Archive for June, 2012

CHHAWR(h)THLAPUI

Saturday, June 30th, 2012

Chhawrthlapui van zawl kaiin a her,
Hleinga par chawiin chhuahtlang a mawi;
Phungrual si-ar nen thangvan an tial e.
Lunglen thal chhuakin zan tlaia’n,
Ziakfung chawi loh zia reng em ni le?

Zaleng an ngir, lawi ang thang vangkhaw kawnah,
Tlangza hlim zai-relin tual sangpar an chuan;
Run nghak lawhleng mi u lungrukah.
Khartung sawn maw a di Lengzahmawia’n,
Duhaisam vai ang thang lo se.

Run sawngka leh lumlang daiah,
Vanglai an hril e, hring chang hmaten;
Chhawrhthla engah sulihnu a chul ngai ne’m.
An chhal e, lenlai sakhming than hawl renga’n,
An hril zel ang zingphul thlen hma chuan.
(more…)

Chemtatrawta (English version) chhunzawmna !

Saturday, June 30th, 2012

Thuhma awm lovin chhunzawm nghal ang aw….

17.  And so the village council met
(The sixteenth August being past)
The poor widow was first summoned
Before that August council.

18. “Why did you,” they asked the widow,
“Defecate above the Spring ?”
“Why! because,” she promptly answered,
“The el’phant knocked down my house.”

19. The elephant was then summoned,
It sneezed, sniffed and stamped about;
For what it did to the widow,
Said the bat was all to blame.

20. The blinking bat as next brought in;
It told them how the cruel boar
Had felled the plantain where it lodged
And deprived it of its home.
(more…)

REMNA THUTHLUNG HMAWRBAWKNA by Rochamliana

Saturday, June 30th, 2012

All Assam Students’ Union (AASU) aiawhin P. K. Mahanta leh B. K. Phukan, Assam sorkar aiawhin Chief Secretary (Pi) P. P. Trivedi leh sorkar laipui aiawhin R. D. Pradhan, Union Home Secretary ten Assam Accord chu August 15, 1985-a an sign hnu kar khatna ah Prime Minister Rajiv Gandhi chuan 7 Race Course Road-a a pisaah Union Home Secretary R. D. Pradhan chu kovin lehkha phek engemawzat, a chhunga paragraph thenkhat fluorescent highlighter serthlum rawng leh rawng eng (yellow) a inthai rang nasa tak chu lo pek pahin, “Heng hi ka remti thei lo hulhual! Laldenga hi a tawh a khirh tulh tulh mai a. Tun atang chuan he inbiakna hi nangman i kengkawh tawh ang a. Serthlum rawnga inthai paragraph te hi engti kawng mahin India sorkarin a remti dawn lo tih chiang takin hriattir la. Rawng eng (yellow) a inthai paragraph te pawh hi siamthat kan duh tih hriattir ang che,” tiin — hemi ni atang hian Mizoram tana Remna kalsiam chuan hnunglam hawikir fo tawh lovin hmalam a pan ta hret hret zel nia ngaih a ni a.

Hemi hma thla 10 kalta a vanduaithlak taka kahhlum Prime Minister Indira Gandhi kha la dam ta zel sela, Remna Thuthlung ziahfel kha ‘nasa fe in a khawtlai ang nge khawtlai chuang lovang’ tih leh ‘Thuthlung tha lehzual zawk kan nei thei angem’ tih erawh thil awmdan enin inhnial theih tak a ni.

Prime Minister thar naupang takin Assam Accord champion puitu Union Home Secretary hnena he mawhphurhna a hlan hma hian Mizorama remna kawng zawn hna hi Ministry of External Affairs hnuaia Policy Planning Advisor to the PM hna chelh mektu, Indira Gandhi kutke pakhat G. Parthasarathy (GP tia kohvin) a zawng a zain kum 4 chhung chu a kengkawh vek a. Amah thlaktu R. D. Pradhan hnena a thu hlanchhawn chu, “Kawng tinrengah Laldenga nen inremna tluantling kan nei tawh, kawng khat erawh kan la bak, chu erawh political issue a ni tawh a, PM chauh lo chu hemi thuah hian thutlukna siam thei an awm lo. Chu chu hei hi a ni — Laldenga hian Mizoram Chief Minister a kan dah a phut a ni,” tiin. He thil hi Laldenga hian a phut thar a ni hran lova. Indira Gandhi sorkar hmasa atangin Janata sorkar hunlai leh a hnua Charan Singh-a sorkar lai atang tawha a lo ngiat reng tawh thil a ni.
(more…)

TESTIMONY

Saturday, June 30th, 2012

Famkim lova dinin ka awm a ; Amah chu a famkim tawh avangin.

Chak lo leh awngrawpa din ka ni a; Chaka thu chu inngaitlawm taka ka zawm theihna tur in.

Retheihna chu belin ka awm a; Neitama chu ka beisei theih nan.

Thlemna te chuan min hual reng thin a;  Thiltitheia theihna chu ka rin ngam theihna tur in.

Mittui te a bualin ka awm thin a; Hnemtua chu ka pan theih nan.

Lei hlimna chu beisei A phal ve ngai lo va; Angel ropuite lenna ram chu ka beisei theih nan.

Hlauhna chuan min hual fo thin a; Hnehtua chu ka pan theih nan.

Tihtlawmin ka awm fo thin a; Lal ropuia Kalvaria a tlawmna chu ka hriatthiam theihna tur in.

Tuihal in ka awm fo va; Tuikhur hlu awmna chu ka pan theih nan.

Mite hnawlin ka awm fo thin a; Ka hnawl fo thina thinlung chu ka hriatthiam theih na tur in.

Engkim ka hriat A phal lova; Aman engkim a hriat fai vek avang in.

Ka thinlung hi tih natin a awm fo thin a ; Tidamtu  Isua Krista chu ka pan ve theihna tur in.

Euro ka hriat ve reng dan chu

Saturday, June 30th, 2012

Euro ka hriat ve reng dan chu

(Naktuk Euro final pual in)

Euro leh theihai lawh:

Savun hampuar hi engtik lai atang khan nge maw ni le ka tui loh thar  tak em em le ti ila, a hun lai hi ka hre tawh bar lo. Kum 2001 World Cup kha chu ka la en ve ngei a. Kum 2006 khan match khat pawh ka en kim lo hial ta ve ang. Euro tak hi kum 2004 khan en ngai hlei lo kha chanchinbuah ziah ve a ngai ziah a, ka u ten inkhel boruak min hril hmangin internet nen  tangkawp khan ka ziak ve tawh bawk a. Kum 2008 kum Euro kha a match hmasa ber kha ka en ve ngei a, en tih lemah ka thianten ka inkhel en min tih buai avanga phuba la tur a kal ka ni zawk mah a. Chiangkuang pawhin ka hre ta bar lo. Ka hriat reng zawk erawh chu kha mi hun lai vel khan theihai kan lo tih zawng a ni mai. Euro kum e ti lo chuan Savun hampuar pet  lam a harh tharna khan min han nuai lo mai mai khawp a.  Ka thian te khan Badminton khelh kha an atchilh mauh mai a. Kan thianpa pakhat te hostelah  kan in khel ve thin a. Kan inkhelhna bulah hian theihai a rah teuh thin a. Kha theihai kha kum khat hai a ni ta in ka hria. A kung kha sang ang reng sia, vai ho hian an lo ngam lo ni ngei tur a ni. An vawm emaw an hawlh emaw  mai mai thin kha a kungah kan lawn chilh rap a nih kha. Kan naupang lai kan ramvahna velah hian  kan hmu thin a. Thing lawn theihna tiin kan ngalah khan kan chulh ve chiam thin a. Thing lawn kha kan theih phah emaw ka hre hran lo.

Theihai lo tura kan insang phek vel chu rin aiin kan lo fit tawh lo tih ka hre chhuak a. Kan taksa te hi a lo tang deuh tawh tawh mai a. A kunga han lawn chillh takah chuan a tam pawh a lo tam ngiang mai a. Vai ho pawh hian min en duh thin khawp mai. Kan theihai lawh chu Polythene khat deuh hnawk in kan hawn thla mai chu, kan thianpa kha hostela awm, dum ren run pawh kha a nui khi sung mai a. Zanah hostel danga Mizo hnenah kan sem dawn nia a ti hem hem mai a. Mahse, sem ta lem lo chuan kan dik dak zo ta vel niin ka hria.
(more…)

HRISELNA ATAN “DALDA” A THA LO

Saturday, June 30th, 2012

Heart Attack tih tawngkam hi i hre ngun tawh viau mai thei.Kan thil ei a Saturated fat (Sa thau kan tih bik hi, Room temperature ah chuan a khal thin. Thlai thenkhat ah pawh a awm ve) a tam lutuk a, exercise kan lak ngai loh a, zial kan zuk bawk chuan ka lung a thinsen zam a hnawh phuiin Heart Attack kan  neih phah thei a ni. Hei hi a dik em em rualin mithiam te’n zirna an han beih tak tak chuan Saturated fat chauh nilo hian Hydrogenated oil/Trans fat (‘mihring siam chawp sa thau’ ti mai ang) te hian Heart Attack hi a lo thlen nasa hle tih an hre tawh a ni. Trans fat chu Margarine leh Vanaspati ghee (Dalda kan tih \mai) te hi an ni.

Trans fat kan tih chu sa thau a chhiat mai lohna tur leh hun rei zawk a daih theihna tur a mihringin kan sawngbawl chawp te hi anni a. Chiang takin heng thau siam chawp te hian lung natna an thlen duh bik em emtih hriat a ni tawh.

ENGVANG A HLAUHAWM NGE A NIH?

Saturated fats te hi ‘thau chhia’ kan tih chuan Trans fat hi chu ‘thau chhe leh chhawng’ kan tih a ngai ngei a ni. A chhan chu thlai a tang a hriak/thau an sawr chhuah te chu mihring in sawngbawlin (Hydrogenation process) hriak te chu tih khal chawp a ni a, hriak te kha rei tak a hman nawn theih fo phah thin a ni. Restaurant leh kawngsir a thil zuar te hian an hmang uar in thil vawi tam tak a kan nawn theih a ni.Kan taksa tan Dalda/Trans fats that lohna chhan te chu-

-Taksa in a hre lo: Trans fats te hi siam chawp an nih avang hian taksa khawlin a hrethiam lo a ni. Saturated fats te pawh hi kan taksa tan tha lo mahse taksa in a paih chhuak mai thei a. Amaherawh chu, kan taksa hian Trans fat hi a hrethiam lo a, a hmanna tur a hre lo a ni. Kan taksa chua Trans fat te kn ei tur a a lo tel chuan fatty acids ang a ngaiin timur (cell membranes) ah a thawn a, chu chuan kan taksa khawl a ti buai thei a ni.
(more…)

Ui-A-Hri (Rabies)

Friday, June 29th, 2012

(Ui chanchin kan sawi luai luai lai a ni bawk a. Kimchang lo deuhin tarlang ang hmiang;-) )


Rabid dog

Ui-a-hri (Rabies) hi, ranvulh/ramsa atanga mihringa kaichhawn natna (zoonotic diseases) tlanglawn leh tihbaiawm ber a ni. Mihringin, Ui-a-hri an vei chhan ber chu; ranvulh zing a kan bula cheng tam ber; Uiin natnahrik hi an thehdarh theih vang a ni. Ranvulh dang Sakawr, Bawng leh Ramsa: Chinghnia, Sihal, Zawng leh a dang te’n an vei thei bawk. He natna hrik phurtu ber erawh Vampire bats a ni thung!

India ramah hian Ui maktaduai 25 (aia tam?) vel awmin; chu’ng zinga, za a sawmhnih (20%) te hi pangngai tak a enkawl (pet animals) an ni a. A bak zawng (80%) erawh vulh tu nei ve si, enkawl that lem loh te; tual Ui hrim hrim ah pawh, awmna bik nei lo a vak kual mai mai nen a fawmkem vek awm e.

(more…)

Ka Nu Tana Lal Remruat!

Friday, June 29th, 2012

Chunnu dam thei si lo
Kum 2007 khuangchawithla atangin ka nu chu, taksa khing chak lovin a awm tan a. Phak tawk bak sum inpuk chawp hialin damdawi inah hruaiin kan buaipui ve a. A thluaka bawk/chawr emaw awm, enge a nih hriat chian theih loh chuan a ngaihtuahna a tibuai deuh thin a. Lungleng leh mal em ema inhriat chang neiin; a bula ka thut reng pawn, a lunglen a chhuah chuan, min ngaiin a tap fo thin. A fapa thlahlela min ngai kha chu ngaihthiam loh chi a nih loh laiin, a rilru buai avanga lunglenga a tap fo erawh a taksain a tuar si; ka va’n lainatawm thin tak!

Mampui, Pathian hian ka dam a remti lo a niang!
Nia tiraw ka nu, tia beidawng taka chhan mai a chakawm thin. Mahse chutia chhan chi a ni miah si lo.

Doctor thiamnaa kan beidawn hnuin, tawngtaidam thei leh zutdam thei kan hriat apiang kan pan kual zut a. Mi thenkhat te’n damna an changlai, a mit ngeiin a hmu thin a. Ani tan erawh dam ahnekin, a natna chuan zuallam a pan tial tial si. Khatia natna vei e ti lo khan; zo hna thawk thang chu, hna thawk lova a’n awm khan a hmeltha suah lawi si! Chhungkhat laina, a chanchin hriaa rawn kan te paw’n, dam lo pawh a nih mai mai loh kha a ti haw tawk an awm fo, an hrethiam tlat si lo.

(more…)

Hrilh mai rawh…

Friday, June 29th, 2012

Nizân chu ka thianpa pakhat nên kan in text mai mai a, eng eng emaw kan sawi hnuin an vêng nula thenkhatin min * (star) tih a sawi ta! Ka ka hau mai maw le! Ka awih chiah lo a, ka awih lo phal bawk si lo, ‘a nuam e, a hrehawm’ an tih ang deuh hian ka awm!

Isua ka an vêna lai tak “piahmang thatna leh hmêl mawina rêng rêng a nei lo va; amah kan hmuha amah kan duhna tûrin mawina rêng rêng a awm lo” tih ziak ang mai khân mawina leh thatna rêng ka nei lo a, mite min duhna tûrin keimahah hian duhawmna rêng a awm bawk si lo. Nulain min * theihna tûr khawpa hmêl tha ka ni lo tih chu ka thiante pawhin min Amen-pui thlap. Mahse, vêng thenkhata nulate chuan min lo * ve khang lang a nih chu.

Ka tân zawng a bâka lâwmna hi a awm thei hauh lo. Mut ka tum a, ka mu ngei alawm, mahse muthilh te chu khawi lamah. Zîng takah ka tho a, ka hawiher te chu zâng tak a ni, zâng tak. Tihtûr awm ang ang pawh phûr takin ka ti zo duak nia maw le! A chhan ni âwma ka puh thlûk tâk ber chu ‘Nula-in min *’ miau alawm. Nuam veng veng tak a ni!

(more…)

“Ui zawng zawng chu Mizoram-ah thawn ru!” – Ajit Singh

Friday, June 29th, 2012

[Hat-tip: Kooki Ralte]

Punjab a Congress MLA pakhat Ajit Singh Mofar chuan Chandigarh leh hmun danga ui (stray dogs) an tam lutuk hi mipuite an harsat phah mai bakah an himloh phah a tia, chuvangin heng ui zawng zawngte hi man a, China, Nagaland leh Mizoram-a thawn tur in rawtna an Punjab Assembly ah a thehlut!

Kei uisa ei ngailo tan chuan he news hi tlem chuan hmuh a nuamlo ve deuh, mahse dawt a nih loh avangin han sawisel vak theih ka nei silova. Ka thiante tamtak pawn uisa an ei a, a tui an ti em em tih ka hre bawk a… delicacy pakhat a ni ve miau bawk sia, mi thil ei han sawisel thei hi tumah kan nilova. Han chhiar ve reng reng teh u, enge in ngaihdan ve? :)

TOI: Punjab MLA: Send stray dogs to north east, China

CHANDIGARH: Congress legislator Ajit Singh Mofar moved a resolution in the Punjab assembly on Thursday seeking to tackle stray dogs in the state by sending them to China, Mizoram or Nagaland, for “whatever they do to them”.

(more…)