Albert Einstein-a chuan kum 1905 daih tawhah khan rihna(mass) nei tawh phawt chu eng(light)aiia kal chaktir turin thahrui(energy) teh theih loh khawpa tam(infinite energy) a ngai dawn a, chuvangin eng aia chakin rihna nei tawh phawt chu a kal thei lo a ni tih a theory(Special theory of Relativity) ropui tak maiah chuan a lo sawi tawh a. Nimahsela, September(September 23?) thla chawhnu lam khan Italy rama lei hnuai zirbingna hmun, Gran Sasso Laboratory-a khawl, OPERA an tiha thawkte chuan thil mak tak mai an hmuh thu an puang zar ta.
Kum 3 chhunga an experiment tih atanga a lan danin thil te takte, zang bawk si ‘Neutrino’ an tih chuan km 730 zeta hlaa awm Switzerland ram atangin chu experiment tihna hmun chu second khat hmun tluklehdingawna thena hmun 60(about 60 nanoseconds) vela hmain eng a thlenkhalh tih an puang ta mauh mai, chumi awmzia chu eng aiin neutrino chu 6 km/sec velin a kal chak zawk tihna a nih chu! Hei hi Scientist tam tak chuan an awih lova. Thenkhat mak tiin ngawih an chuh a. A puang zartute ngei pawhin a chhan leh vang an la hriat loh thu leh sawifiahna tur hmanrua(Theoretical foundation) engmah an la neih loh thu an sawi tel nghal a. Khawvel hmun danga Scientist dangte pawh finfiah turin an sawm hial a ni.
He OPERA experimenta tihsual awm thei ang turte khawvel hmun hrang hranga mithiamte chuan an ngaihtuah ve renga, Boston University-a Physicists te chuan Neutrino hi an sawi anga eng aia chaka a kal chuan energy thenkhat a hloh(lost) ngei tur a nia, chu a energy hloh pawh chu a hriat(detect) theih ngei tur a ni , an ti a. Chutihlaiin thenkhatin, Neutrino kal rei zawng teh nana an hman GPS satellites systemah hian Relativity in nghawng(Effect) a neih dan dik takin an chhut tel bawk ang em? tihte an lo zawt ve mek bawk a. An sawi anga Neutrino(rihna nei) hi eng aia chaka a lo kal thei te anih vaih chuan Physics-a Law hrang hrang, Media leh Persia ram dan ang maia nghet tluta kan lo pawm tawhte pawh sawi nghinin a awm dawn tihna a lo ni ang.
Mahse hei Einsteina tu leh fate tan chuan chanchin lawmawm tak a rawn inherchhuak dawn a ang ta riau mai. February ni 22,2012 khan US Science chanchinbu pakhat Science Insider chuan Eng aia chaka kal anga OPERA Scientist ten an hmuhna chhan chu GPS Receiver thlunzawmtu optic fiber cable-in Computer-a electronic card a zawmna laiah eng emaw fuh chiah lo a lo awm vang a ni an ti. An sawi hi a dik ngei ngei ang, a la tih theih ngawt bik lohva, mithiamten uluk zawkin an rawn la chinglet ang a, result rinawm tak kan dawn thuai i beisei phawt teh ang.
Eng hi a kal chak khawpa second 1 chhung lekin km 3,00,000 vel laia thui a kal hman a, amahin hel kual thei ta se kan awmna lei pawh hi a kiar lai berah second 1 chhung lekin vawi sarih leh a chanve vel lai a hel chhuak hman dawn tihna a ni.
Chhiar belh duh tan : https://news.sciencemag.org/scienceinsider/2012/02/breaking-news-error-undoes-faster.html
Similar Posts:
- India rama Green Energy School hmasaber Pondicherry Univ ah
- Snowmageddon!
- Electric wiring-II
- BSNL GPRS – II(Min pui thei in awm em?)!
- Kan ram hliam tuam ang u aw..
February 23rd, 2012 at 11:34 pm
A bengvarthlak hle mai.
Report this comment
February 23rd, 2012 at 11:58 pm
Post tha e
OT: VC ah chuan MNF anva che tha ve
Report this comment
February 24th, 2012 at 12:14 am
Report this comment
February 24th, 2012 at 12:16 am
a ngaihnawm hle mai , i sawi fiah bawk a , a bengvarthlak khawp mai .
Report this comment
February 24th, 2012 at 12:33 am
Report this comment
February 24th, 2012 at 12:41 am
#2 MNF an chetha ni lovin Congress or party dang an chechhia a ni zawk lo maw!
Report this comment
February 24th, 2012 at 12:52 am
#6 an chetha a tihtheih tho lo maw? Chetha opposite kha chechhia ani tlat. (sunday a pu.Pka post ah pawh lum opp chu vawt atih kha)
Report this comment
February 24th, 2012 at 12:52 am
Pu Rama chu a mittui a parawl ker ang a..Pu Hawla chu a hawi luau luau mai thei..haha
Report this comment
February 24th, 2012 at 12:55 am
NLUP dawng chhunzawm thalo te an awm angem le, te ka tia
Report this comment
February 24th, 2012 at 1:01 am
A party ang zawng chuan kan kal vak tawh lo a ang khawp mai inthlan result atang chuan. Thil lawmawm tak ani, mahse pawi em em chu MNF leh Congress chiah vote tur kan nei a, heng party pahnih te hi kan vote tlin chhawk zar zar a, a hruaitu lu te chu a ngai bawk kha an lo ni leh thin sia.. are yaar
OT dal ah : Albert Einstein hi ka ngei tlat
Report this comment
February 24th, 2012 at 1:11 am
Ka chung amite ho chu in va Politician awm hlawm ve maw le.
“Equations are more important to me, because politics is for the present, but an equation is something for eternity” – Albert Einstein …
Report this comment
February 24th, 2012 at 1:12 am
Eng ai chak pawn an neutrino chu lo kal chak zawk pawh nise engemaw a hlutna le te ka ti mai mai!
An speed tehna khawl chu a tha awm vei reuh! Enge aia kal chak enge? Ngaihtuahna kan ti thin!
Report this comment
February 24th, 2012 at 1:17 am
Albert Einstein kha chu Indopui-I na a a ram tan a kal ve ngam lova ram dang a biru kha nia..
Theory of everything kha chu han puitlin se, a ropui zual leh dawn mang e he pa hi chu
Report this comment
February 24th, 2012 at 1:19 am
#10, ZNP leh MPC anla awm alawm..
Report this comment
February 24th, 2012 at 1:22 am
Khimi khi a dik ngei e tih nemnghet turin hun ala duhrei khawp ang.
Hman deuh khan ka ziah tawh kha mawle
Report this comment
February 24th, 2012 at 1:42 am
#12 lrpa…A lo kal chak a nih vaih chuan Physics zir ril tumho an hah ting dawn a ni mai lawm!
#13 Chhangteval…Theory of everything hi a awm pawh ka ring lo, a lo awm palh a nih pawhin a chipchiar ngawt ta ve ang.
#15 H. Vangchhia…Fur ruahtui tlak tak tak hma hian an nemnghet hman maiin ka lo ring deuh asin.
Report this comment
February 24th, 2012 at 1:42 am
Einstein a documentaries (Theory of Relativity, Uncertainty Principles leh Unfinished Symphony) tih hi ka en thin a, formula tello chuan a ngaihnawm a sin aw
Report this comment
February 24th, 2012 at 1:43 am
Uaaai…Street Hawk paw’n a um pha tawh dawn nange…10 9 8 7 6 5 4 3 2 1 fingggg……:fth:
Bengvarthlak.
Report this comment
February 24th, 2012 at 1:50 am
Hman deuh tawh khan Telegraph KnowHow-a Deb Kumar Mitra khan hetiang deuh hian a sawiin ka hria,’Einsteina hian Physics-ah foundation tha tak nei mahse Love-ah hi chuan foundation nghet tak a nei hlei thei lo a ni.’ ‘Thian atan chuan a tha khawp ang a, mahse kan in bul hnaia awm atan chuan ka awt vak lo’ te kha a la ti zui hialin ka hria…
Report this comment
February 24th, 2012 at 1:56 am
Êng ni ila, marathon race-ah tel ilah!
Sir VaiVa, ka smilies-ho hi an ngawichawi hlawm e. Exer te laktir ve deuh ila.. Nui tawp tawp lem (a hmaa :lol: ang chi) te kha han dah ula.. Tuna mi ho chu hmanna vak awm lo a tam ropui si a. Smilies tha tak tak a tam ropui sia..
Report this comment
February 24th, 2012 at 2:18 am
A ngaihnawmin a bengvarthlak hle mai.
Report this comment
February 24th, 2012 at 7:19 am
Post bengvar thlak tak a ni..
Report this comment
February 24th, 2012 at 7:49 am
Post ṭha tak leh bengvar thlak tak a ni
Report this comment
February 24th, 2012 at 8:33 am
nia, k’u tuaia ka thlawp e. kan smiley ho hi a nuam lo, hakuh thu lem ho te kha an ngaihawm tawp. chuan mr green ka ngai ber
Report this comment
February 24th, 2012 at 8:58 am
very ver Good post !
Report this comment
February 24th, 2012 at 9:01 am
Post bengvarthak, la chiang silo, he he
Enga kan tanlai te kha awww.!
Report this comment
February 24th, 2012 at 9:58 am
OT lawks, nizan khan ka thianpa in min rawn phone a,an khua vangchhia ah ramvak an inhnial buaia,ulhbun in an indraw a,an thi ve ve..
Report this comment
February 24th, 2012 at 10:03 am
OT
Nimin 23 VC vote thlak zawh khan Vangchhe khua Tiau a ramvak in hnial buai in, Ulhbun Silai in an in Draw a,an thi ve ve,Ulhbun Silai a in Draw hi thil thleng khat tak anih hmel.
Source:ZOram Thlirtu
Report this comment
February 24th, 2012 at 10:15 am
Post tha tak a ni…
Mihring theuh theuh, kan buaipui hi a inang lo thin teh e. Light aia chak hmu (detect) hman thei chu, eng computer tak ni ang maw, an thiam ril teh e.. 
Higher secondary-a kan Physics zirtirtu min ti tihrechhuak…
Misual politician in lo ti ti elo? Vote thlak miah lovin ka leng senior ta ngawt a nih hi maw..?
Vote ka thlak theih hma hauhvin, politician pakhat compaign laiin, Aizawl ka kalna tur pawisa min pe ve ringawt tawh. Hei zawng hi ka politics ka liluh ve chin a ni rih e..
Report this comment
February 24th, 2012 at 10:23 am
@ 28 chu a va fair angreng ve
Report this comment
February 24th, 2012 at 10:31 am
Buh-duh a i post hi a bengvarthlak thin e, keep up the good work.
28# atthlak ve, fair phian e
Report this comment
February 24th, 2012 at 10:42 am
Ulhbuna in-draw chu(h).. An va bem bem ve..
Ka rap zawng tak a ni, water pistol hi ka ngam tawk chiah… 
Report this comment
February 24th, 2012 at 10:56 am
Pu Einstein-a fans te chuan awih harsa kan lo ti reng ah
Report this comment
February 24th, 2012 at 11:39 am
#32.. An va pa bem bem ve.. tih tur..
Report this comment
February 24th, 2012 at 11:58 am
funny@32…
littlerascal@31…
Dr Mahminga Sailo@29…Kei pawh Vanapa Halla an conference-ah kal turin min sawm tawh. ‘I lokal chuan candidate atan te pawh tihdan a awm thei ang’ an la ti deuh deuh a…’Policitcs chu retheih nen a inrem lo, sum neih phawt loh chuan kan thil awh a te duh em mai..’ ka lo tih ve ngei kha maw le
Report this comment
February 24th, 2012 at 12:10 pm
ka thianpa hi a hriatna a ril a niaaaa.. ngaihnawm khawp maiii
Report this comment
February 24th, 2012 at 12:23 pm
Ti hian buh-duh-a zarah in ti hre deuhin thian a kawm leh theih dawn ta eee,,.. i poem tawi te vang khan ka hre chhuak chee,,..hheeh
Report this comment
February 24th, 2012 at 12:26 pm
Kei paw’n ka hriat tirh chuan êng (light) aia Neutrino a kal chak a nih vaih chuan Physics tehkhâwng leh Astronomy tenkhâwng kha a tibuai nasa dawn lutukin ka hre ve a, Einstein-a lamtangte tan a tlawmthlak dawn bawk nen. Hetiang chanchin a lo awm leh ta hlauh hi a proof-na la awm hma hauh hian ka
e.
Report this comment
February 24th, 2012 at 2:08 pm
Politic a inluh duhloh avangin sawiselin hmusit kher su aw. One day CM kha hrereng rawh u.
Report this comment
February 24th, 2012 at 3:06 pm
Comment tamtak chu boruak a va ti danglam deuh ve! Ka comment hma chuan a boruak leh thei dawn lo a nih hi a. A hrim hrimin a posttu hi kan khaw lamah hian i lo awm leh reng tawhte hi a ni lo maw? Hetiang lam post hman leh ngaihtuah hmanin i che tlat tunlai chu. Kan khua nuam takah hian i lo awm renga mahse min hrilh lo a nih vaih chuan ka lungawi lo viau ang.
Mizotawngin i dah thiam hle mai. I khualkhung(parenthesis) ho khi ngun takin ka ngaihtuah nawn leha ka lung a dam vawng vawng hle! I post tha.
Speed of light hi a medium kalna a zirin a chakin a muang ve hrim hrim bawk a nih kha. Cherenkov counter-ah pawh khan a chhunga particle kal chak zawng aiin a kal muang tlat.
Tin, Special relativity in a pawm dan chuan engpawh rihna neilo(mass less and zero rest mass) chu eng tluka chakin a kal tur a ni tih kha a ni hrim hrim bawk. Nuetrino pawh hi chutiang thoa kal tur chu a nih hmel. Tin, special relativity hian eng aia chakin information a kal thei lo a ti ni zawk awmin a lang bawk.
Engpawh nise Special Relativity hian thil a sawifiah leh finfiah hi a tha tawk em em a chuvangin la VALID reng mai sela kei ka duh viau!
Tawih thei hian tawih theihlohna a sin hunah, mit khap kar lova tih dang lam kan nih hunah eng aia chakin van chung sang lutukah thlain kan thlawk dawn. Chutah chuan Pu Einsteina theory hi a buai tulh tulh ang!
Report this comment
February 24th, 2012 at 3:36 pm
Eng(light) tluka kal thei, thil te tak te, zang bawk si chu a mak hle mai. Element/ object engpawh hi eng tlukin kal ta se, friction nasa lutuk vangin an tui ral mai lo ang maw? Einstein-a theory hi a tak taka awm thei lo; mahse, dik thei si an tih kha maw.
Report this comment
February 24th, 2012 at 3:47 pm
1.Geocentric View (earth-at-the-center) chungchangah,
2.Global Warming Zel..“A Warming Leh Lo” an ti!?
3.The Discovery of Vulcan
6.The Expanding Earth
7.Phlogiston Theory
8.The Martian Canals
9.Luminiferous Aether
10.The Blank Slate Theory
11.Phrenology
12.Einstein’s Static Universe
13.Fleischmann and Pons’s Cold Fusion
14.Faster-Than-Light Neutrinos: OPERA Confirms.
Ka phur viau chuan Post hranah ka rawn thai ve ang.
#40 Ignatia, i sawi tam tak khi tha ka ti. Mahse, “thla-in kan thlawk dawn” i tih tak khi, “Mi thianghlim lawr hun” i sawi a nih ka ring a, a nghahlelhawm khawp mai tirawh? Lal Isua lo inlar hun nghakhlel taka thlir a, “Perhaps Today?” titu zinga mi i niin ka hria, ka lawm a, ropui ka ti.
Mahse, ringtute hian “Thlawk tur hian thla (wings) kan neih kher a ngai dawn emni le?” Thla nei kher lo pawhin, Lal Isua vanlawn ang khan, kan thlawk thei tho lovang maw? te ka ti mai mai,,,
Report this comment
February 24th, 2012 at 3:48 pm
Eng anga chak a an kal chuan energy hlang ah an chang anga, eng, light ah an chang daih tho ang. (ka rin dan mai mai. hehe)
Report this comment
February 24th, 2012 at 4:36 pm
Dr.John, i thil tlar duat ho khi #42 kei ang mimawl beng tulul pawhin kan hriat thiam theih turin han post ve ngei teh…
Report this comment
February 24th, 2012 at 4:37 pm
Geodetic chungchangah Hyderabad-a Survey of India hotupa chuan Altitude teh (measure) nana hman MSL pawh hi a dik tawk lo; spring tide leh neap tide hian kawng ro a su thui hle tih a sawi tak a sin.
Report this comment
February 24th, 2012 at 4:52 pm
Comment a ngaihnawm hlawm hle mai..
OT miah lovin ka’n chawk ho lawk..
Physics ka pen bosanna rei ta deuh. Pawl sawmpahnih zirlaia Newton’s law of motion pathum kan zir thin lah kha, Ran Doctor (Engineer leh Medical lam pawn an nei tho ang chu maw?..
) ka’n zir tan meuh chuan, Newton’s law sawm thleng an lo nei pek a! Ka hriatpawlh ta nuai mai.. 
Newton’s Law ka la hriat ve chhun: “Seniors are always right, Juniors are always wrong”
Report this comment
February 24th, 2012 at 5:34 pm
Ignatia#40…Nang meuhin i rawn chhunzawm hi chuan kan lo intithei ve viau thin asin.
Sillyboy#41…Friction(?) awm lo thei ang ber turin a kawng an thianfai hmasa tlangpui thinin ka hria.
Dr John#42…Scientific theory tia han sawi tur an ni vek paw’n ka lo hre lo deuh mai mai. Scientific theory zawng zawng deuh thaw hi an hmantheihna mual an pelh tawh chuan nuihzatthlak khawpin an dik lo ve fo bawk ania
Funny#43..Nobel Prize i hlat miah lo ania
#46 Dr Mahminga…a van tha ve aw
Report this comment
February 25th, 2012 at 12:50 am
DUh leh lo kal chak se!! Kan college kal lai te khan hetiang hi lo hria ni ila chuan Nuclear Scientist ka ni daih ang maw le!! A v han pawi thin tak em!!!
Report this comment
February 25th, 2012 at 1:45 am
Albert Einstein-a hi a kephah hnuai a zawl lutuka sipai ah a tlak loh ani awm e, mahse physicsist ropui tak ani leh hlauh. Keipawh ka kephah hnuai a zawla mahse physics chu alo har ani
Report this comment