Mizote hian hma kan sawn ve ta viau mai. Tunlai khawvel changkanna luipui luangah hian kan hleuh ve thei ta fu mai. Khawvel thil thar ṭha ber ber hi kan lo neiin kan lo hre ve zung zung a. Incheina leh nawmchenna hmanraw thildang pawh khawvel lehlam neih ang kan lo nei ve chawpchilh zel ta mai a.
He lei vangkhua hmun sang a chengte hi, Rokunga thlir dan anga, “Hnam lungmawl” chu kan ni tawh bik lo ang tia ngaih theih hial a ni. Chutih rual erawh chuan, tuikang laia vantlang chawi tur a siam tui pump aṭanga tui khai chhuah chhip chhuan chunga mobile phone aṭanga midang be zet zet thei hnam kha kan ni a.
Hma kan sawn ve ngei a, kan la changkang meuh lo zawk a ni a tih ngam hial ang. In luah man ba ur chunga, ‘Mobile phone cheng sing chuang man ka lei’ tih sawi zak map lo hnam kan ni a. Kan Zotlang ram nuama chengte hi hnam lungmawl kan la ni zelah kei chuan ka ngai.
Tun laia kan hnam harsatna tawh lian tak pakhat nia ka hriat chu, kan chhunglam leh pawn lam inbuk tawk lo hi a ni. Psychologist ho chuan, ‘Mi ang lo’min ti ngei ang. Engpawhnise, he lenna khua hmun sanga cheng hnamte hi lung kan la mawl zel e, Rairah riangte hi ka la ti fan a ni. A AW B kan neih hnuah pawh kum za chuang fe a inban let leh tawh a, chuti ang a nih lai chuan zofate zingah hian thiamna leh finna, hriatna tak tak hian hmun a la chang tlem hle a ni a tih ngamin ka hria.
Thiamna tak tak chu enge ni? Mizote zingah hian master degree nei pawh kan ṭhahnem ta. Keimahni ngeiin University te kan han nei chho ve tawh a. Mi pangngaiin a zir theih chin zir thleng mihring lah kan ngah ta. Mahse, heng mihring tam ber te hian beisei an phak lo.
Thiam tur chin, an zir phu ang an hriat leh an thlen tur a awm a. Kan rama M.A. degree nei tam zawk hian chutiang chu an thleng phak lo. A chhan chu sawi tur tam tak a awm thei ang. A bulpui erawh, eng ang chhuanlam pawh siam ila, ‘MAHNI’ a ni tho tho.
BSc zir zo ve ṭhak, Cathode leh Anode pawh hre hrang lo, MSc (physics) ṭha taka pass, kohhran lian vak lo a Sound System buaipui tlak lo pawh kan nei nual mai. M.A. (English) ṭha taka zo, sapṭawnga article pakhat pawh ziak hlei thei lo kan nei fote hi chu, ṭah hi a chhuak ngawih ngawih a ni.
Examna-a tih ṭhat ringawt hi thiam an tling lo tih kan hre ve ta viau mai. Marksheet-a langlo chin hi a ni pawimawh zawk chu. A nih thiamna tak tak chu eng nge ni? Tunge ni, mi thiam tak tak chu? Pathianin Abrahama hnenah khan, ‘Nang malsawmna ni ang che’, tiin a chah a. Chuti ang chu mi thiam tak tak nih phung chu a ni. Nang malsawmna ni ang che tia chah ngam mihring chu.
Mi thiam tak tak chuan eng pawh zir thleng se, a zir thlen ang chhun chhun chu ama tan, mi dangte tan, ram leh hnam tan a hmang ṭangkai thei ṭhin. Mi thiam dik tak, thiamna tak tak neitu hnen aṭang chuan mite’n kawng hrang hrangin hlawkna an paw chhuak ṭhin. Thiamna tak tak neitu, mi thiam dik tak chu hmahruaitu a ni ngam a, mi kal ngailohna kawngah a kal ngam a, mi dangte tan kawng a sah ên sak ṭhin a ni.
Mizote hi mahnia kawng zawng peih lo, mi tihsaa tlan vak ching kan ni an ti ṭhin a. A dik thui viauin ka hria. Chuvangin, kum tam tak lehkha zir ve tawhte chuan mahniin kan khawvel hi i su kaw ngam ang u….
Similar Posts:
- Ìtna leh Awhna
- Mizote hi hnam huaisen kan ni
- Zalen ka ni ta
- Mizoram tan nge ram dang tan?
- Mizote Chu Mizote Hi Kan Ni
October 2nd, 2011 at 10:31 pm
I ang tui bawk a i sawidik chaih chaih hle hlawm mai.
Report this comment
October 2nd, 2011 at 10:42 pm
Thiamna tak tak neitu, mi thiam dik tak chu hmahruaitu a ni ngam a, mi kal ngailohna kawngah a kal ngam a, mi dangte tan kawng a sah ên sak ṭhin a ni… a va han dik teh lul em! Hetiang mi hi ani Mizoram hian a mamawh chu
Report this comment
October 2nd, 2011 at 10:53 pm
i sawi dik overlai ltk..rilru ngaihtuahna tithui khop mai
Report this comment
October 2nd, 2011 at 10:57 pm
Dik mangkheng ani..OT-Oneness hi publish tawh lo teh ang u. Facebook a group nawi tak tak kha a ang sawt emai.
Report this comment
October 2nd, 2011 at 11:02 pm
Dik viau hlawm mai. All Mizo Graduate Unemployed Association (an ti em ni kha?) din thei ngat hnam kha kan ni a, mithiam tak tak an tam tawh laiin nikhua lo ve fe fe kan la tam a nih hi maw… M.A. pass thlap mahni hna dilna saptawnga ziak thiam lo pawh ka hria.
Ka ngaihdan chuan Graduate chin chuan sorkar hna a thawk a nih loh vek chuan mahni a inchawm mai bakah midang tan pawh eng eizawnna emaw tal chu a siamsak ve thei tur a ni. (Hei hi AMGUA hovin an pawla tel tura min sawm tuma ka lo chhanna pawh a ni – NOI)
Report this comment
October 2nd, 2011 at 11:05 pm
GOOD POST
Report this comment
October 2nd, 2011 at 11:21 pm
nice one
Report this comment
October 2nd, 2011 at 11:23 pm
Eng Chalkhawpui tak nimaw?? ka lo ti a,… chal khua tih lam reng a lang lo mai……….
Report this comment
October 2nd, 2011 at 11:27 pm
B.Sc cathode leh anode hre lo i ti maw? An hre lo a nih chuan, B.Sc a ni lo tihna nih chu. M.A English article ziak thiam lo maw? An M.A English lo a nih chu. Chutiang mi chu class-X fail angah ngai rawh.
Report this comment
October 2nd, 2011 at 11:28 pm
Bucko ka mamawh che. Lawngtlai veng pakhat YLA jubilee Souviner-a thuziak thawh tur ka ni a. Ka puitlin hlei thei lo hei, khalam pang thil hriat duh ka nei. Naupang ka rawn ho hian an hre kim lo tlat. Ka mamawh chhan che chu i hre ta… khawngaihin khiangtekrista@gmail.com ah hian min lo message teh a. Zanin la la hian i rem chan chuan : tlawn em em:
Ko OT a ni maw? Anode leh Cathode hi hriat pawlh awl deuh asin. Thliar hran dan- memory aid ka nei- Anode chu Asen thin tlang pui. ‘A’ leh ‘e’ hian hmehrem thuai mai tur… hehehe
Report this comment
October 2nd, 2011 at 11:37 pm
@Ignatia-Hriat fin a awl chiang. Mahse, B.Sc cathode leh anode hre lo hi an awm tak tak ang em le? Ka ring chiah lova.
Report this comment
October 2nd, 2011 at 11:38 pm
@Ignatia… mut ka tum tawh na a, fb lam ah i mamawh chu sawi ta mai ila…..???
Report this comment
October 2nd, 2011 at 11:43 pm
KZP
midang rinchhan lutuk mi hi an ropui tak tak thei ngai lo. Khawvela mi hming thang leh chawimawina dawng thin te zia pawh hi chik chik mah rawh u, midang ang lo deuh, ze danglam deuh nei hi an ni duh chawk reng a sin.
Report this comment
October 2nd, 2011 at 11:45 pm
@Bucko: Patling hi ka facebook tawh ngai hlei nem. Pawilo in mut a hun ve tawh bawk a ni. Min lo message la chuan ka zawhna che ka lo thawn ang che nga. I hman hunah tun wednesday hma hian min lo chhang la.
Thanking you in anticipation!
Mu bawrh bawrh rawh le. Muttui!
Post ngaihtuah zui ngai tak a ni. Tha khawp mai.
Report this comment
October 2nd, 2011 at 11:51 pm
@lr_hlonchhing: Hriat loh theih teh reng ang. Kan thil zir apiang hi a tam zawk chu kan theihnghilh leh vek zel alawm. Kan mamawh chuan ennawn leh mai tur.
Report this comment
October 2nd, 2011 at 11:59 pm
Tha khawp mai. Mahse M.SC(Physics) leh Kohhran sound system inzawmdan hi Science lam thiam ve ta lo chuan ka va hrethiam pha lo ve.
Report this comment
October 3rd, 2011 at 12:07 am
mizo hnam i hmangaih avangn k lom e,,,
Report this comment
October 3rd, 2011 at 12:11 am
i va hawl kim ve; a dik a lawm, vei tham a ni.
Changkang kan tehna pawh a la sang lua lo khawp mai.
Report this comment
October 3rd, 2011 at 12:15 am
Post tupa, i sawi dik ngawt mai. Mahse i post hi a chhuak tlai deuh a, ngaihtuahna seng peih pawh kan awm meuh rih lo a nih hi.
Report this comment
October 3rd, 2011 at 12:41 am
#16 M.Sc leh kohhran sound system maw? Zoology leh Botany tan chuan, a inzawm lo khawp ang. Physics tan chuan, ri(sound) aiin light a kal chak zawk tih vel a awm kha. Pawl hniam lamah kan zir alawm. Inzawm deuh ang chu a.
Report this comment
October 3rd, 2011 at 12:45 am
Mut hmaa ka First hman loh chu le,….. poilo mai .
Post tha e,….. a let zawng ten ka chhiar…. ka tum aiin a ngaihnawm zek a,…ka chhiar zeuh zeuha, ka chhiar chhuak der…
Report this comment
October 3rd, 2011 at 12:49 am
E=mc2 te pawh hi thiam viau mah ila N.G.O. thenkhat PA Set ka enkawl theih siloh chuan darbenthek ri mai mai emaw ka ni ang..tihna lam te a kawk deuh.
Formula leh biangnovi kha chu ka intithiam ve tawps!
Report this comment
October 3rd, 2011 at 12:59 am
Chalkhawpui chu khawi khua tak niang maw! ka lo ti rauh rauh a ( scheduled-a a awm lai atang tawh khan ).
I sawi zingah khian misual ho hi chu kan him tlangpuiin kan ring ve ngawt a.
I fuihna leh chona thu hi a tha ka ti takzet e.
Report this comment
October 3rd, 2011 at 1:09 am
Mi beh chhan, mi puihna hmanga hma kan lak fo avang hian mahni a lak tumna emaw, mahni a tumna hi kan tlachham fo thinin ka hria.
OT mai teh ang.
Tunah hian NBC ah World Cup Rugby an khel dawn mek a.
New Zealand National Anthem an sa mek. A hla thu chu thuhran nise, a thlukin ka lung zuk kuai tlat pek a mawle. An Anthem hi Maori leh English in sakzawm a ni.
https://www.youtube.com/watch?v=An5Hyoq-lXQ
An player ten New Zealand tribal (Maori) war dance inkhelh hmain inhrosak nan an hmang mek. An MAN khawp mai.
Hetiang hian:
https://www.youtube.com/watch?v.....ature=fvst
Report this comment
October 3rd, 2011 at 1:25 am
post tha tak a ni e
zir sang thiamna nei lo tihna anih ber mai hi
neih nei lo ren tum chuanglo
Report this comment
October 3rd, 2011 at 1:25 am
Pakak..good post
Nia, mi anglo nihna chen hi kan nei tlat ani. Kan changkan dan hi a khingbai tlat a. Thawmhnaw to leh gadget to te hi changkanna ah kan ngai tlat mai hian ka rilru sutthlek dik loh zia a lantir fo reng ani.
A bak chu ka delete hrih!
Report this comment
October 3rd, 2011 at 2:30 am
Education is what remains after one has forgotten what one has learned in school.
– Albert Einstein
Report this comment
October 3rd, 2011 at 7:29 am
I lo puitling ve ta hle mai….i thu ziak atangin.
Good Post
Report this comment
October 3rd, 2011 at 7:37 am
Kan tunlai inti zirsang Certificate nei tha tamtak te hi, Kaun Banega Krorpati hotseat ah han thu ve chhin se..engzat manna tham knowledge nei ang maw?
Report this comment
October 3rd, 2011 at 8:08 am
Post tha ṭha tak a ni
Report this comment
October 3rd, 2011 at 8:09 am
tha dap2 e
Report this comment
October 3rd, 2011 at 8:32 am
Mut hnu lamah post a lo chhuak a ni maw…in lo comment liam liam a , lawm awm thei hle mai..
Bakah ka sawi tum tak zawk chu engmah thiam tak2 si lo vin certificate te hi kan nei ve thin si a, miin hna a dil pawn a thiamna tak tak ai chuan certificate a neih chuan an tling zawk thin si a(political finess chu dah tha ta i la) Kei ngei pawh hian thiam tak tak lovin eng certificate emaw chu ka nei ve ran mai 
@ Bucko Chalkhawpui tih langlo mah se Chalkhawpui (Chaltlang) atanga rawn rak ka ni miau a….
@ 9, a lo awm theih a ni chek a nih hi…! nia ngaihdan tawk hi thiam ila a ni mai
@23 ni e misual ho tal hi chu kan fihlim lo a nih pawn fihlim hram i tum ang u..
@ mr.Duhlova puitling dah love, kum a tam tial tial a, ka puitlin loh zia ka hrechuak deuh deuh…puitlin(rilru lamah) hi a lo har dawn a nih hi..
@ sisen bleehhh
Report this comment
October 3rd, 2011 at 8:44 am
Pakak chu post tha thei thak thak khawp mai…
Report this comment
October 3rd, 2011 at 2:33 pm
A va tha ve,kzpx3
Report this comment
October 3rd, 2011 at 7:53 pm
Helaia CHAL tih hi kum upa sawinana hman thin- CHAL( Lawi chal) anga lam loh tur. A venga chengte ngei pawhin an tisual fo. Fan deuh hlekin Chaaltlang tih tur a ni. Thluk tur a nih chu- CHAALKHAWPUI atang sawmna aw nem hi a hlu e.
Report this comment
October 3rd, 2011 at 7:59 pm
@35 dik chiah, hmanah mau chikhat, mau te chi, chal a tam thin vang a chaltlang lo ni ta a ni e, tlem hmuh tur a la awm.. ka lawm e
Report this comment
October 7th, 2011 at 11:27 am
pakak
Report this comment
October 7th, 2011 at 11:28 am
good post
Report this comment
May 11th, 2012 at 2:41 am
He thu hi Chalkhawpui tih chanchinbu ah chhuah chawn ka duh a, a post tu hian rem a tih chuan khawngaihin Facebook ah Rinmawia Hmar tih ah khan min lo inbox theih chuan a lawmawm hle ang
Report this comment