Kohhran hian a hranpain tawngkauchheh a nei lem lo.Amaherawhchu Pathian nena inzawm tura a hnena kan inthawina leh a rawng kan bawlna hmanraw pawimawh tak a nih avangin Tawngkauchheh mawi leh dik tak hman hi kan tih makmawh a ni. Tawngkauchheh dik loh avanga buaina thleng chu kan Bible-ah ngei pawh kan hmu a.
Roreltute 12:5&6 a kan hmuh angin Jordan lui kai tum Ephraim-a hote chu Gilead hote chuan Ephraim mi an nih leh nih loh fiah nan ‘Shiboleth’ han ti teh an lo ti zel a.Anni chuan lam fiah ve thiam lova ‘Siboleth’ an tih zel avangin Ephraim mi an nih thup theih ni hek lo,mi 42000 lai an thih phah a ni.Tin,Petera pawh a tawngkauchheh avangin Isua zirtir a ni tih an lo hriat phah kha.
Aw le,tun atan chuan a hnuaia mite hi i lo bih phawt ang u:-
1.Inkhawm hruaitu: kan hruaitute hian tawng an hmang dik lo nasa thei hle. “Thupuan ngaihthlakna kan nei ang”, “Zaikhawmna kan nei ang”, ” Thingpui inhona kan nei ang” tilovin, ” Thupuan i lo ngaithla ang u..” “Kan zaikhawm ang a/Kan zaikhawm dawn nia/ Zaikhawmin hun kan hmang ang a”…” Thingpui kan inho ang a” ti mai thin ila tha tur. Thingpui inhona, zaikhawmna te chu ka(mouth) daih hi asin. A hun leh hmun lova noun form kan hmang nasa lutuk hi i bansan teh ang u.
2.Thawhlawm khawnna neih leh hlansak: “Thawhlawm khawnna kan nei anga,min hlansak turin…” ti lovin “Pathian chibai buk nan thilpek kan la khawm anga, Pathian hnena hlan turin…” ti ta mai ila. Thawhlawm khawnna chu kan nei sa reng,ip(bag) engemaw kan hmang thin,chumi hmang chuan khawn mai tur. Tin,hlansak tiha ‘sak’ lai tak hian kan mi sawma kha a dah mihrang lutuka,kohhran chhunga tel ve lo ang hrimah kan chhuah daih tihna.
3.Tawngtai: Tawngtai hi chi hrang hrang a awm-dilna te,sawmna te,lawmthu sawina te,etc./adt.. Thawhlawm hlan tura sawm kan nih chuan hlan mai tur. Thildang chham kual vak a tul lo. Kan tawngtaiin mi thenkhatten, “Mal min sawm tur che-in, min awmpui tur che-in…” kan ti thin. ‘Min’ kan telh tawh chuan ‘Che’ tih a ngai tawh lo. “Mal min sawm turin”, ” Min awmpui turin…” tih kha a tawk mai.
4.Thuhriltu: Kan kohhran(Presby..adt) kalphungah hian hruaituin thuhriltu a kohin Pastor leh Upa an nih lem loh chuan hun a hlan ngai lova,a sawm mai thin. Pastor leh Upa ni ve lem lo mi tam zawk hi chuan hun min pe emaw tiin, ” Kan hruaitu kutah hun lo hlan leh tawh ang” an ti mai thin. A sawma sawm a nih chuan a tihtur a tih zawh tawh chuan lawm taka thut mai tur,hlan let turin a kutah hun pek a ni lo.
Khawvel changkang zelah tawngkauchheh engengemaw chu a danglam lo thei love. Chutihlai erawh chuan kan hnam tawng dik leh mawi tak hi min vawngtu leh min tizahawmtu a nih hre reng ila, Ephraim mi 42000 an thihna chhan kha tawngkauchheh dik loh vang a nih hre reng chungin fimkhur takin, kan tawng humhalh ni bawk siin tawngkauchheh dik tak i hmang thin ang u.
Similar Posts:
- Mizoram Police-te’n Flag March neih an tum
- Ruihhlo zuar kan duh lo
- Bangalore Titi
- Ka thawh zel dawn! (Engtin ngai che’u maw?)
- Krismas Chibai sem turin…
reference i...
Thu...
August 16th, 2010 at 12:05 pm
A tha khawp mai.
Report this comment
August 16th, 2010 at 12:12 pm
Tha tak a ni.
Report this comment
August 16th, 2010 at 12:27 pm
Biak inah hian tawgkam hman fimkhur a ngai khawp mai. Dik leh mawi hmang hram hram rawh se, kan kawpi ber an ni si a.
Report this comment
August 16th, 2010 at 12:33 pm
OT lawk, misuala kan thil post tawh hi kan delete thei em?
Report this comment
August 16th, 2010 at 12:36 pm
puithuna in a kentel amawni tih avanga, tawngkam chuangtlai kan hmang nasa ta lutuk hian kan tawng nasa tak in a suasam fo thin. A hmasain tantu ilo sawm hmasa ang u tih ai chuan a hmasain tantu i lo sawn ang u tih mai ni thin se.Thawhlawm khawnna ilo nei ang u :arrow: Thawhlawm ilo khawn ang u… etc
Report this comment
August 16th, 2010 at 12:41 pm
Pronunciation dik lova nunna channa rapthlak tham ber a ni ang em aw? siboleth!
Report this comment
August 16th, 2010 at 12:42 pm
sonju-a, tinge ni ta…
Biakinah, hun hmangtu a han ding chhuak a, awki dang deuh, thum deuh in a han tawng chhuak a… :lol:
Report this comment
August 16th, 2010 at 12:55 pm
Upa thil puang chuan hmai thal ha in mipui an en a, Sandesikul hminglam tu chuan kun chung in…
Report this comment
August 16th, 2010 at 1:03 pm
@chhaktiang-a: I sawi ho khi ka zul e. Biak In-a in khawmna-ah hian tawng dik lo kan hmang nasa khawp mai. In tih thupuifun tumin kan han sawi a, a fuh tak tak chuang der si lo. Thlarau Thianghlim hi thupui funah kher a lo awm bawk si lo. Ka ngaihmawh tlem ka’n telh ve ang chu :
1. Tun hun : Pastor/ Upa inla tawngtai uluk hian ‘ tun hunah hian..’ an han ti mai thin a! ‘Tun’ leh ‘hun’ hi hun sawina ve ve a nih avangin ‘tunah hian..’ han ti mai se a urhsun lohna reng a awm si lo.
2. Thin : ‘ Lalpa, min hmangaih thintu..’ an tih hian ka lo ip thin. Kan tawngah hian ‘thin’ hi chu a past tense tlat avangin, tunah hian min hmangaih tawh lo em ni? ti a zawh mai a awl thei. ‘Lalpa, min hmangaihtu…’ ti ta mai se.
3. Chhiarin ngaithla : Tawng dik kan tum luatah ‘ Tunah Bible chhiarin i lo ngaithla ang u..’ an ti ta duah a, a va tul lem lo em! heta ‘ilo’ hmanna hi a sawitu tiamin zavai sawina pawh a ni thei. Mi tam zawkin Bible kan lo keu ve thin avangin ‘ ilo chhiar ang u’ tih mai hi a tawk viau. Chhiar tih hian a ri kher a chhiar tihna a ni lo (min hnial duh takin :smile: )
4. Tawngtai : A thui dawn tlat, hei hian ka tawp rih mai ang. Ka sawi tawh thin ka sawi nawn leh duh. Tawngtai tiha ‘tai’ lai tak mai hi ‘inchai’ tiha ‘chai’ kan lam ang a lam hi a dik zawk tlat, mahse kan hmang meuh si lo.
Report this comment
August 16th, 2010 at 1:08 pm
‘Ka hmangaihtu’ nge ‘min Hmangaihtu’.
‘Zirlai’ nge ‘Zirtir’ nge ‘Zirtu’.
Report this comment
August 16th, 2010 at 1:11 pm
Zirlai hi noun a ni, zirtir chu verb a ni, zirtu noun-verb hahaha :lol:
Report this comment
August 16th, 2010 at 1:11 pm
A mak khawp mai, hun thawl deuha uluk taka tawngkam dik lo te han ziak chhuak a, point out chat chat theite pawh hi inkhawm thupuan, fellowship hruaitu.. adt ah meuh hi chuan a saseh a lo thelng a, an tawngsual veleh mai thin. Zamna leh nervous vangte pawh a niang.
Report this comment
August 16th, 2010 at 1:14 pm
#10, Ka hmangaihtu’ nge ‘min Hmangaihtu’. Min hmangaihtu tih a dik zawkin ka hria. Kristian Hla buah hian hetiang deuh hi a awm zeuh zeuh. Kan zosap tawng thiam tirte lehlin tawngulh deuh an ni. ‘Ka chhandamtu’ ‘Ka tlantu..’ tih ang chi te hi.
Report this comment
August 16th, 2010 at 1:42 pm
Tawngkauchheh dik leh mawi hi mi puitling leh miril ze pakhat a ni awm e. Tawngkam thiam tum, dangnal leh thluaithlum vak erawh hi chu a tul lem lo khwp mai. Tin, tawngkauchheh hi a region a zirin a inang lo thei.
Report this comment
August 16th, 2010 at 1:56 pm
Post tha tak ani.
Point #3 khi thawhlawm hlan thin tutute tan hriat a tha ka ti lehzual khawp mai. Ka lo ngaihtuah ve neuh2 thin ania.
Tin, Biakina hruaitu leh tantu, thusawitute an tawngtai hian, ‘ka rawn dil a che’ tiha ‘ka’ ti lovin, ‘KAN’ tih hi hman a mawiin a that zawk ka ring.
Biakin hian manners a nei ve vek mai a.
#Inkhawm kan kal te hian tlar hnung chuh lovin a hmasa lam atangin in hnawh khat phei thin ila, Usher an awm chuan Usher tena min rem dan hian thuawih takin thut ni se.
#Mi an tawngtai dawna ‘i lo tawngtai ang u’ an tih chiah hian aw thian tluar2 ri hriat tur a awm tam thin, sim hmak chi.
#Hmun thenkhatah ban hla sak zawh ah Lal biakna tawngtaina sawi dawn hian thutthlengah hlabu kan dah thla sup2 zel. Hla sak zawh khan Hlabu kha zakzeh ta mai ila a mawi viau ang.
Report this comment
August 16th, 2010 at 2:35 pm
Kan Pastor leh Upa te hi an tawngkam hman nal lak lawh han thlak hi an harsat angreng fu, pa upa lam te an ni bawk a hriat thiam deuh chu an ngai a nia.
‘Hun neitu’ tih hi ka ngaimawh pawl tak a ni, hun neitu chu kan ni thei lo reng2.
Report this comment
August 16th, 2010 at 2:47 pm
#16, Kan Pastor leh Upa te hian an tawngkam hman nal laklawh thlak hi an harsat vang em em pawh ni lovin thlak hi an tum lo ve hrim hrim in ka lo hre ve deuh a sin. Han intih puithu velna atan an ti lui/hmanglui ni maiah ka ngai.
Report this comment
August 16th, 2010 at 3:51 pm
nilaithawhtan leh ninganni khawi nge dik zawk?
Report this comment
August 16th, 2010 at 3:57 pm
Pu Sisen a dik ve ve-ah ngai mai ang, a word khat chauh lo hria chuan pakhat hi hriat belh sela, kei ni Mizo tawng thiam chin tawh hi chuan ka hre ve ve tlat maia, (nilaithawhtran leh Ningani tih nanana hi chu…lol), min rawn zawt thut mahse ka hawi hu hu lo ang….lol.hahahhahaaa …… NIKHAT in HMING PAHNIH anei tihna a ni mai …..!!!!!
Report this comment
August 16th, 2010 at 4:01 pm
sisen, #18, ka pi/pu (fam) kha chuan Ningani hi a hmang thin tlata ka hriat chu, kei chuan ka hmanpawlh.
Report this comment
August 16th, 2010 at 4:02 pm
sisen #18, ‘nilaithawhleh khan Aizawlah ka rawn chhuk a…’ :lol:
Report this comment
August 16th, 2010 at 4:03 pm
nia, ningani tih hi a rem maiin ka hria
Report this comment
August 16th, 2010 at 4:04 pm
Nilai thawtan tih hi chu hmar(north) lam pangah ching an awm deuh bikin ka hria.
Report this comment
August 16th, 2010 at 4:12 pm
Pathian Thu sawi leh chhiar “Tihrik” te pawh hi sim a hun tawh lo maw? Pathian Thusawitu chuan sawi mai se, a chhiartuin chhiar mai se. Tihrik an tum phet hi a ninawm. “Ka Pa thianghlim leh ropui” tihte pawh hi Lal Isua tawngkam an hmang ve rau rau a nih chuan ropui tih hi telh lo mai se, Lal Isuan hian Bible-a a tawngtaina tarlanah “Ka Pa ropui” tiin a chham tel tel ve si lo.Thlarau Thianghlim “Ka Pa” tih vakte pawh hi a Bible thu lo tlat mai a!
Report this comment
August 16th, 2010 at 5:35 pm
@chawngchilh..ni e…. hei aia taw3ngkam lam dikloh avanga thihna thleng tam a awm ngai lo.
Engpawhnise, kan ram ah hi chuan “TIHNA”hi a awm tlata Biakin ah pawh tawngkam hmansual a awm tak tak lo a nih hi maw……..
Report this comment
August 17th, 2010 at 8:13 am
A thra hlawm hle mai…Upa ka lo ni ve mial a nih hlau chuan ! Dik taka hman ka lo tum a nge..he he…
Report this comment
September 9th, 2010 at 1:32 pm
Ka nick hi _CFL_ tiin ka thlak tawh e.
Report this comment