Mizo hla hlui tha tak tak heng- Lalrintluanga Varte-Ka nghei dawn chuang lo, Lalbiakzauva-Zuapa a rui e, Lalkima Zote-Ka lo ruih em vang a lo ni, leh a dangte hi up bo mai atan chuan a pamhmai ka ti deuh.
Ngaihtuahna tam tak min neih tir a, a hla thu thlir pahin; ka rilrua thil awmte han pawt khawm dawn teh ang. Lei em ka chawi em lovang chu maw.
Ka nghei dawn chuang lo-
Zet-u-zu sawi apianga chil put tlat thin hian a do chu sawi loh, a tihrem dan kawng dapa MLTP Act thlenga nghawngkawl an han bat rup kha chu; saruh helh takin ka helh hial a.
“A duh chuan in se, a duh lo chuan in lo mai rawh se; in sawi a ngai lo” tia, Ui â ang maia bauh bauh thin ka la ni ta dah. Zalen takin zuar se kan changkang tawh lutuk, kan in thiam em em ang tiin; inthlan campaign taka campaign ching kha ka la ni zui.
A chhan i hre duh em?
Ka tuihalin zu ka in a, ka riltamin zu bawk ka in a, ka tuihalin zu tho ka in thin. Chuti chung chuan, in thiam ka inti êm êm a, pawr tak ka la ni. Zu ngawl veiah ka inngai ngai lova, zu in min vei zawk a ni ka ti thin. No ka keng khur dar dar a, ” Ka la rui lo reng reng” Hei hi ka mizia a ni.
Zu in thiam inti êm êm kha, ka pindan dawhkana mi khan daihloh chin ka nei ta zauh zauh. Veng mawng ka thleng thla ta fo. No khatin, no ruk a hring tan a. Ka rui ngai reng reng lo thung, ka kal thei lova; ka lu a hai mai mai alawm. Kei aia zu in thiam an awm chuang lo hrim hrim. “…a pa lo em mai, tihtauh nân hmang mah la..” Nu berin chhip samah min kek thawk a, zawi sapin “ka nghei dawn chuang lo” a ni tho tho.
Eheu..Eheu-
Kei Zu-in-thiama hian artui theuh theuh pawh, kan tur chhum a; chhum tur rawt thak ah nu ber ka puh ta fo. Ka rui lo, ka lu a hai tlat a. Mahse, ka khum bula no khat khan; veng mawnga no ruk zu ko tlat pek a.
Ka kal pai chhat chhat a. Mi kawngkal mai mai pawh, min cho riauva hriat chin a thleng a. An mit mengah, min melh rum riau tlat thin. Sawi tur ka hre êm êm a, ka sawi peih tawh loh chinah “Tu nge min cho?” in a zui châwk.
Engmah ni chuang si lovin ka chapo ár a. Het shala…tiin min pen keuh se, ka thu sawp niai ang tih reng ka dâwn ngai lo. Min chhang ngamtu awm se, ka pawr sauh ang a. Min chhanloh poh leh, ka pawr zual sauh ang. Zu ka in thiam em alawm, chhungte chu…bleh.
Zu avangin damdawi in ka hmu ta zeuh zeuh. Ka thi lek lek fo ta. A chang phei chuan, chhungten min lo tah laih laih a. Dam takin ka chhuak ang a, ZU tih nan ka hmui a zum zo leh ang.
Ka pi khawi maw um khat chu-
Pa ber a rukru berah ka tang chho tan a. Gas cylinder hi chuan, kar khat chu min daih ang maw le tih leh pawh chhuah ka’n rual a. Nu berin min lo hmu kiau si, “Tang rawh, tang rawh” a lo tih chuan; ka hul tihna. A kaw tawpa tan meuh chuan, fate period hun ka hre ta êm êm a. Stay free lei sak ka chak thar thut a, cheng 50 dil a ni mai. Va lei tak tak chuang suh i.
Fiamthua “Ka zu in chauh in sawi a, ka bawnghnute in; in sawi duh si lo” tih chu ka tawngkam hman duh pawl a ni tawh a. Kum khatah vawikhat bak a in bual lovang a ti khawpin, ka pawr tawh a. A tel lo chuan ka khur tan a, ka sen tul tul a. Zu ka duh ve tawh hle ah ka inngai ve ta chauh.
“Ka pi khawimaw um khat chu, La, la, la, la….la” hei hi ka la sa mai mai. He hla hi ka phuah nise, a hunlai kha chuan; “Whiskey Lullaby” nen inthlengah min dil se, ka phal ka ring lo.
Ka puam tulh a, zu vangin i Thin a chhe tep tawh a. I la in a nih chuan, i thih phah ang min ti ta heu mai. A ngawl veiah ka inngai ta a, ZU in thiam inti êm êm thin kha; in thiam loh chin a lo thleng ta a ni ang e.
“Rui saa ka lo piang lo chu a pawi mang e” ka tih thin laite kha, a lo Satel lu ta deuh a ni.
Zuapa a rui e-
Nupui fanau dáwn lo lekin suihlung a mawl zo ta. Zu in tura ka chhuah dawn apiangin, naupang hovin “A pa zu in suh aw” an tih tawk tawk thin laite kha; min hmangaihzia ka hre thar chauh va. Ka zahawmna leh ka chhungkua ka in chhe zo vek (a tlai zo ta).
Zu no dawm chungin, ka fa ten “A pa zu in suh aw” min ti asin ti chungin, mittui a tla pur a. Min hmangaih zia ka hria, Zu-in-thiama hian a nghei ta meuh lo chu a ni si a.
Rui takin ka haw ang a, kan chiar leh hluai ang. Nu ber rilruhah takin a lo thu ngui bur ang. Min lo biak that loh deuh chuan, ka che leh ang a. Inchhungah thlengthlawk thei leh bel thlawkthei chenin, ka siam leh ang. Naupang an tap niai niai ang a, nu ber in mittui a hru fap fap bawk ang.
Ka lo ruih em vang a lo ni-
Thih chhan “Tluk leh ding áwn” ka thih ni ah an la ti ang a. Mitthi chanchin an sawi ve ngei ang a, a dam that phawt hi chuan; “Tluk leh ding awn hi a ni ve a” tih bak sawi tur an hre kher lovang. Pastor in min vui ve ngei dawn a, “Biak in a kal pel ve thin” tih bak sawi tur a neih ring suh.
Zu avangin inthen chang a awm nawk a. ” Ka nun ka sim tawh ang” tiin, a ngaite bawk ka ni a. Zu a thlum belh sawt emaw a ni ang. Ui â pawhin hawn nachang a hria a, patling meuh hawn nachang ka hriatloh chang lah a tam. Ka tlai leng ka hawn meuh chuan, “Ti ti ik ik” a ni fo.
Inthenna leh fahrah siamtu, nuihza bur leh zahawmna thai bo tu mihring thilsiam tenawm chu a va ni êm!! Thleng thlawkthei leh bel thlawkthei ka siam laite,mi nun khei rana ka rák vel te, mawi lo tak taka ka tawng te, ka chapo ár lai leh; “Rolenga a tap e, Chhingmiti a tap e” te an tih lai khan-KA LO RUIH EM VANG A LO NI.
Lalkima Zote sak-
Hringmi doral lian ningzu,
Engan ka lo tawn che,
Ka thai duhlai min then tir tu,
Chun nu, zua leh chinlai unau,
Sam ang min then tir tu,
Lanu, val rual nun her sual tir tu,
LU-TI-HAI mai a lo ni e…
tiin a tlang ka’n tlip hram teh ang. Haleluiah pek thuai thuai a va chakawm ve.
Similar Posts:
- Mizote hi hnam dawih kan ni (?)
- Hmangaihtu ngawi chawi
- Mi(sual) zar ka zo…
- Meizial chungchang bawk.
- Kan Mizia leh nun duh dan
Ni e, Mahming, Pathian...
November 6th, 2011 at 10:31 pm
Chhiar ila, @doc_lib pawh khan lo chhiar ve se.
[Report abuse]
November 6th, 2011 at 10:33 pm
First kha Sheldon ka’n khek deuh asin mawle.. Lra post-ah hi chuan first sela a awm hliah hliah asin. Nia, doc_lib mawlh khan a lo phatsan ang e. Thil ho lutuk tak vang mai maia tihtauh bur bur tur a ni ngai lo. Keini fiamthute chu a na em mai. Diktak chuan a mi tihdan zawng zawngte kha kan haw tak tak hleinem. Nia, ‘ka lo ruih em vang a lo ni’ ti ve teh se…hehe.
Sheldon chu ka hnuaia a awm a ngai lehpek dawn a nih tâk hi.
[Report abuse]
November 6th, 2011 at 10:42 pm
Doc_lib a lo lang lo a nih chuan, ka tap thei hial ang ka ti Ts.
Kei leh kei lova ka rawn ruih ve hnap hi.
[Report abuse]
November 6th, 2011 at 10:44 pm
@TSa chu! ka hnuai chiah ah i awm thei riau! ka lo ruih em vang chu a ni chiahlo!
[Report abuse]
November 6th, 2011 at 10:58 pm
Ka chhiar chhuak ta e. A ngaihnawm a, chhiar a nuam bawk. Zirtir a nei tha lehpek hle e. Tumah tihchhan bik a neih ka ring lo va, mahse, zu in zawng zawngte tana inngaihbel theihna tur post a ni si. A lang a pauva kei leh midangte’n zu kan lo sawisel vak vak thin ai chuan he post hian nghawng a nei thain a nei lian zawk ngeiin ka ring a, midangte rilru a tihthara ngaihtuahna thar a siamsak zawk ngei ka ring (teh luama)
Ti daih ila, vairama kan nula hnathawk leh lehkhazira awmte hian zu an lo va in thei âwm em em.
[Report abuse]
November 6th, 2011 at 11:13 pm
Haleluijah!
[Report abuse]
November 6th, 2011 at 11:18 pm
Tuaite, mi trawng chuan mi trawng vek ka tawng te pawh a niang e – ka tawn ve ho pawh maw, an rui thei lo… ka ti mai. Nang???
[Report abuse]
November 6th, 2011 at 11:52 pm
chhiar dawn chiah emawtia atawp daih!! kham awm loh … ka lo ruih pui lawp lawp e….
[Report abuse]
November 6th, 2011 at 11:58 pm
zu lampang hi chu a hneawm thawkhat tawh viau e.
[Report abuse]
November 7th, 2011 at 12:03 am
CC, zu ringawt a nih ber loh khi. Chhiar ve la, a ngaihnawm em khi mawle.. Zu hi ka sawisel vak vak duh tawh lo, nakinah in duh hun ka la neih takin…hihi.
[Report abuse]
November 7th, 2011 at 12:06 am
Chhiar a nuam hle mai a, kei zawngin ka hnelo tawp mai, ka ruih em vangte pawh ani mahna
[Report abuse]
November 7th, 2011 at 12:17 am
[Report abuse]
November 7th, 2011 at 12:20 am
Zirtir a nei tha hle mai
Ka chhiar tur chi tak ani
[Report abuse]
November 7th, 2011 at 12:25 am
Dolly mangtha ka tih lai che khan, ka lo ruih em vang a lo ni. Min ngaidam rawh mampui
[Report abuse]
November 7th, 2011 at 12:29 am
Zu hi tui ka tih ve theih thin tehreng nen ka inrin loh karin ka nghei daih, ka chak leh tawh rih miahlo makve khawp mai
[Report abuse]
November 7th, 2011 at 12:33 am
#15, vaihlo a tui an tih pawh hi, ei ralah chuan kha tak a ni. Local tha an tih pawh, in ralah chuan kha tak a ni ve tlat nia le
[Report abuse]
November 7th, 2011 at 12:47 am
lr, duh takin ka nei che a, nangmah thlahlel leh ka bul hnaia i awm ringawt pawha nuam ka lo tih veng veng thinna te kha min hriatsak duh lovin…Zet-u-zu i thlang ta zawk a.
Ani i hmuh tawh chuan kei, thlahlel ngawih ngawihtu che hi min hrechang tawhlo a, amah i kawm theihna anih phawt chuan i neih chhun sum leh pai, tha leh zung sen i hreh ngailo, a bulah chuan tlaivar hial pawh i huam thin anih kha.
I neih zawng zawng a laksak hnu ah che i hriselna lehzel pawh lak a hnial silo, a duh hun a piangah mualpho thei ang berin a siam che a..zaidam tak leh nunnem tak ni thin kha mi thin butut, insual ching ah a siam che a, hlimna leh lawmna a siam che emaw i tih laiin keini i chhungte rilru namen lovin i tihah lawi si…
lr, i innei lehlo mai teh ang…hetiang tehhrep ai chuan single ka la thlang rih e
[Report abuse]
November 7th, 2011 at 12:51 am
#17,
[Report abuse]
November 7th, 2011 at 1:52 am
ThaiBoy, #15 thianpa, a van lawmawm vele
Hemi hunlai erawh kha chuan ka lung a tileng hle thung:
https://i41.tinypic.com/205qely.jpg
lr hlonchhing Ka Nghei Dawn Chuanglo tih phuah a satu Lalrintluanga Varte hi ka thianpa, ka ngaih ve thin em em zing ami a ni phawts. A hla phuah chhan hmeichhe tleirawl leh a hmeichhe chhungte hi hreve nila chuan, a phuah nalo mah mah i tih ka ring.
Thil tam tak, kut inthlak thlengin tam tak a awm.
Inthenna leh fahrah siamtu, nuihza bur leh zahawmna thai bo tu chu keimahni zel zawk a ni.
[Report abuse]
November 7th, 2011 at 5:32 am
#17, Ka mut hnuah sermon pate i lo thlak chiam a ni maw? Fair lo thei ngei mai
[Report abuse]
November 7th, 2011 at 5:39 am
@H.Vangchhia, i kawmen last sentence khi ka helh riau. “Keimahni” kan nih lohvin, tu nge ni reng ang? Min turluitu erawh mathei lovin ZU a ni, rui lo hai lova “Tunge min cho?” tia i rak vel chung ka ring lo:-P
[Report abuse]
November 7th, 2011 at 6:06 am
Uisa nen hian a inhmeh ber mai
[Report abuse]
November 7th, 2011 at 6:22 am
Zu hi chu mimawl ah a thawk mawl bik.. ( pil bo nghal daih ang)
[Report abuse]
November 7th, 2011 at 6:23 am
lr hlonchhing #21 helh tur chi chu helh awl awl mai tur hairehai
Ih maw hehehe. Mihring hian rilru kan nei theuh. Kan rilru neitu chu keimahni mihring te kan ni. Kan rilru chu kan ta a ni a, thunun (control) chu rilru neitu mihring kutah a awm. A neituin a thunun (control) theih loh chuan tuin nge thunun thei tawh chuang ang le. Kan neih kan thunun theih lova, kan neihin min thunun thei fo zawk anih chuan mi lelo tak kan ni tihna a ni ang.
Hetiang hi ka tunhma nunphung a ni fo thin. Ka neih, ka rilru ka thunun theilo fo thin a, chumi chuan khawvel leh Pathian duhdan nilo vin ka tal phah fop thin. Tunah chuan ka neih, keima ta ka rilru chu thunun ka tum zual deuh deuh a, harsa tak nimahsela nasa takin hma ka sawn tawh a ni.
Mahni a nunna neilo te hi sualah kan puh tur ani lovang. Entirnan, Zu, pawisa, drugs etc. Sual chu keimahni, kan rilru in kan taksa a thunun khan sual chu kan ti tha mai thin a ni zawk e. Kan rilru kan thunun theih chuan insumtheihna te, thil reng reng a tawk chauh a tih thlengin kan thiamin kan tih phah thin a, chumi chuan sual lamah leh thalo turah pawh kan himna a thlen thin a ni. Ka lawm e
[Report abuse]
November 7th, 2011 at 6:30 am
At H.Vangchhia, mahnia nunna nei lo sualah kan puh tur a ni lovang i ti maw? I ti dik. Mahse, i hriatna leh i zahawmna tibawrhbang tlat tu chu amah ZU kha a ni. I harh fim laia i sawi ang kha, i rak i rak pui ka ring lo.
[Report abuse]
November 7th, 2011 at 6:34 am
lr hlonchhing #24 khi uluk lehzuala i chhiar chuan i hrethiam ang.
Zu kha awm mai mai sela i zahawmna a ti bawrhbang lo tawp ang. Nangmah khan i rilru chakna/duhna i thunun/khuahkhirh theih loh avangin thil dang dang i zahna tur pawh a tih tir zawk che anih kha.
Zu tha chi um mawi leh man to tak tak han hung thluah mai la, i thiante chuan an awtin an thik ngawt ang che. Mahse, in chintawk i hriat lova luhai/rui (â) khawpa in duhna i neih erawh chuan an nuihzat thung ang che. Hrethiam tawh em?
Mihring hmelma chu keimah ni kan ni.
[Report abuse]
November 7th, 2011 at 6:39 am
At, H. Vangchhia, amahin kan awm tir mai mai lova, kan in chu a nih si hi maw. Mi tam tak zu avanga mihring pawh tling tawh lo, ransa anga tal muat muat i hriat ka ring.
Amah chuan awm tawp se zawng, MLTP Act hi a piang ngut dawn em ni?
A tawpa ka rawn dah hlathu khi, chhiar nawn leh ta che.
Ka lawm e.
[Report abuse]
November 7th, 2011 at 6:42 am
lr hlonchhing #27 nangmah leh nangmah i inhnial. Awm mai mai tirlo tu chu keimahni mihring ka tih reng chu. hairehai
Zu vang anilo, keimahni …#24 leh #26 ani leh mai e.
Min hnial laklawh mai mai a nih kha. Min chhang zel suh miin TUT an ti dah ang che hairehai
[Report abuse]
November 7th, 2011 at 6:46 am
#28, Ka thuziah tum bulpui pawh a ni zawk mah.
Ka zah khawp mai che, misual.commer dang pawh ka zah.
Mahse, thudik a ni tlat si a. Zu avanga buai tlat te tana hmangaihna aw mawi chang se ka tih vang zawk a ni.
[Report abuse]
November 7th, 2011 at 6:54 am
Zu thatna hi ka la hre tlem khawp mai; MI leh GMI tinuamtu ani tih erawh ka hai bik lo na a.
[Report abuse]
November 7th, 2011 at 6:57 am
#30,
[Report abuse]
November 7th, 2011 at 7:10 am
Zu tha chi ka kawl nual mai, ka buai phah tawh hrih love. Ka rilru/ka ngaihtuahna ka thunun theih tawh vang a ni. A awm mai mai chuan tarmawi mai an ni e.
[Report abuse]
November 7th, 2011 at 7:15 am
Ekhai! Nizan ka mu hma a, a lo tlar dul mai a. Lr-a cu zu awm mai mai te i lo do elo? I post khi chhiar lovin comment kan chhiar hmasa pek a.
Comment tha deuh ka hmu. Zu hi mi mawl ah a thawk mawl tih khi
[Report abuse]
November 7th, 2011 at 7:19 am
#33
[Report abuse]
November 7th, 2011 at 7:22 am
@sheldon, zu awm mai mai tarmawi ho hi do an ngai tlat. Kan tarmawi rei lovang tih ka hlau deuh zu nia.
Kei lungte meuh, thiam lo chunga ka au ve tak chiam chiam hi.
[Report abuse]
November 7th, 2011 at 7:27 am
@Lalrin, hlauthawng suh. Mi kan fing tawh. Zu in thin pawn an in thiam tulh tulh zel. Keipawh tunhma khan ka pawngpaw huat a a lo diklo, kan ti hluhlang mai mai ani.
[Report abuse]
November 7th, 2011 at 7:29 am
#36 a dik lutuk. Kan sawisel a kan do vak vak hian kan ti lar a, a hlutna a sang daih niin ka hria. Zu in ho aiin a dotu te hian a ngawl hi an vei zawk emaw tih tawh tur ania
[Report abuse]
November 7th, 2011 at 7:30 am
@Sheldon, i ti dik. Zu in thiam hi tlakrannaah an lut chawk a. Drugs inchiu ho pawh, an vung zel.
[Report abuse]
November 7th, 2011 at 7:34 am
#37, ka’n chhang leh hram teh ang che. Miin TUT min ti em lovang chu.
“Thlarau bo aiin, a vei tute hi an bo zawk” tihna em ni ang le ka ti ta daih.
[Report abuse]
November 7th, 2011 at 7:39 am
@15 Thaiboy te pawh khi en la, mifing chuan tikhian an nghei hmak mai, HV te pawh. Khawvel awmchhung chuan zu hi a bo dawnlo, kan manage thiam a pawimawh a ni mai. Khawvel ram changkang leh chak ah pawh an tibo thei chuanglo. Kan Sorkar pawh hian legalise se, control na hnuaiah mi ram angin a duh ho hian in se, tuallai a rui a thle thle duh chu an tlem tial tial mai ang. An khap ting tang a, zu a tam tho si, a quality a chhia a, zu quality chhia an in a, naupang te te in an thih phah tawh hi.
Zu hi a tuartu ka ni ve tawh a, ka thin a rim a, ka lungawilohna ka lantir a, kha kha a lo tha berlo tih tunhnu hian ka hrechhuak. Mi in a addiction a sim theihna tur chuan kan va sawisel a kan thinrim khum kha a effective lo ber, hriatthiamna nen kan hrilhfiah an tul. Zu hi ka hua, ka duhlo, mahse, pawngtawng huat erawh ka sim.
[Report abuse]
November 7th, 2011 at 7:42 am
Post-tupa chu zu in ve tlak i ni lo tawp mai.
tren tren.
[Report abuse]
November 7th, 2011 at 7:43 am
@sheldon, a changkang leh fing aiin changkang lo leh mawl kan tam si a. Engtin nge kan tih tak ang? A fingte chauh kan hria a, a mawlte kan hre lo der dawn em ni? Zu avanga chhungkua buai leh khawvel lo chhuahsanta te thlarau hi ka zah tlat nia.
[Report abuse]
November 7th, 2011 at 7:46 am
#41, nia in ve chi ka ni lo. Mi mawl apiangah a thawk mawl an ti si a. Kei mimawla hian, ka mawl pui awm em mai
[Report abuse]
November 7th, 2011 at 7:50 am
Zu vanga buaina leh thihna thleng a awm tehmeuh mai. Ka sawi tawh ang khian khawvel anih chhung chuan zu leh a chhehvel lak atang hian kan fihlim dawn chuanglo. Control thiam tum a fuh ber.
Chhungkua a kehdarh hian zu kan puh chawk, thenkhatah chuan a dik mai thei. Mahse, a phenah engemaw a awm fo ania aw. Entirnan, nu pakhat chu a thlarau chan a sang deuh a, pasal leh fate enkawl hman leklo in a inkhawm in a phe kual a, a rei tual tual a, a pasal khawhar in zu a lo in a, a in nasa tulh tulh a, a tawpah chuan zu ngawlvei a lo ni ta, neih ngaihna a awmlo tiin a nupui khan a then. A chhan diktak chu zu ni lovin zu in tura dinhmun khawhara dahtu a nupui kha..daih mai a.
[Report abuse]
November 7th, 2011 at 7:50 am
sheldon170 # 40 i fing hle mai. Ka zah hle mai che (honestly)
Mihring ka ni a, nunna ka la nei a, ka (mouth) ka nei bawk. Ka duh huna in leh thei ka ni. Ka in theih vangin ka in kherlo, min tibuai tawh heklo (tunah hrih chuan). Ka bulah pawh an in mai a duh chuan, meizial thlengin ka kiangah an zu. Keima ta, ka rilru a chakna awm ka thunun tawh zwk avangin miin an in avangin ka in ve kherin ka haw kher tur pawh a ni heklo.
Zu lamah chuan mahni leh kan fate, an naupan tet atanga kan inhrilh fo hi a tangkai thei. Inhrilhna/inzirtirna fumfe awm si lova sual ang tawp mai a puanzar fo mai hi thil diklo hulhual niin ka hria. He thilah hi chuan kan missionary hmasate kha ka mawhpuh fo mai.
Zu in lam leh hnamdang nupui/pasal neih cc hi chu keimahni leh kan fate kan inhrilh hian awmzia anei ber ang. Chu pawh 100 ah 100 a ni thei der chuang lovang.
[Report abuse]
November 7th, 2011 at 7:55 am
@45 HV, i ti lawmawm e. Same to you (honestly)(Y)
[Report abuse]
November 7th, 2011 at 7:56 am
@sheldon, khawhara dahtu a nupui kha i dem ti raw? Ka’n chhan ve thung ang e.
A pasal khan Zu (aw zu) awm mai mai kha, va khawih lose; an buai ang em aw?
Zu awm mai mai hi a lo sual ru tlat thin zu nia le. Amen tih mai ka hmabak e. Amen.
[Report abuse]
November 7th, 2011 at 8:19 am
Chawei tui vek u. Vawiin Holiday an nih keuh chu
[Report abuse]
November 7th, 2011 at 8:21 am
Zu hi sual a ngaitu tan chuan atan sual a ni. Thil pakhat ve mai a ngaitu tan chuan atan thil a ni.
Vawksa hi thil a ni. Vawksa ei hi thisen sang tan chuan a tha lo. Thisen sang ve lem lo tan chuan ei mahse thatlohna a awm lem lo.
tren tren.
[Report abuse]
November 7th, 2011 at 8:23 am
Vawiin holiday ah hian, Zu awm mai mai khawih tur engzat tak awm ang maw? Keipawh chaw te kan ei phawt ang e.
Sermon kan chhunzawm ang.
[Report abuse]
November 7th, 2011 at 8:47 am
Lr, i chawei te kha a tuilo ang e. Keipawh vawksa ka ei ve ringawt a, ka zawi phah.
Zu hi zu anih chhung chuan a bo dawn hlek lo. Do vak pawh a sawt lo. Control a pawimawh ber. Kan Sorkar pawn a khap bur mai a, mahse in tur lah chu an hmu reng tho sia. Khapna hnuaia in an nih avangin in chintawk an hrelo. Chuvangin legalise se, dan hnuaiah a duh chuan in rawh se. Kum 5 a ral hmain zu indan an thiam tlangpui ang. Zu khapna hlih anih vanga khawlaia rui buai nuaih nuaih a insual buai tura kan ngai tlat hi a diklo.
Khawvel ram changkang ber berah pawh zu rui buai hi chu an awm ve tho ania.
[Report abuse]
November 7th, 2011 at 8:52 am
A hahthlak em mai, ka kut ka sil e. Pilata sil aia sil chiangin.
[Report abuse]
November 7th, 2011 at 9:03 am
Zu awm mai mai hi sual a ni lo tih sim tir tur che u a ziak ka ni lo, nunna hial lo chan tawhte thlarau ka zah avanga; kei lungte meuh pawh au chhuak ka ni e.
Pastor sitting room ah Zu dah reng ila, a sual hlei nem ti ru? Kan helh ngawt ang le.
[Report abuse]
November 7th, 2011 at 9:38 am
Comment a ngaihnawm e. In loh tluk a awm lo tih erawh kan hriat vek kha.
[Report abuse]
November 7th, 2011 at 9:53 am
Silai-in mi a that lo, Mihringin mihring a that!
Kan hmelma hlauawm ber chu keimahni-ah a awm. Chumi, keimahnia awm – hmelma hlauhawm ber hneh thei apiang Zu, Drugs, Sex, Eirukna te-ah an fihlim thin.
Zu hian bàn/kut a nei lo. Ka bànin kan ban a, kan kutin a la mai thin zawk a ni. Ka kut/ke/lei/mit engkim thununtu chu tunge?? Keimah!
[Report abuse]
November 7th, 2011 at 9:57 am
“Keimah” hian in leh keuh zel a.
Ka piantirh ata misual ka ni a, zu pawh an thlawr tirh ata a sual sa a ni, ti leh hram ang.
[Report abuse]
November 7th, 2011 at 10:02 am
Ka post pel rawka, ka’n sawi chiam mai chu le. Ka post sawi tum loh lam daih a ni ta e.
[Report abuse]
November 7th, 2011 at 11:01 am
Ruisaa kalo pianglo chu aw.. Hairehai
Khawilai insualbuaina hi Zu kan khap chhanber a nilo. Zuin tak tak an insual peih lo. An inlohin an rui zawk.
[Report abuse]
November 7th, 2011 at 11:57 am
Aizawlah inrinni khan Opium kg2 an man a, Opium hi khap a ni. Ala awm reng vanga khapna hi hlih chi a ni chuang lo. Ching vak vak ila tawlh chhuak hum hum ila kan hausakpui dawn tehrengnen.
[Report abuse]
November 7th, 2011 at 3:17 pm
Zu in mi ka ni,a tlangpuiin kar 1 ah vawi khat.Tin,thiante nen dinner ei etc tih velah ani leh mai.Peg li vel hi rui si lo,biang chhah map tawk vel ani-ka tan.Pa tawng tam lo tak,pawimawh fet chauh sawi thin,lehkha chhiar edict ka nih avangin nupui fanau bulah ka titi tam lo hle. Zu ka in tum hi chuan nupui fanau bulah ka titi in ka nui ve thin….Zoramah mai ni lo,khawvel zau zawkah pawh lehkhathiam leh mi ropui tak tak zu in mi an awm. Drug ngawlvei erawh thlengsang tak sawi tur ka hre lo.Zu ngawlvei thin,sim ta hmak,kohran Upa leh Pastor hial ni ta sawi tur an tam;a bik takin zu hi chu pian thar san a har lo.Drug hi ani hlauhawm chu.Drugs addict tawh chuan nghei hlen har an ti.Ka fa-te hian zu in se ka ti hauh lo.Zu hi a tha lo,sum a heh, mahni inthununa lama pan ve tak tan hriselna hial a khawih chhe thei in, hun hlu tam tak min laksak etc,adt.Chutichungin,ka fa- te hian drug an tih ai chuan zu —in se ka ti zawk ang.Hemi chungchangah hian sawi tur tam tak a awm. A tlip nan: Hawh u,zu hi ram changkang zawk-ten an tih anga khuahkhirhna hnuaiah dah zalen ila;drug hi nasa lehzualin I do zawk ang u;chutiang chuan CADS lam pawh hian an hming put chhan ruihtui(zu) nilo ruihhlo( drug) ngei mai hi do uar sauh se .Zu do bur hi chu a international level lo;international levela an do chu drugs leh tobacco hi ani zawk.Zu khuahkhirh hian zu quality nasa takin a ti chhiaa,zu chhe in chu an ruihsual fo.A in duh chuan (zu chhia ) an in reng tho;chu chuan an pianthar hma-in an nuna a chhah sak hman thin.Zu hi chu upat lamah a nghei ve theih mai.Drugs erawh hi chu—
[Report abuse]
November 7th, 2011 at 5:07 pm
Ka type ve teuh tawh a, in comment zawng zawng kan chhiar leh hnuhnawh a, ka type sa ka delete leh vek mai….Ropui taka comment kher a tullo a ni ang e…Piang hmun lo na na na hi chuan ngaihdan hrang hi kan nei vek a nia…
[Report abuse]
November 7th, 2011 at 6:00 pm
‘MIHRING HMELMA LIAN BER CHU MAHNI’
[Report abuse]
November 7th, 2011 at 6:49 pm
Post pawh in rilru a khawih, kawmen pawh ka chhiar chhuak thla vek a, in ngaihdan te hi tha ka ti lutuk tlat. Zu hi ‘Do’ a nih chhung chuan khawlai ah rui buai an tam ang, tihloh tur hi mihring hian kan ti chak vek thin, Naupang pawh khawihloh tur, tih loh tur tih chiah hian an khawih in an ti chak nghal em2 thin, chuvang chuan khap kan ngah lutuk te hi kan ram ah sualna punlun nachhan pakhat ni ve te hian ka hre thin. kei misual hian.
[Report abuse]
November 7th, 2011 at 6:58 pm
A chunga ka comment hi han comment leh lawk ila. Tlar 8na khi , —`- awm pawh nise a mak lovang`ti-a chhiar tur ani e( correct word processing).Engpawhnise,ka main theme chu `Tha lo rau rauah zu aiin drug hi a hlauhawm zawka::chuvangin zu khap bur vanga drug a hluar phah anih chuan,zu khuahkhirh burna hi phelh thawl ta deuh ila; drug hi a hluar nep deuh lo maw?-ka tihna ani ber e. Pa thu chhep thiam lo keini-ang thu hi chu a chibuh leh nuai thin.Ka rawn kurpui ve ngial te khi `Ngaihdan ` ani e..-Ngaihdan.Zu khapbur chungchang chungthu-ah hi chuan research beih mêk anih kha maw(for safe side).
[Report abuse]