Tun lai Aizawl leh Mizoram hmun dang a vawh thu kan hre chamchi a, a vawt a niang e. Keini lam ve hi thlalak hmangin ka’n entir chhin dawn teh ang….
A lum vak bik lo a nia...
Kan in chung balcony ṭhutthleng
Kan gardener-te’n thlasik pangpar an tih pot-a min rawn khawisak ve pawh a chuti lua thei lo e
Kawmthlang lam
Kawnga vur tling tihfai nan chi an theh ṭhin. Truck-in an phur ṭeuh a, an theh darh ṭhin. Tukin chu kan kawt lamah manual-in an rawn bei thung
A duh tan chuan pawnah ni lum a ai theih
Theihmu kung, rah hmin tiar ṭhin te paw’n ngawi rengin khaw vawt an tuar tlawk tlawk mai!
Thing-lu-bul
Heng te hian vawt ti ve tak ang maw?
Vur a tla dawn an tih avangin ka bang hma deuh a. Kan inkhalh chhuak ṭan chauh tihin min nangching ta tho a. Snowflake pangngai bakah rial ang lek lek, mu nei deuh hian a tla chiam a. Traffic a muangin kal a har ngei mai.
Winter tyre ka lo la vuahtir lo pek a, kawng lei deuh laiah chuan a sir kawr lam kan nger leh riai riai ṭhin a, kan tang dawn ni ngeiin ka ring a, hotel leh shopping mall hnaivai pan tur rilru-in a dap kual ruai hman a, mahse tla em lo-in kan inhai chhuak leh hram hram ṭhin.
Metro (underground) bak public transport function thei a awm meuh lo. Metro station remchang aṭangin ka driver ka hawtir a (kan in thlenga min thlah chuan haw lehna tur a hmuh loh ka hlauh avangin) keima’n car ka khalh zui a, ka kawi nawk nawk a, in chu ka thleng ve mai bawk a. Hetiang hi kan nia, lum pawh kan ti bik lem lo.
Similar Posts:
- Pvt Sumdawng Metro India hmasa ber tur
- Squash
- Delhi Metro hman dan
- Liverpool football fan club blog thar
- Millenium centre is ready
January 18th, 2012 at 3:57 pm
XaiA#44 nang meuhina min han fakdersak chu a lawmawm zual e.
malsawm#46, #32-a khi – lo zin ta che. Ka camera hman chu Nikon D5100, NIKKOR 18-105mm VR lens nen.
Thlalak hi ka thiam lo a, thiam tura han zir lah chu ka peih teuh bawk si lo a, hmasawn a har riau.
Report this comment
January 18th, 2012 at 4:20 pm
#47,I thlalak framing hi a nalh in composition hi a tha ka ti.Vur hi a var(bright) em a vang in exposure hi pe tam hret i la a tha duh an ti(ev +),camera-in a tawk a tih ai a tam hretin han tichhin mah teh…
Report this comment
January 18th, 2012 at 4:25 pm
Nipui khawlum huam huam hunah en leh ila, min vawngdai thei hial ang tih tur a mawi an nih hlawm khi le!!
Report this comment
January 18th, 2012 at 4:39 pm
Kan khua a vawt ber. Kan bang a awng heu huau a, thli a rawn thaw her her thin a, dap chhuat atangin mawng a rawn chhem a! ‘Engatinge, a vawh tehreng nen, hma deuh deuhva in thawh?’ min ti thin, mutna lum hek lo! Pawna mei chhem a, ai mai a nuam zawk.
Kha daih kha a sin. A vur leh a celsius degree lam a ni lo!
Report this comment
January 19th, 2012 at 10:11 am
Hetiang ramah hi chuan, pawnlam vawt vau mahse, inchhung erawh chu, a lum nuam tho. Car Chhung, dawr chhung, office chhung etc. a lum ther ther vek a, khawvawt an tuar ve lem chuang lo.
Vawt an tuar ve lai chu, in chhung atanga Car chhung luh kha mi inkar mai te kha a ni awm e…..Sikri, heater, a ngai chuang lo…..an ti
Report this comment
January 19th, 2012 at 3:16 pm
lianchhiara@50, Nangma’n vawt i ti viau ringawt a nih hmel te ka tia.
Vawt hi chu tuartu awm leh awm loh pawhin a vawh dan a ngai reng a nia.
mr.Duhlova@51, i sawi dik chiah mai.
Report this comment
January 19th, 2012 at 3:33 pm
Kan thianpa (Sikh-pa) Canada a mi chuan, “Keini Indian-ho hi chu khawvawtah hian inchhungah kan tawm im a, tukverh pawh kan hawng ngam thin lo, mahse Sapho ve thung chu vurah an infiam a, tukverh te hi an hawng huai thin, vawt ti hmel an pu ve lo,” a ti a….tak tak ni maw ?
Report this comment
January 19th, 2012 at 3:39 pm
Lum vat vat se..larki ho an in ha nasa lutuk a, melh tur avang tlat
Report this comment
January 19th, 2012 at 3:48 pm
38 Hlatekhua, IT lam, ka schedule kan check anga ka lo hrilh ang che…
Report this comment
January 19th, 2012 at 4:56 pm
DXBFreak@55 Ni rawh se (Churachandpur Mizoṭawng?).
Report this comment