Archive for the ‘Blog’ Category

Twitter-a a thil tweet vangin thih phah maithei!

Wednesday, February 15th, 2012

Tunlai chu information hi a tha tawh khawpa internet khawvelah hian thil post leh tawngkam tehi fimkhur a ngai khawpmai. Kan thil tarlan tehi keinin kan ngaih serious vakloh aiin mi hian an lo ngai serious viau thei a. Saptawng a nih loh pawhin mizo comunity chhungah pawh hian mi tana offensive thei deuh kan tarlan chuan kan va offend tekhan an lo hmu ve vat dawn ani tih hriat a tha, an mahni related anih chuan thiante atangin emaw eng tin tin emaw anlo en ve vat mai ang. hehe

Hmanni ah pawh Dr.Rebeka in mi a bawl ngawt a FIR te an thehluh mai kha. Misual member zingah Rebeka i bawl tawh engzat nge awm ang aw. :P

Chuan he pa Hamza Kashgari(K-23) pawh hian a thil tweet in muslim ruh ho a chhaih kawlh ani ber mai. Muslim lam comunity ah chuan tun kar vel khan alo hot viau ani awme he chanchin hi. A identity an chhui chhuah hnu ah New Zealand a tlanchhiat tumin Saudi Arabia atangin a thlawk chhuak a mahse Malaysia police ten anlo man a, Saudi Arabia ah an thawn kir leh ani. A future a bright lo khawpmai. Fimkhur phah nan lo hmang deuh rawh u. hehe

Hei a link

 

Posted in Blog, Information, Internet, News, Religion, Whatever | 37 Comments »

Hriselna lam bik blog thar!

Monday, January 2nd, 2012

Mizo tawng hmang Blog tam tak kan neih zingah hriselna lam thu leh hla bik liau liau atana Blog siam hi an la awm lem lo a ni awm e. Saptawng hmang thiamte tana hreiselna leh damdawi lam tarlanna website/blog chhiarsen loh an awm laiin Mizo tawng erawh chuan hmuh tur a vang hle a, a rualawhthlak hle a ni.

Chuvangin awlsam zawka hriselna lam thukhawchang chhiar tur a awm theih nan leh, a mamawh zualte tana hriselna/natna chungchanga zawhna zawh belh theihna remchang siam pahin he blog dam-dam https://dam-dam777.blogspot.com/ hi kan han buatsaih ve rawih mai a ni e. Theih ang angin in zawhnate chhan zel kan tum dawn nia. Hmaichhana doctor rawn chu tluk lo mahse kawng tam takah kan tangkaipui tho kan beisei.

Comment lamah emaw, Guest Book (Engnge i harsatna?) emaw, a tul chuan email lam thleng pawhin in hman tangkai theih turah ngai ila. Han ti chhin phawt ila, tih dan tha zawk kan la zir chhuak chho zel ang chu. Engti kawng zawng emaw tala he blog tlawhtuten in lo tangkaipui chuan he blog siam chhan hi a hlawhtling tihna a ni ang.

Visit: https://dam-dam777.blogspot.com/2011/12/inhmelhriattirna.html

(Mahni blog advertise tumna a ni lem lo a ni aw!) :)

Posted in Blog, Health, Information | 37 Comments »

Lunglen thu hla

Wednesday, December 14th, 2011

Awle,seldon leh lr_hlonchhing te comment ka hmuh duh vang chu a ni hauhlo  a nia. CFLa tana ka ziah pawh a ni biklo,PKfanai chuan min fak leh chiam ang tih ka hlau;thatna  nei ila hengte hi ziak hauhlo tur ka nia! Dik tak chuan ka luanliam a hun leh miau tawh si vang vek a ni! Awmngaihna reng hrelo a ka vei ka vei laia ka suangtuahna lo lut zawk ah chuan he thu te hi alo kal ta a nih chu.

Khua chu a duai hle mai.Tlasik khaw vawt tak mai chuan  chhun pachang ah pawh hmun dam lai deuh chu a hmet hik huh dup mai a.Kan veng lah chu a reh em em a;kawta ka nu buh thap ri leh veng thlang ui bauh thawm chiah chu hriat tur awm chhun nita in ka hria.

Lengzem hla  lungrun zet mai nen a ka awmhar lunglen em em lai chuan,hun liam ta a thilthleng te chu ka ngaihtuah kir ta a.Duhlo in chhuikir loh tum hle mah ila min tham tlat ni ber hian ka hria;ka chhui kir chuan ka tap leh ngei dawn tih ka hre si a!

(more…)

Posted in Blog, More than words, Religion | 37 Comments »

Ka Blog A Bo Daih!!

Monday, December 12th, 2011

Krismas te a hnai a, lung a leng bawk si a tiin ka blog-ah thu fahrah te te han dah kai ve leh mai mai ka han tum a, ka blog chu a lo bo daih nia!! A ngaihna hre lovin Val hi ka hawi hil der mai! Ni dang ang bawka han luh leh mai ka tum chu “Sorry, the blog at ……blogspot.com has been removed. This address is not available for new blogs.” a lo ti kuau mai a, hrilh a hai hle mai! Ka gmail email te nen lam a bo daih bawk si a, Blogger Support lamah “I can’t find my blog on the Web, where is it?” tih te ka han keu ve ngial pawhin ka zawng hmu hlei thei ta hauh lo mai. Gmail account verify tur takngial pawhin a kawng an ti thui vel lutuk a, a beiseiawmin a lang bawk si lo.

(more…)

Posted in Ask | Help | Suggest, Blog | 56 Comments »

Ka hmangaih thu ka hrilh ve a!

Friday, December 9th, 2011

Zan dang ang bawkin  inkhawm turin chu veng chu ka two wheeler chuan ka inkhalh leh ta vang vang a.Ka chhuak hma bawk a ka vanneih asiamin ka ti dawn nge,inkhawm hma dar a rik zet hma chuan thian te in ah  ka lut  kawi chu  inhmuh a khat em mai tih pahin ka thiannu chuan thingpui in phawt ila,biakin chu kan pan dawn nia a ti a.Chu inbul mai chu biakin chu a nia,dar pawh ala ri lo.

Chutia thingpui sen hang ngei mai ka nghah veng vawng lai chuan thingpui chu tuemaw kut hian rawn keng ta vu vu mai hi ka tarmit phen atang ka hmu ta hlawl mai.Ngaihsak lemlo tak a ka bula mi min biakna chu chhang chungin  thingpui chu ka la a.Mahse alo sa zek mai,”awi ah!” tih pahin min petu hmel chu ka  sensory nerves vang vek chuan ka han bih ta zawk mai a.Khai le!!Single ngat mai ka nihna kha ka brain chuan hre vatin nerves bawk chu rawn che lehin hmul thi a rawn ding ta sung sung mai a nih chu!”A sa em,ka tihpalh lutuk aw” a rawn tih lai te chuan matheiloin tihdanglamin ka awm ta a,”Lalpa,tunge i nih?” tih mai chu ka duh rum rum mai ka ti!A zunah chuan thawklehkhatah ka uai ta hnawp a.A hming hriat ka va chak em.Chutia min kalsan leh lai te chuan a ke pen  dan leh a mawng sawih dan thleng khan ka la hre vek.

(more…)

Posted in Blog, Luangliam, More than words | 26 Comments »

Blog bo bonus

Wednesday, December 7th, 2011

Ka post a bo! -ah hian ka sawi tawh a. Comment lama thurâwn tha tak takte avangin wordpress lamah fiamthu pual liau liauvin blog ka siam ta ta rãwih a. A la mâwlmang khawp mai, ka khawih thiam lutuk rih lo va.

Fiamthu a tam thei ang ber dah tum a ni a. Mizo fiamthu tha tak tak chu dahthatna a awm loh avangin a bo zel a, a uiawm thin. He blog-ah hian eng fiamthu pawh a leng vek a, zahmawh leh mawh lo pawh a leng vek a ni. Ram danga awm, Mizo tawng ngeia fiamthu chhiar châk thinte tan a tangkai ka beisei hle bawk.

Fiamthu blog a nih avangin heta rawn post mai pawh ka inthlahrung duh ta ting lo a ni. Fiamthu chu mitin tan a ni si a..

Hei hi a ni e — Mizo Fiamthu.

Posted in Blog, Information | 38 Comments »

Ka blog a bo!

Tuesday, December 6th, 2011

Kumin kum chawhnu lam khan, fiamthu dahna blog mumal a la awm lova ka hriat vang leh, kan Mizo fiamthu tam takte an bo zung zung loh nan leh dahthat nan tiin blog ka siam ve a. Chu chu hmun hrang hranga Mizn awmte’n anmahni tawng ngeia fiamthu chhiar tur, internet-a an zawn changa puitu leh mi thenkhatte’n pur chawk nana an duh beiseina nen a ni.

A hmingah Fiamthu Huang ka ti a, a blog URL chu fiamthuhuang.blogspot.com a ni. Facebook lamah pawh fan page Fiamthu Huang tiin ka siam a, ka phur hman viau. Fiamthu pawh a za tel teh meuh mai a awm tawh a, video thenkhat pawh ka dah tawh a, a lo hlimpui a mual mual chu an awm vein ka hria a, ka hlim hman hle.

Amaherawhchu! Thla khat vel kal ta atang khan luh theih miah lohvin remove a nih tawh thu min hrilh a. Ka remove lo va, midang ka account hack-a remove tur âwm an awm ka hre bawk si lo. Luh ve han tum chhin mah ula, in hrethiam mai ang.
(more…)

Posted in Ask | Help | Suggest, Blog | 62 Comments »

Chapal min lei ve a..!?

Thursday, November 24th, 2011

Kum alo upa ve ta.Naupan at zual lai te chuan min kalsan a,mit alo ler tan.Hawina lam a piang ah Sitar tur melhin kan dak vawh vawh a.Rilru pawh alo puitling dawn ta.

Vawikhat chu ka nu nen kan kawt varanda ah kan thu dun a.A mi zawhna leh ami beiseina aw-ka mawlh kha ka thinlung ah hian ala cham reng mai.Tunah chuan rawlthar tuai tha tak ka lo ni ve ta.Ka nu duhthusam ngeiin a duh tak ka zir a,ka tui a,ka hna a ni tih hria in ka inchhuang em em thin bawk.

Han en mai chuan engteh ual ni ve lo mai hi tunah chuan ka lo luck ve tan ta,duh duh thing thei dinhmunah ka inhlang kai a.Aizawl han haw nikhua a hawi pir lam ai chuan inlak puithu te pawh a awl ta rum rum mai.Heng zawng zawng hi min enkawltu ka nu leh pa te vang liau liau,ka tan chuan hetiang min thlen theitu an nih avang hian ka chhuang thlawt thin.

(more…)

Posted in Blog, Fiction, Luangliam | 32 Comments »

Battle Ground (Mihring)

Sunday, November 20th, 2011

Mithiam tak tak te ziak ka chhiar hnem ta khawp mai.Engvang nge Satana hian mihring a beih tih hi ka ngaihtuah fo thin a, thenkhat ten Gen 1:26 ah kut an han phar rual ta mai thin hi chu ka pawm theilo,hei hi chu fel hlel tlat a hriatna ka nei a. Setana a sualna avang a khuarkhurum leih lawt a paih mai hmabak hian mihring thu neihna ram hi rawn chawkbuai phalo hian ka hre tlat mai a. Engvang nge lei chu setana la khawsakna a ni tih hre reng si a Eden chu lei ah a dah a,mihring chu a siam le tih zawhna nen hian Gen 1:26 hi a fel hlel deuh tlat.

THUPUIAH :Gen 1:26 kan en chuan Pathianin a an puiin mihring a siam tih kan hmu a.Gen 2:7 kan en leh chuan “Pathianin lei a vaivutin mihring a siam a,a hnarah nunna thaw a thawlut a, tichuan mihring chu minung a lo ni ta a” tih a ni. Heta Minung hi Hebrew ah chuan Chai ḥay·yāh tih a ni a. English ah chuan “age” tih a ni a. Nunna(chaiyah) chu living, life tih a ni leh a. Chu chu han rem khawm leh ta deuh ila mihring chu minung a lo ni ta kan tih dawn chu nephesh chayaah (living soul) a tih theih ta a. Gen 1:27 kan en leh chuan Mihring chu Pathian an pui a siam alo ni leh ta a. Anpui(image) hi Hebrew ah bə·ṣe·lem tih niin “A phantom , the image” tih te a hman a ni leh a. Heta Pathian hi Elohim tih a ni bawk.
(more…)

Posted in Blog, Opinion, Religion | 27 Comments »

Combined Post trek trek

Tuesday, October 25th, 2011

Mobile Phone Code -  ZoSoftNet

Eng code te nge i hriat le? Hriat belh i duh em?

Universal Code :

*#06#     :       Hei hi IMEI (International Mobile Equipment Identity) number en nan a mobile handset zawng zawng a hman a ni a. Hemi IMEI number hmang hian I phone I tih bo palh pawh in zawn theih dan dan a awm a, tin phnone in ang I thian te nen nei ta ula, IMEI number hmang chiah hian I hre hrang mai thei a nia.

Zosoft Network

Visit la han chhiar teh khai, a tangkai pui mah na….

Zenics CSC hi le? – mr. rowlenn

Khawngaihin Zenics hnuaia CSC E-governance chungchang hi rawn sawi chiang teh u.

Posted in Ask | Help | Suggest, Blog, Tech trek trek | 16 Comments »

« Older Entries