Science thiamna lam atangin mi tam tak chuan, khawvel hi vawi thum/li vel lai tihchhiatin a awm tawh an ring a. Tui (water), Mei ( fire ) leh Vur ( ice ) , etc. vangte’n a chhe tawh niin an ngai a ni . A figure chiahin hriat theih ni rihlo mahse beidawng lovin an chhui mek zel a, a hun awm ang bawr vel ni a langte pawh evidence mumal tak takte nen an phochhuak nual tawh bawk.
He zirchianna hi sakhaw hrang hrang mythology leh an lehkhabu atanga lakchhuah te anni hlawm a, chutianga lehkhabu leh sulhnu hrang hrang an zirchian hnuah chuan hetiang hian an puangchhuak ta chauh a ni . Sakhuana lam atanga sawiselna pawh a tam a, awmze neilo leh dawt (lie) ti tawkte pawh an awm a, chutiang hnial thla tur leh a awmzia chiang zawk a pholang tur chuan theory ringawt a tawk lova, physical evidence a ngai tawh a ni.
Zirmite chuan kan hriatphak piah lama mihringte khan technology sang tak anlo nei tawh a, computer, electric, etc. te pawh anlo nei daih tawh niin an ngai a ni . Michael Faraday te pianhma fe khan awmze nei takin electric hi anlo hmang tawh tih an hailang a nih ber chu.
Bible lam thlirin ngaihbel theih tur tamtak hmuh tur a awm. Tuilet avanga khawvel chhiat thu chiang takin kan hmu a. Tin, Ezekiel-a ziakah, inlarna a hmuh khan vansang atanga khawl thlawkthei ( flying machine ) lokal a hmuh thu tarlan a ni bawk a, kha thil kha zirmite chuan aliens hnuhma lanna chiang tak niin an ngai . Thildang tamtak pawh sawitur leh zirchiantur a awm ngei ang .
Tun hnaia an zirchianna tam tak zinga tlem tarlang ila :
Nasca Desert:
He hmun hi Peru a awm a ni a, ancient history leh technology lam chhui chianna hmun leh physical evidence tam tak an lakna hmun a ni. He thlaler leilung hi a chi kim a, kan awmna planet( Earth) chhunga raw-materials zawng zawng chu he hmunah hian a kim hial niin an sawi . Diamond, Gold, Uranium..etc te pawh hmuh tur a awm reng niin an sawi bawk. Nasca thlaler hi hmun thianghlim anga cheibawl niin humhalh tlat a ni a, tihdanglam hlek emaw pawh phal a nilo thung . Hei avang hian duh angin zirchian theih anilo niin an sawi bawk.
Thil danglam tak tak te chu :
1) He desert chunga i thlawh chuan kum tam tak liam ta a Airport ni awm tak tak a lang thei ang a, hei hian tuna kan hriat khawvelin thlawhna a neih hma kum engemawzat liam tawh ah khan mihring hmasate’n thlawhna an nei daih tawh ni a ngaihna a pianchhuahtir a, a nihloh vek pawhin planet hran atanga tlawhtu, air-ship/space-ship hmanga lokal hi an awm ngei niin a ngaih theih a ni.
2) Chunglam atang chauha hmuh theih , he’ng picture ; Monkey, Spider, Apes te hi tu hmuh atan nge ni ang ? Tu emaw, chunglama awmte tana an tih a nih ngei a rinawm. Chutiang a nih ngawtloh chuan he’ng picture te hian awmzia an neilo hulhual tihna a ni thei .
3) He hmuna tlang(mountain) awmte zingah hian a chung zawl, kum tamtak liam ta a runway atana hman ni awm tak tak hmuhtur a awm a, he’ng tlangte hi natural ni lovin artificial cut ngei niin an sawi bawk .
The Great Pyramids :
1) Ancient Egyptian te khan an puk( tomb) chhung tih en(light) nan Copper Mirror hmanga pawnlam light( Sun light) lakluhdan method kha mi tamtak rindan leh tun thlenga kan pawmdan ni mahse an tihchhinna(experiment) ah chuan a theihloh tih an hmuchhuak tawh a. Puk(tomb) chhung thui tawk tak en(focused) tur chuan Copper Mirror kha a chak tawk lova, thuilote hnuah a eng pha tawh tlatlo a ni. Hei avang hian electrical devices an hmang ngei niin an ngai a, physical evidence nithei tura ngaih artificial light bulb ( picture) leh battery te pawh Pyramids chhungah hian hmuh tur a awm a ni.
2) The Great Pyramids awmna(location) hi khawvel laitak ( intersection of longest line of latitude and longest line of longitude ) ah chiah a awm a, hei hi kum 1877 khan hmuchhuah chauh a ni. Tin, a sir kil lite hi East-West-North-South hawi zawngin an awm thlap bawk. Hetianga designed thei tura hmanrua tul leh pawimawhte hi a hnu kum sing tamtak ah hmuhchhuah an ni ve leh thung.
3) Pyramids sakna a tana an lung hmante hi Limestone anni tlangpui a, he’ng lung lian tak tak te cut a, timam thei tur chuan diamond hmanga siam engemaw hman a ngai ngei ang, a nih ngawtloh chuan tihtheih a nilo a ni. He’ngte hian Pyramids sak hunlai a mihringte khan technology sang tak annei tawh tih a tilang niin an sawi bawk.
Document hrang hrang hmuh zingah Pyramids ah hian Universe chanchin ziakna lehkhabu 300 meuh hmuh a ni a, hei hian kawng tamtakin an technology pawh a lantir bawk. Lung hriam nen chauha theihloh tamtak an titheihna hian Human history a tidanglam ngei dawn niin a lang. Archeologist te chhut danin The Great Pyramids hi kum 22 chhung bawr vela sak zawh ni a ngaih a ni a, mahse he pawmdan hi a rinngamloh ta hle. Kum 22 chhunga Pyramids sa zo thei tur chuan second kua( nine second) dan zelah lung pakhat rem ang an ni a, an hunlai thiamna nena chhutin thil theihloh hulhual a ngaih a ni.
Mihring hmasate khan khawvel tihchhiat anih hma khan an phaktawkin an chanchin min hnutchhiah an tum a, chu’ngte chu ziaka lanchhuahtirin generation tamtak liam thlenga hriatthiam theih turin an dah, niin an sawi bawk.
Sawitur dang pawh a tam mai, a thui lutuk palh ang e. Engpawhnise, technology sang zelin a kalpui hetiang thil hi enge inngaih ve dan ? An zirchianna hi i tawmpui zawng a ni em ? Pastor pakhatin, “ Min thlahtute hi zahna kan lantir a ngai a, chumi awmzia chu; hetiang thilchhui hi a tul tehchiam em ni ? Engvangin nge tun a taka kan buaipui ni? “, a tih hi pawmawm zawk i ti em ?
October 9th, 2011 at 3:06 am
History channel-ah ka entui thin khawp mai.
Report this comment
October 9th, 2011 at 3:36 am
Ngaihnawm hle mai..
Report this comment
October 9th, 2011 at 4:00 am
NASCA DESERT chu alo va mak ve! A chanchin chhiar a chakawm khawp mai.
The Great Pyramids sak hun chhung chungchang khi ka ngaihtuah mai2 a, point 3 na a i sawi ang khi ni ta se, engatinge kum 22 chhung a sak zawh chu an tan thil theihloh hulhual anih bik ang? OR Archaelogist ngaihdan chu dik ta ang se, an hunlai a thiamna nen a chhut in thil theihloh hulhual anih bawk chuan hmanlai mite kha mithiam tak leh technology a sang tak chu anni lovang a?, Point 3 na a i sawi khi adik thei tho ang em? tih vel te…
A tha in a ngaihnawm e, a bengvarthlak bawk
LIKE
Report this comment
October 9th, 2011 at 5:14 am
Ngaihnom hle mai
Report this comment
October 9th, 2011 at 5:15 am
Paranormal activities anih chuan ka like viau zel e keichu.a hnuaia mi te pawh khu..! Ngaihnawm khups mai.
Report this comment
October 9th, 2011 at 5:47 am
Hei hi han en teh u, chuan Pathian ropui leh mihringte nep zia in chhut dawn nia!
https://upload.wikimedia.org/wi....._scale.svg
Report this comment
October 9th, 2011 at 5:59 am
Scientists te hian ngaihdan hrang hrang vaw chhuak mahse, ka rinna innghahna bul Bible in a sawi bak hi chu ka pawm dawn chuang lo.
Report this comment
October 9th, 2011 at 6:32 am
7. Caribou, “Kei pawh….” duh dan danin lo ziak danglam teh se. Pathian leh A thu hi chu a danglam ve ngai lo ve.
Report this comment
October 9th, 2011 at 9:27 am
#3 khi ka tawm e. Ngaihnawm khawp mai.
Report this comment
October 9th, 2011 at 9:38 am
Tunlai chu, ka post submit apiang, “Comments closed” tih ani zel ta mai! Hei sunday pual post pawh comment an closed leh ta tlat mai le.
Report this comment
October 9th, 2011 at 9:49 am
#3 chhiar tam pauh leh pyramid hrang2 te mak danglam zia a hriat a zual tulh2 a ni mai.
Tlemte, tawite in:
An hunlaia an hmanrua tunhnua hmuh theih leh an chanchin ziahnaa lang chin leh a lem pawh a an hmuh theih chin atang te leh, an hunlaia an ram leilung te nen etc. han chhutin, khutiang lungpui lian pui2 inremthlap leh angle dik thlap maia an remthei te, engtin nge sang tak maia ton tam tak a rit an tihkan dan te thleng hian a ngaihna an la hre theilo a ni.
Lal thlan hluia helicopter leh thlawhna pangai ang lem niawm tak kher te, space suit ang tak ha lem an ker te pawh khuan mak tih a hlawh viau a ni.
Mayan ho thlawhna lem tetakte an chhar pawh kha kum tam taka upa ani a. Han en mai chuan naupang infiamna mai2 niawm tak hi a ni. Mithiam ten an han belchiang a, a thlidawn theihdan etc. an han chik chiang ta a ni. A ang chiah model lian an siam a, an han kap chhuak a, a thlawk ta nal nal mai anih kha. Hahipin mithiam ten an thlir thap mai mawle.
Video hi en rawh u le:
https://www.youtube.com/watch?v=7-C7XO-QH-s
https://www.youtube.com/watch?v.....re=related
Report this comment
October 9th, 2011 at 10:32 am
Ngaihnawm e.
Report this comment
October 9th, 2011 at 11:42 am
Sawi belh tur ka hre ve lo naa ,A dang pawh lo ti zel rawh aw, paws leh kawmen ngaihnawm dawbawl lutuk.
Report this comment
October 9th, 2011 at 12:29 pm
100% tui,,,, 50% in k awi bok, he theory i rawn sawi hma hian k lo ring chhin fo tawh sin.i rawn sawi chhuak hian min ti ring xual. google ah poh k en nghal nasca desert kha,youtube nen hian mak khop mai,,cuan harrapan civillization tawp chhan dik tak hi historian tan an hre lo ,kha ti khop a civillization ropui kha eng vanga tawp nge niang,,
Report this comment
October 9th, 2011 at 3:11 pm
Nia History Channel ah ka en thin keipawh.. ka la en mek zel…
Thil mak ve deuh pawh chu… kan lo chhut ve thin dan taka early man.. hunters ho khan, engtin nge khawpui lian tak tak an sak ang… khang hunlai leh hetiang structure lian tak tak 90 Degree angle cutting kha a in ang vel bawk sia… aaaa,, sawi tur a tam em mai.. a tui ve chuan en ve mai teh u.. thil mak tak tak hi a tam khawp mai…
Ka rin ve dan mai mai chuan.. khawvel hi chu kan rin aiin a upa feeeeee tawh. Ice age ang te hi a thleng ve nual tawh. Alien ho hian min lo kan ve tawh bawk.Nilo se khang technology te kha an neih theih a rin om loh tawp.
Thil mak dangdai pakhat chu… Florida a Coral Castle sak dan hi a ni…
https://en.wikipedia.org/wiki/Coral_Castle
tiang technology te hi lo hre kiau an awm pek a… mahse tumah a hnutchhiah lo an tih bawk si…
Report this comment
October 9th, 2011 at 4:35 pm
A ngaihnawm hle mai,….. kei pawh ka rin dan deuh ani,..Tun hma hun rei tawh tak ah khan tun laia thiamna ang a nasa hi a lo awm tawh tih a chiang ani. Aliens hi chu ka ring chuang lo a…. UFO nen hian.
Report this comment
October 9th, 2011 at 4:38 pm
Ka ngaih ve dan:
1. Hun hmasa amite thiamna Underestimate/Overestimate vang a ni chawk.
2. Mithenkhat intihlar tum, thil mak vak lem lo pawh sawi mak tum khawvelah hian an tam.
3. Tuna kan thiamna mila la hrilhfiah theih loh tam takte phak lo chungchunga lo hrilhfiah ve tum kan tam.
Report this comment
October 9th, 2011 at 9:57 pm
Post tupa in a rawn sawi zawng zawng te khi Documentary pakhat ah ka en vek tawh.. a hming kha ka theihnghilh tawh.. Aliens lam pang rinna chu ani. A rawn sawi zawng2 khi chu Docu ah chuan a awm vek. Tin, Mayans ho castle a milem te, tin Rapanouie (a dik leh dik loh ka hre lo) leh easter island lampang ami te an rawn tarlang nasa khawp mai. Ka hmuh hunah a link ka la awn paste ange….. Kan universe zu lutuk a Earth chauh life support awm tur chu ni thei hian ka ring bik lo… mahse min rawn visit bik tur chuan an technology sang lutuk bik tur hi ka awih em em hran chuang lo.
Report this comment
October 10th, 2011 at 9:18 am
A ngaihnawm hle mai .
Report this comment
October 10th, 2011 at 11:30 pm
Ka tuipui chi,amaherawhchu theory nazawng ka ring chuang lo,Nazca lines hi hmannia ka chhiar pakhatah chuan sakhaw hmun pawimwh (sacred sites)te nen inzawmna nei angin a sawi a,ancient Peruvians te practise dan nen han hmehbel chuan a awm viau.Tin,diagram lian pui pui an siam dan a sawi pawh a awihawm fu,’to scale’ in grid method in an siam a nih
a rinawm hle
Report this comment
October 10th, 2011 at 11:34 pm
Ka tuipui chi,amaherawhchu theory nazawng ka ring chuang lo,Nazca lines hi hmannia ka chhiar pakhatah chuan sakhaw hmun pawimwh (sacred sites)te nen inzawmna nei angin a sawi a,ancient Peruvians te practise dan nen han hmehbel chuan a awm viau.Tin,diagram lian pui pui an siam dan a sawi pawh a awihawm fu,’to scale’ in grid method/system in an siam a nih
a rinawm hle
Report this comment