Zofate’n kum kha leh chen paradis chen a kan lo chen ve, dar tui ang kan luanna, kan rin, kan Pathian lungrual taka kan biak hona, an sawi ‘Garden City’ Bangalore khawpuiah chuan kohhran inthenna thu a lo ri ve ta.
Hei hian Bangalore a cheng mek Mizo te mai bakah, Zoram leh khawpui danga kan Mizo puite thlengin min barakhaihin, Bangalore Mizote chu kan tapin kan rum a nih hi! He inthenna hi kohhran mal pahnih inkar a ni lova, kohhran hrang hrang lawi hona atanga kohhran mal pakhat peng tur chungchang a ni a.
He inthenna hian Pathian biak inkhawmah chauh min ti hrang dawn lova, Bangalore Mizo khawtlang intihhlimna, chhiatni thatni, leh hunpui reng reng ah thenna dar a rawn vaw tawh zawk dawn a ni. Tun anga kan in unauna zawng zawng hi hmanlai an lo chang tawh dawn a ni.
Hetianga kohhran inthenna runthlak tak hi Bangalore Mizo za a sawmkua pakuate chuan kan duh lo niin a lang, hei hi Bangalore Mizo Association leh Mizo Student Association, Bangalore in hemi chungchang a joint committee an neih tum pawhin a lang chiang hle a ni.
Hemi chungchanga rinthu leng vel leh zawhna tam tak awm thei tur karah, Bangalore a cheng leh khawsa mek, Presbyterian mi ngei hnen atang hian Zofate, Zoram leh khawvel hmun hrang hrang a awm te hnenah, he thil thleng avanga Bangalore boruak hi in hriat ve thain ka hria a. Mipuite tawngtaipuina leh Bangalore Mizote kan inpumkhat theih nana theihtawp min chhuah pui turin ka ngen duh che u a ni.
Bangalore Mizo Christian Fellowship (BMCF) hi kum 1975 khan din tan niin, kum 35 zet chu Kohhran bik leh pawl bik sawi lovin, lungrual takin Pathian kan lo be ho tawh thin a. Bangalore a awm tawh thin te’n ha hip a an sawi, la awm ve ngai lo te’n hmuh leh tel ve an chakna chhan hi Bangalore Mizote kan inthurual zia leh pawl bik thlu miah lova Pathian kan fak ho thin na hi a ni fo. A chhuan pawh hi kan inchhuang ve deuh lah a ni.
Rawngbawlna leh thlarau lamah lah hma kan sawn nasa! Kum 2007 a Upa Ngurthantluanga leh a team-te ruai a, camping kan neih atang phei kha chuan a than hian kan thang uak uak hi a ni ringawt mai a ni. Tun kum li kalta a thlarau lama kan hmasawn na hi a hma zawng zawng kum belhkhawm ai pawhin a tam ang ti ila, kan tisual tam awm lo ve.
A bikin thalaiten BMCF inkhawm leh rawngbawlna hi an hlut em em a, kan zaite a nuam in, kan program pawh thalaite milin hlawk takin kan hmang thin. Bangalore ah hian Mizo 1500-2000 vel awm anga chhut kan ni a, inkhawm hi chawhrualin chawlhni tin mi 200 vel inkhawm ang kan ni. Kan hruaitute pawh in pawlh rual takin, tun kum 2011-2012 hian office bearers kum tir a kan thlan ang chuan Baptist pakhat, Lairam Isua Krista Baptist Kohhran pakhat, Evangelical Church of Maraland pakhat leh Presbyterian mi pathum kan awm a ni.
Tun kum May thla atang khan tun hma a kan lo sawi fo tawh, kan tih hlawhtlin hleih theih loh, kohhran serh leh sang (Lalpa zanriah Sakramen, nau hlan, baptisma leh inneih) pawh hmang tan ve tawh tura thutlukna siam fel a lo ni ta. Khami bawhzui a Presbyterian leh Baptist minister te’n Lalpa zanriah sakramen an han buatsaih ho te phei kha chu hnuk hi a ti ulh a ni.
Tun kum chhung ngawt pawhin hun pum rawngbawl tura an hnathawh lai bansan a Lalpa tana inpe hi BMCF atang hian an awm nual asin! Hetiang taka hlim taka Lalpa malsawmna kan chan ho laia, kohhran indanna pawh ni lo, in thenna thuthang kan han hria hi chu Bangalore mipui te kan na tlang a, a tul lo hi kan ti em em a ni.
He Bangalore Mizo Kohhran, Presbyterian Church of India inti a lo ding hi, October 30, 2011 khan an din thu BMCF hruaitute hrilh an ni a, han zirchian deuh chuan Mizoram Synod rawn din a lo ni reng reng lo lehnghal a. Chu mai piahah Bangalore ah hian Presbyterian mi leh sa heti zozai kan awm laia, mi paruk vel lek in (a zatve phei chu mikhual cham rei an ni ber e) engmah in rawn leh inhriattir lawkna awm map lo mai a, kan hmalam hun tur ah thuthlukna min han siam sak ngawt mai hi chuan ngaihtuahna a ti thui duh hle mai.
Heng mikhual cham rei, rinna lama kan hruaitute, Pathian ram ngaihsak em em mai tu te’n, kum khat pawh la awm lova, a tam berah kum 2 vel bak an awm dawn lo tih hre reng chunga, heti em a thalaite zinga rawngbawl duh na leh kohhran hial phel pawh pawi ti zo lo va, Pathian an han hmangaih thei mai pawh hi, an fakawmin a lawmawm rual rualin, ngaihtuahna chu a ti thui kher mai.
Presbyterian thalai rual 350 chuangin in then an duh loh vang a, Synod hruiatute hnena ngenna tura an hming leh kohhran lawina an rawn pekte han ngaihtuah phei chuan, he thutluk na siamtute hian an tisual ve deuh a ni lo maw aw, tih min ngaihtuah tir a ni.
He kohhran thar din chhan leh tum ber ni anga tarlan te chu, rawngbawlna thuk zawk leh zau zawk neih te, pastoral ministry neih te, Bangalore a Presbyterian mi leh sa, chhungkua a awm, hnathawk leh zirlai te kohhran inkaihhruaina a zirtir te, serh leh sang khawih te an ni tlangpui a (Hei phei hi chu BMCF in a kalpui mek a ni).
Heng an thil tum te ngun zawk a han bihchian hian, hengte hi kohhran inthen darh kher lo hian a tih theih tho lawm ni? tih chu ngaihtuahnaah a lut lo thei lo a ni. He kohhran thar a a hnar kaitute hi Mizoram Presbyterian kohhran hruaitu, mi tha, mi thiam leh ril tak tak an ni hlawm a, mimal in tihthiamloh vang leh BMCF a lungawi loh vang mai mai ngawt chuan kohhran an thendarh duh chu kan rin phal loh laiin, kawng leh lamah an thil tum te han en chuan kohhran thendarh kher lovin, full time pastor rawn dah te thlengin an tum chu a hlenchhuah theih tho awm vei nen, tih te chu ngaihtuahnaah hian a awm veng veng a ni.
Chuvangin, a din chhan dik tak hi hriat a harsa a, Synod Executive Committee leh a hnu lawk a Synod khawmpui lo awm mai tura pawm leh nemngheh an awlsam theih nana lo inphuahchawp ve mai nge an nih lah keini hriat phak va ni suh. Mahse, “Synod in anmahni mi leh sa te kohhran lo ding tawh an thiat lovang,” tih tawngkam te a an lo inhnem ve danah, ‘a lo ni thei mai awm mang e aw?’ tih te chu min ngaihtuah tir lo thei lo a ni.
Keini engmah hrelo, nu leh pa, pi leh pu atang tawh a Presbyterian ve bur ringawt mai tan chuan kan Synod hruaitute hian kohhran lo ding tawh phawt chu, an mi leh sa tlemte an lo inkhawm ve a, vawi hnih khat an lo inkhawm hman phawt chuan, i he lovin, an din chhan (motives) te pawh chiang taka zirchianna nei lovin an nemnghetin an pawm lo ngam lovang,” tih te chu kan presbyterian kalphung ni thei ah kan ring bawk si lo. Dik tak maw! Pathian in thil engkim a hria a, kan thatna turin engkim a rel ang tiin kan inhnem mek a ni.
A tlangkawm nan: kan Presbyterian kohhran member nihna ngei World Council of Churches te, National Council of Churches in India te, North East Council of Churches in India te leh Mizoram Theological Association ngei te pawhin kohhran hrang hrang inzawm khawm leh thawhhona kan chawisan a, kan Mizo pui leh kan kohhran mi leh sate ngei pawh in hruaitu nihna an chelh lai a, chutianga lo inzawm khawm tawh sa, thendarh zawng a hmalak chu kan synod rilru leh kalphung pawh a ni lo turah kan lo ngai ve a.
Kan hruaitute zingah Pathian tih mi, a tha chu tha, a tha lo chu tha lo ti thei kan nei te hi a thlamuan thlak kan ti a. Denomination rawngbawlna ai a Pathian leh a Thu dah lal zawk fo tu te kan nei hi vannei kan inti em em a ni. Kan kohhran ropui tak hei leh chen min hruaitu Pathian, kan kohhran hruaitute, Zoram leh hmun hrang hrang a Zofa, kan natna te hria a, lainat tak a min thlirtu te chungah lawmthu ka sawi e.
“Ka Pa thianghlim, nangin kei mi pekteho hi i hmingin hum rawh, pumkhat an nih theih nan: Keimahni ang bawk hian (Jh:17:11). Tin, nangin ropuina mi pek te kha keiin anmahni ka pe ta, anni chu pumkhat annihna turin, keini pumkhat kan ni ang bawk hian. (chang 22-na)”
Kan Lalpa Isua duh dan leh Pa duh zawng a zirtirte chu pumkhata an awm a ni a, tuna Kohhran ho kan inthendarh nuai hi chu a duh zawng a ni lo. Zaikhata luang turin min duh a ni. Tirhkoh Pawla pawhin; “Tin, Unaute u, inzain thu thuhmun in sawi a, in zinga inthenna reng a awm lohna turin, rilru hmunkaht leh ngaihtuahna hmun khata fel taka in inzawm tlat zawkna turin kan Lalpa Isua Krista hmingin ka ngen a che u, (1Kor. 1:10)”
Similar Posts:
- Bangalore Titi
- Mizoram Presbyterian Synod in WCC zawm dawn lo / Bangalore ah pastor dah rem ti
- A month of elections
- Synod-in CYMA nuai khat pe
- Synod office hawn ni a Kohhran hruaitute thusawi
Says:
November 6th, 2011 at 10:48 pm
Hei ha..
November 6th, 2011 at 10:48 pm
Va’n pawi dawn teh 1u1 em! Han chhiar chiang phawt i1a…
November 6th, 2011 at 10:58 pm
99% thu lal lo a 1% thu a dingchang zawk khi a mak reng reng a nih khi.
November 6th, 2011 at 11:02 pm
A van pawi dawn tak ve le..
November 6th, 2011 at 11:03 pm
I thuziah dan atangin mi rilru puitling tak zawng ini ngei e. Keini ang duang chu ni ila, kan ang bawrh2 anga, kan inhrithla piap2 anga, tawngkam mawi lo tak2 pawh kan chhakchhuak duh ngei ang.
Hmmm… A pawi hle mai tak a…! 🙁
Behind the scenes ah Zoram Synod hi a thu luau lo maw?
November 6th, 2011 at 11:08 pm
Presbyterian in a tih chuan Baptist lampang in an ron te vel leh ngei ang. In hrang nuaih dawn a ni chu.
Catholic ah ron in pe vek mai ru.
November 6th, 2011 at 11:18 pm
hiho, inpek pek a ngai hlei nem Catholic-te chu milim ringawt pawh zai tui tham in nei a lawm. 😛
A case hi hriatchian hmasak phawt a tul ka ti, comment pek hmain.
November 6th, 2011 at 11:20 pm
Inthen suh u; Mizo tam tak pawh in awmloh kha. Vairam pilril ah Mizo te kan in pumkhatna ber chu kan inkhawm ho thin hi ani, ngaihtuah nawn leh mawlh teh u.
November 6th, 2011 at 11:20 pm
Mizoram chhunga chhim lam Kohhran (Baptist) leh hmar lam Kohhran (Presbyterian) inrina kan sat thiat mah kha a pawi tawh tehlul vei nen, a va han runthlak leh zel dawn ve le! Chhuanlam chu a awm zel ang, a bulpui erawh chu thuneih duhna leh ropui chakna a ni fo thin. Member 10 vel chauh nei tan chuti ang thil tih duh thu a awm lo ang. Lian leh ropui, chak leh thei nia inhriatna hian inpumkhatna leh inremna a tichhe chawk. Chu chu Setana thang hlauhawm ber leh hmuh fiah harsa tak a ni. Inpumkhatna duh mi leh vei mi ka nih avangin min lo hrethiam teh u. Ka insum zo lo a ni e.
November 6th, 2011 at 11:25 pm
I ziak hmang atang chuan mi tlemtein BMCF chu hawlh phel an tum a va ang ve! A pawi hle mai! An thu zuka a ngai anga in awm leh ngei ka duhsak a che u.
#7 😀 😀 😛
November 6th, 2011 at 11:32 pm
Ava han pawi tak em! Dik zawka inngai ve ve, tha zawk tur duh inti ve ve nih tlat tawh hi chuan thuzuk leh hi a har tawh si a, thu kal vel dan hre ve veklo mah ila heta tanga ka lo ngaih ve dan hi chuan kohhran bil inlak hran hi tul ka tilo hle a ni. Mizote Mizoram pawna min tipumkhattu pakhat chu kohhran hi a ni.
November 6th, 2011 at 11:36 pm
In awmna ngaiah awm tlat ula ni mai lawm, mi tlemte an awm hrang anga ni mai lawm.
November 6th, 2011 at 11:41 pm
99% in in duh loh chuan zawm lo ula a ni mai ang chu maw le! In duh ve loh na na na chu zawm in ba reng reng em ni? Pawl thar din tumtute chu tha takin titipui ula, ti lo turin hrilh ta ula.
November 6th, 2011 at 11:54 pm
Synod thu chhuak hrait a va chak awm toh ve.
@vakul kan zingah lo zai ve la nuam i ti ngawt ang. 😛
November 6th, 2011 at 11:57 pm
In awm Pang ngaihnawm khan awm tlat ula, in nkhawmna ngaiah khan inkhawm tlat ula, in pumkhat tlat zel ula, Setana chu a tum bur mai ang.
in then dark in duhloh tak tak chuan, tuman an ti lui lo tawp ang che u, nangmahni kha in pawimawh.
Tunlai hi chuan, Lal Isua ai in mahni pawl denomination hmangai an awm fur thawh a nia. In then duhna rilru in neilo chu a ropui in a Pathian thu khawih mai, kan lo tawngtaipui ang che u. ;-(
November 7th, 2011 at 12:04 am
In awm pangngai khan awm tlat ula……..tih. Tur a ni e
In thendarh in duhloh chuan……tih bawk tur…..I hria em
A Pathian thu khawp mai…….tih bawk tur, type sual ve NASA hle mai
November 7th, 2011 at 12:10 am
Shillong avanga inthen kan ni chiang mai si a. Bangalore hian thlipui tha lo dang a lo ti tleh leh ang e. Mi puitling tak tak in awm teuh kha maw.. Impumkhat zawngin thil kalpui thei ula a va lawmawm dawn em!
No walllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllll
lllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllll
lllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllll
lllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllll
llllllllll!
November 7th, 2011 at 12:12 am
Inthen lo khan tha te te khan han awm teh u. A din tu tlemte te chu a tam zawk ni si in in ngam lo hle niin a lang. A tam ber zawk in inthen induh lo tak tak te anih chuan sawi fel dan zawng rawh u.
November 7th, 2011 at 12:14 am
Delhi ah pawh hetiang deuh hi a awm a,a tirah duhlo hlawm viau mahse an hlawkpui tawh viau e,engkim hi a positive zawnga thlir hi a finthlak thin ania.
Amaherawhchu…ti teh ang…state pawna denomination awm hauh lo a a Mizo inkhawm ang zawnga inkhawm thin hian min lo hnuhhnaih zia leh in unau na kawnga min puih zia hi kohhran hotu te hian hre mawlh teh se. In kal zelna tur theuh ah duhsakna leh Pathian awmpuina ka hlan a che u. Kohhran lu chu PA ani si a.
November 7th, 2011 at 12:20 am
Phai lamah hian Mizo service, Zomi service, Mara service, Hmar service tih neuh neuh a kan in thendarh tawh hnu pawn, denomination lam zawngin inthen darh zel kan la tum a ni maw? Hairehai… 🙁
November 7th, 2011 at 12:25 am
1% thu atlang chuan a pawi dawn anih chu mawle..khawnge 99% te kha an awm. .? Thendarha in awmlohna turin theihtawp han chhuah teh u.
November 7th, 2011 at 12:26 am
Kum 12 dawn b’lore ah hian ka lo awm a,thudik tan ngam hotu presbyterian mi ngei kan nei che a va lawmawm e,thudik i puan chhuah ngam vang hian Pathian in a malsawm ngei che pawh ka ring.Rilru hi a na a ni.Mizoram kohhran hrang hrang leh thalai pawl ang pawn in tawngtaipui hi kan mamawh hle a ni tunlai b’lore mizo te hian.heihaa huiihaa
November 7th, 2011 at 12:33 am
A va han pawi thin em ;-(
November 7th, 2011 at 12:35 am
Sad sad sad.. a va han zialo thin tak em.
November 7th, 2011 at 12:37 am
99% leh 1% tih hi sawi chian deuh a ngai a, inthen duh lo hrim hrim hi chu 99% tih hi a dik thawkhat. Amaherawhchu, Presbyterian an din si chuan, kan zawm ve mai loh chuan ti a, denomination feeling nei hrim hrim hi an awm ve nual bawk, chu mai bakah, Presbyterian rawih lai emaw rawih mai theih an awm ve nual a, heng ho hi chuan an rilru in duhlo mahse, a lang in an tilang ngam ngai dawn lo in a lang, hengte tak hi a ni spiritual/authority abuse a awm emaw ni chu aw tih theih a nih na lai tak chu. Bangalore a awm nghet ho ah phei chuan 99% hi a dik chiang bang e.
November 7th, 2011 at 12:42 am
Ava pawi thin tak em! Tawngtaina a pawimawh. Kan rilru leh kan ngaihtuahna a fim zawk theih nan he thil thleng ah hian Pathian rawn chung zelin aw…
November 7th, 2011 at 12:59 am
ammi pawh a rawn lang ve hlawl a lawm! 🙂 misual.com original diktak 😀
@raltefamily: Hetiang hi B’lore a awm ho vote te la ta u la, chuti chuan a tih theih tho em? Majority consensus chu an pawm thei mai a ngem? Phai ah hian ka awm rei tawh bawka, i rawn sawi hi chu ka thlawp hle che.
99% leh 1% i rawn tih hian “occupy wall street” te pawh ka hrechhuak zuk a lawm. 1% hi maw, rin ai in thu (leh power) an lo nei tha phian thei a nia. 99% lamin tan lak hle a ngai a nih chu. Phai a inkhawm ho kan la tlem nen nen, inthendarh lam hi chu i sawi ri lo hram teh ang u khai.
November 7th, 2011 at 1:01 am
eng rah tak chhuah ang maw.
November 7th, 2011 at 1:04 am
@sandy lung te pawh a leng lawm ka comment khat tawh lutuk a,misualber ka la ni reng e.
November 7th, 2011 at 1:13 am
Ka lo hriat dan chuan Synod lam thuchhuak angin asin an sawi… Ka hre sual a nih dawn ni.
A pawi khawp mai. Mizoram-a inkhawm aia phaia inkhawm nawm ve na pakhat chu denomination hrang hrang kan inkhawm ho thei hi a ni ka lo ti thin asin… ;-(
November 7th, 2011 at 1:33 am
(tûna hmun danga ka awm tâk hnuah hian… heti hian mi hnênah ka lo sawi ve fo ania). “Bangalore Mizote chu kan vannei asin, theological college lama kan pastor zirlai rualin min ho á¹ha bawk a, BMCF inkhawm pawh a nuam thei…” Tunah chuan sawi ngam chi pawh nin tawh lo! Mi nuih kan ti za mai ang! (U)
November 7th, 2011 at 1:56 am
pawl lo pawl,pawl lo pawl lo pawl,pawl lo pawl lo pawl lo pawl,,,,,ka peih tawh lo
November 7th, 2011 at 2:02 am
“Tupawhin Pathian in chu a tihkhawloh chuan Pathianin ani chu a tikhawlo ve ang” tih 1Korinth1:17 ami hi Kohhran tikhawlotu sawina a ni. Korinth kohhranho kha Pathian In (temple) in ni e a ti a, chuvangin tualchhung kohhran tihkhawloh hi a va huaisenthlak em! [Bangalore Mizo Kohhran dintute hian BMCF an tikhawlo em tih judge theitu chu Lalpa chauh a awm, chuvangin kei chuan ka judge lo Pathianin judge rawh se].
November 7th, 2011 at 2:04 am
Kohhran thendarh hi a thalo ka ti khawp mai. Maryland ah pawh hian Presbyterian, member tlemte awmna chu kan phel phawk mai a pawi ka ti tak tak a ni. Inhmuh changin inbe tha viau tho mah ila hruaitute karah inpawhna tak2 a awm tawhin ka ring theilo.
Tunhma khan tuna kan pastor te leh mitlawmngai dangten kohhran an din a. Lungrual takin an lo awm thin. Tunah chuan Maryland state te takte, Mizo tlemte awmnaah hian 7 day kohhran 2 a awm a, Presbyterian 2 a awm a, Methodist kohhran an awm bawk. Denomination hrang2 chu thuhran ni sela, denomination inang 1 aia tam mihring tlemte awmnaa a awm hian rilru a inpawh tak tak theihin ka ring lova, ka ngaihdan ve mai2 chuan tha ka ti lo tawp.
November 7th, 2011 at 2:12 am
BMCF inkhawm ban thingpui kum 4 chhung zet thulh mang lova sunday apianga lo in ve thin nih chuan he thu hi ngaihven loh pawh tum ila, a ngaihven loh theih loh.
1. Tun dinhmunah chuan a kal hrang lamte an la ngawi riau hi a buaithlakna tak niin ka hria.
2. Kan awm ve lai pawh khan thianzaho titinaah chuan ‘greeting sawi tur chin bituk’ boruak khan hetiang hian kan awm palh ang tih kha kan hlauhthawn thu kan sawi ve zauh.
3. Dik lo zawk awm ni ta se, tumah tak2in kan hriat a rinawm loh, hetiang boruak teh nuaih a nih takah chuan. Hei hian duh thlang tur thlalai tam tak duhthlang thei lovin a awmtir dawn niin a lang.
4. SEC lam chuan tunkar hian an ngaihtuah dawnin ka hria.
5. Kohhran chu kohhran lo ni ta se, khawtlang chhiat that a nghawng ang tih a hlauhawm hlein ka hria, a bik takin BMA leh MSA.
6. Buh tak leh buh lem kan awmza tur hi Bibleah pawh kan hmu. Mahse chutih rualin tute nge buh tak leh buh lem hi keini tih tur erawh a ni lo tih chu a chiang. Chuvangin, a khawi lam pawhin a lehlam sual setana hnathawha inpuh erawh ringtu tha tihtur niin a lang lo.
November 7th, 2011 at 2:18 am
Mara, Hmar, Paite tawng hmang ti zawng te khan in lo inthen hlauh ange. Ka hlauh ber te zing ami ani hial ang.
Nge feminists ho pawl leh ni velo pawl zawkin in darh le aw hehehe :fiamthu: 😛
November 7th, 2011 at 3:11 am
A pawi hle mai.. Inthendarh in tum chuan in lo tam ve tawh tihna ani mai. Tin, hruaitu thenkhat (inti engemaw) ten an kohhran mi leh sa an lo thathnem deuh takah chuan an it a, an thikthu a chhia tihna pawh niang e.
Ghy ah pawh a hma chuan fellowship angin an inkhawm thin…alo rei deuh a tunah chuan synod lamin an la ta ani. Kohhranah synod ni mah se hun engemaw chen chu Thalai ah chuan Ktp tih ni tho mahse Kohhran dang pawh commt ah kan awm ani. Mahse tunah chuan Presbyterian, Baptist, Salvation, Upc (miz. leh north east ) thlengin an awm ta. Amaherawhchu khawtlang chhiatni thatni chu a tibuai lo khawp mai. BMCF pawh khitiang a lo nih chuan inla inkhawm hrang ve hlawm dawn a ang hle mai..a pawi khawp mai. Inti hrang lova hmun khata inkhawm ho dal2 hi a ropui ngawt asin. Tan han la sauh2 teh u.
November 7th, 2011 at 5:16 am
BMCF atanga chhuak an awm chuan “Pawl chhuak” an ni mai tihna em ni?
*Joke* 😀
November 7th, 2011 at 6:12 am
A va han pawi thin tak em. (N) Kohhran rawng bawl lo in Pathian rawng hi bawl zawk tur asin.
November 7th, 2011 at 6:40 am
I rawn sawi chiang law law lo va. Mahse rindan chu ka nei mai. NERIST Christian Fellowship ah hian member 400 vel zet kan awm a, Naga , mizo, khasi, Garo, Manipuri, etc. (kristian tawh phawt chu kan leng vek) nuam tak a ni. NERIST Mizo Inkhawm hian tlai lamah fellowship hran kan nei leh thin. Nirjuli a ka awm chhung chuan kohhran(denomination) mal anga an inthen darh loh nan theihtawp chhuah tlat ka tum tlat a ni. Bangalore pawh lo kehdarh lo hram hram teh u.
November 7th, 2011 at 6:46 am
#38… (Y) ..
November 7th, 2011 at 6:59 am
bangalore ah hian kum khat(1 yr) vel chiah ka awm hman a,mahse kha mi hun rei lo te chhung pawh khan Bangalore Mizo kohhran a inkhawm hi ka kei misual hian “tlumtea thlir “tak meuhin ka lo thlahlen thin,eng vang a kohhran then te lo ti ngam nge maw an nih le,a din tu Pathian pawh an zah zo lo a ni maw,member tam an duh lutuk aniang…….
November 7th, 2011 at 7:17 am
Darh vek ang 😉
November 7th, 2011 at 7:20 am
pawi ka ti takzet ani he thil zet hi Dec 1 ah ka rawn chhuk leh zuai dawn BMCF ah ngei ka inkhawm dawn Prsbyterian chu ka ni na a mahse BMCF kha nuam ber mai! Ka hriatni phei kha chuan hnuk te a ti ulh deuh reuh! poi khawp mai
November 7th, 2011 at 7:32 am
Lamji (No.19) Delhi lama Mizo kohhran inthen chhan te chu a dang alawm. Kohhran pakhat an la ni reng. Hmun thumah an inkhawm hrang chauh ani. Vai vaia hmun khata inkhawmna an neih tak loh vangin. Chu bakah North Delhi lam atangin a hla lutuk a, South Delhi leh East Delhi te chu hmun khatah an la inkhawm leh maithei asin.
Bangalore a Presbyterian kohhran inti chu a fake anih loh pawn Mizoram Synod huaihawt anih ka ring lo. An policy ani lo.
November 7th, 2011 at 7:58 am
A va pawi ve aw! Vanrama chhawm tur tling si lo Denomination thila kan buai leh thin hi chu SETANA a nui khi vur vur thinin ka ring! He thil hi Synod hotute atanga chhuak a nih ka ring lo. A lo nih vaih chuan kei Presbyterian pachal hian tiam chin awm lovin ka dem hle ang!!
Inpumkhat lehna kawng kan zawng mek dawn emaw tih laia a phel te zawng bawka boruak lo awm thin hi a pawi mai bakah Pathian atanga chhuak a ni lo hrim hrim. Hetiang tih chingte chu kohhran neitu LAL ISUA KRISTA hmaah an la zak chem chem ngawt ang!! BMCF i tawngtai pui zel ang u.
November 7th, 2011 at 8:02 am
phaiah te cuan hriat angin inkhm hun atam c lova,mizo te kn inpoh ho na omchhun ber alo ni bok nen,a nuama a hlimomviau laia indan,inthen blah3…. lo tih vel hi zong k ngaitheilo teh ania,
Baptist k ni,mce phaia k om cuan mizo christian fellowship kh k lawina ani a,k ngheta,k thlamuanna ber ani a,he kn mizo insuihkhomna omchhun (othr than MZP/MSU…etc) kar khata voikht emw chauh fellwshp om lehnghl lak atanga lo indan tum vel hi chu k rilrem zong ani hauhlo mai..
Raltefamily,in BMCF te in tanrualla hma in lak angai,thiante soi angin,
If Presbyterian does why not we(Baptist,Lairam baptist,ECM…etc)…
See…!!!
BMCF will be history and history seldom repeats,especially in your case,future generatn will not knw BMCF even exist…!!!!
;-(
November 7th, 2011 at 8:23 am
Thenkhat ngaihdan- mizoram pawnah pawh mahni kohhranah ngei kan inkhawm theih phah a.
A ho.
November 7th, 2011 at 8:30 am
A pawi hle mai tih bak han sawi vak tur pawh ka hre lo, kohhran chauh pawh nilo inthenna hrim hrim hi a huatthlala ve hrim hrim bawk…
November 7th, 2011 at 8:42 am
Mizo awm ho te hlim taka inhmuh khawm theihna chance anih avanga, thalai engemaw zat rawn inkhawm hram hram thinte um tiau tu kan nih vaih chuan, kan mawh a säng khawp ang. Lo inngaihtuah nawn leh teh u. Mizorama tìhtheih miah loh; state danga kan insuihfin vek thin hi a hlu ka lo ti thin teh asin aw.