An lo pawr ve deuh pawh a ni thei a, an lo in hnem ve deuh pawh a ni mahna. Kan unaute pahnih khan khati khawpa naa sawisak tawrhna tur khan eng thil pawi nge an tih tih lam kan hre lova, kan ngaihtuah bawk lo. Kan hriat erawh chu Kapliana chuan ‘vaiho’ lakah nunna a chan a, a thianpa Lallianthanga pawh ngaihtuahawm tak dinhmuna ding hial khawpin an khawih bawk tih hi a ni. He thil thleng hi Mizo tlangval tan chuan a na a, eng angin nge an indawr lam kan rilruah a awm lo, vai kut kan tuar tih hi a lian ber ringawt.
Kha thil thleng avanga Zirlai pawl lian pakhatin anmahni sahim nan leh hnam leh hnam inkara buaina lian zawk a chhuah loh nan, Mizorama vaiho chuan pawn chhuak lo se tia ngenna an siam kha ‘vaiho’ khan an zawm tha hle a, Aizawl khawpuiah phei chuan dawr hmun thenkhat pawh a reh duak an ti em ni?? Mizoram hmun hrang hrangah In sak lai a chawl thup e lo?? Buhfai unload tur pawh kan awm na’nge??
Mizo tlangval, i thinrimna kha paihkiang la, i Mizona kha vai huatna ringawta tikhat lovin i ram hmangaihna lamah kaltir ve teh, vai pawn chhuah loh avanga Zoram hmun hrang hranga nunphung a khaihlak hian kan dinhmun a va pholang mualpho ve??
Zoram hi thlir teh. Zirna In, sorkar Office leh sumdawnna hmunpuiah ‘sum ngah zawk’ leh ‘fing hma zawk’ vaiho hi Mizo tam ber ‘chung lamah’ an thu mek. A laihawlah engahmaha kan ngaih tham lem loh an awm a; a hnuai lamah kan thawh peih loh thawk thahnem tak an awm bawk. Ngaihtuah chiang teh, vaiho hian kan thawh phak loh an thawk mek a, kan thawh ang an thawk a, kan thawh peih loh thlengin an thawk niin i hre ve em?? Keini Mizote hi ‘engmah’ ni si lovin a laihawlah kan tei vel mai mai a ni lo maw??
Eng dinhmunah pawh awm la, Mizo i nih chuan he ram siamtha tur hian ‘theihna’ i nei a, i ram hian a mamawh ngawih ngawih che a ni. Lehkhathiamho titi i ngaithla a, an vision i thlirpui a, hmalatu awm se i ti a, hma lakna chang erawh i hre lo tiraw??
Hei hi ngaihtuah teh. Nang aia lehkha thiam lo, nang aia dar chhah lo zawk, i ban aia te zawk ban nei ‘vai’ in a tih theih kha i ti ve thei a, a nachang i hriatlohna chiah kha a ni he Zoram thanmawhbawk chu. Vai ngal ria zawkin Ulum leh thirzaina pakhat nena chhungkua an chawm theih chuan engemaw chu i ti ve thei ngei ngei ang maw le! Kan ram siamtha tur hian i dinhmun siam phawt a ngai lo va, i dinhmun atanga i thawh phawt kha a ngai zawk a ni.
Vai pawn chhuah loh avanga hna a chawlh thup chuan anmahni thiam loh ni lovin ‘ram neitu’ nang leh keia thiam loh a ni ang. I ramin a mamawh che a, a ko che. Hna a chawl an ti em ni?? Tho la, ding la, thawk ta che.
Similar Posts:
- Kan tè bik lo e!
- Tun kum YMA General Conference Pandal chu Kingfisher thlawhna a ang khawp mai
- Thawk tha peih lo chuan hna tha thawk ve suh se!
- Burma Ram Vanglai leh Mizo te
- Nang leh Kei
Silent tak in ka...
July 27th, 2007 at 12:19 pm
Tha khawp mai. ka chhiar chhuak chiah. “Vai mai mai” ti ringawt lo hian hmasawn kan tum zawk tur ni. An ti paih ang tih te, an zir peih anga zir te a ni etc.
Report this comment
July 27th, 2007 at 12:26 pm
Zaia chu ziak thra hle mai. Pawr zawngin rawn ti dawn maw ka ti deuh hman a
Report this comment
July 27th, 2007 at 12:41 pm
Tho la, ding la, thawk ta che….misual.com moto
tha top….ziak tha lutuk…
Report this comment
July 27th, 2007 at 1:08 pm
Ziak tha kher mai. Hetianga infuihna hi kan mamawh a ni. Chawmhlawm state kan nih mah zahthlak tawh nakalaiin nu leh pa chawmhlawm thlai nih chu a zahthlak lehzual. Thawhchhuah nei si lova thawhlawm leh rinna thutiam pe tha thei riau nih te, thuamhnaw tun lai ber ber inbel te, kuhva leh zial nghei theih loh ngawtte hi a zahthlak ani tih i hre thar hlawm ang u.
“Tho la, ding la, thawk ta che” tih hi thupuiah i neih theuh ang u.
Report this comment
July 27th, 2007 at 1:27 pm
Good post.
Hetiang hi chhiar tam kan mamawh hle. Rual awhna hi a si per atang ni mai lo, a bul thut atanga kan zir a ngai a. Nu leh pa te sum ringa a chhuak thar thar, a nalh nalh it a, kan lei ngawt thin hi rual awhna dik a ni ngai lo va. Min ti puitling theilo tu a ni. Mahni thawhchhuah ngata kan mamawh kan lei te hi an hlu bik a. Hnam changchang leh fing zawkte tihdan pawh a ni.
Tuna, Mizoten natna kan vei mek leh hripui chu sumlu nei si lo va, kan duh changkang lutuk ta leh kan mamawh sang chho ta lutuk hi a ni. Hna thawh tur kan hmuh pawh an hlawh pekah kan lung a awi zo lo va. Kan mamawh leh hlawh pek kha a inphuhru zo tlat loh vang a ni.
Kan thawhchhuah a tlem chuan kan sum hmanralna tur pawh kan ngaihtuah tlem mai tur ni awm tak. Thlakhatah rs.6000 vel hlawh chhuak tan sneaker tha ber ber neih ve ngawt a rem lo va. Bike hawl chhuah fo pawh a inhmeh vak lo. Chhungkaw pa ber thawhchhuah singhnih emaw awrh ringtute tan phei chuan duh duh lei theih a ni lo hrim2 a. Mobile leh a nepnawi inren lek lo va kan hmang chiam chiam mai te hi tunge bill pe thin tih hi ngaihtuah a ngai a. Bill petu kan pate hian an thawhchhuah atang ringawt chuan kan mamawh leh bill zawng zawng pe thei turah i ngai lo ang u. Eirukna hi keimahni avangin a lo intan ve thei bawk a ni.
Vai ho hnawhchhuahna tha ber chu an thawh ang thawh hreh loh te, an hlawh ang hlawh ngam te, an thawh ai zawngzawng kan thalai hna nei lo leh thawh tur hrelo te thawh hun hunah automatic hian Vai ho chuan Zoram an chhuahsan mai ang. Thawh tur an hmuh chhung leh Ruaitu an neih chhung chu Vai hi kan hnawtchhuak tak tak thei lovang. Tin, tharum thawh a, tawng hnawhchhuah emaw ngawt hi India rama kan awm ve si chuan thil tha pawh a ni lem lo. Chuvangin systematic taka kan kalpui thiam a ngai ta a ni.
Report this comment
July 27th, 2007 at 1:33 pm
Ka kut veilam kutzungte tin hi a lo sei deuh a, a hmeh tur ang a lo hmet lo palh hlauh mai. ‘thalai’ tih ka tumna lamah ‘thlai’ ka’n tih leh kauh chu a! A chhiar dan in lo thiam mai dawn nia, ka sawi tum chu a hriat tho khi maw.
Runpui, i ziak thui theih lutuk a chiar chhung a rei.
Report this comment
July 27th, 2007 at 1:51 pm
good post… hetiang chhiar hi chuan buhfai bag put te pawh hi zuamawm deuh alom
Tu emoni tihdan takah, kut hnathawh hi kei ka ngaisang a, nilengin ka en peih
Report this comment
July 27th, 2007 at 2:02 pm
A ziaktu hian a thiam khawp mai. Ama nunah a apply toh/theih phei chuan ka ngaisang lehzual ang.
Tin, readers pawn ngaihnawm kan ti liam liam hle a, tha kan tih rual rual in, nunpui tum ila, tichuan he article hi a hlawh tling chauh ang. Mizo hi chu ‘a tha hle mai’ tih ah kan tawp thin hi a lawm theory-christian kan tam a, practical-christian an tlem. hei-ha, hui-ha
Report this comment
July 27th, 2007 at 2:18 pm
He Post chu a tha hle mai.
Zorun comment hi a tha ka ti thei hle bawk. Ngaihtuahna puitling leh dik, Mizo tawng ngei hmanga mawi taka comment hi a ni thin bawk.
Ka lo hmuh ve dan chuan a tlangpui thu in helaia comment thinho te, Zawlbuk lama mite pawh, mi puitling tak vek mahni kuta awm thawh hreh lo mi ni tlangpuiin ka lo inring ve ngawta.
Report this comment
July 27th, 2007 at 2:23 pm
Emmmm… kan rilru a ‘mature’ tual tual e. Hnam naupang zia kan paih tial tial, thalai ram leh hnam vei tak takte hian ram hi an la siamtha mawlh ang. Kan ngaihtuahna hi a puitlingin a ‘ril’ sawt hle a ni.
Report this comment
July 27th, 2007 at 2:26 pm
zaia, i ti tha hle mai.
Khawngaihin kan chanchinbu ah chhuah min lo phalsak chuan ka lawm hle ang.
Report this comment
July 27th, 2007 at 2:39 pm
Ka lawm e, In zavaia chungah.
roniez…. phal tuk e a. Engnge i chanchinbu hming chu ?
Report this comment
July 27th, 2007 at 2:46 pm
Zaia i va reh reng reng ve, Aizawl Post lamahte i rawn thawh zoh zoh thin sia, Kolasib lamah chhangchhe pa i ni ta mai em ni?
Report this comment
July 27th, 2007 at 2:48 pm
Verg good post Zaia…..chhiar a nuam hle mai, kan ngaihdan a in ang hle mai……will watch out for your upcoming articles…
Report this comment
July 27th, 2007 at 2:49 pm
VENGTHAR- Ramhlun Vengthar YMA chanchinbu nia. A lawmawm e.
Zaia of misual.com kan ti mai dawn em ni??
Report this comment
July 27th, 2007 at 3:25 pm
A lomom tane post thav rating ah ***** ka pe e. Mahse thutha hi zawm a har a ni. TUnlai chu vai mistiri leh mizo mistiri kan chhor kopa. Vai ho hi 8AM ah hna an tan. Mizo 9:30 velah an thlenga an lo thlen veleh thk lovin meizial zuk leh kunva ei an han tana an han thlek kual muangchanga. Mahse ka compare duh vangin hei kan ti trang2 chu ania. An productive hleih hle mai. Tin kan duhang lova an thok dn a an hriat chuan min han rn thlapa Mizo mistiri chu ama tih tihin a kala tihsual thiah leh poh a tam. Heng ang work culture tha leh productive zk a thoh dan te hi kan in train a va ngai em. Kei chuan 50:50 in ka ruaia tamtak chuan Vai hlang an ruai ang. Keia tihmek hi chu a len loh vang leh ka compare duh vang a ni a.
Heng anga mizo te kan competitive theih nana min hruai hop step and jump pui thei tu tur hi a ni ka duh chu. Laldenga te Brig T Sailo te kha kan hnam min move pui tawha Independent leh Human Rights lamah. Tunhmain lal ban kha a awm bk, kha kha chu india history nen a in link vang a ni. Midang thangthar lo chhuak se kan va ti em. Zaia thil post hi real politiks tamtak zinga pakhat chu a ni mole.
Report this comment
July 27th, 2007 at 4:08 pm
Dik khawp mai. Ram hmangaih inti si hi nilengin hnathawk lohvin mahni pawl office-ah rinthu leh dawt nen an han ti ti ta mai thin a nia le. Thenkhat a ziah leh sawi lama ram tang tam tak pawh hian an hreh tlat zel. Mizo nitina inhlawh duh hi an tam, mahse kan population ngaihtuah chuan a tam lo a niang, vai an chhuah loh chuan hlawhfa rawih tur a vang tlat. Fanu fapa nei dul pawh hian an fate thawh tir lovin hlawhfa rawih an ching lutuk pawh hi a mak ka ti tho.
Vai ka fakna chu an hlawh a san pawn an ei leh in, khawsak te an tisang kher chuang lova, Mizo chu kan ni ve lo, kei ngei pawh hi ka ni lovang. Pawisa khawl hi har ka ti, ka hmang thiam mah mah.
Ka chung ami sawi ang Mizo Mistiri chu kan chhawr ngai lo, kan mizo chhawr te chu chak pui pui, taima leh hnathiam, thahnem ngai, mahni eizawnna ni tih hre kar an ni zel. Book lawk an ngai bawk. Hna neih loh lai an nei ngai lo.
Report this comment
July 27th, 2007 at 4:36 pm
Zo, i buai lutuk a, kan phone pawh i chhang hman thin lova, kan reh a nih hi. Chhangchhe pa tan hi chuan buaina tur hi a tam em bawk a ni.. tiraw??
Shahnaz Kimi : Ka lawm e.
roniez : Ok, Ok. I source i ziah chuan a tawk a lo’m.
Report this comment