Thiante’n min nawr min nawr ta chu, Facebook Account te ka han siam ve ta nge nge a, chutah tel ve se min tihna Group 10 dawn lai maiah min han ADD ta zut zut mai a. Pakhat ringawt pawh chai fe tham a lo ni si a, Lu a hai duh ang reng ta zawk hial mai. Group thenkhat phei chu ka tlawh peih ta mang bar lo.
Misual.com ang thovin ka luh tharna group apiangah ka han tlangnel nghal em em ringawt zel phawt a. Zan hnih chu ka han tichhin ve ta a, Chuta ka thil hmuh thenkhat ka han sawi mai mai ang e.
(1) Facebook ani bawk a, Thlalak an lo nei vek mai a, thenkhat chuan anmahni thla an hmang lem lo va. Mahni thlalak fuh deuh ber an dah theuh tih a chiang khawp mai. A tak a chhe ve te te pawh, an lang keu vuk vek mai. Thlalak(Avatar?) atanga inzawn ngawt chi chu ani lo ang. Hehe. Keipawh ka thlalak neih ho a reitawh hlawm lutuk a, Keima mobilein ka han inhmeh ngei a, Keimah tak tak ai chuan ala naupan hmel thovin ka hria. Lol.
(2) Misual.com nen a danglam hlawm na chu, Post a tawi thei hle a, tlar 2/3 lek lek an ni fur mai. Tin, enter hmeh rual rualin a lo chhuak nghal zel a, a kal zut zut mai a, Lu a tihai deuh. Comment lah chu ho ang reng te te, a kal zut zut mai bawk a, pui miah miah tak a ni.
Misual Admin ten uluk taka an scheduled thin hi alo tha hle mai. Mahse, Post sei vak tum hlawm lo ila, tlar 5-10 vel te te pawh hi thehlut zung zung ta Ila, tun aia zing deuh hian Post hi chhuak thei ta se, a tha awm mang e, ka ti rilru deuh.
(3) Kohhran Group tih loh chu thalai fuankhawm ngang anni a, an nawi ang reng khawp mai. A lehlamah chuan, misual.com hi kan duh ulukin kan ti khun-khan sawt lutuk em? Naupang zawk leh Thalai hawklak ho kan nekchep lutuk deuh em? Tih ka ngaihtuah na sa mai.
Upa lam te hian naupang lamte hi hriatthiamna zau deuh hlek nei ta ila a tha dawnin ka hria. Kan Nula on-line thin neihchhun ber Rempy pawh hi, a Comment reng reng hi Missionary Nula tam tak comment aiin a puitlingin, a zahawm tlat mai a, Thalai ho kan hip lo tial tial mai ang tih ka hlau thawng deuh.
(4) Ka han tel tan dek dek a, Pathian thu lamah ka mit timim ka hmu ka hmu leh ta mai a, ka han hnial deuh chuan, an dang thuai mai si a, mahse, mi chiang deuh deuh a hnial dan pawh hi mi kan hnawt ti zel ang tih ka hlauthawng deuh bawk si.
(5) Facebook tih takah Thlalak a lang chiang ang reng hlawm a, atha viau. Misual-ah pawh hian A Post-tu Avatar te hi lian deuhhlek hian awm thei thin ta se, Comment tute thlalak(avatar?) pawh hi a size hi tilian ta hlek ila, a attractive deuh ang em?
(6) Mi rilru tina thei awm ang tur chi comment chu an delete chak khawp mai (Kohhran bikah). Misualah pawh hian Comment hriam lutuk deuh delete hi inthlahrung vaklo ta ula kan thatpui zawk ka ring.
(7) Like /unlike button bawk hi, a tha ka ti riau mai.
Chuan, ka thutlukna chu, Kohhran Group-ah bak chuan tel vak loh a lo ni ta a. Misual.com hi a lo nuam ber mai tih hi a nita a ni.
In duh duh sawi ve rawh u le.
Similar Posts:
- Combined Post – Help!
- Hming chungah thlalak an dah ang hi i duh ve em?
- Facebook vang vek…
- An ti – Facebook
- Re-re-re-reply to Changes
January 5th, 2012 at 10:32 pm
Facebook tih hi zawm tur..
January 5th, 2012 at 10:40 pm
Post chhuah zin deuh tih hi chu Sheldon-i nen in inchaltauh nghal.. 🙂
Upa ho hian naupang deuhte hrethiam deuh ila i tih pawh hi Tuaisiala chuan upa deuhte hi rawn inrawlh lehzual deuh teh u a ti bawk.. 😀
Thlalak tih len deuh tih hi ka pawmpui riau. Pawmpui lo turte chu hmulphurh chhe deuh leh hmai kimtlang ho deuh leh sawrbawk deuh ho an ni ngei ang, ka hnua rawn comment zingah.. 😛
January 5th, 2012 at 10:40 pm
@chemtatrawta, Ka ziahzawm lo a mi? Khi a inzawm reng khi. ;-(
January 5th, 2012 at 10:41 pm
Misual a tel peih lo leh tel ngam lo hi Facebook ah an tam lutuk 😀
January 5th, 2012 at 10:41 pm
#3 Pu PK ka edit hihihihiih (C)
January 5th, 2012 at 10:42 pm
Pu Pkfanai, atir khan a inzawm lo a, tun maiah khan a rawn inzawm..sorry, my dear.. (Y)
January 5th, 2012 at 10:46 pm
Pu Pka pawh a fb hnu ah chuan ‘lol’ te a hmang ve tawh vel..hahahaa
Tunlai chu fb a lar bawk a, misual ho pawn kan sawi tam ber pawl a nih hi a 🙂
Pu Pka facebook profile name hriat a han poke vel chhin ka chak 😀
January 5th, 2012 at 10:51 pm
Ṭhalai nun zir nan chuan a á¹ha ber alawm. Tun hma angin ka online in ka chat ngai ta lova mahse mi status update leh rilru sukthlek te hi chu ka thlir ve reng zel. 🙂
January 5th, 2012 at 10:52 pm
|Keipawh i sawi ho hi Ka hmuhdan chu ani e… Ka hmang tangkai lem lo.. ahlimawm thung. (Y)
January 5th, 2012 at 10:54 pm
Pu Pka a awm loh chuan Misual hi a reh ruih thin in ka hria! Pathian thu lam post anih phei chuan a comment hi ngun deuhin ka chhiar thin, tha ka ti thei em em tih ka rawn puang e!! 😀 Tuna fb atanga i va zirchhuah pawh hi tha leh pek e..
January 5th, 2012 at 10:54 pm
Pu Pk, va facebook kual vel lo khan misual mai mai teh. I phun i phun mai ang…haha
Fb leh Misual hi chu tehkhin ngaihna pawh ka hrelo. Misual hi chu a ‘calm’ ruih a, naupang te te misual peih hi chu naupang puitling tak an ni zel.
January 5th, 2012 at 10:58 pm
Sheldon, i sawi hi TSA, Asteric, Soberboy, badboy, pangtichawr,ltachhakchhuak, adt ho en hian a va han dik tak… Naupang te te ho hi an puitling zek hlawm ania. Keini rual an rawn nih hun chuan an fip fang tawh hlawm ang. 😀
January 5th, 2012 at 10:59 pm
@5. Aduhi, i sawi hma lutuk a, chemtatrawta han hawihaih tir deuh tur asin maw le. Tan ngaihna a awm dawn der si lo va. Hehe
January 5th, 2012 at 11:01 pm
@chemtatrawta leh… 😉 Ka junior in ka junior a ti che 😀
Kan banner chu ka va nui nasa veee…. a ti tupa sandman-a nen inhmeh tawp 😀
January 5th, 2012 at 11:03 pm
Pu pk, kha chu source ka nei dawn hauh lo.. Bakah, keini aam-aadmi tan chuan aduhi sawi ang chi kha chu “Pata se Bilkul nahi” hi a ni ringawt. Kan lo uicho riltam thut ve phuau ringawt zel. 😀
January 5th, 2012 at 11:05 pm
Tsa te ho in a vawihnihna atan an account an deactivate tep tawh hnu ah i lo nei ve chauh animaw ku Pk, hehe
January 5th, 2012 at 11:05 pm
Keipawh misual.com hi nuam ka la tiber e. FB zawng ka lut zauh zauh chauh a ni.
January 5th, 2012 at 11:12 pm
“Character puitling leh zahawm tak neih i duh chuan, misual ho zingah tal tam rawh”. Tin, “tunlai thangthar zia i zir duh chuan, facebook atangin zir rawh”. Tih thufing thar kan chher mai dawn a mi?
January 5th, 2012 at 11:21 pm
Pu pkfanai..”Rualpawl nan facebook la, zahawm turin misual.com rawh” ti zawk teh ang.. 😛
January 5th, 2012 at 11:22 pm
Pu Pk, misual.com leh facebook hi tehkhin teh suh! Facebook lama tlar hnih khat vel lek an post thin vanga misual.com-a chutianga tih chu a tih hian a tih chi loh lutuk! Thu tha tak takte kan hmu tawh nang le! Facebook-ah chuan article type chu note-ah lo chuan a post theih loh hrim hrim alawm. Facebook-ah chuan kohhran lam hawi group lovah chuan MIZO IT HELPLINE te, IT FOR SHARE te, HRISELNA HUANG te, BUY AND SALE te, ZORAM THLIRTU te, ZORAM TAN te, CHANCHINTHAR group hrang hrang te, FIAMTHU group hrang hrang te hi an tha a, member nih man a awm. A dang pawh group tha tak tak a tam mai. Tin, misualdotcommer tan MISUAL.COM LOVERS a awm a ni awm e.
Sangpuiipa, i ngeiawm!
K’u Trawta hi aw..! I thlalak ka la kawl reng a nia, ka phawrh vaih chuan! 😀
January 5th, 2012 at 11:23 pm
Pu PK nun puitling hi enge? In hmuam up reng hi emni nidawn? mifing te bula tlat tam hi emni ni dawn?
Kan Pastor boral ta leh pastor kan neih tawha á¹ha ka tih leh ngaih em em mai chu 2009 kuma boral ta Rev. H.Zalawma kha a ni. Pastor upa tawh tak ni chung si khan á¹halai ten kan ngaina em em a, a bulah ngaihzawng lama buaina nei thlengin sawi ngam loh an nei lo ti ila ka sawi sual awm love. Chutih rualin thu tak kawngah chuan Pathian thu lama ril em em ATC ah te pawh Lecturer ni tawhin velore ah te pawh Chaplain rei tak a lo ni tawh a. Tuna kan Kohhran Pastor zinga mithiam kan ngaihsan em em Rev. L.H. Rawsea pawh hian pulpita mittui tla meuha “Ka pu awmlo hi chu ka ui hle mai” a tih kha a ni a. Chu kan pastor kalta nun ka ngaihtuah hian intih thutak leh intih zahawm tum avanga inserh hran chauh hi puitlinna a nihlohzia ka hre chhuaka, Lal Isua khawsakna hmun leh a kawm á¹hin te ka ngaihtuah pawh hian puitlinna hi engkawng chiah nge tih hi ngaihtuahna a ti thui khawp mai. Zahawm loh kan hlauh luatah kan hlauhawm ta á¹hin ni te pawhin ka hria. (duah maia) 🙂
January 5th, 2012 at 11:27 pm
Keini ang mithar zakzum leh tawngkam thiam lo tan chuan in komen lo like keuh na tur hi chu awm thei se o te ka ti ve mai mai…FB leh Misual hi chu khaikhin viau pon a kalphung hi a danglam khop in kan hre ve mai mai a..
January 5th, 2012 at 11:31 pm
FB ah pawh thui deuh chu post theih e. Note lo pawn
http://www.facebook.com/misual/posts/324102870944970
January 5th, 2012 at 11:31 pm
TSA hi nula bulah a hnip tlat e tihloh chu, kawng engkimah hian ka fak ania. Misual.com “Navratna” thlang dawn ila ka favorite chu a ni ang, pu pKfanai nen hian..
January 5th, 2012 at 11:33 pm
Sadbutt, vuak zawi deuh i ngai dawn em ni chu?? 😉
January 5th, 2012 at 11:36 pm
Mak nuai2 ve awww vawiin chu facebook lam hlirrrrrrr…. 🙁 facebook my ass.. :[
January 5th, 2012 at 11:38 pm
Hei a sir a in thil dah thar hi a tha reuh hle mai, admin te u.
@ts, 😛
January 5th, 2012 at 11:39 pm
ReMpy pawh hi inhmuam up a tum lutuka Pehlawn ah Nghapih ka zawrh san daih ang 😀
January 5th, 2012 at 11:40 pm
ka van misual khat tawh tak 😛 ka FB tluk2 a tin ni
January 5th, 2012 at 11:44 pm
10. Mambawihi, i ti zahthlak zawk na a, min ti lawm vur vur viau mai. @Aste, nungchang zahawm hi a awm tlat a lawm. Hna sang tak thawk tur atana Interview an ngaihpawimawh em em chhan pawh hi a ni. Zir theih anìh bakah environment leh thiankawmte influence hi a chak em em a ni. Rawngbawltu/Ringtu tha erawh chu, Lawng ang a ni a, Lawng chu tuiah a awm tur ani a, Lawng chhungah tui erawhchu a lut tur a ni lo. Fb hi Ts an kumthar thutiam min siam sak ang deuh khan rawngbawlna atana hman tangkai dan tur erawhchu ka melh ru deuh ang.
January 5th, 2012 at 11:44 pm
Soberboy hi ka kohchhuah.. 😛
January 5th, 2012 at 11:46 pm
ka awihlo Tatrawt 😀
January 5th, 2012 at 11:48 pm
#25 Chemtat..ka zing tho hi chu ka zawi sa ve khop mai 😀
January 5th, 2012 at 11:49 pm
Ehh..post ka chhiar a, ka tawngkam a lo puitling khap2 viau ni maw??? 😀 :intithei:
misual nula sawi tak chuan littlerascal hi a ngaihdan leh ngaihdan nilo deuh tlang taka sawi pap2 thrin kha nia, ka tran ru thei ltk a, 2010 vel khan.. Mse tunah chuan a ni tawh miahlou.. OT ngun list ah a tel…lolzz
anonymity neih hram2 a thra ka tih thrinna pawh tunah chuan a lo lang tran ta in ka hria., inhria kan tam tawh ltk a, debate leh han inhnial deuh rap2 te a awm ngai ta lo re2..kan hnialhrat Zualbonez a reh bawk si… Post sensitive deuh te hi kan hlau ta lutuk a mawni aw ka tia, heyh jishh post a vang tawh e maii 😀
January 5th, 2012 at 11:50 pm
Soberboy leh Sadbutt hi nu hmun lo pahrang a mi? 😉
January 5th, 2012 at 11:50 pm
Sangpuiipa, misual.com tana kumpuilingleta thahnem kan ngaih rah a nih hi.. 😛 Zanin pawh comment teuh te’ng!
January 6th, 2012 at 12:13 am
Kei pawh fb ka lo atchilh rei lutuk thin a, tuna chinah chuan misualho hi finchilh tawh tur in ni, ka lo vakbo rei em ani.
January 6th, 2012 at 12:15 am
@PKfanai….eg. Mi thiam leh zahawm vawrtawp ni la tute zingah nge i tlat ang, nang aia mawl leh engmah la hrelo te a nih ka ring. Thiamna leh zahawmna ila beiseia ila indah hran chuan ila zahawm tawk lovah ka ngai. Chutak chu Lal Isua nun pawh kha a ni, Thiamna leh zahawmna vawrtawp nun nei tu a ni a, inti zahawm leh turin Sanhedrin leh Pharisai te a bel reng reng lo, mi zahawm tak chuan inngaihtlawmna nen mi mawl te lak ata inthiarfihlim lovin a bel á¹hin tih hi ka hmuh dan a ni ve tlat a ni. Sakhaw rawngbawl tu tan chuan a pawimawh lehzual. 🙂 Keichu Pathian ka hmuh dan hi a dang tlat a nia, finna te hi Pathian neihloh chuan engahmah ka ngai lo, Solomona pawh a finna ngai reng chung si khan a mangang em, Pathian thlaravin a kalsana a finna in a chhandam lo. A finna a a hmuh chhuah lian ber mai chu a rilru a vah zau pauh leh “engmah lomai” tih zel a ni.
(Ka thu sawi hi catch a har thei a nia aw 😀 )
January 6th, 2012 at 12:26 am
Facebook ka hmang tangkai hle. Group erawh min add nazawng ka zawm kherlo, ka chhuak daih zel.
January 6th, 2012 at 12:28 am
Liandova tih hming pu nazawng hi ka u a ni kher lo a nia. 😛
January 6th, 2012 at 12:28 am
in comment a nawi hlawm e mai ka comment lo mai dawn emaw ni chu le (H) 😉
January 6th, 2012 at 12:37 am
OT…Hmanni chu Elementary Particle class ah ka á¹hu ve a ka ngaihtuahna a ti kal thui khawp mai, Pathian awm leh awm loh thlengin particle physics hian alo chhui ve ania….nakin ah ka la rawn share maithei ni pu PK tan hian..hihi. Mit a thip leh á¹an ta (H)
January 6th, 2012 at 1:51 am
Anni an awm na hmunah,keini kan hmunah. Misual leh FB khaikhin awih tawh loh. 😉
January 6th, 2012 at 6:30 am
Fb hi account ka nei ve a ni mai a, misual.com aia nuam a awm chuang lo. Zep lovah chuan, fb chu a ho ka ti.
Pu Pk, misual char char zawk rawh, i tello chuan misual.com hi a ruak tlat thin a nia.
January 6th, 2012 at 7:20 am
Ka hmelhriat pakhat chu facebook a thlalak upload tur hrim hrim atan shooting a neih bakah hemi pual hian thawmhnaw a lei thin.. Hrat ve tiah tiah…
January 6th, 2012 at 7:37 am
Comment ka chhiar hman rih lo. Facebook i luhna an nawi hle mai chu a zia lo ka ti. Facebook-a group thenkhat hi chu nawi fe fe chu an awm ngei mai, tin, mitin chi tin chi tang fuankhawmna ngang hi a ni a, nawi tawk chu an awm nameuh mai. Amaherawhchu chanchinthar chawpchilha inhrilh nghal zung zung theihna group ringawt pawh eng emaw zat a awm tawh a ni. Eg: Nizan hmasa-a Maubawka in kang chungchang pawh kha, a kan lai la la khan kan lo hre ve nghal zel a, a thlalak nen update reng a ni bawk a. Tin, kei phei chu Madawngi Thomte khan a lo online ve mek avangin ka va chat a, ka hriat duh kha min rawn hrilh nghal zung zung bakah, group tha leh zualah min rawn add nghe nghe a, a chungah pawh ka lawm viau a ni.
Tin, kei ngei pawh hi group 17 niin ka hria, -ah min add ve a, luh ngai miah lohna te pawh ka nei ta teuh mai. Group tin mai hi fefai tur chuan beisei ngam chu a harsa ngawt ang, amaherawhchu a group nawi zualah i lut em maw ni chu aw ka ti mai mai.
Misul.com hi chu main-ah hmang tho mahila, facebook lam hi a nuam tih zawk tlatna ka nei a, chu chu hei hi a ni- Fb-ah chuan kan hnam nun leh kalphung siam that nghal tul ngawih ngawih a tam em em vang a ni. Eg: tunlai sms type ti mai teh ang, hawrawp kim lo hman hi a dik lohna pawh lo hmu pha tawh mang lo, ngaihdan huaisen tak taka sawi ve phiar phiar lawi si, kan thalaite zimgah hian an lo awm teuh tawh mai a, hengte hi siam that chawpchilh nghal tul em em a ni tlat. Hei tak hi ‘a nawi’ ti duh tan chuan a tih theih ang. Thil reng reng puitling sa aiin siam puitlin hi kei ka tuipui zawng a ni ve hrim hrim a, amaherawchu puitling tak kianga khawsak hi a hahdamthlak chu ka ti fe zawk. Tichuan facebook nuam zawk ka tih chhan chu hrethian duh tan chuan a chian mai ka ring. 😛
January 6th, 2012 at 7:45 am
38 @ Asteric (Y) (Y) keiman ka catch e hehe…
January 6th, 2012 at 7:51 am
FB hi chu ninawm lai deuh a awm a, nawm lai deuh a awm a. Group ah hi chuan ka tel vak peih lo, min lo add ve del dul a, ka awm ve mai mai a. Mahni status hi update sek ila a nuam ber. Serious deuha group a inhnial te chuu a la hla khawp mai.
January 6th, 2012 at 8:38 am
a va mak teh sek e, log in that ziah a ngaih chu le 🙁
post tupa facebook id ka hre rin ran…mahse la add lo 😉
misuala khunkhan taka awm ai chuan facebooka nawi mai mai hi anuam ka ti zawk!
January 6th, 2012 at 9:11 am
Engkim hi a hmangtu leh kan hman da a zir ni e.
Facebook hi keima phak tawkah chuan ka tangkaipuiin, hman pawh ka hmang nasa. Ka mut dawnah leh ka thawh hunah ka lut ngei ngei thin 😀
Group hrang hrang ah min duhsaktu te’n min lo telh (add) ve thin a. An post-te ka tuipui lam a nih lem loh chuan ka chhuahsan (leave) mai thin. Chutih rualin, group 4/5 ka awmna erawh ka post tam a, ka hawng tam bawk.
Nia, thian te’n an sawi tawh angin, online-a ngaihdan sawi huai fe fe, a taka kawm dawl leh silo te an awm nawk. Chutiang ah chuan a upa leh thil hre zawk te’n zaidawh taka kan hrilhfiah a tul fo. Anih loh chuan, Pu Sandman-a (?) post tawh ang khan, kan sawi chhuah duh ngailoh pawh, computer-ah kan chhu chhuak mai thei si a. Rin aiin rilru inhliam palh pawh a awl phian.
Misual.com hi account ka neih hma atang tawh in ka lut ngun hle, chanchinthar ka lakna tam ber pawh a ni (facebook-a regular viau e ti lovin, chanchinthar group. adt ah ka tel lo, ka chhuahsan daih.. :-O )
Chuan, thenkhat tan chuan, nihna inhriat avang a ngaihdan sawi/ziak chhuak tim deuh pawh an awm thei, mimal duhdan a ni thei ang. Englekhawle, misual.com a len luh a nuam ka tih angin, faccebook luhchilh pawh nuam ka la ti zel e kei chu… 😉
January 6th, 2012 at 10:02 am
January 6th, 2012 at 10:04 am
Dar 10 ani tawh na a, phek tharah “Good mornig” ti ve chhah teh ang. Like theihna awm thar chu ava tha em. Pathian thu lamah te comment tam lo mahse lo chhiartu an tam a, like tu an awm nual tih hriat chuan a nuam ve tlat. Post tu tan satisfaction a awm ve tlat.
January 6th, 2012 at 10:21 am
Misual.com nawm/that na…
Facebook-ah hian ka thuziak ningnel leh belhchiandawl lo ve tak tak, te hi note siamin ka post ve zauh zauh thin. Ka thiante ka tagged kher loh chuan chhiar pawh an chhiar ngailo.
Misual.com ah thung chuan, a ngaihnawm loh leh a mawl ang ang in, a fak leh sel a awm thin a. Hei hian, ziaktu tam tak te min fuih in ka hria.
January 6th, 2012 at 10:25 am
@53.Mahminga, Faebook-ah chuan, “Ka Lu a va na em” tih ringawt va post teh , thian i ngah chuan an rawn comment sup sup tho ang.
January 6th, 2012 at 10:27 am
Ku pka chu in fb vel chu i inhmeh lo e.
mahse i rawn rah chhuak tha e. 
Misual.com hi a lut thin leh a hming chauh hria pawn an ngaisang hle, tih a takin ka hria a ni. A saptawng takin, ‘Always misual’ ni tawp mai, kei zawng.
tren tren.
January 6th, 2012 at 10:33 am
Facebook
Misual.com
January 6th, 2012 at 10:34 am
@Chhuaklinga, misual.com hi chu “a eng tawh” , Ramthim chhah zawk lam su tur hian Asteric leh boihapa te hian min phut riauin ka hria.
January 6th, 2012 at 11:01 am
@7.chhangteval, mn lo ‘poke’ kual vel palh hlauh ange aw.
Pathian thu lam kan han sawi a, Zawhna awm anglo lutuk an rawn zawt thinte hi ‘poke’ in tih chu ani em?? A tawpah “Ka mu tawh dawn a, naktukah in comment te ka rawn review leh ang” ka han ti a, 3 in an rawn Like nghal thawt a, ka lut leh ta miah si lo a.(inthiamlo). Min chhaih(poke) vel kha nuam an ti nge? Pathian thuah an lo tuihal tak tak a, min appreciate tak tak tih pawh thliar thiam a har. 
January 6th, 2012 at 11:18 am
kum 2005 (?) vel atang khan facebook account hi ka lo hmang tawh a. Tangkai tak in, hnathawhnan , information share tlan nan leh collect nan te ka hmang thin a. Tunhnai kum 2 vel chhung erawh hi chu hlawkpuina em em ka neih ka hre lo. Inchhaih kual nan vel mai mai ka hmang ta ber niin ka hria. Tunah chuan ‘leave’ la ve tawh ila ka ti. Facebook chu han chawlh san ve em em tawh teh ang.
January 6th, 2012 at 11:47 am
Ka FB awmna group ho chu ka tana tangkai tur hlir an ni. Tangkaina nei lem lo a ka hriat chu ka leave daih zel,min add tu te zahawm viau thin mahse wall a hnawk mai mai..
January 6th, 2012 at 2:35 pm
# 54.. Pu Pka em em chu a..
Ka sawi ta sa sa…
1. Facebook avang hian, ka thiante birthday ka wish tam phah (phone a message chhut keuh keuh ai chuan a awlsam zawk a)
2. Facebook group bikah hian BMCF, BMA (Bangalore Mizo) hi Mizo te tan a hriattur, rawngbawlna, adt kan post thin a, a tangkai khawp mai.
3. Ka tana tul tur bak hi chu notification ka block vek a, a tial ve nuai lem lo.
4. Lunglenna chungchang emaw han post a, kan dinhmun min hriatpui a min hnemtu te thuziak hi chhiar a nuam thin.
January 6th, 2012 at 2:43 pm
@61.Mahminga. Thil hi chu a tha lam leh a thalo lama hman theih vek hi a ni a, Facebook te pawh hi a tha zawng leh tangkai taka hman theih anih hi chu a chiang reng mai. Keini pawn thil inhriattir zung zung leh, thil pawimawh leh tul inthawn zung zung nan kan hmang tan.
January 6th, 2012 at 10:54 pm
He post comment tu zawng zawng te, fb lam atanga lo ‘Like’ tu te leh Silent reader zawng zawng te, Lawmthu ka saw e. In Good night leh phawt mai ang u aw. Lalpan rem a tih chuan, Naktuk lamah kan inkawm leh dial dial dawn nia.
January 6th, 2012 at 11:00 pm
Pu Pk chu mut hma i tum emai, kan la meng dawn chaug asin.
January 6th, 2012 at 11:03 pm
Keipawh mut hma ka zir dawn
Mit ko hnuailam vun a in thlep ve ṭan tlat, tarmit lah hi ka bun ṭha peih der si lo 
January 8th, 2012 at 2:33 am
Hei hi ka la comment lo..
fb han luhchilh chu a ropui hle mai
fb a community, mizo bik tan chuan zia hmel ve deuh deuh, Minister te pawn thil an post na te a awm ve..mahse a laktlak chuang lo..a nep em em ringawt..politics MNF..congress tih bawr velah a tawp tho tho..
Kan ho tlang anih hi…
January 8th, 2012 at 8:56 am
@66.lrpa, Nia i ngaihdan hi ka tawmpui viau mai che. “East or West, misual.com is the best”. Mahse, mi ningkhawng hriat nan chuan fb chu a tha ve tho a lawm.
January 10th, 2012 at 3:50 pm
FB hian mit a tikham ve pangngai khawp mai. Han chhuahsan daih lah hi ka la ui deuh sia
January 10th, 2012 at 4:00 pm
@68.lianchhiara,misual a reh deuh chang a han fan kual ve thuak thuak te pawh a nuam vetho alawm tiraw.