He khawvelah hian mi fel famkim leh mi dik famkim kan awm hauh lo mai. Mi zawng zawng hi in tluk tlang turin duh mah ila, kan in tluk dawn hek lo. Mirethei leh hausa kar a in hlat tual tual a, dan hmanga rorelna rau rau ah pawh mirethei thil tisual ai chuan mi hausa thil tisualin tih sual in ang rau rau ah hremna an pumpelh hnem zawk tih hi kan nitin nunah kan mitin kan hmu ani.
He khawvela kan awm chhung hi chuan mi hausa leh mi rethei inkar hi a zau tial tial dawn. Chu chu khawvel hmun tin ah pawh a thleng mek reng a ni. Mizoramah erawh chuan vanneihthlak takin mi hausa leh rethei kar zau lutuk min vensak turin YMA kan nei hlauh mai.
He pawl a vang hian chhiatni thatni ah pawh mi rethei leh hausa te lungrual takin kan la leng za thei ani. Amaherawhchu he pawl ropui leh zahawm tak hian tun hnaiah sawisel a tawk nasa in, sawichhiat a tawk nasa em em a.
A tha zawnga infuihna thu awm si lova pawn lam atanga sawisel thintu te zawng zawng ten an sawiselna lak atang hian kei Mizo tlangval, YMA member ngei hian he pawl ka ngaih ropui em em chhan leh a thlavang hauh hi ka tih tura ka bat niah ka ngai lo thei ta lo ani. Khawnge a point law law in aw..
- YMA in veng chhung a tanga mi an hnawhchhuah in dem thin maw: YMA in veng chhung atangin min an hnawt chhuak a in dem thin tiraw. Anih YMA hian veng chhung ami, ruihtheih zuar lo, khawntlang tana mi hnawksak lo chhungkua hi engzat nge a hnawh chhuah tawh le. YMA hian tumah warning pe lovin mi a hnawt chhuak ngai lo.
Zu zuar/ ruihhlo zuar veng chhung a tanga an hnawhchhuah chin hi chu vawi tam tak an zilh a, an hrilh pawh a sim duh lo, veng chhung tana mi hnawksak, a tawp khawkah tihngaihna a awm ngang lova an hriat hnua an hnawh chhuah a ni chawk. Ti chuan nang chuan a sir a tangin i lo thlir a, i duh tawkin i sel ta thin. Khawtlang leh ram tana thil tha engmah ti si lo leh khawtlang leh ram ralmuanna leh hmeichhia leh awm nem zawk ten thla muang taka hun an hman theih nana i thawk chhuak ve peih anih si loh chuan ngawih lo chuh mai ta che.
- YMA in mi kut an thlak : YMA duty ten mi kut an thlak tiin i dem thin. Mahse ngai teh YMA hian ruitheih thil ti lo emaw, lo rui pawh ni se, khawtlang tana hnawksak lo leh midang tibuai lo hi kut an thlak khat khawp a sin. Zanah tui taka i inchhung luma i nupui fanau / i chhungte nen thlamuang taka in awm theih nan leh, i farnu te leh i nupui ten zanah pawh thla muang taka an inkhawm theih nan te, tlawm ngai takin zan khawvawt hnuai pawh pawisa lovin an duty hram hram thin zawk a sin.
- Dan a awm : Ni e dan hi a awm ngei. I tan chhan fo bawk. Mizorama kan law and order chhiat zia i hria e. He dan hian mirethei leh mihausa inkarah thil a tih theih dan pawh mit ngeia hmutu kan ni lawm ni. Dan chunga leng kan awm lo kan tih rual hian, dan hian mi hrem lova chhuah a va ngah si ve. Khawtlang leh ram a lo ral muanna tura nangmah ngei i kal chhuak peih a nih si loh chuan YMA thil tih hi lo sel ngawt tawh suh.
- YMA hmalakna avangin veng a lo thianghlim ta : Ngaiteh tun hmaa Bawngkawn veng leh Tuikual veng awm thin dan te i hmu pha lo anih chuan i rual u zawk te zawt ta che. Zu ruihna hmun, insualna hmun ni thin khan tunah chuan an veng YMA te hmalakna avangin Aizawl veng zahawm ber ber an ni ta. An veng YMA in hma la lovin, sorkar hmalakna chauh ring ta se, an thang zawt zawt hauh lovang le.
Chutiang bawkin khaw dangah pawh YMA a vanga veng ralmuang leh zahawm ni ta an awm teuh ngei ang le. ( Bawngkawn leh Tuikual veng te hi example mai ani. Hemi veng chhunga mi kan awm anih pawh tun hma lam thil kan sawi avangin rilru na lo turin kan in ngen nghal e )
- I sawisel dawn anih rau rau chuan : Mizo i ni a, mizo society tana thil tha duh tu i ni ngei ang. Ngai teh YMA hi i sawisel dawn anih chuan pawn lam atanga sel mai lovin a chhungah luhchilhin i sel ang u hmiang. A pawn lam atanga sawt sawt ringawt hian YMA kan siam tha dawn lo va. Siam that a hnekin he pawl, Mizorama mirethei leh hausa khaikhawmtu ber hi a ti chhetu ah kan tang thei ani.
- I hun a lo la thleng dawn : Mihring tumah hi dam kum hlun tur kan awm lo. I chungah thihna in thla a zar hun a lo la thleng ngei ang. Chumi hunah ah chuan i sawt i sawt thin YMA ngei hian hringnun khawvel mualpho taka i chhuahsan loh nan a rawn tuam hlawm ngei ang che. I sawt nasa ini sawisel nasa thin, mahse YMA chuan i hringnun i thlah liamna ni anih avangin zah takin a cheibawl che anga, i chhungte i kalsan tak te lungngai leh thlaphanga an awm laiin i sawt thin he YMA ngei hi thlamuantu turin alo pen chhuak ang.
Zahawm taka phuma i awm theih nan i chhungte,i kalsan tak a vanga lungngai te chet chhuah a ngai lo vanga, i sawt thin YMA hian a rawn buaipui vek ang. Chumai nilovin, i kalsan tak a vanga lungngaia rum i chhungte a tul ang anga pui a, tuarpui a thlamuan turin a la rawn pen zel bawk dawn ani.
A tawp berah chuan he khawvelah tumah mi famkim kana wm lo. Famkim lo mihring din anih a vangin YMA pawh a tha famkim thei hek lo. Amaherawhchu a famkim lohna leh a diklohna te hi pawn lam atanga sawisela, deu sawh a, a khengbettu nilovin, a chhungah ngei luh chilha, a dik lo lai te siamtha a, dawm kangtu niturin he pawl hian englai pawhin a sawm reng che ani.
March 4th, 2012 at 7:07 pm
I ziak tha kher mai. Ka thlawp che!
Report this comment
March 4th, 2012 at 7:14 pm
A tha dap dap e
Report this comment
March 4th, 2012 at 7:16 pm
Report this comment
March 4th, 2012 at 7:24 pm
Ka thlawp e.
Report this comment
March 4th, 2012 at 7:25 pm
YMA hmalakna tha i rawn haichhuak a a lawmawm e
YMA hi Mizo nunah a bet tlat tawh. Khawtlang thatnan a thiltum pawh tha tak tak a ni thin. Mahse, hruaitu mawl deuh deuh an awm changin dan (law) an ta emaw, an kaihlek theih emaw anti fo thung.
1. YMA hian tumah kutthlak theihna dan an neilo.
2. YMA hian 7Day dawr Sunday a khartir tura nawr theihna dan an neilo. An nawr dawn anih chuan an mahni pawhin Saturday (Inrinni) ah dawr hawng bik suhse.
3. Ni e dan (law) a awm. Dan chungah leh a hnuaiah tumah kan awmlo. YMA hruaitu/memberte hian, “dan kengkawhtu ten dan an kengkawh thalo,” kanti anih chuan heti khawp a mi man a vuak (torture) tur an dap peih leh an ‘duty’ peih ang hian sawrkar lamah duty tha turin nawr peih sela, dan kengkawhtute chu an duty thalo ngam tawp lovang.
4. YMA hruaitu thenkhat-ten dan bawhchhia a an awmin, dan kengkawhtuten an man chang a awm. Dan bawhchhetu tanin khawtlang infuihpawrh a court bathlar emaw a huangtau vak vak hi mawltomoter a teh tlak anni.
YMA hi NGO zahawm ber ani fo thin. Anihna leh zahawmna ti hmelhem/hminghliau zawnga chet erawh kan bansan a tul tak zet. Ram pum, hnam pum mualphona min la thlen chho zeuh zeuh fo tur ania!
3. YMA berin dan a palzutin tunge dan zah ang le?!!
Report this comment
March 4th, 2012 at 7:29 pm
A tha hle mai. YMA hian ral kap turin silai nen chhuah ngai se laipui i put ngei ka ring(fth)
Report this comment
March 4th, 2012 at 7:33 pm
Pu HV-a thusawi tam tak khi ka thlawp e.
I thupui dah dan hian YMA thiltihsual avanga lo sel thinte nawr i tum ve viau awmin a lang a. Mahse mihring hi FAMKIM LO kan ni tiin i thu laimu hi i DELH KILH daih thung! Thuziak phakar ve tak chu a ni!
YMA hi pawl pakhat – Mizoram angah phei chuan tangkai tawpkhawk a ni. Mahse an duh ang angin an inluling thei bik lo va. I thu laimu delhkilhna FAMKIM LOHNA KHAWVEL avangin thil tul lo tak tak an ti fo a. Nunna hlu tak lak chang pawh an nei thin. Tin, hleih nei taka thuneihna lekkawh chang pawh a tam thin hle. Tisual thei an nih avang hian sel chang a awm leh mai thin a ni zawk. Tin, YMA sel thinte hi YMA lo ta viau anga ngaih tur a ni lem lo bawk. Hmangaih em em tu – pensual veng em em tu an ni thin.
YMA aia thu zawk leh kan tana tangkai zawk – keimahni ngeiina kan din SORKAR pawh kan sel a, kan nawr thin a. Chutih laia YMA sawisel miah lo tur anga dah chu a LEVEL a hniam deuh em mai!
Eng tik lai pawhin miin QUALITATIVE leh QUANTITATIVE CRITICS an pe reng thei. Veng chhung atanga mi hnawhchhuah leh mi nunna an lakte hian an tihloh tur an ti a ni. Pawl siam tha tur hian a chhung atangin a awmzia bera chutih lai chuan a pawn lam atang pawn a awm a tul fo bawk!
Report this comment
March 4th, 2012 at 7:47 pm
Inhnawhchhuah leh in vuakhlum hi chu a ropui lem lo.
Report this comment
March 4th, 2012 at 7:48 pm
NGO in law & order an lekkawh chhugn chuan a kal dik thei lovang. Police ten hna an thawh that loh chuan Home Minister leh a tanpui tute thiam loh ani a, NGO in an hna tur an thawhphah tur ani chuang lo. YMA anih vanga nGo dang aia danglamna a awm chuang lo. Support tu an tam deuh anih pawn kohhran pawh an lian hlei hlei.
Report this comment
March 4th, 2012 at 7:50 pm
YMA thlazar hnuaia awm ve phak lo leh Mizoram khawtlang nuna tel ve phak lo tan chuan YMA thiltih thenkhat ralkhat atanga sawisel hi chu a awl khawp ang. Mahse a hmuna chenchilhte tan chuan YMA tel lo-a kan ram buarchuar dan turzia hi hai rual a ni lo.
Sorkar lam atanga dan leh hrai vawnga lekkawhtu turte an rintlak loh fo avang leh kan judicial system ngei pawh a efficient loh em avangin pawl ropui tak YMA kan nei hlauh hi a lawmawm lehzual ngawt a ni.
Report this comment
March 4th, 2012 at 7:51 pm
#5 A dik khawp mai.
Pa in a fapa a vawh thin a chhan chu a hmangaih vang ani. YMA kan sel hi mi thenkhat chu an duhlo vang pawh a ni thei mahse, mi thenkhat erawh chuan an hmangai vang zawk in an sel thin.
Report this comment
March 4th, 2012 at 7:54 pm
I ziak tha ka ti. YMA hi kan sel fo a, heti tia zet pawi ah hi chuan a nawi deuh pawl a awm loh theih loh vang te pawh a niang e.
Pu Hv- comment ka thlawp e.
Good post.
Report this comment
March 4th, 2012 at 8:00 pm
Mi huaisen tak tak, thil thalo an hmuh sawisel ngam an awm thin hi an hlu khawp mai. Chaltlang kawng chhoa insak PL Liandingan a sawiselna pawh kha Vanglainiah ka lo chhiar a, a tha ka ti kher mai. Mizoram tana pawl Ropui leh Tha ber leh tangkai ber mai YMA pawh hi kalfawr lutuk thei annia.(Hruaitu lam ni lovin, member duh firfiak zual thenkhatte an ni ber), chungtiang hunah chuan huaisen taka insawisel ngam hi a thain ka hria, a dawnsawn dan pawh thiam ta i la. Amaherwhchu, YMA hi chu sawiselna ai chuan FAKNA hian a la buk rit zawk fe chuan ka hria.
Report this comment
March 4th, 2012 at 8:04 pm
eng pawl pawh hian sawiselna an tawh fo chuan in en let a insiam that tur ni awm tak ani.YMA pawh hi thil tha tam tak lo ti thrin mahse tih dik loh tam tak a nei ve tih hi pawm ngam a thra ang.Pawl siamthra tur chuan a chhung a luhchilh a ngai lem lovang.Scenery mawi leh mawi loh hre tur chuan ramngaw pilril a luh ai chuan a ral hla deuh tak a trang in en in a lang fiah zawk.
Report this comment
March 4th, 2012 at 8:04 pm
A va tha em..
YMA dam reng rawh se..
Report this comment
March 4th, 2012 at 8:08 pm
khawvelah hian tumah famkim kan awm loh vangin kan thil tih apiang pawh hi a famkim lo thin a, sawi/fakselna hi chu a bo dawn lo
Report this comment
March 4th, 2012 at 8:27 pm
He post zet chu doc_lib post anih vang pawh ni chuanglo in ka thlawp hle mai. Abik takin luhchilh lai tak khi. Kei pawh ral atanga sawisel mai lovin a chhung ah ka luhchilh a, kan diklohna ka sawi thin. A sawt khawp ania.
Report this comment
March 4th, 2012 at 8:44 pm
# 5 Pu HV a ka sapawt ful thraks..
YMA in mi dawr hawng leh hawng lo tr ah an buai pha lo!!
Report this comment
March 4th, 2012 at 9:02 pm
“A famkim lohna leh a diklohna te hi pawn lam atanga sawisela, deu sawh a, a khengbettu nilovin, a chhungah ngei luh chilha, a dik lo lai te siamtha a, dawm kangtu niturin he pawl hian englai pawhin a sawm reng che ani”.
Hei hi hmun tam takah chuan mumang ang mai a ni. Eng pawl pawh nise, a harsa lutuk. Mi bik tak(extraordinary) nih a ngai. Chutiang kan nih bik siloh avang leh kan famkim bikloh avang tak chuan a diklo laite siamthat a nih theih nan sawisel(advice) lamah kan tuan ta chauh zawk a ni. YMA kan oppossed tihna a nilo a, kawngtha zawk leh tlungtlam zawk zawh tura kan duh luatah YMA Principle leh Objectives te kha ken kawh a nihleh theih nan a hruaitute hi kan theihdan leh thiamdanin kan nawr tihna mai a ni. A pawng a takin leh mumal neilo takin tumahin YMA an sawisel lovang. YMA objective leh principle pawh zah map lova chet chhuah hi kan sawisel chauh zawk. Murder, Mental/Physical torture, etc. te hi YMA innghahna leh lungphum-ah hian a tel tih an sawi ka la hre ngailo reng reng.
Tunah pawh kan kaldan hi hmun hran hranah a inang chuanglo. Hmun tam takah hruaitu fel tak tak leh chinchang hre tak tak an awm ve thova, mahni veng mipuite tithlabar zawngin an che ngai heklo. Inhriatthiam tawnna leh dikna nen an veng mipuite an kaihruaia, Inthikna leh In-erna tel hauh lovin an veng thalai te an chherchhuak thei tlat. Mahni vengchhung mipui, nu/nau leh rilru thianghlim tak tak te beng hriatah YMA hian thu-thinthawng tak tak leh dengkhawng tak tak sulhnu hi a nei ngailo bawk ang.
Tun hnaiah YMA ah hian politics diklo hian hmun a rawn luah a, hei pawh veng tam takah ala ni kherlo ang. Chutiang hmunah chuan hruaitu diklo leh mahnihmasial ten an veng thalaite bum kualin an tlaktlum theihnan diklo takin midang an hek kual a, chu chuan hetiang thu lungchhiatthlak hi min rawn hrilh leh thin si a, YMA hming a langtel zel bawk si, Mizo Pa/tlangval tan chuan thin damna hi a vang tawh i ti zawklo em ni ???? (NOI)
Report this comment
March 4th, 2012 at 9:04 pm
Sawrkarin vengchhunga mi hnawksak a hnawhchhuah saklo ang che u. YMA chauhlo chuan.
Report this comment
March 4th, 2012 at 9:16 pm
Sel love, tuman an sel hlei nem, i ngaijbel vang mai mai a ni… YMA hi tha kan ti vek. Mahse, an firfiak thin hi a ni an sawi ni.
Tumah kan fel famkimlo, in enfiah fo angai, YMA pawh hi, hruaitu an ngai reng lo ang bawkin, an in enfiah ve fo a ngai.
Hmingchhiat ve zeuh zeuhna leh mi rilru tihnat zeuh zeuh a ngah ta.
Report this comment
March 4th, 2012 at 9:20 pm
YMA tangkai zia ah chuan kan lungrual hmel viau hlawm a, kan lungrual tur pawh ani reng bawk a.
Sunday a dawr hawn loh tihte hi an hmalakna tangkai lo pawl ani ngei ang. Chanchinbuah emaw ziah nise, misual vuak tihte hi chu a tha ka ti reng!
YMA hi sawisel thianglo ani lo e, sawisel ila..,mahse a awmze nei in. Keimahni theuh hi YMA chu kan ni mai a. Ta se..tiin inngaihtuah theuh ila, enge kan tih ang? tiin ngaituah leh ila, a fel vek mai ang!
Report this comment
March 4th, 2012 at 9:26 pm
YMA ka dem hrim hrimna nilovin, Human right leh dan palzutna a awm chang reng rengin, engpawl leh mimal mah ka support ngai lovang.
In leh lo nei, mahni ram ngeia awmte hnawhchhuahte hi kan tihloh tawp tur a ni.
Report this comment
March 4th, 2012 at 9:27 pm
Mi hnawksak cu dan ang thlap in hrem ce. a hnawksak dan a zirin jail ah dah mai se dan ang thlap in.
Report this comment
March 4th, 2012 at 9:30 pm
kutthlak chungchangah chuan YMA aiin VDP,JAC hi an hnawk zawkin ka hria.. tun hnu hian YMA hming a lang ta zawk a. Zephyr ho drama ah khan ati lang chiang, mawlfal hi an awm thin atin ni..Kohhran ram rorelna a in
an inrawlh ai chuan YMA, NGO dang te hi inrawlh se tha kati zawk.
Report this comment
March 4th, 2012 at 9:33 pm
Pu HV, i tan na chhan ka hrethiam khawp mai.
Pu Hlatekhua khian chiangtakin a comment khi. Good governance a awmlohna ah chuan mipuite hian ‘mipui dan’ a zawm mai hi a tha ber chu ani mai. YMA dan chu mipui dan, human right activist, public security and safety, engkim a kan engkim an lo ni der mai anih hi. Mizoram humhim nan te, Mizote lungrual nan te kan hmanrua ber ani. hel te pawhin YMA hi sawrkar aiin an hlau zawk ani. Hetiang khawp a chak anih avang hian ‘engemaw lai’ ah chuan a dik lohna a awm ngei ang, mahse YMA ka support lo tih lam ai chuan YMA in hetiang a ti hi ka support lo tih hi a mawi zawk mai thei ..
Report this comment
March 4th, 2012 at 9:34 pm
lamea25 #25 mi tlemte vangin hnampum a mualpho theih. Chuvangin YMA duty (inti…)te pawh hian hetiang a tel tur hi a thlanin an thlan hial atha maithei. Tlawmngai/phur leh hman nazawng an thawhchhuah ngawt hi enkawl zawhloh chuan pawi thui tak ala thleng thei ang.
‘YMA Duty’ hming an put pawhin dan angin khawsa mawlh teh se.
#21
Report this comment
March 4th, 2012 at 10:01 pm
Pros and cons awm lo ni thei khawp hi chu a vang phian —luhchilh a ni emaw ral thlir emaw a nih pawhin. Sawiselna hrethiam lo khawpa Organization tha chungchuang a vang phian.
Rel bur zawng a ni hauh lo. Faktlak khawpa Pawl zamtha leh thil tha duh leh thil ti pawh a ni. A Pawl ang chuan dem chawr chi a ni lo; mahse, tuteemaw pawngpawrh leh zauh an awm chang hi chu an awm thin tih chu tlang hriat a ni zauh zauh FO.
Branch leh branch inngur chang pawh a awm ve tho kha. Nunna chan khawpa insawisak hlumna pawh a thleng a, an Jail tang chhuak pangparthi nena lo inhmuah thu pawhin ram pum a deng chhuak. Chumi veng veka mi pakhat, contraband kaihhnawihin Veng dang branch-in an lo sawp hlum ve mai bawk si. An inngur zui a nih lawi kha … Secularism-ah hleih nei hretin Sunday-a Dawr hawn khapna chu CYMA atang chuan a awm lo naa, Branch thenkhatah chuan an kengkawh khawng hle.
Hruaitu Inthlan boruak leh campaign (line up) neih dan duhawm fahran lo pawh hi thil thar deuh reuh a ni ta tlat. Kan luhchilh hun lai pawh khan, kan dikin kan tha famkim seng chuang lo. Fuih ngil ngai reng tho kan ni.
Inhnawhchhuah buangbar ai chuan, rehabilitate dan dapsak te hi Sorkar hne reng NGO tan chuan rawtna fing leh chhuanawm zawk Hruaituten an neih theih a beiseiawm. Khawimaw Veng chhunga hnawhchhuahte kha khawimaw Veng-ah an insawn tho tho a ngai si!
A aia tha zawk NGO a awm si lo: chuvanga tha ber kan la ni rih! DOING THE RIGHT THINGS IN a slightly WRONG WAY hi venthawn ngai ve tak chu a ni!
YMA hi kan ram leh ram thenawmte tan, mipui chi tin tan, khual chhia leh khual thate tana kut-ke tangkai ni zual zel turin Van Pathianin tichak tharin malsawmna vur zel rawh se.
Report this comment
March 4th, 2012 at 10:14 pm
@5. H.Vangchhia
2. YMA hian 7Day dawr Sunday a khartir tura nawr theihna dan an neilo. An nawr dawn anih chuan an mahni pawhin Saturday (Inrinni) ah dawr hawng bik suhse
… Full Support.
Report this comment
March 4th, 2012 at 10:29 pm
Ka rin aia a chhuah hma chu le..YMA sawisel fo tu te hian kan sawisel thin te ai hian khawtlangah enge kan lo tih ve le aw..ka rawn sawi duh tak chu,khawtlang tana thawh pawh thawk chhuak peih lo chuan lo sawisel ve suh se..i sawisel dawn anih chuan YMA ah hian a kul ataiah in hmang ve phawt turin kan sawm che
Report this comment
March 4th, 2012 at 10:34 pm
Pu HV comment pawh a tha thei hle mai,
John Calvin chuan, “Min sawiseltute hi kan Vantirhkohte an ni” a ti.
Positive Criticism hi mi zawng zawng mamawh a ni. Pu HV comment hi “Positive Criticism Dik Tak” niin ka hria.
YMA (Pawl hrim hrim) hi hengte avang hian a mualpho thinin ka hria:-
1).Member zinga Extremist awm zeuh thin te,
2).Pawl Behchhan-a (hmanruaa hmanga) huaikawm bawl thin te,
3).Pawl Dinchhan & rilru hre hawt lova, pawngpaw phur te,
4).Information Dawn sual avanga chet sual te,
5).Mahni ramri leh tih-tur chin hriat loh vang te,
6).Dan lama hriatna tlem vang te, etc.
Pathian rawn chung leh Val-upate thu ngaichang chung leh Dan leh hrai ngaihsak chunga a kal chuan YMA hian ngaihsan a hlawh tial tial ang a, Zofaten rinna kan nghah chhunzawm zel ka beisei tlat…
Report this comment
March 4th, 2012 at 11:29 pm
#5 leh # 29
Support over
Report this comment
March 4th, 2012 at 11:36 pm
Khawiah ngemaw dawr khar tura anlo intih reng reng le, insawi teh fo a.
Report this comment
March 4th, 2012 at 11:56 pm
Vanneihthlak takin mahni veng chhungah YMA hruaitu hetiang mi(Midang kutthlak/rilru tihrehawm duh mi)hi an sawi rik tumahin kan hre ngailo hlauh. He’ng; JAC/VDP…etc. te hi chu naupang insawithaih nan an tangkai em em thung, YMA ni lovin. Zu/ruihhlo man hi chu Central kumpuan a nih miau avangin an bawhzui nasa ve tho a, warning pek hnua fihlimlo an awm chuan YMA ensan(Kum chanve/Kum khat vel)emaw, Police ah emaw an hlan mai thin. Kutthlak aiin a thawk na a, a zahawm a, ruihhlo zuar pawh an fihlim hma zawk. Thahnem ngai tak chunga fuih emaw, midang hriata enhrang miah chuang silo leh personal right zah sak annih chuan tumah hian mahni veng tihhmingchhiat tluk tluk hi an duh bik kherlo ang. Tihngaihna awmlo chin chu Jail-ah bail theihloh a dah hmak pawh a theih tho ang chu.
Mahni veng hruaitute tih kan copy a nihloh chuan engvangin nge naupang te-in thiante thik/er/hek chinna a rawn pai ngawt theih ang(Family Genetic chu kan sawilo).
Personal Opinion:-
Hetiang YMA hruaitu nei veng nih hi ruihhlo zawrh aiin zahpui zawk hial awm a nia. An hming leh nihna te hi tarlang chuai chuai ila tha tur, kan la fak deuh deuh phei hi chu hriatthiam har tawh tak a ni. CYMA te hian hetiang hruaitute hi ko khawm sela, fuih hial se tih tawh nak a laiin rilru a pik tulh tulh dawn alawm le.
(NOI)
Report this comment
March 5th, 2012 at 12:13 am
Ziak tha khawp mai, keipawh ka YMA viau asin, ka thlawp che. YMA kan sawisel a nih chuan a aia tha pawl din mai teh u. Sawisel bo erawh a ni bik hauh lo. Hruaitu din hmunah han ding ve chiah ila, an ni ai2in ka chhe zawk hlauh thei nia
Report this comment
March 5th, 2012 at 12:14 am
Kan mizo khawtlang a YMA pawimawh zia leh chhiat that chungchanga a hlut zia chu kan hre vek awm e. A hmai ti bal tute chu a chhunga member te kan ni. Chuvangin YMA ang a thil kan ti a nih chuan felfai takin a tha thei ang berin ti ila, kan sawisel a nih pawhin a siamtha zawngin a nihdan tur inkawhhmuh chungin a neitu kan ni vek si a. YMA ngawr ngawr hi chu a tha, a chhunga mite hi kan pawimawh ber mai.
tren tren
Report this comment
March 5th, 2012 at 12:20 am
YMA hmingchhiat tak na bul ber ni a ka hriat chu RSS an ti emawni kha…
Report this comment
March 5th, 2012 at 4:18 pm
@doc_lib, i post tha bawk a, Evening Post in a thur nalh mai.
Report this comment
March 5th, 2012 at 4:32 pm
I reh vang vang emaw tih laiin, thu tha tak i rawn ziak leh tlat mai…
Thahnemngaihna avanga sawisel te, hriatchianloh avanga sawisel te, hriatchian lutuk zawk avanga sawisel te, a thatna tur pawh ngaihtuah peih map lo va sawisel ching te kan awm nuai mai a nih hi maw…
Report this comment
March 5th, 2012 at 8:49 pm
@38 Kan va phu lo ve maw le aw..Ka misual hman ta vak lo tawp mai kei misual hi
Report this comment
March 5th, 2012 at 9:04 pm
@40, keipawh intihtheihna ni miah lovin Lunglei Daily pakhat Ralvengtu ah ka Misual Post an chhuah ve zan asin
Report this comment
March 5th, 2012 at 9:20 pm
Shledie, misual.com ah hian min inspire tu i va ni tak em..Nang i awm hi chuan duh loh thleng thlengin ka OT thin ehh..mahni post ah Sheldie vangin OT vel
Report this comment
March 5th, 2012 at 9:47 pm
Hehe@doc_lib, tawngkam hi chu i van thiam tak aw:-D
Report this comment
March 5th, 2012 at 10:20 pm
Sheldie tawngkam thiamlam pawh ani hleinem..thinlung a khat liam ka in a sawi chhuak thin tih anih kha..Ka post ah na na na hi chuan nang nena OT tluka nuam a awm dawn chuang em ni
Report this comment
March 6th, 2012 at 4:47 am
tun a kan kal dan hi chu tha ka ti lo, insiam that chu kan ngai…..
Report this comment
March 7th, 2012 at 10:54 pm
Ka tlai viau na a, tlem kan sawi ve lawks….
. Sorkar nep vangin YMA a in rawlh a ngai fo mai hi a vanduai thlak a ni zawng hi.
YMA a inhmang tak ka ni chungin pawi ka tih em em te..
Mahni kuanglo kan nawr nasa tawh khawp mai, Sorkar (Mipui din) hian a tihtur a tih loh thin vangin a nih ber awm e. Sorkar hian a tih tur Law and Order hi tha tak leh taima takin kengkawh mai se YMA duty emaw ILP check ngai miah lo tur leh a behbawm hrang hrang…heng vang hian a ni mai lo maw YMA te an sel mai thin ni. Sorkar a che tlai in a che muang thei si, Sorkar hnathawk an inthlahdah vangte pawh a ni mah na… Sorkar Dept. Survey neuh neuh a tam thei si..ka ning thei teh mai a nia. thil tih reng reng in YMA tih zel a ngai…..Election …ration buhfai, BPL NLUP… leh Information reng reng ah YMA information hman an tum zel bawk si
Report this comment