Internet ka luhchilhna hi ala reilo khawp mai a, Cell phone atanga ka luh theihna phei chu 2008 atang chauh khan a ni. Han en tur leh chhiar tur hi ka van thei thin khawp mai a, Vanglaini, Lelte, Lawrkhawm leh mi(sual).com te hi ka en ve deuh zut thin a. Chung zingah pawh chuan mi(sual).com hi a luh a sam bik riau avang leh Post thar a awm deuh reng bakah, Comment ngaihnawm tak tak chhiar tur thar a awm deuh reng avangin, site dang thlahthlam tial tialin ka lut regu tulh tulh ta a ni.
A hming hian min lem lemlo naa, ka han belhchian telh telh khan min hip nghet ta tulh tulh mai a. A chhan tlangpuite chu:-
(1) Luh a awl sam
(2) Post leh Comment a regular tha
(3) Mizo tawng an duh uluk
(4) Mizo hnam insuihkhawmna lam uar a ni
(5) Thalai nun leh Social life hrim hrim inkaihhruaina tha tak a niin ka hria
(6) Mi senior leh Puitling tak tak in an uap tha.
(7) Mizo Literature ti hmasawn thei tur khawp a ni.
[8] A huap zau a, Pathian thu lam, Fiamthu lam leh History lam pawh a tel avangin.
Silent reader angin ka lut ta tlut tlut mai thin a. Amaherawhchu, Zirtirna danglam deuhvin a rawn pawlh ta fo mai a, Ka lo hriatchian lam tak anih si avangin, Luhchilh ve law law a, ngaihdan sawi ve a, a tul chuan hnial ve bap bap angaiin ka hre ta a. Mahse, ka han in register ve a, Password min rawn pek kha a harsa thei lutuk a, ka hmangthiam leh ta pek lo va, Mahse vanneihthlak takin mahni duh dan angin a lo tihdanglam theih tih ka hre ta hlauh mai a, Password awlsam te, ka theihnghilh ngai loh tur ka hmang ta a, Nikum (2011) May thla vel atang khan ka Comment ve tan ta zuah zuah mai a ni.
Ka comment tantirh atangin ka tlangnel nghal sarh mai a, a nuam ka ti hle. Tichuan, Post siam lova thla 3 zet ka comment thin hnuah August ni 1,2011 atang khan Paws ka siam ve tan ta a. Ka paws hmasa ber chu, “Ke Hniak” tih kha a ni. Milem lam Post ka chak ve leh a, Pu Duhlova leh Rose Malsawmi te puihna zarah ka thiam ve leh ta mai a. Tichuan, Thla 10 chhungin Paws 100 ka lo tlin ve ta reng mai a, Thlatin paws 10 zel siam ang ka nih chu.
Silent reader ka nih laia Regular em em thin, Zoram Genesis, Chawnghilh, AS Khiangte, Zorunpuia, MZ Vision, Shailendra, Muantea, Gothica, Zualbonez leh Jewel te an reh ta vang vang mai hi chu a lunglen thlak deuh a, Pu Hva lah hi Mizoram alo chhuah atang khan a taptawm sawt riau mai bawk. Thu leh hla thiam ber thin ni a ka hriat Kawlhawk pawh hi a hla sawt viau mai a, a chang chang hian a rawn lang leh zauh thin. (Tsa erawh ala inti tufa hle reng a).
Amaherawhchu, mithar erawh an rawn luh belh ve reng a, Senior te hian kan lo welcome thiam leh tih tlangnel thiam hi a tha khawp mai. Paws rawn nei tharte pawh lo encourage thiam a tha khawp mai a, amaherawhchu, hnial loh theih loh erawh chu a awm thin. Pu Zoho te, Lt chhakchhuak te, Hnam Sakhua te pawh kan lo hnial nasa lutuk thin che u ani mai thei, min ngaidam dawn nia, han ti ve zel rawh u.
Century Post(Paws za na) lawm nan milem hlimawm lam ka han dah ve mai mai ang e:-
Mizoramah chang hian Gas hi alo harsa lo aniang hei kan Hotute pawh an buai em hi.
Naktuk May ni 24 ah hian misual pakhat Cyber Thug an nupui a nei dawn a, Honey moon an hmanna tur ka zawn sak a.
Mahse hemite nupa hian min lo luah khalh daih mai.
The night The Great Manchester United Fall.
Facebook leh misual.com hian min va han tibuai tak em.
Hnam Sakhua zuitu dik tak nih dawn chuan hetiang hian inchei a ngaih hmel.
Ka Post fahrah ve te te min lo hlutsak thin tute; in zavaia chungah Lawmthu ka sawi e.
(Y) 
May 23rd, 2012 at 8:14 pm
ka first em ooo
May 23rd, 2012 at 8:16 pm
Hma ka sawn loh zia ka hre chiah 🙁
May 23rd, 2012 at 8:18 pm
Pu Pk, i post 100-naa ka first hman loh avangin min ngaidam ang che aw… Congrats. misual.com tan i theih i thiam han chhuah zel la, vul zel rawh.
May 23rd, 2012 at 8:21 pm
Link khi siam tha ve ula…….post zawng zawngah phun char char teh ang. (H)
May 23rd, 2012 at 8:21 pm
Khawngaih takin thlalak kha han dah lang teh u! 🙂 He post chu post 100-na a ni bawk a, comment 100 a tlin loh chuan ka thiam loh liau liau-ah ka ngai ang. 😉
May 23rd, 2012 at 8:25 pm
He post-ah hian phun ve char char ang, Pu VaiVa te an awm bawk a. 🙂 Kumtin smiley hi a thar zel kan duh. A ngai hi a hnêawm. Nui bãwk bãwk thei a awm bawk si lo. Tap zawih zawih lah awm hek suh. Tûm buau leh khi sáng deuh chiah a awm.
May 23rd, 2012 at 8:25 pm
I post chu a tha khawp mai han ti dawn ila, a thatna vak han sawi tur em em ka hre lova, a ho hle mai han ti dawn ila a ho na ka hre chuang silo, a nuihzatthlak han ti dawn ila a thutak ru phian lawi bawk si, mahse ka chhiar zawngin ka nui ver vera, a chhan chu i sawi zawng zawng khi keimah ka nih duh hmel lutuka, ka rawn inpuang ve nghal law law ta mai a ni.
Keipawh kum 2 vel liam ta atang khan misual.com hi ka lo luhchilh ve tlut tlut thin a, mahse member ka ni lova, silent reader ka ni char char thin. Pu Hv-a te, father Sphinx, Aryan leh i rawn sawi ho comment leh post hrang hrang chhiar khian ka lo bur ve ngar ngar thin, nuam ka tia..mahse han in register ve a, misual.commers puitling tak tak te nena han comment ho leh member han nih ho kha chu ka ngaihtuah phak ngailo. Mahse zahtheihlohna zawng zawng sawmkhawmin hmanni lawk khan ka inziaklut ve ta thuaia, chuan rual u te zingah kei ber emaw in tiin ka rawn comment ve ta tlut tlut chu anih hi. Min lo hrethiam teh u’n (H)
May 23rd, 2012 at 8:26 pm
Ka chhiar hman tep tawh a nia aw..
May 23rd, 2012 at 8:27 pm
Ka thiam lo a ni. Min hre-thiam mai rawh u.
May 23rd, 2012 at 8:30 pm
Congrats on ya Century post. (Y) Misual.com Sachin 😛
Misual.com hi ka hriat na chu a rei ve toh.
May 23rd, 2012 at 8:30 pm
#6 (Y)
May 23rd, 2012 at 8:32 pm
Thlalak khi siamtha teh uuu…
May 23rd, 2012 at 8:33 pm
#11 (Y)
May 23rd, 2012 at 8:41 pm
Paws 100 na ka lawmpui hle che. Sunday Pual i thawhte hi a tha ka ti. Han ti sauh sauh teh.
Ni e. Thlalakte hi en a chakawm hle mai..
May 23rd, 2012 at 8:41 pm
Congress ku PK. 😀
CONGRATULATION KU PK, (Y)
May 23rd, 2012 at 8:45 pm
Ka in thlahrung thei lutuka,engmah kala coment ngamlo….century lwmnan,coment ve mai mai.
May 23rd, 2012 at 8:45 pm
Paws zâ na, ka comment vawi 4 na ;-(
May 23rd, 2012 at 8:49 pm
Congrats OK! TS, mobile tang chuan har e mai 🙂 lo nghak hram hram
May 23rd, 2012 at 8:51 pm
Post-tupa i century post a ka comment thei hi ka lawm e. Han tang zel teh, in zinga misual pakhat ni a, in thu leh hla ka lo chhiar ve boh boh hian hma min ti sawn takzet e. (Y)
Misual.com leh comer zawng zawng dam zel rawh se.
tren tren
May 23rd, 2012 at 8:55 pm
HOT raw pip!
May 23rd, 2012 at 8:58 pm
Aduhi tak hi chu aw… Thlalak paws dan tur atih ang khan ka han try ve a; “A dik lo, rawn siamtha raahh” a tia, a hmaa ka tih thin dan ang khan ka han ti leh rih a, “tihsual leh palh ka hlau deuh e, heti hian ka ti rih phawt ang a, nang nula hmelthaah lo siamtha rawh aw, next paws ah i duh dan ang takin ka rawn titha leh ang” ka ti nem diai chung pawhin heti hian a rawn chhuak a. Ka ban thei tak tak dawn hetiang chuan, ani lo pawh nula dang an awmlo pawh ani lo ah. 😛
May 23rd, 2012 at 9:00 pm
Pu Pk, Century Post lawmpui nan che (F) Misual a i telna a la rei loh ngaihtuahin i thawhhlawk hle mai ka ti. Keini ho kan fiamthu fo laiin nang chuan thutak in min chawm thin a, Misual tan hian i hlu teh a nia. Recent Comment a i hming a lan loh hi chuan a kim miahlo. Century i vaw chhuak ta sa sa, han double century teh le.
Thenkhatin misual a reh, a khawharthlak, a tlahniam, adt an ti thin a, a dik tho, mahse Misual hi chu kei ka ngaihdan chuan Kohhran ang deuh ania, comment ngai miahlo mahila comment tawk an awm reng a, a kal ngai hian a kal reng a, Kohhranah pawh han phur chang a awm a, ngui chang a awm ang hian.
May 23rd, 2012 at 9:01 pm
Hahaha 😀 pic. ho mai mai chu leh.. 😛 Ku Pka ta mai mai thin hi min tih nuih sung chu le. 😀 (Y) I inhmeh lo riauin ka hria, hahaha 😀
tren tren
May 23rd, 2012 at 9:06 pm
PU PKKKKKKK thlalak post i tihdik tawh ngei ka beisei next post ah chuan. Min ban ka hlau sia hmanlo chung chungin ka rawn siamtha. Congrats on the century.
PS The_Chhamanator hian Pic Post Dan tih video tutorial siam a tum an ti tih hi dawt an ti 😉
May 23rd, 2012 at 9:16 pm
Pu Pk, thlalak post dan zirtirtu che pahnih khi an hmingchhia ka’n ti hman khawpah!
May 23rd, 2012 at 9:20 pm
Thlalakte chu leh! 😀 😀
May 23rd, 2012 at 9:27 pm
Ka comment engzat na tak ni ve tawh ang maw le???
May 23rd, 2012 at 9:33 pm
(Y) 🙂
May 23rd, 2012 at 9:38 pm
Arsi i rawn bel ve tawh bawk a, misual tan i thluak bur vawi 100 lai i haithet tawh bawk a, lawmpuina hlan lo thei che ka ni nawh.
Ka hming i han lam tel a, a tha zel mai e. Kei pui hi thatchhiatna lamah hian ka taima riau pek a, chhiar ve reng thin mah ila, ka comment lo leh thin alawm mawle. Ka la (sual) em em reng tho a nia 😀
May 23rd, 2012 at 9:44 pm
Congrats (Y)
I post zat pawh ka la comment ve lo ang a 😀
May 23rd, 2012 at 9:55 pm
Congrats……….keinin post sawm pawh kan la tlin mang loh lai a……Pathian thu lam pawh kha han post chhunzawm zel teh ka hlawk phah thin a nia, ngaihdan in an loh chang te chu awm thin mahse……. (Y) (Y)
May 23rd, 2012 at 9:55 pm
tren tren.
May 23rd, 2012 at 9:58 pm
Aduhi, ka ban leh lo ang che. Next post atang chuan kan THAI BAWIH nge nge dawn ava ang ve, hmeichhe laka tlawm hi ka hreh teh na a, an dik zawk miau chuan tlawm duai duai mai ang. @ chhuaklinga, zanin chu Century leh Cyber Thug-a nupui neih tur lawmng HOH ZAN anih hi. inhmuam up reng chu ninawm chang a awm ve thin. 😉
May 23rd, 2012 at 10:14 pm
Tluk loh rim i nam mange, Pu PK! Sunday pual i paws te hi a ngaihnawm ka ti thin hle a, kei ai mahin kan nu-in ala tizual! (F)
Paws za lawm nan – tlar hmasa ber zel i hming hmang ngatin lawmpuina ka hlan che a, fuihna ka fah teh ang che. 🙂
Pathian kaihhruaina hnuaiah,
Krista chhandamna puang zelin;
Fam i chan hma zawng –
A ram zau nan bei zel la…
Ni leh kum te liam mah se,
A ropuizia tlangau puitu ni reng la,
I tan leiah leh vanah malsawmna a ni reng ang.
May 23rd, 2012 at 10:20 pm
Thlalak ho chuan mit an ti tlai hle mai (H)
May 23rd, 2012 at 10:37 pm
Congrats pu PK-a. I post hmasa ber khi ka la hre ve tlat ania.
May 23rd, 2012 at 10:54 pm
Pu Kawlhawka rilru chak zia leh Talent neih that zia chu a comment atang khian sawi tam ngai lovin in hrethiam tawh mai ang chu. Ka va lawm kher em. Fuihna thu hlu tak ani e. bbney chu i memory a that hmel hle mai. (Y)
May 23rd, 2012 at 10:55 pm
Thlalakho khi a nalh hlawm e…
May 23rd, 2012 at 10:59 pm
congrats. Ka chhiar ziah peih lo na a Sundayah hi chuan i post hi hmu ngei turah ka in ngai hmiah tawh a nia.
May 23rd, 2012 at 11:29 pm
In va thei pap pap bik ve maw le! In taima kher mai, kei chuan post 5 vel bak ka la nei lo. Kei hnunga kalte pawhin min lehpel zel ta si a. 😀
May 24th, 2012 at 12:17 am
(4) Mizo hnam insuihkhawmna lam uar a ni
Hei chu a dik lo deuhin ka hria :-O
May 24th, 2012 at 12:38 am
Post 100 9 lo tlin reng tawh maw Pu Pkfanai ka lawmpui che, i post leh comment a ngaihnawm thrin hle mai, tan han la sauh sauh teh.
May 24th, 2012 at 12:38 am
Post 100 i lo tlin reng tawh maw Pu PKfanai ka lawmpui che, i post leh comment a ngaihnawm thrin hle mai, tan han la sauh sauh teh.
May 24th, 2012 at 12:39 am
Paws za na i siam thei chu ka lawmpui a che… mahse thlalak i va nei rapthlak hlawm ve hehe.. 😛
I Sunday pual hi Monday or Tuesday ka chhiar ve ziah a, i rawn ti zel dawn nia..
May 24th, 2012 at 12:46 am
#40 khi ka hmunga kal te pawhin min lehpel ka tihna. 🙂
May 24th, 2012 at 12:56 am
Pist 50 ka tlin tawk laia century i lo siam chu ka lawmpui a che. Thlalak chu a funny hlawm hle mai. (Y)
May 24th, 2012 at 1:42 am
Century child tan chuan comment lohna chi a ni lo khrim2.
Pu Pk-a i thawh hlawk khawp mai, ‘hnehtu aia ropuina’ tih post phei kha chu ka mamawh zual lai takin ka chhiar a ka hlawkpui lutuk. (Y)
i post thenkhat pawh comment kher loin ka chhiar zel ania.
Chhas nei hmeltha Gothic-a min ti ngai thar alawm le 🙂
May 24th, 2012 at 2:09 am
Comment 100na chu ka hauh e (H)
May 24th, 2012 at 5:00 am
@ chhangteval, (4) ‘Mizo hnam insuihkhawmna lam uar a ni’ ka han tihchhan chu maw, Admin lam ten an uar ni lovin, Influencial & Senior member lam(e.g. pu hva, kawlhawk,etc.) te hian an tum hram hram a, Post leh comment pawh hi an vengin a tha zawngin an kaihruai hram hram thin niin ka hria a, hei hi Silent reader ka nih lai daih tawh atangin ka notice a, ka appreciate em em a ni. (Y)
May 24th, 2012 at 5:09 am
Sheldy sawi khi ka’n support lawk teh ang. Hunawl ngah deuh lai hian Post hlui hi ka hai zeuh zeuh thin a, misual.com hian khawhar tak tak lai a lo ngah mai. Post comment awm manglo; tunhnua comment sak leh tak mai mai a awm nual. Tunlaiah chuan kan reh kan tih ber lai pawhin comment hi 10 aia tlem a awm mang hauh lo mai. Post tu kan lo ngah zel nan Silent reader nih duhtawk mai lovin taima takin i comment tang tang hlawm ang u. In chhemalh tawn hi a tha ngai e.