:
Report this comment
September 6th, 2009 at 9:09 pm
@chawnghilh
Western hi inti-ngaisang lo pawh hi han belchiang ila an ngaisang an ngaihsan-awmna lai hi a tam em bawka. mahse a checnhilh ho-in entawn tlak lai in han thawh mumal miah lo hi chu hauh hrep che u hi ka duh chang a tam mai.
Aizawl chanchinby phek hnung lam zz hi football elh celebrity nun entawn tlak lem loh lai hi an takchhuak hnem si, entawn tlak lai chu a chenchilh ho hian in hre dawn bon top top sia aw ka chi vawng vawng mai
Report this comment
September 6th, 2009 at 9:18 pm
mzvision, Nang hi Aizawlah i awm emaw tih lai in i lo Delhi leh daih a,tunah i lo Aizawl leh der tawh zawk em ni le :?: Delhi ah chuan thla pawh la hman lo in in buai em em em ni :?:
Report this comment
September 6th, 2009 at 9:22 pm
Sawi belh na,thla la thiam ah khan Ben RTZ telh bawk tur,ani phei chu trekking wizzard a ni nghe nghe :lol:
Report this comment
September 6th, 2009 at 9:43 pm
mzvision : Kan ram chanchinbu ziaktute kha hetah han awm chiah se, phek hlai pui puia ziak tur chuan an mit an len hman lo khawp ang … mahni tih tiha bur vek a ngai.
Thil reng reng hi a bul atanga zir leh vek a ngai a ni ber e, thil a inang lo em mai!
@XaiA : Ka ban ka cher khawng luk lai thla, Thuampuii-te nena kan lakho kha i la kawl em? TT ai chuan Photo i tui ta zawk a ang khawp mai! I list rawn siama mi engemaw zat khi chu ka tihpui an ni ve tlat. Thlanmuala kan inhmuh hrawk kum kha 1994 vel em ni ta le?
Report this comment
September 6th, 2009 at 9:50 pm
chawnghilh, At long last, i ngaih tuahna leh i investigate vak hnu chuan i pin point thiam ta maw :?: I rinloh daih a nih hmel,XaiA hi :lol: Thil hi i hre rei thei hle mai :lol:
Report this comment
September 6th, 2009 at 10:01 pm
Aizâwl hun hmasa lamah kha chuan —Kulikàwn lamah Pu Zataia —thlalatu hmasa. Hla phuah thiam Pu Vankhama pawh thlalak thiam em em tho. Sikulpuikawn-ah chuan Pu Siama a nih thin kha, pinhole camera lianpui nèn! Pu Haudalla pawh a nèp chuang lo, Durtlâng Leitan thla a làk pawh ka la kawl tha reng.
UT hnu lamah chuan Pu Muankima (Chanmari East) kha thlalàk lamah chuan a inhmang nasa khawp. KT Zâma te pawh Studio nei hmasa pâwl, an screen-ah pawh Taj Mahal lem etc., Sikulpuikàwn-ah Pu Tâwna te. Zoawi Studio, Khatla tih aduang … Pu Chhînga, Chanmari Kàwn-ah … a insawn kual zing deuh va.
1980 hun laite kha chuan chhûngkaw tam takin camera an kawl lo. Kum 1990 hnu lamah erawh chuan, an kawl ta sup a, candid photography a làr ta. Studio an che thei ta vak lo. Mahse, chinchâng hre lova nei kan tam thin avàng khân film la chhuak thiam lova, camera chhìn hawng thut, an film tichhia an tam thei hle, frame 35 tùra frame 4 —sen phiai phuaia milem nei ta chauh pawh an tam hle.
Ka sawi hmaih hauh loh tùr zîngah HV-a pa, Dominic pawh hi hràt tak, style dang hrim hrim làwm ve a ni thìn. Dawm-ho châng phei chuan, mahnî camera kan hùm ngai lo … kan inhùm thleng a, Paihte silai lei tùr an sawi ang maiin, a kheuh kau theih zawng zawng kan kheuh kau va … tuai tuai pah hian … ka titi hnem ta lutuk thin a .. sawi zèl tawh lo vang.
Tùnlaiah phei chuan, mobile phone-ah kan lo la thei ta zèl a, megapixel tha fu fu nèn, kan hmang uchuak ta mah mah a, kan mualpho ta deuh fo mai! Digital hunah erawh hi chuan hmeh sual a har ta fû, “Ka vaibêl …” ti khawpa camera handle thiamte athu a ni ta!
Digital awm hnu phei hi chuan, thiam ru tak tak, an hming kan hriat sèn loh khawp an awm ta sup mai.
Report this comment