Darzaliana fapa Neuva (Tea) hian thiltih sawi tur tehchiam a nei lo va, a tuarchhelzia hi mihring dang pangti pu ve lo niin an ring hlial a, kâ chhawn lohva thihna ngei turah rei fe a dam theih avangin.
Amah hi Lianphunga khua Zawngtah-a an tlangval chhuanvawr pakhat a ni. Unau panga an ni a, an huaisen tlâng hle a. Ralte Kawlni, Chalchung an ni. A pianpuite chu Thangsavunga, Mangzika, Hnehbana leh Vailianthangi te an ni.
Neuva hi Mizo tlangvalah chuan lian tawk tak, chak tak, hmel pawh tha ve tak a ni a, tlangval ngo pawl a ni. A u Thangsavunga nen hian ramchhuah âtin an â a, tûl lai pawh ni se, sa bei tur chuan an kal zel mai a, buh ngah pawlah an tang leh tho si thin. Kum khat chu Tlawng kam an nei a, favang lamah chuan sai kap turin an kal dawn ta a.
An chhungte’n an remti lo va, “Kan lo a zau si, keini hmeichheho maiin kan vêng thei lovang. Buh pawh a tulzum tan tawh si a, Zawng-in a kheh zo vek mai ang,” an ti a. Anni chuan, “Zawng-in an kheh séng hlei lo’ng e,” an ti a, an kalsan ta a. Chumi kum chuan buh ngah pawl ber an la ni ta fo va. Chumi ram chu ‘Zawng kheh sèn loh ram’ an ti hlen ta a ni.
Tin, Mangzika hian nupui a nei dawn a, an insawi rem vek tawh a, sum inhlan chauh an bâk tawh a, an khuate chu ramchhuakin an kal dawn a. Thangsavunga chuan, “Mangzika chuan nupui lo nei sela, man pawh kan sawi fel vek tawh, in lo inhlân mai ang a. An ngen belh a, pêk tur zât pawh ka sawi vek tawh kha,” a ti a, a kal ta mai a. Mangzika chuan, “Ka u awm loh hlânin nupui ka nei duh lo,” a ti a, a zui ve ta a. A nupui neih tur pawh chu an thulh a ni ta mai a!
Vawi khat chu a u, Thangsavunga khualzin chuan pangang hlîng rahfuanpui an tih ang hi a vei a, an zâwn hawng a. Neuva chuan a lo zuk hmuak a, an zâwn chu a hmuh veleh, “Nghat teh u, ka han en ve teh ang,” a ti a, a u ke chu puanin an zem bâwk luau mai a. Neuva chuan a phelhsak a, kawng sira mau chu tiang tur a han sahsak a, a u chu a pe a. “Hei hi vuan la, ding teh, i thei em?” a ti a. Tiang vuan chuan a u chu a ding ta a. “I ke lehlam kha han pên teh,” a ti leh a. Harsa ti tak chung chuan a han pên hram a. “Lehlam pên leh teh, lehlam pên leh teh, pên leh teh,” a ti zel a, in thleng chuan zâwn lovin a kaltir ta a ni.
Neuva titi duhzawng te chu, ‘Tlum leh tlum inchena thûkin invit ila, kan khuaah chuan thi har ber ka ni ang’ tih te, ‘Ka mitmu hi kher chhuak ula, ka la tihlum thei tho ang che u’ tihte hi a ni. Tlangval huai inti deuhte chuan an ngaihthlak duh lohzawng tak a ni a, a dik leh dik loh han fiahpui ngam chi pawh a ni si lo va! Tin, savawm hliam beihnaah te hian a khawh thelh phawt chuan a thin a rim ta thin a, man tumin a ûm a, a u Thangsavunga khan a khap hram thin.
Vawi khat chu a mawngtamah khawihli pui a vei a, a hnai hunah chuan phulraw chhuat chu chemin a kar kau va, a zuk thut sawr a, chem phawi leh thawh a rual a, a tho zût thawt mai a. Khawihli pui zang chu a chhuak nghal vek a, in hnuai lam chu a hnai chuan a phuh berh nguai mai a ni. A vei chhûng khan tuman an hriatpui lo va, na nei lo ang maiin a duh duhin a thu thei tho a ni.
Vawi khat chu a kephahah panganghlîng a vei leh a, hlo a thlawhpui reng a, tho leh fanghmir-in a bawm pawhin a khawih duh lo va. A zual deuh deuh va, a kephah chu a pân tlang ta a. Khuangruang te, fanghmir te chu a pânah khan an lût tlang mur mur mai a, na nei lo ang maiin hlo a thlo hmiah hmiah reng mai a. Hemi an han hriat meuh chuan an khaw tlangvalte chuan, tlum inchena inviha thih har ber a inring te chu dikin an ring ta a. A mitmu kher chhuah hnu pawhin a khertu chu a la tihlum thei mai tak ang chu maw, a taksa hian nâ a hre ve lo a lo nih hi, an ti a, an hlau ta viau mai a ni.
Thulâkna: Mizo pi pute leh an thlahte chanchin by K. Zawla
A thih dan kimchangin la chhunzawm leh turah inngai teh ang.
Similar Posts:
- Neuva hun hnuhnung
- Rumliana titi-II
- 2012 May Fiamthu
- Eiin siam dan awlsam leh siam dan thenkhat
- Ka inleng te ti ti
March 30th, 2012 at 8:36 pm
ngaihnawm khawp mai
March 30th, 2012 at 8:43 pm
Kan 1st ve teh tlat chu. Teh
March 30th, 2012 at 8:44 pm
March 30th, 2012 at 8:48 pm
Neuva hi a neu lo khawp mai..good post
March 30th, 2012 at 8:58 pm
A ngaihnawm mange. Hetiang lam hi rawn post fo teh u.
March 30th, 2012 at 9:12 pm
Ngaihnawm khop mai…
March 30th, 2012 at 9:28 pm
Ywei..A khawihli tih lai vel khi mi rap tawp!! engtin emawni ka awm zo vek..
March 30th, 2012 at 9:38 pm
Hei hi chu a real deuh alawm, tuan tha hmingthang story kha chu a em2 deuh tlat.
March 30th, 2012 at 9:54 pm
Khawihli khi a chhuak tha duh mai mai ngawt ang. Ka’n mitthla chhin a…hahaha
March 30th, 2012 at 9:58 pm
K.Zawla lehkhabu hi vawi 3 ka lei tawh a, an hawh bo zel a, tunah hian lei tur a la awm ang em le?? A tha ka ti riau a
March 30th, 2012 at 10:16 pm
Pui rep rep khawp mai
March 30th, 2012 at 10:30 pm
Tuaisial ril viau zel suh
March 30th, 2012 at 10:47 pm
@Jacka Pi, khi lehkhabu khi chu nikuma an chhut nawn thar a nia. Vawiinah khan Synod Bookroom, Israel Point bulah khan ka lei a, a nghaktu khan, “Kha lehkhabu kha a la awm a ni maw? A awm tawh lo emaw ka tia…” a lo ti. Lehkhabu hrim hrim hi hawh ka phal ngai lo reng reng.
March 30th, 2012 at 10:52 pm
MAN rem rem.
‘panganghling’ khi??
Ralte Kawlni alo ni ve reng zui.
March 30th, 2012 at 10:55 pm
Chhiar a nuam hle mai. Neuva chu a lo neu lo nasa khawp e.
March 30th, 2012 at 11:01 pm
Neuva hi hetiang anihna chhan chu a pa hi pa dawihzep tak mai ani a, tap pur reng mai chi. Nupui pawh ngam lo ani awm e. Hei vang hian Neuva lo pian khan a pu in he ti hian a hming a sa ta ani. Neuva hian hei hi a hre kar mai a, A hming ang a put loh zia finfiah nan a che bawnra ta em em ani.
Source: phuahchawp
March 30th, 2012 at 11:20 pm
Kan naupan laiin kan zirlaibuah Neuva chanchin hi a tel a, Maths leh Science tih vel luklak ai chuan chhiar nuam ka ti zawk ziah…….. I rawn post a, rilru a tithar hle mai.
March 30th, 2012 at 11:23 pm
Caribou nen an in an loh hmel ngawt mai. TT ball a vuak per pawn a then nui nui zel aniah!!
March 31st, 2012 at 12:40 am
Van bon rem rem ve aw!”in hnuai lam chu a hnai chuan a phuh berh nguai mai a ni” tih lai tak hi ka tan lutuk.A khawihli chu lian ve viau ang.
March 31st, 2012 at 12:51 am
Neuva hi zawng, tah lam khua a mi a ni a, tia chhiar sual kha ka hre chhuak. ngaihnawm e.
March 31st, 2012 at 2:25 am
Neuva Pa, Darzaliana pawh hi mi luhlul huasen ani. Tumkhat, zawlbuk mei chhemna a meiling vum, vam sen ham chu, huaisen taklo chuan an thut ngamlo ang anti ani awm e. Darzaliana ngaihdan ani talo, a thut ta a, a mawng kum 3 a pan.. Ka source ka theihnghilh tawh.. Thudik chu niin ka hria.
March 31st, 2012 at 2:46 am
lamea25..chu va risk huai angreng ve aw..K. Zawla te, midang dangte ziah pawh hi chhiar chhiar la, i risk dik loh nasat zia hi i in hre tulh tulh ang. Kan primary sikul kal lai, middle skul kal lai zawng zawng a kan zir na reng rengah Tuaisiala pa chu DArzaliana anih hi tih inziak a awm lo reng reng! Meiling phei chu vaibel tan nan bak a hmang lo hrim hrim
March 31st, 2012 at 6:48 am
Mi(sual)ho chu tho tlai hlawm bhe aw… Goos Morsnings veks us…
March 31st, 2012 at 7:31 am
Good Morning vek u
March 31st, 2012 at 8:12 am
Gud Morning vek u… Vawksa ka va lei leh tiah mai nih kha…
Gud Post. Pu K. Zawla ziak a nih ka lo ring reng a, kei paw’n ka la nei alawm. Mizo Pasaltha-te hi chu AN NEU-LO viau hlawm a ni.
March 31st, 2012 at 8:14 am
ts: buh ngah pawl ber…’buh ngah ber pawl’..a ni zawk lo’ng maw?
March 31st, 2012 at 9:03 am
Neuva hian Gene dik loh vanga na hriat theih loh natna CIPA(CONGENITAL INSENSITIVITY TO PAIN WITH ANHIDROSIS) an tih hi a vei a ni thei mai ang em?
March 31st, 2012 at 9:12 am
a ngaihnawm hle mai
. kei tuarzuau zet hian tuarchhel hi ka lo ngaisang ve em em a 
. huaisen ru riau te pawh awm theih ania , .taksa in hleh chhawk a in cho ka hre tawh a lawm . .a lian zawk , insuala cho reng tu khan a ngam lo a , an in hlep ta lo a . . a te zok khan ‘ insual ah chuan ka hneh dawn lo che a ka cho lo che , chhuat ah thelret puan phah ila kawng chin hnuai lam a tang in inhleh chhok ila ” a ti a .a lian zok chuan .a ngam ta lo a ni .
March 31st, 2012 at 9:34 am
Lrpa, a pa hming chu ka ciang lo.. Khawiah emaw ka hre tawh alawm. Ka risk ciah pawh anilo
March 31st, 2012 at 9:47 am
@27 buh-duha Kei pawh ka lo ngaihtuah a…
A pa tek tek mange aww…ka ngaihsan zawng tak! Neuva i neu lo thumbs up
March 31st, 2012 at 10:18 am
a chhel tek tek hle mai, a MAN ka ti, at huai erawh a tel deuh..
March 31st, 2012 at 10:47 am
Tuarchhel lutuk pawh hi a tha vak lo. Ka hmelhriatte nau tlangval pawh a pile a na thin a, a sawi ngailo reng reng a, an hriatchhuah chuan cancer a lo nia, a mawngah a lo parh chhuak tawh a, enkawl pawh an enkawl mumal hman lo
March 31st, 2012 at 10:50 am
Jacka pi. Hre mak ve, post thar ava awm har
March 31st, 2012 at 11:27 am
Na neiha sawi te hi tuarchhel loh thlakah kan ngai thin a, hei hi kei chu a tha lo ka ti hrim hrim, tam tak na hi chu an sawi meuh hi chuan a critical stage hi lo ni tawh thin a, enkawl pawh buaithlak tawh thin a lawm. Mahse tuar zuau lutuk pawh hi an ngeiawm leh bawk sia
March 31st, 2012 at 11:36 am
Mi tuarchhel hi chu an ngaihsanawm a, mahse that lohna tamtak anei ve in ka hria. Ka pu pawh rambuai lai khan a khel ah an kap a, damdawi eiduh ngailo leh damdawiin a inentir duh ngai miahlo ani, tun thleng hian silaimu chu a taksa ah ala pai reng, a ke a bai phah
March 31st, 2012 at 11:42 am
A mawng a par??
March 31st, 2012 at 12:09 pm
lamea25…
22 khi han chhiar chiang teh..
March 31st, 2012 at 12:10 pm
lamea25 hi ka velh ba!
March 31st, 2012 at 3:21 pm
A atthlak mai mai!
Ngaihnawm.
GP
March 31st, 2012 at 4:10 pm
#27 @buh-duha: Kei pawh chu chu ka ngaihtuah mek a. A ni lo tih a sawi theih miah loh.
March 31st, 2012 at 5:44 pm
Neuva pu em ni kha? A mawng hlimin Taivang bu-ah a thu a, a vaibel kuang a seh keh rawp rawp.
Hetiang hi chu tunah chuan atthlak lamah a kal mah mah tawhin ka hria. Buh deuh, hampuar theih chi an nih duh hmel. (NOI)
Ral ram leh Sahuai laka huaisen taka an chetchhuah chung chang chauh kha hria ila ka ngaisang lehzualin ka ring.
March 31st, 2012 at 6:21 pm
OT- Lawrkhawm saw a va han nawi biah biah ve le… an khawngaihthlak zawk
March 31st, 2012 at 6:24 pm
@Atom, Khuangchera a ni zawk em kha..h?
March 31st, 2012 at 6:25 pm
@Atom, Khuangchera (or a pa) a ni zawk em kha..h?
March 31st, 2012 at 6:55 pm
@TS, zirlaibu ami kha a nia, Neuva chanchin ah khan a telin ka hria, Zawngtah khua vel ah khan. Class engzatahnge kan zir chu ka hre chiah tawhlo, XI or XII Mizo a ni maithei.
March 31st, 2012 at 7:10 pm
@Atom, ka chiang ta lo hle mai, kei pawh. A chhiar chu ka chhiar tawh,khawiah nge mawni. Mahse, Neuva kha a ni lo tlatin ka hria a….ka chiang bik lo ve.
March 31st, 2012 at 7:18 pm
Khuangchera pa a niin ka hria.
March 31st, 2012 at 7:50 pm
A engpawhchunise Taivangbu-ah mawng langin a thu tih chu a dik chiang a ni.
March 31st, 2012 at 7:59 pm
Phuah belh thiam phian
March 31st, 2012 at 8:29 pm
Neuve hi pa deuh tur kher kher a alo piang hi chu a tha kher kher ngawt mai. Tlangval tamtak hian an lo ngaisang kher kher bawk sia an in tih pa ve ta kher kher anih hlwm kher kher hi.
April 1st, 2012 at 3:51 pm
Neuva hi Hmar hnam emaw ka lo ti thn a, Ralte a ni maw, a huai khawp mai. Tunlaiah nise hetiang hian a huai reng the angem le? An at huai ni hian ka hria.
May 10th, 2012 at 4:00 pm
[…] Hetah a thih dan kimchang post ka lo insawiba tawh laklawh si a, ka han post chawm mai a ni. A la chhiar lo tan chhiar hmasak a pawi lovang. […]