Mite angin Khawpuiah chengin, fai leh nalh tak taka incheiin Office changkang leh nuam takah daihlim hnuaiah hna a thawk lemlo naa, Pu Robert-a chu mi ramvachal tak leh chak phiarfut mai ani bawk a,tuna a eizawn dan; Thingzai tur kih a eizawn chu hrehawm ati ngai lo a, a hlawk ve thawkhat bawk avang chuan rilru engthawl tak leh nuam ti takin a thawk thei thin a ni. Nupui hmeltha leh fel tak, hmeichhe dang an awm ve tih pawh hrechanglo khawpa a hmangaih Anne-I a nei a, a nupui pawhin a hmangaih takzet niin a hre bawk a, a pasal bulah chuan a hlim tawk a, hmun dang a ngai bik chuang lo. Fapa duhawm zet mai an neih hnuah phei chuan, tu dang an ngai lovin an hlim tak zet a ni.
Tin, an awmna hi Khawpui daifem hmun fianrial tak leh Compound zau tak, thing zai tur chi an din thelh sungna a ni a, Beram venthiam Uipa hrawl tak mai leh mihring ang deuh thawa fing, a pute chhungkaw tana rinawm an nei bawk a, Ramsa lakah pawh an him phah viau a ni.
Zing tinin a nupui duh tak chuan chaw a siam sak a, chu chu a pai thin a. Mahse, enginnge mawlh ni? Vawiin chu a pai theihnghilh tlat mai. Anne-i nau chaw hrai tur huan an pa chawfun theihnghilh chu a hmuchhuak ta si. An pa riltam tur chu ngaingam lovin va pek a tum ta. Engtinnge a naute chu nita ang le? Chutiang ramhnuaia han puak atan chuan ala sen lutuk si, tin a rittham ve tawh bawk si a, a buaithlak dawn bawk si. Tichuan, naute mutnaah chuan dahin an uipa Rover-a chu biain apu hnena a vathang lawk chhung chu naute chu lo veng tlat turin a chah ta a. Rover-a pawh chuan hrethiam takin a mei alo hem vut vut a. Tichuan Pi Anne-i chu hmanhmawh takin an pa chawfun keng chuan a chhuak ta hlawk hlawk a.
Pu Robert-an a nupui hmanhmawh taka lokal a hmuh chuan, a ngaih a thalo hle mai a, an fapa a rawn paw bawk si lo. Tichuan, thilawmzia te a hriat hnu chuan, chaw chu a ei sawk sawk a, naute an ngaihtuah em avang chuan, hmanhmawh takin an haw leh ta a.
In an thlen dawn chuan, an uipa Rover-a chuan a lo lawm peih vaklo a, a hmui-hmai velah chuan thi a kai deuh luai bawk a. Tin, an fapa chu khawiah nge a awm tak le? Pu Robert-a lungphu a inthumrawn ta tluk tluk mai le. Thil awmzia ahan ngaihtuah vang vang a, Pi Anne-i khan eitur pawh hnutchhiah lovin hmanhmawh takin a kalsan kha ani a, a riltam hian nausen chu a lo ei ani ngei mai le. He Ui chak leh kawlhsen zet mai, awlsam taka Ramsa mana, phetthlua sehhlum thin leh sahring pawh ei thin chuan an fapa nausen chu a lo ei ani ngei mai le.
Pu Robert-a inngaihtuah thinur lutuk chuan, a uipa chu a tham a, aPistol chu a kaah a rawlh lut a, kahhlum a tum ta a. A nupuiin a lo khapna pawh chu ngaithla duh lovin, “Nang Uicho rinawmlo hi, dam tlak ini lo ve, Kan chhungkaw ti mangangtu leh tichhe vektu ini e” ti pahin a Pistolchu a hmetpuak ta mai a. A Uipa duh em em thin chu a tla zawi ta hnawk mai a ni.
Chutia a silai kah riah chuan hla deuh hleka hnimbuk kar atang chuan nausen tap ri an hre ta a. Rang takin an va tlan a, an fapa chu pang him takin alo tal tiat tiat a, a thawmhnawte erawhchu, a tet nual a. Pi Anne-i chuan lawm lutuk leh hnukulh teuh chung chuan a pawm ta var a. Pu Robert-a chuan hnu chu a han chhui zui deuh a, a piah lawkah chuan hnim hi a lo pe sul mai a, thi te pawh a lo far nuaih mai a. Enge a hmuh tak le? Chinghne lian mang kheng mai hi thiina a bual nuaih chung hian a lo thi reng mai a ni.
Pu Robert-a chuan, a thil hriatsual leh tihsual pawi leh rapthlak zia chu a hrechiang ta kher mai. Chu Chinghnia chuan a fapa nausen chu lak a tum a, a Uipa huaisen leh rinawm tak chuan thihngama lo chhanin ama nunna atan pawh hlauhthawnawm khawpa beiin chu chinghnia chu lo beiin nausen nunna chu a chhanhim alo ni reng si a. A Fapa a hmangaih leh a duat em em, an chhungkaw hlimna ber nunna chhanhimtu chu, a fapa nunna suattu leh an chhungkaw hlimna tichhe vekt amaw tiin kut alo thlak hman tawh si. A Uipa awmnaah chuan a va tlan vat a, duat takin a chul a, a nunna chu chhanchhuah leh theih dan a awm lawmaw tiina han bei sateh a, a lo tlai lutuk tawha, a sawt tawh si lo. A bing mup mup mai a, a inchhirin ban a chen mai nilovin a pel takmeuh a ni. Theih ni sela , a Uipa rinawm nunna chhanchhuah leh nan chuan, ama nunna pawh chu a ui hauh dawn lo naa, awmzia a nei tawh si lo…Mi a ang maiin a ui chu a pawm ngawih ngawih a, chetsawn zai reng a rel theilo a ni.
Keini Zofate uihum zat lek te pawh, He kan tlangram chhengchhia leh ngawdurpui karah hian in 50-100 vel lek leka inbawk hrangin kan lo vak ve a. Kan zavai pawhin singkhat emaw awrh kanni awm e. Chutah Sahrang bakah khua leh khua kan la indo a, Hnam dangte nen kan la inrun tawn lehnghal a. He Khawvel changkanna hi kan hmuh phakah a awm lo va, Kumtin lo nei sawn zelin kan vak kual mai mai kha a ni a.
Chutih laiin, kan velah hnam fing zawk leh a mak amaka tam Bengali hovin min hual vel bawk si. Khatih lai khan Pathian hian Missionary-te hmangin min rawn zawngchhuakin, Sapho Finna leh thiamna te min rawn hlanchhawng talo se la, Khauh takin min awpkhawm talo se la, kan hmabak hi a va thim awm em. Hmar lamah Cachari ho Bengali hovin an chim ral kan hmu a, Hmar thlang lamah Tripuri hnam ropui tak ni ve thin te, Ramsa anga humhalh ngaia awma Bengali hovin an chimral kan hmu a, Thlanglamah lah chuan Mire ho leh Chakma ho pawh Bengali hovin an chimral lo chauh ani bawk si( Chakma ho hian Mizoramah District Council an nei ta hlauh va, an vannei hle a ni.)
Tunah chuan India rama Lehkhathiam tehnaah pahnihna kan ni a, kan tlangmi puite zah kan kai phah a, Engmah Leihnuai atanga thilhlu laihchhuah tur neilo leh, Leilet tur phaizawl sawitham nei silo hi, kan vela tlangmite awh thamin kan awm a, Vaiin min chim ve viau kan tih laiin, North East a kan tlangmi pui state dangte ngaihtuah chuan, Foreign amaw tih tur khawpin kan tawng kan hmang a, kan la hlang tha a ni. India vai hovin Hindu rilru pu rana Cultural assimilation an tumna hi hrethiam lovin, min hmangaihtu zawk amaw tiin Hnam Sakhua te kan la chawi vung a, Min chhanchhuaktu leh Hnam anga min dintu Khatih lai huna hnam ropui leh changkang berte helai ramngaw pilrila cheng Ramsa u deuh awrh te min rawn zawngchhuaktute hi, inti fing takin kan han sel ve baih baih mai thin hi zawng; Kan inchhir hian ban a la chen ve palh ang e.
Nagaland te Arunachal te hlei hlei hi Chanchintha avanga Lawm tur chu anni maw le. Hnam intiat tawk tak tak inpawlhsawp nulh mai anni a, anmahni tawng bil aiin Assamese leh Hindi an thiam zawk mah a, Public meeting reng rengah Tawng hman bik annei thei lo va, Assamese leh hindi an hmang lo thei thin lo. Kristian Missionary ten an tawngin Bible an lehlin sak a, Hlabu an siam sak a, Inkhawmna leh Sakhaw thila punkhawm naah an tawng ngei hmang tura fuih leh zirtir an ni. A dik a dawk hreve mang hleilo hian Hnam Sakhua be ho hian, “Lost of Culture, Lost of Identity” an han ti ve a, Sakhaw hrang hrang tihdan an entawn kual duk duk a, Hindu deuhvin sakhua an be ve a. An hnam leh Culture humhalhtu dik tak chu Foreign Sakhua an tih Kristianna hi alo ni reng si.
Han Sermon chhunzawm hluah zel a chakawm viau na a, a sei lutuk ta. Duhtawk phawt teh ang.
Similar Posts:
- Cowboy leh a uipa
- Zawhna ho te te
- NU 163
- Mizo leh Bengali inan-na
- Film lehlin/ Media – Tawng uluk a ngai.
Tin, tunlaia Missiologist ho thu vawrhlar tak, Eng Sakhuaah pawh Isua a inphum ru vek a, chumi hmang chuan beih tur” tih te pawh hi i vawn tlut ka ring. Keipawh dik tak chuan, Missiologist ve tho ka nia, Pathian ram a lo zau a, a lo lanfiah a, a lo ngheh deuh deuh hi ka duh leh tum ber chu ani mai. Kan Zosap ten an Strategy hmanga Mizote leh Mizoram Kristian rama an lo siam thei hi a ROPUI thlawt lo maw? an hlawhtling anih chuan an Strategy chu a tha hle ani mai lawm ni? Min chhuahsan hnuah hian kan buai ta deuh ani zawk lo maw? A chunga ka han sawite pawh khi ka paihthla hauh lo, Sakhaw dang biate hneh theihna tur anih phawt chuan a tha ka ti vek mai. Mahse, a SUAK erawh chhuahlo hram i la. I Philosophy pawh hi ka manlo amaw itia, ka man lutuk ania, Kan Hnam ze mil hian Pathian biak pawh tum hram hram a tha e. 
May 20th, 2012 at 7:08 am
Chawlhni zing ruai tha tak a ni e† † † †
May 20th, 2012 at 7:41 am
(Y) (Y)
Good morning to all misual.commers. Hlim tak leh lawm taka vawii (vawiin ni a awm lo) hmang theuh turin duhsakna ka hlan a che u.
“Lord, make this day a day of blessings, make this day a day of hope, a day of joy, laughter and fun. Knowing that you are able to do far more, than we would ever dare to ask and even dream of-in the precious of our Lord and saviour Messiah” tih hi ka tawngtaina a ni e.
May 20th, 2012 at 7:44 am
(Y) (Y)
Good morning to all misual.commers. Hlim tak leh lawm taka vawiin (vawiin ni a awm lo) hmang theuh turin duhsakna ka hlan a che u.
“Lord, make this day a day of blessings, make this daya day of hope, a day of joy,laughter and fun. Knowingthat you are able to do far more, than we would ever dare to ask and even dream of-in the precious of our Lord and saviour Messiah” tih hi ka tawngtaina a ni e.
May 20th, 2012 at 9:10 am
wow pu robert-a te chhungkua chuan ngaihtuah ava ti thui ve.
Mizote’n Bengali tawng leh hawrawp kan hmang lo pawh hi ava lawmawm tak em. kan missionary-te kha an fakawm.
(Y)
May 20th, 2012 at 9:46 am
A ngaihnawm e. Chanchintha zar hi chu kan zo nasa khawp mai. A hman dan erawh kan thiam lo ta deuh mai pawh a.
May 20th, 2012 at 10:10 am
(Y)
May 20th, 2012 at 10:44 am
Good Post……..
May 20th, 2012 at 12:46 pm
vantirhkoh an ni lova, chhandam ngai, famkim lo mihring ve tho an ni a, tisual thei, tidik lo palh ve thei tho an ni tih hre duh lo. an thu leh hla, an kutchhuak zawng2 sawisel thiang lo leh siamthat thiang lova ngai an awm. JF a kha thangtharte hmakhua ngaiin bauh bauh lo se la chuan, tuna zotawng bible leh KHB te hi a nasa lo viau ta ve ang.
Zosapte zara thiltha kan hmuh hi ka haider reng reng lova, ka chhuang em em bawk. Mihring famkim (perfect) ka la hmu lova, ka la hre hek lo ka tihna mai a ni e. NOI
May 20th, 2012 at 1:09 pm
A ngaihnawmin rilru a khawih kher mai. (Y)
May 20th, 2012 at 2:14 pm
Va ngaihnawm ve, he thawnthu hi thawnthu lungchhiatthlak in hmuh chhuahna ram2 chi a ni reng ani. Chanchintha Pathian hmangaihna tluk a hlu hi a vang a nia. Isua an na kawng a, seilen hi i zri thar zel teh ang u lo ti ve ngawt teh ang.
Zu chungchang an lo ngaihtuah chiang lo leh kan culture mil khan thil tamtak min lo zirtir se, Kristianna hi kan mil pui in min lo zirtir se tun ai hian kan fiah leh zual tur(tha hnem ngaih hi na thin si a)………………. (Y) (Y)
May 20th, 2012 at 2:26 pm
Pu Pk, i ziak tha leh pek hle mai. Keini ang vel tana hriatthiam tawk turin i rawn chhawpchhuak thin a.
May 20th, 2012 at 2:56 pm
@Sammoo, kan missionary(Zosap-te) kha Vantirhkoh aiin ka lo dahsang zawk mah asin. ;-P An A Aw B siam pawh thlak danglam lovin vawiin thleng kan la hmang ania. Kristian apiang Sap hming put kher ngailo zawnga min lo pawm te kha “An lo tifuh mang e” ka ti vawng vawng mai. Zu kan chhiatpui dan hmuthiam a, inlo tura min lo fuih hlei hlei kha an tifuh ka ti. Inthiam hun chu kan la nei mahna?
May 20th, 2012 at 3:42 pm
zosapten an theihtawwp chhuahin hma kan sawnna turin an bei a, an pianpui tawng ni miah upat hnua an zir that leh mizotawngin kan hla min phuahsak a, kan literature an chawisanna lam ngaihthah dawn dawna an kuthnu tun hnua kan han zulh..sawisel ti zawk ang… ta hnuhnawh hi a sawseltute hian an pha lo hle tih a hriat si a. ka nuih a za deuh thin.
i va ziak tha ve save keuh e.
in tha maw pu Pk.
May 20th, 2012 at 4:29 pm
@vakul, kan tha e. He thu ka ziah chhan tak hi chu tunlaiah Mizo nisi, kristian ni silo te hian kan zosapte dem zawng leh kan hnam leh culture humhimtu ni lova, tichhetu niawm ang zawnga thuziak chhiar tur hi a tam ta riau a, heti lam hawi hi tih rik ve zeuh zeuh loh chuan, mi tam takin, tak tak amaw kan ti dawn hian a lang tlat mai a, ka han paws ve pawp anih hi.
May 20th, 2012 at 5:21 pm
vakul: kan nu hi puanthuithiam a ni, thui chu sawi loh rah buk satliah pawh ka thiam eih lo. Mahse a kuthnu pawr lai leh tha ka tih loh zawng chu ka sawi thin. A mah aia thiam ka intih vang lam ni lovin.
May 20th, 2012 at 6:01 pm
Tunlai hian, missionary tir turin chanchintha min rawn hrilh tute hnena kal tur an in zawng mek reng tih leh,a then phei chuan an chanchintha hrilh dan dikloh an tuar a ni, ti hial te pawh an awm tawh a hengte hi a tak a kan hmuh leh hriatte a nih lai hian tuang pawngpaw tih chhah vak hi a atthlak?????
keini chauh nilo ram tam tak hian hun engemaw ti kal ta atang khan an chanchintha hrilh dan a hi intentional domination an siam zel avang hian an lo haw fe tawh tihte hi hriat ve a tha a nia, an thiltha tihte kan sawisel a ni lova, hemi hmanga kan hnam an delh bet ta erawh hi chu a fuhlo lai chu nia Pu VAKULA te ho pawh hi a la delh bet hneh em a tin nih hi a 😀 😀 …………….kristian na hi missionary a in nghat a ni lova Pathian a in nghat a nih te hi lo hre ta ulang chuan a zia tur………… kan tan a thil an tih that tamtak te hi chu lawm loh rual chu a ni thin lova Pathian hmangaihna vang liau2 a ni e.
May 20th, 2012 at 6:29 pm
Zosap te hnu pawr chu han sawi u la. Bible lehlin thuah chuan Zosapte aiin mizo kohhran hruaitu hmasate kuthnu ani zawk mah ang. Tin, tawng lehlin hi duh dan a in anglo thei hle. Mizote kan vanneih leh na chu, mithiam an la tam hmain kan mitìam hmasa ten chhimlam tawng leh hmar lam tawng la kawpin an lo letling kha a ni. Mithiam an tam tawhhnua lehlin chu intithiam leh sawinawi peih apui an lo tam tawh a, ar a chuk tui lovin an chhuah mai thin. Keichuan chhut thar ho ai chuan chhut hlui Rev Dr.Zairema leh Rev.Dr.HS.luaia te kuthnu ngat kha ka la ngaina ber tho. Zosap ten mizo tawnga hla an lo phuah erawh kha chu dak nalh thlarh ngaihna chu a awm lo, amaherawhchu, Zosapthara hla ho te erawh kha chu Zofate tan hian an hlu a ni. Mizo nationalism leh mizo nih zahpui lo leh chhuang zawka min awmtirtu anni si a.
May 20th, 2012 at 6:39 pm
#17 (Y)
May 20th, 2012 at 6:46 pm
Pk Fanai a pawr lai a ber chu……..Pathian ai a Zosap lian ta kha a pawr ah chuan a pawi ber. Nangmah ah pawh khan a lian zawk tlat a tin ni e. Chung chu intentional domination an tih a chu a nia. Mahse Pathian in a Hmanrua atan a rawn hmang hi a lawmawm a, mahse a Pathian a ai mahin a zosap a te kha an lian ta zawk a ni……a fiah em ka hre lo.
A dang chu, an thiltih a art work (hla/zirna/ ladt) ang chi kha kan sawisel a ni lova, khami hmanga domination an rawn thlen tlat a kha ni. A koizong a ngaihtuah phei chuan India ram an rawn lut a, Indian philosophy pui lutuk an hmu ta a tihdanglam zawh rual a ni loh avangin, an neih leh hausakna te sumdawnna hmangin an bum chhuak a chung an lak chhuah theih nan rairoad te hi an siam tih te hi hriat a tha( hemi te pawh hi a then chuan an thiltih that ah an chhuah sak thova), chutianga hna an thawh theih loh avanga chuan he tilai ram kilkhawr hi an rawn thleng ta chauh a ang thin. Amaherawhchu, Pathian remruat dan hi mihring te hriatthiam chi rual a ni lo tih hriat tel erawh a tha…..
May 20th, 2012 at 7:00 pm
zanin chu he post hian awmkhawhar hnem leh ang.
my dear samoo, kan ngaihdan inzul lo thin avang hian inhmuha inchibai lawp lawp a chakawm khawp mai.
thil reng reng chu kan tih chhan kan sawi chhan rilru hi dik phawt teh se…i rilru ka hre lo. zosapte chak tawk lohna leh tlin tawk lohna hi ka zep bik vek lo ve…a lo dawngsawngtute hnam hi a mawl em a kaihhruai kan ngai a kan phak tawkin leh kan tana tha ber tur nia an hriatin min kaihruai a ni hnam mawl kan nih laia min kaihhruaina kha tunlai eng atanga thlirin a fel tawk vek lo vang…fel tawk lo lai chauh hmu lian ho hi kan dem a ni, i ni ve kher lo vang.
in nu puanthui kha hriatthiamna reng nei lovin mi dangin rawn sawisel se a na ve tho ang…pk fanai motive hi ka rawn puibawma in lo inngaihbel a ni e.
malsta…traditionalist/apologist nih hi luang thli chhem then nih ai chuan ka chak…
sawiselna leh zosapte fel lohna chang a ni hlei nem eng contemporary ah pawh missionary hian fel tawk lohna an nei vek, hre ve turah min ngai la an thlavang kan hauhna hi hriatthiam tum zawk rawh.
Contextualization atanga thlir hian engmah famkim a awm thei lo interpretation a lo chhuak reng a, tunlai context atanga thlir fim thak tum lovin an contribution appreciate thiam a tul a sin..an tlin tawk lohna chu a siam fel hna kan thawk mai tur lah ni…zu concept atangin i thlir a ni lo maw..haha.
sawiselna rilru hi thianghlim phawt teh se.
May 20th, 2012 at 7:12 pm
Tirhkoh Paulan rawng a bawl lai khan a hnam(Juda) kha mi ngaihsan anni teh chiam lo, chu ai chuan a Rome mi nihna khan thil a ti thei daih zawk. Juda hnam, an hmusit leh ngei em em anih avang khan Paula kha va dem chiama, hnam ang zawnga a diklohna zawn sak chiam tur a ni chuang lo, ani chuan Pathian rawng a bawla a thawk á¹ha thlawt a ni mai.
May 20th, 2012 at 7:18 pm
malsta 20 i secular mind set kha i hmatheh lutuk. British imperialism nen huang khatah i thun vak zel…history of india sap ziah hnawla indian ziah hian a infkuence lutuk che a nih kha.
secular/ political domination kha a dang hle a, mizoram an lo kal chhan i sawi phei khi chu arthington mission history kha bih leh i ngai chiang.
kawng tam takah indian culture inbun nghet khan missionaryte a thawhhlawktir thei lo, mahse chung avanga beidawng thak chu indian church historyah i hriat chuan min lo hrilh la kan lo zir ve ang…protestant/ roman catholic society hrang hrang missionah tute nge india hausakna ngaihven em em..political tarmit hmang miah lovin.
zosapte attitude leh activity tha lo lai hi tlem azawng ka lo chhui ve thuak tawh a…ka zep lo mahse an contribution kha ropui ka ti fe zawk.
May 20th, 2012 at 7:26 pm
Malsta, ka motive chu i hre ngei ang. “A tirtu aiin a tirha a ropui zawk lo” tih kan Lal Isua ngeiin a sawi a, Pathian leh mihring chu compare chi rual ani lo ve. Amaherawhchu, a tirha ten ngaihsan an hlawh a an ropui hian, a tirtu an chawimawi a ni. A tirha te thiltih thalo point chiang fek fawk sawitur hre mang silova, lo sawihnawm hian anmahni tirtu kan hmaiah chìl kan chhak mai a ni. Kristiante tan lek phei chuan thil tihchi loh tak ani ang. Indona hnehtu te chuan chawimawi an phu ve bawk e.
May 20th, 2012 at 7:36 pm
@Pu Vakul#20 thiltha duhna vek a ni tih chu ka hria lawm. A then te phei chuan eucharist ka ni emaw an ti maithei bawk a, zu/wine ka zuar nasa riau va tunlai chu 😉 .
Mahse A dawngsawng tute an mawl tih hi ka pawm loh zawng tak mai a nia kei, eng mi pawh ni rawh se an fing emaw fing lo emaw lam hi ka hre ve vak lova, Pathian thu hi khawvel finna leh mawlna ang zawng a pawm chi a ni lova lawm. Pathian thu chu a nihna diktak theh darh a chumi hnu a, a dawngsawngtu te’n an mahni duhna ngei leh hriatchianna leh duh thlanna ngei leh an nihna ang2 a, Pathian an hriat a an zui a tha a lawm. A nih loh chuan kan hmabak chu kan missionary te ram ang mai hi kan la nih hlauhom toh……. Kan zosap te pawh kan dahsan luatah kan da zat zo dawn tak ngial e a. An thatna lai hi chu sawi2 ngai lovin tu pawhin kan hmu vek a, mahse chumi piah lama kan dahsan lutukna in a kan hnam a kaih kual dan a hi a tha lem lova ni…..
May 20th, 2012 at 8:00 pm
malsta, sawi zel ang…a nuam ve a lawm.
a dawngsawngtute dinhmun thlir lovin Pathian thu a sawi theih ngai lo. tunlai missiology lamah phei chuan strategy no.1 ah an dah hial lo maw…tunah tak phei kha chuan i rawn inhnial daih a nia. ka’n pui ang che sapho dem an kaina kha chu a dawngdawngtute dinhmun leh culture an care tawk lo an ti zawk lo maw…kan mawlna tak kha min palzam nan an hmang an ti zawkin ka hria.
mahse kan inenkawl theihna chhan hi anni vang a ni. harhnain a hrin…zeal a pek anni a, hei erawh kan chak lohpui a ni mai em tih chhui tlak a ni. amaherawhchu Roreltute bu kan chhiar chuan Nawmsakna hi Pathian laka kan hlat chhan a ni a, anni pawh an ni veah ka ngai.
May 20th, 2012 at 8:18 pm
ka zah a, ka chhuang a, ka ngaisang bawk. Ka ta neih em em bawk. Chuvang chu a ni ka sawi thin ni. Veng tlabirh a mi inhnuai luah hmeithai zu zuar thu leh hla ni se kan sawi ngai lovang. Zosap te chanchin sawi apianga engamah hma a, a sawitu hi enge a nih bik, a ni sawi phak a ni lo, a va chapo awm ve..ka nuih an ti za.. in ti nghal ngawt thin hi ka vei. Keizawng, Ka sawi zel dawn. Kawmthlang nau a tah in ngatinge ka zuk ti zen lem lo. ka fate an tah chuan ngatinge ka ti vat lo thei lo.
May 20th, 2012 at 8:29 pm
‘Ram pawh amah a indo chuan a tlu thuai á¹hin’ tih ang deuhin Kristian missionary a lokal te tan pawh khan an ramin mi a awp chungchanga dan a siam zawm ngei ngei tur a ngah khawpin a rinawm, an sorkar lakah an fimkhur hle bawkin a rinawm. Khatih hunlai kha chuan sipai chakna hmanga in awp beh hunlai ani a, Pathian rawngbawl tute tan pawh khawi ram mah a zalen lo. Sipai thuneihna a khawng em em vek a ni. British colony chhung ah kha chuan ram dang kristian ten zosap te anga chakin rawng an bawl thei kher lovang. An hnam aá¹angin Kristian missionary kan lo dawng ta a, mahse kha kha British in India a awp chhan a ni miahlo, Mizoram a awp chhan pawh a nilo. Kristiana siam turin India hi a awplo a ni tih kan hre tlang ang. Politics thil avangin ram a awpa, chumi chu advantage ah hmangin Kristian missionary, sipai pawh nilo kha British colony huam chin ah an vak darh a ni mai. Khati chung khan an ram hruaitu te leh an awp chhan an tih tlawlh loh nan ringtu pawh nise Bristish sipai thunei tute thu loh theihloha an vawn ngai chu a tam hle ang.
May 20th, 2012 at 8:31 pm
pu sammoo, zahngai zahngai…rawn koh eih leh nan che u tawngkam dengkhawng kan lo hmang lui a ni…ngaidam..ngaidam.
sawi zel e a, i sawi lohten le. patling ngaihdante chu a nghet chat tur a lawm
May 20th, 2012 at 8:37 pm
misual a inhnial hi a nuam danglam riau, a tu a mah hian kan tanhmun kan phet dawn chuang lo tih hre sa deuh roh hian kan inhnial a… (…e a lo ni zawk a ni maw.. ka lo ti/hre sual der a nih chu.. ti ta hi ka hmu khat em mai..haha..) kan proud tilang duh chhiah si lo hian kan pride erawh kan dah sang tlang vek. Ka thluak leh ngaihtuahna erawh a refresh thin ngang mai.
May 20th, 2012 at 8:38 pm
Vakul ti mai ang aw PU telh tawh lo mai ang kei aia upa pawh lo ni mahla lo hrethiam mai teh 😛 .
Ni chiah e,hmundanga an tih ang thovin kan culture te kan nihna te kha an rap bet ta vek a chu2 nia kan hnam ah pawh thleng chiah. Ka sawi tum i man lo emaw ni dawn chu le kei hi ka sawi puat mai zelah 😀 .. Kan nihna te, culture te, kan rilru te, kan mawl ang2 te kha lo zah thiam in kan pawmphak a Pathian kan rinna avanga, finna kan neih chhoh te zawng2 nen keimahni Pathian thu(interpretation) a kha lo in siam chhoh tir ta zawk seng chuan thil engkimah hei ai hian kan san ka ring. kan kal sual tur erawh min lo veng thung se chuan a tha tur. Thildang Philosophy/Art chi hrang in nghahna ang chi sawi tur kan nei ta mang miah lo mai hi a chhan a pawh khami kha a puh loh theih loh tlat a tin ni. A chhan chu keimahni a insiam chho kan ni lova Kan zosap te rinna leh nundan a in siam chho kan nih avang hian Art chi hrang leh a dangte pawh keimahni(Mizo) a chhuak tawh lovin an ni a kha kan ring ta mai zawk a ni.
Nawmsakna te thiltam tak in a min chim na ah pawh hian keimahni philosophy(mawl tak) pawh nise rilru ah a nghet zawkin a rinawm. Strategy chungchang hi chu Pathian hnathawh leh thaw loh lampang ah kei ka ngai, strategy hian thil tamtak ah pawimawhna nei thin mahse a hlawh chhuah a hian rei a daih thei tak2 ngailo Pathian hnathawh a tel loh chuan, a chhan chu thlak reng a ngai a Pathian thu erawh a ngai reng thung si.
May 20th, 2012 at 8:41 pm
Han sawi zel teh u, ka lo chhiar zel ang, cultural assimilation lam te pawh kha han hrut deuh ula mawle…
May 20th, 2012 at 8:50 pm
fone te ka hmanga ka type ve peih ta lo. ka lo thlir e. In zarah ka fing leh sawt dawn e. In thu kai kawp hian khawiah emaw ka’n post leh anga..min ngaisang leh ngawt ang..haha..
May 20th, 2012 at 9:10 pm
malsta in pu bik a tul leu.
philosophy kan nei lo tluk a ni. kan neih chhun chhun chu min hmansak ve tho. tin, philosophy theologise hi chu missionaryte mawhphurhna a ni chiah em…kan mawh a ni mah. tu maw chuan Christ the pasaltha a ziakin ka hria.
greek pagan mythology/ philosophy hi a ril hle a, chutiang bawkin hindu pawh…mizote erawh chuan thinker kan nei lo tlat a. upate thurochhiah kha a ni a, kristianna nen pawh a inpawl hle. an lo tih loh avanga dem chi chu a ni chuang lo vsng chu.
tunlai mithiamte hian philosophy hmanga kristian nun khalh erawh han tum teh u, thalai tuihalna lam ani. rilruah zawhna thalai tamtakin an nei mek.
sap missionary kha chu phut su..philosophy sawipui hmanin kan khawsa lo…ramhuai hlauh loh tur..zu ruih loh tur…kawr hak tur…khawhring paia inpuh loh tur…chawlhniah feh loh tur…inkhawm laiin vaibel zuk loh tur…khang min hrilh reng reng khan an buai ve a ni.
tunlai theologian mawhphurhna a ni zawk mah i phutna khi.
May 20th, 2012 at 9:18 pm
Krista chanchintha la hre ngailo te zinga chanchinthain bu a khuar reng rengin an lo tihdan/chindan/pawmdan siamthat leh thlak danglam ngai a awm ngei ngei thin(e.g.inthawina, hmeithai hal, puithuna, ei leh in leh Pathian biak dan phung,etc.). Tin, hnam hnufual zawk chuan hnam changkang zawkte nunphung chu kan entawn hrim hrim(tunah pawh Korean missionary kan neilo na a, kan thalaiten an entawn tho). Magdalene ho kan khubh Concert an rawn nei a, Pu Para of Delta sound te nen rawn thawkin international std. In an rawn che a. April thla khan kan kohhranin khawmpui lian kan nei a, vawikhat thu ka sawi ve a, magdalene ho tihdan ang chiahin stage sir hnihah live in ka thusawi lai an tichhuak ve nghal mai a ni. An mhausa ho an hausa turu hlawm si a, Gs, AGS, nu ho, Thalai pawl, Theological college bakah, khawpuia Local church lian ho chu an kohhrana mihausa hoin motor an pe tawp tawp mai a ni. Kan zirtir hauh lo(tha pawh kan tiber lo), mahse, thiltha leh changkang nia an hriat chu an entawn mai a ni.
May 20th, 2012 at 9:25 pm
Tin, Sap ram kohhran an lo hnungtawlh anih chuan kum 100 liam tawha mizorama missionary an rawn tirh te vang anih ka ring hlawl lo. An rama pastor te, kohhran hruaitute, politician te, nu leh pa te leh khawvel danglam chak lutuk vang zawk aniang. Tin, chutiang zelin mizoram pawh.
May 20th, 2012 at 9:27 pm
Vakul chumi chiah chu lawm kan buaina ni ta chiah,Philosophy hi theology te leh finna dang zawng nen a kal kawp vek a lawm…..keimahni a tihna chance pakhat mah kha a awm lo.
LOh tur………..Loh tur, an mahni thlirna(persective) atanga teh vek a ni, an mahni ang midang an siam teuh, Pu chawngkhupa kha chu a dang in a lang, A kaldan a kha tlem a danglam an ti, mahse mi ang lo ang deuh zawng a sawi a awm thin thung, Pathian thu tak a pawh tho tih erawh a hriat theih. Zo sap te sawi ang a ni ve lo ni ngei tur a ni.
May 20th, 2012 at 9:52 pm
Vakul thinker chu kan nei hlawm teh meuh mai…. khatih hunlai khan Val upa te ho ka kan thinker neih te chu an ni chiang a. Philosophy hi i man chiah lo deuh a ang. Eng ang pawh zir chhuak la Philosophy vek a nia.
PK Fanai: Negro spiritual lo chhuah dan hi i hria em aw? negro ho ramhuai biak na thin Pathian biaknan a an hman tak a nia………Mizo missionary te chauh kan soi hleinem ramdanga an rawngbawlna zawng2 ah heng hi a thleng vek a tih theih a lawm. Khang hunlai khan Dutch leh portuguese ho hian Pathian thu chu an hril ve thova mahse tiang ang hian an kalpui ve lem lo.
May 20th, 2012 at 9:56 pm
Kan thenawmpa nise a ui chu a sa ka lo hauh tur. 🙂 a ngaihnawm. (Y)
May 20th, 2012 at 10:21 pm
malsta kan kehme tih a inang lo a nih chu. zir chhuah apiang philosophy tih zawnga min hrutpui i tum leh si…ni e ka man lo deuh pawh a ni ang e.
philosopher kan va tam ve..
i point tur kan rawn chhersak che a min tim leh nghek nghek mai…nang pawh kha tuten emaw an hrilh fin vang che a biak tlak chauh i nih kha…i deu zosapte awm lo se chalrang ruaiin i bu zauh zauh tawh ang chu..haha.
mizo spirituality a hranin i beisei em ni kristian spirituality hi duhtawk teh. eng background fakau nge in hnam hian neia i hriat hnam dang culture pui tak tak ang in ni lo, in haw haw dur dur ribgawt a ni lom ni…vaw hawt leh lawk
May 20th, 2012 at 10:41 pm
Vakul mizo thinker kan nei lo tih hi a dik thawkhat, philosopher ti-a han chhal tur pawh hi kan tlachham deuh em aw ka ti. Ka sawi duh ber zawk chu kristianna leh philosophy hi chu kal kawp tir vak loh hi a finthlak zawk loh vek chuan a tih chi zawkin ka hria, Pathian thu philosophy hmanga hrilhfiah kan tum nasat poh leh kan spirituality a tlachhe thin tih hi mi tam tak experience atangin a sawi theihin ka hria. In concept khel ber nen alo in persan deuh a nih pawn min lo hrethiam dawn nia.
May 20th, 2012 at 10:51 pm
@Charice-Mizo, I sawi hi a dikna chen a awm thui viau mai. Khawnge Dr.John hi le? a specialised na lam kan chai vak a, ava reh si ve! sawi tur a ngah dawn teh reng nen.
May 20th, 2012 at 10:58 pm
@PK Fanai kan zirpui/classmate tam tak, a bikin vai zingah, philosophy luhchilh ril tak tak ho hi chuan sakhuana an ngaihnep loh vek leh Pathian awm an rinloh phah duh chawk nia!
May 20th, 2012 at 11:19 pm
Hahaha Vakul ka tan hmun hi i siam a ni hleinem mawle 😀 😀 . Ka ngaihdan leh pawmdan ni awm a i rin i rawn sawi ho khi chu movement lo kal tawh ho a nia chumi chu mi tamtakin an ring a an zawm avang khan philosophy a va ni ta ber ah i ngai deuh a ang. Mizo thufing kan tih ang chi te pawh hi philosophy chu a nia lawm mawle ….. Nangmah mimal private personalitility 🙂 pawh khan philosophy i nei reng a chumi pawh chu i hre lo ava ang ve? Philosophy hi I pian tirh atanga i nun tawp thleng khan nangmah ah a awm tih pawh i hre lo a ni dawn ni maw??
Heng kan sawi a te hi A hnam ang khan philosophy kan lo nei ve thin a lawm ……….
Philosophy Subject Academic a mi hi ti bik teh ang, insawi a hi chuan a zir ber a chu scientifical prove leh human reaction ti in dah ta ila a huam kimin a sual awm love. Pathian an ngaihsak lo tih hi chu tih ve mai2 a lawm, anihna tak zawk a chu Pathian ropui zia zir chhuah na mai a ni a awlsam zawngin. Chutiang bawk chuan Zirlai subject dang zawng hi zir ta u la chuta tang a in kung kaih chho zel chuan a tawpah chuan Pathian ah tho a lut leh tin zawk ngai. Kan va hahthlak dawn ve, MIthiam kan neih te pawn tiang a Philosophy in hmuh tlat mai chuan 😀 😀 . Common sense hi kan hre theuh a mahse a takin in hmang lem lo a ang sawt ta riau mai…….HOT zel teh se 😀
May 20th, 2012 at 11:20 pm
charice, i sawi hi a nihna chen chu a awm khawp mai; philosophy discussion lamah pawh vai an awm nual mai-atheist deuh vek an ni a; tin philosophy huangah hian atheism hi a hralh a tla phian a ni ang e.
Chutih rual chuan pawimawh em em si chu tunlaiah hian sakhuana a bikin christianity hi philosophy hrang hrang hian a run nasa hle-philosophy hmang bawka lo chhanlet hi a tul thin a, tul ve tak a ni, kei pawhin hote ka post ve tawh http://www.misual.com/2012/03/08/a-challenge-to-philosophical-position-of-relativism-2/.
Tin, thalai tam tak rilruah hian zawhna philosophy lam rawngkai hi a tam hle, sakhuana chungchangah mipui rilruah pawmsa circular reasoning question an tam tawh hle. Inbuatsaih a tul khawp mai, new atheism leh a kaihhruai an lo chhuak chur chur mai bawk si. Thuhriltu zingah pawh Ravi Zacharias te pawhin an bei nasa hle tawh a nih hi.
May 20th, 2012 at 11:31 pm
Malsta khatiang zawnga philosophy i thluk chuan tehreng mai…kan point ber kha enge..i dinna enge?
Eng ber hi nge zosapte khan rawn hmang se i tih? kan philosophy tha ber ber chu kan kristian inzirtirna huangah a bet reng a, engah nge i tauh i tauh reng. A hnam anga philosophy kan neih zosapten an thlauhthlak chu enge, lo ti se tia beisei i nei reng em?
kan sakhua pawh min rawn indegeneous tha viau a lawm le…tin, tuna min thlenpui hi enge i helh ber chu? tlar thum zaia rik tlat tlat kha em ni in la chak, tuna mi hi a international tha viau lo maw. Kristianna hi sakhua a nih rualin culture a ni nghal a, culture thar a rawn din a ni ve mai..mizo cultureah khan kan lak tak loh han ui ngawih ngawih enge in neih le? vehthlem lovin han sawi pawp pawp teh…ENGE IN DUH CHU?
May 20th, 2012 at 11:38 pm
Vakul; philosophy nihna diktak zawk a lawm ka rawn sawi khi, i lo man lo nasa a nih hi a……A bula tangin in in zawt nawn leh teh ang tu philosphy nge tunah khan i nunpui? Chu2 ni ka sawi lai mek a hi…………… Kristian philosophy in nghahna bul chu maw? Kan sual ang te ngaihdam kan nihna leh kan nih ang2 a a mah kan panna hi a ni. ……Tunah tak pawh khan i rindan te Pathian i hmuhdan te kha han sawi teh le mi in an hrilh che leh mi Zosap te kristian philosophy kalpui dan nilovin……….i sawi theih ka ring miah lo.
May 20th, 2012 at 11:49 pm
A chhan a chu Philosphy i nei tawh lova mi philosophy in i nung a mi rinna in i kal tlat tawh a lawm. A bik takin ZOsap te rindan tamtak kha i in nghahna a niang. Nangmah a bo vek tawh identity i nei tawh lo ti ta ang i la i haw em lovang chu maw……….mangtha phawt oh zing lamah kan chhunzawm dawn nia 😀 😀
May 21st, 2012 at 12:04 am
i sawi hluai a, mi min hrilh loh hi enge maw kan hriat i beisei vak le aw, a tha dang beisei sawi tur hre si lovin i awm a, a hahthlak em mai. 😀
May 21st, 2012 at 12:08 am
Zosapte kha hmaichhanah tumah ka hmu hman lo. An zirtirna direct-in ka dawng hek lo. A AW B min siam sak a, Ringtu hmasate Pathian thu zirna hmunah an tirliam a, chungho chuan Bible an letling a, chu Mizo Bible thu chu Pathian thawkkhum ni a ka rinngheh tlat avang leh rinhlelhna reng ka neih loh avanga Lo Piangthar ta chu ka ni.
May 21st, 2012 at 12:09 am
Vakul i ngaihdan hi ka ngaihdan chiah a ni, ka lo vei ruk ve em em thin a ni bawk. Pathian thu hi chu mimawl ber tan pawha hriatthiam theih tura mawlmanga duan a nih rualin tunlai mi lehkhathiam leh rationalist ho bulah chuan ‘philosophical point of view’ atang sawifiah a ngai tawh tlat thin. philosophy zawn atang chuan engkim hi ‘intellectual value’ neihtir vek angaia, kan sawi neuh neuha kan sawi neuh neuha, a chipchiar (complicate) telh telha, debate ril zawkah min hnuk luta, a nihna tak kan hloh vek mai thin. Pathian thu, entirnan, Isuan mipui sang nga a hrai thu emaw, thlipui a hau reh thu emaw te hi philosophical analysis hmangin lo zir chiang dawn ta ila a inkhaidiat chho nasa dawn lutuka, a nilo lamah min hruai bo daih thei a ni..mahse Isua thiltihtheihna ringtu kristian mimawl ber tan erawh a fiah em em thung si.