Lunglei District Youth Congress Committee (LDYCC) chuan MZP nena an buaina kal zelah hetiang hian thuchhuah an siam –
MZP Gen Hqrs hruaitute Tlabung kal chungchanga thu kal zelah keini LDYCC chuan kan thiamlohna kan hre lova, thil tisualtu zawk chu MZP Gen Hqrs hi an ni. MZP Gen Hqrs hruaitute`n thiam lo an intih avanga Lunglei SP zahawm tak leh kan Magistrate zahawm takte leh LDCC-a kan President leh hruaitu dangte awmlai ngeia ngaihdam dil ngai khawpa an awm hian an thiam loh zia a tichiang hle a, thu dik hre duh tan kan SP leh Magistrate zahawm takte hi englai pawhin zawhfiah theih reng a ni.
MZP-te hian Tlabunga kut an thlak, Nepal Chaudhuri hi sumdawng a ni lo tih an hria a, kan Party mi leh sa a ni tih an hriatsa avanga Party hruaitu a nihna atanga bang tur leh Politics khel ve tawh lo tura an vau lehzel hi mak kan tiin, kut an thlak luiah kan ngai tlat a ni. MZP-te hian Donation an khawn thin tihsan an duh avanga Vai dawrkai mi 15 zet mai dimna tel miah lova kut an thlakte hi Kristian rama chengte tih atan chuan zahthlak kan tiin, kan dem tak zet a ni.
MZP Hqrs Lunglei President LB Chhunga Bike bo chungchangah hian keini chuan thil mak tak a awm kan ring. Dt. 14.5.2010 3:00 a.m a bo tawh, nikhat leh zankhat aia rei mah FIR a thehluh duh loh avang hian ama hriatpuinaa dahbo a nih hi kan ring tlat a, tuna LB Chhunga Bike bo a hmuh lehnaah hian Sunday nileng leh zankhua pawhin hmutu an awm lova, Dt. 17.5.2010 (Mon) zingkar atang chauhin an hmuhna hmuna a awm hi mak kan ti hle a ni.
Dt 17.5.2010 (Mon) a kan President leh a thawhpuite Tlabunga kalte pawh dawt muhluma an puh dan hi a mak kan ti a,
Chhiar zawm duh tan :
http://vulmawi-daily.blogspot.com/2010/05/thil-tisualtu-zawk-chu-mzp-gen-hqrs-hi.html
