To
Ka hmangaih ber leh enchim loh nui mawite,
A hmasain he thu tlawm tak ka ziahna kut ngei hmang hian vawn loh chibai ka buk a che.
Lal ropui ber Solomon-a meuh pawhin a tluk loh Tuktin Par leh biahnem hlantu chhemdam thlifim ianga Zawlkhaw mawitu i lo nih zel ka beisei. Kei pawh Khuanu venna zarah nang ngaia lunglennate leh nun khawharna ka tuar tih mai lohah chuan ka dam that lai a ni e.
Duh tak, sawi tur a tamin sawi hmasak tur erawh hriat a va har si em! A chhan chu maw- Ka tan hian Saron par iangin i vul tawh si a;nimahsela rilru ngaihtuahna tih mai loh chu hringmi taksa hian khua hmunah kan lengdun thei rih si lo. Min dantu kar hi a hla lua a ni e. Zaleng dangte chuan rosum hmachhuanin nang Zawlkhaw Rose Par meuh chu an rawn hel ang che tih ka ring si. Nimahsela kei erawh chuan i tawnah hian ka hmangaihna che mai lo chu chhuan tur ka nei ve si lo hi a ni.
Duh tak, kum khat chhunga hun nuam ber pawla an sawi March thla boruak nuam tak chu a lo thleng a, fartuah leh vaube par ten insi rial rialin zo thlifim karah tudang ngai lovin tlaini an leng asin. An mawina tivul tur hrimin sava leh khuai chi hrang hrang ten an rawn bawm bawk asin! An va mawi em. Nimahsela ka tan chuan nang ngaih zualtirtu mai an lo ni si. Lunglen khawharna a reh mahna tiin fur hun ka han nghak thleng ta ngei a. Mahse e duh tak, he furpui-a ruah sur buan buan kara Uchang hram leh tui hawk luang ri ker ker te meuh pawh nang mi ngaihzualtirtu a lo chang zel si. Di thli farfema ruahtui lo luanglut tur intawn ri vel te chuan Senhri par hnuaia tudang ngai lotea hlim taka i nui seih seih lai te kha min hriat chhuahtir leh lawi si. A zia mahna tiin thlasik hun pui pawh ka pal thleng leh ta. Tawrh a va har leh zel em ka duat. Khawngaihna leh dimdawina tel miah lova thlasik khawvawtin mi rawn nuai changin ka bulahi i awm lo a ni tih tichiangtu mai a lo ni leh si thin a. I lakah chuan engmah hian min lo dang thei lo a ni ber e.
Chinghnia leh Sihal te chuan bu an nei a, chung leng sava te chuan riah buk an nei a sin. Kei erawh nang ngaiin riah run ka vai si thin. Mahse, nang ngaia tuktin zing nichhuak chhiara intawn leh hun nghakhlel a riang vala hi min nghilh suh la, i thinlai lairil berah min vei ve rawh aw, chutin nangnen khuanu samsuihin runhmun kan leng dun dawn si a. Val dang te chu sirah hnawl zelin rinawm ten lo awm thin ang che aw, chu chu ka tana mi tihsak theih hlu ber leh awmchhun a ni si a.
Siamtu mi duansak ka lei taksa leh aw ka te hi che thei leh chhuak theiin lo awm lo ta pawh nimahse ka thisen zungzam tal hi chu nangmah ngaiin a au chhuak tho tho dawn asin. Nang chu meipui hlauhawm pawh vurtlang anga mi hmuhtir theitu; lirnghing rapthlak pawh mutbu chhah tak chunga insawizawi ang maia min hriattir theitu; thil chang ber pakhat Kahpathir meuh pawh hlau lo leh buhpawl tluk leka mi hmuhtir theitu ngei ka duhlai i ni si.
I lakah hi chuan sawi tur hi a lo va tam ngai em! A sawi chhuahna turin hmui panga lai pawh hawh mah ila sawi seng lovin hmui pakhat chu a la ngawi tho awm asin. He thu ka ziah lai mek pawh hian a bul tanna hawrawp ka chhu tan dawn chauh emaw ka intih lain ka lehkhapuan a lo zo dawn der mai si a! A tawp lam ka lo hnaih ta anih pawhin lung lohva i lak loh hram ka beisei. He lehkha tlawm tak hian i kut a lo thlen rualin i kutzungchal atanga i taksa puma ka hmangaihna che luangliam chuan a fan chhuah che ka va duh tehlul em. Chuti’n nang paw’n a rang lama thaikawi palai i rawn tirh ve thuai ka lo beisei reng dawn e. Zing ni chhuak leh tlai ni tla a awm chhung chu he khawvelah hian nitin ni thar duhawm hmang tura chibaitu che leh mangtha thintu che a awm tih mi lo hriatsak reng dawn nia. Tawk lo chungin tawk rih mai se.
Hei chauh ti hian ka ngen a che: Chhingkhual atang chuan i nitin nunkawng leh i dawn lungrukte hriatreng a har awm si a; chuvangin ka tan lo rinawm phawt ang che.
Hmangaiha zawngtu che leh nghak rengtu che,
Mr.J________.
————————————————————————-
Similar Posts:
- Ka Di, Ka Di, ka ngai em a che!
- Chhiartu duh tak
- Muhil thawh a hun e
- Sikni Eng
- Bible Thu Chang Inkalh Anga Lang
May 24th, 2012 at 1:07 am
First phawt ang
Ka first khat tawh emai
Report this comment
May 24th, 2012 at 1:22 am
I lakah hi chuan sawi tur hi a lo va tam ngai em! A sawi chhuahna turin hmui panga lai pawh hawh mah ila sawi seng lovin hmui pakhat chu a la ngawi tho awm asin. He thu ka ziah lai mek pawh hian a bul tanna hawrawp ka chhu tan dawn chauh emaw ka intih lain ka lehkhapuan a lo zo dawn der mai si a! A tawp lam ka lo hnaih ta anih pawhin lung lohva i lak loh hram ka beisei
i tihchhan ka hria ..he2.. a literature value sang khawp mai
Report this comment
May 24th, 2012 at 1:22 am
A va thlum tha dap dap em…
Paws khawizu tak ani
Report this comment
May 24th, 2012 at 1:32 am
E khai, naktuk zingah a chhuak dawn emaw ka ti sia, a va hma teh vuk ve le. Hairehai.
@2,LaMea CâcTùs FLh, ka tih chhan hming chu min lo hrilh teh. I hriat hi ka ring lo mange.
Report this comment
May 24th, 2012 at 1:34 am
CFL chu va luangliam ve nasa ve hehe!! Ngaihnawm khawp mai
Report this comment
May 24th, 2012 at 1:38 am
CFLa chu val upa senior zet tawh turah ka lo ngai che a, ka ring sual ta viau mai a..
Report this comment
May 24th, 2012 at 1:42 am
@ 6 hretheia, Keimah Thingtlangpa ka lo rin ang deuhvin i lo ring ve a va nih hmel em. Kum zat han sawi dawt hi chu a ni bik chiah si lova. Miss aduhi hian a hria ang.
Report this comment
May 24th, 2012 at 1:57 am
Mr J_____???
Report this comment
May 24th, 2012 at 2:39 am
A va ril dap dap ve le.
Kan misual hmeichhiate khan han comment chur chur teh u le. Post-tupa hi love letter ziah tir tlak a ni dawn em? 
A pic. khian lung a kuai reuh, khiti ang khi kan ngaisang thei roof..haha
tren tren
Report this comment
May 24th, 2012 at 6:15 am
“Chinghnia leh Sihal te chuan bu an nei a, chung leng sava te chuan riah buk an nei a sin.”
Chinghnia leh sihal te’n bu an nei ngai lo, “Kua” an nei a. Sava te’n bu an nei thin.
A ril dap dap ngei mai.
Report this comment
May 24th, 2012 at 7:25 am
Het! Shaala! Ava rapthlak ve!
Hetiang post hi chuan ka hlum a ti na tlat.
Report this comment
May 24th, 2012 at 7:48 am
Tukchhuah nuam vek u le
Hmangaih Lehkhathawn hi chhiar a nuam. Tawngkam i thiamzia a lang e. Thenkhat chu khawpui an rik dur dur te hian an lung a leng thin asin. Lungleng mi tan chuan lunglenna chhan tur hi a lo tam khawp mai.
Report this comment
May 24th, 2012 at 9:10 am
Va thluaithlum nalh ang reng ve ti ve ngawt mai teh ang, ka hrethiam chiah chuang lova
………….la ziah tum ve chhin ila tha ang . ka ngaihzawng neih ve pakhat, mak in ti deuh maithei 
Report this comment
May 24th, 2012 at 9:41 am
He hmangaih lehkhathawn dawngtu chu, nula vannei tak a ni tih ka puang e…
Nula bem dan tur min lo ziahsak ve teh, min rawn inbkawks keuh mai la… 
Tehkhin thu nena i belmawi thiam khian, i lehkhathawn a tihlu zualin ka hria…
Report this comment
May 24th, 2012 at 9:51 am
He thu thlum zet hi thawn chhuah lova dah tawl a nih ringawt chuan a thlumna khian awmzia a nei phak dawn lo. A dawng tu tur takin dawng tak maw?
A hrim hrimin i va thawn har tawh ve CFL.. 
Report this comment
May 24th, 2012 at 9:51 am
Old model raih mai. MNF movement vanglaia an bialnute lehkha an thawn(a thiam bik ten an in ziah sak fo) ang mai a lawm.
Report this comment
May 24th, 2012 at 11:06 am
Report this comment
May 24th, 2012 at 1:58 pm
I love it!!! Tha lutuk tlat…
A ngaihnawm ka ti hliam hliam kher mai!
Report this comment
May 24th, 2012 at 2:09 pm
Ziak thiam hlap hlap khawp mai, alo dawngtu pawh a nui var var maithei a ni. Mahse, ka’n ti te’ng, ka bialpa min thawn chu ni ta se ka ban chiang ngawt ang. Hetiang tawngkama biahthu inhlan duah hluah hi mimal takin ka ti thei lo. Hmangaihna chu a sawia sawi a ni lo, a tiha tih a ni zawk
Report this comment
May 24th, 2012 at 10:44 pm
Ziak Morantic hle mai……
#8 chu hretheia pawn a hrelo anih khi….
Report this comment
May 25th, 2012 at 3:32 pm
uileee…vin mawi tluang tak em…mood off veks…
Report this comment
October 20th, 2012 at 2:34 pm
Charice_mizo # 19, a thu a thlum ang bawkin chetziaah pawh ka lo che thlum viau tho maithei asin aw. hahah
Report this comment