mi(sual).com

Nikum lamah Ho Huang hi kan ti tawh a, kum khat hnuah hei ka’n ti leh a ni a, kan la dam zel a nih chuan nakkum tun ang hunah a chhunzawmna kan la ti leh mahna. Tun laia misual.com-a hming lang tam deuhte chauh kan ti ta mai a ni e. Tu’n huat awih lohvah!

Alanism theory – Mahni thiante kehniak i hnim zoh zoh duh hmêl.
Asteric – Thla bial zân thla êng hnuaiah chung lam en dauh dauh chungin, “Chhi uar fú ni!” i tih chhut duh hmêl.
Atom c – Puzawnte hmuhah mark that nan tiin i inuisalehlin thurh thurh duh hmêl.

awmawmpuia – Mitthi kuang zâwn chungin i faifûk rût rût duh hmêl.
century child – Lengkhawm hla-ah part i lo pêk rút rût duh hmêl.
Chemtatrawta – Khawhar in riahnaah tho â-in chaicheh nen thiante tiltë cheh tur i zawn ruai duh hmêl.
ChhanaPa – Khawlai lènnaah bata silipar i khum vú duh hmêl.

chhangteval – Krismas zânah ar kan pui tur nei lovin ar i pawm khuan âl âl duh hmêl.
Chhuaklinga – Zing exer la turin torch light nen i thawh chhuah khut khut duh hmêl.
coolsoul09 – Nangmahah hian thlarau rethei 9 a awm duh hmêl.
doc_lib – Chhûngte thih thlalaknaah style tâwkin ban i phar huang duh hmêl.
eL – Chanchinbu-a êk paih ho number i miss call zuk zuk duh hmêl!
EmEich – Mahni horoscope chhiarin mahniin i nuih vur vur duh hmêl.
flying – Nau awm nan spiderman lema changin liangah i ban zut zut duh hmêl.
hiho – Forest check gate-ah “Ram leilung fate tân inenfiah vak kan tul ve kher em ni?” tiin gate duty-te i ànkhum lûng lûng duh hmêl.

Hnam Sakhua – Chapchar Kût lawmnaah mittui tla zawih zawih chungin parh hãwrh hãwrhin i làm dãrh dãrh duh hmêl.
Ignatia (33-115 AD) – Naupang kum 5 mi rual zîngah thu sawiin, ‘Tichuan e unaute u, kan Lal Isua tuarna khan khawvel a chhandam asin!” tiin râwl tâwp tâwpin i au piap piap duh hmêl.
Jacka Pi – “Lu-a kelsam to chu ropuina lallukhum’ an tih kha lo hre vein ‘Vun-a kelsam to chu ropuina lallukhum” i lo tih ve char char duh hmêl.
jellybaby – Pen hmawrhah nawhreh i tawnbeh tãt duh hmel.
johnny_ralte – Restaurant-ah tumbu i lam chut duh hmêl.
KingJulien – Khawsik laiin kâng damdawi i ei zoh zoh duh hmêl.

lamea25 – |hiante nena nula rîmnaah thiante leh nula rîm i entawn zuk zuk duh hmêl.
Lamji – Butterfly hi Mizo tawngin ‘Sap saum thlâwk thei tihna’ emaw i tih tlat duh hmêl.
levodopa – Kawnghren thar neih lawm nan i jacket i thun tût duh hmêl.

lr hlonchhing – Vai thirchhe zawng ho phone number i kawl ruih duh hmêl!
lrpa – Nghathu rep hmawm hmarh hmarh chungin “Lui lam sa ka ei ngai lo” i tih zut zut duh hmêl.
mach3 – Mathematics zirtirtu interview-ah “Mathe chu ka thiam lutuk,” i tih thàwp sät duh hmêl.
malsta27 – Chawlhni vawi khat dal hmeh loh avângin chawlhni vawi li i tihtauh tlat duh hmêl.
Marvinic – Chaw eikhâwmnaah a tho tlai bera tan chu a zahthlâk ngai e tiin a hmanhmawh zetin lian tâwk tâwkin i bâr mawlh mawlh duh hmêl.

mate ainawn – Thu sawp nuaih chungin zawhte thi bulah i tah karh karh duh hmêl.
Maya – ‘Pavalai Pawl dirver-ah a zâwnin kum 5 ka tling îk bîk’ i lo tih ve chhén duh hmêl.
nastycool – Mi ina i lên dawnin doormat i zuankân hloh deuh hmêl.
paeia – Lawithat zânah i tihtauh bur duh hmel.
Phivawk – Anthur tui lum hi bawng soup hâwpin i hâwp nghek duh hmêl.
phawkars – Restaurant-ah artui hmin sa i lâk ruk zuk duh hmêl.

PimPom – Kohhran hmeichhe inkhâwmah biang puar pawp pawp chungin pulpit i chumrîk dum dum duh hmêl.
PKFanai – I hmui pawrh dân leh i hnar bang chhah dân atanga en chuan vaihlo tui leh tui lo i hriat zék duh hmêl.
Professor Lalrihema – A hming diktak chu Lalrihem hema a duh hmêl.
rohlupuia chalrang – Chhas-te bula chêtchhiat avângin mahni khumlaizâwla rizai hnuaiah lei i chhuah zuk zuk duh hmêl!
saint sammoo – Good Friday-ah Isua tuarna tâwmpui nan inkhâwmnaah hlîng lukhum i khum vú duh hmêl.
Saitawk – Football khelhnaah ballboot êng thei i bun-èn phét phêt duh hmêl.
SaNgpuiipa – Sarep rawh ruk haiin a meiling zawk i hmuam thuih duh hmel! I àn hlui hlui duh hmêl bawk!

sheldon 170 – Vawi khat inlêng neih avângin i hriatchhuah châng chângin i keh hui reng duh hmêl.
Soberboy – Naute birthday lawmnaah i lâm vak vak duh hmêl.
Sony – Tuibur hi vaihlo soup i tlat duh hmêl.
superpinqponq – Mi motor ding lai side glass-a inen chungin i hmai arngêng i deh mual mual duh hmêl.
swiftymcvay – Tattoo kurtai lem i neih tût duh hmêl.
troxx – Lênkhâwmna hmun kil khatah ‘David C0pperfield-a Mizo hming hi Davida Darsenkhura’ i lo tih chhén duh hmêl.
vakul – Vawksa rêp chhumah a ngûm i zawn dûk dûk duh hmêl.

Similar Posts:

• Pi Hmingi âr vulh – ramtuilei lo
• Ho Huang
• Lâwm hle rawh!
• Thupêk pathum
• Nupui nei ve rawh u!

Recent Posts:

• Mipa hi…
• Han ngaihtuah ve chhin teh u (A peih tan)
• Facebook ka luhchilh ve a.
• To the misualdotcommers – II
• Paws mai mai – III

This entry was posted on Saturday, October 1st, 2011 at 11:00 pm and is filed under HAHAHA. You can follow any responses to this entry through the RSS 2.0 feed. You can leave a response, or trackback from your own site.