Hun rei tak ka lo kawma ka lo kawp tawh, ka thiannu chuan pasalah hnam dang min neihsan ta a. Ngaihtuahna a kal thui kher mai.
Chutih lai vel chuan khawi emaw laiah hnam dang pasala neih chungchang an sawi a, hmeichhia ni ngei tur pakhat chuan, “Mizo mipate chu neih tlâk in vâng em alawm,” a rawn ti khanglang a. Ka sa zak mai.
Ka thiannu pasal neih tâka chu a mimal tak pawha ka hriatchian a nih avangin ka inkhaikhin nghal vat a.
* Ani chu milem pathian bia, Hindu tlangval a ni a; kei chu Pathian nung bia, Kristian tlangval ka ni.
* Zirlai a ni a, hnathawh engmah a la nei bîk lo va, a chhûngte’n an châwm. English, Hindi a thiam a, Mizo tawng a thiam lo; zirlai ka ni a, lehkha zir chungin hna chhetë ka thawk a, chhûngte tibuai lovin ka intodelh ve tâwk. English, Hindi ka thiam, Mizo tawng pawh ka thiam.
* A ngo ving veng bîk lo, a hmêl phei chu a vântlâng chung lam bîk lo. A sang duau a, a tlâw hmêl hliah hliah; kei chu ka ngo veng a, hmêltha viau anga sawi tur ni lo mah ila, amah kher kher kha chu vântlâng hmaah ka cho. Sàn zâwngah ka chen lo va, mahse, ka ni duau lo va, ka sa a inphut mawi zâwk.
* A nu leh pate hi sakhaw mi tak an ni a, an inkhuahkhirh nasa; ka nu leh pate hi sakhaw mi tak an ni ve tho va, mahse, min khuahkhirh em em lo.
* An society kan hria, in hria; kan society in hria, kan hria. A nuam zâwk tur chu neutral tak pawhin thlîr ila, a lang chiang em em.
* Ani chuan sikret a pak hlat hlat thin a, zu pawh a in, a rui chhe ngai lo nain; zûk leh hmuamah ka fihlim a, zu pawh rui chhiaa rui chhe lo tur paw’n ka in lo hrim hrim.
* An inchhûngah Hindi an hmang, anmahni tawng a ni a, ka thiannute tawng a ni lo; kan inchhûngah Mizo tawng kan hmang, kan tawng a ni a, ka thiannute tawng a ni.
* Duhtâwka sum hman tur an nei, an hausa, an neinung; duhtâwka sum hman tur kan nei lo, kan rethei, kan harsa. Sum hi nun hlimna a ni ber lo tih erawh ka hrechiang, ka thiannu paw’n a hriatchian ka ring.
* A hmangaih ve lutuk, a hmangaih thu chu tawngkain a hrilh fo; kei paw’n ka hmangaih khawp mai. Tawngkain ka hrilh fo va, ama tan liau liau poetry ka phuah a, amah avang liau liauvin thu ka ziak nual tawh.
Hnam dang aia neih tlâk ka nih lohna bîk eng nge awm le? Kan Mizo nulate hian ngaihzâwng atan pawha Mizo tlangvalte hi neih tlâk kan nih lohna chhan eng nge sawi tur in neih? Kan that lohna leh kan tlin tâwk lohna chu hnam dang pawhin an nei ve tho va, in hmu lian zâwk lo mai mai a ni.
November 14th, 2011 at 12:44 am
Hnamdang neihloh tur, kan thihphah dawn anih ngawt loh chuan. Hnamdang neih leh neihloh ah hian kan buai kan buai mai si a. Ka Mizo pui ngei pawh hian ka thinlung hi dam leh thei ngai tawhlo turin a hliam thei tho sia. Mihring nunah hian ‘rejection’ aia na a awm thei ang em ka ti. Misual.com member ni chin hi chuan engemaw chu kan tawn vek tawh ka ring.
Kan thulairil atan – hnamdang nupui ah or pasal neihloh tur. Vai hmul der dur te hi ka ten..uuaakk
Report this comment
November 14th, 2011 at 12:45 am
TS, i tlak ve tho a, mahse i luck lo zawk anih hi
Hnunglam thil awmte chu theihnghilh la, mawng thar zawng rawh..
Vai hi chu vai tho neih turah ka dah mai..
Report this comment
November 14th, 2011 at 12:48 am
Bible ah pawh hnamdang neih phalloh tih kha awm tlatin ka hria…
Report this comment
November 14th, 2011 at 12:48 am
Nie, ReMpY_ScisSoR sawi ang khian
Report this comment
November 14th, 2011 at 12:53 am
(a chunga ka coment,ka paste) vawin ah
rawngbawltu a pasal vaiin, a
hma chuan vai ka hmusit a,ka
pianthar hnu hian hnamdang
hmusitna ka nei lova.chuvanga
vai nei thei chu ka ni, zu
tia.pianthar vanga vai nei thei
ain tia.hnam dang pasal/
nupuia nei hnawksak ti thin
ho hi kan piangthar lo em ni..
ka ngaihdan an nilo khawp a
Report this comment
November 14th, 2011 at 12:53 am
“Kei zawng thihna khum a mut huna, mizo trawng ngei a thuchah hnuhnung sawipui theih loh tur kawppui ka duh lo” ti tu kha tunge le???
>> 
“ka mu mai tange, ka tling lo a ni”
Report this comment
November 14th, 2011 at 12:59 am
La-me-a 25 hian Jabalpurah vai nula a ngai zawng an ti…
Report this comment
November 14th, 2011 at 1:04 am
ha3..sihphir tlangval..
Report this comment
November 14th, 2011 at 1:10 am
Sunday Post atana ka ziah ka peihfel hman tak loh hi Tsa hian a mamawh dawn asin le. Remchangah ka lo zo thuai anga ilo la chhiar dawnnia
Report this comment
November 14th, 2011 at 1:23 am
53: Bible ah Pathianin ringlo mi, milem pathian bia te nupuia neih a khap tih chu ka hria. Hnam tih sawina chu ka la chhiar awm ka hre lo.
Israel te Lal an dila Pathian in a pek khan lal ram lo chhiatna chhan ber chu Solomon an ringlo mite nupuia a neih teuh vang kha niin ka hria. Ringlo mi nen rual lo taka nghawngkawl bah dun loh tur tih kha ni maiin ka hria
Report this comment
November 14th, 2011 at 1:30 am
Ser te chu a thur thur nen tiha ani aia tha zawn mai tur alo’m le, TuaiSial!
Report this comment
November 14th, 2011 at 1:45 am
The hardest game to play —- Game of love
Report this comment
November 14th, 2011 at 1:51 am
sum leh pai chu anh deuh ber cu a(&)
Report this comment
November 14th, 2011 at 1:53 am
Report this comment
November 14th, 2011 at 2:20 am
E khai… TS… midang nen in khaikhin ngai reng reng suh, nangmah ang hi khawvel ah tumah dang an awm lo, chu chu i ro hlu em em chu a ni. Dik tak chuan ka hre hrep che, i talented, i fighting spirit hi above average a ni,i social adaptability hi a tha chungchung, i future hi a chhelo e…. i drawbacks bawk ka hria,hman a fb a an beihrawn na che pawh ka chhiar, 3b’s hi hre reng rawh,ka sawi tam hrihlo ang e, thatak in lehkha kha zir rawh, blessing in disguise a la ni lutuk ang.
Mahse… nang hi i talented reuh lutuk a, i phuahchawp a ni lehpek lo maw?
Report this comment
November 14th, 2011 at 3:14 am
Thu ziak tha tak a ni.
Report this comment
November 14th, 2011 at 6:49 am
Mihring hian duhzawng kan nei, nula hmeltha nazawng i ngaizawnga i hmangaih ngawt theilo ang khan, nula pawh an ni ve tho. Nihna inang, thawh inang, hausak dan intluk reng pawh ni ila, min hmangaih lotu zawk chuan min thlang ngai lovang. Mak deuh a nia sin. Hnamdang ber kher nen chuan competition nei lo teh. A duh a thlang a ni mai alawm. A duh a thlang fuh ta lo anih pawhin ama tlat tlatin tla mai se, sawi zui luai luai kher lo ila. Hnamdang tangah bei mahse a damchhungin mizo a ni dawn tho tho.
Amah aia tha, thlan sen loh an la rawn lang zel dawn. I lungdumtu ber i la thlang nelh dawn nia.
Report this comment
November 14th, 2011 at 7:17 am
#65 Ka lawm e. Mizo tlangval ka nihna zâwnah ka rawn ziak a nih hi.
Kei zawng, hnam dang pasala neite hian chhan dang ni lovin, hnam dang pasala an neih avang liau liauin inchhir chang an neih fo ka ring tlat a ni. Hnam dang pasal neih duh loh avanga rilru zau lo angah erawh inngai lo ila.
Report this comment
November 14th, 2011 at 7:21 am
I thiani chuan thlang sual ala inti khawp ang.
Tin, neih kan duh te lakah hi chuan theihtawp chhuah ve hi a ngai a nia.
Ka awm zawk ti ringawt lovin a thinlung hneh tum ve te pawh a ngai ang chu!
Report this comment
November 14th, 2011 at 7:48 am
Ka duh ber chu, kan Mizo hmeichhiate hian in tlangvalte kan that loh leh tlin lohnate hi hnam dang neih phah duh hialna tur khawpa hmu lian lovin hnam rilru pu ve se tih hi a ni e.
Report this comment
November 14th, 2011 at 7:54 am
Tha a ka hriat: Rawtna!
Mizo mipa te hian kan hmeichhia te laka kan thikthu chhiat zia leh an awm dan tur a kan duh dan kan sawi ngun ta malh malh hle.
Mizo hmeichhia te hian Mizo mipa te awm dan tura in duh dan, hmeichhia ten Mizo mipa te engtin nge awm ila in duh zual sauh dan tur te hi han sawi thin ula a tha lawm ni aw!!?
Report this comment
November 14th, 2011 at 8:02 am
#71 Dik chiah! Min veitu an awm loh hi chuan nuam chuang lo…hehe. Mizo hmeichhiate’n min veina an auchhuahpui lo or kan laka an thikthu an tihchhiat ve duh loh avangin hnam dang pasal neih chungchang han sawi chang hian an kha a chih tlat zel.
Report this comment
November 14th, 2011 at 11:44 am
Khaia khongaih thlak ve TS a chu……………i la na deuh elo???? va h
Report this comment
November 14th, 2011 at 11:56 am
Ts chu va khawngaihthlak tak ve hihi..ka farnu te hian vai/hnamdang pasalah han nei teh vaih se… ka pet chhuak nghal a nimai
Report this comment
November 14th, 2011 at 12:32 pm
Malsta…haha.
Badboy…an neih chuan i petchhuak hman nang, i petchhuah hmain anmahni an chhuak dawn alawm. Farnu i nei reng reng em ni?!
Report this comment
November 14th, 2011 at 12:34 pm
This silly game of love we play, we win only to lose. a nih deuh ber hi
TuaiSialA chu ral ve ngei chu a ngai ang le.. tee hee..
Hnam dang leh dang lo chungchangah hi chuan BUAI BUAI lo teh ang u. An duhber leh hmangaihber an kawp chuan a hrehawm leh a nuam ah pawh an mahni in an tuar ve mai ang chu. Mi pasal tur a duh lo thlan ve zawt zawt te chu a zia in a daihlo.
Tuaitea pawh in ngaihtuah chiang la, duh tlakin i awm em tih kha han in chhut let vang vang teh. Tun a i in ngaihdan zawng zawng khi a Hmeichhia khi zawt ve leh ta ila, a chhan dan chu a dang deuhin ka ring. A hnam ang zawng a hauh tung chi pawh a nilo.
Eng hnam pawh nise an duh thlanna a ni e. Thutak nge i sawi, boruak siam nan dawt rawn phuahchawp chu ka hrelo a. Ka rilru a awm ang ang ka rawn puah chhuah pui ve a nih hi.
Heta kan thil sawi zawng zawng hian eng kawngro mah a su dawnlo a. In thusawi avangin tu ngaihdan leh duhzawng mah a in sawhsawn dawn chuanglo. Mahni chantawkah hian lungawi teh ang u.
A Mizo tak hi chuan hmeichhia hi chu kan dah hnuaihnung deuh a lawm. Han dah san der a, han chul hliau hliau te hi an phut ve a. Hmeichhe lungawi na hi thil hote mai a nia. Chutiang bawkin an lungawi lohna pawh hi thil hote vang a ni thei.
Hetiang a hmeichhia te dem vak vak lo hian Mizo Val rual hian tan i la tlang teh ang u. Rui thle kawi mai mai lo hian. Nu leh pate thawh chhuahsa a in chhek arbawm satliah lo hian. Mizo tlangval intodelh hi tam lo deuh mai a nia aw.
Mizoram pel dek dek a ZU tinghal ringawt lo hian changkanna te hi i ngaihtuah ve teh ang u. Rui te te a hmeichhe kuthlak la ching bawk. “NEP” tih hi tawngkam thiam deuhin han sawifiah tak tak selang chuan Mizo tlangval zingah hian inhmeh tak tak kan tam viau mai lo’ng maw?
Tuaite, nang ka rawn hmer bik hranlo che a. Mizo tlangval pumpui a nia ka sawi ni.
Kan nulate pawh hi, hnamdang neih duh chhuanlamah hian Mizo mipa chu in nep hi min ti fahran teh suh u. Engtia ang mipa chu nge in duh tihte hi min hrilhfiah zawk ula. Awzemi in kawpsan leh daih thin ai chuan in tlangval te hi min han fuih ta sauh sauh zawk che u. In tlangval te hi Neplo intih ang chu min hrilh ula, keini pawhin insiam that nan te kan lo hmang ve dawn a lawm. Min duat thang tawh ltk a awmdan mawi kan hre ta lo a nih hi. Zilh kan ngai, tawngkam tha in min han zilh teh u. Kan Mizo pui ho hian hnamdang tawn a uai mai a tan chuan an ui si che u a…. keizawng ka chantawkah ka lungawi.
Report this comment
November 14th, 2011 at 1:08 pm
#76
Tha lutuk!! Sawiho erawh a nuam. Hetia han sawiho han sawihote hian lang lo liamah keimahni hian kan hlawkpui ve a nia.
Report this comment
November 14th, 2011 at 1:09 pm
@Alejendro: chu game in lo play ni maw game of love tihvel
ka lo hre ve lo a nih chu mole, game a nih chuan ka tel ve duh lo a chunga mi khi ka soi leh lo ve 
Report this comment
November 14th, 2011 at 2:02 pm
Tuaite, a phu hlawl lo che!
#71,72,76… keima expi atangin aw..1. Mizo mipa hian ei loh zawng in ngah lutuk.. incheina, sam tihdan tih mai mai in sawi sep sep peih..(ka sam hi ka streak a, a nalh ka tih vang a ni mai..nalh min tihpui kher ka phut lo :-),sawisel nachhan tur zawng duh lo mai rawh)
2. hmel in en lutuk..hmeichhia hmelthat chaklo kan awm lo..ka tawn ve tawhah hnamdang hian hmel hi an dah pawimawh lutuk lo emaw ni ka ti thin
3. Nungchang in teh dan hi ka hrethiam ve lo..
4. Nu hnap kher in duh tlangpuiin ka hria,(ka tlin ngang lo!)patil ni kher lo hian hmeichhia hi kan ‘pa’ hrek hrawk thei tho, chhungte tel lo a vairama tal hrang tur phei chuan ‘pa’ ve deuh hrak a ngaih chang a van tam em!
5. Mi hmusit in ti na.. mahni aia hniam deuh nia in hriat bawl ti tih a treat in ching tlangpui
Sawi tur chu ka la hre teuh..mahse ka hnung a na lutuk,vawikhatah ka type chhuak vek theilo.. khing ka han sawi point 5 te avang hian Mizo mipa hi ka hmusit lo che u, in awm ve hrim hrim hian thla a muang…nakin deuhah ka rawn chhunzawm ang
Report this comment
November 14th, 2011 at 2:15 pm
Jacka Pi chu ka duh ang chi chiah. Pawmlai nei i ni em?
“Take me with you and I will forever serve, my Lady” 
Jokes apart… A lawmawm e.. in ennawn nan kan lo hman tlan theuh theih ka beisei.
Report this comment
November 14th, 2011 at 2:38 pm
VAI/Hnamdang nei hi chu diriam ila,hnawl ila, endawng nghal hmak zel ila a ni mai..khaihlum emm chu ni lo se…..
kei zawng, ka lungdumtu ah hian ka lungawi hliah2 e, zohnahthlak lanu ngei a ni si
Report this comment
November 14th, 2011 at 2:43 pm
Kei pawh Jacka Pi ka duh. Mahse, kawppui a neih tawh hmel e..
Report this comment
November 14th, 2011 at 2:47 pm
‘Mizo mipa neih tlak loh’ tih tawngkam ri hi a ninawm khawp mai, khawi atanga lo chhuak nge maw ni le? Tawp tawh teh se. Tha tak2 chu an tam, luck lo deuhvin kan hmu fuh ve lo ani mai a
TS, tute emaw awmdan leh tawgkam vangin i tlin loh phah ngai lovang, i nihna diktak kha a hlu ber.
Report this comment
November 14th, 2011 at 2:48 pm
jacka pi, kei pawh pa hrak, idea tilang ngamlo khawpa nu chu ka duh hleklo
Report this comment
November 14th, 2011 at 2:50 pm
79 comment tu khian a sawi dik ka ti. Sawi ve piap a chakawm, mahse insum rih mai ang.
Report this comment
November 14th, 2011 at 2:58 pm
0T loks
U Tuai, computer atanga Û,â,etc type dan post pakhata i dah kha ka hmu tawhlo, minlo hrilh
Report this comment
November 14th, 2011 at 3:22 pm
Tuaite,3 lai ka nei..mahse min biakthat viau angai ang
Report this comment
November 14th, 2011 at 3:44 pm
Thriante u,
Hnamdang neih hi globalization-in an hrinchhuah pakhat chu a ni ve tawh e.
Bible-in hnamdang neih a khap, tih erawh hi chu khatilai a hnamdang te kha Zehova Pathian be lo mite anni a, ringtu chuan ringlomi nupui/pasal a neih loh tur tihna a ni zawk e. Ruthi pawh kha hnamdang mi (Moabite) ani a, Mahse Izarel pasaltha Boaz nupui a ni a, Lal Davida thlahtu leh Lal Isua thlahtu a lo nih daih mai a ni.
Having said that,
First choice = mahni hnampui Kristian
First choice a hlawhchham chuan, second choice = hnamdang Kristian
Report this comment
November 14th, 2011 at 4:33 pm
I hmel thlak a nngai a niang a TS
(fiamthu)
Report this comment
November 14th, 2011 at 5:04 pm
@la-me-a: Chhemdamthlifim.blogspot.com-ah lut la, a hlui velah khan han hai chhin teh. Nikum kumtawp lampang post a ni ang.
Report this comment
November 14th, 2011 at 6:10 pm
Tuaite i tling tawk! No worry!
Report this comment
November 14th, 2011 at 9:09 pm
Mizo tlangvalte intodelh tur. Nula fingin an ngaipawimawh.
Report this comment
November 15th, 2011 at 3:53 am
#90, u tuai, ka lawm e…
Report this comment
November 17th, 2011 at 11:57 am
Ka tuarpui hle mai che. Rilru a na duh viau ang. Mizo mipa neih tlak loh tih ve ziah hi – Mi kan tam na na na chuan neih tlak tak tak leh neih tlak loh tak tak kan kat buk ang chu mawle!! :-)Generalise tawp chi a ni lau
Report this comment
November 17th, 2011 at 11:58 am
*kat nuk*
Report this comment
November 26th, 2011 at 2:37 am
Report this comment
March 27th, 2012 at 6:44 pm
[...] tlémtë ka han dah a ni. Zawm a harsa lem lo bawk a, zawm ṭheuh kan tum dawn nia. A duh chuan HEI HI chhiar hmasa [...]
Report this comment