Vak vak ta chuan thil engengemaw hi ka hmu ta ṭhin a. Thil ho tak tak hmuh chang a awm a, hmuhnawm leh pawimawh fe fe tawn fuh chang a awm bawk. Tun hnai mai khan Thupuan bu-a a ziaktu-in lehkha a thawn kohhran pasarih zinga pali (4/7) kha ka tlawh hlauh mai a, hei hi chu thil ho lo zinga mi a ni. Chhiar peih kan awm takin a lem tlem nen ka’n share ve mai mai ang e…
Kohhran te chu: Thupuan-a kohhran pasarih lehkhathawn te chu Efesi, Smurna, Pergamon, Thuatira, Philadelphia, Sardis leh Laodikei te a nih kha. Heng kohhran zinga a ṭhen hi chu khaw ram, a hnuhma hmuh tur pawh awm tawh bar lo te a ni a; khawpui lian taka ṭhang chho-a tunah pawh khaw pawimawh tak la ni zui reng te a lo awm bawk a (ka lo hre ve ngai mang lo a).
Efesi: Kohhran hmun pawimawh, Tirhkoh Paula te paw’n an tlawh ṭhin kha a ni. A khua tak hi a ding tawh lo a, a bul lawkah Selcuk (pron. Selchuk) khua, khaw lian vak lo a awm.
A khaw hluiah chuan lung leh sailungvar ban lian tak tak te, lung kawngka (gate) la intiang iaih uaih te, an library building, a hun lai chuan a ropui ṭhin a ni tih hriat hliah hliah te leh open-air theatre, mi singhnih leh sang hnih lai ṭhut theihna te hmuh tur a la awm.
Open air theatre-a an stage-ah hian dinna lai tur bik-a dinga aw han chhuah chuan a ri ring thei fu tlat mai a, mi singhnih chuang tan pawh fiah taka hriat theih tura thusawi a huphurhawm lutuk lo (mike hman an la uar hma lam thil kha a ni bawk a, an design thiam kher mai).
An miṭhaho ekin hmuh tur a la awm bawk – an tihtur ti mawlh mawlh chungin an inkawmin an titi a, ram hnuk khawih thil te an sawiho nasa ṭhin a ni awm e. An toilet seat hi sailungvar a nih avangin thlasik lai chuan a vawt thlur a, lo thut lum hmasa turin an bawihte an tir thin an ti.
Pic 1. Efesi khaw hlui…a vei lam sira mi khi library building ṭhin a ni
Pic 2. Miṭhaho ekin hlui, Efesi, (Dutch tourist pahnih an ṭhu chhin)
Pic 3. Open air theatre, Efesi
Laodikei: He khaw ramah hian thil hlui hmuh tur a tam tawh rih lo. An temple hlui leh an open air theatre te, an kawtthler hlui, a tawn tawna lung ban la ding fur te hmuh theih a ni. Hetiang lama thiamna bik neiho-in theih ang angin an chei ṭha leh mek.
Pic 4. Laodikei khaw ram
Smurna: Tunah chuan Izmir tih a ni. Khawpui mawi tak, lawng chawlhna pawimawh a ni a, mihring maktaduai 3.35 vel an cheng. Thil hlui hmuh tur la awm zingah Alexander the Great hun laia dawrpui hmun an sak, Agora an tih chu a langsar leh pawimawh pakhat a ni. Mithianghlim Polycarp-a biak-in pawh hmuh theihin a la awm. Izmir khaw nulaho hmelṭhatzia hi hrilhfak a tling an ti ṭhin a, ka hmuh ve chinah hnial ka tum lo khawp mai.
Pic 5. Smurna khua (tunah Izmir)
Pic 6. Agora, Smurna (Izmir)
Thuatira: He khua hi tunah chuan Akhisar tih a ni a, khaw pangngai, mihring nuai khat chuang hret chenna a ni. Khaw hlui hnuhma hmuh tur a tam lo kher mai. Kawngpui aṭanga va pen deuhin hmun pakhatah an theatre hlui, lungrem chim bang chu feet za bial awm velin thir pal ṭha takin an hung a, chu deuh zawng chu a ni mai. Kristian sakhaw hnuhma hmuh tur a awm tawh lo a ni ber (thlalak ka dah lo mai – a hmuhnawm lem lo).
Chutia a chhuk a chho-a ka vah kual zelna lamah chuan heng thilte hi ka hmu bawk a…
Isua nu Mari in: Isua khan a Zirtir Johana hnenah, “En teh i nu kha” a ti a, a nu Mari hnenah pawh, “En teh i fapa kha” a ti bawk a nih kha. An sawi danin Isua thih hnu khan Johana chuan Mari chu Efesi khaw lamah a hruai a, a bul lawk tlangah hian awmhmun a khuarsak a. Hetah hian a thih thlengin a cheng a ni an ti. Hmun thianghlim tak anga ngaih a ni a, kan tlawh lai pawh hian Catholic puithiamin mass a lo conduct mawlh mawlh mai. Hman deuh lawk thleng khan vai Catholic puithiamin a enkawl ṭhin nghe nghe.
Pic 7. Mari in bula an notice board
Pic 8. Isua nu, Mari in chu.
Baptistu Johana thlan: Hei hi Efesi khaw hlui bul lawk, Selcuk khaw chhunga awm a ni. He hmunah hian biak-in ropui tak a awm ṭhin a, tunah chuan a chim chhe vek tawh.
Pic 9. Baptistu Johana thlan awmna biak-in hlui
Niceae (Iznik): Niceae Thurin hi a hming tal chu kan hre hlawmin ka ring. Sapṭawng chuan Nicene Creed an ti a, Kristian kohhran hrang hrang rinna innghahna bulpui a ni. He Inkhawmpui pawimawh tak an nghahna khua hi tunah chuan Iznik tih a ni tawh a. A.D. 325 kuma First Council of Niceae an nghahna hmun tak chu hmuh tur a awm tawh lo. A.D. 787 kuma Second Council an nghahna biak-in hi a la ding a. Hman kum lawk, 2008 vel khan an siamṭha a, museum angin, mipui vantlang en theihin an siam a ni.
Pic 10. Second Council of Niceae A.D 787-a an nghahna biak-in, Niceae (Iznik)
Pamukkale: Cotton castle an tih, tui luangin carbonate mineral a hnutchhiah chu terrace angin a insiam a, thil mawi leh danglam tak a ni. Ralkhat aṭanga thlir chuan vur ang maiin a var vo mai a, vur chu a ni der si lo. Hetiang hi Pathianin a siam uar lo a ni ang, a dang hmuh tur tam lo an ti.
Pic 11. Cotton Castle, Pamukkale
Mediterranean Sea lam hawiin The Dome Kempinski hotel bathlar aṭangin ka’n hmet chhin mai mai a…hotel chheh vel pawh hi an chei bawl nalh thiam khawp mai.
Pic 12. Mediterranean Sea lam
Aegean Sea ve thung….Kusadasi khaw daifema Korumar hotel aṭangin, a mawi khawp mai. Luxury cruise ship a lutin a chhuak chamchi reng mai.
Pic 13. Aegean Sea
Bonus: Hetiang speed-a tlan hi chuan ramhuai te pawh kan tlansan dawr dawr mai….
Similar Posts:
- Kolasib Vengthar Biak In suasam a ni leh ta!
- Khuga Dam
- Mizoram Baptist Kohhran Zaipawl intihsiak
- Mizorama Kohhran(Biak In) hmasa ber ??
- Josefa Lehkhathawn
July 19th, 2011 at 10:02 pm
ehe, ava tha ve
Report this comment
July 19th, 2011 at 10:08 pm
Hlate khaw lama vak ril ta na chuan chhawp chhuah tur tha tak i va rawn kawi chhuak hnem em! Dah that tlak a nih hi
Report this comment
July 19th, 2011 at 10:13 pm
pic ho chuan mit a titlai hle mai
Report this comment
July 19th, 2011 at 10:17 pm
hnuhnawm khawp mai….
Report this comment
July 19th, 2011 at 10:17 pm
BMW chu a tlanchak thei viau a ni maw..
. thlalak dang pawh hmuh a nuam e.
Report this comment
July 19th, 2011 at 10:39 pm
Ka lung a va ti leng e, i thil rawn post chu a..thlalak dang kan lo beisei e…. i zarah ram thianghlim kan fang ve a ni ringawt a lawm
Report this comment
July 19th, 2011 at 10:41 pm
Ka va kal ve chak em… ka thik hle mai che
An hmuhnawm hlawm e…
Report this comment
July 19th, 2011 at 10:43 pm
Hlatekhuaa zarah misual vannei tak ka ni leh ta… Ismir nula pic. phei chu han ti tel la o.. hehe. good post.
Report this comment
July 19th, 2011 at 10:45 pm
hmuhnawm hle mai …
Report this comment
July 19th, 2011 at 10:48 pm
Va’n tha ve aw, he post chu, office bang haw kawng a ti tawi tawk mai. In lamah ngun zawk in thlir leh ang.
Report this comment
July 19th, 2011 at 10:49 pm
Ka van kal ve chak em.
Report this comment
July 19th, 2011 at 10:50 pm
Izmir nula thlalak nghakin ka lo thu e>>
Report this comment
July 19th, 2011 at 10:50 pm
A va han hmuhnawmin an va han hlu em !
Report this comment
July 19th, 2011 at 10:50 pm
bonus pic(Y) BMW car chu ka va khalh ve chak e…
Report this comment
July 19th, 2011 at 10:58 pm
Post thra leh hlu tak a nih hi. Pic hmuhnawm tak tak karah thu ngaihnawm tak tak i zep thiam zel mai hi i fakawm thlawt e.
Report this comment
July 19th, 2011 at 11:00 pm
Post tha, hlu leh interesting tak ani e. Thiante sawi ang khian mi vannei tak ini e. Tin, hetiang lam ilo tui tlat hi keinin kan lo vanneih phah bawk.
Report this comment
July 19th, 2011 at 11:01 pm
Va post tha em. I ti lawmawm e
Report this comment
July 19th, 2011 at 11:05 pm
In va tilawmawm hlawm em! Ka ziak ngaihnawm ve thiam lo a, a thlalak nen tan ka la a, a la chuti teh vak chuang lo a nih hi.
Report this comment
July 19th, 2011 at 11:08 pm
Chhiar leh thlir a manhla e.
Report this comment
July 19th, 2011 at 11:11 pm
post tha lutuk…..
a dang han chhawpchhuak zel teh khai
Report this comment
July 19th, 2011 at 11:14 pm
Izmir lamtluang chu zawh ve ila chutia an nula-te an chhiat loh chuan
Report this comment
July 19th, 2011 at 11:44 pm
ka hmu ve thei lo aaaa… ka awt ve tho mai che. USA tih vel ai pawha ka tlawh chak deuh deuh hlir a ni ka ti a hming atang chuan. Mahse chennan chuan US chu thlang zawk mahna
Report this comment
July 19th, 2011 at 11:52 pm
A va tha mai mai e aw, he post zet chuh. Mit a tlai a, beng a var phah kher mai. Ka lawm e, post tupa.
Report this comment
July 20th, 2011 at 12:06 am
Engkim khi bon veeee
Report this comment
July 20th, 2011 at 12:17 am
A caption ringawt chhiar thei tan chuan ngaihruat a ngai nasa hle. A tha hle mai. Helaia kal thei bik nih chu nihlawh mange.
Polycarp-a hi Ignatia thianpa(amah aia naupang deuh) a ni a. A hming ka hmuh apiangin mi khawih zak thin.
Report this comment
July 20th, 2011 at 12:25 am
Va nuam awm bik ve aw.
Hman lai Ephesi khua a sal nih chu a va chak awm loh ve, nileng a pu te ekin thu lum tura awm chang te pawh a awm long maw.
Report this comment
July 20th, 2011 at 6:48 am
A bengvarthlakin thlalak a mawi hle hlawm mai.
Kohhran pasarihte kha fak hlawh vek, a then demawmna nei an ni … han inhriatsiak teh u. Demawmna nei ve lo kohhran eng zat nge awm bawk kha le?
Report this comment
July 20th, 2011 at 6:56 am
Pathian thu i sermon dawn emaw ka tia, ka en lawk lova Mr. chawnghilh comment tlar tir lam kan en hnuah kan hawng chhin a, ka inchhirlo kher mai.
Post bengvar thlak leh hmuhnawm tak a ni e
Report this comment
July 20th, 2011 at 7:42 am
hlatekhua # I ti tha hle mai, a hmuhnawm in a bengvar thlak hle mai…Nikum khan Kusadasi, Turkey hi kal ve tur kan nia, mahse dam sam lohna avangin kan thulh ta a, ka ui khawp mai.
Bibile chhiar mi te tan chuan a eng emaw lunlen thlak ve ngawt ang le !!
Good post
Report this comment
July 20th, 2011 at 12:01 pm
A mawi hlawmin a van tangkai ve le,a post tupa i ti tha lutuk tlats..ka lawm e
Report this comment
July 20th, 2011 at 12:34 pm
cotton castle hi ka hmu chak thlawt! readers digest india june issue ah khan tlem an lo pe a, a tuia inchiah khi ruhseh leh ruh natna nei tan a tha an ti. tunah hian mi nazawng inchiah an phal tawh lo an ti lo maw?
Report this comment
July 20th, 2011 at 12:39 pm
Ka post comment-tu zawng zawng tih theihin a fak zawngin in comment a, a lawmawm hle naa a that tawk lohna leh hmasawn ngaihna lai te sawi thin ula ka va ti em!
H.Vangchhia@28, sermon lam chu ka thiam loh zawng tak a ni!
mr.Duhlova@29, tunah lo zin la…
Report this comment
July 20th, 2011 at 12:47 pm
32
hlatekhua # Tunah rih chuan zin kual neuh neuh na tur ka la ngah deuh rih. I la awm rei dawn em? Lo zin chu ka la duh reng, ..Kusadasi ah em ni i awm ? (zawt teuh mai ang aw).
Report this comment
July 20th, 2011 at 12:54 pm
hmuhnawm ve aw…ka thil ngaihtuah mai mai thin viz. theatre leh acoustics tih vel pawh i lo contribute a
Report this comment
July 20th, 2011 at 1:04 pm
roseparvul@31, ni e, cotton castle-ah hian inchiah phalna lai bik an siam tawh a, duh duha kal kual vel an phal tawh lo. Mahse a duh apiang inchiah chu an phal niin ka hria…kan kal lai (end June ’11) kha chuan.
mr. Duhlova@33, Istanbul-ah ka awm a, mahse Kusadasi chu ka jurisdiction chhunga mi a ni.
Report this comment
July 20th, 2011 at 1:08 pm
zualbonez@34, an acoustics tih dan hi a ril raih mai tak asin. Han zai vak vak a chakawm duh riau!
Report this comment
July 20th, 2011 at 1:16 pm
hlatekhua i inchiah ve em? a tui khi hit deuh mahse thap hrut (like soda water) duh hmel e ka ti,a rim pawh a cement deuh ruih lo maw?
i awhawm hle mai ka thil hmuh chak berte zinga mi i hmu tawh bik sia
Report this comment
July 20th, 2011 at 1:23 pm
#37, ka inchiah chiah lo, a hnar lamah ka dai ve dek dek. Tourist-ho swimsuit nen an ri hut hut a, kan lut ve ta lo mai. A tuiin rim danglam a neih pawh ka hre mang lo – ka lo hnim lo a ni aw!!
Report this comment
July 20th, 2011 at 1:33 pm
A va hlu ve le he post chu. Hetianga mi thil phal kan nei thin hi chu misual ho hi kan vannei ngawt mai.
Report this comment
July 20th, 2011 at 1:36 pm
i kalleh hun chu misual ho tan a tui bottle khat lo hawn rawh aw
kan inchhin liam liam dawn nia. 
ka va’n ui tak! sawi ve reng rengah lut ve la, han dai haak bawrh bawrh la a tha tur a nia. cotton castle pic dang ka lo chang e. 
Report this comment
July 20th, 2011 at 1:40 pm
35
hlatekhua # I ti lawmawm e, i awm chhunga lo zin ngei tur a nih chu…Nikum khan, Leader Summit Kusadasiah khan an nghat a, Ka chance ka hlauh ta rih a ni.. Istanbul chu lo thlawh luh hmasak kha a ngai reng reng a..
Damteiin lo awm la…ka la rawn lang ve hram mahna…
Mahse thlalak mawitak tak atangin, min fan pui tho chu a nih hi..
Report this comment
July 20th, 2011 at 2:13 pm
Ngaihnawm/hmuhnawm in a bengvarthlak kher mai. HVa ang deuh hian keipawh Pathian thu un deuh tak anih ka ring a ka lo en tha peih lova, mahse ka rinloh lam daih a ni.
Nula hmeltha deuh thlalak pakhatmah a dah tel lo hi chu a Post tupa hi ka dem khawp mai.
Report this comment
July 20th, 2011 at 3:28 pm
Post tupa, i va han post tha kher em !! Post tha ber of the year ah ka thlang che. A bengvar thlak a,mit a tlai bawk e.Rotling thil a ni e.A dang pawh han ti zel teh khai,hlatekhua a tang khan…malsawmna min thlen e.
Report this comment
July 20th, 2011 at 3:34 pm
Bakvawmtepu@43, ka lawm lutuk. I fel mang e! I nickname hian lung a tileng; naupan laia ka pi thawnthu min hrilh thin lai min ngaihtuah chhuahtir.
Report this comment
July 20th, 2011 at 3:42 pm
He post-ah hian tihsual palh ka nei tih ka hrechhuak chiah…Baptistu Johana thlan ka tih khi Isua zirtir Johana thlan a ni zawk. Tihpalh liau liau!!!!
Report this comment
July 21st, 2011 at 6:59 am
Efesi han tih ringawt pawh hian tinzawn kan nei thup awm e. Mahse rin loh deuhin ennawm ngaihnawm zetin min hruai daih mai. mi(sual) ho vanneih zia hi, @hlatekhua komen pawh hi tawngkam a chhep thiamin a ngaihnawm hran pa. Niceae Thurin etc Nilai zan thupui hawngtu ah pawh iaiawm loh fahran a ni. A kal lo tan pawh kan chiang thar Aegean Sea, Mediterranean Sea.
@ Duhlova, i zawhna khi i inthlahrung a nih khi. hlatekhua phalna ka la hmasa hran lova i hriat chian duh chuan Istanbul, Turkey a Indian Consulate ah tunge Consul General zuk zawt teh an lo hre khawp ang che….
Report this comment