Mihringte leh nunna neia boruak hmanga thaw thei zawng zawng khawvela lo piang chhuak ve hrim hrimte hian kan zavaia hunbi inang tlang pawimawh tak pahnih kan neih chu ‘Pian ni leh thih ni’ hi a ni. Hei hi tumahin kan pumpelh thei lo reng reng a ni. Mi, he mi khawvela a lo pian chhuah tawh reng reng chuan hmuh thiang lo hmu ang a ni a, thih a hmabak hrim hrim ta phawt mai a ni. Chatuana nung tlang turin a pian theih loh.
Chatuana nung tlang tur chuan pian chhuah ni nei lo, awm tan ni nei lo nih a ngai a ni. Chutianga awm tan ni nei loa chatuna thi lo tura lo nung tlang thei chu engkim siamtu Pathian chauh chu a ni. ANI chuan a lo awm lai hian awm tan tirh lai a nei chuang lo a, Amahah ‘A tir’ a awm ve lo a ni. Thil siam zawng zawng hian awm tan tirh lai an nei vek a, an tawp leh vek dawn bawk a, ‘a tira’ awm an ni vek a ni. Cuvangin, awm tan ni/pian ni an nei ang bawkin, tawp ni/thih ni an nei leh vek dawn a ni.
A nih leh ‘THIHNA’ hi engvanga lo awm nge le? Kristiante inzirtir dan chuan mihring zawng zawng hi an thlahtu bul ber, mi pakhatin dan a bawhchhiat avanga mihring hi lo thi ta thin niin an sawi a. Chu mi chuan lo bawhchhe ta lo se mihring tumah hi an thi dawn lo ni awm takin an inzirtirna thu atang chuan chhut theih a ni. Chuti ni sela, nungcha leh thing leh mau te, hnim hring tinrengte hian Pathian dan an bawhchhe ve tihna em ni ang? Engvanginnge an thih ve kher? Nge, mi pakhat Adama bawhchhiatna mawh chu an phur tel ve zel zawk ni ang le?
A nih loh leh, kan bawhchhiatna avanga kan taksa chu lo thi thin ta a nih a, kan thlarau te pawh lo thi ta a nih chuan, min tinung lehtu Krista chuan kan thlarau chauh tinung loin kan taksa pawh thi thei tawh lo turin a chhandam thei lo em ni ang le? Engvanginnge kan thlarau chauh a chhandamnaah chuan tihnuna a awm ni?
Thiltihtheihna famkim a nei lo em ni le? Engpawh ni rawh se mihring hi thlahtu bul ber mi pakhat Adama tihsual avanga taksa leh thlaraua thihna tawrh phah kan nih a, Isua Krista an tih, hmana an khenbeha kha mihring tak mai ni loa, Pathian tak anih tak meuh chuan kan thlarau mai ni loin, kan tisa taksa ngei pawh thi leh thei tawh lo turin a tinung thei ngei ngei tur a ni. Chutianga a ti thei lo a nih chuan Pathian a ni lo emaw, Pathian fapa a ni lo emaw a ni ang.
Awle, Lazara kaitho tura a thlana a kal pawh khan Isua kha engtinnge an tih kha? ‘He mi, mitdel mit tivartu hian he mi pawh hi a thih lohtir thei lo em mi?’ tiin zawhna an siam a nih kha. Isua kha Pathian emaw, Pathian fapa dik tak emaw ni sela chuan Lazara thi tawh pawh kha chatuan nun neiin a kaitho ang a, tun thlengin Mizo Israel ram fangte chuan Lalzara chu an la chibai nuk nuk ang chu. Mahse Isua kha siamtu Pathian a ni lo a, Pathian fapa mal neih chhun a ni bawk hek lo.
Tin, mihring hi thlahtu bulte’n thil sual an tih avanga thi kan ni lo a, an thil sual tih avangin thlarau thi kan nei hek lo. Engkim siamtu leh dintu hian mihring leh nung dang zawng zawngte hi an thlatute sual vang emaw, anmahni sual vang emaw pawh ni loin, nung tur leh eia in tura lo piang an nih rualin, thi leh tura lo piang hrim hrim an ni a, chu chu anmahni siamtu Pathian ruat dan a ni zawk a ni.
Chutichuan rei lo te chauh dama thi leh mai tura kan lo pian chhuah hian, mitthite kan hmu thin a, chu thihna chuan a damte tan nunna hlutzia min hriattir thin a, engkim siamtu leh nunna siamtu hlutzia te min lo hriattir bawk a, siamtu Pathian inpuanna ropui chu he thihna hi hmanruaa a rawn hman hian kan hring hriatna chu tihfinin a lo awm a, Lal inpuanna ropui chu a lo lang fiah ta thin a ni. Nunna leh Thihna te siamtu Pathian chu Lalber a ni a, fak leh chawimawi tlak Pathian KHUANU chu a ni e.
Similar Posts:
- Thihna
- Kristian sakhua leh Mizo hnam sakhua danglamna
- THAWHLEHNAA TIHNUN KA LO NI TA
- Thihna thupekah “Thlarau” a tel ve em?
- Pathian kan nihna
(Y)
February 24th, 2012 at 4:07 pm
Zawhna ka siam nghal e ahh Hnamsakhua tunge Pathian i tih ziah i Pathian hi tunge le? Han sawi chiang teh a a Mizia te a nihna etc ! ka hre chak ania :-$
February 24th, 2012 at 4:11 pm
:-[
February 24th, 2012 at 4:20 pm
tren tren
February 24th, 2012 at 4:20 pm
Hnam Sakhua, Thlarau Thianghlim sawichhiat i hlat lo ve, chutih hunah chuan i tan ngaihdamna a awm tawh lo ang :-[
February 24th, 2012 at 4:25 pm
a Post hi a ngaihsak lo thei sia ka ngei tak tak ania o 😛
February 24th, 2012 at 4:31 pm
i va ngam salh salh ve….A sa ana tiin ila au ve lauh lauh dawn a nih hi…Grrr (N)
February 24th, 2012 at 4:32 pm
Chhiar nawn vak vak ila ka aa thei angem le, ka bo tlat (H)
February 24th, 2012 at 4:34 pm
“Mahse Isua kha siamtu Pathian a ni lo a, Pathian fapa mal neih chhun a ni bawk hek lo.”
Johana 3:16 “Pathianin khawvel a hmangaih êm êm a, a FAPA MAL neih chhun a pe a….” tih hi i Bible-ah a awm ve na nge? A thlawn tawh zawk em ni? 😛 😛
February 24th, 2012 at 4:36 pm
I thuziak hi ka la comment ngai lova. Thil i chhui peih a, i han sawi tak tak hi chuan, rinnaa nghet lemlo tan phei chuan a awm ang ve thei viauin ka ring.
Mahse, Isua nihna pawm duh tlat lova (ngaihdan hre duha i sawi kual vel pawh a ni thei tho nangin) luhlul i chhuah tlat erawh chuan i thu a ni e. Pathian hian kan duhthlanna hi zah em em. I duhthlanna phei chu ka sawisel theih a ni lo, sawisel lah ka tum hek lo. Mahse i thuziak avanga Lal Isua hlatsan emaw penbosan an awm a nih vaih chuan, i tuhrah seng tur a rip ve khawp ang le…
February 24th, 2012 at 4:42 pm
Ngaihdan chu sawi thei kan ni.
Mahse, Pathian sawichhetu emaw sawiseltu te chu…A!! Ka sawi phak ani love..
Mahse, Mizote hi 100% Kristian chu kan ni tawhlo tih ka chiang e..
February 24th, 2012 at 4:45 pm
I kal sual a nih loh vek chuan, ka kal sual a ni ngei ang. :-[
February 24th, 2012 at 4:58 pm
Mihring taksa hi leia siam a nih angin leiah bawk a kir leh ang. Isua Krista leia a rawn kal lai khan kraws a khenbeh a nih a,vuilaim a nih a, a ni thum niah chuan a tho leh a,engvanga tho leh nge a nih? Thihna hneh turin a tho leh a ni. Kan taksa chu famkim loh na khawvela cheng a nih vang a nih. Kan thlarau erawh chatuana a hnehna cheng tur a nih thung.
February 24th, 2012 at 4:58 pm
Kei chu ka thin a sa deuh tlat tawh… intih theih nan tak hian a la hmang leh nghal a :-O
February 24th, 2012 at 5:08 pm
I blog lamah pawh ka chhiar teuh tawh, i la puh chhe char char Pathian fapa hi. Min chhandamna lam pawh hi, i pawm hmel loh. Chhandam ngai pawh i inti chiah lo em maw ni le?
Nge Pathian fapa angah chuan, i inngai zawk em ni? Good Friday ah khengbet che ila a tha ang a :-O ;-(
February 24th, 2012 at 5:22 pm
Ka hriat chak ber zawk chu Hnam Sakhua hi eng hnam nge ni a eng sakhaw chanchin nge a ziah a ziah thin ka lo ti ve mai mai a. Mi hnialna lah chu han sawifiah zui pawh a nei lem hlei lo va. A ma kal kal hian a kal ve mawp mawp mai a, a sakhaw zirtirna erawh a la urhsun ve phian a.
A thuziak han thlir chet chet hian argumentative discourse lam aiin literary value zawng a hmuh sak a ngai a. Thu a thiam a, a ngaihnawm bawk thin a. A chhut peih a, novel lam ziak mi tak tur niin ka hria (A changtunu an hmeltha duh ngawt ang a, misualpa chan a chhe viau lawi si ang).
Sakhuana lam hawiin a thuziak hi ka hmu ve thiam der lo mai. Sakhuana zirtirna kawngah hnam dang sakhua/ major religions te hian tehkhin nan emaw an thurin behchhanah sakhaw dang rinna emaw characters an hmang ngai meuh lo. Sawiselna a nih chuan thuhran ni se.
A sakhua ah hian KHUANU a awm a, puithiam (sadawt/ bawlpu) an awm leh a. A hnuaiah chuan ringtu/ zuitu te an ni leh tawp mai a. Organisational structure a buai hrim hrim phawt a, congregation han nei dawn ta se la, an buai nuaih kher lo ang. A chhan chu a kar awl hnawhkhah nan sakhaw dang tih dan a copy kual vel mai mai a. Hrem hmun leh vanram aiah Pialral chauh a thlir bawk si. Zir chian a dawl dan awm chhun chu Kristianna nen a tehkhin a ni tlawng mai.
Chuvangin hnial chi a ni lo, a ziak ang ang hi Mizo tawng ti hausa tu atan thu leh hla huangah thunsak i la, van ram a kai ve mah na! 😛
February 24th, 2012 at 5:25 pm
Leh ta mai mai thin a, kan HS a thin hi a.
February 24th, 2012 at 5:31 pm
Abrahama Pathian, Jacoba Pathian, Isaka Pathian tunthlenga la ngai reng Lalpa kan Pathian chuan i taksa, rilru leh thlarau chungah zahngai mawlh rawh se, Amen.
tren tren
February 24th, 2012 at 5:32 pm
Ti nge inthlan result khu comment an off kher a
February 24th, 2012 at 5:33 pm
# 15.. Chuvangin hnial chi a ni lo, a ziak ang ang hi Mizo tawng ti hausa tu atan thu leh hla huangah thunsak i la, van ram a kai ve mah na… (Y)
Mah reng reng se.., hetia a ziah fo si chuan (ziak suh ka ti thei miah lo, tih ka tum bawk lo.. 😉 ) rinna kawnga duap ve tak tak a hruaikawi palh ang tih ka hlauhlel lo ve.. 🙁
February 24th, 2012 at 5:36 pm
He post hi Pathian ka rinhlelh á¹uma ka rilrua zawhna lo piang ai pawhin a mawl zawk
Ka Bible chang duh ho te ka’n ringhlel chho tak tak mai chu…pui tak a ni. Ziak in dah ila chu HnamSakhua hian min pathian thei hial in a nia ka rin 😀 Kristianna ah hian ringhlel tur pawhin ala lut thuk lo mah mah in ka hria. ve mai mai a
February 24th, 2012 at 5:47 pm
Hnam Sakhua a lo inlar tawh hi chuan Rotekawla sepa theology a lo lang ve nghal zat zel! 😛
February 24th, 2012 at 6:19 pm
Hnam Sakhua min chhang rawh mawh mawh mawh
February 24th, 2012 at 6:26 pm
HS chu a Passport a Religion tih ah Christianity i tih loh ngei ka beisei. I sakhua i tan ta sa sa, I identification ah pawh Christian min rawn tawmpui loh ngam kan beisei– kanlo tawngtai pui zel ang che.
February 24th, 2012 at 6:34 pm
HS hi sakawlh kid no-1 😀
February 24th, 2012 at 6:52 pm
Cute thei eeee, muah3 🙂 (K)
February 24th, 2012 at 7:01 pm
Tun weekend chu Lengte industry dinna tur ramah khan zuk inthawi dun ang hmiang. 😛
February 24th, 2012 at 7:01 pm
😀 😀 😀 Chui zel roh i chhui chhuak em2 ang 😛 😛
February 24th, 2012 at 7:15 pm
comment ve hrim hrim 😛
February 24th, 2012 at 7:22 pm
I sawi ngaihnawm viau dawn a, “Pathian” leh “Khuanu” inang anga i sawi erawh khi thil diklo hulhual a ni.
Pathian tih hi Mizo tawnga English-in God an tih hi a ni a. Mizo bible siam dawn pawh khan Lungleng Lal, Pu Khamliana khan, Khuanu tih leh Pathian tih awmzia hrehrang takin, Engkim a engkim lalber English tawnga God tih chu Mizo tawnga hman atan “Pathian” tih kha a rawtchhuah ninghe nghein ka hria.
Tichuan, Pathian chu English a ‘God’ tihna a ni a, Khuanu erawh ‘Mother Nature’ tihna Mizo tawnga hnaiber a ni ngei ang.
February 24th, 2012 at 8:32 pm
Pawi thin teh zawng a nih hi. Khawvel a ti famkim ve alawm.
February 24th, 2012 at 8:43 pm
Ka’n comment ve reng reng teh ang. 😀
February 24th, 2012 at 9:14 pm
Tuaisiala, Mizo tawng thiam khawkheng khan a ziah dan a hrethiam ngei ang.
“Thihna” tih tuten emaw an post a, a sawi tum chu pearls chi khat, an kuaa hrui thlun kual, hmeichhe nghawnga awrh chi ani. Kei pek khan ‘thihna’ (death) emaw tiin ka lo comment pek a. A zialo teh asin. Tuna mi pawh hi a spelling a inang chiah a. Similar Posts ah khian a tel lo khi a mak zawk ani. Hnam Sakhua sawi tum chu pearls lam a ang chiah lo.
Mizo hawrawp tawp lama ‘t’ hnuaia chhun han (dot) ziak thiam ve hek lo. Thihna (death) leh pearl (thi hna) kan hriat pawlh nuaih ani.
February 24th, 2012 at 9:25 pm
Thlarau thihna leh taksa thihna pawh i lo la hre hrang lo zuk nia.
February 24th, 2012 at 9:36 pm
Kei chu HS-a hi chu ka correct tawh lo teh ang, a rawn lang leh chung dawn si lo, ka tha ka ui tawh. Mahse kan ti teh ang,HS-a mutan khi chik ta chiah ila, Bible zirtirna kalh deuh fek fek, doctrine diklo Khawvel Kristianna Kohhran leh kristianna ah kan sengluh, kan zirtir leh kan pawm hnem em vang in a buai a nih khi, khi khi a nia kohhran leh kristianna mainstrem hi siamthat duh in ka ringtu puite ka dodal fo thin nachhan chu..HS-a leh midang tamtak bona chhan khi Kristian te tih dikloh hmasak a ni tlat,chutiang in atheism, skepticism, agnostic te pawh….inenfiah ngam a ngai ania, HS-a base nilo, Bible base zel in, kan rindan mek ah hian diklo luklak a tam lutuk tlat.
February 24th, 2012 at 9:48 pm
A ngaihdan in pawm ve loh chuan ngawihsan mai mai ula, kan ngaihdan hi a dik ber ti a , midang va convince tralh kan tum thin hi a buaithlak a nih hi. Midang rinna hi in zah tawnsak kan zir a la ngai hle mai
February 24th, 2012 at 11:18 pm
I chhui peih a, i ngaihtuahna i seng peih a, i fakawm ve thlawt e. “Sakhua hi ruih chilh thil mai2 a ni e” te pawh an lo tih á¹hin kha. Heti anga ti á¹hin ho hian an nun tawp dawnah thlamuanna nei lovin hlau leh khur chungin an nun an thlah á¹hin. Eng pawh ni se, huatthu chang lo se, kan lo á¹awngá¹aipui ang che
February 24th, 2012 at 11:30 pm
hs hi tuma’n hau su 😛
February 24th, 2012 at 11:53 pm
I sawi dik a then then chu.
Nunna nei chu an thi thin, bible i rin loh avangin circular reasoning hmanga hnial chi i ni lo.
Kristian sakhua bei lovin i sakhaw theology min hrilh la, sakhua hian way of salvation a sawi thin a chu chu min lo hrilh ve zawk teh.
Bawhchhiatna avangin lei hi anchhedawng a ni, thil siam dang pawh an thi thin reng a. Chu bawhchhiatna chu mizo nunhluiah pawh a hnathawh kan hmu tho. Sualin a tihbuai ve tho hnam kan ni, i saw ang hian thi vek tur kan ni a thi ta ila kan sualna nen hian i sawi pathian chuan tlenfai ngai lovin a lo pawm ang che maw, a lo pawm che chuan sual ngaithei pathian a ni ang.
Lazara thuah kha chuan dam hlen lam a ni lo, dam hlenna, nunna chu he taksa thihna zawha kan chan tur a ni. Chu thawhlehna leh Lazara thawhlehna kha i hriatpawlh palh a ni.
Bawhchhiatna chu mihring duhthu a ni a, chhandamna a parallel chiah-a ring apiangte tan a ni.
Kan nihna, tlenfai loh ‘being’ hian Pathian hnen thleng rawih ila sibuta te nen khan pialralah ka awmho ang maw, a rapthlak ngawt ang. Nih loh chuan pathian thianghlim lo i zui a ni dawn.
Thih hnu nun a awm tih pawmtu i ni, thlarau, thlahrang hlau thin mizo sakhua i vuan tlat, pialral i beisei chu chu engtianga achieve tur nge i sawi ngai lo, mizo sakhua i vuan tak tak a nih chuan pialralah chuan i changsang bik vak lo vang, ransa engzat nge i kah tawh? Rulngan pawh i that tawh em? In lam emaw ram lamah emaw khuang i chawi tawh em?
A nih loh leh enge i concept of existence chu? Hindu rinna anga pantheism brahman philosophyah min luhpui leh thuak tho tih i hria em. Kristian sakhua hnawla hindu hrula sawi kha enge a awihawm bikna?
Khawvela nunna nei hi thi tur an ni, i ti dik. Thlarau neite chu chatuan hmun kan pan dawn, hei pawh i pawm ang, i pawm loh chuan mizo sakhua i vuan lo. chu chatuan hmun chu engtianga neih tur nge? Mihring damlaia kan nun dan hian pawimawhna neiin i ngai em, ngai ang. Chuta tanga kan nih anginPathian hnen thleng theiin i inngai em? I ngai a nih chuan i pathian chuan a pawm meuh ang che maw? Kristiante hi kan fel kan tha famkim ka tihna a ni lo, kan fel lohna hretute kan ni zawk, puitu ngai nih inhriaa pui theitu Isua ringtute kan ni. He laia rinna hi i pialral rin dan mai mai ang kha a ni lo, kan subject bak a ni hrih.
Thianpa, i post commentna hi han chhang la, sawiho mai mai ang u hmiang
February 26th, 2012 at 7:42 am
Isua thisena sual tlengfai tr kan nei ve lo, Hnam Sakhua support e
February 26th, 2012 at 7:43 am
Isua thisena sual tlengfai tr kan nei ve lo, Hnam Sakhua support e.
February 26th, 2012 at 6:13 pm
Adama bawhchhiatna avanga suala thi turte Isuan a chhandam ni sela, mihring chu Pathian anpuia siam an nih thu Gen.1:27-ah te, Gen.5:1-ah te kan hmu si a; Gen.3-ah khan, “Ngai teh u,mihring chu keimahni ang an lo ni ta,” tiin Pathianho tawng ni awm tak kan hmu leh si a! Pathian ang nih chu bawhchhiatna (sual), thil thiang lo a ni dawn tihna a ni ang maw? Mahni fapa mal thih ngai khawpa sual tih theihna han siam te chu a va mawlthlak awm ve maw le? Pathian mawl tak zu nia le!
February 26th, 2012 at 6:30 pm
Adama bawhchhiatna avanga suala thi turte Isuan a chhandam ni sela, mihring chu Pathian anpuia siam an nih thu Gen.1:27-ah te, Gen.5:1-ah te kan hmu si a; Gen.3-ah khan, “Ngai teh u,mihring chu keimahni ang an lo ni ta,” tiin Pathianho tawng ni awm tak kan hmu leh si a! Pathian ang nih chu bawhchhiatna (sual), thil thiang lo a ni dawn tihna a ni ang maw? Mahni fapa mal thih ngai khawpa sual tih theihna han siam te chu a va mawlthlak awm ve maw le? Pathian mawl tak zu nia le! Setana thiltihtheihna tihchhiatna atana Mahni fapa mal thihtir ngai hial mai chu Pathian aiin Setana chu a chak zawk tihna a n ang maw?
February 26th, 2012 at 6:37 pm
Adama bawhchhiatna avanga suala thi turte Isuan a chhandam ni sela, mihring chu Pathian anpuia siam an nih thu Gen.1:27-ah te, Gen.5:1-ah te kan hmu si a; Gen.3-ah khan, “Ngai teh u,mihring chu….keimahni ang an lo ni ta,” tiin Pathianho tawng ni awm tak kan hmu leh si a! Pathian ang nih chu bawhchhiatna (sual), thil thiang lo a ni dawn tihna a ni ang maw? Mahni fapa mal thih ngai khawpa sual tih theihna han siam te chu a va mawlthlak awm ve maw le? Pathian mawl tak zu nia le! Setana thiltihtheihna tihchhiatna atana Mahni fapa mal thihtir ngai hial mai chu Pathian aiin Setana chu a chak zawk tihna a n ang maw?
February 26th, 2012 at 6:42 pm
Hnam Sakhua-a, ‘keimahni ang’ tih khi i ngai herh anih khi! a literal meaning ang nise, mihring kan ni nang! Keima ni ang tih awmzia chu ‘thlarau nei’ tihna ang ah ngai la. Pathian leh vantirkohte nen kan in an lohna chu tisa nei kan ni a. Kan thlarau pawh setana leh Pathian (sual leh tha) inbeihna hmun ani.
February 26th, 2012 at 7:04 pm
“Adama anga thil tisual ve lote chungah pawh thihna chuan ro a rel,” tih ziak kan hmu a. A chhia leh a tha hriatna thei rah ei avanga Pathian nena inzawmna a chah a, chu mi zawm leh tura Pathian fapa meuh a thih a ngai a nih si chuan, Pathian chuan eng a ti nge a chhia leh a tha hriatna thing chu a totir le? Pathian mawl tak a va ni mai awm ve!
February 26th, 2012 at 1:53 pm
A nih loh leh, mihring hian thlarau neia kan inruatna hi kan tisa taksain a pian chhuahpui reng niin i hria em? Thlarau, Van ramah emaw, Meidilah emaw kal tura kan ruat hi? A nih leh, chu kan thlarau chu hremhmuna kaltur ni ta sela, chatuana hremna tuar turah i ruat tihnaem ni?
February 26th, 2012 at 2:32 pm
45..Bible a a lan dan chuan khawvel roreltu hi Pathian ani lo a. setana ani. Khawvel ah hian Adama leh Evi siam hma khan diabola chu a awm tawh ani. He khawvel hi Engemaw ti takin Pathian leh setana playground ani! Hei vang hian Pathian pawhin tluk sual theihna ‘Chhialehtha hriatna thing’ chu mihringte banphakin a dah reng ani! Pathian leh setana inkar ah eng competition nge awm tih kan hriat loh avangin ‘mawl’ tih pawh a dik tho mai thei mahse..khami lak a a inthiamchantir nan leh mihringte chhandam kan nih theih nan kraws ah a rawn tuar ta reng ani. Mihringte min hmangaihna liau liau anih bakah
‘mihringte sual banphaka A dah vang anih ber chu’.
46. Thlarau hi pianchhuah pui teh reng mai, mihring nungah chuan a bet tlat ani. Tisa leh thlarau hi mihring min ti mihringtu ber ani. Kan tisa hi chu vawk nen a in ang reng. A hlut zawng pawh 5 dollar vel lek ani, Vaivut aia to awrh chauh ani e.
February 26th, 2012 at 2:40 pm
Hnam sakhua, i chian loh chuan min rawn zawt zel la
February 26th, 2012 at 2:49 pm
Hnam Sakhua, i rin loh Sakhaw rinna bu chingphulin entirna rawn pe tawh suh. Mite rinna i in rawlh thiang lo, a bikin sakhaw zirtirna chungchangah! I duh a nih chuan i rin sakhua kha rawn hmatheh teh khai. Mite sakhua leh rinna an innghahna bul hmangin bei suh, I sakhua leh a zirtirna chu rawn ziak mai la, a duhin an pawm ang a duh leh an pawm lo ang. Secularism awmzia i. man thelh ang e.
I duh a nih chuan i behchhan hmanlai kan pipute sakhaw chungchang rawn sawi leh la, inhnial i cho a nih chuan Bible quote telllo in ka hman reng e. A hun rawn sawi mai teh…
February 26th, 2012 at 3:04 pm
50
February 26th, 2012 at 8:34 pm
February 26th, 2012 at 9:23 pm
Hnam Sakhua, Iduh emaw duhlo emaw i la THI ngei ngei dawn a, I thih hnuah khawiahnge i kal dawn tih hi i chiang ngam meuh em? Mipuitling chin chu Rinthua kal mai mai tur ani lo ania aw. Pa Pathian emaw Fapa Isua Krista Sawichhiat hi chu ngaihdam theih a ni. Isua Krista Pathian Fapa meuh thisen hlu tak,nang leh keia sualna avanga Kalvaria leihbuaka awm ngaihnepna hi Thlarau Thianghlim Sawichhiatna ani a, Ngaihdam theih a nilo. Pa Pathian hian a Fapa Thisen engamaha ngai lova nuihzatbur tu te hi a ngaidam dawn hauh lo a nia.
February 27th, 2012 at 12:18 am
Ih ih ih..
https://i.imgur.com/ed3Sw.jpg
February 27th, 2012 at 12:35 am
He Post ka chhiar hian ka rilru-ah Lalruomawi hla sak kha ka hrechhuak vang vang a, “Ringtute kan vanneih bik-zia hi aw”… ka ti thin :-
“THIHNA NGEI PAWH HI A THI VE TAWH ANG”
Lal Isua ringlote chu Lei-ah thi bawk, Thih-hnihna-ah thi bawk, Vanram chan bawk, Meidilah kal bawk,,,,an ngaihtuahawm teh e,
February 27th, 2012 at 9:58 am
Hnam Sakhua, i ngaihtuahnaa i thun len tawk lek leh i hriatthiam zawh phak tawk lek pathian hi pathian mawl tak chu a ni zawk lo ang maw???