Kawng khat a ni thei mai angem?

May 18th, 2012 6:00 pm by century child

Khuanu duan dana he hringnun mawi taka rawn zuanglut ve nafam chu, rilru nat chang te hi ava tam thin tak em. Chung khuanu duan dan phung reng anih hmel si a, mahse ka ngaihtuah chian chang chuan ka lawm thin ; keini mirethei leh hausa chunga rualkhai taka ro a rel hi. Ni e, rethei leh hausa, mite leh milian chungah inangin ni a sattir a, inangin ruah pawh a surtir si a..

Mahse… engatinge ruahsur laia kan huh bik a, khawvawh laia vawt kan tih bik a, khawlum laia lum kan tih bik si??? He khawvel mawi takah min dah lut sauh sauh a, awt tur leh tuar tur ringawtin em ni he hringnun khawvelah hian min telh ve le?? Ni thei lo ang, duh tak leh hmangaih taka a siam kan ni ve tho alawm, midang aiin min hmangaihna a nep bik lo tawp ang.

Nia, he khawvel mawi taka kan rawn zuanluh tirh chuan kan tap vek tho tak maw, a neinung leh thil tithei fa an nih avangin khi sangin hringnun an rawn zawm bik lo, an tap ve tho, mahse enge chu chu ka tan a pawimawhna? Midang tahna ah ka va lawm em ni? Ni love, siamtuin angkhatin ro a rel a ni tih ka hriat vanga lawm mai ka ni. Chutia thlei bik nei lo leh angkhata min siam si chu keini a siama te hian a ni lo maw rethei leh hausa inkar tizau ta ?

Ka pawisa ania ka duh duh danin ka hmang ang chu, mahse ka mihringpui keimah ang thoa rilru na ve thei leh hrehawm ti ve thei te tana hrehawmna leh rilru natna thlentu mai atan te hian ka lo hmang reng lo maw. Rual awh hrehawm zia chu kan hre vek chuti chung si chuan mi te awh tura awm kan duh lawi si amaw ? Car manto tak ka lei a a chhunga chuan a nawm em2 vangin nge ka lei a aia nei lo zawk te laka inchhuan nan? Aaa..hetiang ka sawi phak a awm lo ve.

Ekhai, Century Child, sawi tum nei i va ang nuah nuah ve, sawi ta che.

Awk-e, ka sawi tum chu, nang leh kei hi a ni rethei leh hausa inkar tizautu chu, tin, a tizim thei tu pawh nang leh kei bawk kan ni. Piantirh-a hausa fa leh rethei fa kan tap vek ang tho hian zin dawnin ticket man inang kan pe vek a, zinkawng kan tan ta a. Vairampur-ah khaw khat atanga khaw danga kan zinin chaw ei leh thingpui in cawlh tih vel kan nei ve lo, station-ah kan ding zuai2 a a ni mai. Motor pakhata chuang theuh2 chu rethei leh hausa tawrh a inang vek. Mahse kan ramah chuan zinkawngah ringawt pawh inkar a hla anih hi maw..

Vawikhat chu khaw pakhat atanga Aizawl panin sumo ah kan chuang a, a tirah chuan kan inang tlang khawp mai. Chuan le, khaw pakhat kan thlenga chaw ei turin kan ding ta a, chaw eina tur daih ve tawk2 chu ka ah ve avangin pian ti mawi lo khawpa wallet ak pawng te bulah chuan thuin an ei ang ka ei ve a, vawksaaaa, bai leh neuh2 nen, ka va puar em. Wills flake leh kuhva hring ka’n ti leh ham2 a, inthial sen suah pah leh hawi deuh lah chunga pak khuk pahin ka chhuak a, mahse ka thil va hmuh chuan min va deng na em.. Tlan tlang ila tumah zinkawng tawite ah rilruna, hrehawm leh ruat awtin kan awm lo tlang mai tur, rethei leh hausa inkar zau tih zimna pawh ani ve pakhat lo maw??

Ka thil va hmuh chu..kan chuanpui Nu pakhat berh ve te, thingtlangnu tih hriat tak leh a fate 2 la nopang tak te chuan polythene-a chaw funin hotel piah deuh kawngsirah chuan chaw an lo fak mek a..

16 Responses to “Kawng khat a ni thei mai angem?”

1
awmawmpuia Says:
May 18th, 2012 at 6:13 pm
A n1 the1 khawp ang
Report this comment
2
century child Says:
May 18th, 2012 at 6:13 pm
Editted
Report this comment
3
awmawmpuia Says:
May 18th, 2012 at 6:20 pm
Hrehawm an lo ti lem lo maithei a sin. Hmanni deuh khan Lungleiah ka zin a, inrinni zing bazar a chawhmeh zuar (Pukpui khua) haw lam nu pahnih Serkawnah an chawhmeh zawrh bang leisak pahin ka be zawk a. Pukpui atanga Lunglei thleng ke a in chawhmeh zawrh tur tun thlenga in phur thin hian ka rilru a tina deuh tlat mai, Sorkar hian Bus hi ngaihtuahsak awm tak che u a nia ka ti a. An ni chuan Rs 30/40 senga Bus chuan ai chuan ke a kal hi kan duh zawk daih, hrehawm kan ti hleinem zu ti daih a!!!!
Report this comment
4
рдпģŤіСHAЩЯ Says:
May 18th, 2012 at 6:24 pm
KAwng hnih chu a ni thei lo ang
Report this comment
5
sheldon Says:
May 18th, 2012 at 6:44 pm
Hei a dik viau mai. Post thatak a ni. Tiang te te hi kan lo ngaihtuah chiang ngailo hlawm in ka ring. Office a Tiffin pai chungchang mai mai ah pawh hian sawitur a awm ania. Thiante’n chawhmeh tui leh changkang hlir an pai bik reng chuan tih ve loh a hrehawm tlat. Puitlin tawh hnu pawh hian a nuam miahlo.

Living standard inmil lo hi chu inkawp/inpawh reng hi a har khawp mai a. Chuvangin rethei leh hausa kar hi chu engang pawn dan tum mahila a theihloh, a zau tulh tulh ang. Chutihlaiin post tupa ziah ang – zinkawng a chawei tih ang ah te chuan inngaihven tlan a tha ka ti.
Report this comment
6
sekibuhchhuak Says:
May 18th, 2012 at 7:05 pm
Misual dot com in chuai lam apan mek !
Report this comment
7
lr hlonchhing Says:
May 18th, 2012 at 7:24 pm
Ni e, misual dot com a tar tan mek a ni e.
Report this comment
8
Sangpuiipa Says:
May 18th, 2012 at 7:35 pm
A dik alawm, current kan nei theilo lutuk em em te hi a.
Report this comment
9
Chhuaklinga Says:
May 18th, 2012 at 7:41 pm
Dawn ti sei tih column YMA chanchinbu a mi min ti hre chhuak. A ril khawp mai.
tren tren
Report this comment
10
malsta27 Says:
May 18th, 2012 at 7:56 pm
Ni viau a sin, mahni tawn chin te2 a lungawi theih tluka hlu hi avang teh mai a nia. Mi hausa tak2 lawmna leh hlimna kha teh ta ang i la, thil holam leh chhete kan neih thar a kan lawmna nen hian a danglamna vak a awm love an tia lawm mi thiamte’n.

MI dinhmuna lungawi tum hi thil hahthlak ber a nih hmel………..
Report this comment
11
mamboihi Says:
May 19th, 2012 at 1:33 am
Paws ka chhiar tha hman lo In comment atangin mi rethei leh hausa inkar, tiffin pai vel ka lo chhiar ve..

Paws tha tak anih dawn hi
Report this comment
12
Charice_mizo Says:
May 19th, 2012 at 1:50 am
Vairamah pawh hian rethei leh hausa inkar chu zin veivah chang hian a hla ve thin khop mai…sum nei deuh hlek leh in la ‘class’ chin te chuan de luxe leh volvo bus an hmang bera, mi rethei leh a mi nawlpui chuan tamna ber erawh chu local bus kan tih, rimchhia leh tawp angreng tak hi a ni. De luxe-a zin te chu restaurent emaw resort changkang takah an chawlhpui thin laiin local bus te hi chu vai ‘typical’ dhaba kan tih angah hian minute 15 te an chawl ve thin. keipawh sum save nan local bus ah hian ka lo chuang ve fo tawh thina, an chawlhna hmun a tawp thei khawp mai, tho tam thei bawk si. mizoram te hi chu kan chawlhna hotel ho an la intluktlang deuh alawm
Report this comment
13
Lamji Says:
May 19th, 2012 at 1:51 am
Ngaihtuah ava ti thui ve.
Report this comment
14
century child Says:
May 19th, 2012 at 2:40 am
#12 nia i sawi angah khi chuan motor hranah an chuang law2 a, a zia ngawt zawk alawm.
Report this comment
15
Charice_mizo Says:
May 19th, 2012 at 3:06 am
mahse an tlanna kawng chu a inang vek thova, kawng lakah kan intawh loh pawn kan intlan pelh vuk vuk chang a tam khawp mai. mahse vairam chu vairam a nia, tu vak mahin an care em em chuanglo, rethei leh hausa inkar hi chu khawi hmunah pawh a zau vek tih ka rawn sawina zawk a ni e
Report this comment
16
kiddo Says:
May 19th, 2012 at 6:50 am
Ngaihtuah chian chuan rethei leh hausa inkar hriatchianna a ni ve tho mai a. Rethei leh hausa inkar siamtha thei tu chu kan ni vek mai. Mahse, famkim lohna khawvel a awm kan ni miau a, intluktlang takin khawvel tawp hma hi chuan kan awm dawn lo a nih hi “mihring” kan ni miau a
Report this comment