Khau chi hrang hrangte chu:-
1. Chawngphul. 2. Chhura Vawkpa. 3. Khauchher. 4. Khauektingtial. 5. Khauhlamsei/Hlamseiinu. 6. Khauhmeltha/Khauthau 7. Khaukhuap. 8. Khauhnahchang. 9. Khauluzum/Khaupawite. 10. Lakhau/Khau saum. 11. Khaupumdeng. 12. Lungpuikhau. 13. Maukhau. 14. Pawhchhiatkhau. 15. Zawlzawng.
He’ng khau zîngah hian ei theih chî leh ei theih loh chî an awm hlawm a. Khauhmeltha te, Khaukhuap te, Lakhau te, Khaupumdeng te, Maukhau te keh Pawhchhiatkhau te hi khau ei theih chî an ni a. Mi thenkhat chuan Chhuravawkpa te, Khauektingtial te, Khauhlamsei te pawh an ei tho bawk.
Khaukhuap hi khau ei theih chî a ni a, mahse, a huat theih thung. A huate chu an thak a, an bawl a; an taksa leh sam kârah a bawlin a thak vak thîn. Hmán lai chuan Khaukhuap huate chu an dam theih nan an huat lai ngeiin thlam chungah te, in chungah te an hlâng chhuak thîn a, “An dam phah mai thîn a ni,” an ti. A mak hle.
Tin, Khaukhuap leh Bak hi a inhal hle niin an sawi bawk. A dik ngei em tih chu hriat chian a ni lo. A inhal dân chu hetiang hian an sawi thîn. “Mi pakhat hian a kut ding lama Khaukhuap keng chungin a kut vei lamin Bak man sela, Bak a man rualin a mantu kha a tlu tawp mai a ni,” an ti. A dik leh dik loh fiah ngam tân chuan fiah atan a tha hle.
Chawngphul leh Khauhnahchang hi ei chî a ni lo. Rante paw’n an ei chuan an thih phah thîn.
Zawlzawng hi khau zîngah chuan a danglam hle. Ke sei tak leh thla tha tak mai a nei a, a thlâwk hla thei hle. Zawlzawng hi hmán lai chuan nula leh tlangvalin nupui pasal tur zawn nan aienna lampang atan an hmang thîn. Nula leh tlangval hlo thlote chuan Zawlzawng hi thlawhlaiah an man a, an man chu an chhuah leh thîn a. Mipain an chhuah chuan, “Zawlzawng ka thlah ramdaiah, Thlanthlalak dâr ang va tawng lo la, lêngi bahsamah va uai ang che,” tiin an chham thîn.
An chhuaha a thlawhna lam lama mi chu an nupui/pasal tur awmnaah an ngai thîn a ni. Infiam nan tak an hmang a, an hlimpui hle thîn. Tin, luite râl a thlawhkai chuan khualral lama mi a nei dâwn tihnaah an ngai bawk a, a thlâwk lai kha Thlanthla emaw, sava dangin emaw an lo la nalh a nih chuan an nupui/pasal tur chu a thi dâwn tihnaah an ngai. Zawlzawng hi khau zîngah a hmingthang ber âwm e.
Khau hi a dam rei lo hle a, kum khat chauh an dam a ni. Kum bulah hian kum hluia an tui kha a lo keu a, kum tâwp dâwn lamah an lo puitling a, chî an inthlah a, an tui a, an tui zawh hnu rei vak lo-ah chuan an thi mai thîn a. Chutiang chuan an inbàn let vêl mai thîn a ni.
Thulâkna: Mizoram Nungchate by Lalnunmawia.
First Edition – 1992.
Copies – 1000.
..hman...
a star hlui a hmu nge...
May 20th, 2011 at 7:03 pm
Nikhua a tel em?
Report this comment
May 20th, 2011 at 7:05 pm
A va tam ve…A pic han hmu thei bawk ila tha tur….
Report this comment
May 20th, 2011 at 7:07 pm
3rd……. ve mai mai
Chhiar chiah ila,….. ka hriatloh a awm takin …lolzzzzzzzzz
Report this comment
May 20th, 2011 at 7:09 pm
Hriat a va awmlo ve..bengvarthlak khawps mai.
Report this comment
May 20th, 2011 at 7:18 pm
A nih perhpawng hi? Eng family ami nge ni ang?
Report this comment
May 20th, 2011 at 7:22 pm
Perhpawng pawh hi khau chikhat a ni ve lawm ni aw?
Report this comment
May 20th, 2011 at 7:26 pm
A va bengvarthlak mai mai e!!
Naupan laiin khaukhuap sa ka ei a, ka vual chiam mai a, ka ei zui ngam ta lo!
Report this comment
May 20th, 2011 at 7:32 pm
7th I vanduai hle mai, naupanlai eitur dang vak neihloh thin lai a ei a nih avang ni maw, kei chu khaukhuap leh tangtial ai a sa tui han sawi mai tur avang ka ti.
Report this comment
May 20th, 2011 at 7:45 pm
Khaukhuap tih chiah ka hria!! TSa nge nge, ka zir belh leh ta teuh mai!!
Report this comment
May 20th, 2011 at 7:49 pm
misual mipa hoah tunge bak leh khau man kawp ngam? a man ngam ngam ka chuam XD
perhpawng hi khau a ni lo mi?
Report this comment
May 20th, 2011 at 7:54 pm
Kei pawh khaukhuap sa hi ka ei tawh. Kan bible a baptistu Johana chaw a ‘khaukhuap leh khawizu’ tih a nih vang kha nge ni khaukhuap hi eimi ni a kan ngaih ve ngawt ni.
Kan naupan laia sava chaw atana kan man thin ‘khauphar’ hming a tel ve lo tlat mai, kan hriat dan a inang lo pawh a ni mahna.
Report this comment
May 20th, 2011 at 8:02 pm
Rawt pawh hi khau chikhat tho, hmanlai chuan ramhuaiah an ngai, maukhau chi khat a ni a, mau kawrawng leh thing kawrawngah te a hram a, a hram zawng hian a lu a her kual zel a, chu chu a hram ri lo hretu tan chuan hla tak atang rawn hnai telh telh,hla leh telh telh angah an lo ngai ta thin a ni, a tawmna kua kha echo that chuan ramhuai aw tiat tiat in a ri ta thin a ni.
Report this comment
May 20th, 2011 at 8:06 pm
Rawt khau chu ka vawikhat hriatna, ramhuai lam chi reng reng hi ka kawmngeih chi a ni lo khrim khrim
Report this comment
May 20th, 2011 at 8:08 pm
hnawmtinphurinu hi khau a ni ve lo mi? A bawr hnawk thei luk² khawp mai.
Report this comment
May 20th, 2011 at 8:13 pm
hnamwtinphuri nu te chu ramhuai a ni lo mi?
Report this comment
May 20th, 2011 at 8:13 pm
Khauphar Thawven tih tawngkam te pawh kan nei a.. Ni e, Khauphar ka hmu miahlo mai post ah khian. Nge hming dang alo nei reng zawk? Min hrilhfiahsak thei ang em? @Post Tupa
Report this comment
May 20th, 2011 at 8:14 pm
@bmw, hnawmtinphurinu hi chu pangang a ni zawkin ka hria, a nun hi a hahthlak ve khawp a sin, a kalna apiangah a in a kalpui zel, pem awlsam ve tak chu a ni
Report this comment
May 20th, 2011 at 8:16 pm
A bawm hnawk tak chhungah hian pangang tereuhte a awm thin tih kan belh leh lawk ange
Report this comment
May 20th, 2011 at 8:16 pm
@rose: ni lo…khau ang chi insect ve tho. Keipawh 1 chiah ka la hmu ( ka naupan lai in)…thil hnawk nawi a phur khawm luuk a…ka u ten ”hnawmtinphurinu a nih kha” an tia…min tihder pawh a lo ni mahna.
Report this comment
May 20th, 2011 at 8:18 pm
@triplestar: i sawi chu dik maithei bawk. Ka la te lutuk a, ka chiang tawh lo…mahse ka la hriat chu a thil phurh kha a trawp hnawk em em tih. Chuan, ar-mawng-hawlh hi khau a ni em?
Report this comment
May 20th, 2011 at 8:27 pm
“khau” tih leh “khaukhuap” tih bak kala hre ngailo hrim2. Good post.
Report this comment
May 20th, 2011 at 8:31 pm
Khaukhuap hi ka hre chiang ve deuh,a pa hi a nu aiin a te a,a nuin a paw va va reng thei a ni.
Report this comment
May 20th, 2011 at 8:34 pm
Khau chi hrang hrang ka hre hnem hle. Mahse, khaukhuap chiah hming hriat ka nei. Chuan, perhpawng hi khau a ni ve em? Ka ring deuh tlat.
Report this comment
May 20th, 2011 at 8:34 pm
Khau chi hrang hrang heta telh loh te hi tam tak a awm ang, a source hi a dik ber e tihna a ni chuang lo, chuvang chuan heti zat chiah hi khau a awm lo tih hriat a tha ang. Ram dang/ hmun danga mi nen phei chuan za chuang fe a awm ngei ang. nway Good post
Report this comment
May 20th, 2011 at 8:37 pm
khau hming khi ka hriat loh a tam khp my..
Report this comment
May 20th, 2011 at 8:42 pm
Khauhriang..khuangchiri..khau silai..khauchher..mau khau..ngurkhau..khaudang..khau tam em mai..
Report this comment
May 20th, 2011 at 9:04 pm
Thianpa TSA nge nge.. titha thin thuai thuai e
Report this comment
May 20th, 2011 at 9:09 pm
@BMW: Hnawmtinphurinu kan tih ve chu pangang, bekang lung tia lek, maimawm ril anga inkhai der der thei hi a nia. mahse mizo thilhming hi chu chhim leh hmarah in anglo thei ltk a.
Report this comment
May 20th, 2011 at 9:41 pm
a lem nen awm se aw
OT: rultuha leh april hi mizo tawngin enge?
Report this comment
May 20th, 2011 at 10:27 pm
ka hriat loh a va tam ve, Khaupharthawven chiah ka hria
Report this comment
May 20th, 2011 at 11:50 pm
Khau hming hi ka lo va hre tlem em em ve le. “Mautam khau” kan tih kha a uk khek khuk, lian fu fu an niin ka hria.
Khaukhuap hian rulhut sei pui pui pai an chingin ka hria..
Report this comment
May 21st, 2011 at 1:22 am
Informative thei hle mai, misual nuam ka tihna chhan a ni. Knowledge chauh ni lo, nunphunga ka tih tur leh tih loh tur hi ka hriat phah zel e.
Khau hi kan tet lai khan ka thianten an that nasa thei khawp mai, kapa’n a remtih ve tlat loh avangin ka that ve ngai lo. A hunlai kha chuan ka chak ve thei khawp mai. A hming khi ka hriathnu a awm ve nual e.
Good Post.
Report this comment
May 21st, 2011 at 1:28 am
Report this comment