Kristian zaa za tia inchhal ngam Mizoramah hian retheihna avanga VIP ni ta te kan mangang ta a ni e. Kan Pathian thuin, Mathaia 13: 12-a min hrilh ang khan “Tupawh a nei apiang an pek belhchhah ang a, a nei teuh vang, nimahsela, tupawh a nei lo apiang chu an neih chhun pawh an laksak ang” a tih hi kan ramah a takin kan thleng a, kan tawng ta a ni mai lo maw? A ruh no no nekchhuahna khawvelah retheihna avanga VIP ni tate hian damkhawchhuah ve kan duh! Mahse, engtin nge dam khawchhuak turin kan beih ang? Chakna nei ve turin kan neih chhun pawh min laksak a nih si chuan kan hmalam hun hi a eng vak lo a ni.
Kum tam pawh la liam lo, kan hriat ve phak china kan thil tawn thenkhat tlemte chauh i han thlir kir thuak thuak dawn teh ang:
Gas lak tur a awm e: Eirawngbawl nana kan hman gas chungchangah ram pum huapin harsatna kan tawk mek a, a bik takin miretheiten harsatna kan tawk nasa zual. Tunhma deuh kha chuan Gas bur khat chauh neite pawhin an gas hmanlai a zawh kha chuan Agent-te hnenah awlsam tein kan la leh mai thin kha a ni a, hun a lo kal deuh a; chu aia awlsam leh zualin mahni kawtkaiah kan phut vang em em pawh ni hauh si lovin Agent ten motor hmanga Gas phur kualin, “Gas la duh tan lak theih a ni e” tiin an rawn au kual a, a mamawh kha chuan kan la mai thin a ni.
Mahse, tunah chuan kan veng chhunga point hrang hrangah engemawchang chuan eirawngbawlna gas chu an rawn phur ngei mai! Mahse, inchuh buai angai a, thui tak taka intlar angai a, gas inchuhna avangin intihbuaina hial pawh a chhuak fo thei thin dawn ta a nih hi! Hei hi engvang nge ni ta ang le? Mipui, chhungkua kan lo pung zel a, kan mamawhna pawh a sang chho zel tih chu hai rual a ni lo. Mahse, kan mamawhna a pun belh zel chuan kan hotute hian a chawkluh lamah tan an lak leh zual zel a ngai tihna a ni mai!
Thlakhatah vawikhat emaw an rawn sem a, tunhmaa gas connection pahnih/thum nei thinte tan pawh khan lak tam theih a ni bik tawh lova, connection ngah em em tan pawh awmzia a awm ta vak lo chu a nih hi! Chutih laiin, mirethei leh mipui nawlpuite tana gas neih a harsat em em lai hian mi thenkhat thil ti thei zawkte tan chuan a harsa vak lo a ni lawm ni? Hetianga harsatna kan tawh tanna hi engtik atang khan nge ni le? Mirethei VIP te kan mangang ta a ni.
Buhfai kan duh: Mizoten kan chaw rinpui ber chu buhfai a ni. Tunhma kan pi leh pute hunah chuan chhungkaw tin ten kum tin lo neiin mahni ei tur buhfai an tharchhuak a, chutianga kan lo neih dan, “Tlangram lo neih, kum tin hmun danga vat a, lo siam kual thin” chu chu tha lo kan ti a, environment humhalh pawimawhzia chungchang kan in zirtir hnuah hian state dang atanga vai buh kan chawkluhte hi mirethei VIP te tan chuan eiphak a harsa tan dawn ta a nih hi!
Ration Quota-ah puitling tan karkhat chhungin buhfai 2 kg pawh a tlem tawh naklaiin 1 kg leka lak a lo ngai ta fo mai te, buhfai lo van tak avanga dawra buhfai bag man lo sang ta lutukte hi engtik lai atanga lo intan nge ni ta ang le? Retheihna avanga VIP ni ve site tan chuan Supply Office lam atangin man tlawm zawka buhfai Special-a dila hmuh ve maite pawh thil chakawm tak a ni thin. Mahse, “Dil theih loh” tih intar kuau chunga dil luih tum chu ngaiawh lehna mai a ni si! VIP miretheite hi kan ril a tam a, Mau tam tam atanga buhfai a thlawna semte pawh kha a ngaihawm zawk rum rum dawn a lawm maw le. VIP ni ve lo hausa leh neinung zawkte hi chuan VIP te dinhmun hriatthiampui phak turin hatsatna an tawk ve bawk si lo. Chuvang chuan mirethei VIP te kan mangang ta a ni.
6th Pay kan nei ve lo: Sawrkar hnathawkten 6th Pay an ti a, an hlawh a pung thur thur a, chutih laiin mahni hlawha la lungawi lo thawm lah hriat tur a awm chamchi reng bawk. 6th Pay thawm a rik atangin thil man a sang thur thur a, chawhmeh anhnah tel te takte pawh tel khat Rs 20/- a ni deuh ta z>l. Buhfai mai ni lo, chini, alu, dal etc. engkim man a sang zel bawk. Hetih laiin retheihna avanga VIP ni ta, thla bi hlawh sawrkar atanga lak tur nei ve lo, nitin eichawp in dap leh inhlawhfak chawp ngai, nitin thlansa phulkaia thawh hnu pawha tlemte thawk chhuak thinte tan chuan a ruh no no nekchhuahna khawvelah damkhawchhuah a harsa tan dawn ta a nih hi!
Chuvang chuan labour, nitin inhlawhfa helper rate te pawh hi tihsan a hun ve tawh lo’m ni? Chutiang a nih loh chuan Kristian ram kan tih Mizoramah hian tunhmaa thenawmte chawhmeh bai insuah liam liam thinna ramah ngei hian kan thenawmte riltam hriatpui lohvin an lo riltam hlum palh ang e. Mirethei VIP te kan mangang ta a nih hi!
Similar Posts:
- Mizoram a buhfai tih ching peng chungchang
- $60 Million(2008 Mizoram Budget). Tunge hmang ṭangkai zawk ang?
- Nungcha vs Mirethei
- Ka nuih a za thin
- Nu leh Pa hmangaihna kan hai ta em ni?
January 12th, 2011 at 9:37 am
(@) Hawla hi a lo HOLE tak tak a niang nge!
January 12th, 2011 at 9:40 am
ni e
January 12th, 2011 at 9:58 am
F&CS Dept hi CM hian la sela,PWD hi Zodintluanga pe se, Finance hi Lalsawta pe sela, P&E Deptt hi Zoramsangliana pe bawk sela. H.Rohluna hi chuan Art&Culture te lo chang mai mai sela a hneh tawk phian ang a. Duh duh sawi hi avan nuam em. 😉
January 12th, 2011 at 10:34 am
a dik khawp mai
January 12th, 2011 at 10:44 am
Aizawl kal lai khan gas buaithlakzia chu ka hmu ve, kan zukin puthla a, voin chu chuti chauh in an changthei an ti a, kan pu hawng leh a, thenawmte nen gas burruak te an kan in hawh tawn a, nuho in hauhbuai nak nak te pawh a awm a, tun ang lai khawvel ah state pakhat capital ve pui si, changkang lo chiang khop mai. Engtizia teh kher nge mo ni. Cheng nuaikhat semtur ah hian gas burte pawh hi an pawt tel emo ni chu aw, tih mai awl tak a ni. Kan duh tak hnehlap a, kan thlan an ni sia le, sawisel chiam mah ila, democracy ah chuan a mawhphurtu chu mipui kan ni miua si a.
January 12th, 2011 at 10:49 am
Kan Minister te hlawh kan hre ta. Rei lo chhung a mi khawsa thei tak nih chu a theih loh deuh a nih kha. An hlawh kha tlem em mai. MLA Sumo hmang a mi pangai ang a ticket la bial fang ve mai thin, traffic zam lai pawh a ke a kal ve mai,mi in ngaitlawm hna thawk mual mual chi tur Chief Minister nei ve chhin ila vawi khat tal chu kava ti thin tak em.An ropuina hi an hai thin….
Ram hnathawhna pawimawh tak a ni. Kan ramah phei chuan Kohhran nen a in zawm ti tih tlat a,politics a bawlhlawh chuan kan sakhua in a tuar zel. Thangthar te ah hian fel,fing leh tha an awm ngei ang chung ho chuan kan tan hna an thawh theih nan kan beiseina neih te hi i sawi chhuak fo thin ang u. Politics hi tha lo ang a kan sawi zel chuan kan mi tha te kan chan zel ang tih a hlauhawm a ni.
January 12th, 2011 at 10:57 am
Uluk deuhva chhiar nawn leh atan ka’n khêk phawt ang e.
Mi rama VIP light hi kan ramah chuan motor headlight hmanin kan hmang mai mai. Mi retheite hi VIP kan nih chuan VIP chu Vawiha InPuh tihna a ni’ang!
January 12th, 2011 at 11:03 am
misual a mahminga lawrkhawma lal-uta
http://lawrkhawm.com/index.php?page=26961
ziak tha ah ngai ang…… 😛
chuan kan chhiar tan ange… (H)
January 12th, 2011 at 11:17 am
Mahni sawi ang ngei a thawk nghal thei hruaitu kan mamawh a ni,tun dinhmuretheih zual zel hi kan hmabak a ni
January 12th, 2011 at 11:24 am
Ziak tha in chhiar a manhla hle mai.
“Gas an sem dawn” an tia hman hmawh takin gas bur puiin theih anga chakin kan han tlan ve a, gas point hnaiha mi ho an lo intlar puut tawh mai, an han sem ta ngei a, chang lo pawlah kan han tanga,gas bur ruak kan han pu haw leh hnap hnap mai thin hi chu aw… CM nih ve mai te hi ka chak thin.
‘Mirethei VIP’nge kan nih a ‘VIP rethei’ pawh ka inhre thiam ta love.
January 12th, 2011 at 11:29 am
Hotu tha tak nei ila a kawng tam takin ka chang kan ka ring thin. Pu Jyoti Basu te,Pu YSR Reddy te ang han nei ve hlauh ila mawle. Kan la awm hrim hrim ang. Pu Hawla leh Pu Zorama te hi an lo upa ve zel ang a. Mi tha tak kan nei ve hrim hrim. Chumi nei tur chuan he misual site pawh hi kan pawimawh in ka hria. Puitling tak a Political issue han comment thiam te hi a theih hram chuan a tha a.
January 12th, 2011 at 11:56 am
Mangan tulh tulh lam kan pan hmel zoram kal siam inher dan thlir hi chuan ka ti kei ve mai mai hian. Into delh zawnga nun chhoh hi kan hruaitu thlan thin te leh sorkar hnathawk mifing zawka ngaihte hian mipui te hi min tuipui ber a ni thin si lova. Mipui nawlpui mamawh leh intodelhna lam ngaih pawimawh bera neih hmasa si lo hian a ler atangin bul kan tan thin hi a la pawi zel dawn anih hmel.
Sipai lammual te lah chu india ramah pawh kan grass phah tur ang phah an la awm mang lo tih velah intithei tawkin kan phah dawn chu ni siah, phah fel hnu lam maintenance leh expenditure incurr tur vel te hi an ngaihtuah fel vek em ang chu maw? Phah hi a tha lo e tihna lam ni lovin a aia hmasa tur emaw a rual a kal tur mipui vantlang tana hmasawnna tur thil hi a va tam tak em.
NLUP te lah mi rethei chawikan nan tiin vantlang ngaihah chuan a mawi e maw, mahse kan intodelh tak takna tur atan enge kan thlen pui ang tih te hi ngaihtuah tel mai mai ila a tha awm e. Tak tak nimaw NLUP sem sawi hmawr hmuh vangin tuna kan sorkar te hi kan thlangtling tia sawi te hian ngaihtuah a va ti thui tak em, hei hian mirethei zawkte harsat tawh zia a lan tir hian ka hre thin. Kum nga chhunga NLUP nuaikhat ram mipui chawikan nana pek tumtu ten an thlakhat hlawh tur siam thar tum lah chuan nuaih a hawlh thuak mai bawk si a, rethei leh hausa kar hi chu a zau telh telh dawn anih hmel mange.
January 12th, 2011 at 12:13 pm
next election aim in ka socialist communist party din tum hi ka ti tawh mai dawn ami le awwww….min vote leh duh awm si lo a :-S
January 12th, 2011 at 12:23 pm
Supply Minister zet hi zawng a hna a tlin ngang lo a ni e. Congress hmai tibal tu a ni chiang a lawm.Heng thil avanga mipui harsatna hian next election hi a hril pha dawn a ni tih hi,CM hian a hmu pha lo a nih chuan a la inchhir ve cha2 khawp ang.
January 12th, 2011 at 12:27 pm
LPG leh buhfai harsat hi state dangah an sawi pawh ka hre lo. Kan state hotute thiam loh ani ber mai. An estimate tlem lutuk emaw, supply tu ten phurh man to an ti emaw ani lek fang ang. Phurh man to anih chuan state sum tam tawk, sorkar hnathawk pek belh rngawt lovin transport subsidy ah hmang sela, rice leh gas supply tuten kan duh aia tam an rawn thawn mai ang.
Sorkar hnathawk ho hlau lo sorkar kan neih hma chuan changkanna tak tak kan beisei thei lo.
January 12th, 2011 at 12:45 pm
Zoram khawvar hun hi lo thleng thuai se a nih ber hi..Buaithlak laih laih em mai
January 12th, 2011 at 1:01 pm
VIP nih hi ka peih tawh lo eeeeee.
January 12th, 2011 at 1:10 pm
VIP zawng zawng ah chuan kan VIP lo ber awm e 😉
January 12th, 2011 at 1:10 pm
LPG tih velah hi chuan state sawrkar mawhphur tur pawh ani vak lo…
1) lpg siam na = 50 % crude oil, 50% = natural gas. an siamna crude oil leh natural gas hi a tam zawk ram pawn atanga import ani a
2) Chuan LPG gas mamawh zat hi 1970-71 khan 200,000 tons ania , tunah erawh chuan ]5 MT vel ani tawh. kum tin 12% in a thang zel..
Mizorama gas kan hmang ang hi chu sawrkar companies/PSU ho in government subsidy nena min supply ania, private company lo lut tum pawh nimahse subsidy an dawng ve theilo .
supplier tlem chuan supply pawh a chang chuan a tlem lo theilo…
January 12th, 2011 at 1:15 pm
@ 15 ..ningawt mai..Silchar lut dek dek ila,Auto lian chiin khawlaiah,leisak loh hlau in an phur kual sup sup reng thei bawk sia..
January 12th, 2011 at 1:44 pm
zualbonez, ainawn sawi atang khian i hre mai em? Assam rama LPG a tem em em laia Mizorama a harsat viau chuan PSU te thiam loh nge state sorkart hruaitute thiam lo?
January 12th, 2011 at 1:48 pm
@ 21 sony….Black vek anih kha an phur kual ….chik zawkin ainawn hian lo en tawh rawh se NOI
January 12th, 2011 at 1:56 pm
kan party lal ve hun chu gas bur hmang tawh lovin gas pipe connection in tinah kan siam ang… (Y) PHE pipe master ho nen tangrual in 😀
January 12th, 2011 at 2:04 pm
@zualbonez: Assam ho hian kan LPG state share an lo black vel a ni mai lo maw???
January 12th, 2011 at 2:07 pm
Vai ram a ka awm ve lai khan Bur hnih an rawn dah a, pakhat kan hman zawh ve leh a dang an rawn dah leh thin, tunah pawh a la ni tho mai.
January 12th, 2011 at 2:12 pm
@ ovala….mafia deuh hi an awm a, transport leh trade dictate , food and essential commodities pawh lo hoard (dah khawm) ching …chuan a hnu a artificial scarcity siam thin ….mizoram chu sawiloh nagaland, manipur, arunachal, tripura leh meghalaya market pawh an control vek…heng mafia ho mastermind chu f****** marwari ho …saala
January 12th, 2011 at 2:13 pm
Lungngai mah ta che u, Ka sawrkar hunah awlsam takin ka sem tir thin dawn nia. 😀
January 12th, 2011 at 2:14 pm
funny…eng p[arty nge i zawm dawn….communist socilist lam hian kan hip ve deuh che em? :-O
January 12th, 2011 at 2:25 pm
Zoram Khawvar hunah chuan a hnawnin kan in hnawn tawh ang. A va nuam dawn em!
January 12th, 2011 at 2:32 pm
Khawvar hun nghah ngawt ai chuan F***Marwari ho chu lo BLAH deuh an ngai a nih chu. Zoram khawvar hun in tih chu kum 1000 rorel kha a ni lawm ni????
January 12th, 2011 at 2:35 pm
@Funny party thar din i tum deuh em ni? Unit pre.. velah ka lo awm ve ang chu.
January 12th, 2011 at 2:38 pm
(I) Bang rawh se!! 😀
January 12th, 2011 at 5:25 pm
>> ”Chutiang a nih loh chuan Kristian ram kan tih Mizoramah hian tunhmaa thenawmte chawhmeh bai insuah liam liam thinna ramah ngei hian kan thenawmte riltam hriatpui lohvin an lo riltam hlum palh ang e”
Dik khawp mai. Vai (average a lakin) ho ang deuh hian kan la selfish ve feng ang tih a hlauhawm. Anni ho hi mahni chhungkaw bikte ( tu leh fate) chauh lo chu an care lo ve thei khawpin ka hria. Mizoram ei leh bara kan harsat tulh² chuan, midang hmangaihna leh tlawmngaihna hi a da tial² dawn chu a ni si a…a huphurhawm hle mai.
LPG hi chu mizoram ah hian a vang reng maiin ka hria. Kan hman uar tirh atrang khan kan hnianghnar em em lai pawh ka hre lo.
Good post, mahming (Y)
January 12th, 2011 at 5:32 pm
BMW in average a rawn ziak lang tak ah chuan ka rilru ah mizo zaithiam pakhat “average in ni khatah lekha engzat nge i dawn” tih zawhna an zawh kha a rawn lang daih mai.. a answer kha average in ka dawng lo a, post in ania ati em kha? 😀 😛
January 12th, 2011 at 5:35 pm
Fonz, i sawi chu ka hre mai! An phuah belh nasa lutuk a, aman a sawi tak² nge tihpawh a hriat tawh lo!! Thingpui dawrah lassi a in dawna, straw an lo chhawp tel lova, ”pipe min lo pe ru” a ti, tihte pawh a awm kha! 🙂
January 12th, 2011 at 6:08 pm
Labour hlawh tihsan khi chu ka pawm zawng tak a ni . Patlingin nisa hnuaia nilenga hah taka nupui fanau chawm ngaih piah lamah, inentirna chu sawi loh sunday chawhmeh man tak ngial pawh hlawhchhuah loh em hi chu a NA a ni .
Keimahni zawk hi kan inthuruallo em a, tuman min zah silo, kan la inngeihlo khanglang lehnghal., hruaitu kan neihloh vang pawh a ni mahna. Tunah chuan inthlahrung tak leh dawihzep tak anga kan awm ala ngai rih a nih hi .
Mihring rilru hi alo va han chhe thei em em ve le.., ka sawi vek dawn mawn le…. (H)
January 12th, 2011 at 6:20 pm
@ 36 atom c….dik lutuk….inflation sang bawk nen, kum 2 hma a cheng 300 hlawh kha tunah chuan purchasing power (inflation vangin) hniam tawh avangin cheng 200 vel hlawh ang anni e…hlawh tih sang sak ngei ngei chu a tul….tih sang loh chuan exploitation ani ringawt …a thei ho sawrkar in an hlawh an tih sang saka, hei vang hian inflation a sang phah a chuan sawrkar zem zen lo ho in ngatinge an lo tawrh phah ringawt ang…saala ma Ch*k**
hlawh sang duh ho hi thil man to chak lutuk complain tu hi an ni duh em em mai leh nghal….zaktheilo hlawm lutuk …mawl muk awm khawm
January 12th, 2011 at 6:26 pm
VIP ka nih lai hian kan CM hian chaw ei ah te min sawm se. 😀
January 12th, 2011 at 6:28 pm
kan sawrkar hun chu MLA hlawh leh labour hlawh hi inangin kan siam ang.. entirnann..MLA thla 1 hlawh = 50,000/-, ni khata an lak zat = 50000/22 (8 holidays per month) = 2273….. Rs.2273 hi labour ni 1 hlawh zat turin session ah bill kan pass ang… (Y)
January 12th, 2011 at 6:28 pm
kan communist socialist party sawrkar hun chu MLA hlawh leh labour hlawh hi inangin kan siam ang.. entirnann..MLA thla 1 hlawh = 50,000/-, ni khata an lak zat = 50000/22 (8 holidays per month) = 2273….. Rs.2273 hi labour ni 1 hlawh zat turin session ah bill kan pass ang… (Y)
January 12th, 2011 at 6:32 pm
Gas nei tha tur chuan transportation that angai hmasa ber. Bairabi ah rel a rawn lut tawh a, khuta tang te khuan a chawk luh theih lawm ni, truck tawi te te a rawn phur lut lovin?
Buhfai intodelh tur chuan mihring kan pung zel a, hetia phaivai chawm ngawt tura innghah loh tumna rilru nghet neih a tul lutuk over. Kan lo neih dan hi a fuh lo ber chi a ni tlat. Tunah pawh phaivaibuh ring lovin kan awm chuanglo. Kum 2 /3 emaw khawnawtin thawkchhuak hlawm sela, Terrace systems of cultivation siam angai.
Heite mai pawh hi kan peih/theih loh chuan kan phun thlawn zel ang.
January 12th, 2011 at 6:55 pm
zb-pa ka u fb ah online teh, thil ka thawn ang che
January 12th, 2011 at 6:56 pm
ovala ralte #31. hehe. party thar din ve ngawt techuan member an tlem duh awm emai.Kan venga Association ding ve hluai, member pahnih chiah nei, president leh secretary ni nghal tepawh minti hrechhuak e. Association anga han din khan thiltih a awlsam phah ve deuh nitur ani 😀
Keimah tawp hi opposition party kani nghal mai, “Engkimsawisela” (H)
January 12th, 2011 at 7:00 pm
fonz…firewall password ka nei lo, min rawn mail mai teh…zan rei lamah in atang fb chu
January 12th, 2011 at 7:13 pm
Misual GK atan mai mai:
2011 July hian Friday 5, Saturday 5 leh Sunday 5 a nei.
Hei hi kum 823 a thleng thin a ni awm e.
January 12th, 2011 at 7:24 pm
fonz…check creepsin
January 12th, 2011 at 7:24 pm
@ 45 HV…chuan ka hausak phah angem 😛
January 12th, 2011 at 7:44 pm
Party thar din te in sawi elaw? ka lo tel ve… 😛
January 12th, 2011 at 8:40 pm
‘Mangangin hawi hu hu mata che u, vip ka ti che u a, vip takin lo awm zel rawh u,’ a la tih fo duh hmel!!!
January 12th, 2011 at 8:44 pm
zualbon, i hnarkua aia i hriatna zau zawk nan tiin ka rawn theh chhuak a nih kha hairehai 😉
January 12th, 2011 at 8:52 pm
Page thar hawng hmak ang
January 12th, 2011 at 9:00 pm
little-te lah hi 1st thei der si lo, phek tharah chuan tuan rang ve fu ni…
Sorkar kan sawiselna te hi, sorkar hian fimkhur phah nan hmang se…
Sorkar kan fakna te hi, sorkar hian chak lehzual nan hmang se…
January 12th, 2011 at 9:03 pm
kawlte tukin zinglam a, post chhuak kha han keu let leh teh, ka first hnem ltk
January 12th, 2011 at 9:26 pm
Mihausa VIP an mangang ve lo.
Kum 2 hnua beisei pha lo Obama leh Hawla te hian term 1 bak an sorkar kher ang em?
January 12th, 2011 at 9:36 pm
‘Kan VIP chu mi retheite hi an ni’ VIP tur khawpa rethei kan awmlo tihna ani leh daih maithei, Phailama Pathian nung, lungi kaih hlik hlek thin kha han rawn leh sela chuan.
January 12th, 2011 at 9:54 pm
LPG ah chuan kan khaw manegar ang hi nei ve ula, Gas chu inharsa vak biklo ang. Pawisa diposit tur neilo manegar te hi zu awm thin a, mihausa pawisa puk chawp leh mai mai te. Buhfai hi chu truck in a phurh theihzat 90 qt. a nih chhung chu kan harsa ang. Rel a lo luh thuai thuai hi a ngai.
January 12th, 2011 at 10:22 pm
VIP nih tak tak leh tak tak loh teh nan phone ula Gas chu an rawn dah ve em enchhin teh u. Vai rama mi pangngai tih danin.
Ka’n OT lawk, phone tih khi mizo (sap)tawng pakhat a ni, mizo-ah chuan a pawi lo mahse hnam dang chuan an hrethiam tha duh lo khawp mai. Tumkhat kan thianpa pakhatin a naute vaiho a hau a “why do you phone me, don’t telephone me again’ a tih kha ka la hre reng, an hawi heu mai.
January 12th, 2011 at 11:05 pm
Mathaia ziak chu in zawm tha hle anih chu.Zawm a awl deuh pawh chu a ni mai ta lawng.
Awlte 2 zawm tur in zirtir hi a tha reng a sin.