Thuhma: Saphovin min rawn awp tan (1890) khan Mizoram hi Assam hnuaiah ala awm lova, 6th September, 1895 (Gazette of India, September, 7, 1895) khan an awpna hnuaiah officially in min telh ve ta chauh va.
Mizoram hi tun hma khan North & South Lushai Hills -ah then ani thin a, Chhim bial hi Bengal hnuaiah, hmar bial hi Assam hnuaiah dah a ni thin. 1st April, 1898-ah North leh South chu pumkhatah Lushai Hills District-ah an siam ta a ni. Tichuan Chief Commissioner of Assam awpna hnuaiah kan awm ta a.
Unified Lushai Hills District-a Superintendent (Bawrhsap) hmasaber chu Major J.Shakespeare, Chhim bial lama hotua lo tang zel kha a ni a. A tirah chuan Lushai Hills District hi Bengal biala telh tumna awmin sawi a ni thin a, mahse Assam hnuaiah kan awm ta zawk a.
Pu Tarmita hun chhunga Mizorama thil thleng ( a thil tih) pawimawh leh chhinchhiah awm deuh deuhte chu :-
1. Kum 1897-ah Pu Buanga leh Sap Upate khan Aizawl an chhuahsan leh ta. ( An Mission tawp vangin)
2. Kum 1897 vek hian Welsh Misssion hnuaia Missionary hmasa ber Saphluia (Rev. D.E.Jones) a lo chhuak ve leh a. (Mission hmasa kha Arthington Mission anih kha)
3. Kum 1898 velah hian Manding Putara (G.H.Loch) chuan Champhai lei let turin mi a fuihin a sawm hlawm a. Sangtea te, Butpawla te leilet hmun siam turin an lut hlawm a, Champhai khua siamtu hmasa a ni. ( Vailen hnu-ah. Thlang tlak hma chuan Hmar leh Biate-ho hian Champhai-ah khua an lo din hmasa tawh thin an ti.)
4. He mi kum 1898 velah bawk hian Mizoramah Tlangsam (Royal Engineers Surveyors) an lo chhuak a. Mizoram zau zawng an teh vel a. Mizoram map siam hmasak berna a ni. He mi kum hian Zosapthara (Rev.Edwin Rowlands) a lo chhuak (1898 December ni 31 tlaiah Aizawl a lo thleng!)
5. He mi kum 1898 velah bawk hian Sawrkarin silai kheng turin thu a pe a, an kheng hlawm bawk a. Mahse mi thenkhatin an silai thate an kheng duh lo va (phal lo va), Sawrkarin a lak tur a chhinchhiahna nia an rin avangin a chhia chhia an kheng a. Mahse an khen loh zawng chu Sawrkarin a la ta vek zawk a ni.
6. Tarmita hi ram sem Sap an ti bawk a, Mizo lalte ramri siam saktu ber a ni.
Aw le kan TOPIC lamah lo lut tawh ila, Pu Liangkhaia’n Mizo Chanchin a ziak hi a copy Sapram lamah a lo hmuhin Pu Tarmita chuan heti hian lehkhathawn a ziak a ni. Hetiangin :-
Thiante u,
Mizorama ka awm tirh lai kha tunah chuan kum 50 a lo ni ta a, khang lai khan mite’n, “Mizo ziak ngei lehkhabu a lo chhuah hun thlengin i la dam ang,” min ti sela, ka ring lovang. Chung lai chuan Mizo tumah lehkha thiam an la awm loh avangin mi tlemte chauh Sap nen an inrem a. Rei lo te kan indo thin a, a hnuah kan inrem leh thin a. Kum 16 chhungin Mizo zingah hlim takin ka awm a ni.
Kum 45 lai a ni ta, Zosap pahnih, an mahni duh thuin Sawkar puih lohvin an lo chhuak a, pakhat chu tun thlengin a la dam a, Pu BUanga in tih kha a ni.
Chung Sapte chuan Mizo lehkha an siamsak a, Mizoram sikul hmasa ber chu an siam a. Aizawla an sikulah chuan Mizo lehkha zir hmasa berten an zir a. Chuta tang chuan Mizoram lehkha zirna hi a lo darh zau ta a ni.
Pu Buangate thian dun lo chhuah hnu chuan Sap dang an lo chhuak leh a, anni pawh chuan tam tak an zirtir ve che u a; nimahsela chung Zosap pahnih, Aizawla zirtir a, Lungleia zirtir leh zeltu che u chu theihnghilh suh ang che u. Anmahni chu engkim tan chhuaktu an ni e.
Tunah chuan putar ka lo ni ta a. Mizorama rei tak lo awm tawh a, an Bawrhsap hmasa bera lo tang tawh ka nih avangin Mizote hi fa angin ka en a, ka ngaihtuah fo thin a. Tunah Mizoram a lo danglam ta hle tih ka hriat hian ka lawm em em a ni.
Pastor Liangkhaia’n he lehkhabu a lo ziak hi ka lawm em em a ni. In thlahtute chanchin in hriat hi in tan pawh a tha. Aizawla ka awm lai khan kei pawhin hmanlai chanchinte ka zawt thin a, he lehkhabuah hian chu’ng chanchinte ngei chu ka lo chhiar leh avangin hmanlaia Bawrhsap ka nih laia ka khaw fannaa naupang inchuh tura ka pawisa vawrhte leh lal ina zu bel bula kan thu-khaw-chang sawi lai te kha ka lo hriat chhuah phah ta a ni. Chung lai chanchinte chu ka ngaihtuah fo thin a.
Lunglei ka chhuahsan dawna ka thian tha tak tak Seipuia te, Lalthangvunga te, Lalluauva te hovin Ral chaw bel chu Vandula leh Zahuata’n rei tak an indo phah a, chu chu kum 60 lai a ni ta. Chung kan thianteho zingah chuan Lalluauva hi ka thian rinawm ber a ni.
Mizorama lo kal leh a, chu’ng ka thian hluiteho Darmaka te, Zataia te, Luseia te leh ka thian dang la dam apiangte pawh rawn hmuh ka chak hle mai a; nimahsela ka lo tar ta em mai a, ka ke a bai ta bawk a. Hmanah kha zawng kawng chho tak takah te pawh awl takin ka kal thei thin a; tunah zawng hmun zawl kawng pheiah pawh mel khat pawh ka kal thei ta lo. In hnenah lo kal thei lo mah ila, ka la han hre reng thin che u a ni. He lehkhabu leh a siamtu hi kawng engkimah a hlawhtlin ka duhsak e.
In vaiin dam takin awm ang che u.
In thian,
Tarmita.
(John Shakespear)
Chelsea,
London.
Sept. 26 1938.
[Source : "Mizo Chanchin" by Rev. Liangkhaia. Chhut ngana]
https://www.landrevenue.mizoram.gov.in/index.php?option=com_content&task=view&id=12&Itemid=26
Champions League Semi 2nd leg en pahin vil ang aw….!
Similar Posts:
- Mizorama Kohhran(Biak In) hmasa ber ??
- Bawih chhuah chungchang
- India páwna Mizo zirlai 20-te Overseas Scho’ nuai 77 chuang pe
- Kohima War Cemetery a Mizo thlan
- TO FU
April 24th, 2012 at 2:06 pm
1ehkhathawn chu chhiar 1la…
Report this comment
April 24th, 2012 at 2:11 pm
Bengvarthlak.
Report this comment
April 24th, 2012 at 2:12 pm
He pa hi, Zo-sap zinga a ngaihsan awm ber ni in ka hre ve leh tlat………..Khoiah nge ni ka chhiar ka hre ta lova, Pi leh pu te chanchin ziah te a lo ti phur leh hnam thil dah poimoh tura a lo ti te kha tha tak chu ni. Zu chungchangah pawh khan an khap thalo a tih thu a sawi in ka hria, engber a ka hmuh nge phei chu ka hre ta mai lo.
First em aw?????
First loh chu le…………………hahahaha
Report this comment
April 24th, 2012 at 2:29 pm
Colonial hangover Part XXX
Report this comment
April 24th, 2012 at 3:25 pm
He lehkhathawn hi a lar fu mai a. (Tribal Power hovin an album Title ah an hmang em kha?). Tu lehlin nge? Ama ziah atan chuan a mizotawng a tluangin a dak nalh lutuka awih mai a har ka ti deuh. Saprama mizo awm a ziah tir ani em? Hriatchian deuh ava chakawm ve.
Report this comment
April 24th, 2012 at 3:51 pm
Report this comment
April 24th, 2012 at 4:23 pm
Pu Tarmita hian mizo tawng avan thiam em em ve maw le…? Pu Liangkhaia hming dik tak hi enge ni ta kha aw….? Hrangchina tih ni tain ka htia. Pu Hrawva pawh kha lui/tlang pakhat hming atanga phuah an ti. A hming tha chu Rolala an tih chu maw le.
Report this comment
April 24th, 2012 at 4:41 pm
#5. Kei pawh a ziah a nih ka ring lo a mizotawng hi chu. Kungawrhi thawnthu a ziah kha ngaihtuahin leh a ni hriat chin kha chu mizoin ziak kan neih hma ania, a ni hi roman script-a mizo tawng ziak hmasa ber a nia a kuthnu chu pawr tak a ni.
Report this comment
April 24th, 2012 at 5:22 pm
Ziak ho ve ang reng! tunge maw a thawn reng reng, thiante u han tih tawp ringawt.
Thuhma khi a tha zawk emaw te ka ti mai mai. 
Report this comment
April 24th, 2012 at 5:50 pm
Report this comment
April 24th, 2012 at 8:35 pm
Mizo hi mi hming han phuah mai hi chu kan hnehsawh ve riauin ka hria
Tarmita,Thangliana,Pu mena,Pi Zaii,Pi Tei, Manding sap,Lushai Er.etc lolzz
Report this comment
April 24th, 2012 at 10:04 pm
Hetiang post hi he site tihlutu a niin ka hre thin
Report this comment
April 24th, 2012 at 10:17 pm
A bengvarthlak hle mai.
Chelsea tan vek a ngai a nih hi Pu Tarmita home team anni tlat.
Report this comment
April 24th, 2012 at 10:22 pm
E khai ! Post a lo chhuak a ni maw….! In lo comment teuh tawh a lawm le. Airport-ah mi ka hmuak a, ka haw fel ve chiah a ni e!!!
Weekend khan post avang deuh nen, ka vil hman dawn loh hi chuan post rih loh mai ka thlang deuh va, mahse hei post a awm ve leh nual a lo nih hi!!!
Kum 1926-ah Pu Thuama, Kulikawn dawrkai hausain Mizo chanchin inziahsiak nan cheng 50 a phal avangin Pu Liangkhaia pawh hian a ziak ve a ni a. A tha berah an ngai a, mahse publisher a hmuh mai loh avangin kum 1938 khan Pu Hmingliana’n a publish sak chauh a ni awm e.
He lehkhabu hi Mizote chanchin ziakna lehkhabu kan neih hmasaber (Mizo ngei ziak) a ni em? tih chungchang hi sawi chiang thei deuh kan awm em?
Report this comment
April 24th, 2012 at 10:27 pm
@chhana: I comment khi
Conquistadores-ho ai chuan Tarmita khua leh tuite hi ka tan hrim hrim !
Report this comment
April 24th, 2012 at 10:44 pm
#11, Ku_Xaia : Sawi thin tawh angin BIS-Codes (IS-Codes thin)-ah khan Mizoram hi lushai hills tiin vawiin thleng hian ala inziak hlawm mai thei….!!! early 90′s khan thiante 3 nen B’lore-ah Construction Co. din kan rawt phur ve hle a…..a hming turte kan phuah tlang vela! Chuta ka rilru puak chhuak chu a ni ve a! Mahse kamdin zai kan rel tak siah chuan a ngek chauh tal pawh hi hlu a lawm le tiin ka la pu zel a nia.
Tin, tuna Lushai Engineers hming invuahte hi i hriat zawngte an ni em tih zawhna ka tawng fo mai a! Hriat thu-ah chuan kan naute an nia, ka hria a; mahse he hming hi an hman dawn hian min rawn hauh lo mai a! An in register hnuah a thuphungin i firm hming kan hmang tih chu min hrilh a. Ka keipui sa hauh fun duh ta lem lo va, tha te te chuan min dil se, LOGO nalh tak nen ka lo puichhuah tur a nia le.
Report this comment
April 24th, 2012 at 10:50 pm
@lrp : MAL-ho zawh fiah a tul tawh ang. Pu Buanga & Zosapthara te a thiam zawkte pawh kha tunlai Mizo tawng hi chu thiam lo ve tak an ni chuan ka hria. Pu Laltluangliana Khiangte hian a original copy chu a neih ka ring.
@HV : Tarmita hun hi Mizoram Map kan sawi chhuah dawn apiangin Survey hmasak ber a ni a, kan refer ziah tawhin ka ring. Tlangsam-ho kan tih lo chhuah kum anih kha.
Report this comment
April 24th, 2012 at 11:13 pm
“3. Kum 1898 velah hian Manding Putara (G.H.Loch) chuan Champhai lei let turin mi a fuihin a sawm hlawm a. Sangtea te, Butpawla te leilet hmun siam turin an lut hlawm a, Champhai khua siamtu hmasa a ni.”
Ku_Shaiate bial a ni bawk a, Midum phai (midum leilehna) an phuahna chhante hi han sawi chiang thei deuh se….!
Tak taka Champhai khua dintute sulhnu leh engemaw pic hlui deuhte in rawn share thei mial lo maw…?
Champion’s league comment an tan tawh……halftime-ah rawn lut leh ang. Inkhel en tui vek u!
Report this comment
April 25th, 2012 at 1:14 am
A ngaihnawmin ka chhiar tui hle mai. A hriatna a tha hle mai ka ti. Kum tam tak hnuah a thian, Mizo lalte hming a la sawi thei hi, upat lamah lehnghal. Post hlu tak a ni. Ka vawi khat chhiarna a ni e. Mizo chanchin inziahsiaknaa thuziak dangte la hmuh theih sela a hlut leh tangkai dawn vei nen.
Report this comment
April 25th, 2012 at 2:33 am
Chelsea-in final an lut ta e…..Noukampt chu a ngui ruai mai.
Bravo Torres !!
Kan Bawrsap hmasa ber khua an chak e…hip hip hurray !!
Mut hmain a lawmnan thli sen zuai teh ang
Report this comment
April 25th, 2012 at 2:34 am
barca kha an chak nange? an va mawl ve
Report this comment
April 25th, 2012 at 2:34 am
Meng in la awm chuan mangtha vek u…..
Report this comment
April 25th, 2012 at 2:38 am
tumah an meng tawh lo..lushai_er
Report this comment
April 25th, 2012 at 2:39 am
Aw..@lrp : I la meng elo maw? !st half ah Terrya’n Red card a hmu zawk mah mah maw le…!
Ti hi chuan Barca chu min an hneh an hneh thin tawh ang. Stamford Bridge-a an style kha El Classico-ah khan The Special one khan a apply ve a, an chak pui a. Hei tunah mi 10 an khelh pawhin an chak chuang lova…hi hi!
Report this comment
April 25th, 2012 at 2:46 am
Ka tan vanga chak mai mai an ni e.
Report this comment
April 25th, 2012 at 2:47 am
lushai_er ,,haha..barca hi an chawh ka ti..futbal hi ka en peih lo..an thiam lo hlawm si..
Report this comment
April 25th, 2012 at 2:51 am
Chuti chu special deuhvin @lrp maithawks le…!
De Matteo-a te’n Chelsea Club-a an khelh lai kha i hmu phak chuan ka ring a, Permanent hian an ruai thei tawh mahna le!
Final-ah chuan Bayern Munich leh Chelsea an intum ka ring a, nakzanah a chiang mai ang chu!
Report this comment
April 25th, 2012 at 2:57 am
Aw…@Tuaitea a rawn inrawlh e lo maw..! Kei pawh ka post vanga chak mai mai ka ti ve dawn !!!
Chelsea-in Red Card an han chawi a, Goal 2 an han chhuah leh kha chuan bei a dawng hman teh a sin. Ramirez hi ka thiam tih zawng tak, khawi positionah pawh buai ngai lo a ni a. Drogba-an left defender a han kawp kha chu(h)…. a ropui lo khawp mai..!
Arsenal nen an indraw khan Goal ban a per dawp dawp a, zaninah pawh an in draw chhan hi Goal ban a per dawp dawp vang a ni! Messi ka khawngaih khawp mai (penalty missed vangin)!!!
Report this comment
April 25th, 2012 at 3:12 am
Zanin zet chu post tupa te nen kan hlim tlang a ni e.
Red card hmuh hnuah si hnih kan phur a nia. Barca ho lah an sawi tha nasa si. Kan draw phak kha a ropui e. Pu tarmita thlarau pawh a lawm ve ngei ang. A tawp thlenga an dinchan ka duhsak e.
Report this comment
April 25th, 2012 at 2:24 pm
#3,Shakespere kha Zosap anilo, Zosap an tih chu missionary ho kha anni in ka hria..
Report this comment